Imamat 26
26
Ngowa'a ga'a 'aḏi mete'e re si'a'a parenta sanga barakati
1Ma JOU 'o kanau ma betongo so'o ne: <<Awa ni 'a'a dulada bolo side'oso enanga ga'a ma duhu ma tero sa'olo ga'a 'ahu bolo ngasu'u maḏi bolo ngasu'u maḏi 'ukiri di'a na silamo'o re siḏubuso. Sababu Ngoi nena-ne Ma JOU, Ma Jou'ongu Madutu ga'a ngini ni silamo'o re siḏubuso. 2Ngini balasu ni mete'e mode-mode'e 'Ari parenta di'a Sabata ma wangere mo-moini, re balasu ni silamo'o re mojongo 'Ari ngi'i ga'a ni siwola i'a di'a silamo'o re siḏubuso Ngoi. Sababu Ngoi nena-ne Ma JOU.
3Na'o ngini ninga 'ahu 'i mete'e 'Ari hukumu re ni madaga'a 'Ari bererongo, 4ḏua Ngoi ḏuanga i'a To siguci besa'a toma enanga ma 'orasa, singadolo tana'a 'i pula'a ma hasili re ninga ate-ate taninga guḏa 'i sisupu ma sowo'o. 5Ninga guḏa ma hasili 'i pai-pai'i singadolo 'orasa 'utu'u gandum togumu, ninga 'orasa 'utu'u 'anggur ḏi'i mai mulaingi, re ngadolo 'orasa 'utu'u 'ang̱gur 'i togumu, ninga 'orasa so'ana gandum 'i mulaingi. Ngini ḏuanga i'a ninga ngo-ngoromo pai-pai'i re ni 'ahu kama mojongo ua taninga daeraha. 6Ngoi ḏuanga i'a to jaga dame la-la di'a ninga 'ahu taninga daeraha singadolo ni otu rousu i'a re ni mojongo 'a guna ḇato ua. Haiwani-haiwani nga-ngabala ga'a 'i oromo manusia, Ngoi ta singi-ngiranga taninga daeraha, re taninga daeraha kama parangi riwara. 7Ngini ḏuanga i'a ni dedele ninga lawa-lawana singadolo na'u sisengene toma parangi ma dara. 8Ngini pa'i sordado nga mutoara nga'unu na'u sita'aloko ninga sordado lawana nga latu moi remanga. Re ngini pa'i sordado nga latu moi nga'unu na'u sita'aloko sordado lawana nga cala nyagi moi. Ninga sordado lawana ngini ḏuanga ni sisengene reninga samaranga. 9Ngoi ḏuanga i'a to sibarakati ngini singadolo ngini ḏuanga i'a ni rera re walata, re 'oru ga'a ngoi to jaji ra ngini, tantu ḏua Ta sitotomo. 10Ngini ḏuanga i'a ni oromo moju ninga tana'a ma hasili toma musungu ḏuḏunu toma titila ma dara singadolo ,ngini balasu ni sisupu hasili gena-ge sababu mau ni sigare tana'a ma hasili ga'a aro na 'utu'u. 11Ngoi ḏuanga i'a to side'oso 'Ari Suyu'u la Ngoi to tegoro taninga sigolona re Ngoi Ma JOU masiretene ḏuanga i'a To basono emo-emono ua na'o To 'oḏi'i ngini. 12Mada'a Ngoi ḏuanga i'a To 'ahu tau-taunu taninga sigolona, Ngoi to dadi Ma Jou'ongu Madutu ga'a ngini ni silamo'o re siḏubuso re ngini ni dadi 'Ari 'umata. #Ting. 21:3 13Ngoi nena-ne, Ma JOU, Ma Jou'ongu Madutu ga'a Tini gasa re sisupu toma Mesir, la ni dadi ananga manga budaka riwara. Kuasa ga'a 'i sito-to'u ngini ga'a ma tero sa'olo gading ma koseng taninga bele'asa, Ngoi reta rapo'o re ngini Tunu sidadi ngowa'a raḏi bebasa, la ngini nyengara ni tagi-tagi kama ruku tala ninga sae'e moju sa'olo budaka.
