GHLƆMÖÖ NƖKPAA 'BƆGƲ 1
1
Bhalɩbhalɩwɛlɩ
1-Amö Zezwi 'Klie libhonʋnyɔ Pɔlʋ, -amö -Lagɔ wɔzɩ-a n 'yɛ ʋ tiatianyɔ zʋ, 'n ʋ ji'i-e -bha -sa n 'yɛ ʋ 'tɩtɩɛ -tɩtɩ biaa yɛ, -amö-ö 'cɛlɩ-a 'bɔgʋ la'a. 2'Mɩ 'tɩtɩɛ -tɩtɩ la'a, -Lagɔ yɛ la -ma ʋ wɛlɩɛ 'bɔgʋ 'mö ʋ 'mögbanɩngwa 'mö 'plɩnɩ ʋ yɛ ɩ gbʋ gba 'bhë. 3-Lagɔɔ 'Gu, -aa Nyininyɔ Zezwi 'Klie gbʋ ɩ gba -bha, -bha nɩkpaa de -ɔ la'a -ɔ 'wlʋ-ɔ -ma Davidɩɛ ngëyi 'mö. 4-Lagɔɔ -nɩ de, ʋ Gu -bha. 'Mɩ Zuzu 'Wlawla tulua-a gbaa, la ʋ -sɔɔ-ɔ -ma 'kudungwa 'gbamö ʋ 'mötɛnɔ nya. 5-Ma -aa Nyininyɔ Zezwi 'Kli 'mö -Lagɔ 'panɩ-a -aa de ngazɩdlɩ 'n -a ji-a ɔ tiatiangwa zʋ, -a 'yɛ ɔ 'nglɩ 'mö nɩkpa -wa 'nɩ-a 'zwiföa glɩnɩɛ de gba wa 'yɛ -bha ɔ dlɩwʋkawɛlɩ zʋ. 6Abha Zezwi 'Kli wɔzɩ-a, -ma 'mɩ -gwlɩ la'aa gla'a a -wʋ 'yɛ-a -nɩ. 7Abha la'a 'bhuo, abha glɩnɩ-ɛ -ma Ghlɔmö -Lagɔɔ dlɩɛ sɛkangwa, abha ʋ wɔzɩ-a a 'yɛ 'wlawla zʋɔ yɛ, -aa -Tɩbha -Lagɔ -yɛ Nyininyɔ Zezwi 'Kli 'sɔ 'paya 'nyupalɩ, wa 'nyɛya 'yɛ -gömöwlonɔ.
Sa Pɔlʋ 'jɩbha-a Ghlɔmöö -Lagɔgwie
8N 'yɛ tɛ-ɛ ji, Zezwi 'Kli-i n 'plɩnɩ-a 'mö, 'n n bhalɩ-ɛ na -Lagɔ a 'bhuoo yɛ, sa a dlɩwʋkakɩɛ 'dɩ ye dʋdʋkpata 'bhuo -gömöö yɛ. 9-Lagɔ -ʋʋ libho n -wʋ-a na dlɩ 'bhuo nya nʋnʋ 'le, 'n n -wʋ-a ʋ 'Guo 'tɩtɩɛ -tɩtɩ bia 'le, ʋ -ji sɛ naa a 'bhuoo 'wlumö n pa-a -bɛlɩ 'kɔmʋʋ. 