GHLƆMÖÖ NƖKPAA 'BƆGƲ 2
2
-Wa tu-a -mʋmʋa, gbʋ wa ka-a -gömö
1-Mɔɔ bhë -n ji glɩnɩ, -nmö tu-a -mʋmʋa, gbʋ 'na -kamö -gömö 'bhö-ö. -Wʋʋ yɛ-a, -n -yɛ -mʋmʋa tu 'le -wʋ, -ɩ wa -wʋ-a nʋ 'le -n -wʋɩ 'yɛ -na nʋ 'lee yɛ, -najɩ -n -wʋ-a gbʋ köbha-a 'le. 2-A -ji sɛ naa nɩkpa -wa nʋ-ɔ -sɩbhaa 'jinyloli, -zijle -Lagɔ jua-a tunʋɔ 'mö a slɛnɩ -bha. 3Nɩkpa -wa -wʋɩ-a nʋ 'le -nmö -wʋʋa-a tu 'le 'bhë -ɩ wa -wʋ-a nʋ 'le, -nmö -wʋɩ 'yɛ-ɛ -na nʋ 'le-e, -n 'pa-a dlɩ -n nɛ -n bhɛlɩ -n 'yɛ -Lagɔɔ -zijle ngli 'wlʋ? 4Bhlɩ'ɩ sa ʋ -ga-a -na de cɛ tenyi, 'n ʋ -jɔnʋnʋmö-a cɛ, 'n ʋ -wʋ-ɔ -na de dlɩ sɛ sɩbha 'le tenyi, mɩ-ɩ -nyumö-a dlɩ yawʋɔ? -Nn cɛ sɛ -ji naa, -Lagɔ -yɛ -sɩbha -na de cɛ -ga-a, -n 'yɛ ligba, -n 'yɛ -na 'jinyloli cɛ 'mö -saa yɛ-a? 5-Ma ɩ 'mö, -na dlɩ -n -wʋ-a 'mö 'tumanɩ 'le, 'n -n 'tɛ-a 'yukwli 'möö yɛ, -Lagɔɔ yʋlʋ -bebe -n -wʋ-a -najɩɛ yɛ -bʋ 'le. -Zlɩ ʋ yʋlʋ 'kadʋɔ de -yɛ nyini, ʋ 'möslɛnɩzijle -yɛ zɩkpa pönɩ gbʋ -kamö ghlɩ. 6-Bha ʋ ji-a nɩkpa wa nʋnʋlie yɛ plʋnʋɔ -bhlʋ -bhlʋ. 7-Wa la'a -wa nyʋnanɩ-ɛ -ma -lie -lie nʋnʋɛ 'bɩ dlɩ, -wa 'nama-a -li -ɩ ka-a dlɩ yɛ, 'nglɩɛ nglɩ -yɛ -li -ɩ 'na-a sɛ yɩla 'sɔ, 'mʋa -Lagɔ ji-a 'kɔgwlɛpɩ 'nyɛɛ. 8-Mʋa ka-a 'lʋlʋlibhoo yɛ -wa sa-a -bha 'dɛdɛɛgbawɛlɩ 'n wa zʋ-ɔ -bha -ɩ 'nɩ-a 'mö slɛnɩ, 'mʋa -Lagɔ ji-a ʋ yʋlʋ -yɛ ʋ 'kalɛ 'sɔ -gömö -laa. 9-Wa ka-a 'jinylolie nʋnʋlibho, wa 'bhuo ʋ ji-a 'zwɩ -yɛ dlɩjilijilie 'sɔ -gömö -laa. 'Zwiföa ɩ ji-a 'wʋ tɛnɩɛ 'bhë ɩ 'yɛ -wa 'nɩ-a 'zwiföa glɩnɩ ghlɩ. 10-Mʋa la'a -mʋa nʋ-a -lie -li, 'mʋa -Lagɔ ji-a 'nglɩ 'nyɛɛ, wa 'yɛ -bha ʋ 'ji 'klʋ 'wʋ 'wɔlʋ, wa 'yɛ -gömö -wlonʋ. 'Zwiföa ɩ ji-a 'wʋ tɛnɩɛ 'bhë ɩ 'yɛ -wa 'nɩ-a 'zwiföa glɩnɩ ghlɩ. 11-Wʋʋ yɛ-a, -Lagɔ 'nɩ gbëzɩ nɩkpa 'mö.
