NƲNƲLI 9
9
Zezwi yɛ Sɔlʋ 'wʋ ghlanɩ
1-Bhaa do'o, Sɔlʋ-ɔ -bhla nyanɩklaswɩ'ɩ Zezwie -lʋa 'zwɩ zia 'le, ɔ 'jɩbha la ɔ 'kʋa sɛ -saa 'bhë. 'N ɔ ji-e -ma -Lagɔbʋbɔnyɔ 'kadɔ ghlɩ. 2'N ɔ jio-a -glɔ wa la-a Damasɩɛ -Lagɔbudie 'möplabɔgʋɩ 'jɩbhanɩ, ɔ -yɛ -ma ɩ 'mö Zezwie -ganɩngwa ghlɩ, ɔ 'kʋa gwa ɔ 'kʋa Zelwizalɛmö -la. 3Ɔ namö 'yuogblʋ'ʋ ɔ 'yɛ Damasɩɛ -glɔ ghlɩɛ mö-ö, yʋlokpë 'kadaa 'dalɩ 'bhönɩ -ma ghayɩ, 'n ɩ jio-a 'wʋ binɩ. 4'N ɔ ji-a dʋdʋ'ʋ bhli, ɔ pö -bha 'n ɔ ji-a wɛlɩ 'nʋ, ɩ nɛ -bha ɔ de naa: “Sɔlʋ, Sɔlʋ, 'manɩɛ yɛ -n wʋ'ʋ bhe 'zwɩ zia 'le 'nɩ?” 5Ɔ nɛ: “Nyininyɔ, -mɔ -n glɩnɩ-a 'nɩ?” -Mɔ la'a nɛ naa: “-Amö Zezwi-i -n -wʋ-a 'zwɩ zia 'le -amö -bha, -nn -lanɩ -najɩ -du 'wʋ -nɩ.” 6Nganɔ bhlinɩɔ-a -gömö, ɔ-ɔ yawʋ tɛlɩ 'le ɔ nɛ: “Nyininyɔ 'manɩ -n 'jɩbha-a n 'yɛ nʋ 'nɩ?” Nyininyɔ nɛ -bha ɔ de: “-Sɔ-a 'mö 'wʋ, -n 'yɛ 'gbë 'mö pla, -ɩ -n ji-a nʋɔ, -ma n -jimɩ-a -sanɩɛ.” 7Nɩkpa -wa -nyɔɔ namö la-a ngli-i mönʋa -bha, 'n wa ji-a 'nɩgbö. Wa -nganɩ la 'jinanɩswɩ'ɩ 'mɩ wɛlɩ 'bhë-ë, wa'a la nɩkpɛ 'wʋ jɩnɩ. 8Sɔlʋ -sɔ-ɔ -bha dʋdʋ'ʋ 'wʋ, 'n ɔ ji-a ghayɩ 'nɩgbönɩ, wa köbhanɩɔ-a sɔ, 'n wa jio-o -ma Damasɩɛ 'gbë 'mö kwa. 9Ɔ ka 'ylɩ ta, ɔ'ɔ sɛ jɩnɩ, ɔ'ɔ li, ɔ'ɔ 'nɩma.
