कुलवानकु.कामि 4
4
पतरस अरो जोहन हातु दोरबार रे
1जोब पतरस अरो जोहन उनकु होरकु एते नुवां गाम एकेनाकिन, दो जाजक अरो मरंग बिनती ओड़ाः रेन सिपाहिकु रेन मुध होर अरो सदुकी उनकिन ठिनुः हेच्चेनाकु। 2उनकु बेचोट खिसावेनाकु, चिलिमेनचि पतरस अरो जोहन होरकु के सिखाव कुकन केनाकिन चि गोच इकु जुवेत बिरीताकु, जे लेका ईसु गोच केते जुवेत बिरीत केनाय। 3उनकु ता उनकिन के साप केते एटाः हिलोः तक जेहेल ओड़ाः रे अदेर हंडेत काःकिनाकु, चिलिमेनचि अयुप केना। 4मुदा बचन ता अयुम वनकु रे एते बेचोट बिसवास एताकु, अरो उनकु रआ गिनती पांच हजार हेरेल लगेभगे होय्येनाकु। 5एटाः हिलोः जरुसलेम रे नुंका होय्येना चि उनी रेन मुधकु अरो एगवाकु अरो धरम पोथी सिखाविकु 6अरो मरंग जाजक हन्नास अरो कयफा अरो जोहन अरो सिकन्दर अरो जेतना मरंग जाजक रेन घराना रेन तहिकेनाकु, सुबिन जरुसलेम रे जमा एनाकु। 7उनकु, उनकिन के ताला रे तिंगु केते कुली हेलावेनाकु चि अबेन नुवां कामि करा सोमोर्थ एते अरो ओकोय रआ लुतूम एते कामि कनाबेन।
8तोब पतरस पबितर रावा एते भोरपुर केते उनकु के गामवाःकुवाय, “होरकु रेन मुधकु अरो एगवाकु, 9नोंय लंगड़ा होर लोः जे भला एकाना, जदि तिहिञ इञ के, उनी रआ बबेत रे कुलिञ कनापे चि उनी चिलका एते बुगी एनाय। 10दो अपे सुबिन, अरो सुबिन इसराइली होर सारी केपे चि नासरत लुतूम चट्टी रिई ईसु मसी रआ लुतूम एते, नोंय होर अपे रआ हेनात भला बुगिन तिंगु एकानाय, जे के अपे कुरुस रे रकाप लेदेयापे, अरो इनी किगी परमेसर ता गोच वनीः रे एते जुवेतेदेयाय,
11 #
सिरिञ 118:22
“‘नुवां उना दिड़ी हेके जे के अपे राज मिसतिरीकु तुछ एदेयापे
अरो उना कोना रआ दिड़ी बाय्येना।’
12जहय एटाः रआ दोवासते उद्धार बनुःआं, चिलिमेनचि सोवाराग रआ लतार होर रे अरो एटाः लुतूम काय एम एकाःआय, जेकर दोवासते अबु उद्धार नाम दड़ी वाःआबुन।” 13जोब उनकु ता पतरस अरो जोहन रआ डिढ़ नेल्लेताकु, अरो नुवां सारी एताकु चि नुकिन अनपड़ अरो सोझा होर हेकेकिन, दो चकरीत एनाकु, अरो उनकिन के चिनहाव वेःकिनाकु, चि नुकिन ईसु रआ गाति रे तहीः केनाकिन। 14उनी होर के जे बुगी केनाय, उनकिन लोः तिंगु नेल केते, उनकु बिरोध रे जहन्नाः काकु गाम दड़िवाता। 15अरो उनकिन के पंचेत रआ बहरी सिनुः कथिर हुकूम एम केते, उनकु अकु-अकु बिचार हेलावेनाकु, 16“अबु नुकिन होर लोः चिलियाबु? चिलिमेनचि जरुसलेम रेन सुबिन तहीःवानकु सारी ताकु चि नुकिन दोवासते मियाः परसिध चिनहा होय एकाना, अरो अबु उना चिनहा रआ इनकार काबु दड़िवाःआ। 