NƲNƲLI 28
28
Pɔlʋngwa yɛ -ma 'nyita wa la-a Malɩtɩ 'klʋ nyini
1-A bhɩa-a yawʋ 'bhë 'n wa jiya-a 'dɩ -sanɩ naa, 'nyita la'aa nglɩ-ɩ -yɛ-a Malɩtɩ. 2'Jinanɩswɩ'ɩ -bhaa nɩkpa -köbhaya -bha. 'Nyizako -wʋ la-a lɩbha 'le 'n wotloko -wʋ-a ji 'le tenyie yɛ, -kosugbagbu wa -dɩ-a 'ji 'n wa -jiya-a -bha ʋ yawʋ nyinianɩ. 3Pɔlʋ 'libhï-a 'clɛjʋ, ɔ -wʋʋ -ma -kosu'u 'pa 'le, 'mʋtɩmɛ -wʋ-ɔ -ma ʋ 'mö -kosunɩnɩ sɩbhɛ-a, ɛ 'wlʋ-ɔ -ma 'n ɛ ji-a Pɔlʋɔ -kɔta ngli 'pa. 4'Nyita 'klʋɔ nɩkpa yɩlɩ-a tɩmɛ la'a ɛ -wʋ-a Pɔlʋɔ -kɔta bizo 'le-e, wa nɛ: “Nɩkpɛ -la, 'kulɩbhanyɔ ɛ ji-a glɩnɩɛ. -Lagɔ 'nɩ-ɛ 'jɩbha ɔ 'yɛ -bhlɩ, wʋ yɛ ɔ 'bhö-a gïnyi 'klʋ yawʋbhɩade 'bhë, 'n -ɩ -la -wʋɔ-ɔ -la ghlɩ 'le.” 5Pɔlʋ vu-a sɔ 'mö, 'n tɩmɛ ji-e -ma -kosu'u bhlinɩ, -lu -bhlʋɔ 'bhë 'nɩɔ-ɔ nʋ. 6Wa -tɔnʋ 'ghlɩɛ ɔ ji la, tlɩɛ ɔ ji la 'yɛ -bha -gaganɩlɩ'ɩ. Wa -kʋ-a kplokplo, wa yɩlɩ-ɛ -bha 'wʋ naa -lu 'nɩɔ nʋ 'le -wʋ 'n wa ji-a wɛlɩ 'mö 'bhɩla, wa nɛ -lagɔ ɔ glɩnɩ -bha.
7-Bhaa yawʋ, nɩkpɛ -bhlʋ wa la-a Pibliwisɩ, ɔ -piti -wʋ la-a -bha. Mɔ-ɔ nyini la 'yɛ-a 'nyita la'a. -A mö-ö -ma ɔ 'ligbë'ë, 'jinanɩswɩ'ɩ ɔ -gbloya-a 'wʋ. -A -sa -ma 'ylɩ ta. 8Pibliwisɩɛ -tɩbha pö la dʋdʋ'ʋ, ɔ ku -su 'n 'mlɩ -wʋ-ɔ la 'yɛ-a 'lɩbha 'le, 'n ɔ pla-a dlu 'kwla yawʋ, Pɔlʋ nyinio-a yawʋ, ɔ zʋɔ-a cɛ -gömö ɔ 'pa-a -Lagɔ -bɛlɩ 'n ɔ jio-a göpö. 9-Bha -gömö, 'n -ma 'nyita -gömöö guzungwa -mʋabha ji-a ji, 'n wa ji 'yɛ-a -nɩ 'pʋ. 10'N wa -jiya-a 'wʋ 'wɔlʋmanɩ. -A -wʋ-a möö ji 'le, -ɩ -aa la-a -ka 'n wa -jiya-a 'nyɛ.
