NƲNƲLI 24
24
Wa yɛ Pɔlʋɔ -zijle tɛ-ɛ
1'Ylɩ -ngbï 'plɩ-a, -Lagɔbʋbɔnyɔ 'kadɔ wa la-a Ananiasɩ -su 'zwiföaa nɩkpazɔgblʋɩ, 'bhë nɩkpaa gbɩɛ 'möplanyɔ -bhlʋ wa la-a Tɛlɩtilwisɩ. 'N wa ji-a Pɔlʋ -bha -gwlɩnyininyɔ 'kadɔ dlɩ'ɩ 'kla. 2Wa wɔzɩ-a Pɔlʋ, 'n Tɛlɩtilwisɩ ji-a ɔ gbʋɔ 'wʋkwakwɩɛ tɛ-ɛ. 3Ɔ nɛ: “-Abhitɩbha 'kadɔ Felisɩ, -na -lie -li -nʋ yɛ, 'bhë -li lili -n -la-a yɛ 'n -a 'wlonʋɔ-ɔ ma'a dʋdʋ la'a 'wʋ -gömö, -sɩbha ɩ -wʋ-a de 'bhuoo yɛ 'kɔmʋʋ nglunʋ -a nglunʋɩ -bha. -A -bhalɩmö -na -lie -lie yɛ. 4N -jimö-ö yʋlʋa tenyie yɛ-ɛ, 'köbhë n ji-a -dɩɛ, n -bhiamö yawʋ -pönɩya 'yukwli, sa -na 'bhëë jɔnʋjɔnʋdlɩ -wʋ-a 'kɔmʋʋ. 5Nɩkpɛ -la 'nɩ-ɛ nɩkpɛɛ -nɩkpɛ. Ma'a dʋdʋkpata -gömöö 'zwiföa 'bhuo ɔ -wʋ-a ghayɩ 'pa 'le. -Zakpa wa la-a Nazalɩɛɛ -zakpa, a 'yuganɩnyɔ -bha. 6Ɔ yɛ la -Lagɔbudu 'kadʋɔ 'bhëë -nyanɩpalɩpalɩɛ 'mö jɩla 'bhë, 'n -a jio-a köbha. [Sa -aa gbö nʋ-a -a tu nɩkpa -a 'jɩbha -a 'kɔ la -sɩbha -nɩ tu, 7'n slʋjaa 'bhitɩbha Liziasɩ ji-e 'mö-ö -bha nyɩdɩ pla, 'n ɔ -jiya-a yʋlʋ nya cɛ'ɛ -sa. 8'N ɔ ji-e -bha ɔ gbʋɔ 'wʋkwangwaa de gba naa wa ji wa 'kɔ ma'a -na dlɩ'ɩ 'kla.] -N -kɔɔ ngli 'jɩbha, -na 'bhë -n bhɛlɩ -n 'yɛ wɛlɩ -a -wʋɔ-a 'wʋ kwa 'le nglunʋ.” 9'N 'zwiföa ji-a ɔ gbʋɔ 'wʋkwawɛlɩ glʋ naa -sɩbha ɩ 'plɩ-a 'dɛdɛ'ɛ.