Zezwi yɛ Ananiasɩ -ma Sɔlʋɔ 'bhɛyɩ tia
10-Ma Damasɩ, -Lagɔgu -bhlʋ -wʋ la-a -ma, ɔ nglɩ-ɩ -yɛ-a Ananiasɩ. 'N Nyininyɔ Zezwi jio-a 'wʋ ghlanɩ. Ɔ nɛ: “Ananiasɩ!” -Mɔ la'a nɛ: “Nyininyɔ, -amö-ö la'a.” 11Nyininyɔ Zezwi nɛ -bha ɔ de naa: “-Sɔ 'wʋ, 'yuogblʋ wa la-a -ʋ slɛnɩ 'mö 'libhïʋ 'wʋ, 'nama -ma Zwidaa 'ligbë'ë nɩkpɛ wa la-a Sɔlʋ, -ɔ wa gwalɩnɩ-ɛ -ma Talɩsɩ, ɔ glɩ -ma 'jɩbhɔ nimï. -Wʋʋ yɛ-a, -Lagɔ ɔ -wʋ-a -bɛlɩ 'pa 'le, 12'n nɩkpɛ wa la-a Ananiasɩ jio-a 'jie 'klʋ ji. Ɔ jɩnɩɔ 'wʋ, ɔ pla-a -ma -budu'u 'n ɔ jio-a cɛ -gömö zʋ, ɔ 'jie 'yɛ sɛ jɩnɩmanɩɛ yɛ.” 13Ananiasɩ nɛ: “Nyininyɔ, -ma nɩkpaa -bɛ ngli n 'nʋ-a 'jinyloli la'a 'bhuo nɩkpɛ -la nʋ-ɔ -ma Zelwizalɛmö -na -lʋa 'ji. 14Ma'a -glɔ la'a 'mö, -Lagɔbʋbɔngwaa 'bhitɩbhangwaa 'nglɩ 'mö ɔ jinɩ-ɛ ma'a, -wa bhuo-o -su-o -na 'nglɩ, ɔ 'kʋa gwaa yɛ.” 15Ɔ gba-a -sɩbha, Nyininyɔ Zezwi nɛ -bha ɔ de naa: “Mö, -wʋʋ yɛ-a, nɩkpɛ -la, -bha n -sɔɔ -bha, n 'kɔ 'mö 'plɩnɩ ɔ 'yɛ na 'nglɩ -ma -gwlɩ -mɩmɩɛ -gömö kwa, -ma dʋdʋɩnyiningwaa 'bhɛyɩ, Izlayɛlɩɛ ngëyi 'möö nɩkpa 'yɛ. 16-Ɩ la'a 'bhuo ɔ ji-a na yɛ ngli yʋlɔnʋɔ 'ji n jio-a tuluanɩɛ.”
17'N Ananiasɩ ji-a mö, ɔ nyini-e -ma 'ligbë la'aa 'wʋ, ɔ pla-a -ma -budu'u-o, 'n ɔ ji-a Sɔlʋ cɛ -gömö zʋ, ɔ nɛ: “Na -dagu Sɔlʋ, Nyininyɔ Zezwi-i la'a -ɔ -ghlanɩmö-ö -bha 'yuogblʋ'ʋ 'wʋ-ɔ, mɔ-ɔ tia'a -bha, -na 'jie 'yɛ sɛ jɩnɩmanɩ, 'bhë Zuzu 'Wlawla -kamö dlɩ zɔmö yee yɛ.” 18Ɔ gba-a sa'a 'gamö, 'n -ma Sɔlʋɔ 'jie 'mö -li -ɩ -bhle-a 'takwɩ ji-e -ma 'wlʋ, 'n ɔ ji-a sɛ jɩnɩmanɩ. -Bha -gaganɩlɩ'ɩ ɔ -sɔ-a 'wʋ 'n wa jio-a badize. 19Ɔ li-a, 'n ɔ nɩma ji-a 'mö 'tamanɩ. 'N Sɔlʋ ji-e -ma Damasɩ Zezwie -lʋa gla'a 'ylɩ ja -sa.
