MALƖKÖÖ 'BƆGƲ 2
2
Zezwi yɛ 'kplakplanyɔ -bhlʋ göpö
1'Ylɩ ja 'plɩ-a, 'n Zezwi ji-e -ma Kapɛnaɔmö nimï mö, -maa nɩkpa 'nʋ-ɔ naa, ɔ yɛ nimï ji 'bhë-ë, 2-budu -ʋʋ 'mö ɔ -wʋ la-a, -ma wa ye-aa yɛ, 'bhlee 'bhë 'nɩ la -bha ʋ ngo'o -wʋ. 'N ɔ pʋa-a -Lagɔwɛlɩ ngli. 3Ɔ -wʋʋa ngli 'pa 'le, 'n nɩkpa -mʋmʋa jio-a 'kplakplanyɔ -bhlʋ -la, wa gla'aa nɩkpa -mʋna -suo, 'n wa -nyɔɔ ji-a ji. 4Nɩkpaa -zunʋ yɛ, wa'a la bhɛlɩ wa 'yɛ Zezwi yawʋ nyini. Wa -gbla-a -ma -budu -gömö, wa -dɩ-ɛ -ma -fle, 'kplakplanyɔ pö -bha ɔ -gbatʋ -gömö, 'n wa jio-o -bha -fle la'a 'ji sɛ 'sibhanɩ. 5Zezwi yɩlɩ-a sa wa kɔ-a dlɩ 'wʋ, ɔ nɛ -bha 'kplakplanyɔɔ de: “Na 'gu, -na 'jinylolie gbʋ yɛ bhɩa 'bhë.”
6-Lagɔɔ gböö nglipangwa glɩ la-a -bha, wa nɛ -ma wa dlɩa zɔmö naa: 7“Sa nɩkpɛ -la gbagbanɩ-ɛ -sa 'mö 'nɩ? -Lagɔ ɔ -wʋ-a ngli nyimanɩ 'le, -mɔ bhɛlɩ-a ɔ 'yɛ 'jinylolie gbʋ bhɩa, 'n ɛ nɩ -Lagɔɔ 'bhëë 'nyize glɩnɩ 'nɩ?” 8-Bha -gaganɩlɩ'ɩ, -ɩ wa -wʋ-a dlɩ 'wʋ 'pa 'le 'n Zezwi jiɩ-e -ma ɔ dlɩ zɔmö jɩblɩnɩ. Ɔ nɛ -bha wa de naa: “'Manɩɛ yɛ a pa bhe -sa dlɩ 'nɩ? 9N 'yɛ nʋ naa 'kplakplanyɔ, -na 'jinylolie gbʋ yɛ bhɩa 'bhë, n 'yɛ 'yɛ ɔ de nʋ naa: -Sɔ 'wʋ 'libhï -na -gbatʋ 'wʋ -n 'yɛ namö nʋ-ɔ, -ɩ la'a 'sɔɔ gla'a, -mɩɛ gbagbʋ-ʋ jɔnʋ-a 'wʋ 'nɩ? 10A 'yɛ sɛ jɩblɩnɩ naa, Nɩkpɛɛ 'Gu ka 'gba -gömö, ɔ 'yɛ ma'a dʋdʋkpata -gömö 'jinylolie gbʋ bhɩaa yɛ, 11'kplakplanyɔ, -nmö n nyɛ-a 'dɩ, -sɔ 'wʋ, 'libhï -na -gbatʋ 'wʋ -n 'yɛ 'ligbë'ë mö.” 12Zezwi gba-a sa'a tɔngʋ, 'n 'kplakplanyɔ la'a ji-a 'wʋ -sɔ, ɔ 'libhï-a ɔ -gbatʋ 'wʋ -bha wa 'bhuoo 'ji 'klʋ, 'n ɔ ji-a 'pɩ 'wlʋ, 'n ɔ ji-a mö. Wa 'bhuo ngli-i mönʋa-a tenyi, wa-a la'a -Lagɔɔ 'nglɩ 'ghlimanɩ 'le, 'n wa nʋ-a: “'Wuë! -A -yɛ la 'wlʋ -aa -lɛ -bhla -ɩ la'a yɩlɩ.”
