NƲNƲLI 6
6
Wa yɛ -bha -lie 'jiwʋngwa -ngbisɔ -sa
1-Bhaa do'o, Zezwie -lʋa zumanɩ 'le wa -wʋ -bhaa yɛ, 'n -wa gba-a 'glɛkögbʋ ji-a -mʋa gba-a 'zwifögbʋ yawʋ 'ngungwanɩ. Wa nɛ, sa zlɩ zɩ-a, lilidlinɩde -yɛ nyini-e, wa'a zʋnʋ wa -nɩ 'kuzlengwlɩ 'klʋ. 2Ɩ yɛ, 'n Zezwie tiatiangwa kugbïa 'sɔ -kpɔ ji-a Zezwie -lʋa mʋabha 'wlu 'titanɩ. Wa nɛ -bha wa de naa: “-Dagwieyi, -a -yɛ -Lagɔgbʋ -gömö 'panɩ -a -yɛ lili dlinɩ 'le -wʋ, ɩ'ɩ 'ji nanɩ. 3Ɩ yɛ a -sa-a -bha a gla'a nɩkpa -ngbisɔ -waa 'dɩɛ -dɩ nɩkpa 'bhuo ka-a ngli, -wa Zuzu 'Wlawla ye-a dlɩ zɔmö, 'bhë -wa -ji-a gbʋ, -a 'kʋa 'mʋ libho -la 'ye 'nyɛ. 4Ɛ -yɛ -abhaa -nɩ glɩnɩ-ɛ, -a 'yɛ -Lagɔ -bɛlɩ 'pa, -a 'yɛ ʋ -libho -yɛ ʋ wɛlɩɛ gbagbʋ 'sɔ 'ji zʋ.” 5Wa gba-a -sɩbha, 'n wa 'bhuo ji-a wɛlɩ la'a 'wʋ nglu. Wa -sa-a -bha nɩkpa -ngbisɔ. Nɩkpɛ -bhlʋ wa la-a Etiɛnɩ, -ɔ Zuzu 'Wlawla ye-a dlɩ zɔmö 'n ɔ ka-a Zezwi dlɩ 'wʋ, Filipö-ö Plokɔlʋ-ɔ, Nikanɔlʋ-ɔ, Timo-o, Patenasɩ-ɛ, 'bhë Atiɔsɩɛ nɩkpɛ wa la-a Nikola -ɔ zʋa-a ɔjɩ 'zwiföyi 'wʋ. 6Wa -sʋa-a -bha 'bhë, 'n wa jua-a Zezwie tiatiangwa 'ji tuluanɩ. Wa 'pa-a wa 'wlumö -Lagɔ -bɛlɩ, 'n wa jua-a kɔtɩkpö -gömö zʋ.
7-Lagɔwɛlɩ-ɛ la ba 'le 'kɔmʋʋ, 'n Zezwie -lʋa zumanɩ la-a -ma Zelwizalɛmö tenyi. 'N 'zwiföaa -Lagɔbʋbɔngwaa -bebe nglu-a Zezwie dlɩwʋkagbʋ.