Pɔlʋ yɛ -bha Felisɩ dlɩ'ɩ ɔjɩɛ gbʋɔ -gömösawɛlɩ gba
10-Gwlɩnyininyɔ -sa-a Pɔlʋ ngo -gömö ɔ 'yɛ gbaa yɛ-ɛ, -mɔ la'a nɛ -bha ɔ de: “N -ji sɛ -na 'ylʋböö -bebe la'a 'n -n glɩnɩ-a dʋdʋ la'aa -gömöö -zijlitunyɔ 'kadɔ. Wʋ yɛ na dlɩ 'tɛ-ɛ 'wʋ, 'n n -wʋ-ɔ la'a najɩ gbʋ -gömö -saa ji 'le. 11N -yɛ la -ma Zelwizalɛmö bʋbɔ kwla'a mö -bhaa 'ylɩ kugbïa 'sɔ 'nɩ-ɛ -bhla 'plɩ, -n bhɛlɩ -n 'yɛ ngli 'jɩbha. 12-Bɛ nɩ'ɩ-ɛ -ma -Lagɔbudu 'kadʋ-ɔ, -Lagɔbudi 'kikie-e, -ma 'gbë 'mö 'bhë kaböde 'yɛ, n -yɛ nɩkpa 'sɔ ylɩplalɩ'ɩ ghlɩ. N 'yɛ 'yɛ -gwlɩɛ ghayɩpa yɛ nɩkpa 'wlu 'titanɩ 'le -wʋ wa ka'a -ma 'gbë 'mö yɩlɩ. 13-Ɩɩ 'bhï wa wʋ'ʋ-ɔ -la 'wʋ kwa 'le, wa'a bhɛlɩ wa 'kɩ tulua. 14-Ma ɩ 'mö, la'a -na 'ji 'klʋ sa'a n gba-a naa: 'Yuogblʋ -lulu la'a wa la-a yuoyuoyuogblʋ, -bha ʋ 'wʋ n -wʋ-ɔ na -lowlengwaa bʋbɔ -Lagɔɔ libho nʋnʋ 'le. Ɩ-ɩ -sɩbha 'bhë, n ka -Lagɔɔ gbö -yɛ -Lagɔɔ 'mögbanɩngwaa 'bɔgʋɩ 'möö wɛlɩ 'sɔ dlɩ 'wʋ. 15Na dlɩ-ɛ 'yɛ -Lagɔ -gömö , sa wa 'bhïë dlɩ -wʋʋ-a -gömö naa, -lie -lie nʋnʋngwa -yɛ 'jinylolie nʋngwa 'sɔ glu wa ji-a 'wlʋɔ. 16Wʋ yɛ n 'tamanɩ-a 'mö 'kɔmʋʋ, -bha -Lagɔ -yɛ nɩkpa 'sɔɔ 'ji 'klʋ na dlɩ ji'i-e gbʋ 'wʋ kwa. 17N -sa-a -ma laga -gömö 'ylʋböö -bebe, 'n n ji-e ma'a na 'bhɛyɩ nimï ji n 'yɛ na 'bhɛyɩɛ ngazɩngwa 'nyɛ, n 'yɛ 'yɛ -Lagɔ 'nyɛɛ yɛ. 18-Ɩ n -wʋ la-a nʋ 'le, 'n wa ji'i-e -ma -Lagɔbudu 'kadʋ 'mö ghlɩ mɩ-ɛ -la, na 'wlawlazʋli n -wʋ la-a nʋ 'le. Wa nɩ'ɩ-ɛ nɩkpa 'wlutitanɩlɩ -yɛ jɔsalɩ'ɩ 'sɔ ghlɩ. 19Azie dʋdʋ -gömöö 'zwiföaa 'jaja, mʋa -yɛ la na 'kalɛ 'mlɩ -ka, mʋa-a 'yɛ la-a ma'a -na dlɩ'ɩ ji, wa ka'a 'kla. 20Ɛ nʋa 'yɛ glɩnɩ-ɛ, -wa la'a -wa -yɩlɩ'ɩ-a 'jinylɔköbhë yawʋ -bha 'zwiföaa -zijlitungwa dlɩ'ɩ 'mʋa ɛ 'yɛ la 'mö-a glɩnɩ. 21Wɛlɩköbhë n -sa-a -ma wa gla'a ngli naa, 'kudungwaa gluwlʋwɛlɩ n 'tɛnɩ-a dlɩɛ yɛ wa wʋ'ʋ-ɔ la'a -zɩnɩ'ɩ la'a a dlɩ'ɩ -zijle tunʋ 'le, n -sanɩa -bha 'ye.”
22Felisɩ -ji 'mʋ 'yuogblʋ la'aa bhle'e 'sɩkösɩköö yɛ 'n ɔ jua-a 'ylɩ -sa. Ɔ nɛ -bha wa de: “'Slʋjaa 'bhitɩbha Liziasɩ -yɛ ji 'bhë, n 'yɛ a wɛlɩ yawʋ yɩlɩ.” 23'N ɔ ji-a 'slʋjeyi 'kadɔ 'dɩ 'nyɛ naa ɔ yɩlɩ Pɔlʋ 'wʋ, ɔ 'nyɔ 'yɛ cɛɛwlonɔ, ɔ -lowlengwa -kɔɔ yɩlɩ kwla'a ji wa 'kɔ kwanɩɛ yɛ ɔ 'na-a -sʋa 'yɛ 'yuo -nɩ.