Ngowa'a ga'a mete'e ua Ma Jou'ongu Madutu 'ai 'atoranga, ananga sanga hukumu
14Ma JOU 'o kanau ma betongo so'o ne: <<Mada'a na'o ngini ni 'isene Ngoi ua, re ni madaga'a ua 'Ari bererongo-bererongo mo-moini. 15Na'o ngini ni itomo 'Ari huku-hukumu re wakutu ngini ni si'a'a ua 'Ari putusanga-putusanga, ngini ni basono emo-emono singadolo ngini ni madaga'a ua 'Ari bererongo-bererongo mo-moini, re ngini ni sitola'a jaji ga'a Ngoi Ta si'a'a reo ngini, 16ḏua ngini ḏuanga i'a sanga hukumu so'o ne: Ngoi ḏuanga i'a ta sisapolo bahala, si-siḏi ga'a 'i si-la yoḏu'u re gagama singadolo ninga la'o 'i dadi hafu re ninga 'ahu 'i sangisara. Re ḏi'i ngini ḏuanga i'a ni so'ana ninga gisisi kama faeda cua, sababu na sanga ma hasili ua mada'a ninga lawana 'aḏi sapolo nu'u rusu ngini re ya 'oro ninga guḏa ma hasili ga'a ni so'ana.#Bib. 6:5 17Ngini ḏuanga i'a to celelo 'Ari ḏuḏunu ra ngini singadolo ninga lawana 'aḏi sita'aloko ngini. Re ḏi'i ngowa'a ga'a 'aḏi emono ngini, ananga gena-ge ḏuanga i'a 'aḏi parenta ngini. Sidogo ḏi'i, kalaha ngini ngowa'a nu'u kunu'i ua mada'a ngini ḏuanga i'a ni mojongo masala singadolo ni wiḏi. 18Kalaha ni sanga hukumu togumu i'a mada'a na'o ni 'isene Ngoi moju ua, ngini ninga hukumu Ngoi ta dogo soi tumudingi moju sababu ninga ḏosa, 19Re ḏi'i ninga momole sababu ninga de-de'e, Ngoi ḏuanga i'a ta rapo'o, re diwanga 'i dadi te'e ma tero sa'olo ḇesi singadolo besa'a kama 'uci ua kara ninga tana'a 'i dadi lai dudungu singadolo 'i dadi te'e ma tero sa'olo tamḇaga. 20Kalaha ninga galasau'u ma duduala ḏuanga i'a 'i moini ḏua, ma faeda cua, sababu ninga tana'a ma hasili 'i cua re ninga ate-ate ma sowo'o 'i cua ḏi'i.
21<<Mada'a na'o ngini ni lawana Ngoi moju re ni 'isene Ngoi ua, ninga hukumana Ngoi dadunu ta dogo soi tumudingi moju sababu ninga ḏosa. 22Ngoi ḏuanga i'a to sisapolo haiwani-haiwani nga-ngabala ga'a 'i oromo manusia ra ngini ninga sigolona. Haiwani-haiwani gena-ge ḏuanga i'a 'i oromo ninga ngowa-ngowa'a, ninga haiwani piara singadolo haiwani moini ḏua, re ngini ni dadi repe riwara singadolo ninga ngo'omo-ngo'omo 'i dadi garura.
23<<Kalaha ngini ni sanga hukumu gena-ge togumu ḏua, ngini ni macelolo ua ra Ngoi, mada'a ni lawana moju, 24Ngoi ḏuanga i'a To lawana ngini sababu ninga ḏosa: Ngoi masiretene To sihukumu ngini reo hukumana soi tumudingi ga'a lebe tubuso so'o ne: 25Sababu ngini ni palisi'i 'Ari jaji ra ngini, Ngoi ḏuanga i'a ta sibaolo parangi ra ngini ninga sigolona di'a sihukumu ngini. Re na'o ngini ni malomu taninga limau di'a sanga saolo, Ngoi ḏuanga i'a to sisapolo si-siḏi ga'a sisengene ngowa'a ma repe, singadolo ngini Ngoi nu'u sipula'a taninga lawana re ananga gena-ge 'aḏi parenta ngini. 26Ngoi ḏuanga i'a sitogumu pula'a ngo-ngoromo singadolo gulupungu pa'i lai ceka'a ḇato di'a si'a'a roti. Dadi we-were'a nga nyagi moi matengo re matengo toma ngitu re ngale ma lelegu, ananga 'aḏi paralu pa'i 'osu-'osumu roti ma ngi'i moi ḇato di'a 'osumu manga roti. Ḏua, we-were'a gena-ge matengo re matengo ḏuanga i'a 'aḏi sibalangu ninga roti mete'e ma ḏubuso sababu roti gena-ge pa'i ceka'a ua ḇato kara wakutu ngini na oromo mada'a ni ḏugala ua.