Sɔlʋ yɛ -ma Damasɩ Zezwie wɛlɩ gbanɩ
20Ylɩ la'a 'plɩ-a, -bha -gaganɩlɩ'ɩ 'n Sɔlʋ ji-e -maa -Lagɔbudi'i Zezwie wɛlɩɛ gbagbɩɛ tɛ-ɛ naa -Lagɔɔ 'Gu ɔ glɩnɩ -bha. 21-Wa la'a 'bhuo -wa 'nʋ-a ɔ nglie wɛlɩ ngli-i mönʋa -bha, 'n wa nʋ-a: “Nɩkpɛ -ɔ -wʋ la-a -ma Zelwizalɛmö -wa ka-a nglɩ la'a ngli 'zwɩ zia 'le, mɔ-ɔ 'nɩ bhe -la -wʋ? -A -tɔnʋ ɔ 'yɛ ma'aa -lʋa gwa, ɔ 'kʋa -ma -Lagɔbʋbɔngwaa 'bhitɩbhangwa dlɩ'ɩ kwaa yɛ ɔ ji la ma'a?” 22Wa-a -sɩbha gba 'le 'bhë, 'mɩ Sɔlʋɔ -li 'tamanɩ-a 'mö tenyi 'n ɔ gbagbawɛlɩ lu-a 'zwiföa -wa glɩ la-a -ma Damasɩ. 'N ɔ nyʋa-a 'dɩ naa, Puanyɔ -ɔ -Lagɔ -sa-a -bha, 'mɔ Zezwi glɩnɩ -bha. 23'Ylɩ ja 'plɩ-a, 'n 'zwiföa ji-a ɔ ylɩ pɛ wa 'kɔ 'lɩbhaa yɛ. 24'N ɩ 'dɩ ji-a Sɔlʋ ghlɩ. Zlɩga -yɛ dʋdʋ 'sɔ 'gbëë klana wa kʋ la -bha, wa 'kɔ köbha wa 'kɔ 'lɩbhaa yɛ. 25'Bhë 'ylɩ -bhlʋɔ dʋdʋ, Sɔlʋɔ 'wʋbhlinɩngwa 'libhïɔ-a 'wʋ, wa 'pɔ-ɔ -ma -kɩkɛ 'mö, 'n wa jio-o -ma 'gbëë -kʋkwa nimï sɛ 'sibhanɩ.
Sɔlʋ yɛ -ma Zelwizalɛmö mö
26Sɔlʋ nyini-e -ma Zelwizalɛmö-ö, ɔ 'jɩbha ɔ 'yɛ la -ma Zezwie -lʋa gla'a pla 'bhë-ë, wa 'bhuo yawʋ wa guo la -bha. Sa ɔ 'yɛ Zezwie -lɔ glɩnɩ wa 'nɩɩ la dlɩ 'wʋ -ka. 27Banabasɩ 'libhïo-a 'wʋ, 'n ɔ jio-o -ma Zezwie tiatiangwa dlɩ'ɩ kwa. Sa Nyininyɔ Zezwi ghlanɩ-ɛ -bha 'yuogblʋ'ʋ Sɔlʋ 'wʋ 'n ɔ ji ɔ de gba, sa -ma Damasɩɛ 'gbë 'mö Sɔlʋ gbanɩ-a dlɩtɛnɩswɩ'ɩ Zezwie 'nglɩ 'mö, 'n ɔ jua-a -sanɩ. 28Tɛnɩ-a 'mö -bha, ɔ -nyʋa 'sɔ namö -ma Zelwizalɛmö, 'n wa mö-a, 'n wa ji -bha, 'n ɔ gbanɩ-a dlɩtɛnɩswɩ'ɩ Nyininyɔ Zezwie 'nglɩ 'mö. 29'N ɔ gba la 'yɛ-a 'zwiföa -wa gba-a 'glɛkögbʋɔ de, 'n ɔ -nyʋa kpɛnɩ -bha. -Mʋa la'aa -nɩ ɔ 'lɩbhalɩbhɩɛ wa -wʋ la-a 'nama 'le. 30Zezwie -lʋa 'nʋɩ-a, 'n wa jio-o -ma Sezale 'yuo kwa, -ma wa -nyɔɔ 'plɩnɩ-a 'n wa jio-a Talɩsɩ 'yuo kwa.
'Kplakplanyɔ Ene yɛ 'pʋ
31-Bhaa do'o, -ma Zwidee dʋdʋ 'bhuo -gömö, -ma Galile -yɛ Samali 'sɔ, Zezwie -lʋaa -zakpö 'tɩ ɩ glɩ la -bha. Ɩ ka Nyininyɔ -Lagɔɔ nganɔ -gömö, 'n ɩ dlɩwʋkakʋ kwa-a 'yu. Zuzu 'Wlawla -wɩɩ kwanɩ 'le, 'n ɩ zumanɩ la -bha. 32Piɛlɩ-ɛ la 'mɩ -gwlɩ la'a 'bhuo bi 'le, gbë wa la-a Lida, 'n ɔ ji-e -ma a 'mö pla ɔ 'yɛ -maa -Lagɔgwie yɩlɩɛ yɛ. 33Ɔ nyini-e -ma, nɩkpɛ -bhlʋ ɔ ghlɩ-ɛ -ma, ɔ nglɩ-ɩ -yɛ-a Ene, 'kplakplanyɔ la -bha, ɔ ka 'kplakplalɩ'ɩ 'ylʋbö -ngbɔta, ɔ pö -bha -gbatʋ -gömö. 34Piɛlɩ nɛ -bha ɔ de: “Ene, Zezwi 'Kli -kamö göpö 'bhë, -sɔ 'wʋ, göganɩ -na -gbatʋ 'klʋɔ -li.” -Bha -gaganɩlɩ'ɩ 'n ɔ ji-a 'wʋ -sɔ. 35-Ma Lidaa nɩkpa 'bhuo -yɛ dʋdʋ wa la-a Salɔ -gömöö -lʋa 'sɔ yɩlɩɔ-a, 'n wa ji-a Nyininyɔ Zezwie wɛlɩ 'wʋ nglu.
