NƲNƲLI 4
4
'Zwiföaa 'kadɩ yɛ Piɛlɩ -yɛ Za 'sɔ -zijle tunʋ
1Piɛlɩ -yɛ Za 'sɔ-ɔ -bhla nɩkpaa de gba 'le, 'n -Lagɔbʋbɔngwa-a, -Lagɔbudu 'kadʋɔ ngokʋngwaa 'bhitɩbha -yɛ -zakpa wa la-a Sadwisɩɛ 'sɔɔ nɩkpa ji-e -bha ghlanɩ. 2'Manɩɛ yɛ Piɛlɩ -yɛ Za 'sɔ -wʋ-a nɩkpaa de Zezwie gluwlʋgbʋ gba 'le, 'n wa -wʋ-a nɩkpa ngli 'pa 'le naa 'kudungwa ji glu 'wlʋɔ yɛ, wa 'mlɩ 'nɩ la 'ji nanɩ. 3Ɩ yɛ wa köbhʋa-a 'n wa jua-a -die 'mö 'pa. -Wʋʋ yɛ-a, sɛ-ɛ julu la -bha, zlɩ -yɛ zɩ 'bhë, wa 'kʋa -zijle tunʋ. 4Ɩ-ɩ -sɩbha 'plɩ 'le 'bhë, nɩkpa -wa pönɩ-a Piɛlɩ -yɛ Za 'sɔ 'yukwli, wa gla'aa nɩkpaa -bɛ nglu-a Zezwie wɛlɩ 'wʋ. 'N Zezwie -ganɩngwa ji-a nɩkpaa 'wli ngbïë swɩ nyini.
5Zlɩ zɩ-a, -ma Zelwizalɛmö, 'n 'zwiföaa 'kadɩ, wa nɩkpazɔgblʋɩ -yɛ -Lagɔɔ gböö nglipangwa 'sɔ ji-e -ma 'wlu 'titanɩ. 6-Ma wa gla'a, -Lagɔbʋbɔnyɔ 'kadɔ wa la-a Anɩ-ɛ, Kayifö-ö, Za, Alɛzadlɩ -yɛ -Lagɔbʋbɔngwaa 'bhitɩbhangwaa -zakpa 'möö nɩkpa 'bhuo 'sɔ-ɔ la -ma. 7Wa 'bhö-a Piɛlɩ -yɛ Za 'sɔ ye, wa 'nɩgbanʋa-a -bha wa 'du 'mö, 'n wa jua-a ngli 'jɩbha. Wa nɛ: “'Mötɛnɔ -mʋʋ nya a göpönɩ-a nɩkpɛ -la 'nɩ? -Mɔɔ 'nglɩ 'mö a göpönɩɔ-a 'nɩ?”
8Wa 'jɩbhʋa-a -sɩbha ngli-e, Zuzu Wlawla-a ye-a Piɛlɩ dlɩ zɔmöö yɛ ɔ nɛ -bha wa de naa: “'Yuganɩngwayi, a -yɛ Izlayɛlɩɛ nɩkpazɔgblʋɩ 'sɔ, a -pönɩ'ɩ 'yukwli. 9Guzunyɔ -a nʋ-a -lie -li 'ji, 'n ɔ ji-a 'pʋɔ yɛ wa -zʋya-a la'a -zɩnɩ'ɩ -zijle ngo'o yɛ, sa ɔ 'pʋpʋnʋ-a 'mö -a 'kɩ -sa. 10A jɩblɩnɩ sɛ, Izlayɛlɩɛ nɩkpa 'bhuo jɩblɩnɩ 'yɛ sɛ naa Nazalɛtɩɛ Zezwi a kʋnʋ la-a su 'klʋ, -ɔ tlɩ-a 'bhë, -ɔ -Lagɔ -sa-a glu-o, ɔ 'nglɩ 'mö nɩkpɛ la'aa nɩma nanɩmanɩ-a 'mö, 'n ɔ 'nɩgbö-ö la'a a 'ji 'klʋ. 11Tikpë -a abha 'sɩbhasɩbhangwa nʋ la-a a'a -lɛ -laa -la, -a zʋ-a -buduo jijekwa-a, 'ma Zezwi glɩnɩ -bha. 12Kabö -Puanyɔ 'nɩ -bhlɩ, -wʋʋ yɛ-a, nɩkpɛ -mɔɔ nglɩ mö -a 'yɛ-a 'pʋnʋ, -Lagɔ -nɩya-a ma'a 'ylʋ zɔmö 'nyɛ, ɛ nɩ Zezwi glɩnɩ.” 