Luug 4
4
Gumegem gwa Yees
(Maday 4:1-11; Malgo 1:12-13)
1Yees gayuul ande Muhuuŋ Agelel, lu gaduug mu Yoldan, Muhuuŋ gamudwaal mu maan mawum. 2Gunu, lyabul gamumeg biluum magumaya. Mu biluum bin abyooz loo galyaag. Gungoy nzal yi mugam. 3Lyabul gamulees ndaa: «De#4:3 mu gubalaman gwambaan (ha ande nzil 9) mumbad... wuleen Mwaan a Nzaam, wagal gul mudoy wu, gagidig lupa.» 4Yees gamufuduleen ndaa: «Masonog mawudey ndaa: “Muud loo gaziiŋ mumbad mapa buun#4:4 Det 8.3..”»
5Lyabul gamudwaal gu kab la tal, gamusongos mu daaŋ lalun bimfum abyooz bya hatal a maan 6ibun lyabul gamulees ndaa: «Buyiguwa giyeg agyooz ande keemb yi bimfum bi, mumbad abyooz bil byanga pa; ibun yafed guwa goonz wun wuyimazol. 7De ufogomo gutwaal ame, abyooz bu yiguwaa.» 8Yees gamufuduleen ndaa: «Basonog ndaa: “Wafed gufogomeen gag Mfum Nzaam anze ande gumusameen, ndebun#4:8 Det 6.13..”»
9Ibun Sadan gamudwaal gu Yelusalem, gamuninis a nsoŋ a yaaŋ la nzo Nzaam, gamulees ndaa: «De wuleen nsil Mwaan a Nzaam, lele, gibwiis munsin; 10mumbad Masonog maudey: “Nzaam galeed nswa gul dupuuŋ dwande mumbad gugugeb.” 11Ibun se: “Baguseen atal a myoog mya baa, mumbad guul lanze lugo gubulul mu mudoy#4:11 nzil ya 10-11: Mig 91: 11-12..”» 12Yees gamufuduleen: «Masonog ma udey ndaa: “Loo gumeg Mfum Nzaam a nze#4:12 Gul 6:16..”» 13Daaŋ sadan gamanas mu gumeg Yees mumitind amyooz, gamusiis, gaween gibaal ande nde mumbad gumuziig giluum gyambaan#4:13 mumbal ya mbaan: gubalaman gwambaan dii daaŋ lugasi..
Yees wayandag gisad gyande gu Galiley
(Maday 4:12-17; Malgo 1:14-15)
14Yees gafudug gu Galiley, gayuul ande ngol yi Muhuuŋ Agelel. Nsaaŋ ande yamwaŋaan mu gizyuŋ gin agyooz. 15Gawa looŋoog mu manzo ma bisaam ma Bayuda ibun baad abooz ba mu gumusaag.
Baad ba Nazaled badun Yees
(Maday 13:53-58; Malgo 6:1-6)
16Yees gaween gu Nazaled, gihan gigagul. Giluum gya sabad gawiŋin mu nzo yi bisaam yi Bayuda, nga bwagal gigalal gyande. Gamadag mumbad gudaaŋ Masonog 17ibun bamuwe mugaand wu munsuun paan Ezay. Gagangal, gadeel gihan gi basonog:
18«Muhuuŋ a Mfum gil atal a Me,
gamansyamas mumbad guyabas Nsaaŋ ya Piim gul bansugam.
Gamatum mu gulees baad babolog ndaa bu babadugus
ande gulees bifwa miis ndaa bu badeel,
gugangal baad ban ba nyogomogo,
19mumbad guyabas mvul yasongos Mfum mambod mande#4:19 Yees 61.1-2, badaaŋ mu mugaand wa tam wa Greg..»
20Gungoy Yees gagaaŋ mugaand, gafudul gul gisad gya nzo yi bisaam yi Bayuda ibun gabwensen. Abooz bagal mu nzo yi bisaam yi Bayuda, bayandag mu gumudal. 21Ibun gayandag mu gubalees ndaa: «Gidin gi Masonog maa malumawug noon malungusama.» 22Baad abooz badaag gimbaaŋ mumbad nde; bayidigaag mu malooŋ mapiim#4:22 mu malooŋ mapiim: gubalaman gwambaan mu maamb mapiim. madugaag mu gan lande. Bansunaag ndaa: «Wu loo gil mwaan a Yozef?» 23Yees gabalees ndaa: «Luyaab piim ndaa lutangane bingan bi ndaa: “Mungaaŋ, gizunus nze beene.” Landees lyaag ndaa: “Sal se ha bul bwanze, mapaan madawug nga pil yasal gu Gapelnawum.”» 24Gayig lyaag ndaa: «Yaululees mukyeleg, loo gul ande munsuun paan mos wu bagumeen ha bul bwande. 25Yaululees nsil mukyeleg ndaa: mu daaŋ lu Eliya, mifiil myagal myavul gu Isalel, daaŋ lagaman Yul, mamvul madad ande gandaam, mvul loo yanogoog. Laam lavul lawiŋin mu nsi ayooz#4:25 Batodol ba teeg 17.1. 26Ada ndubun, Nzaam loo gadum Eliya ada gul mufiil mos, gaanz gamudum gag gul mufiil mos wa ziŋaag gu Salepita, mu gizyuŋ gya Sidon#4:26 Batodol ba teeg 17:8-16.. 27Se mudaaŋ lu munsuun paan Elsa, baad ba bwaanz bagal bavul gu Isalel. Gaanz loo mos wagal wanga genzem, gag Namani buun , mwis Siliya#4:27 Batodol ba yool 5:1-14..»