Tabita yɛ galɔ
36-Glɔ wa la-a Zope, Zezwie -lʋa -wʋ la-a -ma, wa gla'aa 'nglɔ -bhlʋ wa la-a Tabita, 'mɩ 'nglɩɛ zɔmö -yɛ-a lwɩ. 'Mɔ nglɔ la'a -lie -lie -bɛ ɔ nʋ la -bha, 'n ɔ nyɛ-a 'pʋangwa. 37'Ylɩ -bhlʋ, gu 'lɩbhɔ-a 'n ɔ ji-a tlɩ. Wa bïda-a ɔ -gazɛ 'bhë 'n wa ji-e -ma -buduo ghayɩɛ 'köbhë -bhlʋ 'mö 'pa. 38Lidaa 'gbë -bha a -wʋ-a Zope yawʋ -kɔnyɩɛ yɛ, Zezwie -lʋa 'nʋ-ɔ naa Piɛlɩ-ɛ -ma-a, 'n wa jio-a nɩkpa 'sɔ 'wʋ tia naa, ɔ -gaganɩ 'wʋ ɔ 'yɛ -ma wa 'bhɛyɩ ji.
39Wa gba-a -sɩbha ɔ de 'gamö, Piɛlɩ -sɔ-a 'wʋ, 'n ɔ -yɛ nɩkpa la'a 'sɔ ji-a mö. Ɔ nyini-e -ma, 'n wa jio-o -ma ghayɩɛ -buduköbhë 'mö kwa. -Maa 'kuzlengwlɩ 'bhuo-o wi 'le, 'n wa jio-a 'wʋ binɩ. La nglɔ la'a -wʋʋa la-a -bhla 'gbamö, -banɩɛ -gɔpö 'bhuo ɔ dɩ la-a, 'n wa jio-a 'ji tuluanɩ. 40'N Piɛlɩ ji-a nɩkpa 'bhuo 'pɩ 'pa. Ɔ 'pa-a -kokomunigbö glu, 'n ɔ ji-a -bɛlɩ 'pa. 'Bhë ɔ gö-a -gazɛ 'ji, ɔ nɛ: “Tabita, -sɔ 'wʋ!” 'N 'nglɔ ji-a 'jie kalɩ, ɔ yɩlɩ-a Piɛlɩ-ɛ, 'n ɔ ji-a go glɩnɩ. 41Piɛlɩ köbhanɩɔ-a sɔ, 'n ɔ jio-a ghayɩ 'nɩgbanɩ. 'Bhë, ɔ wɔzɩ-a -Lagɔgwie -yɛ 'kuzlengwlɩ 'sɔ, 'n ɔ jua-a Tabitaa -gagalɔ 'ji tuluanɩ. 42'Mɩ -ɩ la'a, Zopee 'gbë 'bhuo ɩ bhɩa-a 'ji. 'N nɩkpaa -bɛ ji-a Nyininyɔ Zezwi dlɩ 'wʋ -ka. 43'N Piɛlɩ ji-e -ma Zope 'ylɩ ja -sa nɩkpɛ wa la-a Simo, -ɔ -yɛ-a nɩmakwibhɔtɔnyɔ, -ma ɔ 'ligbë'ë ɔ glɩ la-a -sɩbha.