13Piɛlɩ -yɛ Za 'sɔ -sanɩ-ɛ sa'a nyɩbhɛlʋswɩ'ɩ 'mö, -bha -zijle'ee nɩkpa 'bhuo ngli-i mönʋa -bha. Wa -ji sɛ naa, kpakpanɩkpa -wa 'nɩ-a 'bɔgʋ -ji, 'mʋa Piɛlɩngwa glɩnɩ la -bha. 'N wa jua-a jɩblɩnɩ naa, Zezwi wa -nyɔɔ -bhlinɩ la-a 'wʋ. 14'Bhë -bha wa yawʋ nɩkpɛ -ɔ 'pʋ-ɔ la'a glɩ la -bhaa yɛ, sa wa 'yɛ gba wa 'nɩɩ -ji.
15'N wa jua-a 'dɩ 'nyɛ naa, wa 'wlʋ -bhla -ma -zijlitubudu'u. Wa 'wlʋ-ɔ -ma 'bhë 'n -zijlitungwa ji-a yɩlɩ pla. 16Wa nɛ naa: “Sa -a ji-a nɩkpa -la 'mö zʋzʋnʋɔ 'nɩ? Zelwizalɛmöö 'gbë 'bhuo -ji sɛ naa bhata wa nʋ-a nɛ, -aa -lɛ bhɛlɩ -a 'yɛ -ɩ la'a 'mö kpɛnɩ. 17'Mɩ wɛlɩ la'a ji-a 'mö baa yɛ-ɛ, -a 'nyʋa 'dɩ naa wa 'na-a 'nyɛ-a 'mö -sɩka'a nɩkpa Zezwie wɛlɩ -nɩ.” 18Wa wɔzʋa-a, 'n wa jua-a 'dɩ 'nyɛ naa: “A 'na-a gba-a 'mö -sɩka'a Zezwie gbʋ nɩkpaa de, a 'na-a 'pʋa-a 'mö ɔ 'nglɩ 'mö ngli 'lɩlɩlɩ -nɩ.” 19Wa gba-a sa'a, Piɛlɩ -yɛ Za 'sɔ nɛ -bha wa de naa: “A -yɛ -Lagɔ 'sɔɔ do'o, -a -yɛ -bha a wɛlɩ zʋ -a -yɛ -bha -Lagɔɔ -li -sa, a 'bhï a 'pa-a dlɩ -bha -Lagɔ 'ji 'klʋ ɩ nanɩ 'ji? 20-Ma ɩ 'mö, -ɩ la'a -ɩ -a yɩlɩ-a, -ɩ -aa 'yukwlie 'nʋ-a, -aa -lɛ bhɛlɩ -a 'kɩ ziza, -sa -a jiɩ -bha.” 21Piɛlɩngwa gba-a -sɩbha, 'n -zijlitungwa jua-a yʋlʋ 'mö 'dɩ 'nyɛnɩ naa, wa 'na-a gba Zezwie gbʋ -bha nɩkpaa de -nɩ. Sa wa 'kʋa 'mö zʋzʋnʋ, wa 'nɩ la -ji, 'n wa jua-a 'ji 'tati. -Wʋʋ yɛ-a, nɩkpɛ -ɔ 'pʋ-ɔ la'aa yɛ nɩkpa 'bhuo -wʋ la-a -Lagɔɔ 'nglɩ 'ghlimanɩ 'le. 22'Mɔ nɩkpɛ -Lagɔɔ bhata pua la-a -sɩbha, ɔ ka la 'ylʋböö gwlɩ 'sɔ 'bhë 'n ɩ ka-a -gömö.
