Abaroma 5
5
Akarula mukhubasilibwa obulunjishi
1Khulwako, olwa khubasilibwa obulunjishi khurio khulwa obusuubili, khuli nomulembe khuNyasaye khulwa Omwami weefwe Yesu Kristo. 2Khandi niye ouchila nikhwinjisibwa khulwa obusuubili mubukoosia buno omwa khusinjiile; nikhwikhoyela obunaayi bwoluyali lwaNyasaye. 3Ne shikali ako konyene ta; habula mbu khwikhoyelenje amasila keefwe; nikhwitsulila mbu amasila keebula obwisimilisii; 4obwisimilisii nabwo bwibula obutinyilifu; nobutinyilifu bwibula obunaayi; 5nobunaayi obwo shibuchweyekha ta; shichila obuheeli bwaNyasaye bwatsukhwa butsukhwa mumioyo chieefwe khulwa Roho Omutakatifu owa khwaheebwa.
6Okhuba olwa khwali nikhushili abatofu, induukho olwa yoola Kristo yafwila abo abararia Nyasaye ta. 7Okhuba nobutinyu omundu okhufwila oundi, kata ouli omulunjishi; ne haundi yakhabaho omundu oweikholo nyumu owakhafwila omulayi. 8Ne Nyasaye yalolosia obuheeli bubwe khwifwe mwikhuwa lino, mbu olwa khwali nikhushili aboonooni, Kristo yakhufwila. 9Kho bulaano, olwa khumalile okhubasilibwa obulunjishi khulwa amabangake, shikhulashila muno okhuhonibwa muburima khululwe? 10Shichila nikhuba nikhwasaasanibwa nende Nyasaye khulwa okhufwa khwOmwanawe, olwa khwali abasuku, bulaano olwa khumalile okhusaasanibwa shikhulashila muno okhuhonibwa khulwa obulamubwe? 11Ne shikali ako konyene ta; habula mbu khwikhoyelanga Nyasaye khulwa Omwami weefwe Yesu Kristo, owa khunyooleelemwo obusaasanibwi obwo.
Adamu naKristo
12Niko akachila, shinga obwonooni olwa bweenjila mushialo khulwa omundu mulala, nende okhufwa khulwa obwonooni; nindio okhufwa khwatswanila abandu bosi, okhuba bosi boonoona; 13shichila obwonooni bwalinjiho mushialo amalako nikarashiahaanwa ta; ne aha amalako kabula, obwonooni shibubasilibwa abandu ta. 14Ne kata nikali kario, okhufwa khwali nikhurukanga, okhurula khuAdamu okhuula khuMusa, kata khubeenabo abarakhola ebionoono ebifwana shinga obukhayi bwaAdamu ta; ne ye yali eshifwanani shia oyo owali nali okhwitsa.
15Ne eshihaanwa eshia khuheebwa buha eshio shishili shinga obukhayi olwa bwali, tawe. Okhuba abandu abanji nibaba nibafwa khulwa obukhayi bwamulala, okhushila muno obukoosia bwaNyasaye, nende eshihaanwa eshiarula mubukoosia bwomundu mulala oyo Yesu Kristo, biashilaanila muno abandu abanji. 16Ne eshihaanwa eshio shishifwana shinga ako akeetsa khulwa mulala owoonoona, ta; okhuba obukhalachi bwarula khumulala nibuleera okhufwilwa eshiina, ne eshihaanwa shiarula mubukhayi obunji nishileera okhubasilibwa obulunjishi. 17Okhuba obukhayi bwamulala nibuba nibwachila okhufwa khwaruka khulwa mulala tsana, abo abanyoola obunji bwobukoosia nende obweshihaanwa shiobulunjishi shibalashila muno okhuruka mubuIamu khulwa oyo mulala, Yesu Kristo?
18Kho mana, shinga obuyaasii olwa bweetsela abandu bosi nibuleera obukhalachilwi khulwa obukhayi bulala, nundio eshihaanwa shieetsela abandu bosi khulwa eshikhole shilala shiobulunjishi, nishichila nibabasilibwakhwo obulunjishi nibanyoola obulamu. 19Okhuba shinga abanji olwa beekhola aboonooni khulwa oburahulila bwomundu mulala ta, nindio abanji balikholwa abalunjishi khulwa obuhulili bwamulala. 20Kho amalako keeyinjisiamwo, mbu obukhayi bushilaane; ne ewa obwonooni bwashilaanila, obukoosia nabwo bwashilaana muno muno. 21Mbu shinga obwonooni olwa bwaruka mukhufwa, nindio obukoosia buruche khulwa obulunjishi nibuleera obulamu bwobumeli khulwa Yesu Kristo Omwami weefwe.
