NƲNƲLI 8
8
Sɔlʋ yɛ Zezwie -lʋaa -Zakpa 'zwɩ zia
1Etiɛnɩɛ 'lɩbhalɩbhagbʋ nanɩ la Sɔlʋ dlɩ yawʋ. 'Mɛ zlɩ la'a 'mö, -ma Zelwizalɛmö, Zezwie -lʋaa -zakpa wa zia-a 'zwɩ. Ɛ nɩ ɔ tiatiangwaa 'nyize glɩnɩ, -mʋabha 'bhuo -dɩdɩnɩ-a, -ma Zwide -yɛ Samali 'sɔɔ -gwlɩ -gömö wa -gunʋ -bha. 2Nɩkpa -wa ka-a -Lagɔɔ 'mʋna 'mlɩ, mʋa-a zʋ-a Etiɛnɩɛ -gazɛ 'n wa ji-a ɔ 'lʋgbʋ wi. 3Sɔlʋɔ -nɩ-ɛ, Zezwie -lʋaa -zakpaa 'zwɩzialibho ɔ ka la -bha. Ɔ -yɛ -ma 'ligbï'ï pla, ɔ -yɛ -ma 'ngwlɩ -yɛ nyɩbhɛlɩ 'sɔ -sa 'n ɔ pʋa-a -die 'mö. 4-Wa la'a -wa -dɩdɩnɩ-ɛ -sɩbha, -ma -gwlɩ -gwlɩ -gömö wa mö-a, 'n wa kwa-a -ma -Lagɔɔ 'tɩtɩɛ -tɩtɩ.
Filipö yɛ -ma Samali -Lagɔwɛlɩ gbanɩ
5Filipö mö-ö -ma Samalie -glɔ -bhlʋ 'wʋ, 'n ɔ ji-e -ma Puanyɔ -ɔ -Lagɔ -sa-a -bhaa wɛlɩ gbanɩ. 6Nɩkpaa -zakpöö -bɛ 'nʋ-a -bhatɩ ɔ -wʋ-a nɛ nʋ 'lee 'dɩ, 'bhë wa yɩlɩɩ-a, -ɩ ɔ -wʋ-a gba 'le 'jinanɩswɩ'ɩ wa pönɩɩ-a 'yukwli. 7-Wʋʋ yɛ-a, 'jinylozuzuku-o nyla 'le 'n ɩ ji-a nɩkpaa -bɛ -gömö 'bhö-ö, 'n 'kplakplangwa -yɛ bhɩgbökangwaa -bɛ 'sɔ ji-a 'pʋ. 8-Ma -glɔ la'a 'mö 'mʋna 'kada wa li-e -ma.
-Zliinyɔ -bhlʋ yɛ Zezwie bhatɩ yɩlɩ
9-Ma -glɔ la'a 'mö, nɩkpɛ -bhlʋ -wʋ la-a -ma, 'mɔ wa la-a Simo. Ɔjɩ ɔ 'wɔlʋmanɩ-a 'wʋ. -Wʋʋ yɛ-a, -zliinyɔ la -bha, 'n ɔ möna-a Samalie dʋdʋ -gömöö nɩkpa ngli. 10Wa 'bhuo, tɛnɩ 'kikie 'wʋ -n 'yɛ 'kadɩ 'wʋ nyini, -bha wa zʋɔ la -bha, 'n wa pönɩɔ-a 'jinanɩswɩ'ɩ 'yukwli, 'n wa nʋ-a: “Nɩkpɛ -la, -Lagɔɔ 'mötɛnɔ -ʋʋ bhë-ë 'ghli-a, 'mʋ ɔ -su -bha.” 11Ɔ kʋa la ɔ -zli nya ngli möna 'le gwlɛɛ yɛ wa pönɩɔ la-a -sɩbha 'jinanɩswɩ'ɩ 'yukwli. 12'Bhë 'tɩtɩɛ -tɩtɩ -ɩ gba-a -Lagɔɔ nyininyinipɩ -yɛ Zezwi 'Klie 'nglɩ 'sɔɔ gbʋ, Filipö -wʋɩ-ɛ 'mö-a -sa 'le-e, nyɩbhɛlɩ -yɛ 'ngwlɩ 'sɔ, ɔ wɛlɩ wa ka-a dlɩ 'wʋɔ yɛ, ji wa ji-a 'n wa jua-a badize. 13-Sɩbha Simoo 'bhë kɩ 'yɛ-a -nɩ dlɩ 'wʋ. Wa badizo-a 'bhë, ɔ'ɔ 'bhö-ö la-a 'mö Filipö 'bɩ. Bhatɩ -yɛ zɩzɛli sɔ-ɔ -wʋ-a 'plɩ 'le ɔ -kɩɩ yɩlɩ 'n ngli mönɔ -bha.
