Imamat 27
27
'Atoranga mangale jou-jou ra Ma Jou'ongu Madutu.
1Ma JOU 'o kanau ra Musa: 2<<Siajele toma ngowa'a Israel so'o ne: <<Na'o 'a guna ḇato 'o 'a'a jaji di'a siwola i'a matengo ra Ma JOU,#1Sam. 1:1-28 matengo gena-ge, bae na-nau'u bolo we-were'a, ananga nyengara sanga tuusu toma jaji gena-ge reo pipisi ga'a 'i sitantukanga ḏua. 3Du-duusu gena-ge ma ijana mete'e pipisi salaka ga'a 'i sipake toma Suyu'u 'Ofi-'Ofi ma dara: Na'o na-nau'u matengo i'a ma 'umuru musungu nyagi romoḏiḏi sie singadolo nyagi rarama: Du-duusu ma ijana gena-ge pipisi salaka guḏi romotoa (50), #2'Oln. 15:20 4Na'o we-were'a: Du-duusu ma ijana gena-ge pipisi salaka guḏi ro'ange (30). 5Na'o ngowa'a matengo i'a ma 'umuru musungu romotoa re sie singadolo nyagi romoḏiḏi: Du-duusu ma ijana gena-ge pipisi salaka guḏi romoḏiḏi (20) di'a na-nau'u#Do. 37:2; 28 re pipisi sakala guḏi moi (10) di'a we-were'a. 6Na'o ngowa'a matengo i'a ma 'umuru ngara moi re sie singadolo musungu romotoa: Du-duusu ma ijana gena-ge pipisi salaka romotoa (5) di'a na-nau'u re pipisi salaka ro'ange (3) di'a we-were'a. 7Re na'o ngowa'a matengo i'a ma 'umuru musungu nyagi rarama (60) bolo sie: Du-duusu ma 'ijana gena-ge pipisi salaka guḏi moi re romotoa (15) di'a na-nau'u re pipisi salaka guḏi moi (10) di'a we-were'a. 8Na'o ngowa'a matengo i'a ga'a 'o 'a'a jaji ḏua di'a siwola i'a ngowa'a, mada'a unanga gena-ge ngowa'a ma dinga'unu ua singadolo unanga nga'unu ua 'o fangu du-duusu ma ijana ga'a 'i sitantukanga ḏua di'a 'o tuusu ngowa'a gena-ge. Ngowa'a ma dinga'unu ua gena-ge balasu 'o gasa talaḏi ngowa'a toma 'imam. Ḏua 'imam balasu 'o sitantukanga du-duusu ma 'ijana ma lamo'o mete'e ngowa'a ma dinga'unu ua gena-ge 'ai dinga'unu.
9<<Na'o unanga 'ai jaji mangale haiwani ga'a Ma JOU nyengara 'a dowanga sa'olo jou-jou, haiwani mo-moini gena-ge ga'a unanga 'a siwola i'a di'a Ma JOU, enanga gena-ge 'i dadi 'ofi-'ofi re Ta-Unanga, Ma JOU. 10Haiwani gena-ge ga'a 'i siwola i'a di'a Ma JOU, awa unanga 'a singali bolo sijala reo haiwani lelegu ga'a ma tero bolo ma tero ua: bae lebe rousu bolo lebe rousu ua. Na'o unanga 'o sijala haiwani nange reo haiwani lelegu, ḏua haiwani romoḏiḏi gena-ge mai dadi 'ofi-'ofi re Ta-Unanga, Ma JOU. 11Re na'o unanga 'o jaji haiwani ga'a najis sa'olo 'ai jou-jou re enanga gena-ge 'i sidoa'a yoḏu'u ra Ma JOU, unanga balasu 'o gasa haiwani gena-ge talaḏi 'imam, 12re 'imam gena-ge 'a sitantukanga du-duusu ma ijana, mete'e haiwani gena-ge enanga ma lese. 'Oru ḇato 'imam 'ai putusanga mangale du-duusu ma ijana di'a haiwani; enanga gena-ge 'i singali yoḏu'u. 13Na'o unanga ga'a haiwani gena-ge ma dutu mau 'o tuusu haiwani gena-ge, unanga balasu 'a fangu du-duusu ma ijana re sidogo persen nyagi romoḏiḏi.