17मुदा इनाते चि नुवां गानाम होरकु रे अरो ढेर ओलो फयलाःका, अबु उनकिन के धमकावकिना चि उनकिन नुवां लुतूम एते अरो जहय होर एते अलोकिन नधनीइका।” 18तोब पतरस अरो जोहन के होहो वेःकिनाकु अरो चेताव केते नुंका गामवाःकिनाकु, “ईसु रआ लुतूम एते जहन्नाः अलोबेन गामवाकुवा, अरो जहन्नाः अलोबेन सिखावकुवा” 19मुदा पतरस अरो जोहन ता उनकु के जबाब एमाःकुवाकिन, “अपे गी फयसालायपे, चिलि नुवां परमेसर रआ हेनात उचित हेनाःआं चि अलिञ परमेसर रआ गानाम एते बड़हाव केते, अपे रआ गानाम मनाव वोःओलिञ 20चिलिमेनचि अलिञ जे नेल एकाःआलिञ ओनाव एकाःआलिञ, उना रआ बबेत रे, का गागाम, अलिञ कथिर संभाव बनुःआं।” 21तोब उनकु पतरस अरो जोहन के अरो धमकाव केते बागीकाः किनाकु, चिलिमेनचि होरकु रआ चलते उनकिन के दंड एएम रआ जहन गुनाह काकु नामलाःआ, इनाते चि जे घटना होय केना उना रआ चलते सुबिन होर परमेसर रआ बड़ाय एकेनाकु 22उनी होर, जेकर रे नुवां बुगिन कथिर रआ चिनहा देखाव लाःआकिन, चालिस साल एते ढेर उमेर रिई तहिकेनाय।
बिसवासिकु रआ पराथना
23उनकिन छुटाव केते अकिन रेन गाति ठिनुः हेच्चेनाकिन, अरो मरंग जाजककु अरो एगवाकु ता उनकिन के गामवाः किनकेनाकु, उना ओनाव वाःकुवाकिन। 24#उठ 20:11; नहे 9:6; सिरिञ 146:6नुवां अयुम केते उनकु ता मीः चित होय केते जोड़ राव एते परमेसर के मेताःदेयाकु, “ए परभु सुबिन चेतान रे हक दोहो वनीः, जे सोवाराग अरो ओते अरो समुदर अरो जहन्नाः उना रे मेनाःआं बयएकाःआम। 25#सिरिञ 2:1,2 आम पबितर रावा रआ दोवासते अपन धंगोर, आले रिई आपु दाऊद रआ मोचा एते गाम एकाःआम,
“‘गइर-जहुदिकु ता चिलिमेन खिसाः कनाकु?
अरो दिसुम-दिसुम रेन होरकु बेकार जोजना बाय कनाकु
26दुनिया रेन राजाकु
अरो दिसुम रेन हाकिमकु जमा केते परभु
अरो उनी रिई मसी रआ बिरोध रे तिंगु एनाकु।’
27 #
लूका 23:7–11;
मती 27:1,2; मर 15:1; लूका 23:1; जोह 18:28,29 चिलिमेनचि सच गी आम रिई पबितर धंगोर ईसु रआ बिरोध रे, जेके आम ता अभिसेक एकाःदेयाम, हेरोदेस अरो पिन्तीयुस पिलातुस हों गइर-जहुदिकु अरो इसराइल रेन होर लोः नुवां चट्टी रे जमा एनाकु। 28चि जहन्नाः पहिल एते आम रआ सोमोर्थ अरो जोजना तहिकेना, उना करावेम 29निमीः ए परभु, उनकु रआ धमकी ता नेलमी, अरो आमरेन बन्धुवा के आम रआ बचन ओनाव कथिर डिढ़ एमाकुम। 30आम रिई पबितर धंगोर ईसु रआ लुतूम एते बुगी कराव कथिर चकरीत कामि अरो चिनहा-चकरीत कराव कथिर अपन ती जिलिंगएम।” 31जोब उनकु पराथना मुडू एताकु, दो उना ठांव जे ठिनुः उनकु जमा तहिकेनाकु हिलावेना, अरो उनकु सुबिन पबितर रावा एते भोरपुर एनाकु, अरो परमेसर रआ बचन डिढ़ केते उदुः चित तहिएनाकु।
बिसवासिकु रआ जीवन
