Luug 6
6
Yees ande gi sabad
(Maday 12:1-8; Malgo 2:23-28)
1Giluum gimos gya sabad, Yees galigaag mu bilaaŋ bya bule. Balongog bande bagidaag bule, badogol bipus ande myoog, ibun bali mbeeŋ#6:1 Dala Lev 23:5-14; Gul 23.26.. 2Ndaamb yi bafalize bawuful: «Mumbad a kii labalasaleen maamb mabaladun nsig yabiis mu giluum gya sabad?» 3Yees gabafuduleen: «Loo ladaaŋ paan yasal Davil ande bandug bande daaŋ lubagal nzala? 4Gawiiŋ mu nzo ya Nzaam, gaseen mapa man ma badamag gul Nzaam, gali ibun gawe se baad bande. Kisi lo, bangaaŋ a Nzaam buun bagal ande nswa yigulya#6:4 Dala 1Sam 21:2-7; Lev 24:9. .» 5Yees gabalees lyaag ndaa: «Mwaan a muud gil Mfum wu gi sabad.»
Muud la goog lusalaag
(Maday 12:9-14; Malgo 3:1-6)
6Giluum gyambaan gya sabad, Yees gawiŋin mu nzo yi bisaam yi Bayuda, gayandag mu gulooŋ. Gwagal ande muud mos hana goog lande lu gidaad loo lasalaag. 7Balooŋ ba nsig ande Bafalize balabaneeg Yees mu gudal de gafed guzunus muud mu giluum gya sabad, mumbad bagamaag pil yi gumufuund. 8Gaanz Yees bu gayabaag manuuŋ ma baa. Galees muud wagal ande goog lugifu ndaa: «Madaga, gal hana gutwaal a baad abooz.» Muud mween gamadag, gapusaan gutwaal baad abooz. 9Ibun Yees gabalees ndaa :«Yawuluwuful: nsig ya biis yabala dey kii mu giluum gya sabad: mu gusal piim do mu gusal mbi? Mu guhulus mooy a muud do mu gumubebes?» 10Yees gabadal abooz, ibun gungoy gansuun gul muud ndaa#6:10 ibun gansuun gul muud: mu bison byambaan gulu ibun gungoy gansuun ande kab gul muud.: «Silimin goog lanze.» Gasilimin, gungoy goog lazuun. 11Gaanz balooŋ ba nsig ande bafalize bayuul ande kab, ibun bayandag guwufulanaan baa ye baa, Yees wu, kii dafed mu gid?
Yees gapon batum guum ye bool
(Maday 10:1-4; Malgo 3:13-19)
12Mu daaŋ lun, Yees ganiin ato musel mu gusaam, piib yi mudu gagal mun gusaam Nzaam. 13Daaŋ bwiis bwadeem, gabiil balongog bande. Gasool guum ye bool; gababiil batum. Mukab la baa gwagal: 14Simon, wun wugawe zin la Pedel ande paaŋ ande Andele, Zyaag ande Yowaan, Filipo ande Badolme, 15Maday ande Doma, Zyaag mwaan a Alfe#6:15 mwaan a Alfe dolo paaŋ a bagal wa Alfe. ande Simon wa nwananeeg mumbad gipwaanz gya nsi, 16Yud mwaan a Zyaag#6:16 mwaan a Zyaag dolo paaŋ a bagal wa Zyaag. ande Yudas Iskaliyod wun wadeg Yees.
Yees ande gibug gya baad
(Maday 4:23-25)
17Yees gadye ha musel ande baa, ibun bamad ha gihan gya sigili, gwagun gwagal balongog bande bavul. Gwagal se gunu ande gibug giginen gya baad bavul badoog gu Yudeya alooz#6:17 nga mu Luug 1.5, zin la Yudeya gwa usooŋ mbal imos Pales tine ayooz., gu Yelusalem, ande mu mabul ma gu Til ande Sidon magal bel a bel ande nzal. 18Bawiy mumbad gu muwug ande gubazunus mu bikaas bya baa. Gazunusaag ande ban baagal ande mihuuŋ mya mviind. 19Baad abooz bagamaag pil yigumugam, mumbad gul ande ngol ya dugaag gul nde, yibazunusaag abooz.