14<<Na'o matengo i'a 'o siwola i'a 'ai wala sa'olo jou-jou 'ofi-'ofi di'a Ma JOU, wala gena-ge ma ijana 'imam 'a sitantukanga mete'e wala ma duhu: bae rousu bolo rousu ua. 'Oru ḇato 'imam 'ai putusanga mangale wala ma ijana; enanga gena-ge 'i singali yoḏu'u. 15Na'o unanga ga'a wala gena-ge ma dutu mau 'o tuusu wala gena-ge, unanga balasu 'a fangu ma ijana re sidogo persen nyagi romoḏiḏi. Gena ḏua, wala gena-ge ta-unanga moju.
16<<Na'o matengo i'a 'o siwola i'a 'ai tana'a ma balangu sa'olo 'ai jou-jou di'a Ma JOU, enanga ma ijana ḏuanga i'a 'i sitantukanga mete'e gandum ma ḏubuso ma hasili tai tana'a ma balangu gena-ge. Gandum ma ḏubuso kilo nyagi romoḏiḏi rimoi re rimoi, ma ijana pipisi salaka guḏi moi. 17Na'o unanga 'o siwola i'a 'ai tana'a ma balangu sa'olo 'ai jou-jou di'a Ma JOU toma Musungu Siḏibo ma dara, tana'a gena-ge ma ijana ma tero sa'olo musungu toma dudungu. 18Mada'a na'o 'ai tana'a gena-ge unanga 'a siwola i'a sa'olo 'ai jou-jou di'a Ma JOU toma 'orasa muḏuo i'a wakutu Musungu Siḏibo togumu i'a, 'imam balasu 'a sitantukanga ma ijana mete'e musungu muḏuo moju ga'a rema enanga singadolo Musungu Siḏibo toma biono: Na'o musungu ma kiḏanga moju, ma ijana 'i lebe hali reo na'o musungu pa'i ḇoko'o ino ḇato. 19Na'o unanga ga'a tana'a gena-ge ma dutu ga'a 'a siwola i'a di'a Ma JOU, unanga gena-ge mau 'o tuusu tana'a gena-ge, unanga balasu 'a fangu ma ijana re sidogo persen nyagi romoḏiḏi. Gena ḏua, tana'a gena-ge 'i sitatapu ta-unanga moju. 20Mada'a na'o tana'a gena-ge unanga 'a tuusu nyangu, kara unanga ra wu'unu gena-ge toma ngowa'a lelegu, unanga kama haku riwara di'a 'a tuusu 'ai tana'a gena-ge. 21Mada'a ma tana'a gena-ge wakutu enanga 'i sibebasa toma 'orasa Musungu Siḏibo, enanga gena-ge 'i siwola i'a di'a pa'i Ma JOU ḇato di'a kasingado-ngadolo i'a. Enanga gena-ge 'i situusu yoḏu'u re 'i dadi 'imam-'imam manga balangu.
22<<Na'o ngowa'a matengo gena-ge i'a 'o siwola i'a ra Ma JOU, unanga 'ai tana'a ga'a ra tibo mada'a tana'a gena-ge 'i warisi ua tai ete re dotumu, 23ḏua 'imam balasu 'o sitantukanga du-duusu ma ijana di'a tana'a gena-ge mete'e musungu ma di'ara singadolo dadunu Musungu Siḏibo. Toma wangere gena-ge ḏi'i, ngowa'a matengo gena-ge balasu 'o fangu ma ijana. Tana'a ma pipisi di'a jou-jou 'ofi-'ofi ra Ma JOU. 24Toma Musungu Siḏibo, tana'a gena-ge balasu 'i siḏibo toma dutu ma mulaingi, bolo tai ju'uda ga'a tana'a 'i manga warisi. 25Ma ijana mo-moini balasu mete'e pipisi salaka ga'a sipake toma Suyu'u 'Ofi-'Ofi: Pipisi salaka rimoi ma tero du-duga ga'a 'i silomanga gera ma repe guḏi ḏiḏi.