Pɔlʋ yɛ -ma Ghlɔmö nyini
11-A -sa-a -ma 'cʋɩ ta. Ɩ 'plɩ-a, Alɛzadlie bato -bhlʋ -ʋ glɩ-ɛ -ma 'nyita la'a yawʋ wotlokojido'o, 'n -a ji-e -ma ʋ 'mö -gbla. 'Nglɩ wa 'pʋ-a mɩ -yɛ-a Pʋngwalagʋɩ. 12-A ghlɩ-a -glɔ wa la-a Silakwisɩ, 'n -a ji-e -bha 'ylɩ ta -sa. 13-A 'bhö-ö -bha, -a-a 'nyie 'kïkë tɩtlɩnɩ 'le, -glɔ wa la-a Ghlezio 'n -a jiʋ-a ghlɩ. Zlɩ zɩ-a, -ma zɔmö nyɔmʋ 'bhönɩ-ɛ -ma ʋ tɛ-a 'papɩɛ, -a ka 'ylɩ 'sɔ, -glɔ wa la-a Puzolɩ, 'n -a jiʋ-a ghlɩ. 14-Ma -glɔ la'aa 'mö, -Lagɔdagwie -a ghlɩ-ɛ -ma 'n wa -jiya-a 'yuo -sa, wa nɛ -a -sa -bha wa yawʋ 'ylɩ -ngbisɔ. -Bha -a 'bhö-a, 'n -a ji-a Ghlɔmöö 'yuogblʋ 'wʋ 'libhï. 15-Lagɔdagwie 'nʋ-a -aa jijidɩ, wa 'bhönɩ -ma Ghlɔmö 'n wa -jiya-a -ma -glɔ wa la-a Apiwisɩɛ 'pɛlʋ 'wʋ 'yuo ji. 'N wa -jiya-a -ma -glɔ wa la-a Lagangwaa -Budi Ta 'mö ghlɩ. Pɔlʋ yɩlʋa-a, -Lagɔ ɔ bhalɩ-a 'n ɔ nɩma ji-a 'mö 'tamanɩ. 16-A nyini-e -ma Ghlɔmö-ö, cɛ yawʋ wa -sa-a Pɔlʋ 'n ɔ ji-a ɔjɩɛ -budu 'wʋ 'libhï, ɔ -yɛ 'slʋjeyi -ɔ -wʋɔ la-a ngo -kʋ 'le 'sɔ.
Pɔlʋ yɛ -ma Ghlɔmö -Lagɔwɛlɩ gbanɩ
17'Ylɩ ta 'plɩ-a, 'n Pɔlʋ ji-a 'zwiföaa 'kadɩ wɔzɩ. Wa ji-a, ɔ nɛ -bha wa de naa: “-Dagwieyi, n'n -lɛ -abhɩaa de 'jinyloli nʋ, n'n -lɛ 'yɛ -bha -aa -lowlengwaa gbö -sa, 'n wa ji'i-e -ma Zelwizalɛmö -die 'mö 'pa, 'n wa ji'i-a Ghlɔmöö nɩkpa 'ye 'nyɛ. 18Wa -jɩbha'a-a ngli, n -sanɩ-a 'mö-ö, wa nɩ'ɩ-ɛ 'jinylɔköbhë -aa -lowli mlinɩ-a wa 'yɛ 'lɩbha yawʋ yɩlɩɛ yɛ, wa 'jɩbha wa ka'a la sɛ 'sibha. 19'Bhë 'zwiföa 'nɩɩ-ɩ 'wʋ nglu, ɩ yɛ n nʋ-a na wɛlɩ ghlɩ dʋdʋnyininyɔ 'kadɔ. -Ma na dlɩ zɔmö n'n -lɛ na 'bhɩa gbʋɔ 'wʋkwabhʋ 'wʋ 'libhï. 