NƲNƲLI 3
3
Piɛlɩ -yɛ Za 'sɔ yɛ bhʋgbakanyɔ -bhlʋ göpö
1'Ylɩ -bhlʋ, -dudoglie ta 'möö -bɛlɩpade nyini-a, 'n Piɛlɩ -yɛ Za 'sɔ ji-e -ma -Lagɔbudu 'kadʋ 'mö mö. 2-Lagɔbudu 'kadʋɔ ngwlele -bhlʋ wa la-a 'jinanɩngwlele, bhʋgbakanyɔ -bhlʋ glɩ -bha a ngo'o 'n wa jio-o -bha ghlɩ. 'Mɔ nɩkpɛ la'a, 'wlʋ ɔ -yɛ ɔ nɩmɛlɛ 'wlʋ la -bha. Sa zlɩ zɩ-a 'n wa zʋɔ-ɔ -bha -Lagɔbudu 'kadʋ ngo'o yɛ, nɩkpa -wa -wʋ-ɔ -ma pla 'le ɔ 'kʋa 'jɩbhanɩɛ yɛ. 3Piɛlɩ -yɛ Za 'sɔ 'yɛ -ma -Lagɔbudu 'kadʋ 'mö plaa mö, nɩkpɛ la'a yɩlʋa-a, 'n ɔ jua-a mëni 'jɩbhanɩ. 4'N Piɛlɩ -yɛ Za 'sɔ jio-a 'wʋ yɩlɩ 'tɩ. Wa nɛ -bha ɔ de: “-Yɩlɩya -lɛ 'wʋ.” 5'N nɩkpɛ jua-a 'wʋ yɩlɩ, ɔ -tɔnʋ -lu wa jio la 'nyɛɛ. 6Piɛlɩ nɛ -bha ɔ de naa: “N'n na-a mëni -yɛ lɔlʋ 'sɔ -ka. -Ʋ la'a n ka-a 'mʋ n -jimö-ö la'a 'nyɛɛ. Nazalɛtɩɛ Zezwi 'Klie 'nglɩ 'mö, -sɔ 'wʋ -n 'yɛ namö.” 7Ɔ köbhanɩɔ-a sɔ 'n ɔ jio-a 'wʋ 'libhï. -Bha -gaganɩlɩ'ɩ 'n nɩkpɛ la'aa kpli -yɛ ɔ -klokosokoyia 'sɔ ji-a 'mö 'tamanɩ. 8Ɔ -blu-a 'mö, ɔ-ɔ namö 'le, 'n ɔ -yɛ Piɛlɩ -yɛ Za 'sɔ ji-e -ma -Lagɔbudu 'kadʋ 'mö pla. Ɔ namö, ɔ blu 'mö, 'n ɔ 'ghlimanɩ-a -Lagɔɔ 'nglɩ. 9Ɔ-ɔ 'sɩbha namö 'le, ɔ-ɔ -Lagɔɔ 'nglɩ 'ghlimanɩ 'le, 'n nɩkpa 'bhuo jio-a yɩlɩ. 10'N wa jio-a jɩblɩnɩ naa, nɩkpɛ -ɔ glɩ la-a -bha 'jinanɩngwlele ngo'o mënijɩbha yɛ, mɔ -bha. -Ɩ ghlɩɔ-ɔ la'aa yɛ, wa 'bhuo ngli-i mönʋa -bha.