10N -yɛ -bɛlɩ 'pa 'le -wʋ-ɔ, -ɩ n jɩbha-a 'kɔmʋʋ mɩ-ɩ -yɛ-a naa -Lagɔ nyɛ'ɛ cɛɛwlonɔ n 'yɛ-a 'mö -ma a 'bhɛyɩ ji. 11A yɩlɩyɩlɩtʋ-ʋ wʋ'ʋ-a 'lɩbha 'le tenyi, n -yɛ -ma ji -Lagɔ ka'a 'mö 'plɩnɩ a 'yɛ -Lagɔɔ 'nyɛnyɛlu -bhlʋ ghlɩ, a dlɩa 'yɛ -ma 'nyʋnanɩɔ. 12-Ɩɩ 'bhï n 'jɩbha 'yɛ-a, mɩ-ɩ -yɛ-a naa, n nyɛya 'sɔ dlɩwʋkakɩɛ -a -gbɔnʋ-a 'wʋ -a 'yɛ -ma ɛ 'mö nɩma 'mö 'tamatamanɩ. 13-Dagwieyi, n 'jɩbha a 'yɛ sɛ jɩblɩnɩ naa, 'wʋ -bebe 'wʋ, yɩlɩ kwla'a n jiya la-a jie, sa n la-a -ma -gwlɩ -mɩmɩ -gömö nɩkpa -wa 'nɩ-a 'zwiföa glɩnɩ -bha Zezwi 'Klie 'yuogblʋ'ʋ, n 'yɛ la -sɩbha -ma a gla'a nɩkpa -mʋmʋa -la 'bhë-ë, -sɩka'aa 'bhë -bhla, n'n -lɛ -bhla 'yuogblʋ ghlɩ. 14-Wʋʋ yɛ-a, nɩkpa 'bhuoo -Lagɔwɛlɩɛ 'nyɛnyɛgagbʋ n ka -bha. -Wa -nganɩ-a, -wa 'nɩ-a 'zwiföa glɩnɩ, -wa -ji-a 'bɔgʋɩ, -wa 'nɩ-a 'bɔgʋɩ -ji, wa 'bhuoo gagbʋ n ka -bha. 15-Ɩɩ yɛ na dlɩ 'jɩbha-a tenyi n 'yɛ 'yɛ -nɩ abha glɩ-ɛ -ma Ghlɔmö -Lagɔɔ 'tɩtɩɛ -tɩtɩ 'nyɛ mɩ-ɩ -bha.
'Tɩtɩɛ -tɩtɩ -Lagɔɔ 'mötɛnɔ ɩ tulua -bha
16-Wʋʋ yɛ-a, n'n -Lagɔɔ 'tɩtɩɛ -tɩtɩɛ zʋ 'klʋ 'mö -ka. Nɩkpɛ -mɔ -yɛ Zezwi 'Kli dlɩ 'wʋ -ka ɔ 'yɛ 'pʋɔ yɛ, -Lagɔɔ 'mötɛnɔ ɩ glɩnɩ-a ɔ de, tɛnɩ 'zwiföa 'wʋ -n 'yɛ -wa 'nɩ-a 'zwiföa glɩnɩ ghlɩ. 17-Wʋʋ yɛ-a, 'mɩ 'tɩtɩɛ -tɩtɩ la'a, mɩ-ɩ tulua-a -Lagɔɔ 'möslɛnɔ, 'bhë nɩkpa -wa ka-a Zezwi 'Kli dlɩ 'wʋ sa ʋ slɛmanʋa-a 'mö wa dlɩwʋkakʋɔ yɛ. Sa -Lagɔwɛlɩɛ 'bɔgʋ gba la-a naa:
“Nɩkpɛ -ɔ slɛnɩ-ɛ -bha -Lagɔ 'ji 'klʋ 'mö,
ɔ dlɩwʋkakʋɔ yɛ ɔ ji-a -bhlɩɛ.”
