MALƖKÖÖ 'BƆGƲ 1
1
Sa Za Badizɩ gbagbanɩ-a -Lagɔgbʋ 'mö
1'Tɩtɩɛ -tɩtɩ -ɩ 'cɛlɩɔ-ɔ ma'a 'bɔgʋ la'a 'mö, -ɩ gba-a -Lagɔɔ 'Gu -bhlabhlʋ wa la-a Zezwi 'Klie gbʋ-ɔ, ɩ tɛnɩde la'a. 2Zezwi -yɛ nɩkpɛ -bhlʋ wa la-a Za Badizɩ 'sɔ, wa yɛ -Lagɔɔ 'mögbanɩnyɔ wa la-a Ezayi 'cɛlɩ-ɛ sa'a -ma ɔ -Lagɔbɔgʋ 'mö naa:
“-Lagɔ nɛ:
Na 'dɩkwanyɔ n tia-a -ma -na 'yu,
ɔ 'yɛ -na 'yuogblʋ -sa.”
3Sa'a ɔ 'cɛlɩɩ 'yɛ-a naa:
“A -sa Nyininyɔɔ 'yuogblʋɩ,
a slɛmanɩɩ 'mö, ɔ-ɔ ji 'le.”
4Sa Ezayi 'cɛlɩɩ la-a 'tɩɩ, -sɩbha Za Badizɩ 'wlenɩɩ-ɛ -ma 'mïsekpa 'klʋ 'wʋ. Ɔ nɛ -bha nɩkpaa de naa: “A ligba, a 'yɛ a 'jinyloli cɛ 'mö -sa, a ji n 'kaya badize, -Lagɔ 'yɛ a 'jinylolie gbʋ 'ji 'tatinɩ.”
5-Ma Zelwizalɛmöö nɩkpa -yɛ Zwidee -gwlɩ 'bhuo -gömöö -lʋa 'sɔ, 'n wa ji-e -ma Za Badizɩ ghlɩ, wa -yɛ wa 'jinylolie 'bui -sa, 'nyi wa la-a Zludɛ, 'n ɔ badizenʋa-a -ma ɛ 'mö. 6'Mɔ Za Badizɩ-ɛ, nɩmakubana ɔ ka la-a 'mö, 'n ɔ jia-a nɩmakubɛdlʋ -gömö bhlɩ. -Gagö -yɛ lʋɔ 'kpö 'sɔ mɩ-ɩ -yɛ la-a ɔ lilili. 7Ɔ nɛ -bha nɩkpa -wa ji-e -bha ɔ yawʋɔ de naa:
“Nɩkpɛ -ɔ -ga-a -ma na nimï n -nyɔɔ 'sɔ 'nɩ mlinɩ, ɔ 'tɛ-ɛ 'mö ɔ zi'i, n 'yɛ sɛ nyinie 'bhëë 'fʋ n 'yɛ ɔ -gbabʋaa 'likpï bulonʋ n 'nɩɩ 'wʋ -ngwa. 8-Amöö -nɩ-ɛ, 'nyu nya n badizenɩya-a la'a na-a, ɔ -yɛ -nɩ ji-e, Zuzu 'Wlawla nya ɔ jiya-a badizenɩɛ.”
Za Badizɩ yɛ Zezwi badize
9La Za Badizɩ -wʋ-a nɩkpa badize 'le, Zezwi 'bhönɩ -ma Galilee -gwlɩ yawʋɔ -glɔ wa la-a Nazalɛtɩ, 'n ɔ jio-o -ma Zludɛ yawʋ ghlɩ, 'n Za jio-a badize. 10Ɔ badizo-a 'bhë, Zezwi-e -ma 'nyi 'mö 'wlʋ 'le, 'n ɔ ji-a nglagatapɛɛ ngowalɩlɩ yɩlɩ, 'n Zuzu 'Wlawla jio-a 'gblɩɛ swɩ'ɩ -gömö sɛ 'sibhë. 11-Ma ghayɩ 'n wɛlɩ ji-e -ma 'bhönɩ, ɩ nɛ naa: “Na dlɩɛ sɛkagu -n glɩnɩ -bha, 'jɩbha n -jɩbhamö-a tenyi tenyi.”
