NƲNƲLI 7
7
Etiɛnɩɛ 'mösanɩwɛlɩ
1-Lagɔbʋbɔnyɔ 'kadɔ nɛ -bha ɔ de: “-Sɩbha ɩ 'plɩ-a 'dɛdɛ'ɛɛ?” 2Etiɛnɩ nɛ: “-Atʋngwayi, -dagwieyi, a pönɩ 'yukwli. 'Nglɩmö -Lagɔ ghlanɩ-a -aa -tɩbhatɩbha Ablaamö 'wʋ, -bhaa do'o ɔ-ɔ la -bhla -ma Mezopotamie dʋdʋ -gömö, ɔ'ɔ la -bhla -ma Kalaa sɛ -glɩɛ mö. Ʋ nɛ -bha ɔ de naa: 3-Sɔ 'wʋ, 'bhö-ö ma'a -na dʋdʋ -gömö, tɩ -bha -na -kosu 'jie nɩkpa, dʋdʋ n -jimö-a 'ji tuluanɩɛ -n 'yɛ -ma mö. 4'N ɔ ji-e -ma nɩkpa wa la-a Kalɩdee nɩkpaa dʋdʋ -gömö 'wʋ -sɔ, 'n ɔ ji-e -ma Kalaa sɛ -glɩɛ mö. -Ma ɔ -tɩbha tlɩnɩ-a 'bhë, 'n -Lagɔ jio-o ma'a dʋdʋ -ʋʋ -gömö a glɩ-ɛ 'mö-ö la'a -sɩka'a -la. 5-Bhaa do'o, -Lagɔ 'nɩɔ-ɔ la -bhla 'mʋ dʋdʋ la'aa -gömö -piti 'nyɛ, ɔ'ɔ la kplee sɛzʋdee 'bhë -ka. Ɔ'ɔ -bhla 'guo 'bhë -ka 'n ʋ ji-e -bha ɔ de gba naa, ʋ jio zʋma 'mʋ dʋdʋ 'ye 'nyɛ, ɔ -yɛ tlɩ ʋ jiʋ 'yɛ ɔ 'gwiee 'gwie 'ye 'nyɛ. 6Sa'a -Lagɔ gba 'yɛ-a ɔ de naa:
Ablaamö, laga -gömö -na 'gwiee 'gwie
ji-a tʋ-ʋ kwla'a möö, wa 'kʋa göngwa 'wʋ zʋa,
wa 'kʋa -ma 'ylʋböö gwlɩ -ngbï -ngbïë
'dwi -mʋna 'mö 'zwɩ zianɩ.
7-Ma ɩ 'mö, dʋdʋ -ʋʋ -gömöö nɩkpa
jua-a -sɩbha göngwa 'wʋ zʋaa,
-amö -Lagɔɔ 'bhë jua-a -zijle tunʋɔ.
'Bhë wa 'yɛ-a -ma dʋdʋ la'a -gömö 'bhö-ö,
-mʋ n jua-a 'nyɛɛ
-gömö wa ka'a -ma bʋbɔnʋ.
8'Bhë 'n -Lagɔ ji-e -bha ʋ -yɛ Ablaamö 'sɔɔ nyɩdɩ -ghöbhanɔ -la. 'Mʋ -ghöbhanɔ la'aa 'mö, -Lagɔ nɛ wa -dɩ wa nyɩbhɛlɩgwie 'bhuoo zɔmö 'wʋ. Ɩ yɛ Ablaamö gwalɩ-a Izakö 'n ɔ ji-a 'ylɩ -ngbɔta zlɩ 'mö ɔ zɔmö 'wʋ -dɩ. Izakö gwalɩ-a Zakɔpö 'n ɔ ji-a ɔ zɔmö 'wʋ -dɩ. Zakɔpö gwalɩ 'yɛ-a -nɩ ɔ nyɩbhɛlɩgwie kugbïa sɔ -wa -yɛ-a -aa -tɩbhatɩbhangwa, 'n ɔ ji-a wa zɔmö 'wʋ -dɩ.
9-Aa -tɩbhatɩbhangwa la'a -sɩbha, wa -dagu Zozɛföö nglʋnyinye wa pla -bha, 'n wa jio-a 'pɛlʋ 'pa. 'N -wa pɩɔ-a jio-o -ma Ezipötɩɛ dʋdʋ -gömö kwa, ɔ 'yɛ gïyi zʋɔ yɛ. 10-Lagɔ -wʋɔ -gömö 'n ʋ jio-a yʋlɔyʋlʋɛ 'bhuo 'mö -sa, 'n ʋ jio-a gbɩjinɔ 'nyɛ, ɩ yɛ 'n ɔ ji-a Ezipötɩɛ dʋdʋnyininyɔ 'kadɔ 'mʋna 'wʋ bhïmanɩ, 'n -mɔ la'a jio-a Ezipötɩɛ dʋdʋ -yɛ ɔ 'ligbëli 'bhuo 'sɔɔ nyininyɔ 'kadɔ 'wʋ zʋa. 11-Ma Ezipötɩɛ dʋdʋ -yɛ Kanaa dʋdʋ 'sɔɔ -gömö 'n ngɔmʋ ji-e -ma ji. -Aa -tɩbhatɩbhangwa 'nɩ la-a 'mö lili -ka, 'n wa -wʋ-a yʋlɔ 'le tenyi. 12Zakɔpö 'nʋ-ɔ naa lili-e -ma Ezipötɩ-ɛ, 'n ɔ ji-e -ma ɔ 'gwie tia, wa 'yɛ lili pɩa-a yɛ. Wa 'plɩnɩ -ma 'wʋ -bhlʋ. 13Wa mö-ö -ma 'sɔdo'o, 'n Zozɛfö ji-a ɔjɩ ɔ -dagwie -slʋnʋ 'n wa jio-a jɩblɩnɩ. -Bha dʋdʋnyininyɔ 'kadɔ jɩblɩnɩ-a Zozɛföö -kosu. 14'N Zozɛfö ji-a ɔ -dagwie tia naa, wa mö ɔ -tɩbha Zakɔpö -yɛ ɔ -kosu 'jie nɩkpa 'bhuo 'sɔ ye, wa 'bhuo nyini nɩkpaa gwlɩ ta nɩkpa kugbïa -ngbï. 15-Sɩbha ɩ 'plɩ-a, 'n Zakɔpö ji-e -ma Ezipötɩɛ dʋdʋ -gömö sɛ -glɩ kwla'a mö, -ma ɔ tlɩnɩ -bha. Ɔ gwie -wa -yɛ-a -aa -tɩbhatɩbhangwa, -ma wa tlɩnɩ-a 'gamö. 16Wa 'bhuoo dʋdʋ -gömöö -glɔ wa la-a Sisɛmö, lesikpa wa -tɩbha Ablaamö pɩa la-a -bha nɩkpɛ -bhlʋ wa la-a Emɔlɩɛ 'gwie cɛ'ɛ, -ma wa zʋʋa -bha.
