NƲNƲLI 27
27
Pɔlʋ yɛ Ghlɔmöö 'yuogblʋ 'wʋ 'libhï
1La wa nʋ-ɔ 'mö-a naa, bato mö -a ji-a -gblaa -a 'yɛ Italie dʋdʋ -gömö mö-ö, 'slʋjaa -zakpa wa la-a dʋdʋnyininyɔ Ogwisɩɛ -la, a 'bhitɩbha wa la-a Zwilisɩ, 'mɔ wa 'nyɛ-a Pɔlʋ -yɛ -diengwa -mʋmʋa 'sɔ 'ye. 2-Glɔ wa la-a Adlamitɩɛ bato -bhlʋ -ʋ ji la-a Azie dʋdʋ tɩtlɩnɩɛ, 'n -a ji-e -ma ʋ 'mö -gbla. -A -yɛ Masedʋanɩɛ dʋdʋ -gömöö nɩkpɛ Tesaloniköyi Alitakö 'sɔ -bhlinɩ 'wʋ, 'n -a ji-a mö. 3Zlɩ -mɛ zɩ-ɛ -bha, -a nyini-a Sidɔ-ɔ, 'jinanɩswɩ'ɩ Zwilisɩ köbha la-a Pɔlʋɔ yɛ 'n ɔ jio-a ngo -gömö -sa 'n ɔ ji-a ɔ 'tʋalɩbhangwa yɩlɩɛ mö, -ɩ ɔ'ɔ-a -ka wa 'kɔ 'nyɛ. 4-A 'bhö-ö -bha, nyɔmʋ 'nɩ 'paa ji-e yɛ, 'n -a ji-a Siplɩɛ Dʋdʋ tɩtlɩnɩ.
5-A -dɩ-a Silisi -yɛ Pafili 'sɔɔ gïnyi 'mö, dʋdʋ wa la-a Lisi, ʋ -gömöö -glɔ wa la-a Mila 'n -a jiʋ-a ghlɩ. 6'Slʋjaa 'bhitɩbha ghlɩ-ɛ -bha Alɛzadlie bato -ʋ -wʋ-a Itali mö 'le, 'n ɔ -jiya-a -ma ʋ 'mö 'pa. 7-A -sa-a -bha 'nyi 'klʋ 'ylɩɛ -bebe, -aa 'bhö-ö la -gbawʋ, -a nʋ-a -a 'yɛ -glɔ wa la-a Sinidɩ ghlɩ, yʋlɔ -a yʋlɔ -bha. Nyɔmʋ -nɩya-a cɛɛwlonɔ 'nyɛ -a 'yɛ -bha 'nɩgbönɩ. 'N -a ji-a Klɛtɩɛ dʋdʋ -pɩa -a pla-a gïnyi 'mö wa la-a Salɩmɔnɩɛ 'jibhɛyɩ 'plɩnɩ. 8'N -a jia-a yʋlɔyʋlʋɛ 'mö tɩtlɩnɩ, de -bhlʋ wa la-a 'kïkëë -kïkë 'n -a ji-e -bha nyini, -bha -glɔ wa la-a Lasee yawʋ.
