Imamat 25
25
Musungu ma soi tumudingi
1Da'u toma kie Sinai ma tubu, Ma JOU 'o kanau ra Musa ma betongo so'o ne: 2<<Siajele toma bangsa Israel so'o ne: <Wakutu ngini ni osama ḏua toma tana'a ga'a Ngoi, Ma JOU to pula'a ra ngini, ngini balasu ni silamo'o Ma JOU rema duhu so'o ne: Toma musungu ma soi tumudingi, ninga guḏa na sieanga i'a re ni munara rawara 'oru ḇato. 3Ma di'ara musungu rarama, ngini balasu ni maso'ana taninga guḏa-guḏa, ni sigofi ninga guḏa 'anggur, re ni lomu ninga guḏa ma hasili. 4Mada'a toma musungu ma soi tumudingi ma di'ara musungu rimoi, gena-ge Sabata ma musungu wakutu tana'a sanga ma ngomasa: ngini ninga guḏa na sieanga i'a re ni munara rawara 'oru ḇato di'a ni silamo'o Ngoi, Ma JOU. Toma 'orasa gena-ge, awa ngini ni maso'ana gisisi bolo sigofi ninga guḏa 'anggur. 5'Oru ḇato ga'a 'i konyo i'a masiretene taninga guḏa, bolo 'anggur ma sowo'o ga'a 'i konyo masiretene taninga guḏa 'anggur ga'a na sigofi ua, awa ngini na lomu re gogono. Sababu ma guḏa sanga mangomasa, ma di'ara musungu rimoi gena-ge. 6Toma Sabata ma musungu rimoi gena-ge 'oru ḇato guḏa ma hasili 'i dadi ninga ngo-ngoromo: bae di'a ngini diri, ninga budaka ma nau'u bolo were'a re ḏi'i ngowa'a munara bolo ngowa'a tagi-tagi ino ga'a 'aḏi tegoro taninga sigolona, 7re ḏi'i di'a ninga haiwani piara, re haiwani nga-ngabala taninga nagara. 'Oru ḇato guḏa ma hasili, enanga 'i dadi ngo-ngoromo.
Musungu Siḏibo
8Roimi musungu tumudingi sidu'olo soi tumudingi, ma di'ara musungu nyagi rata re siworo. 9Gena ḏua, toma musungu ma soi nyagi romotoa toma ngara ma soi tumudingi re toma tanggal nyagi moi, no soma'a ngowa'a Israel 'aḏi wusu torompet le'a bolo le'a toma gamu mo-moini sababu wangere gena-ge wangere laya di'a bangsa Israel dadunu 'aḏi dadi marimoi moju ra Ma JOU. 10Ngini balasu na siwola i'a musungu ma soi nyagi romotoa gena-ge di'a Ngoi, Ma JOU. Re ngini balasu ni siajele toma ngowa'a kawasa mangale musungu gena-ge di'a sibebasa. Musungu gena-ge 'i dadi Musungu Siḏibo di'a ngini: Na'o tana'a ga'a 'i siwu'unu ḏua, tana'a gena-ge balasu 'i siḏibo toma enanga ma dutu ma mulaingi, bolo siḏibo tai ju'uda. Ananga matengo re matengo ga'a 'aḏi siwu'unu sa'olo budaka, ananga gena-ge ma dutu balasu ya'u siḏibo tamanga ngitu re ngale. 11Musungu ma soi nyagi romotoa ḏuanga 'i dadi Musungu Siḏibo di'a ngini. Toma musungu gena-ge, awa ni maso'ana bolo 'utu'u 'oru ga'a 'i konyo masiretene taninga guḏa bolo ni lomu 'anggur ma sowo'o ga'a 'i konyo masiretene taninga guḏa 'anggur ga'a na sigofi ua. 12Musungu gena-ge ngini na siwola i'a di'a Ngoi, Ma JOU re 'i dadi Musungu Siḏibo di'a ngini. Ngini nyengara oromo 'oru ḇato ga'a 'i konyo masiretene taninga guḏa.
