Luug 7
7
Yees gazunus gisad gya mfum wu bapumbul
(Maday 8:5-13)
1Daaŋ Yees gaman guwagal paan yi gul baad, gaween gu Gapelnawum. 2Gunu, gapideen mos wu bapumbul kaam gagal ande gisad gimos wu gazolaag ngol. Gisad gabeleeg, gagal bel a bel ande gufwa. 3Daaŋ gapideen ga bapumbul kaam lugawug mun guwagal mumbad a Yees, gadum bambud gizig ba Bayuda gul yees mu gumuloom mumbad giy gazunus gisad ande. 4Daaŋ baduul gul Yees, bamudodogeen nsil ande gudey ndaa: «Muud wu gumaloom ndaa wumusalas, 5pamb lo gazologo baad babiis ibun nde se wududuŋeen nzo ya biis yi bisaam yi Bayuda.» 6Ibun Yees gaween ande baa. Daaŋ lugaduul bel a bel ande nzo, gapideen wu bapumbul kaam gadum bandug bande mu gulees Yees ndaa: «Mfum, loo gugiyangas, loo yimafwaan nze mu guwiŋin mu nzo me; 7gigum gyagiin yimago guwiyeen me been gul nze. Gaanz dey ndag imos gisad gyame gazuun. 8Pamb lo me se, yayigulemveg gul bamfum bame mumbad bili banga ndig. Ngul ande bapumbul balemvegege mu nsig yame. De yalees umos ndaa: “wene!” Gafed gwe; de yalees wambaan ndaa: “Wiya!” Gafed gwiy. De yalees gisad gyame ndaa: “Sal abu!” Gafed sal.» 9Daaŋ Yees gawug mandag ma, gayidig; gabalamag gul gibug gya baad bawamulaag, gadey ndaa: «Loo yadeel gel lugwigil lugifa gi, ada mukab la Isalel.» 10Daaŋ baad badum gapideen bafudug gu nzo, yawudageen, gisad gyawiy piim.
Yees gafudumun mwaan wu mufiil mos
11Gungoy Yees gaween gu bul bumos babilaga Nayin; balongog bande ande gibug gyavul baweneeg nzil imos ande nde. 12Daaŋ lugaduul bela bel ande mbel ya bul, gagudaan ande baad ba dwalaag mvuum gu mazyam: gwagal mwaan wa bagal mos wu mufiil. Mufiil wu gagal ande mwaan mos peel. Baad bavul ba bul bun bamulabaag. 13Daaŋ Mfum gadeel maan mween, gamuwugeen kyeen, gamulees ndaa: «Loo gulil!» 14Gapusaan, gagam mugob; baad badwalaag bamad. Yees gansuun ndaa: «Mwaan a nguunz, yawugulees madaga!» 15Muud wafi gamadag, gayandag guwagal. Yees gamufudul gul ngwaan. 16Abooz boom bubagam; bayandag guwa Nzaam lugum ndaa: «Munsuun paan munen waduug mukab labiis!» Lyaag : «Nzaam wawiyi mu gusalas baad bande!» 17Nsaaŋ ya Yees ya mwaŋaan mu Yudeya#7:17 Dala gab 6.17 ande bison. awooz ande mu mabul ma mumbiim.
Yowaan mbodog gadum balongog bande gul Yees
(Maday 11:2-19)
18Balongog ba Yowaan bade amyooz gul looŋ la baa. Yowaan gabiil bool mukab la baa 19ibun gabadum gul Mfum mumbad gumuwuful ndaa: «Wuleen Mesiya wun wafed guwiy#7:19 Dala Mad 11.3 ande bison gunsin. dolo duzig wambaan?» 20Daaŋ lubaduul gul Yees, bamulees : «Yowaan Mbodog wakadudum mu guguwuful: “Wuleen Muhulus wafed guwiy dolo duzig wambaan?”» 21Mu daaŋ lalun, Yees gazunus baad bavul mu bikaas byabaa; mu pas ande bagal ande mihuuŋ myambi, ibun bifwa miis byavul byadeel. 22Ibun Yees gabalees ndaa: «Lween lumulees Yowaan mi milumadeel ande milumawug ndaa: bifwa miis badele, baad bagifu bamadaga, baad ba bwaanz bagenzege, bifwa manswi bawugu, bafwa bafudumugu, Nsaaŋ ya Piim yil mun guledem gul bansugam#7:22 Gufwanas ande Yees 35.5-6; 61.1. . 23Gyees gul muud mago gubwiis lugwigil lande gul me#7:23 gul me: mu bison byambaan mumbad ame..»
