NƲNƲLI 25
25
Pɔlʋ yɛ -bha -gwlɩnyininyɔ Fɛsɩtwisɩ dlɩ'ɩ gbanɩ
1Fɛsɩtwisɩ nyini-e -ma Sezalee -gwlɩ yawʋ 'ylɩ ta 'plɩ-a, 'n ɔ ji-a Zelwizalɛmö mö. 2Ɔ nyini-e -ma, 'n -Lagɔbʋbɔngwaa 'bhitɩbhangwa -yɛ 'zwiföaa 'kadɩ 'sɔ ji-e -bha ɔ dlɩ'ɩ Pɔlʋ 'kla. 3'N wa jio-a yawʋ bhia naa, ɔ -la wa yɛ Pɔlʋ -ma Zelwizalɛmö. 'Yuogblʋ wa -wʋɔ la-a -kʋ 'le wa 'kɔ 'lɩbhaa yɛ. 4Fɛsɩtwisɩ nɛ -bha wa de naa, -ma Sezale Pɔlʋ -wʋ-a -die 'mö, ɔ 'bhë 'bɩ 'na 'mö gwlɛ ɔ 'yɛ-ɛ -ma nimï mö. 5Ɔ nɛ naa: “A gla'aa 'kadɩ kwa'a -ma Sezale, 'mɔ nɩkpɛ -la -yɛ 'jinylɔköbhë yawʋ -ka wa 'kɔ 'wʋ kwa.”
6Fɛsɩtwisɩ -sa-a -ma wa 'bhɛyɩ 'ylɩ -ngbɔta, 'ylɩ kugbïaa swɩ 'n ɔ ji-a Sezale-e nimï mö. Zlɩ zɩ-a ɔ gbëna-a -zijle-e, 'n ɔ ji-a Pɔlʋ nɩkpa 'wʋ tia. 7-Mɔ la'a nyini-e -bha -zijle'e 'n 'zwiföa -wa 'bhö-ö la-a -ma Zelwizalɛmö jio-a 'wʋ binɩ, wa -wʋɔ la'a wɛlɩ -bebe -yɛ gbɩ 'kadɩ 'sɔ 'wʋ kwa 'le, -ɩ wa 'bhï 'nɩ-a bhɛlɩ wa 'yɛ tulua. 8-Ma ɩ 'mö, 'n Pɔlʋ ji-a ɔjɩ gbʋ -gömö -sa, ɔ nɛ: “N'n -lɛ 'zwiföaa gbö -bha -sa, n'n -lɛ -Lagɔbudu 'kadʋ ngli nyimanɩ, n'n -lɛ 'yɛ dʋdʋnyininyɔ 'kadɔɔ de 'jinyloli nʋ.” 9Fɛsɩtwisɩ 'yɛ 'zwiföa 'mʋna 'wʋ suluo yɛ, ɔ nɛ -bha Pɔlʋɔ de naa: “-N 'jɩbha -n 'yɛ -ma Zelwizalɛmö mö, wa -kamö -bha na 'bhëë 'ji 'klʋ köbhë -laa yɛ -zijle tunʋʋ?” 10'N Pɔlʋ ji-a -gömö -sa. Ɔ nɛ: “Dʋdʋnyininyɔ 'kadɔɔ -zijlitungwaa dlɩ'ɩ n glɩ-ɛ la'a, -bha wa ji'i-a -zijle tunʋɔ. N'n -lɛ 'jinylɔköbhë 'zwiföa 'ji nʋ. -Na 'bhë -n -ji sɛ 'jinanɩswɩ'ɩ. 11-Ma ɩ 'mö, 'mʋ gbʋ ka'a 'dɛdɛ'ɛ köbha-a, n -yɛ 'jinyloli 'kadɩ nʋ, wa ka'a ɩ yɛ 'lɩbhaa ji-e, n'n -lɛ nʋ n 'na-a tlɩ nʋ. 'N wɛlɩ wa wʋ'ʋ-ɔ la'a 'wʋ kwa 'le -yɛ yuo 'mö -ka, nɩkpɛ 'nɩ bhɛlɩ ɔ -kamʋ'ʋa 'ye 'nyɛ. N 'jɩbha na gbʋ 'yɛ -ma dʋdʋnyininyɔ 'kadɔ dlɩ'ɩ 'tunʋɔ.” 12Ɔ gba-a sa'a, Fɛsɩtwisɩ 'nʋ-a ɔ -zijlitungwa ngli, ɔ nɛ: “-N nɛ -n 'yɛ dʋdʋnyininyɔ 'kadɔ dlɩ'ɩ nyinie yɛ, -ma -n ji-a nyinie.”