-Lagɔgwie yɛ -bɛlɩ 'pa
23Piɛlɩngwa mö-a, wa ghlɩ-ɛ -ma Zezwie -lʋa -mʋabha, -ɩ -Lagɔbʋbɔngwaa 'bhitɩbhangwa -yɛ 'zwiföaa nɩkpazɔgblʋɩ 'sɔ gba-a wa de 'n wa jua-a -sanɩ. 24Wa -sanʋa-a, -mʋa la'a 'nʋɩ-a, 'n wa 'bhuo ji-a wɛlɩ 'mö 'klanɩ, 'n wa ji-a -Lagɔ -bɛlɩ 'pa. Wa nɛ: “-Abhitɩbha, -nmö nʋ-a -Lagɔtapɛ-ɛ, dʋdʋkpata, gïnyi -yɛ ɛ 'möö -li 'bhuo 'sɔ nɛ. 25-Na Zuzu 'Wlawla gbanɩ-a -na nyɩgbajʋlʋ -aa -tɩbha Davidɩ 'mö, 'n ɔ ji-a gba naa:
'Manɩɛ yɛ jɔ -wʋ-ɔ -sa-a -ma -gwlɩ 'bhuoo -gömö,
'n nɩkpa pa-a -sa-a kpakpali dlɩ 'wʋ 'nɩ?
26Dʋdʋkpata -gömöö dʋdʋnyiningwa yɛ tʋgwɩ yɛ 'wʋ -sɔ,
nyiningwa 'kadɩ yɛ go 'panɩ 'bhë,
wa 'yɛ -Lagɔ -yɛ nɩkpɛ ʋ -sa-a -bha 'sɔ tʋ 'wʋ kwaa yɛ.
27-Ma ɩ 'mö, -na nyɩgbajʋlʋ Zezwi -n -sa-a -bha, -ɔ glɩnɩ-ɛ -na 'nyizee -lɔ, dʋdʋnyininyɔ Elodɩ -yɛ -gwlɩnyininyɔ Pɔsɩ Pilatɩ 'sɔ, ɔ yɛ wa -yɛ gbë la'a 'möö nɩkpa-a, lagangwa -yɛ Izlayɛlɩɛ -gligbï 'bhuo 'sɔ 'panɩ-a go. 28-Ɩ -na 'bhë -sa la-a -bha, -ɩ -n tli la-a ɔ de yɛ 'kɩ, 'n wa jio-a 'ji nʋ. 29-Aa -Tɩbha -Lagɔ, -ɩɩ 'dɩ wa -nyɛya-a -sɩka'a, -nyɛya -na 'mötɛnɔ, -a 'yɛ -ma dlɩa zʋ, -a 'yɛ -na wɛlɩ kwa. 30-Jiya 'wʋ, -na nyɩgbajʋlʋ Zezwi-i glɩnɩ-ɛ -na 'nyizee -lɔɔ 'nglɩ 'mö, guzungwa 'yɛ 'pʋ, -a 'yɛ bhatɩ -yɛ zɩzɛli 'sɔ nɛ nʋ.”
31Wa 'pa-a sa'a -Lagɔ -bɛlɩ-ɛ, la wa 'titanɩɔ la-a 'wlu, 'n -bha ji-a tɛlɩ, 'n Zuzu 'Wlawla ji-a wa 'bhuo dlɩ zɔmö ye wa dlɩ-a 'nyʋnanɩɔ-ɔ -ma 'n wa gba-a -Lagɔwɛlɩ.