9'Bɩ yɛ la 'mö gwlɛ 'bhë, -wʋʋ yɛ-a, 'zwiföaa lɔlɔsʋzlɩ yɛ la 'plɩ bhë, -bha 'nyi 'klʋɔ mönɩmönɩɛ nganɔ 'wʋ ɛ bhömanɩ -bha. 10Ɩ yɛ Pɔlʋ -sanɩ-a -mʋabha 'dɩ naa: “-Abhɩayi, 'yuogblʋ -a ji-e la'a 'wʋ 'libhïë ngli ʋ ji-a -nyuo. Ɛ'ɛ -lɛ bato -yɛ ʋ 'mökali 'sɔɔ 'nyizee yɛ. -Aa 'bhï 'gamö, ngli ɩ ji-a -aa de -nyuo.” 11Pɔlʋ gba-a sa'a, batoklunyɔ -yɛ ʋ -lowli 'sɔɔ wɛlɩ 'slʋjaa 'bhitɩbha ka-a dlɩ 'wʋɔ yɛ, ɔ'ɔ -lɛ Pɔlʋɔ -li 'dɩ la. 12Kïkë -aa yawʋ -a -wʋ la-a 'nɩ wotlokojido'oo glɩglɩɛ 'wʋ -ngwaa yɛ, nɩkpa -wa -wʋ la-a -ma bato 'mö wa gla'aa -bɛ nɛ, -a -yɛ -bha 'bhö-ö -a -yɛ -ma Klɛtɩɛ 'kïkë wa la-a Fenisɩ nyini -a -yɛ -ma wotlokoo 'cʋɩ -sanɩ mɩ-ɩ -ga-a cɛ. 'Ma kïkë la'a, -ma 'ylʋɔ bhlinɩbhɛyɩ a gö-a 'ji.
-Podie yɛ -bha 'nyi 'klʋ ji
13Nyɔmʋ 'kikie 'bhönɩ-ɛ -ma zɔmö ʋ -wʋ-a 'pa 'le, wa -tɔnʋ wa bhɛlɩ wa 'yɛ la -ɩ wa ka-a dlɩ 'klʋ nʋ. Wa bulonʋ-a batoo 'likpë, 'n wa ji-a Klɛtɩɛ 'nyita tɩtlɩnɩ. 14'Bɩ 'nɩ-ɛ 'mö gwlɛ 'n -podiee 'kadɛ ji-e -ma 'nyita 'klʋ 'bhönɩ. 15Bato 'nɩ la bhɛlɩ ʋ 'yɛ nyɔmʋ 'ji 'nɩgbönɩɛ yɛ, 'n -a ji-a -aajɩ 'ji 'tati 'n nyɔmʋ -jiya-a kaböbhɛyɩ kwanɩ. 16'N -a ji-a 'nyita 'kikeyi wa la-a Kodaa zɔmöbhɛyɩ 'plɩnɩ. -A nʋ-a -a 'yɛ gɔlʋ -ʋ 'bizo-o -ma batoo ghayɩ -bha -sa yʋlɔ -a yʋlɔ -bha. 17-A 'pa-a -ma 'kwa, -a 'gbla-a 'gɔlʋ, 'n -a ji-a bato 'likpï 'mlɩ gwanɩ dlɩpalɩdee swɩ. -A-a nganɩ 'le -a ji-e Sitɩɛ -bösɛdudu 'wlu 'mö kʋɔ yɛ, bato 'wlumöö -yʋkʋɩ -a nyinianɩ-a zɔmö, 'n -a ji-a -aajɩ 'ji 'tati 'n 'nyi -jiya-a kwa. 18-Podiee 'mötɛnɩ yɛ zlɩ zɩ-a, 'n -a ji-e -ma bato 'möö -li -ma gïnyi 'mö sɛ sulu. 19'Ylɩ taa zlɩ, 'n bato 'möö libhonʋngwaa 'bhï ji-a -ɩ -su-a bato 'nyi 'mö 'pa.