Piɛlɩ -yɛ Za 'sɔ yɛ -ma Samali mö
14Zezwie tiatiangwa 'nʋ-ɔ -ma Zelwizalɛmö naa, -ma Samalie dʋdʋ -gömö -Lagɔwɛlɩ yɛ -ma nyini 'bhë-ë, 'n wa ji-e -ma Piɛlɩ -yɛ Za 'sɔ tia. 15Wa nyini-e -ma, 'n wa ji-a Samalie nɩkpaa 'wlumö -Lagɔ -bɛlɩ 'pa, Zuzu 'Wlawla 'kʋa -gömö jie yɛ. 16-Wʋʋ yɛ-a, ʋ'ʋ la -bhla wa -kakabɛ -gömö ji, Nyininyɔ Zezwie 'nglɩ 'möö 'nyize wa badizenʋa la -bha. 17Piɛlɩ -yɛ Za 'sɔ zʋa-a cɛ -gömö, 'n Zuzu 'Wlawla jua-a -gömö ji.
Simo nɛ ɔ 'yɛ -Lagɔɔ 'gba pɩa
18Simo yɩlɩ-ɛ -bha 'wʋ naa Zezwie tiatiangwa -yɛ nɩkpa cɛ -gömö zʋ Zuzu Wlawla-a jua-a -gömö-ö, 'n ɔ jua-a mëni 'nyɛ. 19Ɔ nɛ -bha wa de naa: “A nyɛ'ɛ 'yɛ na-a gba -la, nɩkpɛ -mɔ n -yɛ cɛ -gömö zʋ, Zuzu 'Wlawla 'kɔ -gömö ji.” 20Ɔ gba-a -sɩbha, Piɛlɩ nɛ: “-N -yɛ -na mënie 'bhë 'sɔ tlɩ. -N 'pa-a dlɩ -n nɛ -Lagɔɔ 'nyɛnyɛlu mëni nya wa ghlɩnʋ-a? 21-Na dlɩ 'nɩ -bha -Lagɔ 'ji 'klʋ 'mö slɛnɩɛ yɛ, -ma -ɩ la'aa 'mö -nn -ma -lu -ka. 22Ligba, -n 'yɛ -ma -na dlɩ zɔmöö 'jinylɔköbhë -la -sa, 'bhë 'pa Nyininyɔ -Lagɔ -bɛlɩ, ʋ -yɛ nglu, ʋ 'yɛ -na 'jinylɔswɩ'ɩɛ dlɩpapɩɛɛ gbʋ 'ji 'tatinɩ. 23-Wʋʋ yɛ-a, la n -jɩnɩmö-ö -la 'wʋ 'jinyloli -yemö-a dlɩ zɔmö, -ma ɩ 'likpï ngli -n pö-ö -la.” 24Simo nɛ: “A 'bhï a 'pa na 'wlumö Nyininyɔ -bɛlɩ, -ɩ la'a 'bhuo a -dɩ-ɛ -la 'nglɩ, ɩ gla'aa -lu -bhlʋ ji'i-e ghlɩ.”
25Piɛlɩ -yɛ Za 'sɔ gba-a -Lagɔwɛlɩ 'bhë-ë, wa-a -ma Samalie 'gbïë -bɛ 'mö Zezwie 'tɩtɩɛ -tɩtɩ bia 'le, 'n wa ji-a Zelwizalɛmö nimï mö.