24Daaŋ baad badum Yowaan bafudug, Yees gayandag guwagal gul baad mumbad a Yowaan ndaa: «Kii lawudal gu nseg? Loo de gamudi gabala nigaan mu muhuuŋ ndamb ande ndamb? 25Ibun kii gibeen lawudal? Muud mos mabwaad milel myapiimi? Gaanz baad babwadaga milel myapiim ande baziŋaga mu gyees ande gimvwaam gya baa, bagalaga mu manzo ma bamfum. 26Naa nsil lawedal? Munsuun paana? Ee, yawululees, nde walig kud ada munsuun paan. 27Mumbad Yowaan gili muud wu basonog mu Masonog ndaa:
« “Yagadum ngeenz ame gutwaal anze,
mumbad gu gugaŋeleen nzil#7:27 Mal 3.1..” »
28«Yawululees: Mukab la baad bamabudug gul mukaad loo muud malig Yowaan. Gaanz mu gi Mfum gya Nzaam muud wa kuund wumuligi. 29Baad abooz ande bifudus gidal bamuwug, bagumeen ndaa, Nzaam gil wakyeleg, ibun babodom gul Yowaan. 30Gaanz bafalize ande balooŋ bansig badun min myazol gusal Nzaam mumbad abaa. Badun guseen mbodog gul Yowaan.»
31Yees gadey lyaag: «Ande naa nsil yafed gufwanas baad ba daaŋ lu? Baleen nga ba naa? 32Bafwanana nga baan bakuund bamabwensen ha gihan gigimvug, bamos mun gulees bambaan ndaa: “Dulubuleen puuŋ, loo lumagin; duluyimeen miguuŋ mya kyeen, loo lumalil!” 33Pamb lo Yowaan Mbodog wa wiyi, loo galyaag mapa, loo ganwaag viin, labala wagal ndaa: “Gil ande mihuuŋ myambi!” 34Mwaan a muud wawiyi, bugabalalya ande gunwa, labalawagal ndaa: “Ludal muud wu gabalayindil gag gulya ande gunwa man, gileen ndug wu bifudus gidal ande wa baad bamasum!” 35Gaanz nduuŋ ya Nzaam yili kyeleg, yayigumonog gul baad abooz bayigumunaga.»
Yees mu nzo yi mufalize Simon
36Mufalize mos gabilis Yees gu nzo nde mumbad gulya mees mamos ande nde. Yees gaween, gagal a mees mumbad gulya. 37Ha bul bun gwagal ande mwaan mukaad mos wakaleen yambi. Daaŋ lugawug ndaa Yees gil gu nzo mufalize, gadwaal mulaaŋ wa albatre#7:37 albatre: dala mu Mad 26.7 ande bison gunsin. wanga yuul ande maaz ma nsuuŋ, 38gamad gungoy Yees, mu miil myande; gayandag gulil, nsaaŋ yande ya bobos miil mya Yees. Gayigusumun ande saaŋ lande, gamibumud, gamidyageen maaz ma nsuuŋ. 39Mufalize wu wabiil Yees daaŋ lugadeel paan yi, gagideyeen ndaa: «Mukyeleg, de muud wu, gagalaag munsuun paan, bu gakayaab ndaa mwaan mukaad wu wabal mugam, gilene muud wu masum.» 40Yees galees mufalize ndaa: «Simon, ngul ande giim yazol gugulees.» Simon gafudul ndaa: «Looŋ, deye.» 41Yees ndaa: «Baad bool balef nziim gul muud ulefesege. Umos, kaam idaan ya ziim yi bibende; wambaan maguma daan. 42Gaanz mukab labaa bool, loo muud wakensen nziim yigufudul. Mulefes gabawugeen kyeen, gababoomoneen. Naa mukab labaa bool wafed gumuzol gwa ngalig?» 43Simon gafudul ndaa:«Yimayindil ndaa muud wun wu galef nziim ya mvul.» Yees gamulees ndaa: «Madey piim.»
