Malgo 15
15
Yees gutwaal a Pilad
(Maday 27:1-2,11-14; Luug 23:1-5; Yowaan 18:28-38)
1Mukab lakeela keel, bamfum ba bangaaŋ a Nzaam ande balooŋ ba nsig ande bambud baad bavugaan mu gusya mfuun mumbad gugam Yees. Bagaaŋ Yees misiiŋ, bamudwaal gulu Pilad . 2Pilad gamuwufuul ndaa: «Nze todol wu Bayuda?» Yees gamufuduleen ndaa: «Nga mutind wumawagal#15:2 Nga mutind wumawagal: dal se Mad 27.11 ande bison bya gunsin..» 3Bamfum ba bangaaŋ a Nzaam bamufuund mu maamb mavul. 4Pilad gamuwufuul lyaag: «Abunu, nze loo wulu ande mvud yigufudul mu paan ayooz yi babala nsuun mumbad a Nze?» 5Gaanz Yees loo gafudul ada mvud yimos, Pilad gayidig.
Bagyeleen Yees ndol yi lufwa
(Maday 27:15-26; Luug 23:13-25; Yowaan 18:39; 19:16)
6Mu goonz kiinz Pag, Pilad gadugusaag muud mos wa bolog, wun wumaloom baad abooz . 7Mu bolog mwagal ande muud mos wubabilaag Balnabas ande bipumbul byambaan badwalaag gisaga sag ha bul, bazwe se muud . 8Baad bavul baween gu nzo Pilad abooz bamulomo mugubasaleen maamb magabasalanage daaŋ alooz. 9Pilad gabawuful ndaa: «Lumazol yi luwe mfum wu Bayuda?» 10Pilad bugayaab gwaan ndaa bamfum ba bangaaŋ a Nzaam bamugab gu myoog myande mu mudim wu gipal. 11Gaanz bamfum ba bangaaŋ a Nzaam bapusaag baad mumbad guloom gul Pilad mu guba duseen Balnabas mu bolog . 12Pilad gabawuful lyaag: «Kii lumazol nsal mumbad muud wuu ubabala biil ndaa todol wu Bayuda? 13Abooz bafudul ndaa: «Musi atala kulunz!» 14Pilad ga bawuful ndaa: «Kii mbi gamasal? Abooz bawagal mundag ya ngol ndaa: «Musi ha kulunz!» 15Mu gulungus luzol labaa, Pilad gaduus Balnabas mu bolog, gabulus Yees fimb, gabalemeneen mu gumusya hatala kulunz.
Bapumbul bayandag guseey Yees
(Maday 27:27-31; Yowaan 19:2-3)
16Bapumbul badwaal Yees gu nzo guvelneel ha gihan gi lusambas, bavugus bapumbul abooz. 17Bamubwadas mveel yi luduun ande pu yi baduuŋ ande ngaaŋ . 18Ibun bayandag mu gumuwa mbod ndaa: «Mbod mfum wu Bayuda!» 19Bayilig gamuswegeen mumbad gumubuleen mu mudwe, gumupameen made ande gufogom mun gunyeges midwe gutwaal ande . 20Daaŋ lubamanas mu gumuseey, bamudogol mveel yi luduun, bamubwadas lyaag milel myande ibun bamudwaal gunze mu gumusya hatal a kulunz.
Yees hatal a kulunz
(Maday 27:32-44; Yowaan 19:17-27)
21Bagam mugi ngolo ngol muud mos waduug gu bilaaŋ, mumbad gaseen kulunz ya Yees; zin lande Simon mwis bul bwa Silene, gida Alegzandel ande Rifis#15:21 Gufanagas Lom 16: 13.. 22Badwaal Yees ha gihan gidubilaga Golgoda, lusoŋlolol ndaa: «Gigul gi mudwe». 23Bamuwe viin lu bavugus ande mile, gaanz Yees loo ganwi. 24Ibun bamusi hatala kulunz, bagabaan milel myande ibun bamibuleen zeeg, mumbad guyaab min myafed guseen goonz muud#15:24 Dala mu Mig 22.19.. 25Mu daaŋ lu givwa lakeel, bamusi hatal a kulunz. 26Hatal a lubay mu bison badendel gigum gya kaan yande, basonog ndaa: «Todol wu Bayuda». 27Mumbiim a Yees, bagom lyaag bipumbul byeel, mos gu goog lu gidaad, mos gu goog lu gimaam lande. [ 28Mupil yayi Masonog ma lungusaam ndaa: «Bamudaaŋ mukab la baad bambi#15:28 nzil yi mu Masonog mavul ma tam loo yili. Dala mu Luug 22.37 ande Yez 53.12. .»]