-Bha -Lagɔ 'ji 'klʋ nɩkpa 'bhuo gbʋ wa ka-a -gömö
18-Ma -Lagɔtapɛ'ɛ -Lagɔɔ yʋlʋ 'bhönɩ -bha, 'n ʋ ghlɩ-a -wa bhuo-o panʋ-a -gömö -yɛ -wa ka-a 'jinylolie nʋnʋlibho 'sɔ, -wa la'a -waa nglu 'yɛ-a nɩkpa 'yɛ -Lagɔɔ 'dɛdɛɛgbawɛlɩ 'nʋ. 19-Wʋʋ yɛ-a, -ɩɩ 'mö nɩkpa bhɛlɩ-a wa 'yɛ -Lagɔ -jɩblɩnɩ gbagblala ɩ pö-a wa de, -Lagɔ kʋa 'ji tuluanɩ 'bhë. 20-Ma ɩ 'mö, -Lagɔɔ -lie -li 'kadɩ -ɩ -bɛ 'nɩ-a 'wʋ jɩnɩ, -Lagɔ -yɛ la 'pɩ sɛ -la, ʋ 'kɔgwlɛmötɛnɔ, sa ʋ glɩnɩ-a -Lagɔ, wa -yɛ ʋ nʋnʋli 'ji zʋnʋ, wa bhɛlɩ wa 'kɩ -ma ɩ 'mö yɩlɩnɩ. 21Ɩ yɛ gbʋ 'na 'kʋa yawʋ 'bhö-ö. -Wʋʋ yɛ-a, wa jɩblɩnɩ-a -Lagɔ 'bhë sa wa 'yɛ la-a ʋ 'nglɩ 'ghlimanɩ, wa 'nɩɩ-ɩ -sɩbha 'ghlimanɩ, wa 'nʋ-ʋ ʋ -lie -lie yɛ bhalɩ. -Ma wa 'jinylɔswɩ'ɩɛ dlɩpapɩɛ 'mö wa 'mʋnɔnʋ -bha, 'n 'misikpoko ji-a wa dlɩa 'bhuo 'wʋ 'libhï. 22Wajɩ wa 'libhï la-a gbʋjinɩngwaa swɩ 'wʋ 'bhë, 'n wa ji-a -batibatingwa zʋ. 23Nɩkpa -wa -yɛ-a tlɩtlɩngwa, 'zɩ, nɩma -ɩ ka-a bhɩ -mʋna -yɛ ɩ namönɩ-a dlɩ'ɩ 'sɔ, ɩ 'wlʋnʋli wa nʋ-a nɛ, 'mɩ wa zʋ-ɔ -bha -Lagɔ -ʋ 'na-a tlɩɛ 'bhle 'wʋ yɛ.
24Ɩ yɛ -Lagɔ -sʋa 'yɛ-a -nɩ 'ji yawʋ, 'n wa ji-a pɩplali wa 'jinylɔdlɩ 'jɩbha la-a 'mö bhlinɩ, 'n wa palɩ-a wajɩɛ ku -nyanɩ. 25Mʋa-a palɩnɩ-a -Lagɔɔ 'dɛdɛɛgbawɛlɩ yuo 'bɩ. -Lagɔ -ʋ nʋ-a -li 'bhuo nɛ, -ʋ -ngwa-a 'kɔgwlɛswɩ'ɩɛ bhalɩbhalɩɛ 'wʋ, wa tʋ -bha 'bhë, 'n wa ji-a ʋ nɛnʋli bʋbɔ, 'n wa jiɩ-e -bha zʋ.
26Ɩ yɛ -Lagɔ -sʋa-a 'ji yawʋ, wa 'yɛ wajɩɛ -nyanɩpalɩli nʋɔ yɛ. Wa 'ngwlɩ, nyɩbhɛlɩɛ 'tʋ 'nɩ 'lɩbhʋa-a 'mö 'sɔ, wa lingwlɩɛ tʋ-ʋ lɩbhʋa -bha, 'mʋa wa -nyʋa 'sɔ nʋ-a -ɩ 'nɩ-a nʋnʋswɩ'ɩ -wʋ. 27-Sɩbha nyɩbhɛlɩ -wʋ 'yɛ-a -nɩ. 'Ngwlɩ wa panɩ-a -gömö, 'n wa linyɩbhɛlɩɛ sɛpötʋ lɩbhʋa -bha, 'n wa -nyʋa 'sɔ nʋ-a zʋɔ 'wʋbhïli, sa wa panɩ-a -Lagɔ -gömö, 'n wa ji-a 'mʋnɔ 'n ɩ gbʋ ghlʋa -bha.