27<<Mada'a na'o kalaha ngini ni sanga hukumana gena-ge mo-moini, ngini ḏuanga i'a ni 'isene Ngoi ua mada'a ni lawana Ngoi moju, 28ḏua sababu 'Ari borata ra ngini, Ngoi ḏuanga i'a Tunu lawana sababu ninga ḏosa. Ngoi masiretene To sihukumu ngini reo hukumana soi tumudingi so'o ne: 29Ngini ḏuanga i'a ni dadi lai sawini madutu singadolo ninga ngo-ngoromo ma jingianga i'a moini ḏua. Dadi ngini ni oromo ninga ngowa-ngowa'a masiretene: bae na-nau'u bolo we-were'a. 30Ngoi ḏuanga i'a To siwejere ninga ngi'i di'a silamo'o re siḏubuso jou'ongu ma somoara toma sau-sau ma tubu, re Ta siruba ninga ngi'i ga'a ni tau'u ninga dupa, Ngoi, Ma JOU to sipoini ninga mayeti-mayeti taninga dulada ma re'u, enanga gena-ge ga'a kama ngagara ua. Ngoi, Ma JOU masiretene To basono emo-emono na'o To 'oḏi'i ngini. 31Ninga limau-limau, Ngoi, Ma JOU ḏuanga i'a Ta siwejere singadolo 'i dadi dounu ma maḏi, ninga ngi'i ga'a ni siwola i'a di'a ni silamo'o re siḏubuso jou'ongu ma somoara, Ngoi Ma JOU ta siwejere, re ninga jou-jou rema bounu di'a sisanangi 'Ari 'akala re sinyingara, Ngoi Ta dawongo riwara. 32Re ninga nagara, Ngoi Ma masiretene ḏuanga i'a Ta siwejere mo-moini singadolo ninga lawa-lawana ya ḏegoro ḏi'i toma nagara gena-ge wakutu ya oḏi'i, ananga gena-ge 'aḏi dadi kage sababu ninga limau-limau, daeraha-daeraha, mo-moini ri dadi wejere. 33Ngoi, Ma JOU ḏuanga i'a To baolo parangi re To pula'a 'utungu tamanga lawana singadolo ngini ni matai are toma bangsa ninga lawana gena-ge manga nagara re ninga tana'a 'i dadi baulaco, re ninga limau-limau 'i dadi wejere.
34Ḏua, ma di'ara ngini ni tegoro taninga lawana gena-ge manga nagara, ngini ninga guḏa ga'a garura, enanga gena-ge ḏuanga i'a 'i sanga ma Sabata-Sabata ma musungu. Ḏua ngini ninga guḏa ḏuanga i'a sanga ma ngomasa sababu Sabata-Sabata ma musungu 'i siḏibo. 35Ma di'ara tana'a gena-ge 'i dadi garura, enanga ḏuanga i'a sanga ma ngomasa ga'a 'i sanga ua toma Sabata ma musungu, wakutu ngini ni tegoro toma tana'a gena-ge. 36Ḏua di'a ngini ga'a 'aḏi 'ahu-'ahu moju toma nagara ninga lawana, Ngoi, Ma JOU, Ta'u 'a'a ni matai mojongo singadolo ni 'isene ate ma so'a-so'a ma rurusu wakutu karawiana ya wusu, ngini ni matai wiḏi. Ngini ḏuanga i'a ni wiḏi ma tero sa'olo ngowa'a nu kunu'i toma parangi ma dara, singadolo kalaha matengo i'a mai ua nu dedele, ngini ḏuanga i'a ni matai ruba. 37Kalaha ngowa'a nu kunu'i ua, ngini ḏuanga i'a ni wiḏi ma tutuḏu matengo re matengo. Re wakutu ngini toma parangi ma dara, ngini ni nga'unu ua ni talaḏi ninga lawana. 38Ma ḏo-ḏogumu, ngini ḏuanga i'a ni sengene toma bangsa lelegu manga sigolona; ngini ḏuanga i'a ni singi-ngiranga, taninga lawana manga nagara. 39Re di'a ngini ga'a ni 'ahu-'ahu moju taninga lawana manga nagara, ngini ḏuanga i'a ninga 'ahu 'i dadi kangela singadolo kama ngo-nganono moju ua sababu ninga ga'a ma rapu masiretene, re ḏi'i sababu ninga ete re dotumu manga ga'a ma rapu, ngini ninga 'ahu 'i dadi kangela singadolo kama ngo-nganono moju ua.