Currently Selected:
NƲNƲLI 9: BNT96
Highlight
Copy
Compare
Share
Want to have your highlights saved across all your devices? Sign up or sign in
Bete New Testament © Bible Society of Côte d'Ivoire 1996
NƲNƲLI 9
9
Zezwi yɛ Sɔlʋ 'wʋ ghlanɩ
1-Bhaa do'o, Sɔlʋ-ɔ -bhla nyanɩklaswɩ'ɩ Zezwie -lʋa 'zwɩ zia 'le, ɔ 'jɩbha la ɔ 'kʋa sɛ -saa 'bhë. 'N ɔ ji-e -ma -Lagɔbʋbɔnyɔ 'kadɔ ghlɩ. 2'N ɔ jio-a -glɔ wa la-a Damasɩɛ -Lagɔbudie 'möplabɔgʋɩ 'jɩbhanɩ, ɔ -yɛ -ma ɩ 'mö Zezwie -ganɩngwa ghlɩ, ɔ 'kʋa gwa ɔ 'kʋa Zelwizalɛmö -la. 3Ɔ namö 'yuogblʋ'ʋ ɔ 'yɛ Damasɩɛ -glɔ ghlɩɛ mö-ö, yʋlokpë 'kadaa 'dalɩ 'bhönɩ -ma ghayɩ, 'n ɩ jio-a 'wʋ binɩ. 4'N ɔ ji-a dʋdʋ'ʋ bhli, ɔ pö -bha 'n ɔ ji-a wɛlɩ 'nʋ, ɩ nɛ -bha ɔ de naa: “Sɔlʋ, Sɔlʋ, 'manɩɛ yɛ -n wʋ'ʋ bhe 'zwɩ zia 'le 'nɩ?” 5Ɔ nɛ: “Nyininyɔ, -mɔ -n glɩnɩ-a 'nɩ?” -Mɔ la'a nɛ naa: “-Amö Zezwi-i -n -wʋ-a 'zwɩ zia 'le -amö -bha, -nn -lanɩ -najɩ -du 'wʋ -nɩ.” 6Nganɔ bhlinɩɔ-a -gömö, ɔ-ɔ yawʋ tɛlɩ 'le ɔ nɛ: “Nyininyɔ 'manɩ -n 'jɩbha-a n 'yɛ nʋ 'nɩ?” Nyininyɔ nɛ -bha ɔ de: “-Sɔ-a 'mö 'wʋ, -n 'yɛ 'gbë 'mö pla, -ɩ -n ji-a nʋɔ, -ma n -jimɩ-a -sanɩɛ.” 7Nɩkpa -wa -nyɔɔ namö la-a ngli-i mönʋa -bha, 'n wa ji-a 'nɩgbö. Wa -nganɩ la 'jinanɩswɩ'ɩ 'mɩ wɛlɩ 'bhë-ë, wa'a la nɩkpɛ 'wʋ jɩnɩ. 8Sɔlʋ -sɔ-ɔ -bha dʋdʋ'ʋ 'wʋ, 'n ɔ ji-a ghayɩ 'nɩgbönɩ, wa köbhanɩɔ-a sɔ, 'n wa jio-o -ma Damasɩɛ 'gbë 'mö kwa. 9Ɔ ka 'ylɩ ta, ɔ'ɔ sɛ jɩnɩ, ɔ'ɔ li, ɔ'ɔ 'nɩma.