13Toma Musungu Siḏibo gena-ge ngini nyengara ni siḏibo toma tana'a ma dutu ma mulaingi. 14Na'o ngini ngowa'a israel ni ma'u wu'unu bolo ni ma'u tibo tana'a, awa ni ma'u sihaga: 15Na'o ngini ni mau wu'unu bolo tibo, tana'a ma ijana balasu 'i mete'e ma di'ara sa'olo tana'a gena-ge 'i pula'a ma hasili singadolo dadunu Musungu Siḏibo. 16Na'o ma musungu lai ti'ara, tana'a ma ijana lebe hali. Mada'a na'o ma musungu ti'ara ua, ma ijana balasu lebe mura, sababu 'oru ga'a wu'unu gena-ge mete'e tana'a ma hasili singadolo dadunu Musungu Siḏibo. 17Awa ngini ngowa'a Israel ma'u sihaga matengo re matengo, mada'a balasu ni silamo'o re mojongo Ma Jou'ongu Madutu ga'a ngini ni silamo'o re siḏubuso sababu Ngoi nena-ne Ma JOU, Ma Jou'ongu Madutu ga'a ngini ni silamo'o re siḏubuso.
18<<Sababu gena-ge, ngini balasu ni mete'e Ngoi, Ma JOU 'ai hukumu re 'Ai putusanga re ni madiga'a mo-moini gena-ge, la ni tegoro kama mojongo ua toma nagara gena-ge. 19Ngara ma tana'a ḏuanga i'a 'i pula'a ma hasili singadolo ngini na oromo singadolo ḏugala, re ni tegoro kama mojongo ua toma nagara gena-ge. 20Mada'a na'o ngini ni sano taninga 'akala re sinyingara so'o ne: <Na'o ma di'ara musungu ma soi tumudingi, tana'a gena-ge wo maso'ana 'i yoḏu'u re ma hasili wa lomu 'i yoḏu'u, dadi ngene wo oromo 'oru?> 21Toma musungu ma soi rarama Ngoi, Ma JOU ḏuanga i'a 'O sibarakati tana'a gena-ge, la ma hasili gena-ge ngadolo di'a ngini na oromo ma di'ara musungu ro'ange. 22Re wakutu ngini ni maso'ana toma musungu ma nyo-nyoimi tu'angere, hasili toma musungu ma soi rarama rema enanga moju di'a ngini na oromo singadolo ma 'orasa ngini ni lomu ninga tana'a ma hasili toma musungu ma soi siworo.
Siḏibo tana'a re wala
23Awa ni wu'unu sisengene ninga tana'a, sababu tana'a gena-ge ta-ngini ua mada'a enanga gena-ge Ta-Ngoi, Ma JOU. Ngini ma tero sa'olo ngowa'a tagi-tagi ino re ngowa'a sa-sapolo ino, Ngoi pa'i to simaha ngini ni pake ḇato tana'a gena-ge. 24Toma nagara mo-moini ga'a ta-ngini, na'o ngini ni tibo tana'a ḇotu moi, ngini balasu ni pula'a donga toma tana'a ma dutu ma mulaingi di'a 'o tuusu tana'a gena-ge.
25<<Na'o ngowa'a Israel matengo 'o dadi ngowa'a ma dinga'unu ua singadolo unanga balasu 'o wu'unu 'ai tana'a, ḏua 'ai ioronongoḏu rera moi ga'a balasu 'o riono, unanga nyengara sapolo di'a 'o tuusu tana'a gena-ge ga'a 'ai ioronongoḏu ra wu'unu ḏua.#Rut. 2:20 26Na'o matengo i'a mai ua toma ioronongoḏu rera moi di'a 'o tuusu tana'a gena-ge, mada'a ngowa'a Israel tana'a ma dutu ma mulaingi gena-ge masiretene ḏuanga i'a 'o sanga pipisi singadolo nga'unu 'o tuusu 'ai tana'a; 27unanga balasu 'o fangu toma ngowa'a ga'a ro tibo tana'a gena-ge mete'e ma di'ara sa'olo tana'a gena-ge 'i pula'a ma hasili singadolo dadunu Musungu Siḏibo toma biono. Rema duhu gena-ge, tana'a gena-ge dadunu 'i dadi 'ai haku moju. 28Mada'a na'o ngowa'a Israel gena-ge ga'a tana'a ma dutu ma mulaingi, unanga nga'unu ua 'o tuusu tana'a, ngowa'a matengo ga'a ra tibo tana'a gena-ge 'i sitatapu 'ai haku moju, singadolo Musungu Siḏibo toma biono. Ḏua toma Musungu Siḏibo, tana'a gena-ge balasu 'i siḏibo toma tana'a ma dutu ma mulaingi re unanga nyengara 'o tegoro toma tana'a gena-ge moju.