40Mada'a na'o ngini ni mangaku ninga ga'a ma rapu re ninga ete re dotumu manga ga'a ma rapu wakutu 'aḏi setia ua ra Ngoi mada'a 'aḏi lawana tau-taunu Ngoi, MA JOU 41singadolo Ngoi, Ma JOU, Ta'u lawana re gasa toma bangsa ma lawana manga nagara. Mada'a na'o ananga ga'a manga 'akala re sinyingara 'i te'e, ananga gena-ge 'aḏi dadi maholo singadolo 'aḏi dawongo 'Ari hukumana sababu ananga manga ga'a ma rapu, 42Ngoi, Ma JOU, ḏuanga i'a To sidaioranga ua jaji ga'a Ta 'a'a ra Yakub, Ishak re Abraham, ninga ete re dotumu. Re ḏi'i Ngoi, Ma JOU ḏuanga i'a To sidaioranga ua jaji ga'a Ta 'a'a taninga ete dotumu mangale tana'a gena-ge. 43Mada'a tana'a gena-ge ananga, ngowa'a Israel balasu ya'u sieanga i'a siḏa, la toma 'orasa gena-ge ananga manga guḏa ḏuanga i'a sanga ma Sabata-Sabata ma musungu wakutu enanga gena-ge 'i dadi garura sababu ngowa'a Israel 'aḏi cua. Re ananga ḏuanga i'a 'aḏi doiti 'Ari hukumana sababu ananga manga ga'a ma rapu sababu ananga raḏi itomo 'Ari putusanga-putusanga re wakutu ananga 'aḏi 'isene 'Ari huku-hukumu, ananga masiretene 'aḏi basono emo-emono. 44Kalaha so'o gena-ge ḏuanga i'a 'i dadi, wakutu ananga 'age toma lawana manga daeraha, ananga gena-ge Ngoi ḏuanga i'a Ta'u itomo ua bolo Ta'u basono emo-emono ua na'o To oḏi'i ananga singadolo Ngoi, Ma JOU, To singi-ngiranga ananga re Ngoi to sitola'a jaji ga'a Ngoi reto 'a'a ra ananga. Mada'a Ngoi ḏuanga i'a To sitola'a ua jaji ga'a Ngoi reto 'a'a ra ananga sababu Ngoi nena-ne Ma JOU, Ma Jou'ongu Madutu ga'a ananga 'aḏi silamo'o re siḏubuso. 45Mada'a di'a ananga manga la-la, Ngoi ḏuanga i'a To sidaioranga ua jaji ga'a ta 'a'a pasala ḏua ra ananga manga ete re dotumu, wakutu Ngoi ta sijumu 'ari kuasa toma bangsa-bangsa ma biono toma 'orasa Ngoi to gasa sisupu ananga gena-ge toma Mesir, la Ngoi to dadi Ma Jou'ongu Madutu ga'a ananga 'aḏi silamo'o re siḏubuso: Sababu Ngoi nena-ne Ma JOU.>>
46Gena-ge huku-hukumu, putusanga re 'atoranga mo-moini ga'a Ma Jou'ongu Madutu 'a pula'a ra Musa toma kie Sinai ma tubu di'a ngowa'a Israel la ananga balasu ya 'a'a.