20-Ɩ la'aa yɛ n nʋ-a n 'kaya yɩlɩ n 'yɛ a de gba. -Li -ɩɩ yɛ Izlayɛlɩɛ ngëyie dlɩ 'tɛ-a 'wʋ, ɩ yɛ n ka-a la'a gɔgwɩ la'a sɔ'ɔ.” 21Wa nɛ -bha ɔ de: “-Ma Zwide 'bɔgʋ 'nɩ-ɛ -ma 'bhö-ö ʋ -kaya -na yɛ ghlɩ. -Abhiyi -mʋmɔɔ 'bhë 'nɩ-ɛ 'yɛ -bhla ji ɔ 'yɛ wɛlɩ 'pɩ 'pa, ɔ 'yɛ -na 'jinylɔdɩ -sa. 22-Ɩ -na 'bhë ka-a dlɩ 'klʋ -a 'jɩbha -a 'kɩ 'nʋ. -Wʋʋ yɛ-a, 'yuogblʋ -lulu -la, -a -ji sɛ naa, la ʋ wɛlɩ -yɛ nyini, 'mödlinɔ wlʋ-ɔ -bha.” 23'N wa jio-a 'ylɩ zʋ. Wa -bebe ghlɩɔ-ɔ -ma ɔ 'ligbë'ë, 'n Pɔlʋ ji-a wa de -Lagɔɔ nyininyinipɩɛ gbʋ gba. Tɛnɩ Moyizɩɛ gbö 'wʋ, -n 'yɛ -ma -Lagɔɔ 'mögbanɩngwaa 'bɔgʋɩ 'mö nyini, wɛlɩ -ɩ gba-a Zezwie gbʋ, 'n ɔ jiɩ-a wa de 'mö -sanɩ wa 'kɩ 'mö 'nʋɔ yɛ. Tɛnɩ zlɩgömö, wa-a ɩ gbʋ gba 'le 'n -dudo'o ji-a nyini. 24-Mʋmʋa nglunʋ ɔ wɛlɩ, -mʋmʋa 'nɩɩ-ɩ 'dɛdɛ'ɛ la. 25Wa'a -ghöbhanɩ 'n wa -wʋ-a nimï mö 'lee yɛ, wɛlɩköbhë Pɔlʋ zʋ-ɔ -bha -gömö ma-a la'a. Ɔ nɛ: “Zugo 'mö Zuzu 'Wlawla -wʋ-ɔ -bha a -lowlengwaa de gba 'le, ʋ 'plɩnɩ-a -Lagɔɔ 'mögbanɩnyɔ Ezayi 'mö, 'n ʋ ji-e -bha ɔ de nʋ naa:
26Ghlɩ -ma nɩkpa -la, gba sa'a -bha wa de naa:
A 'yukwlie ji nganɩ 'bhë, a 'na -lu 'mö 'nʋ.
A 'jie ji jɩla 'bhë, a 'na -lu yɩlɩ.
27-Wʋʋ yɛ-a, nɩkpa -laa dlɩa yɛ 'mö 'tumanɩ 'bhë,
'yukwlie wa 'tamanɩ-a 'mö,
'n wa ji-a 'jie 'wʋ 'ngïma
wa 'jie ji-e -lu 'wʋ jɩnɩ,
wa 'yukwlie ji-e 'nʋ,
wa dlɩa ji-e 'mö 'bhɩlɔ,
wa ji'i-e jɩblɩnɩ,
n jua-a puaa yɛ.
28A jɩblɩnɩ-a 'mö sɛ naa -Lagɔ yɛ ʋ 'pʋpʋwɛlɩ -wa 'nɩ-a 'zwiföa kwa 'bhë, 'yukwli wa jiɩ-a -nɩ pönɩɛ.” 29Ɔ gba-a wɛlɩ la'a, 'zwiföa-a wa 'nyize nyɩdɩ jɔ -sa 'le 'n wa ji-a mö. 30Pɔlʋ -sa-a -ma -budu ɔ 'libhï la-a 'wʋɔ 'mö 'ylʋböö -gëgëbhï 'sɔ. Nɩkpa bhuo -wa jio-a 'wʋ -dɩdɩ kwla'a -bha wa ghlɩɔ -bha. 31'N ɔ gba-a -Lagɔɔ nyininyinipɩɛ gbʋ. Ɔ -wlonʋ -gömö, ɔ dlɩ 'tɛ-ɛ 'wʋ 'n ɔ pa-a Nyininyɔ Zezwi 'Klie wɛlɩ ngli.