17La -Lagɔ nʋ la-a ʋ ji Ablaamö 'gwiee 'gwiee -bɛ 'nyɛnɩ -bha -wʋ-ɔ 'mö-a nyini 'lee yɛ, -ma Ezipötɩɛ dʋdʋ -gömö 'n -aa -lowlengwa ji-e -ma zumanɩ tenyi. 18Wa-a -sɩbha zumanɩ 'le, 'n nɩkpɛ -lile -ɔ 'nɩ-a Zozɛfö yɩlɩ ji-a Ezipötɩɛ dʋdʋnyininyɔ zʋ. 19'Mɔ dʋdʋnyininyɔ la'a, -dabhli ɔ ka la -bha. 'N ɔ ji-a -aa -lowlengwa 'zwɩ zia. Wa 'gwiegbëëpï 'yɛ tlɩɛ yɛ, 'n ɔ nyʋa-a -glaswɩ'ɩ 'dɩ naa wa 'pʋa 'kwla. 20-Bha wa gwalɩnɩ-a Moyizɩ. 'Jinanɩgu la -bha, 'n ɔ -bhï-a -Lagɔ 'mʋna 'wʋ. Wa 'nyɛnɩɔ -ma ɔ -tɩbhaa 'ligbë'ë 'cʋɩ ta 'mö nyɩtɩ, 21'bhë 'n wa jio-a 'kwla 'pa. Dʋdʋnyininyɔɔ nglugu 'libhïo-a, 'n ɔ jio-a ɔ 'bhëë 'mlɩgwalɩguo swɩ'ɩ 'ghlimanɩ. 22'N Moyizɩ ji-a Ezipötɩɛ nɩkpaa nɔnʋli 'bhuo 'kpɩa, 'n ɔ -yɛ-a ngli, 'n ɔ nʋnʋli 'wɔlʋ-a 'wʋ.
23Ɔ ghlɩ-a 'ylʋböö gwlɩ 'sɔ, 'n ɔ dlɩ ji-e -bha ɔ 'bhɩa Izlayɛlɩɛ 'gwiee de bhlinɩ, 'n ɔ jua-a yɩlɩ kwla'a mö. 24Ɔ nyini-e -ma, Ezipötiyi -bhlʋ-ɔ ɔ 'bhiyi 'zwɩ zia 'le 'n ɔ jio-a yɩlɩ, ɔ plɔ-a nimï 'n ɔ ji-a ɔ kpa -sa, 'n ɔ ji-a Ezipötiyi la'a 'lɩbha 'n ɔ ji-a tlɩ. 25Ɔ -yɛ la dlɩ 'pa ɔ -tɔnʋ sɛ ɔ 'bhɩa ji la jɩblɩnɩɛ naa, -Lagɔ tio -bha ɔ 'kʋa gïyikwla 'mö -saa yɛ. 'Bhë wa 'nɩɩ-ɩ 'mö 'nʋ. 26-Bhaa zlɩ zɩ-a, ɔ mö-ö -ma wa gla'a nimï, wa gla'aa -mʋmʋaa 'nyize-e gwɩ 'le. Ɔ -sanʋa-a 'bhë, 'n ɔ jua-a 'dɩ 'mö zʋ naa: -Dagwie a glɩnɩ -bha, 'manɩɛ yɛ a 'yɛ 'mö-a 'zwɩ ziazianɩ 'nɩ? 27Moyizɩ gba-a -sɩbha, 'n -ɔ -wʋ la-a ɔjɩɛ 'bhiyi 'zwɩ zia 'le jio-a yʋlʋ yawʋ 'panɩ. Ɔ nɛ -bha ɔ de: A'a -mɔ -zʋmö-a -aa nyininyɔ -yɛ -aa -zijlitunyɔ 'sɔ 'wʋ 'nɩ? 28Bhlɩ'ɩ sa -n 'lɩbha la-a -legbli'i Ezipötiyi -n ka'a -sɩbha 'lɩbhaa yɛ-a? 29Nɩkpɛ gba-a sa'a, 'n Moyizɩ ji-e -bha -gaganɩlɩ'ɩ fito, dʋdʋ wa la-a Madia 'n ɔ ji-e -ma tʋ-ʋ kwla'a mö. -Ma ɔ gwalɩnɩ-a nyɩbhɛlɩgwie 'sɔ.