12-Bha -gaganɩlɩ'ɩ, 'n Zuzu 'Wlawla ji-a Zezwi -ma 'mïsekpa 'klʋ 'susʋanɩ. 13Ɔ -sa -ma 'ylɩɛ gwlɩ 'sɔ. -Ma 'mɩ ylɩ la'a 'mö, 'n 'jinylozuzukuo 'bhitɩbha wa la-a Sata jio-o -ma 'pa. Ɔ glɩ -ma 'kwlanɩma gla'a, 'n -Lagɔzuzuku -wʋɔ-a 'ji.
Zezwi yɛ ɔ -Lagɔlibho tɛ-ɛ
14Wa köbha-a Za wa 'pɔ-a -die 'mö 'bhë-ë, 'n Zezwi ji-a 'wʋ -sɔ, 'n ɔ ji-e -ma Galilee -gwlɩ -gömö -Lagɔɔ 'tɩtɩɛ -tɩtɩ kwa. 15'N ɔ nʋ-a: “La -Lagɔ -dɩ la-a, -bha yɛ nyini 'bhë, -Lagɔɔ nyininyinipɩ yɛ -kɔnyɩ nyininɩ 'bhë. Ɩ yɛ a ligba, a -sa a 'jinyloli cɛ 'mö, a -ka -Lagɔɔ 'tɩtɩɛ -tɩtɩ dlɩ 'wʋ.”
Zezwi yɛ nɩkpa -mʋna ɔ 'wʋbhlinɩngwa 'wʋ zʋa
16'Ylɩ -bhlʋ, Zezwi namö -bha Galilee gïnyi yawʋ, 'n ɔ ji-a -dagwie 'sɔ yɩlɩ, -bhlʋɔ nglɩ-ɩ -yɛ-a Simo, -mɔbhaa nglɩ-ɩ -yɛ-a Adle, 'nyidɔngwa wa glɩnɩ -bhaa yɛ, 'n wa -wʋ-ɔ -ma 'nyi 'mö wa -dadɩ 'pa 'le. 17Ɔ yɩlʋa-a, 'n ɔ jua-a wɔzɩ, ɔ nɛ naa: “A ji n nyɛya 'sɔ 'yɛ 'wʋ -bhlinɩ, sa a sa-a -ma 'nyi 'mö zibhï, n 'kaya -sɩbha nɩkpaa 'kwlamösangwa 'wʋ zʋa.” 18Zezwi gba-a sa'a wa de, -bha -gaganɩlɩ'ɩ, 'n wa ji-a wa -dadɩ -bha tɩ, 'n wa jio-a 'bɩ mö.
19Ɔ nyini-e -bha 'yude, 'n ɔ ji 'yɛ-a -dagwie -mʋmʋa 'sɔ yɩlɩ, -bhlʋɔ nglɩ-ɩ -yɛ-a Zakö, -mɔbhaa nglɩ-ɩ -yɛ-a Za, nɩkpɛ -bhlʋ wa la-a Zebede ɔ gwie la -bha. Wa -yɛ wa -tɩbha 'sɔ glɩ -ma 'gɔlʋ 'mö, wa-a wa -dadɩ göganɩ 'le. 20Zezwi yɩlʋa-a, -bha -gaganɩlɩ'ɩ 'n ɔ jua-a wɔzɩ, 'n wa ji-a wa -tɩbha -yɛ libhonʋngwa 'sɔ -ma 'gɔlʋ 'mö tɩ, 'n wa jio-a 'bɩ mö.