26<<Haiwani ma ngowa ma jomolo mo-moini Ta-Ngoi, Ma JOU. Dadi matengo i'a mai ua nyengara 'o siwola i'a moju sa'olo jou-jou ra Ngoi, Ma JOU, sababu bae doba ma ngowa, 'abingi ma ngowa bolo sapi ma ngowa, enanga ma jomolo mo-moini gena-ge Ta-Ngoi, Ma JOU. 27Mada'a na'o haiwani ma ngowa ma jomolo gena-ge 'i najis, unanga ḏuanga i'a ta tuusu mete'e ma ijana 'oru ḇato 'imam ra sitantukanga re sidogo persen nyagi romoḏiḏi (20); bolo na'o haiwani gena-ge 'i situusu ua, 'a guna ḇato nyengara 'a fangu mete'e ma ijana ga'a 'imam ra sitantukanga nange.
28<<Matengo i'a mai ua nyengara 'o tuusu bolo wu'unu 'oru i'a ga'a ra siwola i'a di'a Ma JOU: bae manusia, bae haiwani, bolo tana'a ga'a 'ai warisi. Mo-moini gena-ge 'i dadi 'ofi-'ofi madutu di'a Ngoi, Ma JOU. 29Matengo i'a ma ua ga'a ro siwola i'a kasingado-ngadolo i'a di'a singi-ngiranga, unanga nyengara sanga tuusu yoḏu'u, matengo i'a gena-ge balasu sanga sengene.
Situusu tana'a ma hasili ma balangu ma nyo-nyoimi ma nyagi moi
30<<Tana'a ma hasili ma balangu ma nyo-nyoimi ma nyagi moi mo-moini: bae gandum ma hasili, bolo ate-ate ma sowo'o ma hasili, enanga gena-ge Ta-Ngoi, Ma JOU re siwola di'a Ngoi, Ma JOU. 31Na'o matengo i'a mau 'o tuusu hasili gena-ge ma balangu, unanga balasu 'a fangu hasili gena-ge ma ijana ga'a 'imam ra sitantukanga re sidogo persen nyagi romoḏiḏi. 32Re wakutu haiwani ma sowohi matengo i'a 'o cumutu haiwani bae sapi, bae doba bolo 'abingi sa'olo ma balangu ma nyo-nyoimi ma nyagi moi, unanga balasu 'o gare nana'o toma haiwani ma nyo-nyoimi ma nyagi moi ga'a 'i palisi'i toma haiwani ma sowohi ma di-diki ma 'aḏu kara haiwani mo-moini gena-ge balasu 'i siwola di'a Ngoi, Ma JOU. 33Awa haiwani ma sowohi gena-ge 'o cumutu haiwani mete'e ma lese ma la-la bolo ma cira, ḏi'i 'a sijala mai yoḏu'u. Mada'a na'o unanga 'o sijala haiwani gena-ge ga'a ma balangu ma nyo-nyoimi ma nyagi rimoi, haiwani romoḏiḏi ḏuanga i'a 'i siwola i'a di'a Ngoi, Ma JOU, re haiwani gena-ge 'i situusu yoḏu'u.>> 34Gena-ge bererongo-bererongo ga'a Ma JOU ro pula'a ra Musa toma Kie Sinai di'a bangsa Israel ya si'a'a.