30-Bhaa 'ylʋböö gwlɩ 'sɔ 'plɩ-a, 'n -Lagɔzuzuko -bhlʋ jio-a 'wʋ ghlanɩ -ma 'mïsekpa 'klʋ, -ma Sinayie -gɔgɔgbʋ 'klʋ, -ma 'gbagbako -a -wʋ-a si 'lee 'dalɩ 'mö. 31Moyizɩ yɩlɩɩ-a, ngli-i mönɔ-a tenyi. Ɔ-ɔ -bha nyini 'le ɔ 'kɩ sɛɛ sɛ yɩlɩ, 'n Nyininyɔ -Lagɔ ji-a gbʋ -dɩ. Ʋ nɛ:
32-Na -tɩbhatɩbhangwa Ablaamö,
Izakö -yɛ Zakɔpö 'sɔɔ -Lagɔ n glɩnɩ -bha.
Moyizɩ-ɛ yawʋ tɛlɩ 'le,
'klʋ ɔ 'sakanɩ-ɛ -bha yawʋ,
ɔ 'yɛ -bha pöplanɩ, nganɔ 'wʋ ɩ -bhïo la -bha.
33Nyininyɔ nɛ -bha ɔ de:
-Sa -na -gbabʋa bhʋ'ʋ,
dʋdʋkpata -aa -gömö -n 'nɩgbö-ö -la 'wlawla a -wʋ -bha.
34Sa ngëyi n -sa-a -bhaa 'möö nɩkpa 'zwɩ -wʋʋa-a zi 'le,
'mɩ n yɩlɩ -bha,
'n n ji 'yɛ-a wa klukluwɛlɩ 'nʋ,
wʋ yɛ n ji -bha n 'kʋa yʋlɔyʋlʋɛ 'mö -sa.
Ɩ yɛ, ji n -kamö -ma Ezipötɩ tia.
35Moyizɩ la'a -ɔ wa 'sunʋ la-a -ma, 'n wa ji-a nʋ naa: -Mɔ -zʋmö-a -aa nyininyɔ -yɛ -aa -zijlitunyɔ 'sɔ 'wʋ nʋ-ɔ, 'mɔ -Lagɔzuzuko ghlanɩ-ɛ -ma 'gbagbako 'mö 'wʋ, 'n -Lagɔ jio-a wa nyininyɔ -yɛ wa gïyikwlaa 'mösanyɔ 'sɔ 'wʋ zʋa. 36Mɔ-ɔ -sʋa-a -ma Ezipötɩɛ dʋdʋ -gömö, 'n ɔ ji-e -ma bhatɩ -yɛ zɩzɛli 'sɔ nʋnʋ, 'n ɔ -nyʋa ji-a gïnyi 'mö -dɩ, 'n wa ji-e -ma 'mïsekpa 'klʋ ghlanɩ, -ma wa -sa-a namönamölɩ'ɩ 'ylʋböö gwlɩ 'sɔ. 37'Mɔ Moyizɩ la'a, mɔ-ɔ gba-a -bha Izlayɛlɩɛ nɩkpaa de naa: Na swɩ'ɩɛ -Lagɔɔ 'mögbanɩnyɔ -Lagɔɔ 'bhë ji-e -bha 'ylɩ -bhlʋ a 'gbamö -saa. 38La Izlayɛlɩɛ nɩkpa 'titanɩ-ɛ -ma 'mïsekpa 'klʋ 'wlu, 'mɔ Moyizɩ, 'mɔ -Lagɔzuzuko 'nyɛ-ɛ -ma Sinayie -gɔgɔgbʋ 'klʋ 'pʋpʋwɛlɩ 'ye, 'n ɔ jiɩ-a -aa -lowlengwa 'nyɛ, 'n wa -jiya 'yɛ-a -nɩ 'nyɛ. 39'Bhë -aa -lowlengwa 'nɩ-ɛ Moyizɩɛ -bhazʋgbʋ nglu, 'n wa jio-o -ma 'sunʋ, 'n wa dlɩa ji-a 'mö 'bhɩlɔ wa 'yɛ -ma Ezipötɩ nimï möö yɛ. 40Wa nɛ -bha ɔ -dagu Aghlɔɔ de naa:
-Nʋya -lagɔ -ʋ -kaya-a 'yu -ganɩ 'wʋ nɛ.
-Wʋʋ yɛ-a, Moyizɩ la'a -ɔ -saya la-a -ma Ezipötɩ,
-mɩ ghlɩɔ -a 'nɩɩ -ji.
41-Bhaa zlɩa la'a 'mö, 'n wa ji-a lɔlʋbhiligbɔta bhla, 'ma wa la-a wa -lagɔ, 'n wa jia-a bʋbɔ, -lagɔ la'a wa 'bhï nʋ-a nɛɛ yɛ 'n wa ji-a 'mʋna li. 42Wa nʋ-ɔ -sɩbha 'n -Lagɔ jua-a -gömö panɩ, 'n ʋ jua-a 'ji 'tati 'n wa ji-a -zɛlɩɛ bʋbɔngwa zʋ. Ɩ yɛ ɩ 'cɛlɩɔ-ɔ -ma -Lagɔɔ 'mögbanɩngwaa -Lagɔbɔgʋɩ 'mö naa:
-Lagɔ nɛ: Abha Izlayɛlɩɛ nɩkpa,
'ylʋböö gwlɩ 'sɔ a -sa-a -ma 'mïsekpa 'klʋ,
a nɩ'ɩ-ɛ nɩma bʋbɔnʋ,
43-lagɔ -ʋ wa la-a Molosɩ,
ʋ -pëpë a 'pa-a 'ma a -su -bha,
-lagɔ wa la 'yɛ-a Ghlafa ʋ -zɛlɩjeyi a 'tɛnɩ-a dlɩ.
'Mɩ -lagwɩ la'a, 'mɩ a tɛlɩ-a a 'kɩ bʋbɔɔ yɛ.
Ɩ yɛ -ma Babilɔnɩɛ dʋdʋ nimï n jiya-a gïyikwla 'mö kwaa.