Zezwi yɛ nɩkpɛ -bhlʋ 'jinylozuzuko -gömö kpëti
21-Glɔ wa la-a Kapɛnaɔmö, -ma Zezwi -yɛ ɔ 'wʋbhlinɩngwa 'sɔ mö -bha. 'Zwiföaa -gwlɛnɩzlɩ nyini-a, 'n ɔ ji-e -ma -Lagɔbudu'u pla, 'n ɔ ji-a nɩkpa -Lagɔwɛlɩ ngli 'pa. 22Ɔ nglipalɩ ngli ɩ mönʋa-a tenyi. -Wʋʋ yɛ-a, ɔ'ɔ 'pa la -Lagɔɔ gböö nglipangwaa swɩ'ɩ ngli, nɩkpɛ -ɔ ka-a 'gba -gömöö swɩ'ɩ ɔ pa-a ngli. 23-Ma wa -Lagɔbudu la'a 'mö, nɩkpɛ -bhlʋ -wʋ la-a -ma, 'jinylozuzuko ɔ ka la-a -gömö. 'N ɔ ji-a 'mö 'kpö, ɔ nɛ: 24“Nazalɛtɩɛ Zezwi, 'manɩɛ cɛ -a -nyɛmö 'sɔ ka-a nyɩdɩ 'nɩ? -N -kaya sɛ -saa yɛ -n ji-a 'nɩ-ɩ? N -ji -mɔ -n glɩnɩ-a. -Ɔ -wʋ-a 'wlawla -ɔ -Lagɔ tia-a, mɔ -n glɩnɩ -bha.” 25'N Zezwi ji-a 'jinylozuzuko la'a 'wliyawʋ 'kpönɩ, ɔ nɛ: “Zʋ ngo yɛ, 'bhö-ö -sɩka'a nɩkpɛ -la -gömö.” 26'Jinylozuzuko 'kpö-a 'mö tenyi, a gbʋgbɔ-a nɩkpɛ la'a 'mö 'bhë, 'n a jio-a -gömö 'bhö-ö. 27-Wa bhuo-o su la-a -bha ngli-i mönʋa-a tenyi, 'n wa 'jɩbhajɩbhanɩ-a ngli naa: “Wɛlɩɛ -mɩ-ɛ 'mö-ö -la -sa -nɩ 'nɩ? Nglipalɩ -lili -ɩ ji-a mɩ-a? Nɩkpɛ -la 'gba ɔ ka-a -gömö, wʋ yɛ ɔ nyɛ-a 'jinylozuzuku 'dɩ naa ɩ 'bhö-ö nɩkpa -gömö, 'n ɩ zʋɔ-ɔ -bha.” 28'N Zezwie 'nglɩ ji-e -bha -gaganɩlɩ'ɩ -ma Galilee -gwlɩ 'bhuo yawʋ 'ji bhɩa.
Zezwi yɛ guzungwaa -bɛ göpö
29Zezwi -yɛ ɔ 'wʋbhlinɩngwa 'sɔ 'wlʋ-ɔ -ma -Lagɔbudu'u, 'n wa ji-e -ma Simo -yɛ Adle 'sɔɔ 'ligbë'ë mö. 30Wa nyini-e -ma, Simoo 'wʋtanglɔ wotloko ɔ ka-a -gömöö yɛ, ɔ pö dʋdʋ'ʋ 'n wa jio-o -bha ghlɩ. -Bha -gaganɩlɩ'ɩ, 'n wa ji-a ɔ gbʋ -bha Zezwie de gba. 31Zezwi nyini-e -bha ɔ yawʋ, ɔ köbhanɩɔ-a sɔ, 'n ɔ jio-a 'wlu 'libhï. -Bha -gaganɩlɩ'ɩ, 'n wotloko jio-a -gömö 'bhö-ö. Ɔ -sɔ-a 'wʋ, 'n ɔ jua-a lili 'nyɛ.
32-Dudo'o nyini-a, 'ylʋzalʋ bhli-a, 'n nɩkpa ji-a Zezwi guzungwa 'bhuo -yɛ 'jinylozuzukuo -gömökangwa 'sɔ -la. 33-Budu -ʋʋ 'mö ɔ -wʋ la-a, 'n -glɔ la'a 'möö nɩkpa 'bhuo ji-e -bha ʋ ngo'o 'wlu 'titanɩ. 34Sa guzungwaa gwi -wʋ-a -bhlʋ -bhlʋ -sɩbha ɔ göpɩ -bha. 'N ɔ ji-a -mʋmʋa 'jinylozuzuku -gömö kpëti. Ɩ -ji -mɔ ɔ glɩnɩ-aa yɛ, ɔ'ɔ -sɩɩ la cɛ yawʋ ɩ 'yɛ gbʋ -dɩ.