Currently Selected:
Imamat 26: SAJ
Highlight
Share
Compare
Copy
Want to have your highlights saved across all your devices? Sign up or sign in
2025 Indonesian Bible Society (LAI)
Imamat 26
26
Ngowa'a ga'a 'aḏi mete'e re si'a'a parenta sanga barakati
1Ma JOU 'o kanau ma betongo so'o ne: <<Awa ni 'a'a dulada bolo side'oso enanga ga'a ma duhu ma tero sa'olo ga'a 'ahu bolo ngasu'u maḏi bolo ngasu'u maḏi 'ukiri di'a na silamo'o re siḏubuso. Sababu Ngoi nena-ne Ma JOU, Ma Jou'ongu Madutu ga'a ngini ni silamo'o re siḏubuso. 2Ngini balasu ni mete'e mode-mode'e 'Ari parenta di'a Sabata ma wangere mo-moini, re balasu ni silamo'o re mojongo 'Ari ngi'i ga'a ni siwola i'a di'a silamo'o re siḏubuso Ngoi. Sababu Ngoi nena-ne Ma JOU.
3Na'o ngini ninga 'ahu 'i mete'e 'Ari hukumu re ni madaga'a 'Ari bererongo, 4ḏua Ngoi ḏuanga i'a To siguci besa'a toma enanga ma 'orasa, singadolo tana'a 'i pula'a ma hasili re ninga ate-ate taninga guḏa 'i sisupu ma sowo'o. 5Ninga guḏa ma hasili 'i pai-pai'i singadolo 'orasa 'utu'u gandum togumu, ninga 'orasa 'utu'u 'anggur ḏi'i mai mulaingi, re ngadolo 'orasa 'utu'u 'ang̱gur 'i togumu, ninga 'orasa so'ana gandum 'i mulaingi. Ngini ḏuanga i'a ninga ngo-ngoromo pai-pai'i re ni 'ahu kama mojongo ua taninga daeraha. 6Ngoi ḏuanga i'a to jaga dame la-la di'a ninga 'ahu taninga daeraha singadolo ni otu rousu i'a re ni mojongo 'a guna ḇato ua. Haiwani-haiwani nga-ngabala ga'a 'i oromo manusia, Ngoi ta singi-ngiranga taninga daeraha, re taninga daeraha kama parangi riwara. 7Ngini ḏuanga i'a ni dedele ninga lawa-lawana singadolo na'u sisengene toma parangi ma dara. 8Ngini pa'i sordado nga mutoara nga'unu na'u sita'aloko ninga sordado lawana nga latu moi remanga. Re ngini pa'i sordado nga latu moi nga'unu na'u sita'aloko sordado lawana nga cala nyagi moi. Ninga sordado lawana ngini ḏuanga ni sisengene reninga samaranga. 9Ngoi ḏuanga i'a to sibarakati ngini singadolo ngini ḏuanga i'a ni rera re walata, re 'oru ga'a ngoi to jaji ra ngini, tantu ḏua Ta sitotomo. 10Ngini ḏuanga i'a ni oromo moju ninga tana'a ma hasili toma musungu ḏuḏunu toma titila ma dara singadolo ,ngini balasu ni sisupu hasili gena-ge sababu mau ni sigare tana'a ma hasili ga'a aro na 'utu'u. 11Ngoi ḏuanga i'a to side'oso 'Ari Suyu'u la Ngoi to tegoro taninga sigolona re Ngoi Ma JOU masiretene ḏuanga i'a To basono emo-emono ua na'o To 'oḏi'i ngini. 12Mada'a Ngoi ḏuanga i'a To 'ahu tau-taunu taninga sigolona, Ngoi to dadi Ma Jou'ongu Madutu ga'a ngini ni silamo'o re siḏubuso re ngini ni dadi 'Ari 'umata. #Ting. 21:3 13Ngoi nena-ne, Ma JOU, Ma Jou'ongu Madutu ga'a Tini gasa re sisupu toma Mesir, la ni dadi ananga manga budaka riwara. Kuasa ga'a 'i sito-to'u ngini ga'a ma tero sa'olo gading ma koseng taninga bele'asa, Ngoi reta rapo'o re ngini Tunu sidadi ngowa'a raḏi bebasa, la ngini nyengara ni tagi-tagi kama ruku tala ninga sae'e moju sa'olo budaka.