Piɛlɩ yɛ Zezwie gbʋ gba
11Nɩkpɛ la'a 'nɩ 'bhö-ö la-a 'mö Piɛlɩ -yɛ Za 'sɔ 'bɩɛ yɛ, -Lagɔbudu 'kadʋɔ planɩde -a wa 'pa-a dʋdʋnyininyɔ Salomɔɔ 'nglɩ, la wa glɩ la-a, 'n nɩkpa 'bhuo jua-a -bha ghlɩ. 12Piɛlɩ yɩlɩɩ-a 'wʋ, ɔ nɛ -bha wa de: “Izlayɛlɩɛ nɩkpayi, 'manɩɛ yɛ -ɩ -la mönaya bhe ngli 'n a -wʋya-a jɩla 'le, e -bhlee -aa 'bhïë 'mötɛnɔ -yɛ -aa 'pɩɛ 'möslɛnɩslɛnɩɛ 'sɔ mɩ-ɩ ka 'nglɩ 'n -a ji nɩkpɛ la'a göpö, 'n ɔ -wʋ namö 'le 'nɩ? 13-Aa -tɩbhatɩbhangwa Ablaamö, Izakö -yɛ Zakɔpö 'sɔɔ -Lagɔ, mʋ-ʋ 'ghlimanɩ-a ʋ nyɩgbajʋlʋ Zezwie 'nglɩ. Zezwi a 'pa-a -ma -gwlɩnyininyɔ Pilatɩ cɛ'ɛ 'pɛlʋ, -ɔ ɔ nʋ-a ɔ 'yɛ 'ji 'tati 'bhë a'a -lɛ-a nglu. 14Zezwi-i glɩnɩ-a -Lagɔɔ 'nyizee -lɔ, -ɔ nʋ-a -Lagɔɔ dlɩyawʋnanɩli, 'mɔ a panɩ-a -gömö 'n a ji-e -bha 'kulɩbhanyɔ -sa naa wa 'tatio 'ji. 15-Ɔ -yɛ la-a 'kɔgwlɛpɩɛ -lowli, 'n a jio-a 'lɩbha. -Lagɔ kɔ -ma tlɩtlɩngwaa 'gbamö -sa, ɔ yɛ glu 'wlʋ 'bhë. -Abha ɔ tiatiangwa -a kɩ yɩlɩ 'bhë. 16Mɔ -a ka-a dlɩ 'wʋɔ yɛ, ɔ 'nglɩ 'mö nɩkpɛ a jɩnɩ-ɛ la'a 'wʋ, -ɔ a 'bhï -ji-a, 'n ɔ nɩma ji-e la'a 'mö 'tamanɩ. Zezwie dlɩwʋkakɩɛ-ɛ ka-a 'nglɩ 'n -bha a 'bhuoo 'ji 'klʋ nɩkpɛ la'a ji-e -la 'pʋ.
17-Abhɩayi, -ma ɩ 'mö, n -ji sɛ naa a -yɛ a 'yuganɩngwa 'sɔ, -ɩ a nʋ-a a 'nɩɩ -ji. 18-Lagɔɔ 'bhë 'plɩnɩ-a ʋ 'mögbanɩngwa 'mö, -ɩ ʋ gba la-a naa Puanyɔ ʋ ji-e -bha -saa yʋlɔ ɔ ji-a, 'mɩ ʋ 'wlenɩ-a 'wʋ. 19Ɩ yɛ, -sɩka'a-a 'mö, a ligba a 'yɛ a 'jinyloli cɛ 'mö -sa a 'yɛ a 'pɩ 'mö 'bhɩla, -Lagɔ 'yɛ a 'jinyloli 'wʋ 'titli. 20-Bhaa do'o, -Lagɔ jiya -gömöwlonɔ -la. Puanyɔ ʋ -sa-a -bha a yɛ ʋ jiya 'gbamö -la. 'Mɔ Puanyɔ mɔ-ɔ -yɛ-a Zezwi. 21-Ma -Lagɔ yawʋ ɔ ji-e 'mö-ö -bhla glɩɛ, la -Lagɔ -dɩ-a naa, ʋ ji -li 'bhuo göganɩ -bha -yɛ nyini 'bhë ɔ 'yɛ-a ji. Ʋ 'mögbanɩngwa ʋ -sa-a -bha 'mʋa ʋ 'plɩnɩ-a 'mö, 'n ʋ ji-e -sɩbha gba. 22Moyizɩɛ 'bhë nɛ -bha Izlayɛlɩɛ nɩkpaa de naa:
Na swɩ'ɩɛ -Lagɔɔ 'mögbanɩnyɔ
a Nyininyɔ -Lagɔ ji-e -bha a 'gbamö -sa-a.
