कुलवानकु.कामि 1
1
1-2 #
लूका 1:1–4
ए हुजूर थियुफिलुस,
इञ पहिल पोथी रे उना सुबिन गानाम रआ बबेत रे ओल एकाःइञ, जे ईसु एटेच एते लेयकेते, जे हिलोः तक अपन सला वन कुलवानकु के पबितर रावा रआ दोवासते, हुकूम एम केते, सोवाराग रे रिम इदी तक कराव अरो सिखाव चित तहिएनाय। 3ईसु अपन कुरुस रे गोजुः तयनोम उनकु कुलवानकु के बेचोट सबुद एम केते सबिद एताय चि उनी जुवेताय। उनी चालिस हिलोः तक उनकु रआ सामने दिसतार वोः चित तहिएनाय अरो परमेसर रआ राइज रआ बबेत रे उनकु के उदुः चित तहिएनाय। 4#लूका 24:49ईसु कुलवानकु लोः जोजोम वनाः जोजोम घरीक, उनकु के हुकूम एमाःकुवाय, “जरुसलेम ता ओलोपे बगिया बलकी जेकर बबेत रे अपे इञ एते अयुम एकाःआपे, परमेसर आबा रआ उना वादा ता पुरावोः रआ तंगीइपे। 5#मती 3:11; मर 1:8; लूका 3:16; जोह 1:33चिलिमेनचि जोहन दाः रआ बतिसमा एमाकुकन केनाय, मुदा हुडिञगन हिलोः रे पबितर रावा एते बतिसमा नम्मापे।”
ईसु रआ सोवारागदूत सिनुः
6जोब उनकु ईसु लोः मीः ठिनुः तहिकेनाकु, दो उनकु ता नुवां कुलिएदेयाकु, “परभु! चिलि आम नियां समेय इसराइली रआ राइज अरो बयियाम?” 7ईसु गामवाःकुवाय, “उना समेय अरो उना घरीक ता सारी कथिर अपे रआ कामि बङ कानाः जे के आपुञ अपन हक रे दोहो एकाःआय। 8#मती 28:19; मर 16:15; लूका 24:47,48मगर पबितर रावा अपे रे अरगुःआ अरो अपे के सोमोर्थ एमापेयाय, अरो अपे जरुसलेम रे अरो सुबिन जहुदिया पोरदेस अरो समरिया रे अरो ओते रआ अतोम तक इञ रआ गोवाही बयुःआपे” 9#मर 16:19; लूका 24:50,51इमिनुः गाम तयनोम ईसु चेलाकु के नेनेल-नेनेल सोवाराग रिम इदी एनाय अरो रिम्बील हेच केते ईसु के चेलाकु रआ मेत एते उकु एदेयाय 10ईसु रआ सिनुः घरीक कुलवान सिरमा सोझ मीःटक नेल एकेनाकु रिगी बार होर हेरेल पुन्डी किचरीः होरोः केते उनकु ठिनुः हेच तिंगु एनाकिन 11अरो गापाम हेलावेनाकिन, “ए गलील रे तहीः वन हेरेलकु, अपे चिलिमेन तिंगु केते सिरमा सोझ नेल कनापे, नेय ईसु जे अपे ठिनुः एते सोवाराग रे रिम इदी एनाय, इना लेका गी अपे ता उनी के सोवाराग सोझ सिनुः नेल एकाःदेयापे, इना लेका गी उनी अरो हिजुःआय।”
मतियाह के जहुदी रआ ठांव नमुः
12तोब उनकु जायतून लुतूम टोंगरी एते जरुसलेम रुवाड़ हेच्चेनाकु। उना टोंगरी जरुसलेम एते इमिन संगिञ हेनाःआं, जेतना संगिञ मीः जिराः हिलोः रआ होरा सेसेन दड़िवाःआकु#1:12 जहुदी धरम रआ मोताबिक मिहोर होर मीः जिराः हिलोः लगेभगे मीः किलो मीटर एते ढेर काय सेन दड़िवाःआय। 