44La -aa -lowlengwa namö la-a -ma 'mïsekpa 'klʋ -Lagɔkati -bhlʋ -ɛ tulua-a naa, -Lagɔɔ 'bhë-ë -ma wa nyɩdɩ 'mɛ wa -su la -bha, -Lagɔɔ 'bhë mʋ-ʋ tuluanɩɛ-a Moyizɩ 'ji naa: Ɔ 'sɩbha -ɛ ɔ yɩlɩ-aa swɩ'ɩɛ -leyi. 45Tɛnɩ laa do'o Zozwie -ganɩ-a Izlayɛlɩɛ -zakpa 'yu 'n -Lagɔ ji-a wa yɛ kabödʋdʋɩ -gömöö nɩkpa kpëti-e, -aa -lowlengwa -su 'mɛ -kati la'a, la Davidɩ zʋnʋ-a Izlayɛlɩɛ dʋdʋnyininyɔ 'n -bha ji-a nyini. 46'Mɔ -Lagɔ 'pa-a 'nyupalɩ, 'n ɔ ji-e -bha ʋ de gba naa, ɔ 'jɩbha ɔ 'yɛ Zakɔpöö -Lagɔɔ -budu 'sɩbha. 47Davidɩ gbɩ-ɛ 'sɩbha 'bhë, ɔ 'gu Salomɔ-ɔ 'sɩbhʋ -bha. 48-Ma ɩ 'mö, -budi 'pɩnɩkpa 'sɩbha-a, -Lagɔ -ʋ -wʋ-ɔ -ma -Lagɔtapɛ'ɛ 'nɩ glɩɩ 'mö yɛ, ɩ yɛ -Lagɔɔ 'mögbanɩnyɔ gba-a naa:
49-Aa Nyininyɔ -Lagɔ nɛ naa:
-Lagɔtapɛ'ɛ-ɛ -yɛ-a na sɛglɩde,
'n dʋdʋkpata glɩnɩ-a na kplie sɛzʋde.
-Buduo -mʋ a ji'i-a 'wʋ 'sɩbhaa
-ʋ ji-e na nyɛpɛnɩde glɩnɩɛ 'nɩ?
50-Amö-ö 'nɩ-ɛ bhe -li 'bhuo nɛ nʋ 'nɩ-ɩ?
51'Wuë! 'Wluo mötɛnɩngwayi, a dlɩa 'nɩ nglu -Lagɔɔ wɛlɩɛ 'mönʋgbʋ. Zuzu 'Wlawlaa de a 'tamanɩ-a 'yukwli 'mö 'kɔmʋʋ, sa a -lowlengwa -wʋ la-a, -sɩbha a -wʋ -bha. 52-Lagɔɔ 'mögbanɩngwa gla'aa nɩkpɛ -mɔɔ 'bhë a -lowlengwa 'nɩ-a 'zwɩ zia 'nɩ? Mʋa-a 'lɩbha-a nɩkpa -wa gba la-a -ɔɔ nʋnʋli slɛnɩ-a 'möö jijigbʋ, 'mɔ a 'pa 'yɛ-a la'a -nɩ 'pɛlʋ, 'n a ji-a ɔ 'lɩbhalɩbhangwa zʋ. 53Abha -Lagɔzuzuku 'nyɛ-a -Lagɔɔ gbö 'bhë a 'nɩɩ-ɛ -bha zʋ.”
Wa yɛ Etiɛnɩ 'lɩbha
54Wa 'nʋ-a wɛlɩ la'a, 'n wa dlɩa ji-a 'plu. Wa-a la'a Etiɛnɩɛ yɛ yʋlʋswɩ'ɩ gla 'mö li 'le. 55Etiɛnɩɛ -nɩ-ɛ, Zuzu 'Wlawla yeo-a dlɩ zɔmö, ɔ yɩlɩ-a ghayɩ, 'n ɔ ji-a -Lagɔɔ 'ghlinɔ yɩlɩ, Zezwi 'nɩgbö -bha -Lagɔɔ linɩkpɛsɔ pɩa 'bɩ. 56Ɔ nɛ: “A yie, n jɩnɩ -Lagɔtapɛɛ ngowalɩlɩ 'wʋ, n jɩnɩ 'yɛ Nɩkpɛɛ 'Gu 'wʋ, ɔ 'nɩgbö -bha -Lagɔɔ linɩkpɛsɔ pɩa 'bɩ.” 57Ɔ gba-a -sɩbha bhleemö, wa nyla-a, wa 'su-a 'yukwlie 'wʋ, 'n wa 'bhuo jio-a -gömö 'suluo. 58Wa -wʋɔ sɛ tutlunʋ 'le, 'n wa -nyɔɔ ji-a 'gbë 'mö 'wlʋ, 'n wa jio-a tɩkpaku 'mö 'lɩbha. -Wa yɩlɩ-ɛ -bha, nyɩgbɔta -bhlʋ wa la-a Sɔlʋ, -bha ɔ dlɩ'ɩ wa zʋ-a wa -banɩ yɛ. 59Wa -wʋ-a Etiɛnɩ tɩkpaku 'mö 'lɩbha 'le, ɔ-ɔ -Lagɔ -bɛlɩ 'pa 'le, ɔ nɛ: “Nyininyɔ Zezwi, 'libhï na zuzu 'wʋ.” 60Ɔ 'pa-a -sɩbha -bɛlɩ 'bhë, ɔ 'pa-a -kokomunigbö glu, 'n ɔ ji-a 'mö 'kpö, ɔ nɛ: “Nyininyɔ -Lagɔ, -n 'na-a -lʋa 'jinyloli la'aa gbʋ -gömö -nɩ.” Ɔ gba-a wɛlɩ la'a, 'n ɔ ji-a nyɔmʋ sɛ zʋ.