Currently Selected:
NƲNƲLI 28: BNT96
Highlight
Copy
Compare
Share
Want to have your highlights saved across all your devices? Sign up or sign in
Bete New Testament © Bible Society of Côte d'Ivoire 1996
NƲNƲLI 28
28
Pɔlʋngwa yɛ -ma 'nyita wa la-a Malɩtɩ 'klʋ nyini
1-A bhɩa-a yawʋ 'bhë 'n wa jiya-a 'dɩ -sanɩ naa, 'nyita la'aa nglɩ-ɩ -yɛ-a Malɩtɩ. 2'Jinanɩswɩ'ɩ -bhaa nɩkpa -köbhaya -bha. 'Nyizako -wʋ la-a lɩbha 'le 'n wotloko -wʋ-a ji 'le tenyie yɛ, -kosugbagbu wa -dɩ-a 'ji 'n wa -jiya-a -bha ʋ yawʋ nyinianɩ. 3Pɔlʋ 'libhï-a 'clɛjʋ, ɔ -wʋʋ -ma -kosu'u 'pa 'le, 'mʋtɩmɛ -wʋ-ɔ -ma ʋ 'mö -kosunɩnɩ sɩbhɛ-a, ɛ 'wlʋ-ɔ -ma 'n ɛ ji-a Pɔlʋɔ -kɔta ngli 'pa. 4'Nyita 'klʋɔ nɩkpa yɩlɩ-a tɩmɛ la'a ɛ -wʋ-a Pɔlʋɔ -kɔta bizo 'le-e, wa nɛ: “Nɩkpɛ -la, 'kulɩbhanyɔ ɛ ji-a glɩnɩɛ. -Lagɔ 'nɩ-ɛ 'jɩbha ɔ 'yɛ -bhlɩ, wʋ yɛ ɔ 'bhö-a gïnyi 'klʋ yawʋbhɩade 'bhë, 'n -ɩ -la -wʋɔ-ɔ -la ghlɩ 'le.” 5Pɔlʋ vu-a sɔ 'mö, 'n tɩmɛ ji-e -ma -kosu'u bhlinɩ, -lu -bhlʋɔ 'bhë 'nɩɔ-ɔ nʋ. 6Wa -tɔnʋ 'ghlɩɛ ɔ ji la, tlɩɛ ɔ ji la 'yɛ -bha -gaganɩlɩ'ɩ. Wa -kʋ-a kplokplo, wa yɩlɩ-ɛ -bha 'wʋ naa -lu 'nɩɔ nʋ 'le -wʋ 'n wa ji-a wɛlɩ 'mö 'bhɩla, wa nɛ -lagɔ ɔ glɩnɩ -bha.
7-Bhaa yawʋ, nɩkpɛ -bhlʋ wa la-a Pibliwisɩ, ɔ -piti -wʋ la-a -bha. Mɔ-ɔ nyini la 'yɛ-a 'nyita la'a. -A mö-ö -ma ɔ 'ligbë'ë, 'jinanɩswɩ'ɩ ɔ -gbloya-a 'wʋ. -A -sa -ma 'ylɩ ta. 8Pibliwisɩɛ -tɩbha pö la dʋdʋ'ʋ, ɔ ku -su 'n 'mlɩ -wʋ-ɔ la 'yɛ-a 'lɩbha 'le, 'n ɔ pla-a dlu 'kwla yawʋ, Pɔlʋ nyinio-a yawʋ, ɔ zʋɔ-a cɛ -gömö ɔ 'pa-a -Lagɔ -bɛlɩ 'n ɔ jio-a göpö. 9-Bha -gömö, 'n -ma 'nyita -gömöö guzungwa -mʋabha ji-a ji, 'n wa ji 'yɛ-a -nɩ 'pʋ. 10'N wa -jiya-a 'wʋ 'wɔlʋmanɩ. -A -wʋ-a möö ji 'le, -ɩ -aa la-a -ka 'n wa -jiya-a 'nyɛ.