24'Ylɩ ja 'plɩ-a, Felisɩ -yɛ ɔ 'nglɔ Dlusilɩ -ɔ glɩnɩ-a 'zwiföylugu 'sɔ ji-a, 'n ɔ ji-a Pɔlʋ nɩkpa 'wʋ tia. Wa -nyɔɔ ji-a, 'n Pɔlʋ ji-e -bha ɔ de Zezwi 'Klie dlɩwʋkagbʋ gba. 25-Ɩ nanɩ-a -Lagɔ dlɩ yawʋ, nɩkpɛɛ jɩɛ dlɩɛ bhɛlɩbhɛlɩgbʋ -yɛ -zijle -a ji-a ji 'sɔɔ gbʋ Pɔlʋ -wʋ la-a gba 'lee yɛ, Felisɩ nganɩmanɩ-a, ɔ nɛ -bha ɔ de: “Mö -n 'yɛ -bhla sɛ glɩ-ɩ, n -yɛ cɛ'ɛ -wlonʋ 'bhë n -kamö wɔzɩ.” 26Ɔ -tɔnʋ 'yɛ mëni Pɔlʋ jio la 'nyɛɛ, wʋ yɛ ɔ tio la-a 'kɔmʋʋ nɩkpa 'wʋ ɔ -nyɔɔ 'sɔ 'yɛ 'dɩ -sa. 27'Ylʋbö 'sɔ 'plɩ-a, nɩkpɛ wa la-a Pɔlɩkwɩsɩ Fɛsɩtwisɩ mɔ-ɔ 'plɩnɩ-a Felisɩɛ 'bhle 'wʋ. 'Zwiföa 'kɔ -bhla 'jɩbhaa yɛ, 'n Felisɩ ji-a Pɔlʋ -die 'mö tɩ.
Currently Selected:
NƲNƲLI 24: BNT96
Highlight
Copy
Compare
Share
Want to have your highlights saved across all your devices? Sign up or sign in
Bete New Testament © Bible Society of Côte d'Ivoire 1996
NƲNƲLI 24
24
Wa yɛ Pɔlʋɔ -zijle tɛ-ɛ
1'Ylɩ -ngbï 'plɩ-a, -Lagɔbʋbɔnyɔ 'kadɔ wa la-a Ananiasɩ -su 'zwiföaa nɩkpazɔgblʋɩ, 'bhë nɩkpaa gbɩɛ 'möplanyɔ -bhlʋ wa la-a Tɛlɩtilwisɩ. 'N wa ji-a Pɔlʋ -bha -gwlɩnyininyɔ 'kadɔ dlɩ'ɩ 'kla. 2Wa wɔzɩ-a Pɔlʋ, 'n Tɛlɩtilwisɩ ji-a ɔ gbʋɔ 'wʋkwakwɩɛ tɛ-ɛ. 3Ɔ nɛ: “-Abhitɩbha 'kadɔ Felisɩ, -na -lie -li -nʋ yɛ, 'bhë -li lili -n -la-a yɛ 'n -a 'wlonʋɔ-ɔ ma'a dʋdʋ la'a 'wʋ -gömö, -sɩbha ɩ -wʋ-a de 'bhuoo yɛ 'kɔmʋʋ nglunʋ -a nglunʋɩ -bha. -A -bhalɩmö -na -lie -lie yɛ. 4N -jimö-ö yʋlʋa tenyie yɛ-ɛ, 'köbhë n ji-a -dɩɛ, n -bhiamö yawʋ -pönɩya 'yukwli, sa -na 'bhëë jɔnʋjɔnʋdlɩ -wʋ-a 'kɔmʋʋ. 5Nɩkpɛ -la 'nɩ-ɛ nɩkpɛɛ -nɩkpɛ. Ma'a dʋdʋkpata -gömöö 'zwiföa 'bhuo ɔ -wʋ-a ghayɩ 'pa 'le. -Zakpa wa la-a Nazalɩɛɛ -zakpa, a 'yuganɩnyɔ -bha. 6Ɔ yɛ la -Lagɔbudu 'kadʋɔ 'bhëë -nyanɩpalɩpalɩɛ 'mö jɩla 'bhë, 'n -a jio-a köbha. [Sa -aa gbö nʋ-a -a tu nɩkpa -a 'jɩbha -a 'kɔ la -sɩbha -nɩ tu, 7'n slʋjaa 'bhitɩbha Liziasɩ ji-e 'mö-ö -bha nyɩdɩ pla, 'n ɔ -jiya-a yʋlʋ nya cɛ'ɛ -sa. 8'N ɔ ji-e -bha ɔ gbʋɔ 'wʋkwangwaa de gba naa wa ji wa 'kɔ ma'a -na dlɩ'ɩ 'kla.] -N -kɔɔ ngli 'jɩbha, -na 'bhë -n bhɛlɩ -n 'yɛ wɛlɩ -a -wʋɔ-a 'wʋ kwa 'le nglunʋ.” 9'N 'zwiföa ji-a ɔ gbʋɔ 'wʋkwawɛlɩ glʋ naa -sɩbha ɩ 'plɩ-a 'dɛdɛ'ɛ.
