Abaroma 15
15
Khuchamisinjie abashieefwe-ifwe abeene ta
1Ifwe abamaani khukhoyile okhwisimilisilia obukanakanii bwabateshele, obureechamisia abeene ta. 2Buli mundu mwifwe achamisie owashie namunyoolela amalayi akamuumbakha. 3Shichila Kristo yesi shiyayeechamisia omwene ta; nebutswa shinga olwa kahandiikwa, mbu Obukondesheli bwa abo abakhukondeshela bwangwila. 4Okhuba ako kosi akahandiikwa khale kahandiikwa mbu ifwe khwechelemwo; mbu khulwa obwisimilisii khandi khulwa obuhabini bwamahandiiko, khube nobunaayi. 5Kho Nya saye omwa obwisimilisii nende obuhabini burula amuwinjanie mumakhuwa malala abeene nabeene, shinga Yesu Kristo olwa yakhumanyia; 6mbu olwa muli namapaaro malala mumuheelesie Nyasaye Samwana Omwami weefwe Yesu Kristo oluyali nomwoyo mulala.
Abamahanga bahulile Injiili
7Khulwako, mwinjisaninjie abeene nabeene, shinga Kristo olwa yamwinjisia inywe, mbu Nyasaye aheebwe oluyali. 8Okhuba emboola mbu Kristo yeekhola omukhalabani wabeshishebo khulwa obwatoto bwaNyasaye, mbu atinyisie obusuubisie obwa abakuuka basuubisibwa, 9khandi mbu Abamahanga bamuheelesie Nyasaye oluyali khulwa tsimbabasitsie; shinga olwa kahandiikwa, mbu
Niko akachila ndalakhufuminjia hakari wamahanga,
ninzelelela eliiralio.
10Khandi kaboola kari
Inywe Abamahanga, mwikhoye halala nabandube.
11Khandi kari
Mumwitsoomie Omwami, inywe Abamahanga mwesi;
amahanga kosi nako kamwitsoomie.
12Khandi Isaya yaboola ari
Eshisina shiaYese shilabaho,
nende omwenoyo oubuukha okhuruka Abamahanga;
ne niye owa Abamahanga balanaayanga.
13Ne bulaano Nyasaye omwa obunaayi burula yeetsusie mwinywe obusangaafu bwosi nende omulembe mukhusuubila khweenywe, mbu mana obunaayi bushilaane mwinywe, khulwa obunyali bwaRoho Omutakatifu.
14Nasi omwene, baana beefwe, emanyile bulayi shinga obulayi nende obumanyi bwosi olwa bwitsuule mwinywe, nimunyala murio okhuchesihania. 15Ne khulwa obukoosia obwa Nyasaye yangoosia ninabwo emuhandiichila chiminiyai khumakhuwa kandi, nimwitsusia khuko khandi, 16mbu embe omukhalabani waKristo Yesu khuBamahanga, nikholela injiili yaNyasaye emilimo chiobukuhani, mbu Abamahanga bamalwe shinga omusango okunyala okhuchamwa, okhuba Roho Omutakatifu yakwahula.
17Khulwako, muKristo Yesu nditsialila emilimo echia emukholela Nyasaye. 18Shindakhatsaalikha okhusunga khwikhuwa lindi liosi ta, habula ako aka Kristo yakhola mumilimo chianje, nachila Abamahanga nibahulila, mumasungo nende mubikhole, 19khulwa obunyali bwebilolelo nende amakana, khulwa obunyali bwaRoho Omutakatifu. Ne okhurula eYerusalemu, nende okhubotokhana okhuula eIliriko, ndayeelwatsiile elala injiili yaKristo. 20Toto mwene, ndarakhwo omwoyo okhwilwatsa injiili ewa eliira liaKristo liali nilirashiamanyikha ta, mbu endeshe okhuumbakha khumuse okwa oundi yakhupa;
21ne shinga olwa kahandiikwa, mbu Abaraboolelwa akeke ta bakhalole,
nabo abarahulila ta bakhamanye eshisina.
Paulo yeekasia okhursia eRoma
22Ne niko akachila ndayinjilungwa akhandi akhanji endio, oburamwitsila ta, 23ne bulaano shishili nobwiyangu mumbali tsino ta, ne nemiyika eminji nindikombanga okhumwitsila 24olwa ndakhaba ninzia eSipania; ne enaayanga mbu ndakhamulole khuluchendo lwanje, neenyu mulanylmgula okhutsiayo, olwa ndakhabe nimalile okhunyalikha mulubuutso Iweenywe. 25Habula bulaano enzia eYerusalemu, nimbakhalabanila abatakatifu. 26Shichila abeMakedonia nende Akhaya bali nibachamile okhuhaana eshiobusanjilani khubamanani abomubatakatifu abali eYerusalemu. 27Bali nibachamile bario; ne toto mwene, bali abeekobi babwe. Okhuba Abamahanga nibaba nibasanjilaane ninabo khumakhuwa karoho, kabakhoyeele kario okhubakhalabanila mukomubili kosi. 28Olwa ndakhaba nimalilisiye omulimo kuno nimbatinyisiliye ebiamo bmo, ndakhabirile khwinywe ninzia eSipania. 29Khandi emanyile mbu olwa ndakhamwitsile, ndakheetse mubulamba bweikhabi yaKristo.
30Ne bulaano emusaaya, baana beefwe, khulwa Omwami weefwe Yesu Kristo, khandi khulwa obuheeli oburula khuRoho, mbu musanjilane ninasi mubulwani nimusaaya Nyasaye khulwanje; 31mbu ehonibwe mubeenabo abali abakhayi ebuYahudi, khandi mbu obukhalabani obwa endi ninabwo khulwa Yerusalemu buchamwe nende abatakatifu; 32khandi mbu enzule ewa muli nobusangaafu khulwa okhwenya khwaNyasaye, ninyoola obuhuluushi halala nineenywe. 33Ne bulaano Nyasaye womulembe abeetsenje nineenywe mwesi. Amina.
Currently Selected:
Abaroma 15: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