Zezwi yɛ Galilee -gwlɩ 'wʋ binɩ
35Zlɩ nʋ-a ɛ 'yɛ zɩ-ɛ, 'misikpoko 'köbhɔ-ɔ -bhla titi, Zezwi -sɔ-a 'wʋ, 'n ɔ ji-a yawʋdobhle -bhlʋ 'klʋ mö, 'n ɔ ji-e -ma -Lagɔ -bɛlɩ 'panɩ. 36Simo -yɛ ɔ linɩkpa 'sɔ galɔ-a, 'n wa jio-a 'nama kwla'a mö. 37Wa yɩlɩɔ-a, wa nɛ -bha ɔ de naa: “Nɩkpa 'bhuo -wʋmö 'nama 'le.” 38Ɔ nɛ: “A-a mö -ma yawʋɔ -gwlɩ -mɩbhaa 'mö, n 'yɛ 'yɛ -ma -nɩ -Lagɔwɛlɩ gbanɩ, ɩ yɛ n ji-e ma'a 'pɩ 'wʋ.” 39'N ɔ ji-a mö, -ma Galilee -gwlɩ 'bhuo -gömöö -Lagɔbudi'i, 'n ɔ ji-e -ma gbanɩ, 'n ɔ ji 'yɛ-a 'jinylozuzuku nɩkpa -gömö kpëti.
Zezwi yɛ 'lalʋlɩbhanyɔ -bhlʋ göpö
40'Ylɩ -bhlʋ, 'lalʋlɩbhanyɔ -bhlʋ ghlɩ-ɛ -bha Zezwi, ɔ 'pa-a -bha ɔ dlɩ'ɩ -kokomunigbö glu-o, 'n ɔ jio-a -bɛlɩ 'pa, ɔ nɛ -bha ɔ de naa: “N -bhiamö yawʋ -göpö'ö, n -ji sɛ naa -n bhɛlɩ -n ka'a göpö.” 41Ɔ gba-a sa'a, 'n ngazɩ ji-a ɔ 'bɩ 'mö Zezwi 'lɩbha tenyi, ɔ plu-a sɔ 'mö, 'n ɔ jio-a cɛ zʋ, ɔ nɛ: “N yɛ nglu 'bhë, 'pʋ.” 42-Bha -gaganɩlɩ'ɩ, 'n 'lalʋ ji-a nɩkpɛ la'a ku 'mö bhɩa. 43-44'N Zezwi jio-a 'dɩ 'nyɛ naa: “-N -yɛ mö, -n 'na-a -sanɩ -na 'pʋpʋdɩ -bɛ 'lɩlɩlɩ -nɩ. Mö -n 'yɛ -najɩ -Lagɔbʋbɔnyɔ 'ji tuluanɩ, sa -n -wʋ-ɔ 'mö-a -sɩka'a ɔ -kɩɩ yɩlɩ 'bhë-ë, bʋbɔnʋli Moyizɩ nʋ la-a naa, 'lalʋlɩbhanyɔ -yɛ 'pʋ ɔ bʋbɔnʋɩ ɔ 'yɛ -bha -Lagɔɔ 'ji 'klʋ 'wlala zʋ, -n 'kɩ bʋbɔnʋ nɩkpa 'bhuo 'yɛ sɛ jɩblɩnɩ naa -n yɛ 'pʋ 'bhë.” 45Zezwi 'nyɔ-ɔ -sɩbha 'dɩ 'bhë-ë, nɩkpɛ la'a mö-a -nɩ-ɛ, ɔ 'pʋpʋdɩ ɔ bia-a de 'bhuo yɛ. Ɩ yɛ Zezwi 'nɩ la-a 'mö bhɛlɩ ɔ 'yɛ -glodu'u 'sibhë, -ma yawʋdobhli 'klʋ ɔ glɩ-a yɛ, 'n nɩkpa 'bhönɩ-a de 'bhuo 'n wa ji-e -bha ɔ yawʋ.