Zezwi yɛ Levi wɔzɩ
13-Mɩ la'a 'plɩ-a 'bhë, 'n Zezwi ji 'yɛ-ɛ -ma Galilee gïnyi yawʋ nimï mö. Nɩkpa 'bhönɩ-a de 'bhuo wa ji-e -bha ɔ yawʋ, 'n ɔ jua-a -Lagɔwɛlɩ ngli 'pa. 14Ɔ 'bhö-ö -bha ɔ-ɔ mö 'le, nɩkpɛ -bhlʋ wa la-a Levi 'n ɔ jio-a yɩlɩ, nɩkpɛ wa la-a Alɩfe, ɔ gu-o -sɩbha. Lepoo mëniköbhanyɔ ɔ glɩnɩ-aa yɛ, ɔ glɩ -ma lepopɛnɩbudu'u. Zezwi yɩlɩɔ-a, ɔ nɛ -bha ɔ de naa: “Levi ji'i 'bɩ!” Ɔ gba-a sa'a tɔngʋ Levi -sɔ-a 'wʋ, 'n ɔ jio-a 'bɩ mö.
15'N Zezwi -yɛ ɔ 'wʋbhlinɩngwa 'sɔ ji-e -ma Levie 'ligbë'ë li kwla'a mö. Lepoo mëniköbhangwa -yɛ 'jinylolie nʋnʋngwa 'sɔ, mʋa-a -ganɩ la-a Zezwi, 'n ɔ -nyʋa 'sɔ ji-a debhlʋ linɩ. 16-Lagɔɔ gböö nglipangwa -yɛ falizɩɛ 'sɔ yɩlɩ-a -ɩ la'a 'wʋ-ɔ, 'n wa ji-a Zezwie 'wʋbhlinɩngwa ngli 'jɩbha, wa nɛ: “'Manɩɛ yɛ a 'bhitɩbha -yɛ lepoo mëniköbhangwa -yɛ 'jinylolie nʋnʋngwa 'sɔ -wʋ-a debhlʋ linɩ 'le 'nɩ?” 17Zezwi 'nʋɩ-a, ɔ nɛ -bha wa de naa: “-Ɔ la'a -ɔ -ja-a, mɔ-ɔ 'nɩ mö -dɔtʋlʋa 'mö, guzunyɔ mö-a -dɔtʋlʋa 'mö. Mɩ-ɩ -yɛ-a naa: Nɩkpa -wa pa-a dlɩ naa, -bha -Lagɔɔ 'ji 'klʋ -kpöön wa -wʋ -bha, wa wɔzɩ -yɛ n'n -lɛ ma'a 'pɩ 'wʋ ji. -Wa la'a -wa -ji-a sɛ naa, 'jinylolie nʋnʋngwa wa glɩnɩ -bha, 'mʋa n ji-a wɔzɩ kwla'a.”
