Zakaria 12
12
Yerusalemu lilihonibwa
1Omusiiko omusitohu; mbu amakhuwa kOMWAMI khukaIsiraeli; mbu Kano niko aka OMWAMI aboola, oyo owabambula likulu, nakhupa eshialo omuse, nalonga iroho yomundu muye mukari; 2mbu Lole, ndalakwisia Yerusalemu eshikombe eshimeesinjia khumbia tsiosi tsiabandu ababotokhanaho; khandi shilaba khuYuda, mubwikalilwi bwaYerusalemu. 3Ne khunduukho eyo ndalakwisia Yerusalemu lichina lisitohu khumbia tsiabandu; bosi abalichinga balasaalila muno; nako amahanga kosi keshialo kalakhung'aana halala okhuliyinga. 4OMWAMI aboola mbu Khunduukho eyo ndalakoyaasia tsifarasi tsiosi, nindalusia bosi abachendela khutsio. Nebutswa ndalatimbula tsimoni khubeinzu yaYuda, olwa embofusia tsifarasi tsietsimbia tsiabandu. 5Nabo abebilibwa biaYuda balasunga mumioyo chiabwe bari Abamenyanga muYerusalemu bali abamaani muMWAMI, omwene mahe, Nyasaye wabwe.
6Khunduukho eyo ndalakhola ebilibwa biaYuda bibe shinga oluchio Iwomulilo hakari wetsikhwi, kata shinga eshitseso shiomulilo hakari webinywa; bilamala abandu ababotokhanaho pe, khumukhono musaatsa nokhumukhasi; naye Yerusalemu alamenya khandi hawuwe, mbu eYerusalemu.
7OMWAMI alaranjilila okhuhonia amaheema kaYuda, mbu oluyali Iweinzu yaDaudi noluyali lwabamenyanga muYerusalemu luleshe okhukaliyibwa okhuyomba olwaYuda. 8Khunduukho eyo OMWAMI alashinga ingabo khubamenyanga muYerusalemu; kata ouba omuteshele mubo alaba shinga Daudi; nayo inzu yaDaudi yilaba shinga Nyasaye, shinga malaika wOMWAMI nabeemililanga. 9Khandi khunyanga eyo ndalarakhwo omwoyo okhutibia amahanga kosi akeetsa okhuseera Yerusalemu.
10Ne khunzu yaDaudi, nokhubamenyanga muYerusalemu, ndalatsushiilila iroho yeshisa neyokhusaaya; balamuhenga oyo owa bafumira, nibamwikhuula, shinga owikhuula omwanawe omuteelwa; balamulilila obululu, shinga oulilila omwanawe omwikulanda. 11Khunduukho eyo okhwikhuula khulabaho eYerusalemu, shinga okhwikhuula khwaHadadirimoni mumuhololookhwe kwaMegido. 12Eshialo shileekhuula, buli shilibwa khubwashio; abeshilibwa shieinzu yaDaudi khubwabwe, kata nende abakhasi babwe khubwabwe; abeshilibwa shieinzu yaNatsani khubwabwe, kata nende abakhasi babwe khubwabwe; 13abeshilibwa shieinzu yaLawi khubwabwe, kata nende abakhasi babwe khubwabwe; abeshilibwa shiabaShimei khubwabwe, kata nende abakhasi babwe khubwabwe; 14nabebilibwa biosi ebishitong'a, buli shilibwa khubwashio, kata nende abakhasi babwe khubwabwe.
Currently Selected:
Zakaria 12: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975