28Daaŋ lubawug paan yi, abooz bagal mu nzo yi bisaam yi Bayuda bawug kab. 29Bamadag, badugus Yees a kab la bul, bamudwaal a to musel gihan gibaduuŋ Nazaled mumbad gu mupiinz gu nsin. 30Gaanz Yees galig akab a kab la baa, gaween.
Muud wagal ande muhuuŋ ambi
(Malgo 1:21-28)
31Gungoy, Yees gaween gu Gapelnawum, mbaanz ya Galiley, galongoog malooŋ mande gul baad abooz, mu giluum gya sabad. 32Baad bayidig ngol mupil yi galongoog mumbad gadeyeeg ande gimfum agyooz. 33Mu nzo bisaam yi Bayuda, gwagal ande muud wagal ande muhuuŋ a mviind wa lyabul. Gayandag gubog ande ngol: 34«Ah! Yees mwis Nazaled, kii nze ande biis? Mawiy mumbad gudubebese? Ngyaab naa wulene: wuleen Saand wadum Nzaam!» 35Yees gaŋaneen muhuuŋ ambi ande gumuwa nswa ndaa: «Gaaŋ gan, duug gul muud wu!» Muhuuŋ a mbi gabwiis muud mu maan gutwaal a baad abooz, ibun gaduug mukab lande, loo gamusal ada mbi imos. 36Baad abooz bayidig, babideyeneeg baa ye baa: «Kii ndag yi lyaag? Muud wu gauleed nswaa gul mihuuŋ mya mviin mu gimfum ande ngol ayooz, myase mimaduug!» 37Ibun Nsaaŋ ya Yees ya mwaŋaan mu bihan abyooz bi gizyuŋ gin.
Yees gazunus bambeef bavul
(Maday 8:14-17; Malgo 1:29-34)
38Yees gaduug mu nzo yi bisaam yi Bayuda, gaween gu nzo Simon. Bugo bwa Simon wu mukaad gagal ande mbaa la lud yavul ibun baloom gul Yees mu gumuzunus. 39Yees ganyeeg atal ande, mu ndag ya kab galeed nswa gulu mbaa, mu daaŋ lalun bugo bwa Simon gazuun ibun gayandag gubawa biim bi gulya.
40Mu masig#4:40 Dal Malg 1.32 ande bison bi masin., ban abooz bagal ande bambeef bagal ande gikaas gya pil ande pil, ba badwalaag gul Yees. Gabasaag myoog ande gubazunus. 41Mihuuŋ mya mbi myadugaag gul bambeef bavul mun gwawabag: «Wuleen mwaan a Nzaam!» Gaanz Yees gabaŋaneen ande gubagaaŋ nzil mu guko guwagal, mumbad baa bubayabaag ndaa gileen Mesiya.
Yees galooŋ mu manzo ma bisaam ma Bayuda
(Malgo 1:35-39)
42Daaŋ bwiis bwadeem, Yees gaduug mu nzo mween, gaween ha gihan gi gingeŋ. Gibug gya baad bayandag mu gumusag; daaŋ lubaduul ha gihan gigagal, bazoloog gugal ande nde, loo bazoloog gumubomon. 43Gaanz Yees gabalees ndaa: «Yafed guyabas Nsaaŋ ya piim yi Gimfum gya Nzaam mu mabul mambaan; gatum mumbad amyaa.» 44Ibun gayandag gwayabas mu manzo ma bisaam ma Bayuda ma Yudeya#4:44 Dala mu bison bi masin mu 1.5. Mu bison byambaan gudaaŋ gulu Galiley..