'Zwiföaa 'kadɩ yɛ Etiɛnɩ -zijle tunʋ
8-Lagɔɔ 'nyupalɩ -yɛ ʋ 'mötɛnɔ 'sɔ-ɔ Etiɛnɩ -gömö, 'n ɔ nʋ la-a bhatɩ -yɛ zɩzɛli 'sɔ -bha nɩkpa 'ji 'klʋ nɛ. 9'Ylɩ -bhlʋ, 'zwiföa -Lagɔbudu wa la-a -wa 'wlʋ gïyi 'möö nɩkpa ghlɩ-ɛ -bha Etiɛnɩ wa -nyɔɔ 'yɛ kpɛnɩɛ yɛ. -Ma Silɛnɩ, -ma Alɛzadli -yɛ -ma Silisi 'sɔ, 'bhë -ma Azie -gwlɩ -gömö, -ma wa -mʋmʋa 'bhö-ö la -bha. 10-Ma ɩ 'mö, wa'a la bhɛlɩ wa 'kɔ lu. -Wʋʋ yɛ-a, Zuzu Wlawla-a nyɔ la-a gbʋjinɔ 'n ɔ gba -bha. 11Ɩ yɛ, wa mö-a, 'n wa ji-a nɩkpa -mʋmʋa mëni zɔmö fanɩ. Wa nɛ: “A mö, a nʋ naa: Etiɛnɩ-ɛ Moyizɩ -yɛ -Lagɔ 'sɔ ngli nyimanɩ 'le, 'n a jio-a yɩlɩ.” 12-Sɩbha wa gba-a, 'n wa ji-a nɩkpa 'bhuo ghayɩ 'pa. 'Zwiföaa nɩkpazɔgblʋɩ -yɛ -Lagɔɔ gböö nglipangwa 'sɔ. 'Gamö, wa gblo-a Etiɛnɩ 'wʋ, 'n wa jio-o -ma -zijlitungwa 'kadɩ dlɩ'ɩ kwa. 13-Bha de -mɩ la'a, 'n wa ji-a yuongwa -mʋmʋa 'wʋ 'libhï, wa nɛ wa nʋ naa: “Nɩkpɛ la'a, -Lagɔbudu 'kadʋ -yɛ -Lagɔɔ gbö 'sɔɔ nglinyimanɩlibho ɔ ka -bha. 14-Wʋʋ yɛ-a, -a 'nʋ-ɔ -ma ɔ ngli, ɔ nɛ naa: Nazalɛtɩyi Zezwi-i ji-a 'wlawlawʋde -la sɛ -sa 'bhë ɔ 'yɛ nʋnʋli Moyizɩ -tɩya la-a yawʋ 'mö 'bhɩla.” 15-Wa bhuo-o glɩ la-a -bha -zijle'e, wa yɩlɩ-a Etiɛnɩ 'wʋ, ɔ 'klʋkpökpa-a 'mö lɩ 'le -bhlee -Lagɔzuzukoo -la.
Currently Selected:
NƲNƲLI 6: BNT96
Highlight
Copy
Compare
Share
Want to have your highlights saved across all your devices? Sign up or sign in
Bete New Testament © Bible Society of Côte d'Ivoire 1996
NƲNƲLI 6
6
Wa yɛ -bha -lie 'jiwʋngwa -ngbisɔ -sa
1-Bhaa do'o, Zezwie -lʋa zumanɩ 'le wa -wʋ -bhaa yɛ, 'n -wa gba-a 'glɛkögbʋ ji-a -mʋa gba-a 'zwifögbʋ yawʋ 'ngungwanɩ. Wa nɛ, sa zlɩ zɩ-a, lilidlinɩde -yɛ nyini-e, wa'a zʋnʋ wa -nɩ 'kuzlengwlɩ 'klʋ. 2Ɩ yɛ, 'n Zezwie tiatiangwa kugbïa 'sɔ -kpɔ ji-a Zezwie -lʋa mʋabha 'wlu 'titanɩ. Wa nɛ -bha wa de naa: “-Dagwieyi, -a -yɛ -Lagɔgbʋ -gömö 'panɩ -a -yɛ lili dlinɩ 'le -wʋ, ɩ'ɩ 'ji nanɩ. 3Ɩ yɛ a -sa-a -bha a gla'a nɩkpa -ngbisɔ -waa 'dɩɛ -dɩ nɩkpa 'bhuo ka-a ngli, -wa Zuzu 'Wlawla ye-a dlɩ zɔmö, 'bhë -wa -ji-a gbʋ, -a 'kʋa 'mʋ libho -la 'ye 'nyɛ. 4Ɛ -yɛ -abhaa -nɩ glɩnɩ-ɛ, -a 'yɛ -Lagɔ -bɛlɩ 'pa, -a 'yɛ ʋ -libho -yɛ ʋ wɛlɩɛ gbagbʋ 'sɔ 'ji zʋ.” 5Wa gba-a -sɩbha, 'n wa 'bhuo ji-a wɛlɩ la'a 'wʋ nglu. Wa -sa-a -bha nɩkpa -ngbisɔ. Nɩkpɛ -bhlʋ wa la-a Etiɛnɩ, -ɔ Zuzu 'Wlawla ye-a dlɩ zɔmö 'n ɔ ka-a Zezwi dlɩ 'wʋ, Filipö-ö Plokɔlʋ-ɔ, Nikanɔlʋ-ɔ, Timo-o, Patenasɩ-ɛ, 'bhë Atiɔsɩɛ nɩkpɛ wa la-a Nikola -ɔ zʋa-a ɔjɩ 'zwiföyi 'wʋ. 6Wa -sʋa-a -bha 'bhë, 'n wa jua-a Zezwie tiatiangwa 'ji tuluanɩ. Wa 'pa-a wa 'wlumö -Lagɔ -bɛlɩ, 'n wa jua-a kɔtɩkpö -gömö zʋ.