Fɛsɩtwisɩ yɛ Pɔlʋ Aglipa 'ji tuluanɩ
13'Ylɩ ja 'plɩ-a, dʋdʋnyininyɔ wa la-a Aglipa -yɛ ɔ -dagunglugu Belenisɩ 'sɔ ji-e -ma Sezale-e, 'n wa ji-a Fɛsɩtwisɩ bhalɩ kwla'a mö. 14'Ylɩɛ -bɛ wa -wʋ la-a -ma -sa 'lee yɛ, 'n Fɛsɩtwisɩ ji-a Pɔlʋɔ gbʋ -bha Aglipaa de gba. Ɔ nɛ: “Nɩkpɛ -bhlʋ Felisɩ tɩ-ɛ ma'a -die 'mö. 15La n mö-ö -ma Zelwizalɛmö, 'n -Lagɔbʋbɔngwa 'kadɩ -yɛ 'zwiföaa nɩkpazɔgblʋɩ 'sɔ ji'i-a ɔ gbʋ'ʋ palɩ. Wa nɛ: Gbʋ köbhɔ. 16'N n ji-e na-a wa de gba naa, Ghlɔmöö nɩkpa 'nɩ nʋɩ 'kɩ. Wa -yɛ nɩkpɛ -die 'mö 'paa ji-e, -bha ɔ gbʋɔ 'wʋkwangwaa 'ji 'klʋ wa tunʋɔ -bha. Gbʋ -ʋ wa -wʋɔ-a 'wʋ kwa 'le 'n ɔ sʋa-a -gömö. 17Ɩ yɛ 'n wa ji-e ma'a ji. N'n-n 'mö -kʋnʋ, zlɩ zɩ-a, n gbëna-a -zijle, 'n n ji-a 'mɔ nɩkpɛ nɩkpa 'wʋ tia naa wa -nyɔɔ ji. 18Ɔ gbʋɔ 'wʋkwangwa ji-a, 'jinylɔwɛlɩkïbhï -ɩ n -wʋ la na-a dlɩ 'wʋ 'pa 'le, wa 'nɩɔ-ɔ ɩ 'köbhë -bhlʋɔ 'bhë yawʋ kwa. 19-Bha wa -nyɔɔ 'sɔɔ nyɩdɩ -Lagɔɔ bʋbɔbʋbɔwɛlɩ -yɛ nɩkpɛ -mʋmɔ -bhlʋ wa la-a Zezwi -ɔ tlɩ-a 'bhë -ɔ Pɔlʋ nʋ-a ɔ -bhlɩ -bhla-a, ɩ wɛlɩ -bha. 20-Ma wa kpɛnɩkpɛnɩɛ la'a 'mö, -mɔ n 'yɛ nglunʋ n 'nɩɔ -jie yɛ, 'n n ji-a Pɔlʋ ngli 'jɩbha naa, ɔ -yɛ 'jɩbha ɔ 'yɛ -ma Zelwizalɛmö mö wa 'kɔ -ma -zijle tunʋ. 21N gba-a -sɩbha ɔ nɛ, dʋdʋnyininyɔ 'kadɔ 'nʋ ɔ wɛlɩ ɔ 'bhë 'kɩ tu. 'N n ji-a gba naa, wa zʋɔ -bhla ma'a -die 'mö yɛ, -bha -yɛ nyini 'bhë n 'kɔ -ma dʋdʋnyininyɔ 'kadɔ Sezalɩ dlɩ'ɩ kwa.” 22Aglipa nɛ -bha Fɛsɩtwisɩɛ de: “N 'jɩbha n 'yɛ na-a nɩkpɛ -laa nglie wɛlɩ 'nʋ.” Fɛsɩtwisɩ nɛ: “Zlɩ -yɛ zɩ 'bhë -n jio 'yukwli pönɩ.”