Zezwi yɛ Ananiasɩ -ma Sɔlʋɔ 'bhɛyɩ tia
10-Ma Damasɩ, -Lagɔgu -bhlʋ -wʋ la-a -ma, ɔ nglɩ-ɩ -yɛ-a Ananiasɩ. 'N Nyininyɔ Zezwi jio-a 'wʋ ghlanɩ. Ɔ nɛ: “Ananiasɩ!” -Mɔ la'a nɛ: “Nyininyɔ, -amö-ö la'a.” 11Nyininyɔ Zezwi nɛ -bha ɔ de naa: “-Sɔ 'wʋ, 'yuogblʋ wa la-a -ʋ slɛnɩ 'mö 'libhïʋ 'wʋ, 'nama -ma Zwidaa 'ligbë'ë nɩkpɛ wa la-a Sɔlʋ, -ɔ wa gwalɩnɩ-ɛ -ma Talɩsɩ, ɔ glɩ -ma 'jɩbhɔ nimï. -Wʋʋ yɛ-a, -Lagɔ ɔ -wʋ-a -bɛlɩ 'pa 'le, 12'n nɩkpɛ wa la-a Ananiasɩ jio-a 'jie 'klʋ ji. Ɔ jɩnɩɔ 'wʋ, ɔ pla-a -ma -budu'u 'n ɔ jio-a cɛ -gömö zʋ, ɔ 'jie 'yɛ sɛ jɩnɩmanɩɛ yɛ.” 13Ananiasɩ nɛ: “Nyininyɔ, -ma nɩkpaa -bɛ ngli n 'nʋ-a 'jinyloli la'a 'bhuo nɩkpɛ -la nʋ-ɔ -ma Zelwizalɛmö -na -lʋa 'ji. 14Ma'a -glɔ la'a 'mö, -Lagɔbʋbɔngwaa 'bhitɩbhangwaa 'nglɩ 'mö ɔ jinɩ-ɛ ma'a, -wa bhuo-o -su-o -na 'nglɩ, ɔ 'kʋa gwaa yɛ.” 15Ɔ gba-a -sɩbha, Nyininyɔ Zezwi nɛ -bha ɔ de naa: “Mö, -wʋʋ yɛ-a, nɩkpɛ -la, -bha n -sɔɔ -bha, n 'kɔ 'mö 'plɩnɩ ɔ 'yɛ na 'nglɩ -ma -gwlɩ -mɩmɩɛ -gömö kwa, -ma dʋdʋɩnyiningwaa 'bhɛyɩ, Izlayɛlɩɛ ngëyi 'möö nɩkpa 'yɛ. 16-Ɩ la'a 'bhuo ɔ ji-a na yɛ ngli yʋlɔnʋɔ 'ji n jio-a tuluanɩɛ.”
17'N Ananiasɩ ji-a mö, ɔ nyini-e -ma 'ligbë la'aa 'wʋ, ɔ pla-a -ma -budu'u-o, 'n ɔ ji-a Sɔlʋ cɛ -gömö zʋ, ɔ nɛ: “Na -dagu Sɔlʋ, Nyininyɔ Zezwi-i la'a -ɔ -ghlanɩmö-ö -bha 'yuogblʋ'ʋ 'wʋ-ɔ, mɔ-ɔ tia'a -bha, -na 'jie 'yɛ sɛ jɩnɩmanɩ, 'bhë Zuzu 'Wlawla -kamö dlɩ zɔmö yee yɛ.” 18Ɔ gba-a sa'a 'gamö, 'n -ma Sɔlʋɔ 'jie 'mö -li -ɩ -bhle-a 'takwɩ ji-e -ma 'wlʋ, 'n ɔ ji-a sɛ jɩnɩmanɩ. -Bha -gaganɩlɩ'ɩ ɔ -sɔ-a 'wʋ 'n wa jio-a badize. 19Ɔ li-a, 'n ɔ nɩma ji-a 'mö 'tamanɩ. 'N Sɔlʋ ji-e -ma Damasɩ Zezwie -lʋa gla'a 'ylɩ ja -sa.