Pɔlʋ yɛ -bha Felisɩ dlɩ'ɩ ɔjɩɛ gbʋɔ -gömösawɛlɩ gba
10-Gwlɩnyininyɔ -sa-a Pɔlʋ ngo -gömö ɔ 'yɛ gbaa yɛ-ɛ, -mɔ la'a nɛ -bha ɔ de: “N -ji sɛ -na 'ylʋböö -bebe la'a 'n -n glɩnɩ-a dʋdʋ la'aa -gömöö -zijlitunyɔ 'kadɔ. Wʋ yɛ na dlɩ 'tɛ-ɛ 'wʋ, 'n n -wʋ-ɔ la'a najɩ gbʋ -gömö -saa ji 'le. 11N -yɛ la -ma Zelwizalɛmö bʋbɔ kwla'a mö -bhaa 'ylɩ kugbïa 'sɔ 'nɩ-ɛ -bhla 'plɩ, -n bhɛlɩ -n 'yɛ ngli 'jɩbha. 12-Bɛ nɩ'ɩ-ɛ -ma -Lagɔbudu 'kadʋ-ɔ, -Lagɔbudi 'kikie-e, -ma 'gbë 'mö 'bhë kaböde 'yɛ, n -yɛ nɩkpa 'sɔ ylɩplalɩ'ɩ ghlɩ. N 'yɛ 'yɛ -gwlɩɛ ghayɩpa yɛ nɩkpa 'wlu 'titanɩ 'le -wʋ wa ka'a -ma 'gbë 'mö yɩlɩ. 13-Ɩɩ 'bhï wa wʋ'ʋ-ɔ -la 'wʋ kwa 'le, wa'a bhɛlɩ wa 'kɩ tulua. 14-Ma ɩ 'mö, la'a -na 'ji 'klʋ sa'a n gba-a naa: 'Yuogblʋ -lulu la'a wa la-a yuoyuoyuogblʋ, -bha ʋ 'wʋ n -wʋ-ɔ na -lowlengwaa bʋbɔ -Lagɔɔ libho nʋnʋ 'le. Ɩ-ɩ -sɩbha 'bhë, n ka -Lagɔɔ gbö -yɛ -Lagɔɔ 'mögbanɩngwaa 'bɔgʋɩ 'möö wɛlɩ 'sɔ dlɩ 'wʋ. 15Na dlɩ-ɛ 'yɛ -Lagɔ -gömö , sa wa 'bhïë dlɩ -wʋʋ-a -gömö naa, -lie -lie nʋnʋngwa -yɛ 'jinylolie nʋngwa 'sɔ glu wa ji-a 'wlʋɔ. 16Wʋ yɛ n 'tamanɩ-a 'mö 'kɔmʋʋ, -bha -Lagɔ -yɛ nɩkpa 'sɔɔ 'ji 'klʋ na dlɩ ji'i-e gbʋ 'wʋ kwa. 17N -sa-a -ma laga -gömö 'ylʋböö -bebe, 'n n ji-e ma'a na 'bhɛyɩ nimï ji n 'yɛ na 'bhɛyɩɛ ngazɩngwa 'nyɛ, n 'yɛ 'yɛ -Lagɔ 'nyɛɛ yɛ. 18-Ɩ n -wʋ la-a nʋ 'le, 'n wa ji'i-e -ma -Lagɔbudu 'kadʋ 'mö ghlɩ mɩ-ɛ -la, na 'wlawlazʋli n -wʋ la-a nʋ 'le. Wa nɩ'ɩ-ɛ nɩkpa 'wlutitanɩlɩ -yɛ jɔsalɩ'ɩ 'sɔ ghlɩ. 19Azie dʋdʋ -gömöö 