29<<Na'o matengo i'a 'o wu'unu 'ai wala toma limau ma dara ga'a 'i sigoloḏi reo dounu, unanga nyengara dadunu 'a tuusu moju toma musungu ma mulaingi ma dara. Ma di'ara musungu rimoi ti-tiai, ngowa'a matengo gena-ge nga'unu dadunu 'o wu'unu moju 'ai wala. 30Mada'a na'o wala gena-ge ga'a 'i sigoloḏi reo dounu, unanga 'a tuusu ua toma musungu rimoi ma dara, unanga 'ai haku ri iranga di'a 'a tuusu. Wala gena-ge 'i sitatapu di'a ngowa'a ga'a ya tibo singadolo 'ai ju'uda tala. Toma Musungu Siḏibo, wala gena-ge 'i siḏibo riwara. 31Mada'a wala-wala toma gamu sigoloḏi reo dounu ua, ma 'atoranga ma tero sa'olo tana'a ma 'atoranga ḏi'i. Wala ma dutu ma mulaingi unanga gena-ge 'o tatapu 'ai haku di'a tuusu wala gena-ge. Re wala gena-ge balasu 'i siḏibo toma wala ma dutu ma mulaingi na'o ma Musungu Siḏibo ri ngadolo. 32Mada'a di'a ngowa'a Lewi manga limau, ngowa'a Lewi nyengara 'aḏi madaga'a haku di'a tuusu manga wala ga'a tamanga limau toma 'orasa 'oru ḇato. 33Na'o ngowa'a Lewi matengo, 'o wu'unu 'ai wala tamanga limau rimoi i'a, mada'a unanga 'a tuusu ua; wala gena-ge balasu 'i siḏibo toma Lewi ga'a ma dutu ma mulaingi wakutu Musungu Siḏibo ri ngadolo. Sababu wala ngowa'a Lewi tamanga limau-limau, gena-ge 'i sitatapu ananga manga haku, toma ngowa'a Israel manga sigolona. 34Mada'a daeraha rurubu ga'a 'i sigoloḏi ngowa'a Lewi manga limau, enanga gena-ge 'i siwu'unu yoḏu'u, sababu daeraha gena-ge di'a ngowa'a Lewi kasingado-ngadolo i'a.
Pula'a bau toma ngowa'a ma dinga'unu ua
35<<Na'o 'age ngowa'a Israel matengo ga'a 'o tegoro taninga sigolona, unanga gena-ge 'o dadi ngowa'a ma dinga'unu ua singadolo unanga masiretene 'o matahana nga'unu ua, ngini balasu nu riono saolo ngowa'a gena-ge ma tero sa'olo ngowa'a tagi-tagi ino re ngowa'a sa-sapolo ino, la unanga nga'unu 'ahu taninga wala. 36Na'o ni bau pipisi ra unanga, awa ni 'oro ma rete bolo 'utungu 'oru ḇato mada'a ngini ni balasu silamo'o re mojongo Ma Jou'ongu Madutu ga'a ngini ni silamo'o re siḏubuso, la unanga gena-ge nga'unu 'ahu taninga wala. 37Awa ni bau ninga pipisi ra unanga rema rete re na'o ni wu'unu ngo-ngoromo ra unanga, awa ni 'oro 'utungu. 38Ngoi nena-ne Ma JOU, Ma Jou'ongu Madutu ga'a ngini silamo'o re siḏubuso. Ngoi to gasa sisupu ngini toma tana'a Mesir di'a pula'a nagara Kanaan di'a ngini, la Ngoi to dadi Ma Jou'ongu Madutu ga'a ngini ni silamo'o re siḏubuso.