Mambod ande mapas
(Maday 5:1-12)
20Yees gadal balongog bande, ibun gabalees ndaa:
«Gyees, gul been lul bapud,
mumbad Gimfum gya Nzaam gil gul been!
21Gyees, gul been lul nzal daaŋ lu,
mumbad bulagal ande malya mavul.
Gyees, gul been labala lil daaŋ lu,
mumbad bula sey!
22«Gyees gul been de baad baluyini, de baludunu, de baludugu, ande gudey mbi ya been, mumbad la ugwigil gul Mwaan a muud. 23Daaŋ maamb mween malungusaam, luyangalal, lugal se mu gyees mumbad lase lufud lulunen gu tal. Gwagal se bwabun bakaag ba baa banyogolaag bansuun paan#6:23 Gufwanas ande 2 Ko.
24«Gaanz kyeen gul been bamvaam,
pamb lo laseen tam mambod mabeen!
25Kyeen gul been lul ande biim byavul mu daaŋ lu,
pamb lo nzal buyilugam!
Kyeen gul been lausey daaŋlu,
pamb lo lagal mu kyeen, bulalil!
26«Kyeen gul been, de baad abooz mun gunsuun mapiim ma been, pamb lo bwabun bakaag ba baa ba gyaan basalaag bansuun paan babukaaf!»
Luzol gul bamben
(Maday 5:38-48; 7:12)
27«Gaanz gul been baa labalangug, yi mansuun: Luzol bamben babeen. Lusal mapiim gul ban babal luyin, 28lusagaman ban babal lusiiŋ ibun lusaam mumbad a ban babal lunyogol. 29De muud gubul mbad mu dam lumos, muwe se lun lambaan; De muud waseen gazag ganze, mubomon gaseen se simis. 30Muwe muud awooz wa kaguloom, ibun de muud maseen giim gyanze, loo gumuloom lyaag. 31Min miluzologo ndaa baad balusaleen, been se lumisalaag mumbad a baa#6:31 Gufwanas ande Lom mu gab la 13:8-10. . 32De luzologo gag baad ban baluzolaga, kii nfun yi guzig madapis? Pamb lo baad bamasum bazologo se baad ban babal bazol. 33Ibun de lusalaga mapiim gag gul ban balusalaga mambod, kii madapis laseen? Baad bamasum se basalaga bwabun. 34De lulefesege gag baad ban balauyaab ndaa bubafudul, kii madapis labala zig? Baad bamasum se balefesege baad bamasum, ande givuv ndaa bubafudul. 35Gaanz luzol bamben bambeen, lubasal mambod, lubalefes gugon givuv gifudul. Lawool lufud lulunen ibun lagal baan ba Nzaam wagu Yul; mumbad gil wapiim gul baad ban bago gugumaneeg mapiim mabakabasal ande gul baad bambi. 36Lubawugeen baad kyeen, nga pil Daad a been gawuganage baad kyeen#6:36 Gufwanas ande Gud 34.6; Mig 86.15..»
Loo gusambas bagweed
(Maday 7:1-5)
37«Loo gusamas, mumbad Nzaam gago gulusamas; loo gubeles muud, mumbad Nzaam gago gulubeles; lubalolol bagweede ibun Nzaam nga galulolol. 38Lugabeen bambaan ibun Nzaam nga galugabeen. Gasya mu mabeeŋ mabeen biim byavul, ganyeem, ganigis, galigis biim byavul a vul mu mabeeŋ mabeen. Pamb lo Nzaam gadees magab mana ande gitesel giludesenege been mumbad bambaan.»
39Yees gabalees lyaag gingan gi: «Abun gifwa miis gafed dwaalas gifwa miis gyambaan? A baa bool loo bafwed gubwa mu zunu? 40Mulongog galigaag looŋ lande; gaanz mulongog awoos malongog pima piim gagal nga looŋ lande. 41Mumbad a kii wabal dal gidiid gili mu liis la paaŋ a nze, ibun gidin gi mudi gili mu liis lanze, loo wabal gideele? 42Kipil wafed lees paaŋ a nze ndaa: “Paaŋ, mbomon yigudogol gidiid gili mu liis lanze”, gaanz loo wabala deel gidin gi mudi gil mu liis lanze? Musweeg paan, dogol teeg gidin gi mudi gili mu liis lanze ibun nga udeel piim mumbad gudogol gidid gili mu liis la paaŋ a nze.»