Zezwi yɛ lɔlɔsʋsʋɛɛ gbʋ gba-a
18'Ylɩ -bhlʋ, Za Badizɩɛ 'wʋbhlinɩngwa -yɛ falizɩɛ 'sɔ-ɔ lɔlɔ 'sʋ 'le, 'n wa ji-e -bha Zezwi ghlɩ, wa nɛ naa: “'Manɩɛ yɛ Zaa 'wʋbhlinɩngwa -yɛ falizɩɛ -lʋa 'sɔ -wʋ-a lɔlɔ 'sʋ 'le 'bhë, 'n -na -nɩ -lʋa 'nɩ 'sʋ-a lɔlɔ 'nɩ?” 19Zezwi nɛ -bha wa de naa: “Nɩkpɛ -yɛ 'nglɔ kwa, ɔ 'tʋalɩbhangwa -kɔɔ 'wʋ 'bhli 'le -wʋ-ɔ, nglʋkwanyɔ la'a -kʋa -bhla 'gbamö -wʋ, -wa ji la-a 'bhli kwla'a 'mʋna jua 'lɩbha 'le -wʋ wa ji bhe nʋ wa 'na-a li nʋ? 'Bhëbhë, wa 'na -sɩbha gba. 20'Ylɩ -bhlʋ ji ji, la nglʋkwanyɔ 'na 'kʋa-a 'gbamö -wʋ, -bhaa do'o wa ji lɔlɔ 'sʋ.” 21Ɔ nɛ 'yɛ naa: “Wa'a 'kplanɩ -bana -sakasaa -fle 'ji -yʋkʋpɩa -lile. Wa -yɛ -sɩbha nʋ-ɔ, -bana -sakasa wʋlɔ a ji-a tenyi, 'n a -fle 'yɛ-a 'mö 'ghlimanɩ. 22Wa'a palɩ 'yɛ -ma 'kplabhë -sakasa 'mö nʋ -lulu, wa -yɛ -sɩbha nʋ-ɔ, wʋlɔ 'kplabhë wʋlɔ -bha, 'n nʋ 'suluo-a yɛ 'n ɩ 'sɔ -kpɔ nyimonʋ-a 'ji. Wʋ yɛ wa palɩ-a nʋ -lulu 'kplabhë -lile 'mö.”
Zezwi yɛ 'zwiföaa -gwlɛnɩzlɩɛ gbʋ gba
23'Zwiföaa -gwlɛnɩzlɩ -bhlʋɔ 'mö, Zezwi -yɛ ɔ 'wʋbhlinɩngwa 'sɔ-ɔ -ma 'lagbli'ie 'plɩnɩ 'le, 'n ɔ 'wʋbhlinɩngwa -dɩnɩ-a lili ghayɩ. 24Falizɩɛ yɩlʋa-a, 'n wa ji-a Zezwi ngli 'jɩbha naa: “-Ɩ -aa gbö nʋ la-a -a 'na-a nʋ -gwlɛnɩzlɩ -nɩ-ɛ, 'manɩɛ yɛ -na 'wʋbhlinɩngwa -wɩɩ bhe nʋ 'le 'nɩ?” 25Zezwi nɛ: “-Ma -Lagɔwɛlɩɛ 'bɔgʋ 'mö, 26-Lagɔbʋbɔnyɔ 'kadɔ wa la-a Abiatalɩɛ do'o, sa Davidɩ pla-a -ma -Lagɔbudu'u, 'n ɔ ji-a -Lagɔbʋbɔnʋfʋlo 'wʋ 'libhï, 'n ɔ jiʋ-a li, 'n ɔ jiʋ 'yɛ-a ɔ 'wʋbhlinɩngwa 'ye 'nyɛ wa 'kʋ lie yɛ, -sɩbhaa 'fʋlo la'a, -aa gbö nɛ naa, -Lagɔbʋbɔngwaa 'nyizee lililu -bha. 'Mʋ Davidɩ -yɛ ɔ 'wʋbhlinɩngwa 'sɔ li-e -sɩbha. 27-Lagɔ -sa-a -bha -gwlɛnɩzlɩ-ɛ, nɩkpɛɛ 'bhëë -lie -lie yɛ -bha, ɛ'ɛ -lɛ ɛ gbö 'yɛ nɩkpɛ nyinie yɛ. 28Ɩ yɛ Nɩkpɛɛ 'Guo bhë-ë nyini-a -gwlɛnɩzlɩ, mɛ-ɛ 'nɩɔ nyini.”