Sa Zezwie -lʋa 'slonʋ-a wa -li 'bhuo 'wʋ
32Zezwie -lʋa 'bhuo -ghöbhanɩ wa -ghöbhanɩ la-a tenyi, 'n wa 'bhuo ka-a dlɩ -bhlʋ. Wa gla'aa -kakabɛ 'nɩ nʋ la naa, ɔ bhë-ë nyini-a ɔjɩɛ -li, wa -li 'bhuo 'wʋ wa 'slonʋɩ -bha. 33-Lagɔɔ 'mötɛnɔ nya Zezwie tiatiangwa -sanɩ la-a ɔ gluwlʋdɩ, 'n -Lagɔ pa-a Zezwie -lʋa 'bhuo 'nyu. 34Wa gla'aa -bɛ -bhlʋɔ 'bhë 'nɩ bɔ la -lu. -Wʋʋ yɛ-a, -wa ka-a 'lagblie, -wa ka 'yɛ-a -budi, wa -kɩɩ 'pɛlʋ 'pa, wa -yɛ ɩ mëni -yɛ ji-e, 35'n wa nyɛɛ-a Zezwie tiatiangwa 'ye, -wa 'nɩ-a -lu -ka 'n -mʋa la'a dlinʋa-a cɛ -bhlʋ -bhlʋ. 36Wa gla'aa nɩkpɛ -bhlʋ wa la-a Zozɛfö, -ɔ Zezwie tiatiangwaa 'bhï 'pa-a Banabasɩ, 'mɩ 'nglɩɛ zɔmö -yɛ-a nɩkpaa 'dɩmözʋnyɔ. 'Mɔ nɩkpɛ la'a, Levie -glɩgbɔ 'ji ɔ 'wlʋ -bha. Dʋdʋ wa la-a Siplɩ, 'n ɔ glɩ la-a -ma ʋ 'wʋ. 37Ɔ ka la 'lagblɛ, ɔ 'pɛ-a 'pɛlʋ, ɔ -yɛ ɛ mëni ji-a, 'n ɔ jiɛ-a Zezwie tiatiangwa 'ye 'nyɛ.
Currently Selected:
NƲNƲLI 4: BNT96
Highlight
Copy
Compare
Share
Want to have your highlights saved across all your devices? Sign up or sign in
Bete New Testament © Bible Society of Côte d'Ivoire 1996
NƲNƲLI 4
4
'Zwiföaa 'kadɩ yɛ Piɛlɩ -yɛ Za 'sɔ -zijle tunʋ
1Piɛlɩ -yɛ Za 'sɔ-ɔ -bhla nɩkpaa de gba 'le, 'n -Lagɔbʋbɔngwa-a, -Lagɔbudu 'kadʋɔ ngokʋngwaa 'bhitɩbha -yɛ -zakpa wa la-a Sadwisɩɛ 'sɔɔ nɩkpa ji-e -bha ghlanɩ. 2'Manɩɛ yɛ Piɛlɩ -yɛ Za 'sɔ -wʋ-a nɩkpaa de Zezwie gluwlʋgbʋ gba 'le, 'n wa -wʋ-a nɩkpa ngli 'pa 'le naa 'kudungwa ji glu 'wlʋɔ yɛ, wa 'mlɩ 'nɩ la 'ji nanɩ. 3Ɩ yɛ wa köbhʋa-a 'n wa jua-a -die 'mö 'pa. -Wʋʋ yɛ-a, sɛ-ɛ julu la -bha, zlɩ -yɛ zɩ 'bhë, wa 'kʋa -zijle tunʋ. 4Ɩ-ɩ -sɩbha 'plɩ 'le 'bhë, nɩkpa -wa pönɩ-a Piɛlɩ -yɛ Za 'sɔ 'yukwli, wa gla'aa nɩkpaa -bɛ nglu-a Zezwie wɛlɩ 'wʋ. 'N Zezwie -ganɩngwa ji-a nɩkpaa 'wli ngbïë swɩ nyini.