Mudi ande mbeeŋ ande
(Maday 7:16-20; 12:33-35)
43«Mudi wapiim gadaag mbeeŋ ya mbi, gidees gimos, mudi wambi gadaag mbeeŋ ya piim. 44Mudi awooz gayabanaga mu mbeeŋ ande. Mu mudi wa ngaaŋ, bagulaag mbeeŋ ya fize, ibun mu bingaaŋ badogolaag mbeeŋ ya viin. 45Muud wapiim gadusaga mapiim doog maamb mapiim ma mayuul mu mudim ande; muud wambi gadusaga paan yambi yi mayuul mu mudim ande. Pamb lo, gan luwalaga paan yi mayuul mu mudim.»
Manzo mool
(Maday 7:24-27)
46«Mumbad kii labala mbiil “Mfum, Mfum”, gaanz loo labala sal ma yabal lulees? 47Wun wumawiy gul me, wumawug mandag ma me ande guyisaleen, buyimulese ande naa gamafwanaan: 48gamafwanaan ande muud wu; mu guduuŋ nzo, gasim zun laleey, gasi fundasyo lande atal midoy. Daaŋ mazya mayuul, ma dudaan mu nzo. Gaanz nzo loo yabwi, mumbad gayiduuŋ piim. 49Gaanz wun wabala wug ndag ame ibun loo gabal yisaleen gileen nga muud maduuŋ nzo yande mbal yimos mu maan mago fundasyo. Daaŋ mazya mayuul, ma dudaan mu nzo, mumbal imos nzo yabwi mviimb.»
Currently Selected:
Luug 6: noq
Highlight
Copy
Compare
Share
Want to have your highlights saved across all your devices? Sign up or sign in
2025 The Seed Company in coordination with Association Congolaise de Traductions de la Bible
Luug 6
6
Yees ande gi sabad
(Maday 12:1-8; Malgo 2:23-28)
1Giluum gimos gya sabad, Yees galigaag mu bilaaŋ bya bule. Balongog bande bagidaag bule, badogol bipus ande myoog, ibun bali mbeeŋ#6:1 Dala Lev 23:5-14; Gul 23.26.. 2Ndaamb yi bafalize bawuful: «Mumbad a kii labalasaleen maamb mabaladun nsig yabiis mu giluum gya sabad?» 3Yees gabafuduleen: «Loo ladaaŋ paan yasal Davil ande bandug bande daaŋ lubagal nzala? 4Gawiiŋ mu nzo ya Nzaam, gaseen mapa man ma badamag gul Nzaam, gali ibun gawe se baad bande. Kisi lo, bangaaŋ a Nzaam buun bagal ande nswa yigulya#6:4 Dala 1Sam 21:2-7; Lev 24:9. .» 5Yees gabalees lyaag ndaa: «Mwaan a muud gil Mfum wu gi sabad.»
Muud la goog lusalaag
(Maday 12:9-14; Malgo 3:1-6)
6Giluum gyambaan gya sabad, Yees gawiŋin mu nzo yi bisaam yi Bayuda, gayandag mu gulooŋ. Gwagal ande muud mos hana goog lande lu gidaad loo lasalaag. 7Balooŋ ba nsig ande Bafalize balabaneeg Yees mu gudal de gafed guzunus muud mu giluum gya sabad, mumbad bagamaag pil yi gumufuund. 8Gaanz Yees bu gayabaag manuuŋ ma baa. Galees muud wagal ande goog lugifu ndaa: «Madaga, gal hana gutwaal a baad abooz.» Muud mween gamadag, gapusaan gutwaal baad abooz. 9Ibun Yees gabalees ndaa :«Yawuluwuful: nsig ya biis yabala dey kii mu giluum gya sabad: mu gusal piim do mu gusal mbi? Mu guhulus mooy a muud do mu gumubebes?» 10Yees gabadal abooz, ibun gungoy gansuun gul muud ndaa#6:10 ibun gansuun gul muud: mu bison byambaan gulu ibun gungoy gansuun ande kab gul muud.: «Silimin goog lanze.» Gasilimin, gungoy goog lazuun. 11Gaanz balooŋ ba nsig ande bafalize bayuul ande kab, ibun bayandag guwufulanaan baa ye baa, Yees wu, kii dafed mu gid?