Pɔlʋ yɛ -wa -ji-a -Lagɔɔ gböö 'jinylolie gbʋ gba
12Nɩkpa -wa 'nɩ-a -Lagɔɔ gbö -ji -wa nʋ-a 'jinyloli-e, wa 'na -ma -Lagɔɔ gbö 'mö -sa wa 'yɛ wa -zijle tu 'n gbʋ 'kʋa-a köbha. -Wa -ji-a -Lagɔɔ gbö 'bhë -wa nʋ-a 'jinyloli-e, -ma -Lagɔɔ gbö 'mö wa ji-a -saa wa 'yɛ wa -zijle tu 'bhë 'n gbʋ 'kʋa-a köbha. 13-Wa pönɩ-a -Lagɔɔ gbö 'yukwli, mʋa 'nɩ -bha -Lagɔɔ 'ji 'klʋ 'mö slɛnɩ, -wa zʋɩ-ɛ -bha, 'mʋa -Lagɔ zʋa-a 'möslɛnɩngwa 'wʋ. 14Nɩkpa -wa 'nɩ-a 'zwiföa, -wa 'nɩ-a -Lagɔɔ gböö bhle'e -ji, wa -yɛ -ma wa -dagwalɩdlɩ 'mö -sa -ɩ -Lagɔɔ gbö gba-a wa -kɩɩ nʋ-ɔ, wa'a -Lagɔɔ gböö bhle'e -ji 'bhë, wa ka -nɩ -ma wa dlɩa zɔmö wajɩɛ gbö. 15Sa 'mɩ gbö 'cɛlɩɔ-ɔ -ma wa dlɩ 'klʋ 'mɩ wa -wʋ-a tulua 'le, 'n wa nʋnʋli sa-a -ɩ wa pa-a dlɩ 'wʋ, wa dlɩ köbhʋa zlɩ -mɩmɛɛ 'mö gbʋ, ɛ sʋa 'yɛ zlɩ -mɩmɛɛ 'mö gbʋ yawʋ. 16Zlɩ -ɛɛ 'mö -Lagɔ ji-a Zezwi 'Kli 'mö 'plɩnɩɛ ʋ 'yɛ -ɩ nɩkpa ziza-a -ma wa dlɩa zɔmöö -zijle tu-o, -bha 'mɩ -ɩ la'a ji-a zɩkpa pönɩɛ. -Sɩbha -Lagɔɔ 'tɩtɩɛ -tɩtɩ n -su-a gba -bha.
'Zwiföa -yɛ -Lagɔɔ gbö 'sɔ
17-Nmö ka-a 'zwiföyi nglɩ -gömö, -nmö 'tɛnɩ-a -Lagɔɔ gbö dlɩ, -nmö nʋ-a -Lagɔ -n -ji -bhaa yɛ 'n -n kpɔtɔ-a, 18-ɩ -Lagɔ 'jɩbha-a -nmö jiɩ-a, -Lagɔɔ gbö wa -slʋnʋmö-aa yɛ -ɩ -yɛ-a -lie -li -nmö -jiɩ-a, 19-nmö la-a -najɩ 'lɔkpɔlɔkpɔngwaa 'yuganɩnyɔ, -wa -wʋ-ɔ -ma 'misikpoko 'möö yʋlokpë, 20-waa wlumö-ö 'nɩ-a sɛ jɩnɩ -nmö la-a -najɩ wa -slʋnʋnyɔ, 'gwiee 'bhitɩbha, wɛlɩɛ zɔmöjijie -yɛ 'dɛdɛ'ɛ 'bhuo 'sɔ -ma -Lagɔɔ gbö 'mö -n jɩblɩnɩɩ -bhaa yɛ. 21-Ma ɩ 'mö, -nmö pa-a -mʋmʋa ngli, -nn 'pa -najɩ ngli! -Nmö gba-a naa, wa'a ghli 'wi -nɩ-ɛ, -na 'bhë -nmö ghli-a 'wi! -Nmö nʋ-a wa'a yɩlɩ gbɩ -nɩ, -na 'bhë -nmö yɩlɩ-a gbɩ. 22-Nmö -kʋnɩ -nyu-a dlɩ yawʋ, -nmö ghli-a -kʋnɩbudi'ie -li 'wi! 23-Nmö nʋ-a -Lagɔɔ gbö -n -ji -bhaa yɛ, -nmö kpɔtɔ-a, -nmö sa-a -bha -Lagɔɔ gbö, 'n -na -Lagɔɔ gbösasɩɛ 'lɩbhanɩ-a -Lagɔ zʋ. 24-Wʋʋ yɛ-a, sa'a ɩ 'cɛlɩɔ-ɔ -ma -Lagɔwɛlɩɛ 'bɔgʋ 'mö naa:
“A yɛ, -ma -wa 'nɩ-a 'zwiföaa gla'a
-Lagɔɔ 'nglɩ -wʋ-ɔ -ma ngli 'nyimanɩɔ 'le.”