-Ɩ la'a 'bhuo ɔ ji-a gbaa 'mö, a pönɩɔ 'yukwli.
23Nɩkpɛ -mɔ nɩ 'mɔ -Lagɔɔ 'mögbanɩnyɔ la'a 'yukwli pönɩ,
-ma -Lagɔ jio-a ngëyi ʋ -sa-a -bha 'möö nɩkpa 'gbamö -saa.
24-Lagɔɔ 'mögbanɩngwa 'bhuo, tɛnɩ Samiɛlɩ 'wʋ -n 'yɛ -mʋabha 'bhuo 'wʋ nyini-e, -ɩ wa gba la-a mɩ-ɩ -wʋ-ɔ la'a ylɩ la'a 'mö 'wʋ 'wlenɩ 'le. 25-Lagɔ 'plɩnɩ-a ʋ 'mögbanɩngwa 'mö -ɩɩ gbʋ ʋ gba-a, a yɛ -bha. -Wʋʋ yɛ-a, -ghöbhanɔ la'a -Lagɔ -la-a -bha ʋ -yɛ -aa -tɩbhatɩbhangwa 'sɔɔ nyɩdɩ, 'n ʋ ji-e -bha Ablaamöö de gba naa: -Na ngëyie yɛ n ji-e ma'a dʋdʋkpata -gömöö nɩkpa 'bhuo 'nyupalɩ 'paa, 'mʋ -ghöbhanɔ la'a a-a -ma ʋ 'mö. 26Ɩ yɛ -Lagɔ tɛnɩya-a 'wʋ, 'n ʋ ji-e ma'a a 'bhɛyɩ ʋ nyɩgbajʋlʋ tia, ɔ 'kaya 'nyupalɩ 'pa, ɔ 'kaya 'yɛ -bhlʋ -bhlʋ a 'jinylolie 'yuogblʋ'ʋ -sa.”
Currently Selected:
NƲNƲLI 3: BNT96
Highlight
Copy
Compare
Share
Want to have your highlights saved across all your devices? Sign up or sign in
Bete New Testament © Bible Society of Côte d'Ivoire 1996
NƲNƲLI 3
3
Piɛlɩ -yɛ Za 'sɔ yɛ bhʋgbakanyɔ -bhlʋ göpö
1'Ylɩ -bhlʋ, -dudoglie ta 'möö -bɛlɩpade nyini-a, 'n Piɛlɩ -yɛ Za 'sɔ ji-e -ma -Lagɔbudu 'kadʋ 'mö mö. 2-Lagɔbudu 'kadʋɔ ngwlele -bhlʋ wa la-a 'jinanɩngwlele, bhʋgbakanyɔ -bhlʋ glɩ -bha a ngo'o 'n wa jio-o -bha ghlɩ. 'Mɔ nɩkpɛ la'a, 'wlʋ ɔ -yɛ ɔ nɩmɛlɛ 'wlʋ la -bha. Sa zlɩ zɩ-a 'n wa zʋɔ-ɔ -bha -Lagɔbudu 'kadʋ ngo'o yɛ, nɩkpa -wa -wʋ-ɔ -ma pla 'le ɔ 'kʋa 'jɩbhanɩɛ yɛ. 3Piɛlɩ -yɛ Za 'sɔ 'yɛ -ma -Lagɔbudu 'kadʋ 'mö plaa mö, nɩkpɛ la'a yɩlʋa-a, 'n ɔ jua-a mëni 'jɩbhanɩ. 4'N Piɛlɩ -yɛ Za 'sɔ jio-a 'wʋ yɩlɩ 'tɩ. Wa nɛ -bha ɔ de: “-Yɩlɩya -lɛ 'wʋ.” 5'N nɩkpɛ jua-a 'wʋ yɩlɩ, ɔ -tɔnʋ -lu wa jio la 'nyɛɛ. 6Piɛlɩ nɛ -bha ɔ de naa: “N'n na-a mëni -yɛ lɔlʋ 'sɔ -ka. -Ʋ la'a n ka-a 'mʋ n -jimö-ö la'a 'nyɛɛ. Nazalɛtɩɛ Zezwi 'Klie 'nglɩ 'mö, -sɔ 'wʋ -n 'yɛ namö.” 7Ɔ köbhanɩɔ-a sɔ 'n ɔ jio-a 'wʋ 'libhï. -Bha -gaganɩlɩ'ɩ 'n nɩkpɛ la'aa kpli -yɛ ɔ -klokosokoyia 'sɔ ji-a 'mö 'tamanɩ. 