5Zlɩ zɩ-a, -ma Zelwizalɛmö, 'n 'zwiföaa 'kadɩ, wa nɩkpazɔgblʋɩ -yɛ -Lagɔɔ gböö nglipangwa 'sɔ ji-e -ma 'wlu 'titanɩ. 6-Ma wa gla'a, -Lagɔbʋbɔnyɔ 'kadɔ wa la-a Anɩ-ɛ, Kayifö-ö, Za, Alɛzadlɩ -yɛ -Lagɔbʋbɔngwaa 'bhitɩbhangwaa -zakpa 'möö nɩkpa 'bhuo 'sɔ-ɔ la -ma. 7Wa 'bhö-a Piɛlɩ -yɛ Za 'sɔ ye, wa 'nɩgbanʋa-a -bha wa 'du 'mö, 'n wa jua-a ngli 'jɩbha. Wa nɛ: “'Mötɛnɔ -mʋʋ nya a göpönɩ-a nɩkpɛ -la 'nɩ? -Mɔɔ 'nglɩ 'mö a göpönɩɔ-a 'nɩ?”
8Wa 'jɩbhʋa-a -sɩbha ngli-e, Zuzu Wlawla-a ye-a Piɛlɩ dlɩ zɔmöö yɛ ɔ nɛ -bha wa de naa: “'Yuganɩngwayi, a -yɛ Izlayɛlɩɛ nɩkpazɔgblʋɩ 'sɔ, a -pönɩ'ɩ 'yukwli. 9Guzunyɔ -a nʋ-a -lie -li 'ji, 'n ɔ ji-a 'pʋɔ yɛ wa -zʋya-a la'a -zɩnɩ'ɩ -zijle ngo'o yɛ, sa ɔ 'pʋpʋnʋ-a 'mö -a 'kɩ -sa. 10A jɩblɩnɩ sɛ, Izlayɛlɩɛ nɩkpa 'bhuo jɩblɩnɩ 'yɛ sɛ naa Nazalɛtɩɛ Zezwi a kʋnʋ la-a su 'klʋ, -ɔ tlɩ-a 'bhë, -ɔ -Lagɔ -sa-a glu-o, ɔ 'nglɩ 'mö nɩkpɛ la'aa nɩma nanɩmanɩ-a 'mö, 'n ɔ 'nɩgbö-ö la'a a 'ji 'klʋ. 11Tikpë -a abha 'sɩbhasɩbhangwa nʋ la-a a'a -lɛ -laa -la, -a zʋ-a -buduo jijekwa-a, 'ma Zezwi glɩnɩ -bha. 12Kabö -Puanyɔ 'nɩ -bhlɩ, -wʋʋ yɛ-a, nɩkpɛ -mɔɔ nglɩ mö -a 'yɛ-a 'pʋnʋ, -Lagɔ -nɩya-a ma'a 'ylʋ zɔmö 'nyɛ, ɛ nɩ Zezwi glɩnɩ.” 13Piɛlɩ -yɛ Za 'sɔ -sanɩ-ɛ sa'a nyɩbhɛlʋswɩ'ɩ 'mö, -bha -zijle'ee nɩkpa 'bhuo ngli-i mönʋa -bha. Wa -ji sɛ naa, kpakpanɩkpa -wa 'nɩ-a 'bɔgʋ -ji, 'mʋa Piɛlɩngwa glɩnɩ la -bha. 'N wa jua-a jɩblɩnɩ naa, Zezwi wa -nyɔɔ -bhlinɩ la-a 'wʋ. 14'Bhë -bha wa yawʋ nɩkpɛ -ɔ 'pʋ-ɔ la'a glɩ la -bhaa yɛ, sa wa 'yɛ gba wa 'nɩɩ -ji.