Zɔmöö 'wʋdɩdɩɛ -ɛ -yɛ-a -leyie -leyi
25-Na zɔmö -yɛ 'wʋ 'dɩɔ-ɔ, -n -yɛ -bha -Lagɔɔ gbö zʋ, mɩ-ɩ -yɛ-a -lie -li. -N -yɛ -bha -Lagɔɔ gbö -sa-a, sa -na zɔmö 'na la-a 'wʋ 'dɩɔ, -sɩbha -n -wʋ -bha. 26-Ma ɩ 'mö, nɩkpɛ -ɔɔ zɔmö-ö 'nɩ-a 'wʋ 'dɩɔ, -ɔ 'nɩ-a 'zwiföyi, ɔ -yɛ -ɩ -Lagɔɔ gbö gba-a -bha zʋ 'le -wʋ-ɔ, nɩkpɛ -ɔɔ zɔmö 'dɩɔ-a 'wʋɔ swɩ -Lagɔ jio-a 'wʋ 'libhïë. 27Nɩkpɛ -ɔ 'nɩ-a 'zwiföyi -ɔɔ zɔmö-ö 'nɩ-a 'wʋ 'dɩɔ-ɔ, ɔ -yɛ -bha -Lagɔɔ gbö zʋ 'le -wʋ-ɔ, -nmöö zɔmö-ö 'dɩɔ la-a 'wʋ, -nmö -ji-a -Lagɔɔ gbö 'bhë -nmö sɩ-a, gbʋ ɔ -nɩmö bhe -la köbhaa ji 'nɩ-ɩ? 28-Wʋʋ yɛ-a, -ɔ glɩnɩ-a 'zwiföyie -zwiföyi, ɛ'ɛ -lɛ -ɩ wa yɩlɩnɩɔ-a 'möö yɛ, zɔmöö 'wʋdɩdɩɛ 'nɩ-ɛ 'yɛ ku yawʋɔ 'nyizee -leyi. 29-Ɔ glɩnɩ-a 'zwiföyie -zwiföyi-e, -ɔɔ dlɩ-ɩ glɩnɩ-a 'zwiföyi mɔ-ɔ -bha. Zɔmöö 'wʋdɩdɩɛ -ɛ glɩnɩ-a -leyie -leyi, -ma dlɩ zɔmöö -leyi -bha. -Lagɔɔ Zuzu nʋɛ-a nɛ, ɛ'ɛ -lɛ -ma 'cɛlɩcɛlɩgbö 'mö 'bhönɩ. 'Mɔ -sɩbhaa 'zwiföyi la'a 'nɩ 'nama nɩkpaa bhɛzɩbhɛzɩɛ, -Lagɔɔ bhë-ë bhɛzɩɔ -bha.