28Wa'a -lɛ 'jɩbha wa 'yɛ -Lagɔ jɩblɩnɩɛ yɛ -Lagɔ -sʋa-a 'ji yawʋ, sa wa dlɩa tu-a wa 'yɛ -sɩbha namö, wa 'yɛ -ɩ 'nɩ-a nʋnʋswɩ'ɩ -wʋ nʋ. 29-Li -ɩ 'nɩ-a 'mö slɛnɩ, ɩ nʋnʋɛ -gɔpö bhuo-o yua-a dlɩ zɔmö, 'n wa kla-a nyanɩ, 'n wa ka-a mënitʋ dlɩ zɔmö, 'n wa ka-a -dabhli, 'n -mʋmʋaa -lie gbʋ plʋa -bha, 'n wa ka-a 'kulɩbhalibho, 'n wa lʋ -bha, 'n wa ghli-a 'wi, 'n wa dlɩa -nyu-a 'ji. 30'N wa ka-a fɛ, 'n wa nyimanɩ-a nɩkpa ngli, 'n wa 'jɛbhɛlɩ-a -Lagɔ, 'n wa'a -gu-a nɩkpa, 'n wa vatuo -bha, 'n wa gbɔ-a -gömö, 'n wa -ji-a 'jinylolie sɛ -laa, 'n wa -sɔnʋ-a wa -lowlengwa 'wʋ. 31Wa 'wlumö 'nɩ sɛ jɩnɩ, wa'a zʋ -bha wajɩɛ nglie wɛlɩ, wa gbʋ 'nɩ nɩkpɛ 'mö -wʋ, wa'a ngazɩdlɩ -ka. 32Sa -Lagɔ nʋ nɩkpa -wa nʋ-ɔ -saa -li tlɩɛ wa ji -bha, wa -jiɩ 'bhë 'n wa nʋɩ -bha, 'n wa nglunʋ 'yɛ-a nɩkpa -wa nʋɩ-a.
Currently Selected:
GHLƆMÖÖ NƖKPAA 'BƆGƲ 1: BNT96
Highlight
Copy
Compare
Share
Want to have your highlights saved across all your devices? Sign up or sign in
Bete New Testament © Bible Society of Côte d'Ivoire 1996
GHLƆMÖÖ NƖKPAA 'BƆGƲ 1
1
Bhalɩbhalɩwɛlɩ
1-Amö Zezwi 'Klie libhonʋnyɔ Pɔlʋ, -amö -Lagɔ wɔzɩ-a n 'yɛ ʋ tiatianyɔ zʋ, 'n ʋ ji'i-e -bha -sa n 'yɛ ʋ 'tɩtɩɛ -tɩtɩ biaa yɛ, -amö-ö 'cɛlɩ-a 'bɔgʋ la'a. 2'Mɩ 'tɩtɩɛ -tɩtɩ la'a, -Lagɔ yɛ la -ma ʋ wɛlɩɛ 'bɔgʋ 'mö ʋ 'mögbanɩngwa 'mö 'plɩnɩ ʋ yɛ ɩ gbʋ gba 'bhë. 3-Lagɔɔ 'Gu, -aa Nyininyɔ Zezwi 'Klie gbʋ ɩ gba -bha, -bha nɩkpaa de -ɔ la'a -ɔ 'wlʋ-ɔ -ma Davidɩɛ ngëyi 'mö. 4-Lagɔɔ -nɩ de, ʋ Gu -bha. 'Mɩ Zuzu 'Wlawla tulua-a gbaa, la ʋ -sɔɔ-ɔ -ma 'kudungwa 'gbamö ʋ 'mötɛnɔ nya. 5-Ma -aa Nyininyɔ Zezwi 'Kli 'mö -Lagɔ 'panɩ-a -aa de ngazɩdlɩ 'n -a ji-a ɔ tiatiangwa zʋ, -a 'yɛ ɔ 'nglɩ 'mö nɩkpa -wa 'nɩ-a 'zwiföa glɩnɩɛ de gba wa 'yɛ -bha ɔ dlɩwʋkawɛlɩ zʋ. 6Abha Zezwi 'Kli wɔzɩ-a, -ma 'mɩ -gwlɩ la'aa gla'a a -wʋ 'yɛ-a -nɩ. 7Abha la'a 'bhuo, abha glɩnɩ-ɛ -ma Ghlɔmö -Lagɔɔ dlɩɛ sɛkangwa, abha ʋ wɔzɩ-a a 'yɛ 'wlawla zʋɔ yɛ, -aa -Tɩbha -Lagɔ -yɛ Nyininyɔ Zezwi 'Kli 'sɔ 'paya 'nyupalɩ, wa 'nyɛya 'yɛ -gömöwlonɔ.