20'Ylɩɛ -bebe 'mö, 'ylʋ -yɛ -zɛlɩ 'sɔ 'nɩ-ɛ 'wlʋ. Sa -podie 'tɛ-ɛ la-a 'mö ɛ 'tɛ-ɛ -bhla -sɩbha 'möö yɛ, sa bhë -a 'yɛ yawʋ bhɩa -a 'nɩɩ la-a 'mö dlɩ 'tɛnɩ. 21'Bɩ yɛ 'mö gwlɛ -bɛ 'nɩ la -bhla li. Pɔlʋ 'nɩgbönɩ-ɛ -bha nɩkpaa nyɩdɩ ghayɩ, ɔ nɛ -bha wa de: “-Abhɩayi, a ka'a la 'yukwli pönɩ -a nɩ la -ma Klɛtɩ 'bhö-ö, yʋlɔyʋlʋ la'a -yɛ -lie 'jinyimonɔ 'sɔ 'na-a -kaya la ghlɩ. 22-Sɩka'a-a 'mö, 'dɩ n zʋya-a 'mö naa a zʋ -ma dlɩ, -wʋʋ yɛ-a, a gla'aa -bhlʋɔ 'bhë 'na tlɩ. Bato 'bhëë 'nyize ji-a 'ji nyimonʋɔ. 23-Zɩnɩ'ɩɛ dʋdʋ, -Lagɔ -ʋʋ -lɔ n glɩnɩ-a -ʋʋ libho n -wʋ-a nʋ 'le, ʋ zuzuko -ghlanɩ'ɩ-a 'wʋ. 24A nɛ -bha na de: Pɔlʋ, -n 'na-a nimï dlɩ -nɩ, -bha dʋdʋnyininyɔ 'kadɔ dlɩ'ɩ wa -jimö-a -zijle tunʋɔ. -Lagɔ yɛ 'yɛ -wa bhuo -n -nyʋa 'sɔ -wʋ-ɔ -ma bato 'mö na yɛ pua 'bhë. 25Ɩ yɛ -abhɩayi, a zʋ -ma dlɩ, -wʋʋ yɛ-a, n 'tɛnɩ -Lagɔ dlɩ naa, 'dɩ ʋ nyɛ'ɛ-ɛ la'a ji 'wʋ 'wlenɩ. 26-Ma ɩ 'mö 'nyita -bhlʋ klʋ -a ji-a tʋɔ.”
Pɔlʋngwa yɛ yawʋ bhɩa
27'Ylɩɛ kugbïa -mʋna -leyie dʋdʋ, gïnyie pɩa -a wa la-a Adliatikö, -ma nyɔmʋ -kwanɩya -bha. Dʋdʋnyɩdɩ bato 'möö libhonʋngwa nɛ e -bhlee dʋdʋkpata -a -wʋ ngo sɩbha 'le. 28'N wa ji-a 'nyiwɔkɔlu 'nyi 'mö sɛ 'sibha. Wa yɩlɩ-ɛ -bha 'nyie 'mötlʋnɔ -ka plɩ'ɩɛ kugbïa plɩ'ɩ -ngbisɔ. Wa nyini-e -bha 'yude -sɛ, 'n wa jiʋ-o -ma sɛ 'sibha 'sɔ, wa ghlɩ plɩ'ɩɛ glʋ -bhlʋ plɩ'ɩ -ngbɔta. 29Dlɩ wa -wʋ-a nimï 'le, sa wa 'na 'nyigluo kpïaku 'wlu glaa yɛ, 'n wa ji-e -ma batoo nimï ʋ 'nɩgbanɩlɔkɔ -mʋna 'nyi 'mö vitinɩ, 'bhë 'n wa ji-a zlɩ -kʋ, wa nɛ 'da-a ɛ zɩ 'ghlɩghlɩ. 30-Ma ɩ 'mö, bato 'möö libhonʋngwa 'jɩbha wa 'yɛ la 'wi 'mö fitonʋɔ yɛ, 'n wa ji-a 'gɔlʋ -bha 'nyi 'klʋ sɛ zʋ, e -bhlee-a 'mö -ma bato 'yuo 'nɩgbanɩlɔkɔ wa -wʋ 'nyi 'mö 'pa 'lee swɩ. 31Pɔlʋ nɛ -bha 'slʋjaa 'bhitɩbha -yɛ ɔ 'slʋja 'sɔɔ de naa: “Nɩkpa -la nɩ ma'a bato 'mö sɛ glɩ-ɩ, a 'na yawʋ bhɩa.” 32Ɩ yɛ, 'n 'slʋja ji-a 'gɔlʋɔ 'likpï -dɩ, 'n ʋ ji-a 'nyi 'mö bhlinɩ. 