Abaroma 6
6
Abafu khubwonooni, ne abalamu muKristo
1Kho khusunje khurie? Khutsiililile mubwonooni, mbu obukoosia mana bushilaane? 2'A, nahatuutu ta. Ifwe abafwa halubeka lwobwonooni, khwakhanyala khurie okhutsiililila okhumenya mubwo? 3Nohomba mushili okhumanya mbu ifwe fwesi ababatisibwa nikhwinjisibwa muKristo Yesu khwabatisibwa nikhwinjisibwa mukhufwakhwe? 4Khulwako khwayabilwa ninaye halala nikhwinjisibwa mukhufwa khulwa obubatisibwi; mbu mana shinga Kristo olwa yalamusibwa okhurula mukhufwa khulwa oluyali lwaSeefwe, neefu fwesi khurio khuchende mubuIamu obuyia.
5Shichila nikhuba nikhwaliimaasibwa ninaye khulwa okhufwa khulala nende okhukhwe, khuliba khurio khandi khulwa okhulamusibwa khulala nende okhukhwe. 6Okhuba khwamanya likhuwa lino, mbu imela yeefwe yakhale yabambilwa khumusalaba halala ninaye, mbu omubili omwonooni mana kuhweho, ifwe nikhuraba abasumba bobwonooni khandi ta; 7okhuba omundu owafwa nomulekhuule halubeka lu obwonooni. 8Ne nikhuba nikhwafwa halala nende Kristo, khusuubila mbu khulabaho abalamu ninaye khurio; 9nikhumanyile mbu Kristo olwa yalamusibwa okhurula mukhufwa, shialifwa khandi ta; okhufwa shikhushilikhwo nende oburuchi khuye ta. 10Okhuba okhufwa, yafwila obwonooni lulala lwonyene; ne okhuba omulamu, abeetsanga omulamu khuNyasaye. 11Nineenywe mwesi murio mwibasie abeene shinga olwa muli abafu khubwonooni, habula abalamu khuNyasaye muKristo Yesu.
12Khulwako, murafuchiilila obwonooni okhuruka mumibili chieenywe chioburulanda, mbu mukholenje akobwikombi bwachio obubii, tawe. 13Kata mureehaananga ebiungo bieenywe khubwonooni bibe ebimanulwa biobumayaanu ta; ne mwihaane khuNyasaye, shinga olwa mwalamuushe okhurula mukhufwa, nende ebiungo bieenywe mbu bibe shinga ebimanulwa biobulunjishi khuNyasaye. 14Okhuba obwonooni shibulabakhwo noburuchi khwinywe ta; shichila shimuli abasumba bamalako ta, habula abasumba bobukoosia.
Abasumba bobulunjishi
15Kho karie? Khuloonoonanga, shichila shikhuli abasumba bamalako ta, habula bobukoosia? 'A, nahatuutu ta. 16Shimumanyile mbu olwa muba nimwihaanile abeene khumundu okhuba abasumbabe abamuhulila, muli abasumba bomwenoyo owa muhulilanga; kata abasumba bobwonooni obuleera okhufwa, kata bobuhulili obuleera obulunjishi? 17Ne khumuupila Nyasaye orio, shichila olwa mwalinji abasumba bobwonooni, mwachaaka okhuhulila nokhukhola nende omwoyo kwosi omufwano kwobuchesi okwa mwahaanilwa; 18ne olwa mwalekhuulwa mubusumba bwobwonooni, mwakwa abasumba bobulunjishi. 19Esunga shinga omundu namundu khulwa obuteshele bwemibili chieenywe. Shichila shinga olwa mweehaana ebiungo bieenywe bibe shinga abasumba beshifwabwi nende obumayaanu obuleera obumayaanu, bulaano mwihaane muri nanwa ebiungo bieenywe bibe abasumba bobulunjishi obuleera obutakatifu.
20Okhuba olwa mwalinji abasumba bobwonooni, mwali abalekhuule halubeka Iwobulunjishi. 21Kho nebiamo shiina ebia mwanyoola mundaalo etsio khumakhuwa ako aka bulaano mufwimbilwa emirwe? Okhuba obumaliilishi bwako nokhufwa. 22Ne bulaano olwa mulekhuulilwe mubusumba bwobwonooni, nimukwa abasumba baNyasaye, muli nende ebiamo bieenywe ebileera obulakatifu, nobumaliilishi bwabio nobulamu bwobumeli. 23Okhuba omushaara kwobwonooni nokhufwa; ne eshihaanwa shiaNyasaye nobulamu bwobumeli muKristo Yesu Omwami weefwe.