Currently Selected:
MALƖKÖÖ 'BƆGƲ 1: BNT96
Highlight
Copy
Compare
Share
Want to have your highlights saved across all your devices? Sign up or sign in
Bete New Testament © Bible Society of Côte d'Ivoire 1996
MALƖKÖÖ 'BƆGƲ 1
1
Sa Za Badizɩ gbagbanɩ-a -Lagɔgbʋ 'mö
1'Tɩtɩɛ -tɩtɩ -ɩ 'cɛlɩɔ-ɔ ma'a 'bɔgʋ la'a 'mö, -ɩ gba-a -Lagɔɔ 'Gu -bhlabhlʋ wa la-a Zezwi 'Klie gbʋ-ɔ, ɩ tɛnɩde la'a. 2Zezwi -yɛ nɩkpɛ -bhlʋ wa la-a Za Badizɩ 'sɔ, wa yɛ -Lagɔɔ 'mögbanɩnyɔ wa la-a Ezayi 'cɛlɩ-ɛ sa'a -ma ɔ -Lagɔbɔgʋ 'mö naa:
“-Lagɔ nɛ:
Na 'dɩkwanyɔ n tia-a -ma -na 'yu,
ɔ 'yɛ -na 'yuogblʋ -sa.”
3Sa'a ɔ 'cɛlɩɩ 'yɛ-a naa:
“A -sa Nyininyɔɔ 'yuogblʋɩ,
a slɛmanɩɩ 'mö, ɔ-ɔ ji 'le.”
4Sa Ezayi 'cɛlɩɩ la-a 'tɩɩ, -sɩbha Za Badizɩ 'wlenɩɩ-ɛ -ma 'mïsekpa 'klʋ 'wʋ. Ɔ nɛ -bha nɩkpaa de naa: “A ligba, a 'yɛ a 'jinyloli cɛ 'mö -sa, a ji n 'kaya badize, -Lagɔ 'yɛ a 'jinylolie gbʋ 'ji 'tatinɩ.”
5-Ma Zelwizalɛmöö nɩkpa -yɛ Zwidee -gwlɩ 'bhuo -gömöö -lʋa 'sɔ, 'n wa ji-e -ma Za Badizɩ ghlɩ, wa -yɛ wa 'jinylolie 'bui -sa, 'nyi wa la-a Zludɛ, 'n ɔ badizenʋa-a -ma ɛ 'mö. 6'Mɔ Za Badizɩ-ɛ, nɩmakubana ɔ ka la-a 'mö, 'n ɔ jia-a nɩmakubɛdlʋ -gömö bhlɩ. -Gagö -yɛ lʋɔ 'kpö 'sɔ mɩ-ɩ -yɛ la-a ɔ lilili. 7Ɔ nɛ -bha nɩkpa -wa ji-e -bha ɔ yawʋɔ de naa:
“Nɩkpɛ -ɔ -ga-a -ma na nimï n -nyɔɔ 'sɔ 'nɩ mlinɩ, ɔ 'tɛ-ɛ 'mö ɔ zi'i, n 'yɛ sɛ nyinie 'bhëë 'fʋ n 'yɛ ɔ -gbabʋaa 'likpï bulonʋ n 'nɩɩ 'wʋ -ngwa. 8-Amöö -nɩ-ɛ, 'nyu nya n badizenɩya-a la'a na-a, ɔ -yɛ -nɩ ji-e, Zuzu 'Wlawla nya ɔ jiya-a badizenɩɛ.”
Za Badizɩ yɛ Zezwi badize
9La Za Badizɩ -wʋ-a nɩkpa badize 'le, Zezwi 'bhönɩ -ma Galilee -gwlɩ yawʋɔ -glɔ wa la-a Nazalɛtɩ, 'n ɔ jio-o -ma Zludɛ yawʋ ghlɩ, 'n Za jio-a badize. 10Ɔ badizo-a 'bhë, Zezwi-e -ma 'nyi 'mö 'wlʋ 'le, 'n ɔ ji-a nglagatapɛɛ ngowalɩlɩ yɩlɩ, 'n Zuzu 'Wlawla jio-a 'gblɩɛ swɩ'ɩ -gömö sɛ 'sibhë. 11-Ma ghayɩ 'n wɛlɩ ji-e -ma 'bhönɩ, ɩ nɛ naa: “Na dlɩɛ sɛkagu -n glɩnɩ -bha, 'jɩbha n -jɩbhamö-a tenyi tenyi.”