Currently Selected:
Luug 4: noq
Highlight
Copy
Compare
Share
Want to have your highlights saved across all your devices? Sign up or sign in
2025 The Seed Company in coordination with Association Congolaise de Traductions de la Bible
Luug 4
4
Gumegem gwa Yees
(Maday 4:1-11; Malgo 1:12-13)
1Yees gayuul ande Muhuuŋ Agelel, lu gaduug mu Yoldan, Muhuuŋ gamudwaal mu maan mawum. 2Gunu, lyabul gamumeg biluum magumaya. Mu biluum bin abyooz loo galyaag. Gungoy nzal yi mugam. 3Lyabul gamulees ndaa: «De#4:3 mu gubalaman gwambaan (ha ande nzil 9) mumbad... wuleen Mwaan a Nzaam, wagal gul mudoy wu, gagidig lupa.» 4Yees gamufuduleen ndaa: «Masonog mawudey ndaa: “Muud loo gaziiŋ mumbad mapa buun#4:4 Det 8.3..”»
5Lyabul gamudwaal gu kab la tal, gamusongos mu daaŋ lalun bimfum abyooz bya hatal a maan 6ibun lyabul gamulees ndaa: «Buyiguwa giyeg agyooz ande keemb yi bimfum bi, mumbad abyooz bil byanga pa; ibun yafed guwa goonz wun wuyimazol. 7De ufogomo gutwaal ame, abyooz bu yiguwaa.» 8Yees gamufuduleen ndaa: «Basonog ndaa: “Wafed gufogomeen gag Mfum Nzaam anze ande gumusameen, ndebun#4:8 Det 6.13..”»
9Ibun Sadan gamudwaal gu Yelusalem, gamuninis a nsoŋ a yaaŋ la nzo Nzaam, gamulees ndaa: «De wuleen nsil Mwaan a Nzaam, lele, gibwiis munsin; 10mumbad Masonog maudey: “Nzaam galeed nswa gul dupuuŋ dwande mumbad gugugeb.” 11Ibun se: “Baguseen atal a myoog mya baa, mumbad guul lanze lugo gubulul mu mudoy#4:11 nzil ya 10-11: Mig 91: 11-12..”» 12Yees gamufuduleen: «Masonog ma udey ndaa: “Loo gumeg Mfum Nzaam a nze#4:12 Gul 6:16..”» 13Daaŋ sadan gamanas mu gumeg Yees mumitind amyooz, gamusiis, gaween gibaal ande nde mumbad gumuziig giluum gyambaan#4:13 mumbal ya mbaan: gubalaman gwambaan dii daaŋ lugasi..
Yees wayandag gisad gyande gu Galiley
(Maday 4:12-17; Malgo 1:14-15)
14Yees gafudug gu Galiley, gayuul ande ngol yi Muhuuŋ Agelel. Nsaaŋ ande yamwaŋaan mu gizyuŋ gin agyooz. 15Gawa looŋoog mu manzo ma bisaam ma Bayuda ibun baad abooz ba mu gumusaag.
Baad ba Nazaled badun Yees
(Maday 13:53-58; Malgo 6:1-6)
16Yees gaween gu Nazaled, gihan gigagul. Giluum gya sabad gawiŋin mu nzo yi bisaam yi Bayuda, nga bwagal gigalal gyande. Gamadag mumbad gudaaŋ Masonog 17ibun bamuwe mugaand wu munsuun paan Ezay. Gagangal, gadeel gihan gi basonog:
18«Muhuuŋ a Mfum gil atal a Me,
gamansyamas mumbad guyabas Nsaaŋ ya Piim gul bansugam.
Gamatum mu gulees baad babolog ndaa bu babadugus
ande gulees bifwa miis ndaa bu badeel,
gugangal baad ban ba nyogomogo,
19mumbad guyabas mvul yasongos Mfum mambod mande#4:19 Yees 61.1-2, badaaŋ mu mugaand wa tam wa Greg..»