33Wa-a zlɩ -kʋ 'le, 'n Pɔlʋ ji-a nɩkpa 'bhuo 'dɩ 'mö zʋ naa, wa li. Ɔ nɛ: “'Ylɩɛ kugbïa -mʋna 'mö-ö la'a -zɩnɩ'ɩ, 'n a -wʋ-a -kʋ 'le, a glɩ ngɔmʋ 'mö a'a fa -lulu ngli. 34Wʋ yɛ n gba-a sa'a a de naa a li, 'mɩ a 'yɛ-a yawʋ bhɩa, -lu 'na a gla'aa -bhlʋɔ 'bhë nʋ.” 35Ɔ gba-a sa'a 'bhë, 'n ɔ ji-a 'fʋloko 'wʋ 'libhï, -bha wa 'bhuo 'ji 'klʋ ɔ bhalɩ-a -Lagɔ, ɔ -dɩa-a 'mö 'n ɔ ji-a lilie tɛ-ɛ. 36Wa 'bhuo 'kwa plʋa-a yawʋ, 'n wa ji 'yɛ-a -nɩ li. 37-Aa nɩkpaa gwlɩ kugbïa nɩkpaa gwlɩ ta nɩkpa kugbïa -ngbʋpʋlʋ -wʋ la-a -sɩbha -ma bato 'mö. 38Wa li-a wa lʋ-a 'bhë, 'n wa ji-a bato 'möö lilie -lɛjɩ 'nyi 'mö 'pa ʋ 'yɛ 'wʋ fɩnɩɛ yɛ.
Pɔlʋngwaa bato yɛ 'möna
39Zlɩ zɩ-a, bato 'möö libhonʋngwa 'nɩ-ɛ dʋdʋkpata jɩblɩnɩ, wa yɩlɩ-a 'nyisɔ -yɛ -bösɛdudu 'sɔ-ɔ, wa nɛ wa -yɛ bhɛlɩ -ma wa ji-a bato 'sunʋɔ wa -nyʋʋ 'yɛ -ma nyini. 40Wa bulonʋ-a batoo 'nɩgbanɩlɔkɔ, 'n wa jiɩ-a 'nyi 'mö tɩ. 'N wa ji 'yɛ-a batoo 'klunʋlɔkwa yawʋɔ supɩ nimï -sa. Wa 'pa-a bato nyɔmʋköbhayʋkʋɩ ghayɩ, 'n wa ji-e -ma -bösɛdudu 'ji mönɩ. 41-Ma ɩ mö, 'n bato ji-e -bha 'nyia 'sɔɔ -kanɩdee -bösɛdudu 'mlɛ 'mö kʋ, 'n ʋ ji-e -bha tʋ-ʋ. Ʋ'ʋ la bhɛlɩ ʋ 'yɛ -gbawʋ 'bhö-ö, 'n 'nyugbɔkɔlɩ -wʋ-ɔ -ma ʋ nimï 'ji -sasanɩ 'le. 42'Slʋja 'jɩbha la wa 'yɛ -diengwa 'lɩbha, wa gla'aa -mʋmʋa ji-e lʋlʋ wa ji-e fitoo yɛ. 43'Slʋjaa 'bhitɩbha 'jɩbha la -nɩ ɔ 'yɛ Pɔlʋ puaa yɛ, ɔ 'nʋa-a cɛ yawʋ -sa wa 'kɩ nʋ. 'N ɔ ji-a nɩkpa -wa -ji-a lʋlʋɔ 'dɩ 'nyɛ naa wa bhlinɩ -ma 'nyi 'mö -tɩtɛ-ɛ wa 'yɛ 'kïkë ghlɩ. 44Ɔ nɛ -mʋabha mönɩ supɩ -yɛ batoo 'falɩ 'sɔ -gömö. -Sɩbha wa zʋ -bha. 'N nɩkpa 'bhuo ji-a dʋdʋkpata ghlɩ, -lu 'nɩ-ɛ -bɛ nʋ.