Sɔlʋ yɛ -ma Damasɩ Zezwie wɛlɩ gbanɩ
20Ylɩ la'a 'plɩ-a, -bha -gaganɩlɩ'ɩ 'n Sɔlʋ ji-e -maa -Lagɔbudi'i Zezwie wɛlɩɛ gbagbɩɛ tɛ-ɛ naa -Lagɔɔ 'Gu ɔ glɩnɩ -bha. 21-Wa la'a 'bhuo -wa 'nʋ-a ɔ nglie wɛlɩ ngli-i mönʋa -bha, 'n wa nʋ-a: “Nɩkpɛ -ɔ -wʋ la-a -ma Zelwizalɛmö -wa ka-a nglɩ la'a ngli 'zwɩ zia 'le, mɔ-ɔ 'nɩ bhe -la -wʋ? -A -tɔnʋ ɔ 'yɛ ma'aa -lʋa gwa, ɔ 'kʋa -ma -Lagɔbʋbɔngwaa 'bhitɩbhangwa dlɩ'ɩ kwaa yɛ ɔ ji la ma'a?” 22Wa-a -sɩbha gba 'le 'bhë, 'mɩ Sɔlʋɔ -li 'tamanɩ-a 'mö tenyi 'n ɔ gbagbawɛlɩ lu-a 'zwiföa -wa glɩ la-a -ma Damasɩ. 'N ɔ nyʋa-a 'dɩ naa, Puanyɔ -ɔ -Lagɔ -sa-a -bha, 'mɔ Zezwi glɩnɩ -bha. 23'Ylɩ ja 'plɩ-a, 'n 'zwiföa ji-a ɔ ylɩ pɛ wa 'kɔ 'lɩbhaa yɛ. 24'N ɩ 'dɩ ji-a Sɔlʋ ghlɩ. Zlɩga -yɛ dʋdʋ 'sɔ 'gbëë klana wa kʋ la -bha, wa 'kɔ köbha wa 'kɔ 'lɩbhaa yɛ. 25'Bhë 'ylɩ -bhlʋɔ dʋdʋ, Sɔlʋɔ 'wʋbhlinɩngwa 'libhïɔ-a 'wʋ, wa 'pɔ-ɔ -ma -kɩkɛ 'mö, 'n wa jio-o -ma 'gbëë -kʋkwa nimï sɛ 'sibhanɩ.
Sɔlʋ yɛ -ma Zelwizalɛmö mö
26Sɔlʋ nyini-e -ma Zelwizalɛmö-ö, ɔ 'jɩbha ɔ 'yɛ la -ma Zezwie -lʋa gla'a pla 'bhë-ë, wa 'bhuo yawʋ wa guo la -bha. Sa ɔ 'yɛ Zezwie -lɔ glɩnɩ wa 'nɩɩ la dlɩ 'wʋ -ka. 27Banabasɩ 'libhïo-a 'wʋ, 'n ɔ jio-o -ma Zezwie tiatiangwa dlɩ'ɩ kwa. Sa Nyininyɔ Zezwi ghlanɩ-ɛ -bha 'yuogblʋ'ʋ Sɔlʋ 'wʋ 'n ɔ ji ɔ de gba, sa -ma Damasɩɛ 'gbë 'mö Sɔlʋ gbanɩ-a dlɩtɛnɩswɩ'ɩ Zezwie 'nglɩ 'mö, 'n ɔ jua-a -sanɩ. 28Tɛnɩ-a 'mö -bha, ɔ -nyʋa 'sɔ namö -ma Zelwizalɛmö, 'n wa mö-a, 'n wa ji -bha, 'n ɔ gbanɩ-a dlɩtɛnɩswɩ'ɩ Nyininyɔ Zezwie 'nglɩ 'mö. 29'N ɔ gba la 'yɛ-a 'zwiföa -wa gba-a 'glɛkögbʋɔ de, 'n ɔ -nyʋa kpɛnɩ -bha. -Mʋa la'aa -nɩ ɔ 'lɩbhalɩbhɩɛ wa -wʋ la-a 'nama 'le. 30Zezwie -lʋa 'nʋɩ-a, 'n wa jio-o -ma Sezale 'yuo kwa, -ma wa -nyɔɔ 'plɩnɩ-a 'n wa jio-a Talɩsɩ 'yuo kwa.
'Kplakplanyɔ Ene yɛ 'pʋ
31-Bhaa do'o, -ma Zwidee dʋdʋ 'bhuo -gömö, -ma Galile -yɛ Samali 'sɔ, Zezwie -lʋaa -zakpö 'tɩ ɩ glɩ la -bha. Ɩ ka Nyininyɔ -Lagɔɔ nganɔ -gömö, 'n ɩ dlɩwʋkakʋ kwa-a 'yu. Zuzu 'Wlawla -wɩɩ kwanɩ 'le, 'n ɩ zumanɩ la -bha. 32Piɛlɩ-ɛ la 'mɩ -gwlɩ la'a 'bhuo bi 'le, gbë wa la-a Lida, 'n ɔ ji-e -ma a 'mö pla ɔ 'yɛ -maa -Lagɔgwie yɩlɩɛ yɛ. 33Ɔ nyini-e -ma, nɩkpɛ -bhlʋ ɔ ghlɩ-ɛ -ma, ɔ nglɩ-ɩ -yɛ-a Ene, 'kplakplanyɔ la -bha, ɔ ka 'kplakplalɩ'ɩ 'ylʋbö -ngbɔta, ɔ pö -bha -gbatʋ -gömö. 34Piɛlɩ nɛ -bha ɔ de: “Ene, Zezwi 'Kli -kamö göpö 'bhë, -sɔ 'wʋ, göganɩ -na -gbatʋ 'klʋɔ -li.” -Bha -gaganɩlɩ'ɩ 'n ɔ ji-a 'wʋ -sɔ. 35-Ma Lidaa nɩkpa 'bhuo -yɛ dʋdʋ wa la-a Salɔ -gömöö -lʋa 'sɔ yɩlɩɔ-a, 'n wa ji-a Nyininyɔ Zezwie wɛlɩ 'wʋ nglu.