Currently Selected:
Imamat 27: SAJ
Highlight
Share
Compare
Copy
Want to have your highlights saved across all your devices? Sign up or sign in
2025 Indonesian Bible Society (LAI)
Imamat 27
27
'Atoranga mangale jou-jou ra Ma Jou'ongu Madutu.
1Ma JOU 'o kanau ra Musa: 2<<Siajele toma ngowa'a Israel so'o ne: <<Na'o 'a guna ḇato 'o 'a'a jaji di'a siwola i'a matengo ra Ma JOU,#1Sam. 1:1-28 matengo gena-ge, bae na-nau'u bolo we-were'a, ananga nyengara sanga tuusu toma jaji gena-ge reo pipisi ga'a 'i sitantukanga ḏua. 3Du-duusu gena-ge ma ijana mete'e pipisi salaka ga'a 'i sipake toma Suyu'u 'Ofi-'Ofi ma dara: Na'o na-nau'u matengo i'a ma 'umuru musungu nyagi romoḏiḏi sie singadolo nyagi rarama: Du-duusu ma ijana gena-ge pipisi salaka guḏi romotoa (50), #2'Oln. 15:20 4Na'o we-were'a: Du-duusu ma ijana gena-ge pipisi salaka guḏi ro'ange (30). 5Na'o ngowa'a matengo i'a ma 'umuru musungu romotoa re sie singadolo nyagi romoḏiḏi: Du-duusu ma ijana gena-ge pipisi salaka guḏi romoḏiḏi (20) di'a na-nau'u#Do. 37:2; 28 re pipisi sakala guḏi moi (10) di'a we-were'a. 6Na'o ngowa'a matengo i'a ma 'umuru ngara moi re sie singadolo musungu romotoa: Du-duusu ma ijana gena-ge pipisi salaka romotoa (5) di'a na-nau'u re pipisi salaka ro'ange (3) di'a we-were'a. 7Re na'o ngowa'a matengo i'a ma 'umuru musungu nyagi rarama (60) bolo sie: Du-duusu ma 'ijana gena-ge pipisi salaka guḏi moi re romotoa (15) di'a na-nau'u re pipisi salaka guḏi moi (10) di'a we-were'a. 8Na'o ngowa'a matengo i'a ga'a 'o 'a'a jaji ḏua di'a siwola i'a ngowa'a, mada'a unanga gena-ge ngowa'a ma dinga'unu ua singadolo unanga nga'unu ua 'o fangu du-duusu ma ijana ga'a 'i sitantukanga ḏua di'a 'o tuusu ngowa'a gena-ge. Ngowa'a ma dinga'unu ua gena-ge balasu 'o gasa talaḏi ngowa'a toma 'imam. Ḏua 'imam balasu 'o sitantukanga du-duusu ma 'ijana ma lamo'o mete'e ngowa'a ma dinga'unu ua gena-ge 'ai dinga'unu.
9<<Na'o unanga 'ai jaji mangale haiwani ga'a Ma JOU nyengara 'a dowanga sa'olo jou-jou, haiwani mo-moini gena-ge ga'a unanga 'a siwola i'a di'a Ma JOU, enanga gena-ge 'i dadi 'ofi-'ofi re Ta-Unanga, Ma JOU. 10Haiwani gena-ge ga'a 'i siwola i'a di'a Ma JOU, awa unanga 'a singali bolo sijala reo haiwani lelegu ga'a ma tero bolo ma tero ua: bae lebe rousu bolo lebe rousu ua. Na'o unanga 'o sijala haiwani nange reo haiwani lelegu, ḏua haiwani romoḏiḏi gena-ge mai dadi 'ofi-'ofi re Ta-Unanga, Ma JOU. 11Re na'o unanga 'o jaji haiwani ga'a najis sa'olo 'ai jou-jou re enanga gena-ge 'i sidoa'a yoḏu'u ra Ma JOU, unanga balasu 'o gasa haiwani gena-ge talaḏi 'imam, 12re 'imam gena-ge 'a sitantukanga du-duusu ma ijana, mete'e haiwani gena-ge enanga ma lese. 'Oru ḇato 'imam 'ai putusanga mangale du-duusu ma ijana di'a haiwani; enanga gena-ge 'i singali yoḏu'u. 13Na'o unanga ga'a haiwani gena-ge ma dutu mau 'o tuusu haiwani gena-ge, unanga balasu 'a fangu du-duusu ma ijana re sidogo persen nyagi romoḏiḏi.