12-Bha -gaganɩlɩ'ɩ, 'n Zuzu 'Wlawla ji-a Zezwi -ma 'mïsekpa 'klʋ 'susʋanɩ. 13Ɔ -sa -ma 'ylɩɛ gwlɩ 'sɔ. -Ma 'mɩ ylɩ la'a 'mö, 'n 'jinylozuzukuo 'bhitɩbha wa la-a Sata jio-o -ma 'pa. Ɔ glɩ -ma 'kwlanɩma gla'a, 'n -Lagɔzuzuku -wʋɔ-a 'ji.
Zezwi yɛ ɔ -Lagɔlibho tɛ-ɛ
14Wa köbha-a Za wa 'pɔ-a -die 'mö 'bhë-ë, 'n Zezwi ji-a 'wʋ -sɔ, 'n ɔ ji-e -ma Galilee -gwlɩ -gömö -Lagɔɔ 'tɩtɩɛ -tɩtɩ kwa. 15'N ɔ nʋ-a: “La -Lagɔ -dɩ la-a, -bha yɛ nyini 'bhë, -Lagɔɔ nyininyinipɩ yɛ -kɔnyɩ nyininɩ 'bhë. Ɩ yɛ a ligba, a -sa a 'jinyloli cɛ 'mö, a -ka -Lagɔɔ 'tɩtɩɛ -tɩtɩ dlɩ 'wʋ.”
Zezwi yɛ nɩkpa -mʋna ɔ 'wʋbhlinɩngwa 'wʋ zʋa
16'Ylɩ -bhlʋ, Zezwi namö -bha Galilee gïnyi yawʋ, 'n ɔ ji-a -dagwie 'sɔ yɩlɩ, -bhlʋɔ nglɩ-ɩ -yɛ-a Simo, -mɔbhaa nglɩ-ɩ -yɛ-a Adle, 'nyidɔngwa wa glɩnɩ -bhaa yɛ, 'n wa -wʋ-ɔ -ma 'nyi 'mö wa -dadɩ 'pa 'le. 17Ɔ yɩlʋa-a, 'n ɔ jua-a wɔzɩ, ɔ nɛ naa: “A ji n nyɛya 'sɔ 'yɛ 'wʋ -bhlinɩ, sa a sa-a -ma 'nyi 'mö zibhï, n 'kaya -sɩbha nɩkpaa 'kwlamösangwa 'wʋ zʋa.” 18Zezwi gba-a sa'a wa de, -bha -gaganɩlɩ'ɩ, 'n wa ji-a wa -dadɩ -bha tɩ, 'n wa jio-a 'bɩ mö.
19Ɔ nyini-e -bha 'yude, 'n ɔ ji 'yɛ-a -dagwie -mʋmʋa 'sɔ yɩlɩ, -bhlʋɔ nglɩ-ɩ -yɛ-a Zakö, -mɔbhaa nglɩ-ɩ -yɛ-a Za, nɩkpɛ -bhlʋ wa la-a Zebede ɔ gwie la -bha. Wa -yɛ wa -tɩbha 'sɔ glɩ -ma 'gɔlʋ 'mö, wa-a wa -dadɩ göganɩ 'le. 20Zezwi yɩlʋa-a, -bha -gaganɩlɩ'ɩ 'n ɔ jua-a wɔzɩ, 'n wa ji-a wa -tɩbha -yɛ libhonʋngwa 'sɔ -ma 'gɔlʋ 'mö tɩ, 'n wa jio-a 'bɩ mö.