23Zlɩ zɩ-a, Aglipa -yɛ Belenisɩ 'sɔ ka nɩkpa 'bɩ, 'n wa ji-e -ma -zijlitubudu'u pla, wa -yɛ 'slʋjaa 'bhitɩbhangwa -yɛ Sezalee 'nglɩmöngwa 'sɔ. Fɛsɩtwisɩ tia-a nɩkpa Pɔlʋ 'wʋ 'n wa -nyɔɔ ji-a ji. 24Fɛsɩtwisɩ nɛ: “Nyininyɔ 'kadɔ Aglipa, -ayo. Abha la'a 'bhuo abha -a nyɛya 'sɔ glɩ-ɛ la'a, nɩkpɛ -ɔɔ yɛ 'zwiföaa -zakpa bhë -palɩ'ɩ-a gbʋ'ʋ, 'mɔ a jɩnɩ-ɛ -la 'wʋ. -Ma Zelwizalɛmö, ma'a 'bhë 'yɛ, wa nɛ ɔ'ɔ mlinɩ ɔ 'yɛ 'pɩ -wʋ 'sɔ. 25Na -nɩ de, gbʋ -mʋ ɔ 'yɛ 'mö tlɩ n 'nɩɔ-ɔ na-a yawʋ yɩlɩ, ɔ 'bhë nɛ 'yɛ wa kwa ɔ wɛlɩ -ma dʋdʋnyininyɔ 'kadɔ dlɩɛ yɛ, n nɛ -ma n jio-a kwa. 26Wɛlɩ -mɩ n 'yɛ-a ɔ yɛ dʋdʋnyininyɔ 'wʋ 'cɛlɩ -kli n 'nɩɩ -ji, ɩ yɛ n -lɔ-ɔ la'a a dlɩ'ɩ, la'a -nmö nyininyɔ Aglipa dlɩ'ɩ, ɔ wɛlɩ -yɛ yawʋ 'yɩlɩɔ 'bhë -ɩ n ji-a 'cɛlɩɛ n 'kɩ -ji. 27-Wʋʋ yɛ-a, na -nɩ de -n 'yɛ-a 'mö -sa -dienyɔ 'yuo 'pa 'bhë gbʋ -mʋ wa kɔ-a 'wʋ -n 'nʋ-ʋ 'nglɩ -dɩ, ɩ'ɩ zɔmö -ka.”
Currently Selected:
NƲNƲLI 25: BNT96
Highlight
Copy
Compare
Share
Want to have your highlights saved across all your devices? Sign up or sign in
Bete New Testament © Bible Society of Côte d'Ivoire 1996
NƲNƲLI 25
25
Pɔlʋ yɛ -bha -gwlɩnyininyɔ Fɛsɩtwisɩ dlɩ'ɩ gbanɩ
1Fɛsɩtwisɩ nyini-e -ma Sezalee -gwlɩ yawʋ 'ylɩ ta 'plɩ-a, 'n ɔ ji-a Zelwizalɛmö mö. 2Ɔ nyini-e -ma, 'n -Lagɔbʋbɔngwaa 'bhitɩbhangwa -yɛ 'zwiföaa 'kadɩ 'sɔ ji-e -bha ɔ dlɩ'ɩ Pɔlʋ 'kla. 3'N wa jio-a yawʋ bhia naa, ɔ -la wa yɛ Pɔlʋ -ma Zelwizalɛmö. 'Yuogblʋ wa -wʋɔ la-a -kʋ 'le wa 'kɔ 'lɩbhaa yɛ. 4Fɛsɩtwisɩ nɛ -bha wa de naa, -ma Sezale Pɔlʋ -wʋ-a -die 'mö, ɔ 'bhë 'bɩ 'na 'mö gwlɛ ɔ 'yɛ-ɛ -ma nimï mö. 5Ɔ nɛ naa: “A gla'aa 'kadɩ kwa'a -ma Sezale, 'mɔ nɩkpɛ -la -yɛ 'jinylɔköbhë yawʋ -ka wa 'kɔ 'wʋ kwa.”