14<<Na'o matengo i'a 'o siwola i'a 'ai wala sa'olo jou-jou 'ofi-'ofi di'a Ma JOU, wala gena-ge ma ijana 'imam 'a sitantukanga mete'e wala ma duhu: bae rousu bolo rousu ua. 'Oru ḇato 'imam 'ai putusanga mangale wala ma ijana; enanga gena-ge 'i singali yoḏu'u. 15Na'o unanga ga'a wala gena-ge ma dutu mau 'o tuusu wala gena-ge, unanga balasu 'a fangu ma ijana re sidogo persen nyagi romoḏiḏi. Gena ḏua, wala gena-ge ta-unanga moju.
16<<Na'o matengo i'a 'o siwola i'a 'ai tana'a ma balangu sa'olo 'ai jou-jou di'a Ma JOU, enanga ma ijana ḏuanga i'a 'i sitantukanga mete'e gandum ma ḏubuso ma hasili tai tana'a ma balangu gena-ge. Gandum ma ḏubuso kilo nyagi romoḏiḏi rimoi re rimoi, ma ijana pipisi salaka guḏi moi. 17Na'o unanga 'o siwola i'a 'ai tana'a ma balangu sa'olo 'ai jou-jou di'a Ma JOU toma Musungu Siḏibo ma dara, tana'a gena-ge ma ijana ma tero sa'olo musungu toma dudungu. 18Mada'a na'o 'ai tana'a gena-ge unanga 'a siwola i'a sa'olo 'ai jou-jou di'a Ma JOU toma 'orasa muḏuo i'a wakutu Musungu Siḏibo togumu i'a, 'imam balasu 'a sitantukanga ma ijana mete'e musungu muḏuo moju ga'a rema enanga singadolo Musungu Siḏibo toma biono: Na'o musungu ma kiḏanga moju, ma ijana 'i lebe hali reo na'o musungu pa'i ḇoko'o ino ḇato. 19Na'o unanga ga'a tana'a gena-ge ma dutu ga'a 'a siwola i'a di'a Ma JOU, unanga gena-ge mau 'o tuusu tana'a gena-ge, unanga balasu 'a fangu ma ijana re sidogo persen nyagi romoḏiḏi. Gena ḏua, tana'a gena-ge 'i sitatapu ta-unanga moju. 20Mada'a na'o tana'a gena-ge unanga 'a tuusu nyangu, kara unanga ra wu'unu gena-ge toma ngowa'a lelegu, unanga kama haku riwara di'a 'a tuusu 'ai tana'a gena-ge. 21Mada'a ma tana'a gena-ge wakutu enanga 'i sibebasa toma 'orasa Musungu Siḏibo, enanga gena-ge 'i siwola i'a di'a pa'i Ma JOU ḇato di'a kasingado-ngadolo i'a. Enanga gena-ge 'i situusu yoḏu'u re 'i dadi 'imam-'imam manga balangu.