7-Lagɔwɛlɩ-ɛ la ba 'le 'kɔmʋʋ, 'n Zezwie -lʋa zumanɩ la-a -ma Zelwizalɛmö tenyi. 'N 'zwiföaa -Lagɔbʋbɔngwaa -bebe nglu-a Zezwie dlɩwʋkagbʋ.
'Zwiföaa 'kadɩ yɛ Etiɛnɩ -zijle tunʋ
8-Lagɔɔ 'nyupalɩ -yɛ ʋ 'mötɛnɔ 'sɔ-ɔ Etiɛnɩ -gömö, 'n ɔ nʋ la-a bhatɩ -yɛ zɩzɛli 'sɔ -bha nɩkpa 'ji 'klʋ nɛ. 9'Ylɩ -bhlʋ, 'zwiföa -Lagɔbudu wa la-a -wa 'wlʋ gïyi 'möö nɩkpa ghlɩ-ɛ -bha Etiɛnɩ wa -nyɔɔ 'yɛ kpɛnɩɛ yɛ. -Ma Silɛnɩ, -ma Alɛzadli -yɛ -ma Silisi 'sɔ, 'bhë -ma Azie -gwlɩ -gömö, -ma wa -mʋmʋa 'bhö-ö la -bha. 10-Ma ɩ 'mö, wa'a la bhɛlɩ wa 'kɔ lu. -Wʋʋ yɛ-a, Zuzu Wlawla-a nyɔ la-a gbʋjinɔ 'n ɔ gba -bha. 11Ɩ yɛ, wa mö-a, 'n wa ji-a nɩkpa -mʋmʋa mëni zɔmö fanɩ. Wa nɛ: “A mö, a nʋ naa: Etiɛnɩ-ɛ Moyizɩ -yɛ -Lagɔ 'sɔ ngli nyimanɩ 'le, 'n a jio-a yɩlɩ.” 12-Sɩbha wa gba-a, 'n wa ji-a nɩkpa 'bhuo ghayɩ 'pa. 'Zwiföaa nɩkpazɔgblʋɩ -yɛ -Lagɔɔ gböö nglipangwa 'sɔ. 'Gamö, wa gblo-a Etiɛnɩ 'wʋ, 'n wa jio-o -ma -zijlitungwa 'kadɩ dlɩ'ɩ kwa. 13-Bha de -mɩ la'a, 'n wa ji-a yuongwa -mʋmʋa 'wʋ 'libhï, wa nɛ wa nʋ naa: “Nɩkpɛ la'a, -Lagɔbudu 'kadʋ -yɛ -Lagɔɔ gbö 'sɔɔ nglinyimanɩlibho ɔ ka -bha. 14-Wʋʋ yɛ-a, -a 'nʋ-ɔ -ma ɔ ngli, ɔ nɛ naa: Nazalɛtɩyi Zezwi-i ji-a 'wlawlawʋde -la sɛ -sa 'bhë ɔ 'yɛ nʋnʋli Moyizɩ -tɩya la-a yawʋ 'mö 'bhɩla.” 15-Wa bhuo-o glɩ la-a -bha -zijle'e, wa yɩlɩ-a Etiɛnɩ 'wʋ, ɔ 'klʋkpökpa-a 'mö lɩ 'le -bhlee -Lagɔzuzukoo -la.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bete New Testament © Bible Society of Côte d'Ivoire 1996