Yees gapon batum guum ye bool
(Maday 10:1-4; Malgo 3:13-19)
12Mu daaŋ lun, Yees ganiin ato musel mu gusaam, piib yi mudu gagal mun gusaam Nzaam. 13Daaŋ bwiis bwadeem, gabiil balongog bande. Gasool guum ye bool; gababiil batum. Mukab la baa gwagal: 14Simon, wun wugawe zin la Pedel ande paaŋ ande Andele, Zyaag ande Yowaan, Filipo ande Badolme, 15Maday ande Doma, Zyaag mwaan a Alfe#6:15 mwaan a Alfe dolo paaŋ a bagal wa Alfe. ande Simon wa nwananeeg mumbad gipwaanz gya nsi, 16Yud mwaan a Zyaag#6:16 mwaan a Zyaag dolo paaŋ a bagal wa Zyaag. ande Yudas Iskaliyod wun wadeg Yees.
Yees ande gibug gya baad
(Maday 4:23-25)
17Yees gadye ha musel ande baa, ibun bamad ha gihan gya sigili, gwagun gwagal balongog bande bavul. Gwagal se gunu ande gibug giginen gya baad bavul badoog gu Yudeya alooz#6:17 nga mu Luug 1.5, zin la Yudeya gwa usooŋ mbal imos Pales tine ayooz., gu Yelusalem, ande mu mabul ma gu Til ande Sidon magal bel a bel ande nzal. 18Bawiy mumbad gu muwug ande gubazunus mu bikaas bya baa. Gazunusaag ande ban baagal ande mihuuŋ mya mviind. 19Baad abooz bagamaag pil yigumugam, mumbad gul ande ngol ya dugaag gul nde, yibazunusaag abooz.
Mambod ande mapas
(Maday 5:1-12)
20Yees gadal balongog bande, ibun gabalees ndaa:
«Gyees, gul been lul bapud,
mumbad Gimfum gya Nzaam gil gul been!
21Gyees, gul been lul nzal daaŋ lu,
mumbad bulagal ande malya mavul.
Gyees, gul been labala lil daaŋ lu,
mumbad bula sey!
22«Gyees gul been de baad baluyini, de baludunu, de baludugu, ande gudey mbi ya been, mumbad la ugwigil gul Mwaan a muud. 23Daaŋ maamb mween malungusaam, luyangalal, lugal se mu gyees mumbad lase lufud lulunen gu tal. Gwagal se bwabun bakaag ba baa banyogolaag bansuun paan#6:23 Gufwanas ande 2 Ko.
24«Gaanz kyeen gul been bamvaam,
pamb lo laseen tam mambod mabeen!
25Kyeen gul been lul ande biim byavul mu daaŋ lu,
pamb lo nzal buyilugam!
Kyeen gul been lausey daaŋlu,
pamb lo lagal mu kyeen, bulalil!
26«Kyeen gul been, de baad abooz mun gunsuun mapiim ma been, pamb lo bwabun bakaag ba baa ba gyaan basalaag bansuun paan babukaaf!»