Currently Selected:
MALƖKÖÖ 'BƆGƲ 2: BNT96
Highlight
Copy
Compare
Share
Want to have your highlights saved across all your devices? Sign up or sign in
Bete New Testament © Bible Society of Côte d'Ivoire 1996
MALƖKÖÖ 'BƆGƲ 2
2
Zezwi yɛ 'kplakplanyɔ -bhlʋ göpö
1'Ylɩ ja 'plɩ-a, 'n Zezwi ji-e -ma Kapɛnaɔmö nimï mö, -maa nɩkpa 'nʋ-ɔ naa, ɔ yɛ nimï ji 'bhë-ë, 2-budu -ʋʋ 'mö ɔ -wʋ la-a, -ma wa ye-aa yɛ, 'bhlee 'bhë 'nɩ la -bha ʋ ngo'o -wʋ. 'N ɔ pʋa-a -Lagɔwɛlɩ ngli. 3Ɔ -wʋʋa ngli 'pa 'le, 'n nɩkpa -mʋmʋa jio-a 'kplakplanyɔ -bhlʋ -la, wa gla'aa nɩkpa -mʋna -suo, 'n wa -nyɔɔ ji-a ji. 4Nɩkpaa -zunʋ yɛ, wa'a la bhɛlɩ wa 'yɛ Zezwi yawʋ nyini. Wa -gbla-a -ma -budu -gömö, wa -dɩ-ɛ -ma -fle, 'kplakplanyɔ pö -bha ɔ -gbatʋ -gömö, 'n wa jio-o -bha -fle la'a 'ji sɛ 'sibhanɩ. 5Zezwi yɩlɩ-a sa wa kɔ-a dlɩ 'wʋ, ɔ nɛ -bha 'kplakplanyɔɔ de: “Na 'gu, -na 'jinylolie gbʋ yɛ bhɩa 'bhë.”
6-Lagɔɔ gböö nglipangwa glɩ la-a -bha, wa nɛ -ma wa dlɩa zɔmö naa: 7“Sa nɩkpɛ -la gbagbanɩ-ɛ -sa 'mö 'nɩ? -Lagɔ ɔ -wʋ-a ngli nyimanɩ 'le, -mɔ bhɛlɩ-a ɔ 'yɛ 'jinylolie gbʋ bhɩa, 'n ɛ nɩ -Lagɔɔ 'bhëë 'nyize glɩnɩ 'nɩ?” 8-Bha -gaganɩlɩ'ɩ, -ɩ wa -wʋ-a dlɩ 'wʋ 'pa 'le 'n Zezwi jiɩ-e -ma ɔ dlɩ zɔmö jɩblɩnɩ. Ɔ nɛ -bha wa de naa: “'Manɩɛ yɛ a pa bhe -sa dlɩ 'nɩ? 9N 'yɛ nʋ naa 'kplakplanyɔ, -na 'jinylolie gbʋ yɛ bhɩa 'bhë, n 'yɛ 'yɛ ɔ de nʋ naa: -Sɔ 'wʋ 'libhï -na -gbatʋ 'wʋ -n 'yɛ namö nʋ-ɔ, -ɩ la'a 'sɔɔ gla'a, -mɩɛ gbagbʋ-ʋ jɔnʋ-a 'wʋ 'nɩ? 10A 'yɛ sɛ jɩblɩnɩ naa, Nɩkpɛɛ 'Gu ka 'gba -gömö, ɔ 'yɛ ma'a dʋdʋkpata -gömö 'jinylolie gbʋ bhɩaa yɛ, 11'kplakplanyɔ, -nmö n nyɛ-a 'dɩ, -sɔ 'wʋ, 'libhï -na -gbatʋ 'wʋ -n 'yɛ 'ligbë'ë mö.” 12Zezwi gba-a sa'a tɔngʋ, 'n 'kplakplanyɔ la'a ji-a 'wʋ -sɔ, ɔ 'libhï-a ɔ -gbatʋ 'wʋ -bha wa 'bhuoo 'ji 'klʋ, 'n ɔ ji-a 'pɩ 'wlʋ, 'n ɔ ji-a mö. Wa 'bhuo ngli-i mönʋa-a tenyi, wa-a la'a -Lagɔɔ 'nglɩ 'ghlimanɩ 'le, 'n wa nʋ-a: “'Wuë! -A -yɛ la 'wlʋ -aa -lɛ -bhla -ɩ la'a yɩlɩ.”
