1 कुरुन्थी 1
1
1-2 #
कु.कामि 18:1
इञ पाउलुस अपे कुरुन्थी चिट्ठी रे तहीः वन बिसवासिकु के जोहार गाम केते नुवां चिट्ठी ओल कनिञ। परमेसर इञ के अपन हिछा एते ईसु मसी रिई सलावानीः चेला बयुः कथिर होहो एकाःदेञाय। आबु रिई गाति बिसवासी बोयहा सोस्थेनेस हों अपे केहों जोहार गाम एकाःआय। इञ, अपे परमेसर रआ कलीसिया कथिर नुवां चिट्ठी ओल कनिञ, अपे परभु ईसु मसी रे मीः केते पबितर एकाःपेयाय अरो पबितर तहीः कथिर होहो एकाःपेयाय। इनका गी उनी परभु ईसु मसी रआ लुतूम लेयकेते सुबिन ठांव रे पराथना करावान बिसवासिकु लोः कराव एताय। अरो उनी उनकु रिई अरो आबु रिई हों परभु हेकेय। 3अबुन रिई आबा परमेसर अरो परभु ईसु मसी सोझ एते अपे के दया अरो सांति नमुः चित तहीःका।
पाउलुस परमेसर के धेनयाबाद एमाःदेयाय
4इञ अपे कथिर परमेसर के सुबिन घरीक धेनयाबाद एमाय कनिञ, चिलिमेनचि उनी अपे रे मसी ईसु रआ दोवासते दया एकाःआय। 5ईसु मसी रे होयकेते सुबिन रकम एते अरो सुबिन गेयान अरो सुबिन गानाम रे भरापुरा एकानापे, 6नियां लेका अपे रे मसी रआ गोवाही सत सबिद एना। 7इनाते अपे के जहन लेकान्नाः रआ बरदान रआ हों कोमी घाटी का होय्येना अरो अपे आले रिई परभु ईसु मसी रआ दिसतारोः रआ आसरा रे हेनापेया। 8परमेसर अपे के अखरी तक ढिढ़ ते दोहो पेयय जेकर एते अपे आले रिई परभु ईसु मसी रआ हिलोः रे बेकासुर उडुङ ओःओपे। 9परमेसर अपे के जरुर इनका गी दोहो पेयाय चिलिमेनचि उनी भोरोसा लाइख हेनाया, उनी अपन होपोन हेरेल अरो आले रिई परभु ईसु मसी रआ संगाति रे होहो एकाःपेयाय।
कुरुन्थी कलीसिया रे मतभेद
10ए बोयहा-मिसिकु, आले रिई परभु ईसु मसी रआ लुतूम ते इञ अपे के गोहराव पेकानिञ चि अपे सुबिन मीः बरन गी गामपे अरो अपे रआ ताला रे मतभेद ओलो होयुःका। मुदा मीः लेका सोंच-बिचार अरो मीः उदेस रे मीः मोत तहीःपे। 11ए बोयहा-मिसिकु, खलोय रेन घराना रेन होरकु रे ते इञ के अपे रआ बबेत रे उदुः एकाः अकु चि अपे, अपे-अपे रे झगराः कनापे। 12#कु.कामि 18:24इञ रआ मोतलोब नुवां हेके चि अपे रआ ताला रे थोड़गन होर गाम कनाकु, “आले पाउलुस रआ तयोम सेसेन वन हेकेले,” अरो थोड़गन होर गाम कनाकु, “आले कयफा रआ तयोम सेसेन वन” अरो थोड़गन होर गाम कनाकु, “आले अपुलोस रआ तयोम सेसेन वन” अरो थोड़गन गाम कनाकु, चि “आले मसी रआ तयोम सेसेन वन हेकेले।” 13चिलि मसी हटिञ एनाय? चिलि अपे कथिर पाउलुस के कुरुस रे रकप लेदेयाकु? चिलि अपे पाउलुस रआ लुतूम ते बतिसमा अगु एकाःआपे? 14#कु.कामि 18:8; कु.कामि 19:29; रोमि 16:23इञ परमेसर के धेनयाबाद एमाय कनिञ चि अपे रे ते किरीसपुस अरो गयुस के बगी केते जहय केहों बतिसमा काइञ एम एकावाःकुवा। 15दो जहय केहों नुवां ओलोकु गाम दड़िवाका चि अपे इञ रआ लुतूम ते बतिसमा नाम एकाःआपे। 16#1 कुरु 16:15अरो हें इञ इसतिफनुस रेन घराना केहों बतिसमा एमाःकुञ, उनकु के बागी केते ओयहर बनुःआं चि अरोकु केहों बतिसमा एम एकावाःकुञ। 17चिलिमेनचि मसी ता इञ के बतिसमा एएम कथिर बङा बलकी उनी रआ बबेत रे बुगिन खभेर उदुः कथिर कुल एकाःदेञाय। इञ बुगिन खभेर उदुः घरीक मनवांकु रआ गेयान रआ मोताबिक काइञ नधनी काना। इञ नुंकाय कनिञ दो मसी कुरुस रआ चेतान रे गोजुः वनीः रआ गानाम होरकु रआ मोन रे बेकार कोःका।
