Luug 5
5
Yees gabiil balongog bateeg
(Maday 4:18-22; Malgo 1:16-20)
1Giluum gimos, Yees gagal mumbiim a zwa la Genezaled#5:1 zwa la Genezaled: zin lambaan zwa la Galiley. Dal lyaag mu Malg 6: 53 ande bison gu masin., gibug gya baad bayuul mumbiim ande mumbad guwug Ndag a Nzaam. 2Gadeel mabwaad mool mu kig a nseg, balob mbiiz badulug mu mabwaad mumbad guwulul mawaand ma baa. 3Yees gawiŋin mu bwaad bwa Simon ibun gamuloom mu gudoog mu kig a nseg mu gupus bwaad gisyoo mu mweez. Yees gabwensen, ibun gayandag gulooŋ baad.
4Daaŋ lugamanas gulooŋ, galees Simon ndaa: «Pus bwaad gihan gil nziiŋ, ibun nze ande bandug banze, luluum mawaand mabeen mumbad gulob bambiiz.» 5Simon ndaa: «Looŋ, danga lob piib mumvimb, loo dumagam ada giim. Gaanz mu ndag yanze, buyaluum mawaand.» 6Baluum mawaand, bagam bambiiz bavul; ibun mawaand mayandag guwagag#5:6 Gufwanas Yow 21.6.. 7Babiil bandug ba baa ba gisad mu biliim, bagal mu bwaad bwambaan mu gubasalas. Bawiy, abooz bayulus bambiiz mu mabwaad ama mool, ibun mayandag gumyood. 8Daaŋ Simon Pedel gadeel ndubun, gafogom gutwaal a Yees, gansuun ndaa : «Mfum, doog bel a bel ande me, mumbad nguleen muud wumasum!» 9Simon, ande ban baagal ande nde, boom bubagam mumbad bambiiz babagam bavul a vul. 10Pil imos, Zyaag ande Yowaan, baan ba Zebede, bandug ba Simon ba gisad. Gaanz Yees galees Simon ndaa: «Loo guwug boom, daaŋlu wubala lob baad.» 11Badwaal mabwaad ma baa mu kig a nseg , basiis abyooz, ibun balab Yees.
Yees gazunus muud wagal ande gikaas gya bwaanz
(Maday 8:1-4; Malgo 1:40-45)
12Ibun giluum gyambaan, Yees gagal a bul bumos, muud mos gagal ande gikaas gya bwaanz gawiy. Daaŋ lu gadeel Yees, gafogom gutwaal ande mbuunz munsin, gamudodogeen ndaa: «Mfum, de bumazol, keenz.» 13Yees gasilimin goog, gamugam, ibun gansuun ndaa: «Yazolo, genzeme!» Mumbal imos gikaas gya bwaanz gyawi mu lud la muud. 14Yees gamunan manswii ndaa: «Paan yi, loo gulees muud. Gaanz ween gisongos gul ngaaŋ a Nzaam, leed gab pil yagyel Mose, mumbad lugal gimbaaŋ gul baad ndaa wa genzege#5:14 Dala Lev 14.2-32..» 15Nsaaŋ mumbad a Yees yamwangaan ndamb ande ndamb; ibun baad bavul ba uvuganaag mumbad gumuwug ande gumuloom mu gubazunus mu bikaas bya baa. 16Gaanz Yees gaweneeg mu bihan bi gingeeŋ mumbad gusaam.