Budaka sanga bebasa
39Na'o ngowa'a Israel matengo ga'a 'o tegoro taninga sigolona, unanga gena-ge 'o dadi ngowa'a ma dinga'unu ua singadolo unanga 'o mawu'unu 'ai diri sa'olo budaka ra ngini, awa ni soma'a unanga gena-ge 'o 'a'a munara sa'olo ngowa'a budaka. 40Mada'a unanga balasu 'o tegoro taninga wala sa'olo ngowa'a munara ma tero sa'olo ngowa'a tagi-tagi ino re unanga gena-ge 'o munara singadolo Musungu Siḏibo ri ngadolo. 41Toma Musungu Siḏibo gena-ge, unanga rai ngowa-ngowa'a nyengara 'aḏi sisoi'i tala taninga wala, re ananga gena-ge 'aḏi maḏibo tamanga ngitu re ngale masiretene re tamanga ete re dotumu ma tana'a. 42Sababu ngowa'a Israel gena-ge Ngoi 'ari budaka-budaka, ga'a Ta'u sibebasa wakutu 'aḏi dadi budaka toma Mesir. Sababu gena-ge ananga 'aḏi siwu'unu yoḏu'u sa'olo budaka di'a manusia. 43Dadi ngowa'a Israel ga'a 'aḏi mawu'unu manga diri, awa ngini ni ma'u 'a'a kasara, mada'a ngini balasu ni silamo'o re mojongo Ma Jou'ongu Madutu ga'a ngini ni silamo'o re siḏubuso. 44Na'o ngini paralu budaka bae na-nau'u bolo we-were'a, ngini balasu ni tibo toma bangsa ga'a sigoloḏi ngini. 45Nyengara ḏi'i, ngini ni tibo budaka toma ngowa'a tagi-tagi ino manga ngowa-ngowa'a ga'a raḏi tegoro tatapu taninga sigolona, re ngowa'a tagi-tagi ino manga ete re dotumu manga ngowa'a ga'a siḏe-ḏegoro taninga nagara. Ananga mo-moini nyengara 'aḏi dadi ta-ngini. 46Re nyengara na siwarisi ananga ga'a 'aḏi dadi budaka taninga ngowa-ngowa'a nau'u singadolo ananga gena-ge manga 'ahu ma ḏo-ḏogumu. Mada'a ngowa'a Israel lelegu ma tero ngini ḏi'i, dadi awa ni parenta ananga rema kasara.
47Na'o ngowa'a tagi-tagi ino bolo ngowa'a sapo-sapolo ino matengo 'o tegoro taninga sigolona, re unanga gena-ge 'o dadi ngowa'a rema-enanga re 'age ngowa'a Israel matengo 'o tegoro co-cori ngowa'a rema-enanga gena-ge re ngowa'a Israel gena-ge 'o dadi ngowa'a ma dinga'unu ua singadolo 'o mawu'unu 'ai diri sa'olo budaka, toma ngowa'a tagi-tagi ino bolo ngowa'a sapo-sapolo ino bolo ngowa'a tagi-tagi ino 'ai rera-rera, 48Togumu i'a, ngowa'a Israel ga'a 'o dadi budaka, unanga rema haku di'a 'o tuusu. 'Ai ioro bolo nongoḏu nau'u matengo nyengara 'u tuusu. 49Bolo 'ai jou, bolo ma ioro bolo re nongoḏu 'ai ngowa'a nau'u, bolo matengo i'a 'ai ioro re nongoḏu ma nau'u cori nyengara 'o tuusu budaka gena-ge, bolo na'o unanga masiretene 'o dadi ngowa'a rema-enanga, unanga nyengara 'o tuusu 'ai diri masiretene. 50Budaka gena-ge balasu ma'u sisano reo ngowa'a matengo ru tibo, ananga balasu ya roimi mulaingi wu'unu 'ai diri singadolo Musungu Siḏibo toma biono 'i ngadolo. Ma ijana gena-ge 'i mete'e musungu muḏuo i'a, la ananga gena-ge ya sitantukanga du-duusu ma lamo'o. Ma ijana ma lamo'o balasu ma tero sa'olo ngowa'a munara manga ngogele. 51Na'o ma di'ara musungu 'i repe singadolo Musungu Siḏibo toma biono, ngowa'a Israel gena-ge ga'a budaka balasu 'o fangu ijana ga'a lamo'o di'a 'o tuusu 'ai diri. 52Mada'a na'o ma di'ara musungu 'i ceka'a singadolo Musungu Siḏibo toma biono, ngowa'a Israel gena-ge ga'a dadi budaka balasu 'o fangu ijana lebe ceka'a di'a 'o tuusu 'ai diri. 53'Ai tuanga balasu 'o singa'unu ngowa'a Israel gena-ge ga'a dadi budaka ma tero sa'olo ngowa'a munara musungu rimoi re musungu rimoi. Dadi, awa 'ai tuanga 'u 'a'a kasara tamanga bangsa Israel ma momina. 54Na'o rema duhu gena-ge, ngowa'a Israel gena-ge ga'a dadi budaka 'o sanga tuusu yoḏu'u kara toma Musungu Siḏibo toma biono, unanga gena-ge rai ngowa'a balasu sanga bebasa. 55Sababu Ngoi, Ma JOU Ma Jou'ongu Madutu ga'a ngini ni silamo'o re siḏubuso ga'a gasa supu ngowa'a Israel ma tero sa'olo 'Ari budaka-budaka toma nagara Mesir, pa'i ananga gena-ge 'aḏi dadi budaka di'a Ngoi.