Zezwi yɛ Levi wɔzɩ
13-Mɩ la'a 'plɩ-a 'bhë, 'n Zezwi ji 'yɛ-ɛ -ma Galilee gïnyi yawʋ nimï mö. Nɩkpa 'bhönɩ-a de 'bhuo wa ji-e -bha ɔ yawʋ, 'n ɔ jua-a -Lagɔwɛlɩ ngli 'pa. 14Ɔ 'bhö-ö -bha ɔ-ɔ mö 'le, nɩkpɛ -bhlʋ wa la-a Levi 'n ɔ jio-a yɩlɩ, nɩkpɛ wa la-a Alɩfe, ɔ gu-o -sɩbha. Lepoo mëniköbhanyɔ ɔ glɩnɩ-aa yɛ, ɔ glɩ -ma lepopɛnɩbudu'u. Zezwi yɩlɩɔ-a, ɔ nɛ -bha ɔ de naa: “Levi ji'i 'bɩ!” Ɔ gba-a sa'a tɔngʋ Levi -sɔ-a 'wʋ, 'n ɔ jio-a 'bɩ mö.
15'N Zezwi -yɛ ɔ 'wʋbhlinɩngwa 'sɔ ji-e -ma Levie 'ligbë'ë li kwla'a mö. Lepoo mëniköbhangwa -yɛ 'jinylolie nʋnʋngwa 'sɔ, mʋa-a -ganɩ la-a Zezwi, 'n ɔ -nyʋa 'sɔ ji-a debhlʋ linɩ. 16-Lagɔɔ gböö nglipangwa -yɛ falizɩɛ 'sɔ yɩlɩ-a -ɩ la'a 'wʋ-ɔ, 'n wa ji-a Zezwie 'wʋbhlinɩngwa ngli 'jɩbha, wa nɛ: “'Manɩɛ yɛ a 'bhitɩbha -yɛ lepoo mëniköbhangwa -yɛ 'jinylolie nʋnʋngwa 'sɔ -wʋ-a debhlʋ linɩ 'le 'nɩ?” 17Zezwi 'nʋɩ-a, ɔ nɛ -bha wa de naa: “-Ɔ la'a -ɔ -ja-a, mɔ-ɔ 'nɩ mö -dɔtʋlʋa 'mö, guzunyɔ mö-a -dɔtʋlʋa 'mö. Mɩ-ɩ -yɛ-a naa: Nɩkpa -wa pa-a dlɩ naa, -bha -Lagɔɔ 'ji 'klʋ -kpöön wa -wʋ -bha, wa wɔzɩ -yɛ n'n -lɛ ma'a 'pɩ 'wʋ ji. -Wa la'a -wa -ji-a sɛ naa, 'jinylolie nʋnʋngwa wa glɩnɩ -bha, 'mʋa n ji-a wɔzɩ kwla'a.”