Etiopiyi -bhlʋ yɛ Zezwie wɛlɩ 'wʋ nglu
26'Ylɩ -bhlʋ, Nyininyɔɔ zuzuko nɛ -bha Filipöö de: “-Ma zɔmöbhɛyɩ 'mïse 'klʋɔ 'yuogblʋ -ʋ 'bhö-a Zelwizalɛmö -ʋ mö-a Gaza, -sɔ 'wʋ -n 'yɛ -ma ʋ 'wʋ mö.” 27Filipö -sɔ-a 'wʋ, 'n ɔ ji-a mö. -Bha 'yuogblʋ'ʋ nɩkpɛ -bhlʋ ɔ -nyɔɔ gbënɩ-a, 'mɔ nɩkpɛ la'a dʋdʋ wa la-a Etiopi, -maa nɩkpɛ la -bha. 'N ɔ 'lɛlɩɔ-ɔ -bha. -Maa dʋdʋnyininglɔ wa la-a Kadasɩ, ɔ -li 'bhuoo 'jizʋnyɔ -bha, 'n ɔ ji-e -ma Zelwizalɛmö -Lagɔ -bʋbɔ kwla'a ji. 28-Ma ɔ 'bhönɩ-a, 'n ɔ -wʋ-a ɔ 'bhɛyɩ nimï mö 'le, ɔ glɩ -ma ɔ mobiyi -ɛ -sʋkʋɩ 'tɩtlɩ-a 'mö, ɔ-ɔ -Lagɔɔ 'mögbanɩnyɔ Ezayie -Lagɔbɔgʋ mö zɛlɩ 'le. 29Zuzu 'Wlawla nɛ -bha Filipöö de: “Mö -n 'yɛ -bha mobiyi -ɛ -sʋkʋɩ 'tɩtlɩ-ɛ -laa yawʋ nyini.” 30Filipö ka sɛcɛ 'ji, ɔ nyini-e -bha mobiyi la'aa yawʋ, etiopiyi la'a-a -Lagɔɔ 'mögbanɩnyɔ Ezayie -Lagɔbɔgʋ 'mö zɛlɩ 'le, 'n ɔ jiɩ-a 'nʋ. 'N Filipö jio-a ngli 'jɩbha naa: “-Ɩ -n -wʋ-ɔ -la zɛlɩ 'le, -n -ji ɩ zɔmö 'nɩ-ɩ?” 31Ɔ nɛ: “Nɩkpɛ nɩ'ɩ ɩ zɔmö -slʋnʋ-ɔ, sa n ji-e 'mö-a ɩ zɔmö 'mö -jijinɩɛ 'nɩ?” 'Bhë ɔ nɛ -bha Filipöö de naa, ɔ -gbla -ma mobiyi 'mö ɔ 'yɛ -bha ɔ yawʋ sɛ glɩ-ɩ. 32Wɛlɩköbhë nɩkpɛ la'a -wʋ la-a zɛlɩ 'le, ma-a la'a:
“Sa wa'a la'a wli 'lɩbhalɩbhabhɛyɩ kwa,
-sɩbha wa -nyɔɔ mö -bha.
Sa nɩkpɛ -yɛ la'a 'bhlabhlɛgu dobli -gömö -dɩ 'le -wʋ,
'n ʋ'ʋ -dɩ-a gbʋ-ɔ, -sɩbha ɔ'ɔ -lɛ-a gbʋ -dɩ.
33Wa 'lɩbhanɩɔ-a zʋ 'bhë, 'n wa jio-a zugo -sa.
Wa kɔ la'a 'lɩbha, ɔ yɛ la'a 'pɩ 'wʋ yɩla 'bhë-ë,
-mɔ bhɛlɩ-ɛ 'mö-a ɔ 'yɛ ɔ ngëyie gbʋ gba 'nɩ?”
34'N etiopiyi la'a ji-a Filipö ngli 'jɩbha, ɔ nɛ: “-Mɔɔ gbʋ -Lagɔɔ 'mögbanɩnyɔ gba-a la'a 'nɩ? Ɔ bhë-a 'nɩɩ, kabönɩkpɛ-a? -Slɛmanɩ'ɩ dlɩ 'mö.” 35Filipö -sa-a ɔ wɛlɩ -gömö, tɛnɩ -bha wɛlɩköbhë la'aa de, 'n ɔ jio-a Zezwie 'tɩtɩɛ -tɩtɩ 'nyɛ.