Ngowa'a ga'a mete'e ua Ma Jou'ongu Madutu 'ai 'atoranga, ananga sanga hukumu
14Ma JOU 'o kanau ma betongo so'o ne: <<Mada'a na'o ngini ni 'isene Ngoi ua, re ni madaga'a ua 'Ari bererongo-bererongo mo-moini. 15Na'o ngini ni itomo 'Ari huku-hukumu re wakutu ngini ni si'a'a ua 'Ari putusanga-putusanga, ngini ni basono emo-emono singadolo ngini ni madaga'a ua 'Ari bererongo-bererongo mo-moini, re ngini ni sitola'a jaji ga'a Ngoi Ta si'a'a reo ngini, 16ḏua ngini ḏuanga i'a sanga hukumu so'o ne: Ngoi ḏuanga i'a ta sisapolo bahala, si-siḏi ga'a 'i si-la yoḏu'u re gagama singadolo ninga la'o 'i dadi hafu re ninga 'ahu 'i sangisara. Re ḏi'i ngini ḏuanga i'a ni so'ana ninga gisisi kama faeda cua, sababu na sanga ma hasili ua mada'a ninga lawana 'aḏi sapolo nu'u rusu ngini re ya 'oro ninga guḏa ma hasili ga'a ni so'ana.#Bib. 6:5 17Ngini ḏuanga i'a to celelo 'Ari ḏuḏunu ra ngini singadolo ninga lawana 'aḏi sita'aloko ngini. Re ḏi'i ngowa'a ga'a 'aḏi emono ngini, ananga gena-ge ḏuanga i'a 'aḏi parenta ngini. Sidogo ḏi'i, kalaha ngini ngowa'a nu'u kunu'i ua mada'a ngini ḏuanga i'a ni mojongo masala singadolo ni wiḏi. 18Kalaha ni sanga hukumu togumu i'a mada'a na'o ni 'isene Ngoi moju ua, ngini ninga hukumu Ngoi ta dogo soi tumudingi moju sababu ninga ḏosa, 19Re ḏi'i ninga momole sababu ninga de-de'e, Ngoi ḏuanga i'a ta rapo'o, re diwanga 'i dadi te'e ma tero sa'olo ḇesi singadolo besa'a kama 'uci ua kara ninga tana'a 'i dadi lai dudungu singadolo 'i dadi te'e ma tero sa'olo tamḇaga. 20Kalaha ninga galasau'u ma duduala ḏuanga i'a 'i moini ḏua, ma faeda cua, sababu ninga tana'a ma hasili 'i cua re ninga ate-ate ma sowo'o 'i cua ḏi'i.
21<<Mada'a na'o ngini ni lawana Ngoi moju re ni 'isene Ngoi ua, ninga hukumana Ngoi dadunu ta dogo soi tumudingi moju sababu ninga ḏosa. 22Ngoi ḏuanga i'a to sisapolo haiwani-haiwani nga-ngabala ga'a 'i oromo manusia ra ngini ninga sigolona. Haiwani-haiwani gena-ge ḏuanga i'a 'i oromo ninga ngowa-ngowa'a, ninga haiwani piara singadolo haiwani moini ḏua, re ngini ni dadi repe riwara singadolo ninga ngo'omo-ngo'omo 'i dadi garura.
23<<Kalaha ngini ni sanga hukumu gena-ge togumu ḏua, ngini ni macelolo ua ra Ngoi, mada'a ni lawana moju, 24Ngoi ḏuanga i'a To lawana ngini sababu ninga ḏosa: Ngoi masiretene To sihukumu ngini reo hukumana soi tumudingi ga'a lebe tubuso so'o ne: 25Sababu ngini ni palisi'i 'Ari jaji ra ngini, Ngoi ḏuanga i'a ta sibaolo parangi ra ngini ninga sigolona di'a sihukumu ngini. Re na'o ngini ni malomu taninga limau di'a sanga saolo, Ngoi ḏuanga i'a to sisapolo si-siḏi ga'a sisengene ngowa'a ma repe, singadolo ngini Ngoi nu'u sipula'a taninga lawana re ananga gena-ge 'aḏi parenta ngini. 26Ngoi ḏuanga i'a sitogumu pula'a ngo-ngoromo singadolo gulupungu pa'i lai ceka'a ḇato di'a si'a'a roti. Dadi we-were'a nga nyagi moi matengo re matengo toma ngitu re ngale ma lelegu, ananga 'aḏi paralu pa'i 'osu-'osumu roti ma ngi'i moi ḇato di'a 'osumu manga roti. Ḏua, we-were'a gena-ge matengo re matengo ḏuanga i'a 'aḏi sibalangu ninga roti mete'e ma ḏubuso sababu roti gena-ge pa'i ceka'a ua ḇato kara wakutu ngini na oromo mada'a ni ḏugala ua.