Pɔlʋ yɛ -ma Ghlɔmö nyini
11-A -sa-a -ma 'cʋɩ ta. Ɩ 'plɩ-a, Alɛzadlie bato -bhlʋ -ʋ glɩ-ɛ -ma 'nyita la'a yawʋ wotlokojido'o, 'n -a ji-e -ma ʋ 'mö -gbla. 'Nglɩ wa 'pʋ-a mɩ -yɛ-a Pʋngwalagʋɩ. 12-A ghlɩ-a -glɔ wa la-a Silakwisɩ, 'n -a ji-e -bha 'ylɩ ta -sa. 13-A 'bhö-ö -bha, -a-a 'nyie 'kïkë tɩtlɩnɩ 'le, -glɔ wa la-a Ghlezio 'n -a jiʋ-a ghlɩ. Zlɩ zɩ-a, -ma zɔmö nyɔmʋ 'bhönɩ-ɛ -ma ʋ tɛ-a 'papɩɛ, -a ka 'ylɩ 'sɔ, -glɔ wa la-a Puzolɩ, 'n -a jiʋ-a ghlɩ. 14-Ma -glɔ la'aa 'mö, -Lagɔdagwie -a ghlɩ-ɛ -ma 'n wa -jiya-a 'yuo -sa, wa nɛ -a -sa -bha wa yawʋ 'ylɩ -ngbisɔ. -Bha -a 'bhö-a, 'n -a ji-a Ghlɔmöö 'yuogblʋ 'wʋ 'libhï. 15-Lagɔdagwie 'nʋ-a -aa jijidɩ, wa 'bhönɩ -ma Ghlɔmö 'n wa -jiya-a -ma -glɔ wa la-a Apiwisɩɛ 'pɛlʋ 'wʋ 'yuo ji. 'N wa -jiya-a -ma -glɔ wa la-a Lagangwaa -Budi Ta 'mö ghlɩ. Pɔlʋ yɩlʋa-a, -Lagɔ ɔ bhalɩ-a 'n ɔ nɩma ji-a 'mö 'tamanɩ. 16-A nyini-e -ma Ghlɔmö-ö, cɛ yawʋ wa -sa-a Pɔlʋ 'n ɔ ji-a ɔjɩɛ -budu 'wʋ 'libhï, ɔ -yɛ 'slʋjeyi -ɔ -wʋɔ la-a ngo -kʋ 'le 'sɔ.
Pɔlʋ yɛ -ma Ghlɔmö -Lagɔwɛlɩ gbanɩ
17'Ylɩ ta 'plɩ-a, 'n Pɔlʋ ji-a 'zwiföaa 'kadɩ wɔzɩ. Wa ji-a, ɔ nɛ -bha wa de naa: “-Dagwieyi, n'n -lɛ -abhɩaa de 'jinyloli nʋ, n'n -lɛ 'yɛ -bha -aa -lowlengwaa gbö -sa, 'n wa ji'i-e -ma Zelwizalɛmö -die 'mö 'pa, 'n wa ji'i-a Ghlɔmöö nɩkpa 'ye 'nyɛ. 18Wa -jɩbha'a-a ngli, n -sanɩ-a 'mö-ö, wa nɩ'ɩ-ɛ 'jinylɔköbhë -aa -lowli mlinɩ-a wa 'yɛ 'lɩbha yawʋ yɩlɩɛ yɛ, wa 'jɩbha wa ka'a la sɛ 'sibha. 19'Bhë 'zwiföa 'nɩɩ-ɩ 'wʋ nglu, ɩ yɛ n nʋ-a na wɛlɩ ghlɩ dʋdʋnyininyɔ 'kadɔ. -Ma na dlɩ zɔmö n'n -lɛ na 'bhɩa gbʋɔ 'wʋkwabhʋ 'wʋ 'libhï. 