Joh 11
11
Lazarus stoaft
1Doa wia oba eena krank, Lazarus von Betanien, en daut Darp von Maria un äare Sesta Marta. Luk 10:38-39 2(Daut wia de Maria, dee dän Harn met Saulweelj jesaulft un siene Feet met äare Hoa jedrieecht haud; dee äa Brooda Lazarus wia krank.) Joh 12:3 3Doawäajen schekjten de Sestren no Jesus un leeten Am sajen: Har, kjikj, dän Du leefst, dee es krank. 4Aus Jesus daut hieed, säd Hee: Dise Krankheit es nich toom Doot, oba fa Gott siene Harlichkjeit, daut Gott sien Sän doaderch veharlicht woat. Joh 9:3 5Jesus oba leewd Marta un äare Sesta un Lazarus. 6Aus Hee nu hieed, daut hee krank wia, bleef Hee noch twee Doag opp de Städ, wua Hee wia.
7No daut sajcht Hee to siene Jinja: Lot ons wada no Judäa gonen. 8De Jinja sajen to Am: Rabbi, jrod sochten de Juden Die to steenjen, un Du jeist wada doahan? Joh 10:31 9Jesus auntwuad: Haft de Dach nich twalw Stunden? Wäa äwadach jeit, stat sikj nich, wiels hee daut Licht von dise Welt sitt. Joh 9:4-5 10Wäa oba enne Nacht jeit, stat sikj, wiels daut Licht nich en am es. Joh 12:35
11Dit säd Hee, un doaropp säd Hee to äant: Ons Frint Lazarus schlapt; oba Ekj go han, om am opp to wakjen. Mat 9:24 12Dan säden siene Jinja: Har, es hee enjeschlopen, dan woat hee jesunt woaren. 13Jesus oba haud von sienem Doot jerät; see oba meenden, Hee räd von daut Reiwen em Schlop. 14Dan säd Jesus äant daut frie rut: Lazarus es jestorwen; 15un Ekj sie om junt-haulwen froo, daut Ekj nich doa jewast sie, doamet jie jleewen; oba lot ons nu no am gonen. 16Dan säd Tomas, dee uk Didymus#11:16 Ooda: Zwillinkj. jenant woat, to de Metjinja: Lot ons uk hangonen, daut wie met Am stoawen!
De Opparstonunk un daut Läwen
17Aus nu Jesus hankjeem, funk Hee am aul vea Doag em Grauf ligjen. 18Betanien oba wia dichtbie Jerusalem, bie feftieen Stadien#11:18 Eene Stadion es onjefäa 185 Meeta. auf. 19Un väle von de Juden wieren no Marta un Maria jekomen, äant to treesten äwa äaren Brooda. 20Aus Marta nu hieed, daut Jesus kjeem, jinkj see Am entjäajen. Maria oba bleef em Hus setten. 21Dan säd Marta to Jesus: Har, wan Du hia jewast wieescht, wia mien Brooda nich jestorwen. 22Oba uk nu weet ekj, wautemma Du von Gott bedden woascht, daut woat Gott Die jäwen. 23Jesus sajcht to ar: Dien Brooda saul oppstonen. 24Marta sajcht to Am: Ekj weet, daut hee oppstonen woat, en de Opparstonunk aum latsten Dach. Mat 22:23-33; Joh 5:28-29; 6:40 25Jesus säd to ar: Ekj sie de Opparstonunk un daut Läwen; wäa aun Mie jleeft, woat läwen, uk wan hee stoaft; 26un een jiedra, dee doa läft un jleeft aun Mie, woat en Eewichkjeit nich stoawen. Jleefst du daut? Joh 8:51 27See sajcht to Am: Jo, Har, ekj jleew, daut Du de Christus best, Gott sien Sän, dee en de Welt kjemt. Mat 16:16
Jesus sien Metjefeel
28Un aus see dit jesajcht haud, jinkj see wajch un roopt äare Sesta Maria heemlich un säd: De Liera es doa un roopt die. 29Aus see daut hieed, stunt see bosich opp un jinkj no Am. 30Jesus oba wia noch nich en daut Darp jekomen, oba wia noch opp de Städ, wua Marta Am bejäajent haud. 31Aus de Juden, dee bie ar em Hus wieren un ar treesten, sagen, daut Maria bosich oppstunt un rutjinkj, jinjen see ar hinjaraun un säden: See jeit nom Grauf, om doa to hielen. 32Aus nu Maria doa hankjeem, wua Jesus wia, un Am sach, foll see Am ver de Feet un säd to Am: Har, wieescht Du hia jewast, mien Brooda wia nich jestorwen. 33Aus nu Jesus ar hielen sach un de Juden uk hielen, dee met ar jekomen wieren, seft#11:33 Seften: Enodmen un utpusten en deepe Bewäajunk. Hee deep em Jeist un bewäajd sikj Joh 13:21 34un säd: Wua hab jie am hanjelajcht? See sajen to Am: Har, komm un kjikj! 35Jesus hield. 36Dan säden de Juden: Kjikj, woo hee am leewd! 37Atelje oba von äant säden: Kunn disa, dee däm Blinjen de Uagen opmuak, daut nich moaken, daut disa nich wudd jestorwen sennen? Joh 9:7
