कुलवानकु.कामि 5
5
हनानियस अरो सफीरा
1हनानियस लुतूम मिहोर होर अरो उनी रिई एरा सफीरा ता हुडिञगन खेत अखरीञ एताकिन 2अरो उना खेत रआ गोनोंङ रे एते हुडिञगन दोहो वनाकिन, अरो नुवां गानाम उनी रिई एरा हों सरिकेनाय, आर उना रआ मीः हिसा अगु केते कुलवानकु के एमाःकुवाय। 3पतरस ता मेताःदेयाय, “ए हनानियस! सयतान ता आम रआ मोन रे नुवां गानाम चिलिमेन पेड़ेच एताय चि आम पबितर रावा एते एकेन-मेकेन गाम्मेताम, अरो खेत रआ गोनोंङ रे एते हुडिञगन दोहो वनाबेन? 4जोब तक उना अबेन ठिनुः तहिकेना, चिलि अबेन रआ का तहिकेना? अरो जोब अखरीञ एना दो चिलि अबेन रआ हक रे का तहिकेना? अबेन नुवां गानाम अपन मोन रे होरकु एते बङा मुदा परमेसर एते झूठ गाम एकाःआबेन।” 5नुवां गानाम ओनाव तागी हनानियस उयुःएनाय अरो जीव अड़ाः एताय, अरो सुबिन ओनाव वनकु रे एते बेचोट भोय पेड़ेच्चेना। 6अरो धिंगाला ता बिरीत केते उनी रआ सिहड़ी बयएताकु अरो टांड़ी इदिकेते तोपा कदेयाकु।
7लगेभगे पेय घंटा रआ तयनोम उनी रिई एरा तेः जहन्नाः होयकेना, उना का सारी रआ एते भीतरी हेच्चेनाय। 8पतरस ता उनी एते नुवां गामवादेयाय, “इञ के उदुःवाञमी, चिलि अबेन उना खेत निमिनुंग तिगी अखरीञ लाःआबेन?” उनी ता गामवादेयाय, “हें निमिनुंग तिगी,” 9नुवां रे पतरस ता उनी के गामवादेयाय, “अबेन बनार परभु रआ रावा, परीछा कथिर चिलिमेन सलाह एनाबेन, अयुम्मी! जे होरकु आम रिई हेरेल के तोपा सेन केनाकु, उनकु दुवेर रे तिंगु एकानाकु अरो निमीः दो आम केहों इदी माकु।” 10उनी इमिताः गी पतरस रआ बाका रे उयुःएनाय अरो उनी रआ जीव उडुङएना, धिंगालाकु ता भीतरी हेच केते उनी के गोच नामेः देयाकु अरो उनी के इदिकेते उनी रिई हेरेल तेः रआ अतोम रे तोपा कदेयाकु। 11सुबिन कलीसिया रे अरो जेतना होरकु ता नुवां गानाम रआ चरचा अयुम्मेताकु, उनकु सुबिन रे बेचोट भोय पेड़ेच्चेना।
चिनहा अरो चकरीत कामि
12कुलवानकु रआ ती एते बेचोट चिनहा अरो चकरीत कामि होरकु रआ ताला रे उदुः एकेनाकु, अरो उनकु सुबिन बिसवासी मीः चित केते सुलेमान रआ ढाबा रे जमाः केनाकु। 13मुदा अरोकु रे एते जहय के नुवां डिढ़ का होयुःकेना चि उनकु रे सेन केते मेसा नोओकु, रेहों होर उनकु रआ बड़ाय एकेनाकु। 14लिकिन बिसवास कराव वनकु रआ गिनती रे ढेर इदीः केनाकु, हेरेलकु अरो एराकु रआ मियाः मरंग दोल परभु रे बिसवास केते मंडली रे मेसा इदीः केनाकु। 15नियां रआ नतिजा नुवां हेके चि होर हासु वनकु के सड़क रआ अतोम रे अगु-अगु केते परकोम अरो पेटया रे गितीच काकु केनाकु चि जोब पतरस हिजुःआय, दो उनी रआ उम्बुल उनकु चेतान रे पोड़ाव वोःओ। 16जरुसलेम रआ हेनात-जपाः रआ चट्टी एते हों बेचोट होर हासु वनकु अरो घिन रावाकु एते सताव वनकु के अगु कुकनकेनाकु, अरो सुबिन के बुगी कुकनकेनाय।