Luzol gul bamben
(Maday 5:38-48; 7:12)
27«Gaanz gul been baa labalangug, yi mansuun: Luzol bamben babeen. Lusal mapiim gul ban babal luyin, 28lusagaman ban babal lusiiŋ ibun lusaam mumbad a ban babal lunyogol. 29De muud gubul mbad mu dam lumos, muwe se lun lambaan; De muud waseen gazag ganze, mubomon gaseen se simis. 30Muwe muud awooz wa kaguloom, ibun de muud maseen giim gyanze, loo gumuloom lyaag. 31Min miluzologo ndaa baad balusaleen, been se lumisalaag mumbad a baa#6:31 Gufwanas ande Lom mu gab la 13:8-10. . 32De luzologo gag baad ban baluzolaga, kii nfun yi guzig madapis? Pamb lo baad bamasum bazologo se baad ban babal bazol. 33Ibun de lusalaga mapiim gag gul ban balusalaga mambod, kii madapis laseen? Baad bamasum se basalaga bwabun. 34De lulefesege gag baad ban balauyaab ndaa bubafudul, kii madapis labala zig? Baad bamasum se balefesege baad bamasum, ande givuv ndaa bubafudul. 35Gaanz luzol bamben bambeen, lubasal mambod, lubalefes gugon givuv gifudul. Lawool lufud lulunen ibun lagal baan ba Nzaam wagu Yul; mumbad gil wapiim gul baad ban bago gugumaneeg mapiim mabakabasal ande gul baad bambi. 36Lubawugeen baad kyeen, nga pil Daad a been gawuganage baad kyeen#6:36 Gufwanas ande Gud 34.6; Mig 86.15..»
Loo gusambas bagweed
(Maday 7:1-5)
37«Loo gusamas, mumbad Nzaam gago gulusamas; loo gubeles muud, mumbad Nzaam gago gulubeles; lubalolol bagweede ibun Nzaam nga galulolol. 38Lugabeen bambaan ibun Nzaam nga galugabeen. Gasya mu mabeeŋ mabeen biim byavul, ganyeem, ganigis, galigis biim byavul a vul mu mabeeŋ mabeen. Pamb lo Nzaam gadees magab mana ande gitesel giludesenege been mumbad bambaan.»
39Yees gabalees lyaag gingan gi: «Abun gifwa miis gafed dwaalas gifwa miis gyambaan? A baa bool loo bafwed gubwa mu zunu? 40Mulongog galigaag looŋ lande; gaanz mulongog awoos malongog pima piim gagal nga looŋ lande. 41Mumbad a kii wabal dal gidiid gili mu liis la paaŋ a nze, ibun gidin gi mudi gili mu liis lanze, loo wabal gideele? 42Kipil wafed lees paaŋ a nze ndaa: “Paaŋ, mbomon yigudogol gidiid gili mu liis lanze”, gaanz loo wabala deel gidin gi mudi gil mu liis lanze? Musweeg paan, dogol teeg gidin gi mudi gili mu liis lanze ibun nga udeel piim mumbad gudogol gidid gili mu liis la paaŋ a nze.»
Mudi ande mbeeŋ ande
(Maday 7:16-20; 12:33-35)
43«Mudi wapiim gadaag mbeeŋ ya mbi, gidees gimos, mudi wambi gadaag mbeeŋ ya piim. 44Mudi awooz gayabanaga mu mbeeŋ ande. Mu mudi wa ngaaŋ, bagulaag mbeeŋ ya fize, ibun mu bingaaŋ badogolaag mbeeŋ ya viin. 45Muud wapiim gadusaga mapiim doog maamb mapiim ma mayuul mu mudim ande; muud wambi gadusaga paan yambi yi mayuul mu mudim ande. Pamb lo, gan luwalaga paan yi mayuul mu mudim.»
Manzo mool
(Maday 7:24-27)
46«Mumbad kii labala mbiil “Mfum, Mfum”, gaanz loo labala sal ma yabal lulees? 47Wun wumawiy gul me, wumawug mandag ma me ande guyisaleen, buyimulese ande naa gamafwanaan: 48gamafwanaan ande muud wu; mu guduuŋ nzo, gasim zun laleey, gasi fundasyo lande atal midoy. Daaŋ mazya mayuul, ma dudaan mu nzo. Gaanz nzo loo yabwi, mumbad gayiduuŋ piim. 49Gaanz wun wabala wug ndag ame ibun loo gabal yisaleen gileen nga muud maduuŋ nzo yande mbal yimos mu maan mago fundasyo. Daaŋ mazya mayuul, ma dudaan mu nzo, mumbal imos nzo yabwi mviimb.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
2025 The Seed Company in coordination with Association Congolaise de Traductions de la Bible