Zezwi yɛ lɔlɔsʋsʋɛɛ gbʋ gba-a
18'Ylɩ -bhlʋ, Za Badizɩɛ 'wʋbhlinɩngwa -yɛ falizɩɛ 'sɔ-ɔ lɔlɔ 'sʋ 'le, 'n wa ji-e -bha Zezwi ghlɩ, wa nɛ naa: “'Manɩɛ yɛ Zaa 'wʋbhlinɩngwa -yɛ falizɩɛ -lʋa 'sɔ -wʋ-a lɔlɔ 'sʋ 'le 'bhë, 'n -na -nɩ -lʋa 'nɩ 'sʋ-a lɔlɔ 'nɩ?” 19Zezwi nɛ -bha wa de naa: “Nɩkpɛ -yɛ 'nglɔ kwa, ɔ 'tʋalɩbhangwa -kɔɔ 'wʋ 'bhli 'le -wʋ-ɔ, nglʋkwanyɔ la'a -kʋa -bhla 'gbamö -wʋ, -wa ji la-a 'bhli kwla'a 'mʋna jua 'lɩbha 'le -wʋ wa ji bhe nʋ wa 'na-a li nʋ? 'Bhëbhë, wa 'na -sɩbha gba. 20'Ylɩ -bhlʋ ji ji, la nglʋkwanyɔ 'na 'kʋa-a 'gbamö -wʋ, -bhaa do'o wa ji lɔlɔ 'sʋ.” 21Ɔ nɛ 'yɛ naa: “Wa'a 'kplanɩ -bana -sakasaa -fle 'ji -yʋkʋpɩa -lile. Wa -yɛ -sɩbha nʋ-ɔ, -bana -sakasa wʋlɔ a ji-a tenyi, 'n a -fle 'yɛ-a 'mö 'ghlimanɩ. 22Wa'a palɩ 'yɛ -ma 'kplabhë -sakasa 'mö nʋ -lulu, wa -yɛ -sɩbha nʋ-ɔ, wʋlɔ 'kplabhë wʋlɔ -bha, 'n nʋ 'suluo-a yɛ 'n ɩ 'sɔ -kpɔ nyimonʋ-a 'ji. Wʋ yɛ wa palɩ-a nʋ -lulu 'kplabhë -lile 'mö.”
Zezwi yɛ 'zwiföaa -gwlɛnɩzlɩɛ gbʋ gba
23'Zwiföaa -gwlɛnɩzlɩ -bhlʋɔ 'mö, Zezwi -yɛ ɔ 'wʋbhlinɩngwa 'sɔ-ɔ -ma 'lagbli'ie 'plɩnɩ 'le, 'n ɔ 'wʋbhlinɩngwa -dɩnɩ-a lili ghayɩ. 24Falizɩɛ yɩlʋa-a, 'n wa ji-a Zezwi ngli 'jɩbha naa: “-Ɩ -aa gbö nʋ la-a -a 'na-a nʋ -gwlɛnɩzlɩ -nɩ-ɛ, 'manɩɛ yɛ -na 'wʋbhlinɩngwa -wɩɩ bhe nʋ 'le 'nɩ?” 25Zezwi nɛ: “-Ma -Lagɔwɛlɩɛ 'bɔgʋ 'mö, 26-Lagɔbʋbɔnyɔ 'kadɔ wa la-a Abiatalɩɛ do'o, sa Davidɩ pla-a -ma -Lagɔbudu'u, 'n ɔ ji-a -Lagɔbʋbɔnʋfʋlo 'wʋ 'libhï, 'n ɔ jiʋ-a li, 'n ɔ jiʋ 'yɛ-a ɔ 'wʋbhlinɩngwa 'ye 'nyɛ wa 'kʋ lie yɛ, -sɩbhaa 'fʋlo la'a, -aa gbö nɛ naa, -Lagɔbʋbɔngwaa 'nyizee lililu -bha. 'Mʋ Davidɩ -yɛ ɔ 'wʋbhlinɩngwa 'sɔ li-e -sɩbha. 27-Lagɔ -sa-a -bha -gwlɛnɩzlɩ-ɛ, nɩkpɛɛ 'bhëë -lie -lie yɛ -bha, ɛ'ɛ -lɛ ɛ gbö 'yɛ nɩkpɛ nyinie yɛ. 28Ɩ yɛ Nɩkpɛɛ 'Guo bhë-ë nyini-a -gwlɛnɩzlɩ, mɛ-ɛ 'nɩɔ nyini.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bete New Testament © Bible Society of Côte d'Ivoire 1996