8Ɔ -blu-a 'mö, ɔ-ɔ namö 'le, 'n ɔ -yɛ Piɛlɩ -yɛ Za 'sɔ ji-e -ma -Lagɔbudu 'kadʋ 'mö pla. Ɔ namö, ɔ blu 'mö, 'n ɔ 'ghlimanɩ-a -Lagɔɔ 'nglɩ. 9Ɔ-ɔ 'sɩbha namö 'le, ɔ-ɔ -Lagɔɔ 'nglɩ 'ghlimanɩ 'le, 'n nɩkpa 'bhuo jio-a yɩlɩ. 10'N wa jio-a jɩblɩnɩ naa, nɩkpɛ -ɔ glɩ la-a -bha 'jinanɩngwlele ngo'o mënijɩbha yɛ, mɔ -bha. -Ɩ ghlɩɔ-ɔ la'aa yɛ, wa 'bhuo ngli-i mönʋa -bha.
Piɛlɩ yɛ Zezwie gbʋ gba
11Nɩkpɛ la'a 'nɩ 'bhö-ö la-a 'mö Piɛlɩ -yɛ Za 'sɔ 'bɩɛ yɛ, -Lagɔbudu 'kadʋɔ planɩde -a wa 'pa-a dʋdʋnyininyɔ Salomɔɔ 'nglɩ, la wa glɩ la-a, 'n nɩkpa 'bhuo jua-a -bha ghlɩ. 12Piɛlɩ yɩlɩɩ-a 'wʋ, ɔ nɛ -bha wa de: “Izlayɛlɩɛ nɩkpayi, 'manɩɛ yɛ -ɩ -la mönaya bhe ngli 'n a -wʋya-a jɩla 'le, e -bhlee -aa 'bhïë 'mötɛnɔ -yɛ -aa 'pɩɛ 'möslɛnɩslɛnɩɛ 'sɔ mɩ-ɩ ka 'nglɩ 'n -a ji nɩkpɛ la'a göpö, 'n ɔ -wʋ namö 'le 'nɩ? 13-Aa -tɩbhatɩbhangwa Ablaamö, Izakö -yɛ Zakɔpö 'sɔɔ -Lagɔ, mʋ-ʋ 'ghlimanɩ-a ʋ nyɩgbajʋlʋ Zezwie 'nglɩ. Zezwi a 'pa-a -ma -gwlɩnyininyɔ Pilatɩ cɛ'ɛ 'pɛlʋ, -ɔ ɔ nʋ-a ɔ 'yɛ 'ji 'tati 'bhë a'a -lɛ-a nglu. 14Zezwi-i glɩnɩ-a -Lagɔɔ 'nyizee -lɔ, -ɔ nʋ-a -Lagɔɔ dlɩyawʋnanɩli, 'mɔ a panɩ-a -gömö 'n a ji-e -bha 'kulɩbhanyɔ -sa naa wa 'tatio 'ji. 15-Ɔ -yɛ la-a 'kɔgwlɛpɩɛ -lowli, 'n a jio-a 'lɩbha. -Lagɔ kɔ -ma tlɩtlɩngwaa 'gbamö -sa, ɔ yɛ glu 'wlʋ 'bhë. -Abha ɔ tiatiangwa -a kɩ yɩlɩ 'bhë. 16Mɔ -a ka-a dlɩ 'wʋɔ yɛ, ɔ 'nglɩ 'mö nɩkpɛ a jɩnɩ-ɛ la'a 'wʋ, -ɔ a 'bhï -ji-a, 'n ɔ nɩma ji-e la'a 'mö 'tamanɩ. Zezwie dlɩwʋkakɩɛ-ɛ ka-a 'nglɩ 'n -bha a 'bhuoo 'ji 'klʋ nɩkpɛ la'a ji-e -la 'pʋ.