Filipö yɛ etiopiyi badize
36Wa-a mö 'le, 'n wa ji-a 'nyi ghlɩ. Etiopiyi nɛ -bha Filipöö de: “Nyu-o -la, -nn bhɛlɩ -n ka'a badize 'nɩ-ɩ?” 37Filipö nɛ -bha ɔ de: “-N -yɛ 'dɛdɛ'ɛ Zezwie wɛlɩ dlɩ 'wʋ -ka, n bhɛlɩ n -kamö badize.” Etiopiyi nɛ: “N kɩ dlɩ 'wʋ naa, Zezwi 'Kli -Lagɔɔ 'Gu ɔ glɩnɩ -bha.” 38'N ɔ ji-a mobiyi 'nɩgbanɩ. Wa 'sɔ -kpɔ pla-a -ma 'nyi 'mö, 'n Filipö jio-a badize. 39Wa 'wlʋ-ɔ -ma 'nyi 'mö, -Lagɔɔ Zuzu 'libhï-a Filipö 'wʋ, nɩkpɛ la'a 'nɩɔ-a 'mö yɩlɩ 'sɔ. 'Mʋna -wʋɔ 'lɩbha 'le, 'n ɔ ji-a ɔ 'yuogblʋ 'ji zʋ. 40Filipöö -nɩ, -glɔ wa la-a Azɔtɩ, -ma ɔ ghlanɩ -bha. Ɔ 'bhönɩ-ɛ -ma, -gwlɩ la'a 'bhuo -ɩɩ 'mö ɔ 'plɩnɩ-a, ɔ-ɔ -ma -Lagɔwɛlɩ gbanɩ 'le, -glɔ wa la-a Sezale, 'n ɔ ji-e -ma ʋ 'wʋ nyini.
Currently Selected:
NƲNƲLI 8: BNT96
Highlight
Copy
Compare
Share
Want to have your highlights saved across all your devices? Sign up or sign in
Bete New Testament © Bible Society of Côte d'Ivoire 1996
NƲNƲLI 8
8
Sɔlʋ yɛ Zezwie -lʋaa -Zakpa 'zwɩ zia
1Etiɛnɩɛ 'lɩbhalɩbhagbʋ nanɩ la Sɔlʋ dlɩ yawʋ. 'Mɛ zlɩ la'a 'mö, -ma Zelwizalɛmö, Zezwie -lʋaa -zakpa wa zia-a 'zwɩ. Ɛ nɩ ɔ tiatiangwaa 'nyize glɩnɩ, -mʋabha 'bhuo -dɩdɩnɩ-a, -ma Zwide -yɛ Samali 'sɔɔ -gwlɩ -gömö wa -gunʋ -bha. 2Nɩkpa -wa ka-a -Lagɔɔ 'mʋna 'mlɩ, mʋa-a zʋ-a Etiɛnɩɛ -gazɛ 'n wa ji-a ɔ 'lʋgbʋ wi. 3Sɔlʋɔ -nɩ-ɛ, Zezwie -lʋaa -zakpaa 'zwɩzialibho ɔ ka la -bha. Ɔ -yɛ -ma 'ligbï'ï pla, ɔ -yɛ -ma 'ngwlɩ -yɛ nyɩbhɛlɩ 'sɔ -sa 'n ɔ pʋa-a -die 'mö. 4-Wa la'a -wa -dɩdɩnɩ-ɛ -sɩbha, -ma -gwlɩ -gwlɩ -gömö wa mö-a, 'n wa kwa-a -ma -Lagɔɔ 'tɩtɩɛ -tɩtɩ.