Currently Selected:
NƲNƲLI 27: BNT96
Highlight
Copy
Compare
Share
Want to have your highlights saved across all your devices? Sign up or sign in
Bete New Testament © Bible Society of Côte d'Ivoire 1996
NƲNƲLI 27
27
Pɔlʋ yɛ Ghlɔmöö 'yuogblʋ 'wʋ 'libhï
1La wa nʋ-ɔ 'mö-a naa, bato mö -a ji-a -gblaa -a 'yɛ Italie dʋdʋ -gömö mö-ö, 'slʋjaa -zakpa wa la-a dʋdʋnyininyɔ Ogwisɩɛ -la, a 'bhitɩbha wa la-a Zwilisɩ, 'mɔ wa 'nyɛ-a Pɔlʋ -yɛ -diengwa -mʋmʋa 'sɔ 'ye. 2-Glɔ wa la-a Adlamitɩɛ bato -bhlʋ -ʋ ji la-a Azie dʋdʋ tɩtlɩnɩɛ, 'n -a ji-e -ma ʋ 'mö -gbla. -A -yɛ Masedʋanɩɛ dʋdʋ -gömöö nɩkpɛ Tesaloniköyi Alitakö 'sɔ -bhlinɩ 'wʋ, 'n -a ji-a mö. 3Zlɩ -mɛ zɩ-ɛ -bha, -a nyini-a Sidɔ-ɔ, 'jinanɩswɩ'ɩ Zwilisɩ köbha la-a Pɔlʋɔ yɛ 'n ɔ jio-a ngo -gömö -sa 'n ɔ ji-a ɔ 'tʋalɩbhangwa yɩlɩɛ mö, -ɩ ɔ'ɔ-a -ka wa 'kɔ 'nyɛ. 4-A 'bhö-ö -bha, nyɔmʋ 'nɩ 'paa ji-e yɛ, 'n -a ji-a Siplɩɛ Dʋdʋ tɩtlɩnɩ.
5-A -dɩ-a Silisi -yɛ Pafili 'sɔɔ gïnyi 'mö, dʋdʋ wa la-a Lisi, ʋ -gömöö -glɔ wa la-a Mila 'n -a jiʋ-a ghlɩ. 6'Slʋjaa 'bhitɩbha ghlɩ-ɛ -bha Alɛzadlie bato -ʋ -wʋ-a Itali mö 'le, 'n ɔ -jiya-a -ma ʋ 'mö 'pa. 7-A -sa-a -bha 'nyi 'klʋ 'ylɩɛ -bebe, -aa 'bhö-ö la -gbawʋ, -a nʋ-a -a 'yɛ -glɔ wa la-a Sinidɩ ghlɩ, yʋlɔ -a yʋlɔ -bha. Nyɔmʋ -nɩya-a cɛɛwlonɔ 'nyɛ -a 'yɛ -bha 'nɩgbönɩ. 'N -a ji-a Klɛtɩɛ dʋdʋ -pɩa -a pla-a gïnyi 'mö wa la-a Salɩmɔnɩɛ 'jibhɛyɩ 'plɩnɩ. 8'N -a jia-a yʋlɔyʋlʋɛ 'mö tɩtlɩnɩ, de -bhlʋ wa la-a 'kïkëë -kïkë 'n -a ji-e -bha nyini, -bha -glɔ wa la-a Lasee yawʋ.