17-Abhɩayi, -ma ɩ 'mö, n -ji sɛ naa a -yɛ a 'yuganɩngwa 'sɔ, -ɩ a nʋ-a a 'nɩɩ -ji. 18-Lagɔɔ 'bhë 'plɩnɩ-a ʋ 'mögbanɩngwa 'mö, -ɩ ʋ gba la-a naa Puanyɔ ʋ ji-e -bha -saa yʋlɔ ɔ ji-a, 'mɩ ʋ 'wlenɩ-a 'wʋ. 19Ɩ yɛ, -sɩka'a-a 'mö, a ligba a 'yɛ a 'jinyloli cɛ 'mö -sa a 'yɛ a 'pɩ 'mö 'bhɩla, -Lagɔ 'yɛ a 'jinyloli 'wʋ 'titli. 20-Bhaa do'o, -Lagɔ jiya -gömöwlonɔ -la. Puanyɔ ʋ -sa-a -bha a yɛ ʋ jiya 'gbamö -la. 'Mɔ Puanyɔ mɔ-ɔ -yɛ-a Zezwi. 21-Ma -Lagɔ yawʋ ɔ ji-e 'mö-ö -bhla glɩɛ, la -Lagɔ -dɩ-a naa, ʋ ji -li 'bhuo göganɩ -bha -yɛ nyini 'bhë ɔ 'yɛ-a ji. Ʋ 'mögbanɩngwa ʋ -sa-a -bha 'mʋa ʋ 'plɩnɩ-a 'mö, 'n ʋ ji-e -sɩbha gba. 22Moyizɩɛ 'bhë nɛ -bha Izlayɛlɩɛ nɩkpaa de naa:
Na swɩ'ɩɛ -Lagɔɔ 'mögbanɩnyɔ
a Nyininyɔ -Lagɔ ji-e -bha a 'gbamö -sa-a.
-Ɩ la'a 'bhuo ɔ ji-a gbaa 'mö, a pönɩɔ 'yukwli.
23Nɩkpɛ -mɔ nɩ 'mɔ -Lagɔɔ 'mögbanɩnyɔ la'a 'yukwli pönɩ,
-ma -Lagɔ jio-a ngëyi ʋ -sa-a -bha 'möö nɩkpa 'gbamö -saa.
24-Lagɔɔ 'mögbanɩngwa 'bhuo, tɛnɩ Samiɛlɩ 'wʋ -n 'yɛ -mʋabha 'bhuo 'wʋ nyini-e, -ɩ wa gba la-a mɩ-ɩ -wʋ-ɔ la'a ylɩ la'a 'mö 'wʋ 'wlenɩ 'le. 25-Lagɔ 'plɩnɩ-a ʋ 'mögbanɩngwa 'mö -ɩɩ gbʋ ʋ gba-a, a yɛ -bha. -Wʋʋ yɛ-a, -ghöbhanɔ la'a -Lagɔ -la-a -bha ʋ -yɛ -aa -tɩbhatɩbhangwa 'sɔɔ nyɩdɩ, 'n ʋ ji-e -bha Ablaamöö de gba naa: -Na ngëyie yɛ n ji-e ma'a dʋdʋkpata -gömöö nɩkpa 'bhuo 'nyupalɩ 'paa, 'mʋ -ghöbhanɔ la'a a-a -ma ʋ 'mö. 26Ɩ yɛ -Lagɔ tɛnɩya-a 'wʋ, 'n ʋ ji-e ma'a a 'bhɛyɩ ʋ nyɩgbajʋlʋ tia, ɔ 'kaya 'nyupalɩ 'pa, ɔ 'kaya 'yɛ -bhlʋ -bhlʋ a 'jinylolie 'yuogblʋ'ʋ -sa.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bete New Testament © Bible Society of Côte d'Ivoire 1996