6Fɛsɩtwisɩ -sa-a -ma wa 'bhɛyɩ 'ylɩ -ngbɔta, 'ylɩ kugbïaa swɩ 'n ɔ ji-a Sezale-e nimï mö. Zlɩ zɩ-a ɔ gbëna-a -zijle-e, 'n ɔ ji-a Pɔlʋ nɩkpa 'wʋ tia. 7-Mɔ la'a nyini-e -bha -zijle'e 'n 'zwiföa -wa 'bhö-ö la-a -ma Zelwizalɛmö jio-a 'wʋ binɩ, wa -wʋɔ la'a wɛlɩ -bebe -yɛ gbɩ 'kadɩ 'sɔ 'wʋ kwa 'le, -ɩ wa 'bhï 'nɩ-a bhɛlɩ wa 'yɛ tulua. 8-Ma ɩ 'mö, 'n Pɔlʋ ji-a ɔjɩ gbʋ -gömö -sa, ɔ nɛ: “N'n -lɛ 'zwiföaa gbö -bha -sa, n'n -lɛ -Lagɔbudu 'kadʋ ngli nyimanɩ, n'n -lɛ 'yɛ dʋdʋnyininyɔ 'kadɔɔ de 'jinyloli nʋ.” 9Fɛsɩtwisɩ 'yɛ 'zwiföa 'mʋna 'wʋ suluo yɛ, ɔ nɛ -bha Pɔlʋɔ de naa: “-N 'jɩbha -n 'yɛ -ma Zelwizalɛmö mö, wa -kamö -bha na 'bhëë 'ji 'klʋ köbhë -laa yɛ -zijle tunʋʋ?” 10'N Pɔlʋ ji-a -gömö -sa. Ɔ nɛ: “Dʋdʋnyininyɔ 'kadɔɔ -zijlitungwaa dlɩ'ɩ n glɩ-ɛ la'a, -bha wa ji'i-a -zijle tunʋɔ. N'n -lɛ 'jinylɔköbhë 'zwiföa 'ji nʋ. -Na 'bhë -n -ji sɛ 'jinanɩswɩ'ɩ. 11-Ma ɩ 'mö, 'mʋ gbʋ ka'a 'dɛdɛ'ɛ köbha-a, n -yɛ 'jinyloli 'kadɩ nʋ, wa ka'a ɩ yɛ 'lɩbhaa ji-e, n'n -lɛ nʋ n 'na-a tlɩ nʋ. 'N wɛlɩ wa wʋ'ʋ-ɔ la'a 'wʋ kwa 'le -yɛ yuo 'mö -ka, nɩkpɛ 'nɩ bhɛlɩ ɔ -kamʋ'ʋa 'ye 'nyɛ. N 'jɩbha na gbʋ 'yɛ -ma dʋdʋnyininyɔ 'kadɔ dlɩ'ɩ 'tunʋɔ.” 12Ɔ gba-a sa'a, Fɛsɩtwisɩ 'nʋ-a ɔ -zijlitungwa ngli, ɔ nɛ: “-N nɛ -n 'yɛ dʋdʋnyininyɔ 'kadɔ dlɩ'ɩ nyinie yɛ, -ma -n ji-a nyinie.”
Fɛsɩtwisɩ yɛ Pɔlʋ Aglipa 'ji tuluanɩ
13'Ylɩ ja 'plɩ-a, dʋdʋnyininyɔ wa la-a Aglipa -yɛ ɔ -dagunglugu Belenisɩ 'sɔ ji-e -ma Sezale-e, 'n wa ji-a Fɛsɩtwisɩ bhalɩ kwla'a mö. 14'Ylɩɛ -bɛ wa -wʋ la-a -ma -sa 'lee yɛ, 'n Fɛsɩtwisɩ ji-a Pɔlʋɔ gbʋ -bha Aglipaa de gba. Ɔ nɛ: “Nɩkpɛ -bhlʋ Felisɩ tɩ-ɛ ma'a -die 'mö. 15La n mö-ö -ma Zelwizalɛmö, 'n -Lagɔbʋbɔngwa 'kadɩ -yɛ 'zwiföaa nɩkpazɔgblʋɩ 'sɔ ji'i-a ɔ gbʋ'ʋ palɩ. Wa nɛ: Gbʋ köbhɔ. 