Yees gazunus gigad
(Maday 9:1-8; Malgo 2:1-12)
17Giluum gimos, Yees gagal mun gulooŋ. Bafalize ande balooŋ ba nsig bagal ha han; baduug mu mabul amooz ma Galiley, ma Yudeya ande ma Yelusalem. Ngol ya Mfum#5:17 Mfum: nga mu masonog ma tam ande mu bidin bya gab1 ande 2 wa Luug, zin lu, lul la Nzaam. yagal ande Nde, yi musalasaasg mu guzunus bambeef. 18Baad bawiy, badwaal atal gipoy muud mos wagal gigad. Bagamaag pil yi gumuwiŋis mu nzo, mu gumudulul gutwaal a Yees. 19Gaanz loo badeleeg gihan gi gumuwiŋis mumbad baad bagal bavul. Bamuninis atal a yaaŋ la nzo, bapolol mafuŋ, bamudyees atal gipoy gyande a kab a kab la baad, gutwaal a Yees. 20Daaŋ Yees gadeel lugwigil la baa, gadey gul mbeef: «Ndoy ame, masum manze magulologo.» 21Balooŋ ba nsig ande bafalize bayandag guyindil: «Muud wu naa gili? Wabala dug Nzaam! Naa wafed gulolol masum de loo de Nzaam buun#5:21 gudug Nzaam: gufwanas Lev 24.16.- Nzaam buun: dala Mig 103:3; Ez 43:25. ?» 22Yees bugayaab manuuŋ ma baa, gabalees ndaa: «Mumbad akii lul ande manuuŋ magifagi? 23Kii bi magoon pas, mu gunsuun ndaa: “Masum manze, magulologo”, dolo mu gunsuun ndaa: “madaga ,weene”? 24Gaanz yimazol luyaab ndaa: Mwaan a muud gil ande giyeg gi gulolol masum atal a maan.» Ibun galees gigad ndaa: «Madaga, seen gipoy gyanze, fudug gu nzwaag!» 25Mumbal imos, muud gamadag gutwaal a baa, gaseen mbuuŋ ande yi gabidaneeg, gafudug gu nzwaan mun gwagumus Nzaam. 26Baad abooz bayidig, bayandag guwa Nzaam lugum, boom bubagam, bayandag gunsuun ndaa : «Noon dadeel paan ya ngidig!»
Yees ga biil Levi
(Maday 9:9-13; Malgo 2:13-17)
27Gungoy amya, Yees gaduug ibun gadeel mufudus gidal mos, zin lande Levi. Gagal wabwensen mu bilo lande lu gafudusaga gidal. Yees gamulees ndaa: «Ya ndaab!» 28Levi gamadag, gasiis biim byande abyooz, gamulab. 29Ibun Levi gasalas kiinz yinen gu nzo nde mu lugum la Yees. Bifudus gidal byavul ande baad bambaan bagal a mees ande baa. 30Bafalize ande balooŋ ba nsig bagal gimvug gimos ande baa, bayandag gwaŋun; balees balongog ba Yees ndaa: «Mumbad akii labala lya ande gunwa ande bifudus gidal ande baad bamasum#5:30 Gufwanas ande gidin 29-30 ande 15:1-2.?» 31Yees gaba fuduleen ndaa: «Baad bal gelegele loo bal ande mfun yi mungaaŋ, ban bal bambeef bal ande mfun ande. 32Loo yawiy mu gubiil baad ba kyeleg, gaanz yawiy mu gubiil baad bamasum mumbad ba balaman midim.»
Yees ande gudun gulya mumbad gusaam
(Maday 9:14-17; Malgo 2:18-22)
33Ibun Bafalize balees Yees ndaa: « , Balongog ba Yowaan ande babiis, mbal yavul badunaga gulya mumbad gusaam; gaanz banze mun gulya ande gunwa.» 34Ibun Yees gabafuduleen ndaa: «Abun lafed gudunus baad bababilisi mu kiinz yi magweel mu gudun gulya mumbad gusaam, daaŋ munga magweel gileen ande baa mu nzo yi magweel? Loo myaga salam! 35Gaanz giluum gili, mulim wu magweel loo gagal lyaag ande baa, lagal mu daaŋ lalun badun gulya mumbad gusaam.»
36Yees gabales lyaag gingan gi: «Loo gul ande muud wagyel gideemb gi mulel apa, mugu bambeen mulel akul. De wasal ndubun, wabebes mulel apa, ibun gideemb gi mulel apa loo gya gufwanana ande mulel akul. 37Gidees gimos, loo muud wagasa viin lapa mu mabuuŋ ma kul. De bugasi, viin lapa labul mabuuŋ, viin lumadyagaan, ibun mabuuŋ mamabulug. 38Gaanz bafed gusa viin lapa, mu mabuuŋ mapa! 39Ibun loo gul ande muud uzologo gunwa viin lapa, de wanwi latam. Mumbad badeyege ndaa: “viin latam lalig ndeeŋ.”»
Currently Selected:
Luug 5: noq
Highlight
Copy
Compare
Share
Want to have your highlights saved across all your devices? Sign up or sign in
2025 The Seed Company in coordination with Association Congolaise de Traductions de la Bible