Currently Selected:
NƲNƲLI 7: BNT96
Highlight
Copy
Compare
Share
Want to have your highlights saved across all your devices? Sign up or sign in
Bete New Testament © Bible Society of Côte d'Ivoire 1996
NƲNƲLI 7
7
Etiɛnɩɛ 'mösanɩwɛlɩ
1-Lagɔbʋbɔnyɔ 'kadɔ nɛ -bha ɔ de: “-Sɩbha ɩ 'plɩ-a 'dɛdɛ'ɛɛ?” 2Etiɛnɩ nɛ: “-Atʋngwayi, -dagwieyi, a pönɩ 'yukwli. 'Nglɩmö -Lagɔ ghlanɩ-a -aa -tɩbhatɩbha Ablaamö 'wʋ, -bhaa do'o ɔ-ɔ la -bhla -ma Mezopotamie dʋdʋ -gömö, ɔ'ɔ la -bhla -ma Kalaa sɛ -glɩɛ mö. Ʋ nɛ -bha ɔ de naa: 3-Sɔ 'wʋ, 'bhö-ö ma'a -na dʋdʋ -gömö, tɩ -bha -na -kosu 'jie nɩkpa, dʋdʋ n -jimö-a 'ji tuluanɩɛ -n 'yɛ -ma mö. 4'N ɔ ji-e -ma nɩkpa wa la-a Kalɩdee nɩkpaa dʋdʋ -gömö 'wʋ -sɔ, 'n ɔ ji-e -ma Kalaa sɛ -glɩɛ mö. -Ma ɔ -tɩbha tlɩnɩ-a 'bhë, 'n -Lagɔ jio-o ma'a dʋdʋ -ʋʋ -gömö a glɩ-ɛ 'mö-ö la'a -sɩka'a -la. 5-Bhaa do'o, -Lagɔ 'nɩɔ-ɔ la -bhla 'mʋ dʋdʋ la'aa -gömö -piti 'nyɛ, ɔ'ɔ la kplee sɛzʋdee 'bhë -ka. Ɔ'ɔ -bhla 'guo 'bhë -ka 'n ʋ ji-e -bha ɔ de gba naa, ʋ jio zʋma 'mʋ dʋdʋ 'ye 'nyɛ, ɔ -yɛ tlɩ ʋ jiʋ 'yɛ ɔ 'gwiee 'gwie 'ye 'nyɛ. 6Sa'a -Lagɔ gba 'yɛ-a ɔ de naa:
Ablaamö, laga -gömö -na 'gwiee 'gwie
ji-a tʋ-ʋ kwla'a möö, wa 'kʋa göngwa 'wʋ zʋa,
wa 'kʋa -ma 'ylʋböö gwlɩ -ngbï -ngbïë
'dwi -mʋna 'mö 'zwɩ zianɩ.
7-Ma ɩ 'mö, dʋdʋ -ʋʋ -gömöö nɩkpa
jua-a -sɩbha göngwa 'wʋ zʋaa,
-amö -Lagɔɔ 'bhë jua-a -zijle tunʋɔ.
'Bhë wa 'yɛ-a -ma dʋdʋ la'a -gömö 'bhö-ö,
-mʋ n jua-a 'nyɛɛ
-gömö wa ka'a -ma bʋbɔnʋ.
8'Bhë 'n -Lagɔ ji-e -bha ʋ -yɛ Ablaamö 'sɔɔ nyɩdɩ -ghöbhanɔ -la. 'Mʋ -ghöbhanɔ la'aa 'mö, -Lagɔ nɛ wa -dɩ wa nyɩbhɛlɩgwie 'bhuoo zɔmö 'wʋ. Ɩ yɛ Ablaamö gwalɩ-a Izakö 'n ɔ ji-a 'ylɩ -ngbɔta zlɩ 'mö ɔ zɔmö 'wʋ -dɩ. Izakö gwalɩ-a Zakɔpö 'n ɔ ji-a ɔ zɔmö 'wʋ -dɩ. Zakɔpö gwalɩ 'yɛ-a -nɩ ɔ nyɩbhɛlɩgwie kugbïa sɔ -wa -yɛ-a -aa -tɩbhatɩbhangwa, 'n ɔ ji-a wa zɔmö 'wʋ -dɩ.
9-Aa -tɩbhatɩbhangwa la'a -sɩbha, wa -dagu Zozɛföö nglʋnyinye wa pla -bha, 'n wa jio-a 'pɛlʋ 'pa. 'N -wa pɩɔ-a jio-o -ma Ezipötɩɛ dʋdʋ -gömö kwa, ɔ 'yɛ gïyi zʋɔ yɛ. 10-Lagɔ -wʋɔ -gömö 'n ʋ jio-a yʋlɔyʋlʋɛ 'bhuo 'mö -sa, 'n ʋ jio-a gbɩjinɔ 'nyɛ, ɩ yɛ 'n ɔ ji-a Ezipötɩɛ dʋdʋnyininyɔ 'kadɔ 'mʋna 'wʋ bhïmanɩ, 'n -mɔ la'a jio-a Ezipötɩɛ dʋdʋ -yɛ ɔ 'ligbëli 'bhuo 'sɔɔ nyininyɔ 'kadɔ 'wʋ zʋa. 11-Ma Ezipötɩɛ dʋdʋ -yɛ Kanaa dʋdʋ 'sɔɔ -gömö 'n ngɔmʋ ji-e -ma ji. -Aa -tɩbhatɩbhangwa 'nɩ la-a 'mö lili -ka, 'n wa -wʋ-a yʋlɔ 'le tenyi. 12Zakɔpö 'nʋ-ɔ naa lili-e -ma Ezipötɩ-ɛ, 'n ɔ ji-e -ma ɔ 'gwie tia, wa 'yɛ lili pɩa-a yɛ. Wa 'plɩnɩ -ma 'wʋ -bhlʋ. 13Wa mö-ö -ma 'sɔdo'o, 'n Zozɛfö ji-a ɔjɩ ɔ -dagwie -slʋnʋ 'n wa jio-a jɩblɩnɩ. -Bha dʋdʋnyininyɔ 'kadɔ jɩblɩnɩ-a Zozɛföö -kosu. 14'N Zozɛfö ji-a ɔ -dagwie tia naa, wa mö ɔ -tɩbha Zakɔpö -yɛ ɔ -kosu 'jie nɩkpa 'bhuo 'sɔ ye, wa 'bhuo nyini nɩkpaa gwlɩ ta nɩkpa kugbïa -ngbï. 15-Sɩbha ɩ 'plɩ-a, 'n Zakɔpö ji-e -ma Ezipötɩɛ dʋdʋ -gömö sɛ -glɩ kwla'a mö, -ma ɔ tlɩnɩ -bha. Ɔ gwie -wa -yɛ-a -aa -tɩbhatɩbhangwa, -ma wa tlɩnɩ-a 'gamö. 16Wa 'bhuoo dʋdʋ -gömöö -glɔ wa la-a Sisɛmö, lesikpa wa -tɩbha Ablaamö pɩa la-a -bha nɩkpɛ -bhlʋ wa la-a Emɔlɩɛ 'gwie cɛ'ɛ, -ma wa zʋʋa -bha.
