Luug Luyandag
Luyandag
Nga Maday, Luug gabala songos Masonog mande mutiind mos nga Malgo:
- Guwiŋin gwa Yowaan Mbodog, nga muud wawiy teeg gutwaal a Yees 3:1-20, labeen mbodog ande gumegem gwa Yees 3:21; 4:13.
Luziiŋ lugimvug la Yees gu Galiley, gwagun galooŋ ande guzunus bambeef 4:14; 9:50.
Nzyedel ya Yees, yimudwaal doog Galiley dii gu Yelusalem 9:51; 19:28. Gaanz Luug gabala yig mapaan mavul mago gusonog Malgo, nga bingan bi mu Samaliy wa piim, gya mvaam wazob, gya mwaan wa bil gamonog... Ibun lyaaga mapaan magaween mugudal Malada ande Maliy.
-Gisal gya Yees gu Yelusalem 19:29; 21:38,
Pas ya Yees (mapas ma nsuug ande lufwa la Yees; 22-23.
Mugaand gasyeem ande giluum gya Pag Gab 24 gwagun gabalasongos mu gingeeŋ gumonog gwa Yees wa fudumug gul balongog ba Emawus, gutwaal gubandag gwande.
Gaanz mu luswasan ande Malgo, gungoy a ndamb a mamb gasonog mugaand ande ibun gadendel kii pil gamusonog 1:1-4, mu masonog mande, Luug gabalasongos gisin gya Yees ande gya Yowaan Mbodog 1-2. Gwagun gula daaŋ mumbaand, paan yibalees Maliy mumbad gubudug gwa Yowaan Mbodog, lubudug ande luguumus lu bamvuuŋ...Ande miguuŋ mi Maliy, mya Zagaliy, mya Simiyon. Mugidin gi, Luug gabala songos mapaan mamfun ma gimbaaŋ gyande: Yees gaduug gu tal gawubudug gu Isalel, guwiy gwande guleen mumbad gifud agyooz. Luug gausongos lyaag luzol la Nzaam gul baan bakuun (baad bakyeen, babadunaga, bakaad, bansugaam, banzeenz ), ande gisal gi Muhuuŋ Agelel, ande daaŋ la gyees, yigugumus ande yibisaam bisoŋsaga nsaaŋ ya piim.
Luug gabala sonegeen baad ban bago guyaab nsig bambud ya Isalel, gabala songos mamb amooz pwelele ande gubadendeleen mamb man mabago guyaab. Mumbad muud wanoon, Nsaaŋ ya piim ya Luug loo yileen pas mu guyiyaab.
Mugulab paan yi bugyeeg bugyeeg, mudaaŋ gasengemen Muhulus wa baad abooz.
Currently Selected:
Luug Luyandag: noq
Highlight
Copy
Compare
Share
Want to have your highlights saved across all your devices? Sign up or sign in
2025 The Seed Company in coordination with Association Congolaise de Traductions de la Bible