9'Bɩ yɛ la 'mö gwlɛ 'bhë, -wʋʋ yɛ-a, 'zwiföaa lɔlɔsʋzlɩ yɛ la 'plɩ bhë, -bha 'nyi 'klʋɔ mönɩmönɩɛ nganɔ 'wʋ ɛ bhömanɩ -bha. 10Ɩ yɛ Pɔlʋ -sanɩ-a -mʋabha 'dɩ naa: “-Abhɩayi, 'yuogblʋ -a ji-e la'a 'wʋ 'libhïë ngli ʋ ji-a -nyuo. Ɛ'ɛ -lɛ bato -yɛ ʋ 'mökali 'sɔɔ 'nyizee yɛ. -Aa 'bhï 'gamö, ngli ɩ ji-a -aa de -nyuo.” 11Pɔlʋ gba-a sa'a, batoklunyɔ -yɛ ʋ -lowli 'sɔɔ wɛlɩ 'slʋjaa 'bhitɩbha ka-a dlɩ 'wʋɔ yɛ, ɔ'ɔ -lɛ Pɔlʋɔ -li 'dɩ la. 12Kïkë -aa yawʋ -a -wʋ la-a 'nɩ wotlokojido'oo glɩglɩɛ 'wʋ -ngwaa yɛ, nɩkpa -wa -wʋ la-a -ma bato 'mö wa gla'aa -bɛ nɛ, -a -yɛ -bha 'bhö-ö -a -yɛ -ma Klɛtɩɛ 'kïkë wa la-a Fenisɩ nyini -a -yɛ -ma wotlokoo 'cʋɩ -sanɩ mɩ-ɩ -ga-a cɛ. 'Ma kïkë la'a, -ma 'ylʋɔ bhlinɩbhɛyɩ a gö-a 'ji.
-Podie yɛ -bha 'nyi 'klʋ ji
13Nyɔmʋ 'kikie 'bhönɩ-ɛ -ma zɔmö ʋ -wʋ-a 'pa 'le, wa -tɔnʋ wa bhɛlɩ wa 'yɛ la -ɩ wa ka-a dlɩ 'klʋ nʋ. Wa bulonʋ-a batoo 'likpë, 'n wa ji-a Klɛtɩɛ 'nyita tɩtlɩnɩ. 14'Bɩ 'nɩ-ɛ 'mö gwlɛ 'n -podiee 'kadɛ ji-e -ma 'nyita 'klʋ 'bhönɩ. 15Bato 'nɩ la bhɛlɩ ʋ 'yɛ nyɔmʋ 'ji 'nɩgbönɩɛ yɛ, 'n -a ji-a -aajɩ 'ji 'tati 'n nyɔmʋ -jiya-a kaböbhɛyɩ kwanɩ. 16'N -a ji-a 'nyita 'kikeyi wa la-a Kodaa zɔmöbhɛyɩ 'plɩnɩ. -A nʋ-a -a 'yɛ gɔlʋ -ʋ 'bizo-o -ma batoo ghayɩ -bha -sa yʋlɔ -a yʋlɔ -bha. 17-A 'pa-a -ma 'kwa, -a 'gbla-a 'gɔlʋ, 'n -a ji-a bato 'likpï 'mlɩ gwanɩ dlɩpalɩdee swɩ. -A-a nganɩ 'le -a ji-e Sitɩɛ -bösɛdudu 'wlu 'mö kʋɔ yɛ, bato 'wlumöö -yʋkʋɩ -a nyinianɩ-a zɔmö, 'n -a ji-a -aajɩ 'ji 'tati 'n 'nyi -jiya-a kwa. 18-Podiee 'mötɛnɩ yɛ zlɩ zɩ-a, 'n -a ji-e -ma bato 'möö -li -ma gïnyi 'mö sɛ sulu. 19'Ylɩ taa zlɩ, 'n bato 'möö libhonʋngwaa 'bhï ji-a -ɩ -su-a bato 'nyi 'mö 'pa.