'zwiföaa 'jaja, mʋa -yɛ la na 'kalɛ 'mlɩ -ka, mʋa-a 'yɛ la-a ma'a -na dlɩ'ɩ ji, wa ka'a 'kla. 20Ɛ nʋa 'yɛ glɩnɩ-ɛ, -wa la'a -wa -yɩlɩ'ɩ-a 'jinylɔköbhë yawʋ -bha 'zwiföaa -zijlitungwa dlɩ'ɩ 'mʋa ɛ 'yɛ la 'mö-a glɩnɩ. 21Wɛlɩköbhë n -sa-a -ma wa gla'a ngli naa, 'kudungwaa gluwlʋwɛlɩ n 'tɛnɩ-a dlɩɛ yɛ wa wʋ'ʋ-ɔ la'a -zɩnɩ'ɩ la'a a dlɩ'ɩ -zijle tunʋ 'le, n -sanɩa -bha 'ye.”
22Felisɩ -ji 'mʋ 'yuogblʋ la'aa bhle'e 'sɩkösɩköö yɛ 'n ɔ jua-a 'ylɩ -sa. Ɔ nɛ -bha wa de: “'Slʋjaa 'bhitɩbha Liziasɩ -yɛ ji 'bhë, n 'yɛ a wɛlɩ yawʋ yɩlɩ.” 23'N ɔ ji-a 'slʋjeyi 'kadɔ 'dɩ 'nyɛ naa ɔ yɩlɩ Pɔlʋ 'wʋ, ɔ 'nyɔ 'yɛ cɛɛwlonɔ, ɔ -lowlengwa -kɔɔ yɩlɩ kwla'a ji wa 'kɔ kwanɩɛ yɛ ɔ 'na-a -sʋa 'yɛ 'yuo -nɩ.
24'Ylɩ ja 'plɩ-a, Felisɩ -yɛ ɔ 'nglɔ Dlusilɩ -ɔ glɩnɩ-a 'zwiföylugu 'sɔ ji-a, 'n ɔ ji-a Pɔlʋ nɩkpa 'wʋ tia. Wa -nyɔɔ ji-a, 'n Pɔlʋ ji-e -bha ɔ de Zezwi 'Klie dlɩwʋkagbʋ gba. 25-Ɩ nanɩ-a -Lagɔ dlɩ yawʋ, nɩkpɛɛ jɩɛ dlɩɛ bhɛlɩbhɛlɩgbʋ -yɛ -zijle -a ji-a ji 'sɔɔ gbʋ Pɔlʋ -wʋ la-a gba 'lee yɛ, Felisɩ nganɩmanɩ-a, ɔ nɛ -bha ɔ de: “Mö -n 'yɛ -bhla sɛ glɩ-ɩ, n -yɛ cɛ'ɛ -wlonʋ 'bhë n -kamö wɔzɩ.” 26Ɔ -tɔnʋ 'yɛ mëni Pɔlʋ jio la 'nyɛɛ, wʋ yɛ ɔ tio la-a 'kɔmʋʋ nɩkpa 'wʋ ɔ -nyɔɔ 'sɔ 'yɛ 'dɩ -sa. 27'Ylʋbö 'sɔ 'plɩ-a, nɩkpɛ wa la-a Pɔlɩkwɩsɩ Fɛsɩtwisɩ mɔ-ɔ 'plɩnɩ-a Felisɩɛ 'bhle 'wʋ. 'Zwiföa 'kɔ -bhla 'jɩbhaa yɛ, 'n Felisɩ ji-a Pɔlʋ -die 'mö tɩ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bete New Testament © Bible Society of Côte d'Ivoire 1996