27<<Mada'a na'o kalaha ngini ni sanga hukumana gena-ge mo-moini, ngini ḏuanga i'a ni 'isene Ngoi ua mada'a ni lawana Ngoi moju, 28ḏua sababu 'Ari borata ra ngini, Ngoi ḏuanga i'a Tunu lawana sababu ninga ḏosa. Ngoi masiretene To sihukumu ngini reo hukumana soi tumudingi so'o ne: 29Ngini ḏuanga i'a ni dadi lai sawini madutu singadolo ninga ngo-ngoromo ma jingianga i'a moini ḏua. Dadi ngini ni oromo ninga ngowa-ngowa'a masiretene: bae na-nau'u bolo we-were'a. 30Ngoi ḏuanga i'a To siwejere ninga ngi'i di'a silamo'o re siḏubuso jou'ongu ma somoara toma sau-sau ma tubu, re Ta siruba ninga ngi'i ga'a ni tau'u ninga dupa, Ngoi, Ma JOU to sipoini ninga mayeti-mayeti taninga dulada ma re'u, enanga gena-ge ga'a kama ngagara ua. Ngoi, Ma JOU masiretene To basono emo-emono na'o To 'oḏi'i ngini. 31Ninga limau-limau, Ngoi, Ma JOU ḏuanga i'a Ta siwejere singadolo 'i dadi dounu ma maḏi, ninga ngi'i ga'a ni siwola i'a di'a ni silamo'o re siḏubuso jou'ongu ma somoara, Ngoi Ma JOU ta siwejere, re ninga jou-jou rema bounu di'a sisanangi 'Ari 'akala re sinyingara, Ngoi Ta dawongo riwara. 32Re ninga nagara, Ngoi Ma masiretene ḏuanga i'a Ta siwejere mo-moini singadolo ninga lawa-lawana ya ḏegoro ḏi'i toma nagara gena-ge wakutu ya oḏi'i, ananga gena-ge 'aḏi dadi kage sababu ninga limau-limau, daeraha-daeraha, mo-moini ri dadi wejere. 33Ngoi, Ma JOU ḏuanga i'a To baolo parangi re To pula'a 'utungu tamanga lawana singadolo ngini ni matai are toma bangsa ninga lawana gena-ge manga nagara re ninga tana'a 'i dadi baulaco, re ninga limau-limau 'i dadi wejere.
34Ḏua, ma di'ara ngini ni tegoro taninga lawana gena-ge manga nagara, ngini ninga guḏa ga'a garura, enanga gena-ge ḏuanga i'a 'i sanga ma Sabata-Sabata ma musungu. Ḏua ngini ninga guḏa ḏuanga i'a sanga ma ngomasa sababu Sabata-Sabata ma musungu 'i siḏibo. 35Ma di'ara tana'a gena-ge 'i dadi garura, enanga ḏuanga i'a sanga ma ngomasa ga'a 'i sanga ua toma Sabata ma musungu, wakutu ngini ni tegoro toma tana'a gena-ge. 36Ḏua di'a ngini ga'a 'aḏi 'ahu-'ahu moju toma nagara ninga lawana, Ngoi, Ma JOU, Ta'u 'a'a ni matai mojongo singadolo ni 'isene ate ma so'a-so'a ma rurusu wakutu karawiana ya wusu, ngini ni matai wiḏi. Ngini ḏuanga i'a ni wiḏi ma tero sa'olo ngowa'a nu kunu'i toma parangi ma dara, singadolo kalaha matengo i'a mai ua nu dedele, ngini ḏuanga i'a ni matai ruba. 37Kalaha ngowa'a nu kunu'i ua, ngini ḏuanga i'a ni wiḏi ma tutuḏu matengo re matengo. Re wakutu ngini toma parangi ma dara, ngini ni nga'unu ua ni talaḏi ninga lawana. 38Ma ḏo-ḏogumu, ngini ḏuanga i'a ni sengene toma bangsa lelegu manga sigolona; ngini ḏuanga i'a ni singi-ngiranga, taninga lawana manga nagara. 39Re di'a ngini ga'a ni 'ahu-'ahu moju taninga lawana manga nagara, ngini ḏuanga i'a ninga 'ahu 'i dadi kangela singadolo kama ngo-nganono moju ua sababu ninga ga'a ma rapu masiretene, re ḏi'i sababu ninga ete re dotumu manga ga'a ma rapu, ngini ninga 'ahu 'i dadi kangela singadolo kama ngo-nganono moju ua.