16'N n ji-e na-a wa de gba naa, Ghlɔmöö nɩkpa 'nɩ nʋɩ 'kɩ. Wa -yɛ nɩkpɛ -die 'mö 'paa ji-e, -bha ɔ gbʋɔ 'wʋkwangwaa 'ji 'klʋ wa tunʋɔ -bha. Gbʋ -ʋ wa -wʋɔ-a 'wʋ kwa 'le 'n ɔ sʋa-a -gömö. 17Ɩ yɛ 'n wa ji-e ma'a ji. N'n-n 'mö -kʋnʋ, zlɩ zɩ-a, n gbëna-a -zijle, 'n n ji-a 'mɔ nɩkpɛ nɩkpa 'wʋ tia naa wa -nyɔɔ ji. 18Ɔ gbʋɔ 'wʋkwangwa ji-a, 'jinylɔwɛlɩkïbhï -ɩ n -wʋ la na-a dlɩ 'wʋ 'pa 'le, wa 'nɩɔ-ɔ ɩ 'köbhë -bhlʋɔ 'bhë yawʋ kwa. 19-Bha wa -nyɔɔ 'sɔɔ nyɩdɩ -Lagɔɔ bʋbɔbʋbɔwɛlɩ -yɛ nɩkpɛ -mʋmɔ -bhlʋ wa la-a Zezwi -ɔ tlɩ-a 'bhë -ɔ Pɔlʋ nʋ-a ɔ -bhlɩ -bhla-a, ɩ wɛlɩ -bha. 20-Ma wa kpɛnɩkpɛnɩɛ la'a 'mö, -mɔ n 'yɛ nglunʋ n 'nɩɔ -jie yɛ, 'n n ji-a Pɔlʋ ngli 'jɩbha naa, ɔ -yɛ 'jɩbha ɔ 'yɛ -ma Zelwizalɛmö mö wa 'kɔ -ma -zijle tunʋ. 21N gba-a -sɩbha ɔ nɛ, dʋdʋnyininyɔ 'kadɔ 'nʋ ɔ wɛlɩ ɔ 'bhë 'kɩ tu. 'N n ji-a gba naa, wa zʋɔ -bhla ma'a -die 'mö yɛ, -bha -yɛ nyini 'bhë n 'kɔ -ma dʋdʋnyininyɔ 'kadɔ Sezalɩ dlɩ'ɩ kwa.” 22Aglipa nɛ -bha Fɛsɩtwisɩɛ de: “N 'jɩbha n 'yɛ na-a nɩkpɛ -laa nglie wɛlɩ 'nʋ.” Fɛsɩtwisɩ nɛ: “Zlɩ -yɛ zɩ 'bhë -n jio 'yukwli pönɩ.”
23Zlɩ zɩ-a, Aglipa -yɛ Belenisɩ 'sɔ ka nɩkpa 'bɩ, 'n wa ji-e -ma -zijlitubudu'u pla, wa -yɛ 'slʋjaa 'bhitɩbhangwa -yɛ Sezalee 'nglɩmöngwa 'sɔ. Fɛsɩtwisɩ tia-a nɩkpa Pɔlʋ 'wʋ 'n wa -nyɔɔ ji-a ji. 24Fɛsɩtwisɩ nɛ: “Nyininyɔ 'kadɔ Aglipa, -ayo. Abha la'a 'bhuo abha -a nyɛya 'sɔ glɩ-ɛ la'a, nɩkpɛ -ɔɔ yɛ 'zwiföaa -zakpa bhë -palɩ'ɩ-a gbʋ'ʋ, 'mɔ a jɩnɩ-ɛ -la 'wʋ. -Ma Zelwizalɛmö, ma'a 'bhë 'yɛ, wa nɛ ɔ'ɔ mlinɩ ɔ 'yɛ 'pɩ -wʋ 'sɔ. 25Na -nɩ de, gbʋ -mʋ ɔ 'yɛ 'mö tlɩ n 'nɩɔ-ɔ na-a yawʋ yɩlɩ, ɔ 'bhë nɛ 'yɛ wa kwa ɔ wɛlɩ -ma dʋdʋnyininyɔ 'kadɔ dlɩɛ yɛ, n nɛ -ma n jio-a kwa. 26Wɛlɩ -mɩ n 'yɛ-a ɔ yɛ dʋdʋnyininyɔ 'wʋ 'cɛlɩ -kli n 'nɩɩ -ji, ɩ yɛ n -lɔ-ɔ la'a a dlɩ'ɩ, la'a -nmö nyininyɔ Aglipa dlɩ'ɩ, ɔ wɛlɩ -yɛ yawʋ 'yɩlɩɔ 'bhë -ɩ n ji-a 'cɛlɩɛ n 'kɩ -ji. 27-Wʋʋ yɛ-a, na -nɩ de -n 'yɛ-a 'mö -sa -dienyɔ 'yuo 'pa 'bhë gbʋ -mʋ wa kɔ-a 'wʋ -n 'nʋ-ʋ 'nglɩ -dɩ, ɩ'ɩ zɔmö -ka.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bete New Testament © Bible Society of Côte d'Ivoire 1996