Currently Selected:
GHLƆMÖÖ NƖKPAA 'BƆGƲ 2: BNT96
Highlight
Copy
Compare
Share
Want to have your highlights saved across all your devices? Sign up or sign in
Bete New Testament © Bible Society of Côte d'Ivoire 1996
GHLƆMÖÖ NƖKPAA 'BƆGƲ 2
2
-Wa tu-a -mʋmʋa, gbʋ wa ka-a -gömö
1-Mɔɔ bhë -n ji glɩnɩ, -nmö tu-a -mʋmʋa, gbʋ 'na -kamö -gömö 'bhö-ö. -Wʋʋ yɛ-a, -n -yɛ -mʋmʋa tu 'le -wʋ, -ɩ wa -wʋ-a nʋ 'le -n -wʋɩ 'yɛ -na nʋ 'lee yɛ, -najɩ -n -wʋ-a gbʋ köbha-a 'le. 2-A -ji sɛ naa nɩkpa -wa nʋ-ɔ -sɩbhaa 'jinyloli, -zijle -Lagɔ jua-a tunʋɔ 'mö a slɛnɩ -bha. 3Nɩkpa -wa -wʋɩ-a nʋ 'le -nmö -wʋʋa-a tu 'le 'bhë -ɩ wa -wʋ-a nʋ 'le, -nmö -wʋɩ 'yɛ-ɛ -na nʋ 'le-e, -n 'pa-a dlɩ -n nɛ -n bhɛlɩ -n 'yɛ -Lagɔɔ -zijle ngli 'wlʋ? 4Bhlɩ'ɩ sa ʋ -ga-a -na de cɛ tenyi, 'n ʋ -jɔnʋnʋmö-a cɛ, 'n ʋ -wʋ-ɔ -na de dlɩ sɛ sɩbha 'le tenyi, mɩ-ɩ -nyumö-a dlɩ yawʋɔ? -Nn cɛ sɛ -ji naa, -Lagɔ -yɛ -sɩbha -na de cɛ -ga-a, -n 'yɛ ligba, -n 'yɛ -na 'jinyloli cɛ 'mö -saa yɛ-a? 5-Ma ɩ 'mö, -na dlɩ -n -wʋ-a 'mö 'tumanɩ 'le, 'n -n 'tɛ-a 'yukwli 'möö yɛ, -Lagɔɔ yʋlʋ -bebe -n -wʋ-a -najɩɛ yɛ -bʋ 'le. -Zlɩ ʋ yʋlʋ 'kadʋɔ de -yɛ nyini, ʋ 'möslɛnɩzijle -yɛ zɩkpa pönɩ gbʋ -kamö ghlɩ. 6-Bha ʋ ji-a nɩkpa wa nʋnʋlie yɛ plʋnʋɔ -bhlʋ -bhlʋ. 7-Wa la'a -wa nyʋnanɩ-ɛ -ma -lie -lie nʋnʋɛ 'bɩ dlɩ, -wa 'nama-a -li -ɩ ka-a dlɩ yɛ, 'nglɩɛ nglɩ -yɛ -li -ɩ 'na-a sɛ yɩla 'sɔ, 'mʋa -Lagɔ ji-a 'kɔgwlɛpɩ 'nyɛɛ. 8-Mʋa ka-a 'lʋlʋlibhoo yɛ -wa sa-a -bha 'dɛdɛɛgbawɛlɩ 'n wa zʋ-ɔ -bha -ɩ 'nɩ-a 'mö slɛnɩ, 'mʋa -Lagɔ ji-a ʋ yʋlʋ -yɛ ʋ 'kalɛ 'sɔ -gömö -laa. 9-Wa ka-a 'jinylolie nʋnʋlibho, wa 'bhuo ʋ ji-a 'zwɩ -yɛ dlɩjilijilie 'sɔ -gömö -laa. 'Zwiföa ɩ ji-a 'wʋ tɛnɩɛ 'bhë ɩ 'yɛ -wa 'nɩ-a 'zwiföa glɩnɩ ghlɩ. 10-Mʋa la'a -mʋa nʋ-a -lie -li, 'mʋa -Lagɔ ji-a 'nglɩ 'nyɛɛ, wa 'yɛ -bha ʋ 'ji 'klʋ 'wʋ 'wɔlʋ, wa 'yɛ -gömö -wlonʋ. 'Zwiföa ɩ ji-a 'wʋ tɛnɩɛ 'bhë ɩ 'yɛ -wa 'nɩ-a 'zwiföa glɩnɩ ghlɩ. 11-Wʋʋ yɛ-a, -Lagɔ 'nɩ gbëzɩ nɩkpa 'mö.