15'N wa jua-a 'dɩ 'nyɛ naa, wa 'wlʋ -bhla -ma -zijlitubudu'u. Wa 'wlʋ-ɔ -ma 'bhë 'n -zijlitungwa ji-a yɩlɩ pla. 16Wa nɛ naa: “Sa -a ji-a nɩkpa -la 'mö zʋzʋnʋɔ 'nɩ? Zelwizalɛmöö 'gbë 'bhuo -ji sɛ naa bhata wa nʋ-a nɛ, -aa -lɛ bhɛlɩ -a 'yɛ -ɩ la'a 'mö kpɛnɩ. 17'Mɩ wɛlɩ la'a ji-a 'mö baa yɛ-ɛ, -a 'nyʋa 'dɩ naa wa 'na-a 'nyɛ-a 'mö -sɩka'a nɩkpa Zezwie wɛlɩ -nɩ.” 18Wa wɔzʋa-a, 'n wa jua-a 'dɩ 'nyɛ naa: “A 'na-a gba-a 'mö -sɩka'a Zezwie gbʋ nɩkpaa de, a 'na-a 'pʋa-a 'mö ɔ 'nglɩ 'mö ngli 'lɩlɩlɩ -nɩ.” 19Wa gba-a sa'a, Piɛlɩ -yɛ Za 'sɔ nɛ -bha wa de naa: “A -yɛ -Lagɔ 'sɔɔ do'o, -a -yɛ -bha a wɛlɩ zʋ -a -yɛ -bha -Lagɔɔ -li -sa, a 'bhï a 'pa-a dlɩ -bha -Lagɔ 'ji 'klʋ ɩ nanɩ 'ji? 20-Ma ɩ 'mö, -ɩ la'a -ɩ -a yɩlɩ-a, -ɩ -aa 'yukwlie 'nʋ-a, -aa -lɛ bhɛlɩ -a 'kɩ ziza, -sa -a jiɩ -bha.” 21Piɛlɩngwa gba-a -sɩbha, 'n -zijlitungwa jua-a yʋlʋ 'mö 'dɩ 'nyɛnɩ naa, wa 'na-a gba Zezwie gbʋ -bha nɩkpaa de -nɩ. Sa wa 'kʋa 'mö zʋzʋnʋ, wa 'nɩ la -ji, 'n wa jua-a 'ji 'tati. -Wʋʋ yɛ-a, nɩkpɛ -ɔ 'pʋ-ɔ la'aa yɛ nɩkpa 'bhuo -wʋ la-a -Lagɔɔ 'nglɩ 'ghlimanɩ 'le. 22'Mɔ nɩkpɛ -Lagɔɔ bhata pua la-a -sɩbha, ɔ ka la 'ylʋböö gwlɩ 'sɔ 'bhë 'n ɩ ka-a -gömö.
-Lagɔgwie yɛ -bɛlɩ 'pa
23Piɛlɩngwa mö-a, wa ghlɩ-ɛ -ma Zezwie -lʋa -mʋabha, -ɩ -Lagɔbʋbɔngwaa 'bhitɩbhangwa -yɛ 'zwiföaa nɩkpazɔgblʋɩ 'sɔ gba-a wa de 'n wa jua-a -sanɩ. 24Wa -sanʋa-a, -mʋa la'a 'nʋɩ-a, 'n wa 'bhuo ji-a wɛlɩ 'mö 'klanɩ, 'n wa ji-a -Lagɔ -bɛlɩ 'pa. Wa nɛ: “-Abhitɩbha, -nmö nʋ-a -Lagɔtapɛ-ɛ, dʋdʋkpata, gïnyi -yɛ ɛ 'möö -li 'bhuo 'sɔ nɛ. 25-Na Zuzu 'Wlawla gbanɩ-a -na nyɩgbajʋlʋ -aa -tɩbha Davidɩ 'mö, 'n ɔ ji-a gba naa:
'Manɩɛ yɛ jɔ -wʋ-ɔ -sa-a -ma -gwlɩ 'bhuoo -gömö,
'n nɩkpa pa-a -sa-a kpakpali dlɩ 'wʋ 'nɩ?
26Dʋdʋkpata -gömöö dʋdʋnyiningwa yɛ tʋgwɩ yɛ 'wʋ -sɔ,
nyiningwa 'kadɩ yɛ go 'panɩ 'bhë,
wa 'yɛ -Lagɔ -yɛ nɩkpɛ ʋ -sa-a -bha 'sɔ tʋ 'wʋ kwaa yɛ.