44Ibun Yees gabalamag gwagal mukaad, ibun gadey gul Simon: «Wadeel mukaad wuu? Yi mawiŋin mu nzo nze, loo mangwa mazya mumbad guwulul miil mya me#7:44 pil yi guyamb gu este, dala Guy 18.4; 19.2. ; Gaanz nde, wamboboso miil ande nsaaŋ yande, wu migusumunu ande saaŋ lande. 45Loo mambumud, haa nde, loo gamaboomon mu gubumud miil mya me yandag ha yawiiŋini. 46Nze loo makwiid maaz mu mudwe#7:46 Dala Mig 23.5 ande bison gunsin., gaanz nde, wadyageen maaz ma nsuuŋ mu miil mya me. 47Gyagin, ya ugulees ndaa: mumbad luzol lulunen lu gamasongos , mbil yi masum mande malologo. Gaanz muud wubamalolol gandamb, loo gagal ande luzol lavul.» 48Ibun Yees gadey gul mukaad: «Masum manze malologo.» 49Baad ban balyaag a mees ande nde bayandag guŋunusanaan ndaa: «Muud wu nsil, gil naa, wu mayiig gulolol ada masum?» 50Gaanz, Yees gadey gul mukaad ndaa: «Lugwigil lanze lu gugulusu: ween mu ngeemb.»
Currently Selected:
Luug 7: noq
Highlight
Copy
Compare
Share
Want to have your highlights saved across all your devices? Sign up or sign in
2025 The Seed Company in coordination with Association Congolaise de Traductions de la Bible
Luug 7
7
Yees gazunus gisad gya mfum wu bapumbul
(Maday 8:5-13)
1Daaŋ Yees gaman guwagal paan yi gul baad, gaween gu Gapelnawum. 2Gunu, gapideen mos wu bapumbul kaam gagal ande gisad gimos wu gazolaag ngol. Gisad gabeleeg, gagal bel a bel ande gufwa. 3Daaŋ gapideen ga bapumbul kaam lugawug mun guwagal mumbad a Yees, gadum bambud gizig ba Bayuda gul yees mu gumuloom mumbad giy gazunus gisad ande. 4Daaŋ baduul gul Yees, bamudodogeen nsil ande gudey ndaa: «Muud wu gumaloom ndaa wumusalas, 5pamb lo gazologo baad babiis ibun nde se wududuŋeen nzo ya biis yi bisaam yi Bayuda.» 6Ibun Yees gaween ande baa. Daaŋ lugaduul bel a bel ande nzo, gapideen wu bapumbul kaam gadum bandug bande mu gulees Yees ndaa: «Mfum, loo gugiyangas, loo yimafwaan nze mu guwiŋin mu nzo me; 7gigum gyagiin yimago guwiyeen me been gul nze. Gaanz dey ndag imos gisad gyame gazuun. 8Pamb lo me se, yayigulemveg gul bamfum bame mumbad bili banga ndig. Ngul ande bapumbul balemvegege mu nsig yame. De yalees umos ndaa: “wene!” Gafed gwe; de yalees wambaan ndaa: “Wiya!” Gafed gwiy. De yalees gisad gyame ndaa: “Sal abu!” Gafed sal.» 9Daaŋ Yees gawug mandag ma, gayidig; gabalamag gul gibug gya baad bawamulaag, gadey ndaa: «Loo yadeel gel lugwigil lugifa gi, ada mukab la Isalel.» 10Daaŋ baad badum gapideen bafudug gu nzo, yawudageen, gisad gyawiy piim.