Currently Selected:
Imamat 25: SAJ
Highlight
Share
Compare
Copy
Want to have your highlights saved across all your devices? Sign up or sign in
2025 Indonesian Bible Society (LAI)
Imamat 25
25
Musungu ma soi tumudingi
1Da'u toma kie Sinai ma tubu, Ma JOU 'o kanau ra Musa ma betongo so'o ne: 2<<Siajele toma bangsa Israel so'o ne: <Wakutu ngini ni osama ḏua toma tana'a ga'a Ngoi, Ma JOU to pula'a ra ngini, ngini balasu ni silamo'o Ma JOU rema duhu so'o ne: Toma musungu ma soi tumudingi, ninga guḏa na sieanga i'a re ni munara rawara 'oru ḇato. 3Ma di'ara musungu rarama, ngini balasu ni maso'ana taninga guḏa-guḏa, ni sigofi ninga guḏa 'anggur, re ni lomu ninga guḏa ma hasili. 4Mada'a toma musungu ma soi tumudingi ma di'ara musungu rimoi, gena-ge Sabata ma musungu wakutu tana'a sanga ma ngomasa: ngini ninga guḏa na sieanga i'a re ni munara rawara 'oru ḇato di'a ni silamo'o Ngoi, Ma JOU. Toma 'orasa gena-ge, awa ngini ni maso'ana gisisi bolo sigofi ninga guḏa 'anggur. 5'Oru ḇato ga'a 'i konyo i'a masiretene taninga guḏa, bolo 'anggur ma sowo'o ga'a 'i konyo masiretene taninga guḏa 'anggur ga'a na sigofi ua, awa ngini na lomu re gogono. Sababu ma guḏa sanga mangomasa, ma di'ara musungu rimoi gena-ge. 6Toma Sabata ma musungu rimoi gena-ge 'oru ḇato guḏa ma hasili 'i dadi ninga ngo-ngoromo: bae di'a ngini diri, ninga budaka ma nau'u bolo were'a re ḏi'i ngowa'a munara bolo ngowa'a tagi-tagi ino ga'a 'aḏi tegoro taninga sigolona, 7re ḏi'i di'a ninga haiwani piara, re haiwani nga-ngabala taninga nagara. 'Oru ḇato guḏa ma hasili, enanga 'i dadi ngo-ngoromo.
Musungu Siḏibo
8Roimi musungu tumudingi sidu'olo soi tumudingi, ma di'ara musungu nyagi rata re siworo. 9Gena ḏua, toma musungu ma soi nyagi romotoa toma ngara ma soi tumudingi re toma tanggal nyagi moi, no soma'a ngowa'a Israel 'aḏi wusu torompet le'a bolo le'a toma gamu mo-moini sababu wangere gena-ge wangere laya di'a bangsa Israel dadunu 'aḏi dadi marimoi moju ra Ma JOU. 10Ngini balasu na siwola i'a musungu ma soi nyagi romotoa gena-ge di'a Ngoi, Ma JOU. Re ngini balasu ni siajele toma ngowa'a kawasa mangale musungu gena-ge di'a sibebasa. Musungu gena-ge 'i dadi Musungu Siḏibo di'a ngini: Na'o tana'a ga'a 'i siwu'unu ḏua, tana'a gena-ge balasu 'i siḏibo toma enanga ma dutu ma mulaingi, bolo siḏibo tai ju'uda. Ananga matengo re matengo ga'a 'aḏi siwu'unu sa'olo budaka, ananga gena-ge ma dutu balasu ya'u siḏibo tamanga ngitu re ngale. 11Musungu ma soi nyagi romotoa ḏuanga 'i dadi Musungu Siḏibo di'a ngini. Toma musungu gena-ge, awa ni maso'ana bolo 'utu'u 'oru ga'a 'i konyo masiretene taninga guḏa bolo ni lomu 'anggur ma sowo'o ga'a 'i konyo masiretene taninga guḏa 'anggur ga'a na sigofi ua. 12Musungu gena-ge ngini na siwola i'a di'a Ngoi, Ma JOU re 'i dadi Musungu Siḏibo di'a ngini. Ngini nyengara oromo 'oru ḇato ga'a 'i konyo masiretene taninga guḏa.