32 #
कु.कामि 2:44,45 बिसवास कराव वनकु रआ मंडली मीः चित अरो मीः मोन रआ तहिकेना, नोन्डो तक चि जहय हों अपन सम्पति अपन काकु गाम एकाना, मुदा सुबिन्नाः भागीदार तहिकेना। 33कुलवान बेचोट सोमोर्थ एते परभु ईसु रआ जुवेत बिरीत रआ गोवाही एम इदी चित अरो उनकु सुबिन रे परमेसर रआ मरंग दया तहिकेना। 34-35उनकु रे जहय हों गरीब काकु तहिकेना, चिलिमेनचि जेकर ठिनुः खेत बङ रेदो ओड़ाः तहिकेना, उना उनकु अखरीञ-अखरीञ केते अखरीञ आनाः गोनोंङ अगुइ केनाकु अरो उना कुलवानकु ठिनुः जमाय केनाकु। अरो जेलेका जेके जरुरेत होयुः केना, उनकु रआ मोताबिक सुबिन होर के हटिञ वकुकेनाकु 36जुसूफ लुतूम कुपरुस रिई मिहोर लेवी तहिकेनाय जेकर लुतूम कुलवानकु ता बरनाबस मोतलोब ढढस रिई होपोन गामुः केनाय। 37उनी रआ खेत तहिकेना, उना उनी ता अखरीञ एताय, अरो गोनोंङ रआ टका अगु केते कुलवानकु के एमाःकुवाय।
Currently Selected:
कुलवानकु.कामि 4: BIY
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
कुलवानकु.कामि 4
4
पतरस अरो जोहन हातु दोरबार रे
1जोब पतरस अरो जोहन उनकु होरकु एते नुवां गाम एकेनाकिन, दो जाजक अरो मरंग बिनती ओड़ाः रेन सिपाहिकु रेन मुध होर अरो सदुकी उनकिन ठिनुः हेच्चेनाकु। 2उनकु बेचोट खिसावेनाकु, चिलिमेनचि पतरस अरो जोहन होरकु के सिखाव कुकन केनाकिन चि गोच इकु जुवेत बिरीताकु, जे लेका ईसु गोच केते जुवेत बिरीत केनाय। 3उनकु ता उनकिन के साप केते एटाः हिलोः तक जेहेल ओड़ाः रे अदेर हंडेत काःकिनाकु, चिलिमेनचि अयुप केना। 4मुदा बचन ता अयुम वनकु रे एते बेचोट बिसवास एताकु, अरो उनकु रआ गिनती पांच हजार हेरेल लगेभगे होय्येनाकु। 5एटाः हिलोः जरुसलेम रे नुंका होय्येना चि उनी रेन मुधकु अरो एगवाकु अरो धरम पोथी सिखाविकु 6अरो मरंग जाजक हन्नास अरो कयफा अरो जोहन अरो सिकन्दर अरो जेतना मरंग जाजक रेन घराना रेन तहिकेनाकु, सुबिन जरुसलेम रे जमा एनाकु। 7उनकु, उनकिन के ताला रे तिंगु केते कुली हेलावेनाकु चि अबेन नुवां कामि करा सोमोर्थ एते अरो ओकोय रआ लुतूम एते कामि कनाबेन।
8तोब पतरस पबितर रावा एते भोरपुर केते उनकु के गामवाःकुवाय, “होरकु रेन मुधकु अरो एगवाकु, 9नोंय लंगड़ा होर लोः जे भला एकाना, जदि तिहिञ इञ के, उनी रआ बबेत रे कुलिञ कनापे चि उनी चिलका एते बुगी एनाय। 10दो अपे सुबिन, अरो सुबिन इसराइली होर सारी केपे चि नासरत लुतूम चट्टी रिई ईसु मसी रआ लुतूम एते, नोंय होर अपे रआ हेनात भला बुगिन तिंगु एकानाय, जे के अपे कुरुस रे रकाप लेदेयापे, अरो इनी किगी परमेसर ता गोच वनीः रे एते जुवेतेदेयाय,
11 #