17La -Lagɔ nʋ la-a ʋ ji Ablaamö 'gwiee 'gwiee -bɛ 'nyɛnɩ -bha -wʋ-ɔ 'mö-a nyini 'lee yɛ, -ma Ezipötɩɛ dʋdʋ -gömö 'n -aa -lowlengwa ji-e -ma zumanɩ tenyi. 18Wa-a -sɩbha zumanɩ 'le, 'n nɩkpɛ -lile -ɔ 'nɩ-a Zozɛfö yɩlɩ ji-a Ezipötɩɛ dʋdʋnyininyɔ zʋ. 19'Mɔ dʋdʋnyininyɔ la'a, -dabhli ɔ ka la -bha. 'N ɔ ji-a -aa -lowlengwa 'zwɩ zia. Wa 'gwiegbëëpï 'yɛ tlɩɛ yɛ, 'n ɔ nyʋa-a -glaswɩ'ɩ 'dɩ naa wa 'pʋa 'kwla. 20-Bha wa gwalɩnɩ-a Moyizɩ. 'Jinanɩgu la -bha, 'n ɔ -bhï-a -Lagɔ 'mʋna 'wʋ. Wa 'nyɛnɩɔ -ma ɔ -tɩbhaa 'ligbë'ë 'cʋɩ ta 'mö nyɩtɩ, 21'bhë 'n wa jio-a 'kwla 'pa. Dʋdʋnyininyɔɔ nglugu 'libhïo-a, 'n ɔ jio-a ɔ 'bhëë 'mlɩgwalɩguo swɩ'ɩ 'ghlimanɩ. 22'N Moyizɩ ji-a Ezipötɩɛ nɩkpaa nɔnʋli 'bhuo 'kpɩa, 'n ɔ -yɛ-a ngli, 'n ɔ nʋnʋli 'wɔlʋ-a 'wʋ.
23Ɔ ghlɩ-a 'ylʋböö gwlɩ 'sɔ, 'n ɔ dlɩ ji-e -bha ɔ 'bhɩa Izlayɛlɩɛ 'gwiee de bhlinɩ, 'n ɔ jua-a yɩlɩ kwla'a mö. 24Ɔ nyini-e -ma, Ezipötiyi -bhlʋ-ɔ ɔ 'bhiyi 'zwɩ zia 'le 'n ɔ jio-a yɩlɩ, ɔ plɔ-a nimï 'n ɔ ji-a ɔ kpa -sa, 'n ɔ ji-a Ezipötiyi la'a 'lɩbha 'n ɔ ji-a tlɩ. 25Ɔ -yɛ la dlɩ 'pa ɔ -tɔnʋ sɛ ɔ 'bhɩa ji la jɩblɩnɩɛ naa, -Lagɔ tio -bha ɔ 'kʋa gïyikwla 'mö -saa yɛ. 'Bhë wa 'nɩɩ-ɩ 'mö 'nʋ. 26-Bhaa zlɩ zɩ-a, ɔ mö-ö -ma wa gla'a nimï, wa gla'aa -mʋmʋaa 'nyize-e gwɩ 'le. Ɔ -sanʋa-a 'bhë, 'n ɔ jua-a 'dɩ 'mö zʋ naa: -Dagwie a glɩnɩ -bha, 'manɩɛ yɛ a 'yɛ 'mö-a 'zwɩ ziazianɩ 'nɩ? 27Moyizɩ gba-a -sɩbha, 'n -ɔ -wʋ la-a ɔjɩɛ 'bhiyi 'zwɩ zia 'le jio-a yʋlʋ yawʋ 'panɩ. Ɔ nɛ -bha ɔ de: A'a -mɔ -zʋmö-a -aa nyininyɔ -yɛ -aa -zijlitunyɔ 'sɔ 'wʋ 'nɩ? 28Bhlɩ'ɩ sa -n 'lɩbha la-a -legbli'i Ezipötiyi -n ka'a -sɩbha 'lɩbhaa yɛ-a? 29Nɩkpɛ gba-a sa'a, 'n Moyizɩ ji-e -bha -gaganɩlɩ'ɩ fito, dʋdʋ wa la-a Madia 'n ɔ ji-e -ma tʋ-ʋ kwla'a mö. -Ma ɔ gwalɩnɩ-a nyɩbhɛlɩgwie 'sɔ.