Jesus wakjt Lazarus opp vom Doot
38Jesus nu, wäarent Hee wada en sikj deep seft, kjeem nom Grauf. Daut wia oba eene Heel, un een Steen doa väajelajcht. Mat 27:60 39Jesus sajcht: Nämt dän Steen wajch! Marta, de Sesta von däm Jestorwnen, sajcht to Am: Har, hee rikjt aul, wiels hee es aul vea Doag hia. 40Jesus sajcht to ar: Hab Ekj die nich jesajcht, wan du wurscht jleewen, dan wurscht du Gott siene Harlichkjeit seenen? 41Dan neemen see dän Steen wajch, wua de Vestorwna hanjelajcht wia. Un Jesus hoof de Uagen enne Hecht un säd: Voda, Ekj dank Die, daut Du Mie jehieet hast. 42Ekj wist oba, daut Du Mie aule Tiet hieescht; oba om daut Volkjs haulwen, daut hia rom steit, hab Ekj dit jesajcht, daut see jleewen, daut Du Mie jeschekjt hast. Joh 12:30 43Un aus Hee dit jesajcht haud, roopt Hee met lude Stemm: Lazarus, komm rut! 44Un de Jestorwna kjeem rut, Henj un Feet met Grauf-Loakes jebungen un sien Aunjesecht met een Schweetduak omjebungen. Jesus sajcht to äant: Leest am loos un lot am gonen!
See Plonen, Jesus om to brinjen
45Väle nu von de Juden, dee no Maria jekomen wieren un sagen, waut Jesus deed, jleewden aun Am. 46Atelje oba von äant jinjen han no de Farisäa un säden äant, waut Jesus jedonen haud. 47Dan vesaumelden de Huagepriesta un Farisäa eenen Rot un säden: Waut doo wie? Wiels dis Mensch deit väle Wundatieekjens. Mat 26:3-4 48Lot wie Am soo toch, dan woaren see aula aun Am jleewen, un de Reema woaren komen un beides, onse Städ un Nazion wajchnämen. 49Oba eena von äant, Kaifas, dee en daut Joa Huagapriesta wia, säd to äant: Jie weeten goa nuscht 50un äwalajen uk nuscht, daut et fa ons bäta es, daut een Mensch fa daut Volkj stoaft, un nich daut de gaunze Nazion omkjemt. Joh 18:14 51Dit säd hee oba nich ut sikj selfst, oba wiels hee daut Joa Huagapriesta wia, profezeid hee, daut Jesus fa de Nazion stoawen sull. 52Un nich mau auleen fa de Nazion, oba uk daut Hee Gott siene vestreide Kjinja en eent toopsaumlen sull. Joh 7:35; 10:16; 1Joh 2:2 53Von däm Dach aun berooden see, woo Am doot to moaken.
54Doawäajen jinkj Jesus nich mea effentlich mank de Juden, oba jinkj von doa wajch en de Jäajent dichtbie de Wiltnis, en eene Staut, Efraim jenant, un doa hilt Hee sikj opp met siene Jinja. 2Sa 13:23 55De Juden äa Passa wia oba dichtbie, un väle jinjen ver daut Passa ut de Jäajent nopp no Jerusalem, om sikj to reinjen. 2Chr 30:17-18 56Dan sochten see no Jesus un säden unjarenaunda, wäarent see em Tempel stunden: Waut denkj jie, kjemt Hee nich no daut Fast? 57Nu hauden de Huagepriesta un de Farisäa eenen Befäl jejäft, daut, wan irjentwäa wist, wua Hee wia, daut aunmald, daut see Am jriepen kunnen.
Johanes
Currently Selected:
Joh 11: DKB
Highlight
Copy
Compare
Share
Want to have your highlights saved across all your devices? Sign up or sign in
Copyright © 2023 von de Kjennichs-Bibel Jesalschoft