Sa Pɔlʋ 'jɩbha-a Ghlɔmöö -Lagɔgwie
8N 'yɛ tɛ-ɛ ji, Zezwi 'Kli-i n 'plɩnɩ-a 'mö, 'n n bhalɩ-ɛ na -Lagɔ a 'bhuoo yɛ, sa a dlɩwʋkakɩɛ 'dɩ ye dʋdʋkpata 'bhuo -gömöö yɛ. 9-Lagɔ -ʋʋ libho n -wʋ-a na dlɩ 'bhuo nya nʋnʋ 'le, 'n n -wʋ-a ʋ 'Guo 'tɩtɩɛ -tɩtɩ bia 'le, ʋ -ji sɛ naa a 'bhuoo 'wlumö n pa-a -bɛlɩ 'kɔmʋʋ. 10N -yɛ -bɛlɩ 'pa 'le -wʋ-ɔ, -ɩ n jɩbha-a 'kɔmʋʋ mɩ-ɩ -yɛ-a naa -Lagɔ nyɛ'ɛ cɛɛwlonɔ n 'yɛ-a 'mö -ma a 'bhɛyɩ ji. 11A yɩlɩyɩlɩtʋ-ʋ wʋ'ʋ-a 'lɩbha 'le tenyi, n -yɛ -ma ji -Lagɔ ka'a 'mö 'plɩnɩ a 'yɛ -Lagɔɔ 'nyɛnyɛlu -bhlʋ ghlɩ, a dlɩa 'yɛ -ma 'nyʋnanɩɔ. 12-Ɩɩ 'bhï n 'jɩbha 'yɛ-a, mɩ-ɩ -yɛ-a naa, n nyɛya 'sɔ dlɩwʋkakɩɛ -a -gbɔnʋ-a 'wʋ -a 'yɛ -ma ɛ 'mö nɩma 'mö 'tamatamanɩ. 13-Dagwieyi, n 'jɩbha a 'yɛ sɛ jɩblɩnɩ naa, 'wʋ -bebe 'wʋ, yɩlɩ kwla'a n jiya la-a jie, sa n la-a -ma -gwlɩ -mɩmɩ -gömö nɩkpa -wa 'nɩ-a 'zwiföa glɩnɩ -bha Zezwi 'Klie 'yuogblʋ'ʋ, n 'yɛ la -sɩbha -ma a gla'a nɩkpa -mʋmʋa -la 'bhë-ë, -sɩka'aa 'bhë -bhla, n'n -lɛ -bhla 'yuogblʋ ghlɩ. 14-Wʋʋ yɛ-a, nɩkpa 'bhuoo -Lagɔwɛlɩɛ 'nyɛnyɛgagbʋ n ka -bha. -Wa -nganɩ-a, -wa 'nɩ-a 'zwiföa glɩnɩ, -wa -ji-a 'bɔgʋɩ, -wa 'nɩ-a 'bɔgʋɩ -ji, wa 'bhuoo gagbʋ n ka -bha. 15-Ɩɩ yɛ na dlɩ 'jɩbha-a tenyi n 'yɛ 'yɛ -nɩ abha glɩ-ɛ -ma Ghlɔmö -Lagɔɔ 'tɩtɩɛ -tɩtɩ 'nyɛ mɩ-ɩ -bha.