40Mada'a na'o ngini ni mangaku ninga ga'a ma rapu re ninga ete re dotumu manga ga'a ma rapu wakutu 'aḏi setia ua ra Ngoi mada'a 'aḏi lawana tau-taunu Ngoi, MA JOU 41singadolo Ngoi, Ma JOU, Ta'u lawana re gasa toma bangsa ma lawana manga nagara. Mada'a na'o ananga ga'a manga 'akala re sinyingara 'i te'e, ananga gena-ge 'aḏi dadi maholo singadolo 'aḏi dawongo 'Ari hukumana sababu ananga manga ga'a ma rapu, 42Ngoi, Ma JOU, ḏuanga i'a To sidaioranga ua jaji ga'a Ta 'a'a ra Yakub, Ishak re Abraham, ninga ete re dotumu. Re ḏi'i Ngoi, Ma JOU ḏuanga i'a To sidaioranga ua jaji ga'a Ta 'a'a taninga ete dotumu mangale tana'a gena-ge. 43Mada'a tana'a gena-ge ananga, ngowa'a Israel balasu ya'u sieanga i'a siḏa, la toma 'orasa gena-ge ananga manga guḏa ḏuanga i'a sanga ma Sabata-Sabata ma musungu wakutu enanga gena-ge 'i dadi garura sababu ngowa'a Israel 'aḏi cua. Re ananga ḏuanga i'a 'aḏi doiti 'Ari hukumana sababu ananga manga ga'a ma rapu sababu ananga raḏi itomo 'Ari putusanga-putusanga re wakutu ananga 'aḏi 'isene 'Ari huku-hukumu, ananga masiretene 'aḏi basono emo-emono. 44Kalaha so'o gena-ge ḏuanga i'a 'i dadi, wakutu ananga 'age toma lawana manga daeraha, ananga gena-ge Ngoi ḏuanga i'a Ta'u itomo ua bolo Ta'u basono emo-emono ua na'o To oḏi'i ananga singadolo Ngoi, Ma JOU, To singi-ngiranga ananga re Ngoi to sitola'a jaji ga'a Ngoi reto 'a'a ra ananga. Mada'a Ngoi ḏuanga i'a To sitola'a ua jaji ga'a Ngoi reto 'a'a ra ananga sababu Ngoi nena-ne Ma JOU, Ma Jou'ongu Madutu ga'a ananga 'aḏi silamo'o re siḏubuso. 45Mada'a di'a ananga manga la-la, Ngoi ḏuanga i'a To sidaioranga ua jaji ga'a ta 'a'a pasala ḏua ra ananga manga ete re dotumu, wakutu Ngoi ta sijumu 'ari kuasa toma bangsa-bangsa ma biono toma 'orasa Ngoi to gasa sisupu ananga gena-ge toma Mesir, la Ngoi to dadi Ma Jou'ongu Madutu ga'a ananga 'aḏi silamo'o re siḏubuso: Sababu Ngoi nena-ne Ma JOU.>>
46Gena-ge huku-hukumu, putusanga re 'atoranga mo-moini ga'a Ma Jou'ongu Madutu 'a pula'a ra Musa toma kie Sinai ma tubu di'a ngowa'a Israel la ananga balasu ya 'a'a.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
2025 Indonesian Bible Society (LAI)