30-Bhaa 'ylʋböö gwlɩ 'sɔ 'plɩ-a, 'n -Lagɔzuzuko -bhlʋ jio-a 'wʋ ghlanɩ -ma 'mïsekpa 'klʋ, -ma Sinayie -gɔgɔgbʋ 'klʋ, -ma 'gbagbako -a -wʋ-a si 'lee 'dalɩ 'mö. 31Moyizɩ yɩlɩɩ-a, ngli-i mönɔ-a tenyi. Ɔ-ɔ -bha nyini 'le ɔ 'kɩ sɛɛ sɛ yɩlɩ, 'n Nyininyɔ -Lagɔ ji-a gbʋ -dɩ. Ʋ nɛ:
32-Na -tɩbhatɩbhangwa Ablaamö,
Izakö -yɛ Zakɔpö 'sɔɔ -Lagɔ n glɩnɩ -bha.
Moyizɩ-ɛ yawʋ tɛlɩ 'le,
'klʋ ɔ 'sakanɩ-ɛ -bha yawʋ,
ɔ 'yɛ -bha pöplanɩ, nganɔ 'wʋ ɩ -bhïo la -bha.
33Nyininyɔ nɛ -bha ɔ de:
-Sa -na -gbabʋa bhʋ'ʋ,
dʋdʋkpata -aa -gömö -n 'nɩgbö-ö -la 'wlawla a -wʋ -bha.
34Sa ngëyi n -sa-a -bhaa 'möö nɩkpa 'zwɩ -wʋʋa-a zi 'le,
'mɩ n yɩlɩ -bha,
'n n ji 'yɛ-a wa klukluwɛlɩ 'nʋ,
wʋ yɛ n ji -bha n 'kʋa yʋlɔyʋlʋɛ 'mö -sa.
Ɩ yɛ, ji n -kamö -ma Ezipötɩ tia.
35Moyizɩ la'a -ɔ wa 'sunʋ la-a -ma, 'n wa ji-a nʋ naa: -Mɔ -zʋmö-a -aa nyininyɔ -yɛ -aa -zijlitunyɔ 'sɔ 'wʋ nʋ-ɔ, 'mɔ -Lagɔzuzuko ghlanɩ-ɛ -ma 'gbagbako 'mö 'wʋ, 'n -Lagɔ jio-a wa nyininyɔ -yɛ wa gïyikwlaa 'mösanyɔ 'sɔ 'wʋ zʋa. 36Mɔ-ɔ -sʋa-a -ma Ezipötɩɛ dʋdʋ -gömö, 'n ɔ ji-e -ma bhatɩ -yɛ zɩzɛli 'sɔ nʋnʋ, 'n ɔ -nyʋa ji-a gïnyi 'mö -dɩ, 'n wa ji-e -ma 'mïsekpa 'klʋ ghlanɩ, -ma wa -sa-a namönamölɩ'ɩ 'ylʋböö gwlɩ 'sɔ. 37'Mɔ Moyizɩ la'a, mɔ-ɔ gba-a -bha Izlayɛlɩɛ nɩkpaa de naa: Na swɩ'ɩɛ -Lagɔɔ 'mögbanɩnyɔ -Lagɔɔ 'bhë ji-e -bha 'ylɩ -bhlʋ a 'gbamö -saa. 38La Izlayɛlɩɛ nɩkpa 'titanɩ-ɛ -ma 'mïsekpa 'klʋ 'wlu, 'mɔ Moyizɩ, 'mɔ -Lagɔzuzuko 'nyɛ-ɛ -ma Sinayie -gɔgɔgbʋ 'klʋ 'pʋpʋwɛlɩ 'ye, 'n ɔ jiɩ-a -aa -lowlengwa 'nyɛ, 'n wa -jiya 'yɛ-a -nɩ 'nyɛ. 39'Bhë -aa -lowlengwa 'nɩ-ɛ Moyizɩɛ -bhazʋgbʋ nglu, 'n wa jio-o -ma 'sunʋ, 'n wa dlɩa ji-a 'mö 'bhɩlɔ wa 'yɛ -ma Ezipötɩ nimï möö yɛ. 40Wa nɛ -bha ɔ -dagu Aghlɔɔ de naa:
-Nʋya -lagɔ -ʋ -kaya-a 'yu -ganɩ 'wʋ nɛ.
-Wʋʋ yɛ-a, Moyizɩ la'a -ɔ -saya la-a -ma Ezipötɩ,
-mɩ ghlɩɔ -a 'nɩɩ -ji.
41-Bhaa zlɩa la'a 'mö, 'n wa ji-a lɔlʋbhiligbɔta bhla, 'ma wa la-a wa -lagɔ, 'n wa jia-a bʋbɔ, -lagɔ la'a wa 'bhï nʋ-a nɛɛ yɛ 'n wa ji-a 'mʋna li. 42Wa nʋ-ɔ -sɩbha 'n -Lagɔ jua-a -gömö panɩ, 'n ʋ jua-a 'ji 'tati 'n wa ji-a -zɛlɩɛ bʋbɔngwa zʋ. Ɩ yɛ ɩ 'cɛlɩɔ-ɔ -ma -Lagɔɔ 'mögbanɩngwaa -Lagɔbɔgʋɩ 'mö naa:
-Lagɔ nɛ: Abha Izlayɛlɩɛ nɩkpa,
'ylʋböö gwlɩ 'sɔ a -sa-a -ma 'mïsekpa 'klʋ,
a nɩ'ɩ-ɛ nɩma bʋbɔnʋ,
43-lagɔ -ʋ wa la-a Molosɩ,
ʋ -pëpë a 'pa-a 'ma a -su -bha,
-lagɔ wa la 'yɛ-a Ghlafa ʋ -zɛlɩjeyi a 'tɛnɩ-a dlɩ.
'Mɩ -lagwɩ la'a, 'mɩ a tɛlɩ-a a 'kɩ bʋbɔɔ yɛ.
Ɩ yɛ -ma Babilɔnɩɛ dʋdʋ nimï n jiya-a gïyikwla 'mö kwaa.