Filipö yɛ -ma Samali -Lagɔwɛlɩ gbanɩ
5Filipö mö-ö -ma Samalie -glɔ -bhlʋ 'wʋ, 'n ɔ ji-e -ma Puanyɔ -ɔ -Lagɔ -sa-a -bhaa wɛlɩ gbanɩ. 6Nɩkpaa -zakpöö -bɛ 'nʋ-a -bhatɩ ɔ -wʋ-a nɛ nʋ 'lee 'dɩ, 'bhë wa yɩlɩɩ-a, -ɩ ɔ -wʋ-a gba 'le 'jinanɩswɩ'ɩ wa pönɩɩ-a 'yukwli. 7-Wʋʋ yɛ-a, 'jinylozuzuku-o nyla 'le 'n ɩ ji-a nɩkpaa -bɛ -gömö 'bhö-ö, 'n 'kplakplangwa -yɛ bhɩgbökangwaa -bɛ 'sɔ ji-a 'pʋ. 8-Ma -glɔ la'a 'mö 'mʋna 'kada wa li-e -ma.
-Zliinyɔ -bhlʋ yɛ Zezwie bhatɩ yɩlɩ
9-Ma -glɔ la'a 'mö, nɩkpɛ -bhlʋ -wʋ la-a -ma, 'mɔ wa la-a Simo. Ɔjɩ ɔ 'wɔlʋmanɩ-a 'wʋ. -Wʋʋ yɛ-a, -zliinyɔ la -bha, 'n ɔ möna-a Samalie dʋdʋ -gömöö nɩkpa ngli. 10Wa 'bhuo, tɛnɩ 'kikie 'wʋ -n 'yɛ 'kadɩ 'wʋ nyini, -bha wa zʋɔ la -bha, 'n wa pönɩɔ-a 'jinanɩswɩ'ɩ 'yukwli, 'n wa nʋ-a: “Nɩkpɛ -la, -Lagɔɔ 'mötɛnɔ -ʋʋ bhë-ë 'ghli-a, 'mʋ ɔ -su -bha.” 11Ɔ kʋa la ɔ -zli nya ngli möna 'le gwlɛɛ yɛ wa pönɩɔ la-a -sɩbha 'jinanɩswɩ'ɩ 'yukwli. 12'Bhë 'tɩtɩɛ -tɩtɩ -ɩ gba-a -Lagɔɔ nyininyinipɩ -yɛ Zezwi 'Klie 'nglɩ 'sɔɔ gbʋ, Filipö -wʋɩ-ɛ 'mö-a -sa 'le-e, nyɩbhɛlɩ -yɛ 'ngwlɩ 'sɔ, ɔ wɛlɩ wa ka-a dlɩ 'wʋɔ yɛ, ji wa ji-a 'n wa jua-a badize. 13-Sɩbha Simoo 'bhë kɩ 'yɛ-a -nɩ dlɩ 'wʋ. Wa badizo-a 'bhë, ɔ'ɔ 'bhö-ö la-a 'mö Filipö 'bɩ. Bhatɩ -yɛ zɩzɛli sɔ-ɔ -wʋ-a 'plɩ 'le ɔ -kɩɩ yɩlɩ 'n ngli mönɔ -bha.
Piɛlɩ -yɛ Za 'sɔ yɛ -ma Samali mö
14Zezwie tiatiangwa 'nʋ-ɔ -ma Zelwizalɛmö naa, -ma Samalie dʋdʋ -gömö -Lagɔwɛlɩ yɛ -ma nyini 'bhë-ë, 'n wa ji-e -ma Piɛlɩ -yɛ Za 'sɔ tia. 15Wa nyini-e -ma, 'n wa ji-a Samalie nɩkpaa 'wlumö -Lagɔ -bɛlɩ 'pa, Zuzu 'Wlawla 'kʋa -gömö jie yɛ. 16-Wʋʋ yɛ-a, ʋ'ʋ la -bhla wa -kakabɛ -gömö ji, Nyininyɔ Zezwie 'nglɩ 'möö 'nyize wa badizenʋa la -bha. 17Piɛlɩ -yɛ Za 'sɔ zʋa-a cɛ -gömö, 'n Zuzu 'Wlawla jua-a -gömö ji.