27-Ma ɩ 'mö, -na nyɩgbajʋlʋ Zezwi -n -sa-a -bha, -ɔ glɩnɩ-ɛ -na 'nyizee -lɔ, dʋdʋnyininyɔ Elodɩ -yɛ -gwlɩnyininyɔ Pɔsɩ Pilatɩ 'sɔ, ɔ yɛ wa -yɛ gbë la'a 'möö nɩkpa-a, lagangwa -yɛ Izlayɛlɩɛ -gligbï 'bhuo 'sɔ 'panɩ-a go. 28-Ɩ -na 'bhë -sa la-a -bha, -ɩ -n tli la-a ɔ de yɛ 'kɩ, 'n wa jio-a 'ji nʋ. 29-Aa -Tɩbha -Lagɔ, -ɩɩ 'dɩ wa -nyɛya-a -sɩka'a, -nyɛya -na 'mötɛnɔ, -a 'yɛ -ma dlɩa zʋ, -a 'yɛ -na wɛlɩ kwa. 30-Jiya 'wʋ, -na nyɩgbajʋlʋ Zezwi-i glɩnɩ-ɛ -na 'nyizee -lɔɔ 'nglɩ 'mö, guzungwa 'yɛ 'pʋ, -a 'yɛ bhatɩ -yɛ zɩzɛli 'sɔ nɛ nʋ.”
31Wa 'pa-a sa'a -Lagɔ -bɛlɩ-ɛ, la wa 'titanɩɔ la-a 'wlu, 'n -bha ji-a tɛlɩ, 'n Zuzu 'Wlawla ji-a wa 'bhuo dlɩ zɔmö ye wa dlɩ-a 'nyʋnanɩɔ-ɔ -ma 'n wa gba-a -Lagɔwɛlɩ.
Sa Zezwie -lʋa 'slonʋ-a wa -li 'bhuo 'wʋ
32Zezwie -lʋa 'bhuo -ghöbhanɩ wa -ghöbhanɩ la-a tenyi, 'n wa 'bhuo ka-a dlɩ -bhlʋ. Wa gla'aa -kakabɛ 'nɩ nʋ la naa, ɔ bhë-ë nyini-a ɔjɩɛ -li, wa -li 'bhuo 'wʋ wa 'slonʋɩ -bha. 33-Lagɔɔ 'mötɛnɔ nya Zezwie tiatiangwa -sanɩ la-a ɔ gluwlʋdɩ, 'n -Lagɔ pa-a Zezwie -lʋa 'bhuo 'nyu. 34Wa gla'aa -bɛ -bhlʋɔ 'bhë 'nɩ bɔ la -lu. -Wʋʋ yɛ-a, -wa ka-a 'lagblie, -wa ka 'yɛ-a -budi, wa -kɩɩ 'pɛlʋ 'pa, wa -yɛ ɩ mëni -yɛ ji-e, 35'n wa nyɛɛ-a Zezwie tiatiangwa 'ye, -wa 'nɩ-a -lu -ka 'n -mʋa la'a dlinʋa-a cɛ -bhlʋ -bhlʋ. 36Wa gla'aa nɩkpɛ -bhlʋ wa la-a Zozɛfö, -ɔ Zezwie tiatiangwaa 'bhï 'pa-a Banabasɩ, 'mɩ 'nglɩɛ zɔmö -yɛ-a nɩkpaa 'dɩmözʋnyɔ. 'Mɔ nɩkpɛ la'a, Levie -glɩgbɔ 'ji ɔ 'wlʋ -bha. Dʋdʋ wa la-a Siplɩ, 'n ɔ glɩ la-a -ma ʋ 'wʋ. 37Ɔ ka la 'lagblɛ, ɔ 'pɛ-a 'pɛlʋ, ɔ -yɛ ɛ mëni ji-a, 'n ɔ jiɛ-a Zezwie tiatiangwa 'ye 'nyɛ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bete New Testament © Bible Society of Côte d'Ivoire 1996