Yees gafudumun mwaan wu mufiil mos
11Gungoy Yees gaween gu bul bumos babilaga Nayin; balongog bande ande gibug gyavul baweneeg nzil imos ande nde. 12Daaŋ lugaduul bela bel ande mbel ya bul, gagudaan ande baad ba dwalaag mvuum gu mazyam: gwagal mwaan wa bagal mos wu mufiil. Mufiil wu gagal ande mwaan mos peel. Baad bavul ba bul bun bamulabaag. 13Daaŋ Mfum gadeel maan mween, gamuwugeen kyeen, gamulees ndaa: «Loo gulil!» 14Gapusaan, gagam mugob; baad badwalaag bamad. Yees gansuun ndaa: «Mwaan a nguunz, yawugulees madaga!» 15Muud wafi gamadag, gayandag guwagal. Yees gamufudul gul ngwaan. 16Abooz boom bubagam; bayandag guwa Nzaam lugum ndaa: «Munsuun paan munen waduug mukab labiis!» Lyaag : «Nzaam wawiyi mu gusalas baad bande!» 17Nsaaŋ ya Yees ya mwaŋaan mu Yudeya#7:17 Dala gab 6.17 ande bison. awooz ande mu mabul ma mumbiim.
Yowaan mbodog gadum balongog bande gul Yees
(Maday 11:2-19)
18Balongog ba Yowaan bade amyooz gul looŋ la baa. Yowaan gabiil bool mukab la baa 19ibun gabadum gul Mfum mumbad gumuwuful ndaa: «Wuleen Mesiya wun wafed guwiy#7:19 Dala Mad 11.3 ande bison gunsin. dolo duzig wambaan?» 20Daaŋ lubaduul gul Yees, bamulees : «Yowaan Mbodog wakadudum mu guguwuful: “Wuleen Muhulus wafed guwiy dolo duzig wambaan?”» 21Mu daaŋ lalun, Yees gazunus baad bavul mu bikaas byabaa; mu pas ande bagal ande mihuuŋ myambi, ibun bifwa miis byavul byadeel. 22Ibun Yees gabalees ndaa: «Lween lumulees Yowaan mi milumadeel ande milumawug ndaa: bifwa miis badele, baad bagifu bamadaga, baad ba bwaanz bagenzege, bifwa manswi bawugu, bafwa bafudumugu, Nsaaŋ ya Piim yil mun guledem gul bansugam#7:22 Gufwanas ande Yees 35.5-6; 61.1. . 23Gyees gul muud mago gubwiis lugwigil lande gul me#7:23 gul me: mu bison byambaan mumbad ame..»
24Daaŋ baad badum Yowaan bafudug, Yees gayandag guwagal gul baad mumbad a Yowaan ndaa: «Kii lawudal gu nseg? Loo de gamudi gabala nigaan mu muhuuŋ ndamb ande ndamb? 25Ibun kii gibeen lawudal? Muud mos mabwaad milel myapiimi? Gaanz baad babwadaga milel myapiim ande baziŋaga mu gyees ande gimvwaam gya baa, bagalaga mu manzo ma bamfum. 26Naa nsil lawedal? Munsuun paana? Ee, yawululees, nde walig kud ada munsuun paan. 27Mumbad Yowaan gili muud wu basonog mu Masonog ndaa:
« “Yagadum ngeenz ame gutwaal anze,
mumbad gu gugaŋeleen nzil#7:27 Mal 3.1..” »
28«Yawululees: Mukab la baad bamabudug gul mukaad loo muud malig Yowaan. Gaanz mu gi Mfum gya Nzaam muud wa kuund wumuligi. 29Baad abooz ande bifudus gidal bamuwug, bagumeen ndaa, Nzaam gil wakyeleg, ibun babodom gul Yowaan. 30Gaanz bafalize ande balooŋ bansig badun min myazol gusal Nzaam mumbad abaa. Badun guseen mbodog gul Yowaan.»