13Toma Musungu Siḏibo gena-ge ngini nyengara ni siḏibo toma tana'a ma dutu ma mulaingi. 14Na'o ngini ngowa'a israel ni ma'u wu'unu bolo ni ma'u tibo tana'a, awa ni ma'u sihaga: 15Na'o ngini ni mau wu'unu bolo tibo, tana'a ma ijana balasu 'i mete'e ma di'ara sa'olo tana'a gena-ge 'i pula'a ma hasili singadolo dadunu Musungu Siḏibo. 16Na'o ma musungu lai ti'ara, tana'a ma ijana lebe hali. Mada'a na'o ma musungu ti'ara ua, ma ijana balasu lebe mura, sababu 'oru ga'a wu'unu gena-ge mete'e tana'a ma hasili singadolo dadunu Musungu Siḏibo. 17Awa ngini ngowa'a Israel ma'u sihaga matengo re matengo, mada'a balasu ni silamo'o re mojongo Ma Jou'ongu Madutu ga'a ngini ni silamo'o re siḏubuso sababu Ngoi nena-ne Ma JOU, Ma Jou'ongu Madutu ga'a ngini ni silamo'o re siḏubuso.
18<<Sababu gena-ge, ngini balasu ni mete'e Ngoi, Ma JOU 'ai hukumu re 'Ai putusanga re ni madiga'a mo-moini gena-ge, la ni tegoro kama mojongo ua toma nagara gena-ge. 19Ngara ma tana'a ḏuanga i'a 'i pula'a ma hasili singadolo ngini na oromo singadolo ḏugala, re ni tegoro kama mojongo ua toma nagara gena-ge. 20Mada'a na'o ngini ni sano taninga 'akala re sinyingara so'o ne: <Na'o ma di'ara musungu ma soi tumudingi, tana'a gena-ge wo maso'ana 'i yoḏu'u re ma hasili wa lomu 'i yoḏu'u, dadi ngene wo oromo 'oru?> 21Toma musungu ma soi rarama Ngoi, Ma JOU ḏuanga i'a 'O sibarakati tana'a gena-ge, la ma hasili gena-ge ngadolo di'a ngini na oromo ma di'ara musungu ro'ange. 22Re wakutu ngini ni maso'ana toma musungu ma nyo-nyoimi tu'angere, hasili toma musungu ma soi rarama rema enanga moju di'a ngini na oromo singadolo ma 'orasa ngini ni lomu ninga tana'a ma hasili toma musungu ma soi siworo.
Siḏibo tana'a re wala
23Awa ni wu'unu sisengene ninga tana'a, sababu tana'a gena-ge ta-ngini ua mada'a enanga gena-ge Ta-Ngoi, Ma JOU. Ngini ma tero sa'olo ngowa'a tagi-tagi ino re ngowa'a sa-sapolo ino, Ngoi pa'i to simaha ngini ni pake ḇato tana'a gena-ge. 24Toma nagara mo-moini ga'a ta-ngini, na'o ngini ni tibo tana'a ḇotu moi, ngini balasu ni pula'a donga toma tana'a ma dutu ma mulaingi di'a 'o tuusu tana'a gena-ge.
25<<Na'o ngowa'a Israel matengo 'o dadi ngowa'a ma dinga'unu ua singadolo unanga balasu 'o wu'unu 'ai tana'a, ḏua 'ai ioronongoḏu rera moi ga'a balasu 'o riono, unanga nyengara sapolo di'a 'o tuusu tana'a gena-ge ga'a 'ai ioronongoḏu ra wu'unu ḏua.#Rut. 2:20 26Na'o matengo i'a mai ua toma ioronongoḏu rera moi di'a 'o tuusu tana'a gena-ge, mada'a ngowa'a Israel tana'a ma dutu ma mulaingi gena-ge masiretene ḏuanga i'a 'o sanga pipisi singadolo nga'unu 'o tuusu 'ai tana'a; 27unanga balasu 'o fangu toma ngowa'a ga'a ro tibo tana'a gena-ge mete'e ma di'ara sa'olo tana'a gena-ge 'i pula'a ma hasili singadolo dadunu Musungu Siḏibo toma biono. Rema duhu gena-ge, tana'a gena-ge dadunu 'i dadi 'ai haku moju. 28Mada'a na'o ngowa'a Israel gena-ge ga'a tana'a ma dutu ma mulaingi, unanga nga'unu ua 'o tuusu tana'a, ngowa'a matengo ga'a ra tibo tana'a gena-ge 'i sitatapu 'ai haku moju, singadolo Musungu Siḏibo toma biono. Ḏua toma Musungu Siḏibo, tana'a gena-ge balasu 'i siḏibo toma tana'a ma dutu ma mulaingi re unanga nyengara 'o tegoro toma tana'a gena-ge moju.