Simo nɛ ɔ 'yɛ -Lagɔɔ 'gba pɩa
18Simo yɩlɩ-ɛ -bha 'wʋ naa Zezwie tiatiangwa -yɛ nɩkpa cɛ -gömö zʋ Zuzu Wlawla-a jua-a -gömö-ö, 'n ɔ jua-a mëni 'nyɛ. 19Ɔ nɛ -bha wa de naa: “A nyɛ'ɛ 'yɛ na-a gba -la, nɩkpɛ -mɔ n -yɛ cɛ -gömö zʋ, Zuzu 'Wlawla 'kɔ -gömö ji.” 20Ɔ gba-a -sɩbha, Piɛlɩ nɛ: “-N -yɛ -na mënie 'bhë 'sɔ tlɩ. -N 'pa-a dlɩ -n nɛ -Lagɔɔ 'nyɛnyɛlu mëni nya wa ghlɩnʋ-a? 21-Na dlɩ 'nɩ -bha -Lagɔ 'ji 'klʋ 'mö slɛnɩɛ yɛ, -ma -ɩ la'aa 'mö -nn -ma -lu -ka. 22Ligba, -n 'yɛ -ma -na dlɩ zɔmöö 'jinylɔköbhë -la -sa, 'bhë 'pa Nyininyɔ -Lagɔ -bɛlɩ, ʋ -yɛ nglu, ʋ 'yɛ -na 'jinylɔswɩ'ɩɛ dlɩpapɩɛɛ gbʋ 'ji 'tatinɩ. 23-Wʋʋ yɛ-a, la n -jɩnɩmö-ö -la 'wʋ 'jinyloli -yemö-a dlɩ zɔmö, -ma ɩ 'likpï ngli -n pö-ö -la.” 24Simo nɛ: “A 'bhï a 'pa na 'wlumö Nyininyɔ -bɛlɩ, -ɩ la'a 'bhuo a -dɩ-ɛ -la 'nglɩ, ɩ gla'aa -lu -bhlʋ ji'i-e ghlɩ.”
25Piɛlɩ -yɛ Za 'sɔ gba-a -Lagɔwɛlɩ 'bhë-ë, wa-a -ma Samalie 'gbïë -bɛ 'mö Zezwie 'tɩtɩɛ -tɩtɩ bia 'le, 'n wa ji-a Zelwizalɛmö nimï mö.
Etiopiyi -bhlʋ yɛ Zezwie wɛlɩ 'wʋ nglu
26'Ylɩ -bhlʋ, Nyininyɔɔ zuzuko nɛ -bha Filipöö de: “-Ma zɔmöbhɛyɩ 'mïse 'klʋɔ 'yuogblʋ -ʋ 'bhö-a Zelwizalɛmö -ʋ mö-a Gaza, -sɔ 'wʋ -n 'yɛ -ma ʋ 'wʋ mö.” 27Filipö -sɔ-a 'wʋ, 'n ɔ ji-a mö. -Bha 'yuogblʋ'ʋ nɩkpɛ -bhlʋ ɔ -nyɔɔ gbënɩ-a, 'mɔ nɩkpɛ la'a dʋdʋ wa la-a Etiopi, -maa nɩkpɛ la -bha. 'N ɔ 'lɛlɩɔ-ɔ -bha. -Maa dʋdʋnyininglɔ wa la-a Kadasɩ, ɔ -li 'bhuoo 'jizʋnyɔ -bha, 'n ɔ ji-e -ma Zelwizalɛmö -Lagɔ -bʋbɔ kwla'a ji. 28-Ma ɔ 'bhönɩ-a, 'n ɔ -wʋ-a ɔ 'bhɛyɩ nimï mö 'le, ɔ glɩ -ma ɔ mobiyi -ɛ -sʋkʋɩ 'tɩtlɩ-a 'mö, ɔ-ɔ -Lagɔɔ 'mögbanɩnyɔ Ezayie -Lagɔbɔgʋ mö zɛlɩ 'le. 29Zuzu 'Wlawla nɛ -bha Filipöö de: “Mö -n 'yɛ -bha mobiyi -ɛ -sʋkʋɩ 'tɩtlɩ-ɛ -laa yawʋ nyini.” 30Filipö ka sɛcɛ 'ji, ɔ nyini-e -bha mobiyi la'aa yawʋ, etiopiyi la'a-a -Lagɔɔ 'mögbanɩnyɔ Ezayie -Lagɔbɔgʋ 'mö zɛlɩ 'le, 'n ɔ jiɩ-a 'nʋ. 'N Filipö jio-a ngli 'jɩbha naa: “-Ɩ -n -wʋ-ɔ -la zɛlɩ 'le, -n -ji ɩ zɔmö 'nɩ-ɩ?” 31Ɔ nɛ: “Nɩkpɛ nɩ'ɩ ɩ zɔmö -slʋnʋ-ɔ, sa n ji-e 'mö-a ɩ zɔmö 'mö -jijinɩɛ 'nɩ?” 'Bhë ɔ nɛ -bha Filipöö de naa, ɔ -gbla -ma mobiyi 'mö ɔ 'yɛ -bha ɔ yawʋ sɛ glɩ-ɩ. 32Wɛlɩköbhë nɩkpɛ la'a -wʋ la-a zɛlɩ 'le, ma-a la'a:
“Sa wa'a la'a wli 'lɩbhalɩbhabhɛyɩ kwa,
-sɩbha wa -nyɔɔ mö -bha.