'Tɩtɩɛ -tɩtɩ -Lagɔɔ 'mötɛnɔ ɩ tulua -bha
16-Wʋʋ yɛ-a, n'n -Lagɔɔ 'tɩtɩɛ -tɩtɩɛ zʋ 'klʋ 'mö -ka. Nɩkpɛ -mɔ -yɛ Zezwi 'Kli dlɩ 'wʋ -ka ɔ 'yɛ 'pʋɔ yɛ, -Lagɔɔ 'mötɛnɔ ɩ glɩnɩ-a ɔ de, tɛnɩ 'zwiföa 'wʋ -n 'yɛ -wa 'nɩ-a 'zwiföa glɩnɩ ghlɩ. 17-Wʋʋ yɛ-a, 'mɩ 'tɩtɩɛ -tɩtɩ la'a, mɩ-ɩ tulua-a -Lagɔɔ 'möslɛnɔ, 'bhë nɩkpa -wa ka-a Zezwi 'Kli dlɩ 'wʋ sa ʋ slɛmanʋa-a 'mö wa dlɩwʋkakʋɔ yɛ. Sa -Lagɔwɛlɩɛ 'bɔgʋ gba la-a naa:
“Nɩkpɛ -ɔ slɛnɩ-ɛ -bha -Lagɔ 'ji 'klʋ 'mö,
ɔ dlɩwʋkakʋɔ yɛ ɔ ji-a -bhlɩɛ.”
-Bha -Lagɔ 'ji 'klʋ nɩkpa 'bhuo gbʋ wa ka-a -gömö
18-Ma -Lagɔtapɛ'ɛ -Lagɔɔ yʋlʋ 'bhönɩ -bha, 'n ʋ ghlɩ-a -wa bhuo-o panʋ-a -gömö -yɛ -wa ka-a 'jinylolie nʋnʋlibho 'sɔ, -wa la'a -waa nglu 'yɛ-a nɩkpa 'yɛ -Lagɔɔ 'dɛdɛɛgbawɛlɩ 'nʋ. 19-Wʋʋ yɛ-a, -ɩɩ 'mö nɩkpa bhɛlɩ-a wa 'yɛ -Lagɔ -jɩblɩnɩ gbagblala ɩ pö-a wa de, -Lagɔ kʋa 'ji tuluanɩ 'bhë. 20-Ma ɩ 'mö, -Lagɔɔ -lie -li 'kadɩ -ɩ -bɛ 'nɩ-a 'wʋ jɩnɩ, -Lagɔ -yɛ la 'pɩ sɛ -la, ʋ 'kɔgwlɛmötɛnɔ, sa ʋ glɩnɩ-a -Lagɔ, wa -yɛ ʋ nʋnʋli 'ji zʋnʋ, wa bhɛlɩ wa 'kɩ -ma ɩ 'mö yɩlɩnɩ. 21Ɩ yɛ gbʋ 'na 'kʋa yawʋ 'bhö-ö. -Wʋʋ yɛ-a, wa jɩblɩnɩ-a -Lagɔ 'bhë sa wa 'yɛ la-a ʋ 'nglɩ 'ghlimanɩ, wa 'nɩɩ-ɩ -sɩbha 'ghlimanɩ, wa 'nʋ-ʋ ʋ -lie -lie yɛ bhalɩ. -Ma wa 'jinylɔswɩ'ɩɛ dlɩpapɩɛ 'mö wa 'mʋnɔnʋ -bha, 'n 'misikpoko ji-a wa dlɩa 'bhuo 'wʋ 'libhï. 22Wajɩ wa 'libhï la-a gbʋjinɩngwaa swɩ 'wʋ 'bhë, 'n wa ji-a -batibatingwa zʋ. 23Nɩkpa -wa -yɛ-a tlɩtlɩngwa, 'zɩ, nɩma -ɩ ka-a bhɩ -mʋna -yɛ ɩ namönɩ-a dlɩ'ɩ 'sɔ, ɩ 'wlʋnʋli wa nʋ-a nɛ, 'mɩ wa zʋ-ɔ -bha -Lagɔ -ʋ 'na-a tlɩɛ 'bhle 'wʋ yɛ.