29Baad baligaag mun gumudug ande gunigis midwe mun guwagal ndaa: «Eee, Nze wa zolaag gubwis nzo Nzaam ibun wakayiduuŋ mu biluum bidad#15:29 Dala mu 14.58; Mig 22.8; Yow 2.19., 30Gihuluseed Nze been, udoog ha kulunz! 31Gidees gimos bamfum ba bangaaŋ a Nzaam ande balooŋ ba nsig bayandag guseey Yees, munu gunsuun ndaa: «Gahulusaag bagween, ibun Ndebeen loo galeend gubihulusu! 32Wezel ndaa Kilisid, todol wa baan ba Isalel gadoog ha kulunz biisi dudeel, gungoy nga dumugwigil». Baad babasi ha taal a kulunz ande nde bayandag se mu gumudug.
Lufwa la Yees
(Maday 27:45-56; Luug 23:44-49; Yowaan 19:28-30)
33Mu mili, piib yabwi mu nsi ayooz dii mu daaŋ ladad lu masig. 34Gag mu daaŋ lwalun Yees gawagal ngol nda: «Eloi, Eloi, lema sabakatani», lusoŋolol ndaa: «Nzaam a me, Nzaam a me mumbad akii mambomuneen#15:34 Mig 22.2, gudal mu alamayeen.?» 35"(Ndamb ya Baad bambaan bagal han bamuwug ibun bayandag guwagal ndaa: «Luwug, gabala biil Eliya!». 36Mos mukab labaa gaseen gideem gigasi viin laŋan, gasi gunsooŋ gagidin ga mudi, gamusi gu gaan ndaa ganwi#15:36 Gufwanas ande Mig 69.22. , munu guwagal ndaa: «Dudaleed de Eliya bu giya mudogol atal a kulunz!» 37Yees ga wabag ngol ibun gafi.
38Lido la mbel a nzo Nzaam#15:38 Dala lyaag Gud 26.31-33. gawagag mu bidin byeel yandag gu to dii gunsin. 39Gapiteen ga bapumbul kaam wa Loom, wamad gutwaal a Yees, lugadeel mutiind wafi Yees, gawagal ndaa: «Muud wu, mukyeleg gagal Mwaan a Nzaam!» 40Gwagal se ande bakaad badalaag paan yin mu gibaal. Maliy mwisi Magadal, Maliy ngwaa Zyaag wa nguunz, Yoze ande Salome. 41Bakaad ban balabaag Yees ande gumusalas gu bul bwa Galiley, gumos ande bakaad bambaan babandag ande nde gu Yeluzalem.
Basi Yees mu maluum
(Maday 27:37-61; Luug 23:50-56; Yowaan 19:38-42)
42Giluum gi gidaan mu masig, mumbad gwagal giluum gigulugeb mumbad gwasaal daaŋ gisyoo muguduul mu giluum gya sabad;#15:42 Alamate: dala mu Mad 27.57 ande bison byagunsin. 43Yozef gagal muud wabul bwa Alamade, gagal muud wulugum mukab lugimvug giginen gi Bayuda ibun gazigagaa gimfum gya Nzaam, loo gawug boom muguloom luud la Yees gul Pilad. 44Pilad gayidig mu guwug ndaa Yees gamadoog mu gufwa, gabiil gapideen ga bapumbul kaam mu gumuwuful de mukyeleg Yees wafi. 45Gungoy guwool mvud gul gapiteen ga bapumbul kaam, galees Yozef mu guseen mvuum ya Yees. 46Yozef gasuum malgan, gadulul mvuum hatal a kulunz, gayisi hata malgan, gayiwiŋis mu mazyaam ma badubul mu mudoy mos wu munen; gungoy, gabad mudoy ambaan gu mbel mazyaam. 47Maliy wa bul bwa Magadal ande Maliy ngwa Yoze badalaag gihan gi basyaag lud la Yees.
Currently Selected:
Malgo 15: noq
Highlight
Copy
Compare
Share
Want to have your highlights saved across all your devices? Sign up or sign in
2025 The Seed Company in coordination with Association Congolaise de Traductions de la Bible