सिरिञ 118:22
“‘नुवां उना दिड़ी हेके जे के अपे राज मिसतिरीकु तुछ एदेयापे
अरो उना कोना रआ दिड़ी बाय्येना।’
12जहय एटाः रआ दोवासते उद्धार बनुःआं, चिलिमेनचि सोवाराग रआ लतार होर रे अरो एटाः लुतूम काय एम एकाःआय, जेकर दोवासते अबु उद्धार नाम दड़ी वाःआबुन।” 13जोब उनकु ता पतरस अरो जोहन रआ डिढ़ नेल्लेताकु, अरो नुवां सारी एताकु चि नुकिन अनपड़ अरो सोझा होर हेकेकिन, दो चकरीत एनाकु, अरो उनकिन के चिनहाव वेःकिनाकु, चि नुकिन ईसु रआ गाति रे तहीः केनाकिन। 14उनी होर के जे बुगी केनाय, उनकिन लोः तिंगु नेल केते, उनकु बिरोध रे जहन्नाः काकु गाम दड़िवाता। 15अरो उनकिन के पंचेत रआ बहरी सिनुः कथिर हुकूम एम केते, उनकु अकु-अकु बिचार हेलावेनाकु, 16“अबु नुकिन होर लोः चिलियाबु? चिलिमेनचि जरुसलेम रेन सुबिन तहीःवानकु सारी ताकु चि नुकिन दोवासते मियाः परसिध चिनहा होय एकाना, अरो अबु उना चिनहा रआ इनकार काबु दड़िवाःआ। 17मुदा इनाते चि नुवां गानाम होरकु रे अरो ढेर ओलो फयलाःका, अबु उनकिन के धमकावकिना चि उनकिन नुवां लुतूम एते अरो जहय होर एते अलोकिन नधनीइका।” 18तोब पतरस अरो जोहन के होहो वेःकिनाकु अरो चेताव केते नुंका गामवाःकिनाकु, “ईसु रआ लुतूम एते जहन्नाः अलोबेन गामवाकुवा, अरो जहन्नाः अलोबेन सिखावकुवा” 19मुदा पतरस अरो जोहन ता उनकु के जबाब एमाःकुवाकिन, “अपे गी फयसालायपे, चिलि नुवां परमेसर रआ हेनात उचित हेनाःआं चि अलिञ परमेसर रआ गानाम एते बड़हाव केते, अपे रआ गानाम मनाव वोःओलिञ 20चिलिमेनचि अलिञ जे नेल एकाःआलिञ ओनाव एकाःआलिञ, उना रआ बबेत रे, का गागाम, अलिञ कथिर संभाव बनुःआं।” 21तोब उनकु पतरस अरो जोहन के अरो धमकाव केते बागीकाः किनाकु, चिलिमेनचि होरकु रआ चलते उनकिन के दंड एएम रआ जहन गुनाह काकु नामलाःआ, इनाते चि जे घटना होय केना उना रआ चलते सुबिन होर परमेसर रआ बड़ाय एकेनाकु 22उनी होर, जेकर रे नुवां बुगिन कथिर रआ चिनहा देखाव लाःआकिन, चालिस साल एते ढेर उमेर रिई तहिकेनाय।
बिसवासिकु रआ पराथना
23उनकिन छुटाव केते अकिन रेन गाति ठिनुः हेच्चेनाकिन, अरो मरंग जाजककु अरो एगवाकु ता उनकिन के गामवाः किनकेनाकु, उना ओनाव वाःकुवाकिन। 24#उठ 20:11; नहे 9:6; सिरिञ 146:6नुवां अयुम केते उनकु ता मीः चित होय केते जोड़ राव एते परमेसर के मेताःदेयाकु, “ए परभु सुबिन चेतान रे हक दोहो वनीः, जे सोवाराग अरो ओते अरो समुदर अरो जहन्नाः उना रे मेनाःआं बयएकाःआम। 25#सिरिञ 2:1,2 आम पबितर रावा रआ दोवासते अपन धंगोर, आले रिई आपु दाऊद रआ मोचा एते गाम एकाःआम,
“‘गइर-जहुदिकु ता चिलिमेन खिसाः कनाकु?