कुलवानकु के सासप
17तोब मरंग जाजक अरो उनी रेन सुबिन गाति, जे सदुकी दोल रेन तहिकेनाकु, हिसंगा एते पेड़ेच केते उनकिन रआ बिरोध रे बिरीत तिंगु एनाकु। 18अरो कुलवानकिन के सापकेते जेहेल ओड़ाः रे हन्डेत काःकिनाकु 19मुदा निदा गी परभु रिई मिहोर सोवारागदूत ता जेहेल ओड़ाः रआ दुवेर नीचकेते उनकिन के टांड़ी अगु केते गामवाःकिनाय। 20“सिनुःपे, मरंग बिनती ओड़ाः रे तिंगु केते नुवां, नवां जीवन रआ सुबिन गानाम होरकु के ओनाव वकुपे।” 21उनकु नुवां अयुम केते अंगा तागी मरंग बिनती ओड़ाः रे सेन केते सिखाव हेलावेनाकु। तोब मरंग जाजक अरो उनी रेन गातिकु ता हेचकेते मरंग पंचेत ता अरो इसराइलिकु रेन सुबिन एगवाकु के मीः ठिनुः वेःकुवाकु। अरो जेहेल ओड़ाः रे चपरासी एते गामकुल एताकु चि उनकिन के अगुकिनपे। 22-23मुदा उनकु ओन्डो तेबाः केते उनकिन के जेहेल ओड़ाः रे काकु नमेः किना, अरो रुवाड़ केते खभेर एमाःकुवाकु चि, “आले जेहेल ओड़ाः ता बेचोट बुगिन एते हन्डेत लाःआले अरो सिपाहिकु के टांड़ी दुवेर रे तिंगुः एते नमेःकुवाले, मुदा जोब नीच एताकु दो भीतरी रे जहय काकु नाम्मेना” 24जोब मरंग बिनती ओड़ाः नेल-अतेन वनकु रिई मुध अरो मरंग जाजककु ता नुवां काकु सोमझाव दड़िवाकन केना चि कुलवान चिलि एनाकु नुवां सोंचाव केते बेचोट चिंता रे पोड़ाव एनाकु! 25इमिन रिगी जहय ता हेचकेते उनकु के उदुःवाःकुवाय, “नेलपे, जेकु के अपे जेहेल ओड़ाः रे हन्डेत केते दोहो लेःकुवापे, उनकु होरकु मरंग बिनती ओड़ाः रे तिंगु केते होरकु के सिखाव कुकानाकु।” 26तोब मुध, सिपाहिकु लोः सेन केते, उनकु के अगुवेःकुवाकु, मुदा बोल लगाव केते बङा, चिलिमेनचि उनकु होरकु एते बोरोय केनाकु चि अबु के दिड़ी एते ओलोकु ठिनढेरका। 27उनकु ता उनकु के अगु केते मरंग पंचेत रआ लहा रे तिंगु वेःकुवाकु, तोब मरंग जाजक ता उनकु के कुली वेःकुवाकु। 28#मती 27:25“चिलि आले अपे के चेताव केते हुकूम काले एमाःपे केना चि अपे नुवां लुतूम एते ओलोपे उदुःइया? रेहों नेलपे अपे सुबिन जरुसलेम रे अपे रआ सिख एते पेड़ेच एकाःकुवापे, अरो उनी मनवां के गोच लेदेयाकु उना रआ भार आले रआ खंधी रे रकाप चहाः कनापे।” 29तोब पतरस अरो एटाः कुलवानकु ता जबाब एमाःकुवाकु, “होरकु रआ हुकूम एते बड़हाव केते परमेसर रआ हुकूम मनाव आले के जरुरेत हेनाःआं, 30आले रेन आपु-आजाकु रिई परमेसर ता ईसु के जुवेतेदेयाय, जे के अपे ता कुरुस रे ठोकाव केते गोच लेदेयापे। 31उनी किगी परमेसर ता राइज चलाव वनीः अरो उद्धार कराव वनीः ठहराव केते, अपन जोम ती रे दुरुप्पेदेयाय, चि उनी इसराइलिकु के मोन रुवाड़ रआ बोल अरो पाप रआ छमा एमाकुवाय। 32आले नुवां गानाम रआ गोवाह हेकेले अरो पबितर रावा हों। जे परमेसर रआ हुकूम मनाः अकु, उनकु के परमेसर ता पबितर रावा रआ बरदान एम एकावाःकुवाय।”