22<<Na'o ngowa'a matengo gena-ge i'a 'o siwola i'a ra Ma JOU, unanga 'ai tana'a ga'a ra tibo mada'a tana'a gena-ge 'i warisi ua tai ete re dotumu, 23ḏua 'imam balasu 'o sitantukanga du-duusu ma ijana di'a tana'a gena-ge mete'e musungu ma di'ara singadolo dadunu Musungu Siḏibo. Toma wangere gena-ge ḏi'i, ngowa'a matengo gena-ge balasu 'o fangu ma ijana. Tana'a ma pipisi di'a jou-jou 'ofi-'ofi ra Ma JOU. 24Toma Musungu Siḏibo, tana'a gena-ge balasu 'i siḏibo toma dutu ma mulaingi, bolo tai ju'uda ga'a tana'a 'i manga warisi. 25Ma ijana mo-moini balasu mete'e pipisi salaka ga'a sipake toma Suyu'u 'Ofi-'Ofi: Pipisi salaka rimoi ma tero du-duga ga'a 'i silomanga gera ma repe guḏi ḏiḏi.
26<<Haiwani ma ngowa ma jomolo mo-moini Ta-Ngoi, Ma JOU. Dadi matengo i'a mai ua nyengara 'o siwola i'a moju sa'olo jou-jou ra Ngoi, Ma JOU, sababu bae doba ma ngowa, 'abingi ma ngowa bolo sapi ma ngowa, enanga ma jomolo mo-moini gena-ge Ta-Ngoi, Ma JOU. 27Mada'a na'o haiwani ma ngowa ma jomolo gena-ge 'i najis, unanga ḏuanga i'a ta tuusu mete'e ma ijana 'oru ḇato 'imam ra sitantukanga re sidogo persen nyagi romoḏiḏi (20); bolo na'o haiwani gena-ge 'i situusu ua, 'a guna ḇato nyengara 'a fangu mete'e ma ijana ga'a 'imam ra sitantukanga nange.
28<<Matengo i'a mai ua nyengara 'o tuusu bolo wu'unu 'oru i'a ga'a ra siwola i'a di'a Ma JOU: bae manusia, bae haiwani, bolo tana'a ga'a 'ai warisi. Mo-moini gena-ge 'i dadi 'ofi-'ofi madutu di'a Ngoi, Ma JOU. 29Matengo i'a ma ua ga'a ro siwola i'a kasingado-ngadolo i'a di'a singi-ngiranga, unanga nyengara sanga tuusu yoḏu'u, matengo i'a gena-ge balasu sanga sengene.
Situusu tana'a ma hasili ma balangu ma nyo-nyoimi ma nyagi moi
30<<Tana'a ma hasili ma balangu ma nyo-nyoimi ma nyagi moi mo-moini: bae gandum ma hasili, bolo ate-ate ma sowo'o ma hasili, enanga gena-ge Ta-Ngoi, Ma JOU re siwola di'a Ngoi, Ma JOU. 31Na'o matengo i'a mau 'o tuusu hasili gena-ge ma balangu, unanga balasu 'a fangu hasili gena-ge ma ijana ga'a 'imam ra sitantukanga re sidogo persen nyagi romoḏiḏi. 32Re wakutu haiwani ma sowohi matengo i'a 'o cumutu haiwani bae sapi, bae doba bolo 'abingi sa'olo ma balangu ma nyo-nyoimi ma nyagi moi, unanga balasu 'o gare nana'o toma haiwani ma nyo-nyoimi ma nyagi moi ga'a 'i palisi'i toma haiwani ma sowohi ma di-diki ma 'aḏu kara haiwani mo-moini gena-ge balasu 'i siwola di'a Ngoi, Ma JOU. 33Awa haiwani ma sowohi gena-ge 'o cumutu haiwani mete'e ma lese ma la-la bolo ma cira, ḏi'i 'a sijala mai yoḏu'u. Mada'a na'o unanga 'o sijala haiwani gena-ge ga'a ma balangu ma nyo-nyoimi ma nyagi rimoi, haiwani romoḏiḏi ḏuanga i'a 'i siwola i'a di'a Ngoi, Ma JOU, re haiwani gena-ge 'i situusu yoḏu'u.>> 34Gena-ge bererongo-bererongo ga'a Ma JOU ro pula'a ra Musa toma Kie Sinai di'a bangsa Israel ya si'a'a.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
2025 Indonesian Bible Society (LAI)