20'Ylɩɛ -bebe 'mö, 'ylʋ -yɛ -zɛlɩ 'sɔ 'nɩ-ɛ 'wlʋ. Sa -podie 'tɛ-ɛ la-a 'mö ɛ 'tɛ-ɛ -bhla -sɩbha 'möö yɛ, sa bhë -a 'yɛ yawʋ bhɩa -a 'nɩɩ la-a 'mö dlɩ 'tɛnɩ. 21'Bɩ yɛ 'mö gwlɛ -bɛ 'nɩ la -bhla li. Pɔlʋ 'nɩgbönɩ-ɛ -bha nɩkpaa nyɩdɩ ghayɩ, ɔ nɛ -bha wa de: “-Abhɩayi, a ka'a la 'yukwli pönɩ -a nɩ la -ma Klɛtɩ 'bhö-ö, yʋlɔyʋlʋ la'a -yɛ -lie 'jinyimonɔ 'sɔ 'na-a -kaya la ghlɩ. 22-Sɩka'a-a 'mö, 'dɩ n zʋya-a 'mö naa a zʋ -ma dlɩ, -wʋʋ yɛ-a, a gla'aa -bhlʋɔ 'bhë 'na tlɩ. Bato 'bhëë 'nyize ji-a 'ji nyimonʋɔ. 23-Zɩnɩ'ɩɛ dʋdʋ, -Lagɔ -ʋʋ -lɔ n glɩnɩ-a -ʋʋ libho n -wʋ-a nʋ 'le, ʋ zuzuko -ghlanɩ'ɩ-a 'wʋ. 24A nɛ -bha na de: Pɔlʋ, -n 'na-a nimï dlɩ -nɩ, -bha dʋdʋnyininyɔ 'kadɔ dlɩ'ɩ wa -jimö-a -zijle tunʋɔ. -Lagɔ yɛ 'yɛ -wa bhuo -n -nyʋa 'sɔ -wʋ-ɔ -ma bato 'mö na yɛ pua 'bhë. 25Ɩ yɛ -abhɩayi, a zʋ -ma dlɩ, -wʋʋ yɛ-a, n 'tɛnɩ -Lagɔ dlɩ naa, 'dɩ ʋ nyɛ'ɛ-ɛ la'a ji 'wʋ 'wlenɩ. 26-Ma ɩ 'mö 'nyita -bhlʋ klʋ -a ji-a tʋɔ.”
Pɔlʋngwa yɛ yawʋ bhɩa
27'Ylɩɛ kugbïa -mʋna -leyie dʋdʋ, gïnyie pɩa -a wa la-a Adliatikö, -ma nyɔmʋ -kwanɩya -bha. Dʋdʋnyɩdɩ bato 'möö libhonʋngwa nɛ e -bhlee dʋdʋkpata -a -wʋ ngo sɩbha 'le. 28'N wa ji-a 'nyiwɔkɔlu 'nyi 'mö sɛ 'sibha. Wa yɩlɩ-ɛ -bha 'nyie 'mötlʋnɔ -ka plɩ'ɩɛ kugbïa plɩ'ɩ -ngbisɔ. Wa nyini-e -bha 'yude -sɛ, 'n wa jiʋ-o -ma sɛ 'sibha 'sɔ, wa ghlɩ plɩ'ɩɛ glʋ -bhlʋ plɩ'ɩ -ngbɔta. 29Dlɩ wa -wʋ-a nimï 'le, sa wa 'na 'nyigluo kpïaku 'wlu glaa yɛ, 'n wa ji-e -ma batoo nimï ʋ 'nɩgbanɩlɔkɔ -mʋna 'nyi 'mö vitinɩ, 'bhë 'n wa ji-a zlɩ -kʋ, wa nɛ 'da-a ɛ zɩ 'ghlɩghlɩ. 30-Ma ɩ 'mö, bato 'möö libhonʋngwa 'jɩbha wa 'yɛ la 'wi 'mö fitonʋɔ yɛ, 'n wa ji-a 'gɔlʋ -bha 'nyi 'klʋ sɛ zʋ, e -bhlee-a 'mö -ma bato 'yuo 'nɩgbanɩlɔkɔ wa -wʋ 'nyi 'mö 'pa 'lee swɩ. 31Pɔlʋ nɛ -bha 'slʋjaa 'bhitɩbha -yɛ ɔ 'slʋja 'sɔɔ de naa: “Nɩkpa -la nɩ ma'a bato 'mö sɛ glɩ-ɩ, a 'na yawʋ bhɩa.” 32Ɩ yɛ, 'n 'slʋja ji-a 'gɔlʋɔ 'likpï -dɩ, 'n ʋ ji-a 'nyi 'mö bhlinɩ. 