29<<Na'o matengo i'a 'o wu'unu 'ai wala toma limau ma dara ga'a 'i sigoloḏi reo dounu, unanga nyengara dadunu 'a tuusu moju toma musungu ma mulaingi ma dara. Ma di'ara musungu rimoi ti-tiai, ngowa'a matengo gena-ge nga'unu dadunu 'o wu'unu moju 'ai wala. 30Mada'a na'o wala gena-ge ga'a 'i sigoloḏi reo dounu, unanga 'a tuusu ua toma musungu rimoi ma dara, unanga 'ai haku ri iranga di'a 'a tuusu. Wala gena-ge 'i sitatapu di'a ngowa'a ga'a ya tibo singadolo 'ai ju'uda tala. Toma Musungu Siḏibo, wala gena-ge 'i siḏibo riwara. 31Mada'a wala-wala toma gamu sigoloḏi reo dounu ua, ma 'atoranga ma tero sa'olo tana'a ma 'atoranga ḏi'i. Wala ma dutu ma mulaingi unanga gena-ge 'o tatapu 'ai haku di'a tuusu wala gena-ge. Re wala gena-ge balasu 'i siḏibo toma wala ma dutu ma mulaingi na'o ma Musungu Siḏibo ri ngadolo. 32Mada'a di'a ngowa'a Lewi manga limau, ngowa'a Lewi nyengara 'aḏi madaga'a haku di'a tuusu manga wala ga'a tamanga limau toma 'orasa 'oru ḇato. 33Na'o ngowa'a Lewi matengo, 'o wu'unu 'ai wala tamanga limau rimoi i'a, mada'a unanga 'a tuusu ua; wala gena-ge balasu 'i siḏibo toma Lewi ga'a ma dutu ma mulaingi wakutu Musungu Siḏibo ri ngadolo. Sababu wala ngowa'a Lewi tamanga limau-limau, gena-ge 'i sitatapu ananga manga haku, toma ngowa'a Israel manga sigolona. 34Mada'a daeraha rurubu ga'a 'i sigoloḏi ngowa'a Lewi manga limau, enanga gena-ge 'i siwu'unu yoḏu'u, sababu daeraha gena-ge di'a ngowa'a Lewi kasingado-ngadolo i'a.
Pula'a bau toma ngowa'a ma dinga'unu ua
35<<Na'o 'age ngowa'a Israel matengo ga'a 'o tegoro taninga sigolona, unanga gena-ge 'o dadi ngowa'a ma dinga'unu ua singadolo unanga masiretene 'o matahana nga'unu ua, ngini balasu nu riono saolo ngowa'a gena-ge ma tero sa'olo ngowa'a tagi-tagi ino re ngowa'a sa-sapolo ino, la unanga nga'unu 'ahu taninga wala. 36Na'o ni bau pipisi ra unanga, awa ni 'oro ma rete bolo 'utungu 'oru ḇato mada'a ngini ni balasu silamo'o re mojongo Ma Jou'ongu Madutu ga'a ngini ni silamo'o re siḏubuso, la unanga gena-ge nga'unu 'ahu taninga wala. 37Awa ni bau ninga pipisi ra unanga rema rete re na'o ni wu'unu ngo-ngoromo ra unanga, awa ni 'oro 'utungu. 38Ngoi nena-ne Ma JOU, Ma Jou'ongu Madutu ga'a ngini silamo'o re siḏubuso. Ngoi to gasa sisupu ngini toma tana'a Mesir di'a pula'a nagara Kanaan di'a ngini, la Ngoi to dadi Ma Jou'ongu Madutu ga'a ngini ni silamo'o re siḏubuso.