Zezwi yɛ nɩkpɛ -bhlʋ 'jinylozuzuko -gömö kpëti
21-Glɔ wa la-a Kapɛnaɔmö, -ma Zezwi -yɛ ɔ 'wʋbhlinɩngwa 'sɔ mö -bha. 'Zwiföaa -gwlɛnɩzlɩ nyini-a, 'n ɔ ji-e -ma -Lagɔbudu'u pla, 'n ɔ ji-a nɩkpa -Lagɔwɛlɩ ngli 'pa. 22Ɔ nglipalɩ ngli ɩ mönʋa-a tenyi. -Wʋʋ yɛ-a, ɔ'ɔ 'pa la -Lagɔɔ gböö nglipangwaa swɩ'ɩ ngli, nɩkpɛ -ɔ ka-a 'gba -gömöö swɩ'ɩ ɔ pa-a ngli. 23-Ma wa -Lagɔbudu la'a 'mö, nɩkpɛ -bhlʋ -wʋ la-a -ma, 'jinylozuzuko ɔ ka la-a -gömö. 'N ɔ ji-a 'mö 'kpö, ɔ nɛ: 24“Nazalɛtɩɛ Zezwi, 'manɩɛ cɛ -a -nyɛmö 'sɔ ka-a nyɩdɩ 'nɩ? -N -kaya sɛ -saa yɛ -n ji-a 'nɩ-ɩ? N -ji -mɔ -n glɩnɩ-a. -Ɔ -wʋ-a 'wlawla -ɔ -Lagɔ tia-a, mɔ -n glɩnɩ -bha.” 25'N Zezwi ji-a 'jinylozuzuko la'a 'wliyawʋ 'kpönɩ, ɔ nɛ: “Zʋ ngo yɛ, 'bhö-ö -sɩka'a nɩkpɛ -la -gömö.” 26'Jinylozuzuko 'kpö-a 'mö tenyi, a gbʋgbɔ-a nɩkpɛ la'a 'mö 'bhë, 'n a jio-a -gömö 'bhö-ö. 27-Wa bhuo-o su la-a -bha ngli-i mönʋa-a tenyi, 'n wa 'jɩbhajɩbhanɩ-a ngli naa: “Wɛlɩɛ -mɩ-ɛ 'mö-ö -la -sa -nɩ 'nɩ? Nglipalɩ -lili -ɩ ji-a mɩ-a? Nɩkpɛ -la 'gba ɔ ka-a -gömö, wʋ yɛ ɔ nyɛ-a 'jinylozuzuku 'dɩ naa ɩ 'bhö-ö nɩkpa -gömö, 'n ɩ zʋɔ-ɔ -bha.” 28'N Zezwie 'nglɩ ji-e -bha -gaganɩlɩ'ɩ -ma Galilee -gwlɩ 'bhuo yawʋ 'ji bhɩa.
Zezwi yɛ guzungwaa -bɛ göpö
29Zezwi -yɛ ɔ 'wʋbhlinɩngwa 'sɔ 'wlʋ-ɔ -ma -Lagɔbudu'u, 'n wa ji-e -ma Simo -yɛ Adle 'sɔɔ 'ligbë'ë mö. 30Wa nyini-e -ma, Simoo 'wʋtanglɔ wotloko ɔ ka-a -gömöö yɛ, ɔ pö dʋdʋ'ʋ 'n wa jio-o -bha ghlɩ. -Bha -gaganɩlɩ'ɩ, 'n wa ji-a ɔ gbʋ -bha Zezwie de gba. 31Zezwi nyini-e -bha ɔ yawʋ, ɔ köbhanɩɔ-a sɔ, 'n ɔ jio-a 'wlu 'libhï. -Bha -gaganɩlɩ'ɩ, 'n wotloko jio-a -gömö 'bhö-ö. Ɔ -sɔ-a 'wʋ, 'n ɔ jua-a lili 'nyɛ.
32-Dudo'o nyini-a, 'ylʋzalʋ bhli-a, 'n nɩkpa ji-a Zezwi guzungwa 'bhuo -yɛ 'jinylozuzukuo -gömökangwa 'sɔ -la. 33-Budu -ʋʋ 'mö ɔ -wʋ la-a, 'n -glɔ la'a 'möö nɩkpa 'bhuo ji-e -bha ʋ ngo'o 'wlu 'titanɩ. 34Sa guzungwaa gwi -wʋ-a -bhlʋ -bhlʋ -sɩbha ɔ göpɩ -bha. 'N ɔ ji-a -mʋmʋa 'jinylozuzuku -gömö kpëti. Ɩ -ji -mɔ ɔ glɩnɩ-aa yɛ, ɔ'ɔ -sɩɩ la cɛ yawʋ ɩ 'yɛ gbʋ -dɩ.