Currently Selected:
Abaroma 6: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Abaroma 6
6
Abafu khubwonooni, ne abalamu muKristo
1Kho khusunje khurie? Khutsiililile mubwonooni, mbu obukoosia mana bushilaane? 2'A, nahatuutu ta. Ifwe abafwa halubeka lwobwonooni, khwakhanyala khurie okhutsiililila okhumenya mubwo? 3Nohomba mushili okhumanya mbu ifwe fwesi ababatisibwa nikhwinjisibwa muKristo Yesu khwabatisibwa nikhwinjisibwa mukhufwakhwe? 4Khulwako khwayabilwa ninaye halala nikhwinjisibwa mukhufwa khulwa obubatisibwi; mbu mana shinga Kristo olwa yalamusibwa okhurula mukhufwa khulwa oluyali lwaSeefwe, neefu fwesi khurio khuchende mubuIamu obuyia.
5Shichila nikhuba nikhwaliimaasibwa ninaye khulwa okhufwa khulala nende okhukhwe, khuliba khurio khandi khulwa okhulamusibwa khulala nende okhukhwe. 6Okhuba khwamanya likhuwa lino, mbu imela yeefwe yakhale yabambilwa khumusalaba halala ninaye, mbu omubili omwonooni mana kuhweho, ifwe nikhuraba abasumba bobwonooni khandi ta; 7okhuba omundu owafwa nomulekhuule halubeka lu obwonooni. 8Ne nikhuba nikhwafwa halala nende Kristo, khusuubila mbu khulabaho abalamu ninaye khurio; 9nikhumanyile mbu Kristo olwa yalamusibwa okhurula mukhufwa, shialifwa khandi ta; okhufwa shikhushilikhwo nende oburuchi khuye ta. 10Okhuba okhufwa, yafwila obwonooni lulala lwonyene; ne okhuba omulamu, abeetsanga omulamu khuNyasaye. 11Nineenywe mwesi murio mwibasie abeene shinga olwa muli abafu khubwonooni, habula abalamu khuNyasaye muKristo Yesu.
12Khulwako, murafuchiilila obwonooni okhuruka mumibili chieenywe chioburulanda, mbu mukholenje akobwikombi bwachio obubii, tawe. 13Kata mureehaananga ebiungo bieenywe khubwonooni bibe ebimanulwa biobumayaanu ta; ne mwihaane khuNyasaye, shinga olwa mwalamuushe okhurula mukhufwa, nende ebiungo bieenywe mbu bibe shinga ebimanulwa biobulunjishi khuNyasaye. 14Okhuba obwonooni shibulabakhwo noburuchi khwinywe ta; shichila shimuli abasumba bamalako ta, habula abasumba bobukoosia.
Abasumba bobulunjishi
15Kho karie? Khuloonoonanga, shichila shikhuli abasumba bamalako ta, habula bobukoosia? 'A, nahatuutu ta. 16Shimumanyile mbu olwa muba nimwihaanile abeene khumundu okhuba abasumbabe abamuhulila, muli abasumba bomwenoyo owa muhulilanga; kata abasumba bobwonooni obuleera okhufwa, kata bobuhulili obuleera obulunjishi? 17Ne khumuupila Nyasaye orio, shichila olwa mwalinji abasumba bobwonooni, mwachaaka okhuhulila nokhukhola nende omwoyo kwosi omufwano kwobuchesi okwa mwahaanilwa; 18ne olwa mwalekhuulwa mubusumba bwobwonooni, mwakwa abasumba bobulunjishi. 19Esunga shinga omundu namundu khulwa obuteshele bwemibili chieenywe. Shichila shinga olwa mweehaana ebiungo bieenywe bibe shinga abasumba beshifwabwi nende obumayaanu obuleera obumayaanu, bulaano mwihaane muri nanwa ebiungo bieenywe bibe abasumba bobulunjishi obuleera obutakatifu.
20Okhuba olwa mwalinji abasumba bobwonooni, mwali abalekhuule halubeka Iwobulunjishi. 21Kho nebiamo shiina ebia mwanyoola mundaalo etsio khumakhuwa ako aka bulaano mufwimbilwa emirwe? Okhuba obumaliilishi bwako nokhufwa. 22Ne bulaano olwa mulekhuulilwe mubusumba bwobwonooni, nimukwa abasumba baNyasaye, muli nende ebiamo bieenywe ebileera obulakatifu, nobumaliilishi bwabio nobulamu bwobumeli. 23Okhuba omushaara kwobwonooni nokhufwa; ne eshihaanwa shiaNyasaye nobulamu bwobumeli muKristo Yesu Omwami weefwe.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975