33नुवां अयुम केते मुध पंचेत रे होर बेचोट खिसाव एनाकु, अरो उनकिन के गोगोच कथिर वोः केनाकु। 34मुदा उना मरंग पंचेत रे गमलियेल लुतूम रिई मिहोर फरीसी तहिकेनाय, उनी मूसा रआ नियम सिखाव वनीः तहिकेनाय, अरो उनी सुबिन होर रे आदरनिये तहिकेनाय, उनी तिंगु केते मेताःकुवाय, “चि मीःजंग कथिर कुलवानकु के टांड़ी इदी कुपे।” 35उनकु के उडुङ तयनोम उनी ता गामवाःकुवाय, “इञ रेन बोयहा इसराइलिकु अपे जहन्नाः नोकु होर एते कराव कथिर वोः कनापे, सोंचाव सोमझाव केते करावेपे।” 36चिलिमेनचि नियां हिलोः एते पहिल थियुदास नुवां गाम बिरीत एनाय, चि “इञ हों मरंग होर हेकेञ” अरो जहय चाइर साव होर उनी लोः एनाकु, मुदा उनी के गोजेः देयाकु, अरो जेतना होर उनी के मनाः केनाकु सुबिन छितिर-बितिर एनाकु, अरो झमेला चबाएना। 37उना तयनोम लुतूम ओलुः हिलोः रे गलील पोरदेस रिई जहुदा बिरीत एनाय अरो हुडिञगन होर आच सोझ वेःकुवाय, अरो झमेला एताय। मुदा जोब उनी हों नठाव एनाय, अरो जेतना होर उनी के मनाः केनाकु, सुबिन छितिर-बितिर एनाकु 38इनाते निमीः इञ अपे एते गामवापे कनिञ, “नोकु होर एते संगिञ गी तहीःपे अरो उनकु के बागी ककुपे, चिलिमेनचि जदि उनकु रआ जोजना अरो कामि होर सोझ एते हिजुः कन रेदो अपन तिगी मेटाव ओःओ, 39-40मुदा परमेसर रआ सोझ एते हेनाःआं, रेदो केइध कपे मेटाव दड़िवाःआ, कहीं नुंका ओलो होयुःका चि अपे परमेसर एते हों लड़ाय वनकु ठहराव वोःओपे।”
तोब उनकु ता उनी रआ गानाम मनाव एनाकु, अरो कुलवानकु के होहो केते रु इरीवेःकुवाय, अरो नुवां हुकूम एम केते बागी काःकुवाकु चि ईसु रआ लुतूम एते अरो जहन गानाम ओलोपे नधनियां। 41उनकु नुवां गानाम एते आनाद केते मरंग पंचेत रआ लहा एते तोराकुवा, चि अबु उनी रआ लुतूम कथिर बेमाइन होयुः लाइख दो ठहराव एनाबु, 42उनकु रोज हिलोः मरंग बिनती ओड़ाः रे अरो ओड़ाः-ओड़ाः सेन केते सिखाव चित तही एनाकु अरो ईसु मसी रआ बुगिन खभेर उदुः चित तही एनाकु।
Currently Selected:
कुलवानकु.कामि 5: BIY
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
कुलवानकु.कामि 5
5
हनानियस अरो सफीरा