Zezwi yɛ Galilee -gwlɩ 'wʋ binɩ
35Zlɩ nʋ-a ɛ 'yɛ zɩ-ɛ, 'misikpoko 'köbhɔ-ɔ -bhla titi, Zezwi -sɔ-a 'wʋ, 'n ɔ ji-a yawʋdobhle -bhlʋ 'klʋ mö, 'n ɔ ji-e -ma -Lagɔ -bɛlɩ 'panɩ. 36Simo -yɛ ɔ linɩkpa 'sɔ galɔ-a, 'n wa jio-a 'nama kwla'a mö. 37Wa yɩlɩɔ-a, wa nɛ -bha ɔ de naa: “Nɩkpa 'bhuo -wʋmö 'nama 'le.” 38Ɔ nɛ: “A-a mö -ma yawʋɔ -gwlɩ -mɩbhaa 'mö, n 'yɛ 'yɛ -ma -nɩ -Lagɔwɛlɩ gbanɩ, ɩ yɛ n ji-e ma'a 'pɩ 'wʋ.” 39'N ɔ ji-a mö, -ma Galilee -gwlɩ 'bhuo -gömöö -Lagɔbudi'i, 'n ɔ ji-e -ma gbanɩ, 'n ɔ ji 'yɛ-a 'jinylozuzuku nɩkpa -gömö kpëti.
Zezwi yɛ 'lalʋlɩbhanyɔ -bhlʋ göpö
40'Ylɩ -bhlʋ, 'lalʋlɩbhanyɔ -bhlʋ ghlɩ-ɛ -bha Zezwi, ɔ 'pa-a -bha ɔ dlɩ'ɩ -kokomunigbö glu-o, 'n ɔ jio-a -bɛlɩ 'pa, ɔ nɛ -bha ɔ de naa: “N -bhiamö yawʋ -göpö'ö, n -ji sɛ naa -n bhɛlɩ -n ka'a göpö.” 41Ɔ gba-a sa'a, 'n ngazɩ ji-a ɔ 'bɩ 'mö Zezwi 'lɩbha tenyi, ɔ plu-a sɔ 'mö, 'n ɔ jio-a cɛ zʋ, ɔ nɛ: “N yɛ nglu 'bhë, 'pʋ.” 42-Bha -gaganɩlɩ'ɩ, 'n 'lalʋ ji-a nɩkpɛ la'a ku 'mö bhɩa. 43-44'N Zezwi jio-a 'dɩ 'nyɛ naa: “-N -yɛ mö, -n 'na-a -sanɩ -na 'pʋpʋdɩ -bɛ 'lɩlɩlɩ -nɩ. Mö -n 'yɛ -najɩ -Lagɔbʋbɔnyɔ 'ji tuluanɩ, sa -n -wʋ-ɔ 'mö-a -sɩka'a ɔ -kɩɩ yɩlɩ 'bhë-ë, bʋbɔnʋli Moyizɩ nʋ la-a naa, 'lalʋlɩbhanyɔ -yɛ 'pʋ ɔ bʋbɔnʋɩ ɔ 'yɛ -bha -Lagɔɔ 'ji 'klʋ 'wlala zʋ, -n 'kɩ bʋbɔnʋ nɩkpa 'bhuo 'yɛ sɛ jɩblɩnɩ naa -n yɛ 'pʋ 'bhë.” 45Zezwi 'nyɔ-ɔ -sɩbha 'dɩ 'bhë-ë, nɩkpɛ la'a mö-a -nɩ-ɛ, ɔ 'pʋpʋdɩ ɔ bia-a de 'bhuo yɛ. Ɩ yɛ Zezwi 'nɩ la-a 'mö bhɛlɩ ɔ 'yɛ -glodu'u 'sibhë, -ma yawʋdobhli 'klʋ ɔ glɩ-a yɛ, 'n nɩkpa 'bhönɩ-a de 'bhuo 'n wa ji-e -bha ɔ yawʋ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bete New Testament © Bible Society of Côte d'Ivoire 1996