20-Ɩ la'aa yɛ n nʋ-a n 'kaya yɩlɩ n 'yɛ a de gba. -Li -ɩɩ yɛ Izlayɛlɩɛ ngëyie dlɩ 'tɛ-a 'wʋ, ɩ yɛ n ka-a la'a gɔgwɩ la'a sɔ'ɔ.” 21Wa nɛ -bha ɔ de: “-Ma Zwide 'bɔgʋ 'nɩ-ɛ -ma 'bhö-ö ʋ -kaya -na yɛ ghlɩ. -Abhiyi -mʋmɔɔ 'bhë 'nɩ-ɛ 'yɛ -bhla ji ɔ 'yɛ wɛlɩ 'pɩ 'pa, ɔ 'yɛ -na 'jinylɔdɩ -sa. 22-Ɩ -na 'bhë ka-a dlɩ 'klʋ -a 'jɩbha -a 'kɩ 'nʋ. -Wʋʋ yɛ-a, 'yuogblʋ -lulu -la, -a -ji sɛ naa, la ʋ wɛlɩ -yɛ nyini, 'mödlinɔ wlʋ-ɔ -bha.” 23'N wa jio-a 'ylɩ zʋ. Wa -bebe ghlɩɔ-ɔ -ma ɔ 'ligbë'ë, 'n Pɔlʋ ji-a wa de -Lagɔɔ nyininyinipɩɛ gbʋ gba. Tɛnɩ Moyizɩɛ gbö 'wʋ, -n 'yɛ -ma -Lagɔɔ 'mögbanɩngwaa 'bɔgʋɩ 'mö nyini, wɛlɩ -ɩ gba-a Zezwie gbʋ, 'n ɔ jiɩ-a wa de 'mö -sanɩ wa 'kɩ 'mö 'nʋɔ yɛ. Tɛnɩ zlɩgömö, wa-a ɩ gbʋ gba 'le 'n -dudo'o ji-a nyini. 24-Mʋmʋa nglunʋ ɔ wɛlɩ, -mʋmʋa 'nɩɩ-ɩ 'dɛdɛ'ɛ la. 25Wa'a -ghöbhanɩ 'n wa -wʋ-a nimï mö 'lee yɛ, wɛlɩköbhë Pɔlʋ zʋ-ɔ -bha -gömö ma-a la'a. Ɔ nɛ: “Zugo 'mö Zuzu 'Wlawla -wʋ-ɔ -bha a -lowlengwaa de gba 'le, ʋ 'plɩnɩ-a -Lagɔɔ 'mögbanɩnyɔ Ezayi 'mö, 'n ʋ ji-e -bha ɔ de nʋ naa:
26Ghlɩ -ma nɩkpa -la, gba sa'a -bha wa de naa:
A 'yukwlie ji nganɩ 'bhë, a 'na -lu 'mö 'nʋ.
A 'jie ji jɩla 'bhë, a 'na -lu yɩlɩ.
27-Wʋʋ yɛ-a, nɩkpa -laa dlɩa yɛ 'mö 'tumanɩ 'bhë,
'yukwlie wa 'tamanɩ-a 'mö,
'n wa ji-a 'jie 'wʋ 'ngïma
wa 'jie ji-e -lu 'wʋ jɩnɩ,
wa 'yukwlie ji-e 'nʋ,
wa dlɩa ji-e 'mö 'bhɩlɔ,
wa ji'i-e jɩblɩnɩ,
n jua-a puaa yɛ.
28A jɩblɩnɩ-a 'mö sɛ naa -Lagɔ yɛ ʋ 'pʋpʋwɛlɩ -wa 'nɩ-a 'zwiföa kwa 'bhë, 'yukwli wa jiɩ-a -nɩ pönɩɛ.” 29Ɔ gba-a wɛlɩ la'a, 'zwiföa-a wa 'nyize nyɩdɩ jɔ -sa 'le 'n wa ji-a mö. 30Pɔlʋ -sa-a -ma -budu ɔ 'libhï la-a 'wʋɔ 'mö 'ylʋböö -gëgëbhï 'sɔ. Nɩkpa bhuo -wa jio-a 'wʋ -dɩdɩ kwla'a -bha wa ghlɩɔ -bha. 31'N ɔ gba-a -Lagɔɔ nyininyinipɩɛ gbʋ. Ɔ -wlonʋ -gömö, ɔ dlɩ 'tɛ-ɛ 'wʋ 'n ɔ pa-a Nyininyɔ Zezwi 'Klie wɛlɩ ngli.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bete New Testament © Bible Society of Côte d'Ivoire 1996