अरो दिसुम-दिसुम रेन होरकु बेकार जोजना बाय कनाकु
26दुनिया रेन राजाकु
अरो दिसुम रेन हाकिमकु जमा केते परभु
अरो उनी रिई मसी रआ बिरोध रे तिंगु एनाकु।’
27 #
लूका 23:7–11;
मती 27:1,2; मर 15:1; लूका 23:1; जोह 18:28,29 चिलिमेनचि सच गी आम रिई पबितर धंगोर ईसु रआ बिरोध रे, जेके आम ता अभिसेक एकाःदेयाम, हेरोदेस अरो पिन्तीयुस पिलातुस हों गइर-जहुदिकु अरो इसराइल रेन होर लोः नुवां चट्टी रे जमा एनाकु। 28चि जहन्नाः पहिल एते आम रआ सोमोर्थ अरो जोजना तहिकेना, उना करावेम 29निमीः ए परभु, उनकु रआ धमकी ता नेलमी, अरो आमरेन बन्धुवा के आम रआ बचन ओनाव कथिर डिढ़ एमाकुम। 30आम रिई पबितर धंगोर ईसु रआ लुतूम एते बुगी कराव कथिर चकरीत कामि अरो चिनहा-चकरीत कराव कथिर अपन ती जिलिंगएम।” 31जोब उनकु पराथना मुडू एताकु, दो उना ठांव जे ठिनुः उनकु जमा तहिकेनाकु हिलावेना, अरो उनकु सुबिन पबितर रावा एते भोरपुर एनाकु, अरो परमेसर रआ बचन डिढ़ केते उदुः चित तहिएनाकु।
बिसवासिकु रआ जीवन
32 #
कु.कामि 2:44,45 बिसवास कराव वनकु रआ मंडली मीः चित अरो मीः मोन रआ तहिकेना, नोन्डो तक चि जहय हों अपन सम्पति अपन काकु गाम एकाना, मुदा सुबिन्नाः भागीदार तहिकेना। 33कुलवान बेचोट सोमोर्थ एते परभु ईसु रआ जुवेत बिरीत रआ गोवाही एम इदी चित अरो उनकु सुबिन रे परमेसर रआ मरंग दया तहिकेना। 34-35उनकु रे जहय हों गरीब काकु तहिकेना, चिलिमेनचि जेकर ठिनुः खेत बङ रेदो ओड़ाः तहिकेना, उना उनकु अखरीञ-अखरीञ केते अखरीञ आनाः गोनोंङ अगुइ केनाकु अरो उना कुलवानकु ठिनुः जमाय केनाकु। अरो जेलेका जेके जरुरेत होयुः केना, उनकु रआ मोताबिक सुबिन होर के हटिञ वकुकेनाकु 36जुसूफ लुतूम कुपरुस रिई मिहोर लेवी तहिकेनाय जेकर लुतूम कुलवानकु ता बरनाबस मोतलोब ढढस रिई होपोन गामुः केनाय। 37उनी रआ खेत तहिकेना, उना उनी ता अखरीञ एताय, अरो गोनोंङ रआ टका अगु केते कुलवानकु के एमाःकुवाय।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0