24Ɩ yɛ -Lagɔ -sʋa 'yɛ-a -nɩ 'ji yawʋ, 'n wa ji-a pɩplali wa 'jinylɔdlɩ 'jɩbha la-a 'mö bhlinɩ, 'n wa palɩ-a wajɩɛ ku -nyanɩ. 25Mʋa-a palɩnɩ-a -Lagɔɔ 'dɛdɛɛgbawɛlɩ yuo 'bɩ. -Lagɔ -ʋ nʋ-a -li 'bhuo nɛ, -ʋ -ngwa-a 'kɔgwlɛswɩ'ɩɛ bhalɩbhalɩɛ 'wʋ, wa tʋ -bha 'bhë, 'n wa ji-a ʋ nɛnʋli bʋbɔ, 'n wa jiɩ-e -bha zʋ.
26Ɩ yɛ -Lagɔ -sʋa-a 'ji yawʋ, wa 'yɛ wajɩɛ -nyanɩpalɩli nʋɔ yɛ. Wa 'ngwlɩ, nyɩbhɛlɩɛ 'tʋ 'nɩ 'lɩbhʋa-a 'mö 'sɔ, wa lingwlɩɛ tʋ-ʋ lɩbhʋa -bha, 'mʋa wa -nyʋa 'sɔ nʋ-a -ɩ 'nɩ-a nʋnʋswɩ'ɩ -wʋ. 27-Sɩbha nyɩbhɛlɩ -wʋ 'yɛ-a -nɩ. 'Ngwlɩ wa panɩ-a -gömö, 'n wa linyɩbhɛlɩɛ sɛpötʋ lɩbhʋa -bha, 'n wa -nyʋa 'sɔ nʋ-a zʋɔ 'wʋbhïli, sa wa panɩ-a -Lagɔ -gömö, 'n wa ji-a 'mʋnɔ 'n ɩ gbʋ ghlʋa -bha.
28Wa'a -lɛ 'jɩbha wa 'yɛ -Lagɔ jɩblɩnɩɛ yɛ -Lagɔ -sʋa-a 'ji yawʋ, sa wa dlɩa tu-a wa 'yɛ -sɩbha namö, wa 'yɛ -ɩ 'nɩ-a nʋnʋswɩ'ɩ -wʋ nʋ. 29-Li -ɩ 'nɩ-a 'mö slɛnɩ, ɩ nʋnʋɛ -gɔpö bhuo-o yua-a dlɩ zɔmö, 'n wa kla-a nyanɩ, 'n wa ka-a mënitʋ dlɩ zɔmö, 'n wa ka-a -dabhli, 'n -mʋmʋaa -lie gbʋ plʋa -bha, 'n wa ka-a 'kulɩbhalibho, 'n wa lʋ -bha, 'n wa ghli-a 'wi, 'n wa dlɩa -nyu-a 'ji. 30'N wa ka-a fɛ, 'n wa nyimanɩ-a nɩkpa ngli, 'n wa 'jɛbhɛlɩ-a -Lagɔ, 'n wa'a -gu-a nɩkpa, 'n wa vatuo -bha, 'n wa gbɔ-a -gömö, 'n wa -ji-a 'jinylolie sɛ -laa, 'n wa -sɔnʋ-a wa -lowlengwa 'wʋ. 31Wa 'wlumö 'nɩ sɛ jɩnɩ, wa'a zʋ -bha wajɩɛ nglie wɛlɩ, wa gbʋ 'nɩ nɩkpɛ 'mö -wʋ, wa'a ngazɩdlɩ -ka. 32Sa -Lagɔ nʋ nɩkpa -wa nʋ-ɔ -saa -li tlɩɛ wa ji -bha, wa -jiɩ 'bhë 'n wa nʋɩ -bha, 'n wa nglunʋ 'yɛ-a nɩkpa -wa nʋɩ-a.
Bete New Testament © Bible Society of Côte d'Ivoire 1996