13#मती 10:2–4; मर 3:16–19; लूका 6:14–16अरो जोब उनकु ओन्डो तेबाःएनाकु दो उना पटोत रे तोराकुवा, जे ठिनुः तहीः केनाकु। उनकु नोकु हेकेकु पतरस, अरो जोहन, जाकूब, अन्धरियास, फिलिपुस, थोमा, बरतुलमय, मती, हलफइ रिई होपोन हेरेल जाकूब अरो सिमोन दिसुम भक्त अरो जाकूब रिई होपोन हेरेल जहुदा। 14नोकु सुबिन चिमिनोः कुरी होपोन अरो ईसु रिई एंगातेः मरियम अरो उनी रेन बोयहाकु लोः मीः मोन केते पराथना चित तही एनाकु।
15इमिन रे मीः हिलोः ओन्डो लगेभगे छो कोरी बिसवासी हेरेल मीः ठिनुः जमाः केनाकु, इमिन रे पतरस तिंगु केते मेताःकुवाय। 16ए बोयहा अरो मिसिकु, पबितर रावा रआ एगवाइ एते दाऊद ता जहुदा रआ बबेत रे पबितर पोथी रे ओल आनाः गानाम पुराव वोः जरुरेत हेनाःआं। नुवां ईसु के सासप रे देंगा लेःकुवाय 17चिलिमेनचि उनी दो अबु रे एते मिहोर तहिकेनाय, अरो नुवां सेवकाइ रे गाति रे तहिकेनाय। 18#मती 27:3–8जहुदी ता अधरम रआ कमाय एते मियाः खेत किरीञएताय, अरो उनी बोहोः होरा एते उयुःएनाय, अरो उनी रआ लहिच पड़ाः एना, अरो उनी रआ सुबिन पोटा उडुङएना। 19अरो नुवां गानाम ता जरुसलेम रेन सुबिन तहीः वनकु सारी एताकु, नोन्डो तक चि उना खेत रआ लुतूम उनकु रआ भाखा रे हकलदामा गाम्मेना। जेकर मोतलोब मयम रआ खेत होय्येना। 20#सिरिञ 69:25; सिरिञ 109:8चिलिमेनचि भजन सहिंता रआ पोथी रे ओल एकाःआय,
उनी रआ ओड़ाः उधनाव जोनका,
अरो उना रे जहय होर ओलोकु बोसाओःका
अरो उनी रआ पद जहय एटाः इदी केयाय।
21-22 #
मती 3:16; मर 1:9; लूका 3:21;
मर 16:19; लूका 24:51 जहुदी रआ ठांव रे मिहोर के सला कराव जरुरेत हेनाःआं। अरो उनी अबु लोः परभु ईसु रआ जुवेत बिरीतोः रआ गोवाही बयुः चही, होर नुंका होयुःकाय जे परभु ईसु अबु लोः हिजुः-सिनुः रआ सुबिन घरीक रे अबु लोः गी तहीःकाय, उना रआ मोतलोब जोहन बतिसमा एएम वनीः रआ समेय एते लेयकेते ईसु सोवारागदूत रिम इदीः तक अबु लोः तहीःकाय।
23तोब उनकु ता बार होर के तिंगु वेःकिनाकु, मिहोर जुसूफ के, जे बरसबास गामुः केनाय, जेकर एटाः लुतूम जुसतुस हेके, अरो मिहोर मतियाह के। 24तोब उनी ता नुवां लेका पराथना एताय चि, “ए परभु! आम जे सुबिन रआ मोन सारी कनाम, नुवां उदुःएम चि नुकिन बनार रे एते आम ओकोय के सला एकाःदेयाय। 25चि नुकिन नुवां सेवकाइ आर कुलवानकु रआ पद अगुयाकिन जेकर रे जहुदा बागी केते आच रआ ठांव तोराया।” 26तोब उनकु ता उनी रआ बबेत रे चिट्ठी संजो एताकु आर चिट्ठी मतियाह रआ लुतूम एते उडुङएना अरो उनी रआ गिनती गारो झन कुलवानकु रे लेखा एना।
Currently Selected:
कुलवानकु.कामि 1: BIY
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