44La -aa -lowlengwa namö la-a -ma 'mïsekpa 'klʋ -Lagɔkati -bhlʋ -ɛ tulua-a naa, -Lagɔɔ 'bhë-ë -ma wa nyɩdɩ 'mɛ wa -su la -bha, -Lagɔɔ 'bhë mʋ-ʋ tuluanɩɛ-a Moyizɩ 'ji naa: Ɔ 'sɩbha -ɛ ɔ yɩlɩ-aa swɩ'ɩɛ -leyi. 45Tɛnɩ laa do'o Zozwie -ganɩ-a Izlayɛlɩɛ -zakpa 'yu 'n -Lagɔ ji-a wa yɛ kabödʋdʋɩ -gömöö nɩkpa kpëti-e, -aa -lowlengwa -su 'mɛ -kati la'a, la Davidɩ zʋnʋ-a Izlayɛlɩɛ dʋdʋnyininyɔ 'n -bha ji-a nyini. 46'Mɔ -Lagɔ 'pa-a 'nyupalɩ, 'n ɔ ji-e -bha ʋ de gba naa, ɔ 'jɩbha ɔ 'yɛ Zakɔpöö -Lagɔɔ -budu 'sɩbha. 47Davidɩ gbɩ-ɛ 'sɩbha 'bhë, ɔ 'gu Salomɔ-ɔ 'sɩbhʋ -bha. 48-Ma ɩ 'mö, -budi 'pɩnɩkpa 'sɩbha-a, -Lagɔ -ʋ -wʋ-ɔ -ma -Lagɔtapɛ'ɛ 'nɩ glɩɩ 'mö yɛ, ɩ yɛ -Lagɔɔ 'mögbanɩnyɔ gba-a naa:
49-Aa Nyininyɔ -Lagɔ nɛ naa:
-Lagɔtapɛ'ɛ-ɛ -yɛ-a na sɛglɩde,
'n dʋdʋkpata glɩnɩ-a na kplie sɛzʋde.
-Buduo -mʋ a ji'i-a 'wʋ 'sɩbhaa
-ʋ ji-e na nyɛpɛnɩde glɩnɩɛ 'nɩ?
50-Amö-ö 'nɩ-ɛ bhe -li 'bhuo nɛ nʋ 'nɩ-ɩ?
51'Wuë! 'Wluo mötɛnɩngwayi, a dlɩa 'nɩ nglu -Lagɔɔ wɛlɩɛ 'mönʋgbʋ. Zuzu 'Wlawlaa de a 'tamanɩ-a 'yukwli 'mö 'kɔmʋʋ, sa a -lowlengwa -wʋ la-a, -sɩbha a -wʋ -bha. 52-Lagɔɔ 'mögbanɩngwa gla'aa nɩkpɛ -mɔɔ 'bhë a -lowlengwa 'nɩ-a 'zwɩ zia 'nɩ? Mʋa-a 'lɩbha-a nɩkpa -wa gba la-a -ɔɔ nʋnʋli slɛnɩ-a 'möö jijigbʋ, 'mɔ a 'pa 'yɛ-a la'a -nɩ 'pɛlʋ, 'n a ji-a ɔ 'lɩbhalɩbhangwa zʋ. 53Abha -Lagɔzuzuku 'nyɛ-a -Lagɔɔ gbö 'bhë a 'nɩɩ-ɛ -bha zʋ.”
Wa yɛ Etiɛnɩ 'lɩbha
54Wa 'nʋ-a wɛlɩ la'a, 'n wa dlɩa ji-a 'plu. Wa-a la'a Etiɛnɩɛ yɛ yʋlʋswɩ'ɩ gla 'mö li 'le. 55Etiɛnɩɛ -nɩ-ɛ, Zuzu 'Wlawla yeo-a dlɩ zɔmö, ɔ yɩlɩ-a ghayɩ, 'n ɔ ji-a -Lagɔɔ 'ghlinɔ yɩlɩ, Zezwi 'nɩgbö -bha -Lagɔɔ linɩkpɛsɔ pɩa 'bɩ. 56Ɔ nɛ: “A yie, n jɩnɩ -Lagɔtapɛɛ ngowalɩlɩ 'wʋ, n jɩnɩ 'yɛ Nɩkpɛɛ 'Gu 'wʋ, ɔ 'nɩgbö -bha -Lagɔɔ linɩkpɛsɔ pɩa 'bɩ.” 57Ɔ gba-a -sɩbha bhleemö, wa nyla-a, wa 'su-a 'yukwlie 'wʋ, 'n wa 'bhuo jio-a -gömö 'suluo. 58Wa -wʋɔ sɛ tutlunʋ 'le, 'n wa -nyɔɔ ji-a 'gbë 'mö 'wlʋ, 'n wa jio-a tɩkpaku 'mö 'lɩbha. -Wa yɩlɩ-ɛ -bha, nyɩgbɔta -bhlʋ wa la-a Sɔlʋ, -bha ɔ dlɩ'ɩ wa zʋ-a wa -banɩ yɛ. 59Wa -wʋ-a Etiɛnɩ tɩkpaku 'mö 'lɩbha 'le, ɔ-ɔ -Lagɔ -bɛlɩ 'pa 'le, ɔ nɛ: “Nyininyɔ Zezwi, 'libhï na zuzu 'wʋ.” 60Ɔ 'pa-a -sɩbha -bɛlɩ 'bhë, ɔ 'pa-a -kokomunigbö glu, 'n ɔ ji-a 'mö 'kpö, ɔ nɛ: “Nyininyɔ -Lagɔ, -n 'na-a -lʋa 'jinyloli la'aa gbʋ -gömö -nɩ.” Ɔ gba-a wɛlɩ la'a, 'n ɔ ji-a nyɔmʋ sɛ zʋ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bete New Testament © Bible Society of Côte d'Ivoire 1996