मसी परमेसर रआ गेयान अरो सोमोर्थ हेकेय
18चिलिमेनचि परमेसर नठाव कुवाय उनकु कथिर मसी कुरुस रआ चेतान गोच वनीः रआ खभेर मुरखाय रआ गानाम लेका हेनाःआं, मुदा आबु परमेसर रआ दोवासते बनचाव एकन नुवां खभेर परमेसर रआ सोमोर्थ हेके। 19#जसा 29:14चिलिमेनचि परमेसर रआ बचन रे ओल एकाना,
“इञ बुधिमानकु रआ बुधि नठाविञ,
अरो सोमोझदारकु रआ सोमोझ ता बनुःआं लेका एकाःइञ।”
20 #
अयू 12:17; जसा 19:12; 33:18;
जसा 44:25
करेः अकु गेयानवान होर? करेः अकु धरम पोथी सिखाविकु? करेः अकु नियां जुग रेन झामेला करावानकु? चिलिमेनचि दुनिया रआ गेयान परमेसर ता निरबुधिया ठहरावेःकुवाय। 21चिलिमेनचि दुनिया रेन होर अपन गेयान एते परमेसर के काकु सारी दड़िवाया नियां गानाम ता परमेसर अपन गेयान एते सारीइ कनाय इनाते परमेसर के नुवां बुगिन अटकारेना चि बुगिन खभेर रआ परचार रआ मुरुखता रआ दोवासते बिसवास करावान के उद्धार नामुःका। 22जहुदिकु दो चिनहा-चकरीत कामि कोय कनाकु, अरो गइर-जहुदिकु गेयान रआ दंड़ा रे तहीः कनाकु। 23मुदा आले दो उना कुरुस रे रकाप लेदेयाकु उनी मसी रआ बबेत रे परचार कनाले। नुवां बुगिन खभेर जहुदिकु कथिर ठोकोरा रआ कारन अरो जे गइर-जहुदी बङ हेकेकु उनकु कथिर नुवां बुगिन खभेर मुरुखता हेके। 24जहुदिकु चहे गइर-जहुदी जहय हों चिलिमेन ओलो होयुःकाकु, जेके परमेसर होहो एकाःकुवाय उनकु कथिर मसी परमेसर रआ सोमोर्थ अरो गेयान हेकेय। 25चिलिमेनचि परमेसर रआ मुरुखता मनवांकु रआ गेयान एते गेयानवान हेनाया अरो परमेसर रआ कोमजोरी मनवांकु रआ बोल एते बोलगार हेनाया। 26ए बिसवासी बोयहा-मिसी निमीः मीःजंग सोंचाःपे चि जोब परमेसर ता अपे के होहो लेःपेयाय, दो अपे रे ते बेचोट कोम होर दो, होर रआ नजेर रे ना बुधिमान अरो ना बोलगार तही केनापे अरो ना सामाज रे बड़-बेड़वाव तहिकेनापे। 27-29जहन होर, परमेसर ठिनुः घमंड का कराव कथिर परमेसर ता दुनिया रेन गेयान वनकु के लजिम कराव कथिर निरबुधिकु के सलावेःकुवाय, अरो जे बोलगाराकु उनकु के लजिम कराव कथिर नरा-दुरा होरकु के सलावेःकुवाय। जे होर अपन के मरंग सोमझाः कनाकु, उनकु के परमेसर जहन्नाः हों बनुःआं लेका, बबय कथिर सामाज रेन हुडिञ होर के अरो जेके घिरना कुकानाकु उनकु के अरो जे जहन्नाः हों बनुःकुवा इनकु किगी परमेसर ता सला एकाःकुवाय। 30चिलिमेनचि परमेसर गी अपे के ईसु मसी रे मेसा एकाःपेयाय, परमेसर ता मसी तके अबुन कथिर गेयान रआ गानाम ठहराव एदेयाय। अरो मसी आबु के धरमी बाय एकाःबुनाय, अरो पबितर होर बाय एकाःबुनाय, अरो बनचाव एकाःबुनाय। 31#जिरमि 9:24इनाते जे लेका परमेसर रआ बचन रे ओल वनाः गानाम पुराःका, “जदि जहय घमंड एकाय उनी परभु रे घमंड एकाय।”
Currently Selected:
1 कुरुन्थी 1: BIY
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0