Budaka sanga bebasa
39Na'o ngowa'a Israel matengo ga'a 'o tegoro taninga sigolona, unanga gena-ge 'o dadi ngowa'a ma dinga'unu ua singadolo unanga 'o mawu'unu 'ai diri sa'olo budaka ra ngini, awa ni soma'a unanga gena-ge 'o 'a'a munara sa'olo ngowa'a budaka. 40Mada'a unanga balasu 'o tegoro taninga wala sa'olo ngowa'a munara ma tero sa'olo ngowa'a tagi-tagi ino re unanga gena-ge 'o munara singadolo Musungu Siḏibo ri ngadolo. 41Toma Musungu Siḏibo gena-ge, unanga rai ngowa-ngowa'a nyengara 'aḏi sisoi'i tala taninga wala, re ananga gena-ge 'aḏi maḏibo tamanga ngitu re ngale masiretene re tamanga ete re dotumu ma tana'a. 42Sababu ngowa'a Israel gena-ge Ngoi 'ari budaka-budaka, ga'a Ta'u sibebasa wakutu 'aḏi dadi budaka toma Mesir. Sababu gena-ge ananga 'aḏi siwu'unu yoḏu'u sa'olo budaka di'a manusia. 43Dadi ngowa'a Israel ga'a 'aḏi mawu'unu manga diri, awa ngini ni ma'u 'a'a kasara, mada'a ngini balasu ni silamo'o re mojongo Ma Jou'ongu Madutu ga'a ngini ni silamo'o re siḏubuso. 44Na'o ngini paralu budaka bae na-nau'u bolo we-were'a, ngini balasu ni tibo toma bangsa ga'a sigoloḏi ngini. 45Nyengara ḏi'i, ngini ni tibo budaka toma ngowa'a tagi-tagi ino manga ngowa-ngowa'a ga'a raḏi tegoro tatapu taninga sigolona, re ngowa'a tagi-tagi ino manga ete re dotumu manga ngowa'a ga'a siḏe-ḏegoro taninga nagara. Ananga mo-moini nyengara 'aḏi dadi ta-ngini. 46Re nyengara na siwarisi ananga ga'a 'aḏi dadi budaka taninga ngowa-ngowa'a nau'u singadolo ananga gena-ge manga 'ahu ma ḏo-ḏogumu. Mada'a ngowa'a Israel lelegu ma tero ngini ḏi'i, dadi awa ni parenta ananga rema kasara.
47Na'o ngowa'a tagi-tagi ino bolo ngowa'a sapo-sapolo ino matengo 'o tegoro taninga sigolona, re unanga gena-ge 'o dadi ngowa'a rema-enanga re 'age ngowa'a Israel matengo 'o tegoro co-cori ngowa'a rema-enanga gena-ge re ngowa'a Israel gena-ge 'o dadi ngowa'a ma dinga'unu ua singadolo 'o mawu'unu 'ai diri sa'olo budaka, toma ngowa'a tagi-tagi ino bolo ngowa'a sapo-sapolo ino bolo ngowa'a tagi-tagi ino 'ai rera-rera, 48Togumu i'a, ngowa'a Israel ga'a 'o dadi budaka, unanga rema haku di'a 'o tuusu. 'Ai ioro bolo nongoḏu nau'u matengo nyengara 'u tuusu. 49Bolo 'ai jou, bolo ma ioro bolo re nongoḏu 'ai ngowa'a nau'u, bolo matengo i'a 'ai ioro re nongoḏu ma nau'u cori nyengara 'o tuusu budaka gena-ge, bolo na'o unanga masiretene 'o dadi ngowa'a rema-enanga, unanga nyengara 'o tuusu 'ai diri masiretene. 50Budaka gena-ge balasu ma'u sisano reo ngowa'a matengo ru tibo, ananga balasu ya roimi mulaingi wu'unu 'ai diri singadolo Musungu Siḏibo toma biono 'i ngadolo. Ma ijana gena-ge 'i mete'e musungu muḏuo i'a, la ananga gena-ge ya sitantukanga du-duusu ma lamo'o. Ma ijana ma lamo'o balasu ma tero sa'olo ngowa'a munara manga ngogele. 51Na'o ma di'ara musungu 'i repe singadolo Musungu Siḏibo toma biono, ngowa'a Israel gena-ge ga'a budaka balasu 'o fangu ijana ga'a lamo'o di'a 'o tuusu 'ai diri. 52Mada'a na'o ma di'ara musungu 'i ceka'a singadolo Musungu Siḏibo toma biono, ngowa'a Israel gena-ge ga'a dadi budaka balasu 'o fangu ijana lebe ceka'a di'a 'o tuusu 'ai diri. 53'Ai tuanga balasu 'o singa'unu ngowa'a Israel gena-ge ga'a dadi budaka ma tero sa'olo ngowa'a munara musungu rimoi re musungu rimoi. Dadi, awa 'ai tuanga 'u 'a'a kasara tamanga bangsa Israel ma momina. 54Na'o rema duhu gena-ge, ngowa'a Israel gena-ge ga'a dadi budaka 'o sanga tuusu yoḏu'u kara toma Musungu Siḏibo toma biono, unanga gena-ge rai ngowa'a balasu sanga bebasa. 55Sababu Ngoi, Ma JOU Ma Jou'ongu Madutu ga'a ngini ni silamo'o re siḏubuso ga'a gasa supu ngowa'a Israel ma tero sa'olo 'Ari budaka-budaka toma nagara Mesir, pa'i ananga gena-ge 'aḏi dadi budaka di'a Ngoi.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
2025 Indonesian Bible Society (LAI)