Tabita yɛ galɔ
36-Glɔ wa la-a Zope, Zezwie -lʋa -wʋ la-a -ma, wa gla'aa 'nglɔ -bhlʋ wa la-a Tabita, 'mɩ 'nglɩɛ zɔmö -yɛ-a lwɩ. 'Mɔ nglɔ la'a -lie -lie -bɛ ɔ nʋ la -bha, 'n ɔ nyɛ-a 'pʋangwa. 37'Ylɩ -bhlʋ, gu 'lɩbhɔ-a 'n ɔ ji-a tlɩ. Wa bïda-a ɔ -gazɛ 'bhë 'n wa ji-e -ma -buduo ghayɩɛ 'köbhë -bhlʋ 'mö 'pa. 38Lidaa 'gbë -bha a -wʋ-a Zope yawʋ -kɔnyɩɛ yɛ, Zezwie -lʋa 'nʋ-ɔ naa Piɛlɩ-ɛ -ma-a, 'n wa jio-a nɩkpa 'sɔ 'wʋ tia naa, ɔ -gaganɩ 'wʋ ɔ 'yɛ -ma wa 'bhɛyɩ ji.
39Wa gba-a -sɩbha ɔ de 'gamö, Piɛlɩ -sɔ-a 'wʋ, 'n ɔ -yɛ nɩkpa la'a 'sɔ ji-a mö. Ɔ nyini-e -ma, 'n wa jio-o -ma ghayɩɛ -buduköbhë 'mö kwa. -Maa 'kuzlengwlɩ 'bhuo-o wi 'le, 'n wa jio-a 'wʋ binɩ. La nglɔ la'a -wʋʋa la-a -bhla 'gbamö, -banɩɛ -gɔpö 'bhuo ɔ dɩ la-a, 'n wa jio-a 'ji tuluanɩ. 40'N Piɛlɩ ji-a nɩkpa 'bhuo 'pɩ 'pa. Ɔ 'pa-a -kokomunigbö glu, 'n ɔ ji-a -bɛlɩ 'pa. 'Bhë ɔ gö-a -gazɛ 'ji, ɔ nɛ: “Tabita, -sɔ 'wʋ!” 'N 'nglɔ ji-a 'jie kalɩ, ɔ yɩlɩ-a Piɛlɩ-ɛ, 'n ɔ ji-a go glɩnɩ. 41Piɛlɩ köbhanɩɔ-a sɔ, 'n ɔ jio-a ghayɩ 'nɩgbanɩ. 'Bhë, ɔ wɔzɩ-a -Lagɔgwie -yɛ 'kuzlengwlɩ 'sɔ, 'n ɔ jua-a Tabitaa -gagalɔ 'ji tuluanɩ. 42'Mɩ -ɩ la'a, Zopee 'gbë 'bhuo ɩ bhɩa-a 'ji. 'N nɩkpaa -bɛ ji-a Nyininyɔ Zezwi dlɩ 'wʋ -ka. 43'N Piɛlɩ ji-e -ma Zope 'ylɩ ja -sa nɩkpɛ wa la-a Simo, -ɔ -yɛ-a nɩmakwibhɔtɔnyɔ, -ma ɔ 'ligbë'ë ɔ glɩ la-a -sɩbha.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bete New Testament © Bible Society of Côte d'Ivoire 1996