Sa nɩkpɛ -yɛ la'a 'bhlabhlɛgu dobli -gömö -dɩ 'le -wʋ,
'n ʋ'ʋ -dɩ-a gbʋ-ɔ, -sɩbha ɔ'ɔ -lɛ-a gbʋ -dɩ.
33Wa 'lɩbhanɩɔ-a zʋ 'bhë, 'n wa jio-a zugo -sa.
Wa kɔ la'a 'lɩbha, ɔ yɛ la'a 'pɩ 'wʋ yɩla 'bhë-ë,
-mɔ bhɛlɩ-ɛ 'mö-a ɔ 'yɛ ɔ ngëyie gbʋ gba 'nɩ?”
34'N etiopiyi la'a ji-a Filipö ngli 'jɩbha, ɔ nɛ: “-Mɔɔ gbʋ -Lagɔɔ 'mögbanɩnyɔ gba-a la'a 'nɩ? Ɔ bhë-a 'nɩɩ, kabönɩkpɛ-a? -Slɛmanɩ'ɩ dlɩ 'mö.” 35Filipö -sa-a ɔ wɛlɩ -gömö, tɛnɩ -bha wɛlɩköbhë la'aa de, 'n ɔ jio-a Zezwie 'tɩtɩɛ -tɩtɩ 'nyɛ.
Filipö yɛ etiopiyi badize
36Wa-a mö 'le, 'n wa ji-a 'nyi ghlɩ. Etiopiyi nɛ -bha Filipöö de: “Nyu-o -la, -nn bhɛlɩ -n ka'a badize 'nɩ-ɩ?” 37Filipö nɛ -bha ɔ de: “-N -yɛ 'dɛdɛ'ɛ Zezwie wɛlɩ dlɩ 'wʋ -ka, n bhɛlɩ n -kamö badize.” Etiopiyi nɛ: “N kɩ dlɩ 'wʋ naa, Zezwi 'Kli -Lagɔɔ 'Gu ɔ glɩnɩ -bha.” 38'N ɔ ji-a mobiyi 'nɩgbanɩ. Wa 'sɔ -kpɔ pla-a -ma 'nyi 'mö, 'n Filipö jio-a badize. 39Wa 'wlʋ-ɔ -ma 'nyi 'mö, -Lagɔɔ Zuzu 'libhï-a Filipö 'wʋ, nɩkpɛ la'a 'nɩɔ-a 'mö yɩlɩ 'sɔ. 'Mʋna -wʋɔ 'lɩbha 'le, 'n ɔ ji-a ɔ 'yuogblʋ 'ji zʋ. 40Filipöö -nɩ, -glɔ wa la-a Azɔtɩ, -ma ɔ ghlanɩ -bha. Ɔ 'bhönɩ-ɛ -ma, -gwlɩ la'a 'bhuo -ɩɩ 'mö ɔ 'plɩnɩ-a, ɔ-ɔ -ma -Lagɔwɛlɩ gbanɩ 'le, -glɔ wa la-a Sezale, 'n ɔ ji-e -ma ʋ 'wʋ nyini.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bete New Testament © Bible Society of Côte d'Ivoire 1996