Currently Selected:
Abaroma 5: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Abaroma 5
5
Akarula mukhubasilibwa obulunjishi
1Khulwako, olwa khubasilibwa obulunjishi khurio khulwa obusuubili, khuli nomulembe khuNyasaye khulwa Omwami weefwe Yesu Kristo. 2Khandi niye ouchila nikhwinjisibwa khulwa obusuubili mubukoosia buno omwa khusinjiile; nikhwikhoyela obunaayi bwoluyali lwaNyasaye. 3Ne shikali ako konyene ta; habula mbu khwikhoyelenje amasila keefwe; nikhwitsulila mbu amasila keebula obwisimilisii; 4obwisimilisii nabwo bwibula obutinyilifu; nobutinyilifu bwibula obunaayi; 5nobunaayi obwo shibuchweyekha ta; shichila obuheeli bwaNyasaye bwatsukhwa butsukhwa mumioyo chieefwe khulwa Roho Omutakatifu owa khwaheebwa.
6Okhuba olwa khwali nikhushili abatofu, induukho olwa yoola Kristo yafwila abo abararia Nyasaye ta. 7Okhuba nobutinyu omundu okhufwila oundi, kata ouli omulunjishi; ne haundi yakhabaho omundu oweikholo nyumu owakhafwila omulayi. 8Ne Nyasaye yalolosia obuheeli bubwe khwifwe mwikhuwa lino, mbu olwa khwali nikhushili aboonooni, Kristo yakhufwila. 9Kho bulaano, olwa khumalile okhubasilibwa obulunjishi khulwa amabangake, shikhulashila muno okhuhonibwa muburima khululwe? 10Shichila nikhuba nikhwasaasanibwa nende Nyasaye khulwa okhufwa khwOmwanawe, olwa khwali abasuku, bulaano olwa khumalile okhusaasanibwa shikhulashila muno okhuhonibwa khulwa obulamubwe? 11Ne shikali ako konyene ta; habula mbu khwikhoyelanga Nyasaye khulwa Omwami weefwe Yesu Kristo, owa khunyooleelemwo obusaasanibwi obwo.
Adamu naKristo
12Niko akachila, shinga obwonooni olwa bweenjila mushialo khulwa omundu mulala, nende okhufwa khulwa obwonooni; nindio okhufwa khwatswanila abandu bosi, okhuba bosi boonoona; 13shichila obwonooni bwalinjiho mushialo amalako nikarashiahaanwa ta; ne aha amalako kabula, obwonooni shibubasilibwa abandu ta. 14Ne kata nikali kario, okhufwa khwali nikhurukanga, okhurula khuAdamu okhuula khuMusa, kata khubeenabo abarakhola ebionoono ebifwana shinga obukhayi bwaAdamu ta; ne ye yali eshifwanani shia oyo owali nali okhwitsa.
15Ne eshihaanwa eshia khuheebwa buha eshio shishili shinga obukhayi olwa bwali, tawe. Okhuba abandu abanji nibaba nibafwa khulwa obukhayi bwamulala, okhushila muno obukoosia bwaNyasaye, nende eshihaanwa eshiarula mubukoosia bwomundu mulala oyo Yesu Kristo, biashilaanila muno abandu abanji. 16Ne eshihaanwa eshio shishifwana shinga ako akeetsa khulwa mulala owoonoona, ta; okhuba obukhalachi bwarula khumulala nibuleera okhufwilwa eshiina, ne eshihaanwa shiarula mubukhayi obunji nishileera okhubasilibwa obulunjishi. 17Okhuba obukhayi bwamulala nibuba nibwachila okhufwa khwaruka khulwa mulala tsana, abo abanyoola obunji bwobukoosia nende obweshihaanwa shiobulunjishi shibalashila muno okhuruka mubuIamu khulwa oyo mulala, Yesu Kristo?
18Kho mana, shinga obuyaasii olwa bweetsela abandu bosi nibuleera obukhalachilwi khulwa obukhayi bulala, nundio eshihaanwa shieetsela abandu bosi khulwa eshikhole shilala shiobulunjishi, nishichila nibabasilibwakhwo obulunjishi nibanyoola obulamu. 19Okhuba shinga abanji olwa beekhola aboonooni khulwa oburahulila bwomundu mulala ta, nindio abanji balikholwa abalunjishi khulwa obuhulili bwamulala. 20Kho amalako keeyinjisiamwo, mbu obukhayi bushilaane; ne ewa obwonooni bwashilaanila, obukoosia nabwo bwashilaana muno muno. 21Mbu shinga obwonooni olwa bwaruka mukhufwa, nindio obukoosia buruche khulwa obulunjishi nibuleera obulamu bwobumeli khulwa Yesu Kristo Omwami weefwe.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975