Pɔlʋ yɛ -wa -ji-a -Lagɔɔ gböö 'jinylolie gbʋ gba
12Nɩkpa -wa 'nɩ-a -Lagɔɔ gbö -ji -wa nʋ-a 'jinyloli-e, wa 'na -ma -Lagɔɔ gbö 'mö -sa wa 'yɛ wa -zijle tu 'n gbʋ 'kʋa-a köbha. -Wa -ji-a -Lagɔɔ gbö 'bhë -wa nʋ-a 'jinyloli-e, -ma -Lagɔɔ gbö 'mö wa ji-a -saa wa 'yɛ wa -zijle tu 'bhë 'n gbʋ 'kʋa-a köbha. 13-Wa pönɩ-a -Lagɔɔ gbö 'yukwli, mʋa 'nɩ -bha -Lagɔɔ 'ji 'klʋ 'mö slɛnɩ, -wa zʋɩ-ɛ -bha, 'mʋa -Lagɔ zʋa-a 'möslɛnɩngwa 'wʋ. 14Nɩkpa -wa 'nɩ-a 'zwiföa, -wa 'nɩ-a -Lagɔɔ gböö bhle'e -ji, wa -yɛ -ma wa -dagwalɩdlɩ 'mö -sa -ɩ -Lagɔɔ gbö gba-a wa -kɩɩ nʋ-ɔ, wa'a -Lagɔɔ gböö bhle'e -ji 'bhë, wa ka -nɩ -ma wa dlɩa zɔmö wajɩɛ gbö. 15Sa 'mɩ gbö 'cɛlɩɔ-ɔ -ma wa dlɩ 'klʋ 'mɩ wa -wʋ-a tulua 'le, 'n wa nʋnʋli sa-a -ɩ wa pa-a dlɩ 'wʋ, wa dlɩ köbhʋa zlɩ -mɩmɛɛ 'mö gbʋ, ɛ sʋa 'yɛ zlɩ -mɩmɛɛ 'mö gbʋ yawʋ. 16Zlɩ -ɛɛ 'mö -Lagɔ ji-a Zezwi 'Kli 'mö 'plɩnɩɛ ʋ 'yɛ -ɩ nɩkpa ziza-a -ma wa dlɩa zɔmöö -zijle tu-o, -bha 'mɩ -ɩ la'a ji-a zɩkpa pönɩɛ. -Sɩbha -Lagɔɔ 'tɩtɩɛ -tɩtɩ n -su-a gba -bha.