20Gungoy Yees gagaaŋ mugaand, gafudul gul gisad gya nzo yi bisaam yi Bayuda ibun gabwensen. Abooz bagal mu nzo yi bisaam yi Bayuda, bayandag mu gumudal. 21Ibun gayandag mu gubalees ndaa: «Gidin gi Masonog maa malumawug noon malungusama.» 22Baad abooz badaag gimbaaŋ mumbad nde; bayidigaag mu malooŋ mapiim#4:22 mu malooŋ mapiim: gubalaman gwambaan mu maamb mapiim. madugaag mu gan lande. Bansunaag ndaa: «Wu loo gil mwaan a Yozef?» 23Yees gabalees ndaa: «Luyaab piim ndaa lutangane bingan bi ndaa: “Mungaaŋ, gizunus nze beene.” Landees lyaag ndaa: “Sal se ha bul bwanze, mapaan madawug nga pil yasal gu Gapelnawum.”» 24Gayig lyaag ndaa: «Yaululees mukyeleg, loo gul ande munsuun paan mos wu bagumeen ha bul bwande. 25Yaululees nsil mukyeleg ndaa: mu daaŋ lu Eliya, mifiil myagal myavul gu Isalel, daaŋ lagaman Yul, mamvul madad ande gandaam, mvul loo yanogoog. Laam lavul lawiŋin mu nsi ayooz#4:25 Batodol ba teeg 17.1. 26Ada ndubun, Nzaam loo gadum Eliya ada gul mufiil mos, gaanz gamudum gag gul mufiil mos wa ziŋaag gu Salepita, mu gizyuŋ gya Sidon#4:26 Batodol ba teeg 17:8-16.. 27Se mudaaŋ lu munsuun paan Elsa, baad ba bwaanz bagal bavul gu Isalel. Gaanz loo mos wagal wanga genzem, gag Namani buun , mwis Siliya#4:27 Batodol ba yool 5:1-14..»
28Daaŋ lubawug paan yi, abooz bagal mu nzo yi bisaam yi Bayuda bawug kab. 29Bamadag, badugus Yees a kab la bul, bamudwaal a to musel gihan gibaduuŋ Nazaled mumbad gu mupiinz gu nsin. 30Gaanz Yees galig akab a kab la baa, gaween.
Muud wagal ande muhuuŋ ambi
(Malgo 1:21-28)
31Gungoy, Yees gaween gu Gapelnawum, mbaanz ya Galiley, galongoog malooŋ mande gul baad abooz, mu giluum gya sabad. 32Baad bayidig ngol mupil yi galongoog mumbad gadeyeeg ande gimfum agyooz. 33Mu nzo bisaam yi Bayuda, gwagal ande muud wagal ande muhuuŋ a mviind wa lyabul. Gayandag gubog ande ngol: 34«Ah! Yees mwis Nazaled, kii nze ande biis? Mawiy mumbad gudubebese? Ngyaab naa wulene: wuleen Saand wadum Nzaam!» 35Yees gaŋaneen muhuuŋ ambi ande gumuwa nswa ndaa: «Gaaŋ gan, duug gul muud wu!» Muhuuŋ a mbi gabwiis muud mu maan gutwaal a baad abooz, ibun gaduug mukab lande, loo gamusal ada mbi imos. 36Baad abooz bayidig, babideyeneeg baa ye baa: «Kii ndag yi lyaag? Muud wu gauleed nswaa gul mihuuŋ mya mviin mu gimfum ande ngol ayooz, myase mimaduug!» 37Ibun Nsaaŋ ya Yees ya mwaŋaan mu bihan abyooz bi gizyuŋ gin.
Yees gazunus bambeef bavul
(Maday 8:14-17; Malgo 1:29-34)
38Yees gaduug mu nzo yi bisaam yi Bayuda, gaween gu nzo Simon. Bugo bwa Simon wu mukaad gagal ande mbaa la lud yavul ibun baloom gul Yees mu gumuzunus. 39Yees ganyeeg atal ande, mu ndag ya kab galeed nswa gulu mbaa, mu daaŋ lalun bugo bwa Simon gazuun ibun gayandag gubawa biim bi gulya.
40Mu masig#4:40 Dal Malg 1.32 ande bison bi masin., ban abooz bagal ande bambeef bagal ande gikaas gya pil ande pil, ba badwalaag gul Yees. Gabasaag myoog ande gubazunus. 41Mihuuŋ mya mbi myadugaag gul bambeef bavul mun gwawabag: «Wuleen mwaan a Nzaam!» Gaanz Yees gabaŋaneen ande gubagaaŋ nzil mu guko guwagal, mumbad baa bubayabaag ndaa gileen Mesiya.
Yees galooŋ mu manzo ma bisaam ma Bayuda
(Malgo 1:35-39)
42Daaŋ bwiis bwadeem, Yees gaduug mu nzo mween, gaween ha gihan gi gingeŋ. Gibug gya baad bayandag mu gumusag; daaŋ lubaduul ha gihan gigagal, bazoloog gugal ande nde, loo bazoloog gumubomon. 43Gaanz Yees gabalees ndaa: «Yafed guyabas Nsaaŋ ya piim yi Gimfum gya Nzaam mu mabul mambaan; gatum mumbad amyaa.» 44Ibun gayandag gwayabas mu manzo ma bisaam ma Bayuda ma Yudeya#4:44 Dala mu bison bi masin mu 1.5. Mu bison byambaan gudaaŋ gulu Galiley..
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
2025 The Seed Company in coordination with Association Congolaise de Traductions de la Bible