33Wa-a zlɩ -kʋ 'le, 'n Pɔlʋ ji-a nɩkpa 'bhuo 'dɩ 'mö zʋ naa, wa li. Ɔ nɛ: “'Ylɩɛ kugbïa -mʋna 'mö-ö la'a -zɩnɩ'ɩ, 'n a -wʋ-a -kʋ 'le, a glɩ ngɔmʋ 'mö a'a fa -lulu ngli. 34Wʋ yɛ n gba-a sa'a a de naa a li, 'mɩ a 'yɛ-a yawʋ bhɩa, -lu 'na a gla'aa -bhlʋɔ 'bhë nʋ.” 35Ɔ gba-a sa'a 'bhë, 'n ɔ ji-a 'fʋloko 'wʋ 'libhï, -bha wa 'bhuo 'ji 'klʋ ɔ bhalɩ-a -Lagɔ, ɔ -dɩa-a 'mö 'n ɔ ji-a lilie tɛ-ɛ. 36Wa 'bhuo 'kwa plʋa-a yawʋ, 'n wa ji 'yɛ-a -nɩ li. 37-Aa nɩkpaa gwlɩ kugbïa nɩkpaa gwlɩ ta nɩkpa kugbïa -ngbʋpʋlʋ -wʋ la-a -sɩbha -ma bato 'mö. 38Wa li-a wa lʋ-a 'bhë, 'n wa ji-a bato 'möö lilie -lɛjɩ 'nyi 'mö 'pa ʋ 'yɛ 'wʋ fɩnɩɛ yɛ.
Pɔlʋngwaa bato yɛ 'möna
39Zlɩ zɩ-a, bato 'möö libhonʋngwa 'nɩ-ɛ dʋdʋkpata jɩblɩnɩ, wa yɩlɩ-a 'nyisɔ -yɛ -bösɛdudu 'sɔ-ɔ, wa nɛ wa -yɛ bhɛlɩ -ma wa ji-a bato 'sunʋɔ wa -nyʋʋ 'yɛ -ma nyini. 40Wa bulonʋ-a batoo 'nɩgbanɩlɔkɔ, 'n wa jiɩ-a 'nyi 'mö tɩ. 'N wa ji 'yɛ-a batoo 'klunʋlɔkwa yawʋɔ supɩ nimï -sa. Wa 'pa-a bato nyɔmʋköbhayʋkʋɩ ghayɩ, 'n wa ji-e -ma -bösɛdudu 'ji mönɩ. 41-Ma ɩ mö, 'n bato ji-e -bha 'nyia 'sɔɔ -kanɩdee -bösɛdudu 'mlɛ 'mö kʋ, 'n ʋ ji-e -bha tʋ-ʋ. Ʋ'ʋ la bhɛlɩ ʋ 'yɛ -gbawʋ 'bhö-ö, 'n 'nyugbɔkɔlɩ -wʋ-ɔ -ma ʋ nimï 'ji -sasanɩ 'le. 42'Slʋja 'jɩbha la wa 'yɛ -diengwa 'lɩbha, wa gla'aa -mʋmʋa ji-e lʋlʋ wa ji-e fitoo yɛ. 43'Slʋjaa 'bhitɩbha 'jɩbha la -nɩ ɔ 'yɛ Pɔlʋ puaa yɛ, ɔ 'nʋa-a cɛ yawʋ -sa wa 'kɩ nʋ. 'N ɔ ji-a nɩkpa -wa -ji-a lʋlʋɔ 'dɩ 'nyɛ naa wa bhlinɩ -ma 'nyi 'mö -tɩtɛ-ɛ wa 'yɛ 'kïkë ghlɩ. 44Ɔ nɛ -mʋabha mönɩ supɩ -yɛ batoo 'falɩ 'sɔ -gömö. -Sɩbha wa zʋ -bha. 'N nɩkpa 'bhuo ji-a dʋdʋkpata ghlɩ, -lu 'nɩ-ɛ -bɛ nʋ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bete New Testament © Bible Society of Côte d'Ivoire 1996