'Zwiföa -yɛ -Lagɔɔ gbö 'sɔ
17-Nmö ka-a 'zwiföyi nglɩ -gömö, -nmö 'tɛnɩ-a -Lagɔɔ gbö dlɩ, -nmö nʋ-a -Lagɔ -n -ji -bhaa yɛ 'n -n kpɔtɔ-a, 18-ɩ -Lagɔ 'jɩbha-a -nmö jiɩ-a, -Lagɔɔ gbö wa -slʋnʋmö-aa yɛ -ɩ -yɛ-a -lie -li -nmö -jiɩ-a, 19-nmö la-a -najɩ 'lɔkpɔlɔkpɔngwaa 'yuganɩnyɔ, -wa -wʋ-ɔ -ma 'misikpoko 'möö yʋlokpë, 20-waa wlumö-ö 'nɩ-a sɛ jɩnɩ -nmö la-a -najɩ wa -slʋnʋnyɔ, 'gwiee 'bhitɩbha, wɛlɩɛ zɔmöjijie -yɛ 'dɛdɛ'ɛ 'bhuo 'sɔ -ma -Lagɔɔ gbö 'mö -n jɩblɩnɩɩ -bhaa yɛ. 21-Ma ɩ 'mö, -nmö pa-a -mʋmʋa ngli, -nn 'pa -najɩ ngli! -Nmö gba-a naa, wa'a ghli 'wi -nɩ-ɛ, -na 'bhë -nmö ghli-a 'wi! -Nmö nʋ-a wa'a yɩlɩ gbɩ -nɩ, -na 'bhë -nmö yɩlɩ-a gbɩ. 22-Nmö -kʋnɩ -nyu-a dlɩ yawʋ, -nmö ghli-a -kʋnɩbudi'ie -li 'wi! 23-Nmö nʋ-a -Lagɔɔ gbö -n -ji -bhaa yɛ, -nmö kpɔtɔ-a, -nmö sa-a -bha -Lagɔɔ gbö, 'n -na -Lagɔɔ gbösasɩɛ 'lɩbhanɩ-a -Lagɔ zʋ. 24-Wʋʋ yɛ-a, sa'a ɩ 'cɛlɩɔ-ɔ -ma -Lagɔwɛlɩɛ 'bɔgʋ 'mö naa:
“A yɛ, -ma -wa 'nɩ-a 'zwiföaa gla'a
-Lagɔɔ 'nglɩ -wʋ-ɔ -ma ngli 'nyimanɩɔ 'le.”
Zɔmöö 'wʋdɩdɩɛ -ɛ -yɛ-a -leyie -leyi
25-Na zɔmö -yɛ 'wʋ 'dɩɔ-ɔ, -n -yɛ -bha -Lagɔɔ gbö zʋ, mɩ-ɩ -yɛ-a -lie -li. -N -yɛ -bha -Lagɔɔ gbö -sa-a, sa -na zɔmö 'na la-a 'wʋ 'dɩɔ, -sɩbha -n -wʋ -bha. 26-Ma ɩ 'mö, nɩkpɛ -ɔɔ zɔmö-ö 'nɩ-a 'wʋ 'dɩɔ, -ɔ 'nɩ-a 'zwiföyi, ɔ -yɛ -ɩ -Lagɔɔ gbö gba-a -bha zʋ 'le -wʋ-ɔ, nɩkpɛ -ɔɔ zɔmö 'dɩɔ-a 'wʋɔ swɩ -Lagɔ jio-a 'wʋ 'libhïë. 27Nɩkpɛ -ɔ 'nɩ-a 'zwiföyi -ɔɔ zɔmö-ö 'nɩ-a 'wʋ 'dɩɔ-ɔ, ɔ -yɛ -bha -Lagɔɔ gbö zʋ 'le -wʋ-ɔ, -nmöö zɔmö-ö 'dɩɔ la-a 'wʋ, -nmö -ji-a -Lagɔɔ gbö 'bhë -nmö sɩ-a, gbʋ ɔ -nɩmö bhe -la köbhaa ji 'nɩ-ɩ? 28-Wʋʋ yɛ-a, -ɔ glɩnɩ-a 'zwiföyie -zwiföyi, ɛ'ɛ -lɛ -ɩ wa yɩlɩnɩɔ-a 'möö yɛ, zɔmöö 'wʋdɩdɩɛ 'nɩ-ɛ 'yɛ ku yawʋɔ 'nyizee -leyi. 29-Ɔ glɩnɩ-a 'zwiföyie -zwiföyi-e, -ɔɔ dlɩ-ɩ glɩnɩ-a 'zwiföyi mɔ-ɔ -bha. Zɔmöö 'wʋdɩdɩɛ -ɛ glɩnɩ-a -leyie -leyi, -ma dlɩ zɔmöö -leyi -bha. -Lagɔɔ Zuzu nʋɛ-a nɛ, ɛ'ɛ -lɛ -ma 'cɛlɩcɛlɩgbö 'mö 'bhönɩ. 'Mɔ -sɩbhaa 'zwiföyi la'a 'nɩ 'nama nɩkpaa bhɛzɩbhɛzɩɛ, -Lagɔɔ bhë-ë bhɛzɩɔ -bha.
Bete New Testament © Bible Society of Côte d'Ivoire 1996