31Yees gadey lyaag: «Ande naa nsil yafed gufwanas baad ba daaŋ lu? Baleen nga ba naa? 32Bafwanana nga baan bakuund bamabwensen ha gihan gigimvug, bamos mun gulees bambaan ndaa: “Dulubuleen puuŋ, loo lumagin; duluyimeen miguuŋ mya kyeen, loo lumalil!” 33Pamb lo Yowaan Mbodog wa wiyi, loo galyaag mapa, loo ganwaag viin, labala wagal ndaa: “Gil ande mihuuŋ myambi!” 34Mwaan a muud wawiyi, bugabalalya ande gunwa, labalawagal ndaa: “Ludal muud wu gabalayindil gag gulya ande gunwa man, gileen ndug wu bifudus gidal ande wa baad bamasum!” 35Gaanz nduuŋ ya Nzaam yili kyeleg, yayigumonog gul baad abooz bayigumunaga.»
Yees mu nzo yi mufalize Simon
36Mufalize mos gabilis Yees gu nzo nde mumbad gulya mees mamos ande nde. Yees gaween, gagal a mees mumbad gulya. 37Ha bul bun gwagal ande mwaan mukaad mos wakaleen yambi. Daaŋ lugawug ndaa Yees gil gu nzo mufalize, gadwaal mulaaŋ wa albatre#7:37 albatre: dala mu Mad 26.7 ande bison gunsin. wanga yuul ande maaz ma nsuuŋ, 38gamad gungoy Yees, mu miil myande; gayandag gulil, nsaaŋ yande ya bobos miil mya Yees. Gayigusumun ande saaŋ lande, gamibumud, gamidyageen maaz ma nsuuŋ. 39Mufalize wu wabiil Yees daaŋ lugadeel paan yi, gagideyeen ndaa: «Mukyeleg, de muud wu, gagalaag munsuun paan, bu gakayaab ndaa mwaan mukaad wu wabal mugam, gilene muud wu masum.» 40Yees galees mufalize ndaa: «Simon, ngul ande giim yazol gugulees.» Simon gafudul ndaa: «Looŋ, deye.» 41Yees ndaa: «Baad bool balef nziim gul muud ulefesege. Umos, kaam idaan ya ziim yi bibende; wambaan maguma daan. 42Gaanz mukab labaa bool, loo muud wakensen nziim yigufudul. Mulefes gabawugeen kyeen, gababoomoneen. Naa mukab labaa bool wafed gumuzol gwa ngalig?» 43Simon gafudul ndaa:«Yimayindil ndaa muud wun wu galef nziim ya mvul.» Yees gamulees ndaa: «Madey piim.»
44Ibun Yees gabalamag gwagal mukaad, ibun gadey gul Simon: «Wadeel mukaad wuu? Yi mawiŋin mu nzo nze, loo mangwa mazya mumbad guwulul miil mya me#7:44 pil yi guyamb gu este, dala Guy 18.4; 19.2. ; Gaanz nde, wamboboso miil ande nsaaŋ yande, wu migusumunu ande saaŋ lande. 45Loo mambumud, haa nde, loo gamaboomon mu gubumud miil mya me yandag ha yawiiŋini. 46Nze loo makwiid maaz mu mudwe#7:46 Dala Mig 23.5 ande bison gunsin., gaanz nde, wadyageen maaz ma nsuuŋ mu miil mya me. 47Gyagin, ya ugulees ndaa: mumbad luzol lulunen lu gamasongos , mbil yi masum mande malologo. Gaanz muud wubamalolol gandamb, loo gagal ande luzol lavul.» 48Ibun Yees gadey gul mukaad: «Masum manze malologo.» 49Baad ban balyaag a mees ande nde bayandag guŋunusanaan ndaa: «Muud wu nsil, gil naa, wu mayiig gulolol ada masum?» 50Gaanz, Yees gadey gul mukaad ndaa: «Lugwigil lanze lu gugulusu: ween mu ngeemb.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
2025 The Seed Company in coordination with Association Congolaise de Traductions de la Bible