1हनानियस लुतूम मिहोर होर अरो उनी रिई एरा सफीरा ता हुडिञगन खेत अखरीञ एताकिन 2अरो उना खेत रआ गोनोंङ रे एते हुडिञगन दोहो वनाकिन, अरो नुवां गानाम उनी रिई एरा हों सरिकेनाय, आर उना रआ मीः हिसा अगु केते कुलवानकु के एमाःकुवाय। 3पतरस ता मेताःदेयाय, “ए हनानियस! सयतान ता आम रआ मोन रे नुवां गानाम चिलिमेन पेड़ेच एताय चि आम पबितर रावा एते एकेन-मेकेन गाम्मेताम, अरो खेत रआ गोनोंङ रे एते हुडिञगन दोहो वनाबेन? 4जोब तक उना अबेन ठिनुः तहिकेना, चिलि अबेन रआ का तहिकेना? अरो जोब अखरीञ एना दो चिलि अबेन रआ हक रे का तहिकेना? अबेन नुवां गानाम अपन मोन रे होरकु एते बङा मुदा परमेसर एते झूठ गाम एकाःआबेन।” 5नुवां गानाम ओनाव तागी हनानियस उयुःएनाय अरो जीव अड़ाः एताय, अरो सुबिन ओनाव वनकु रे एते बेचोट भोय पेड़ेच्चेना। 6अरो धिंगाला ता बिरीत केते उनी रआ सिहड़ी बयएताकु अरो टांड़ी इदिकेते तोपा कदेयाकु।
7लगेभगे पेय घंटा रआ तयनोम उनी रिई एरा तेः जहन्नाः होयकेना, उना का सारी रआ एते भीतरी हेच्चेनाय। 8पतरस ता उनी एते नुवां गामवादेयाय, “इञ के उदुःवाञमी, चिलि अबेन उना खेत निमिनुंग तिगी अखरीञ लाःआबेन?” उनी ता गामवादेयाय, “हें निमिनुंग तिगी,” 9नुवां रे पतरस ता उनी के गामवादेयाय, “अबेन बनार परभु रआ रावा, परीछा कथिर चिलिमेन सलाह एनाबेन, अयुम्मी! जे होरकु आम रिई हेरेल के तोपा सेन केनाकु, उनकु दुवेर रे तिंगु एकानाकु अरो निमीः दो आम केहों इदी माकु।” 10उनी इमिताः गी पतरस रआ बाका रे उयुःएनाय अरो उनी रआ जीव उडुङएना, धिंगालाकु ता भीतरी हेच केते उनी के गोच नामेः देयाकु अरो उनी के इदिकेते उनी रिई हेरेल तेः रआ अतोम रे तोपा कदेयाकु। 11सुबिन कलीसिया रे अरो जेतना होरकु ता नुवां गानाम रआ चरचा अयुम्मेताकु, उनकु सुबिन रे बेचोट भोय पेड़ेच्चेना।
चिनहा अरो चकरीत कामि
12कुलवानकु रआ ती एते बेचोट चिनहा अरो चकरीत कामि होरकु रआ ताला रे उदुः एकेनाकु, अरो उनकु सुबिन बिसवासी मीः चित केते सुलेमान रआ ढाबा रे जमाः केनाकु। 13मुदा अरोकु रे एते जहय के नुवां डिढ़ का होयुःकेना चि उनकु रे सेन केते मेसा नोओकु, रेहों होर उनकु रआ बड़ाय एकेनाकु। 14लिकिन बिसवास कराव वनकु रआ गिनती रे ढेर इदीः केनाकु, हेरेलकु अरो एराकु रआ मियाः मरंग दोल परभु रे बिसवास केते मंडली रे मेसा इदीः केनाकु। 15नियां रआ नतिजा नुवां हेके चि होर हासु वनकु के सड़क रआ अतोम रे अगु-अगु केते परकोम अरो पेटया रे गितीच काकु केनाकु चि जोब पतरस हिजुःआय, दो उनी रआ उम्बुल उनकु चेतान रे पोड़ाव वोःओ। 16जरुसलेम रआ हेनात-जपाः रआ चट्टी एते हों बेचोट होर हासु वनकु अरो घिन रावाकु एते सताव वनकु के अगु कुकनकेनाकु, अरो सुबिन के बुगी कुकनकेनाय।
कुलवानकु के सासप
17तोब मरंग जाजक अरो उनी रेन सुबिन गाति, जे सदुकी दोल रेन तहिकेनाकु, हिसंगा एते पेड़ेच केते उनकिन रआ बिरोध रे बिरीत तिंगु एनाकु। 18अरो कुलवानकिन के सापकेते जेहेल ओड़ाः रे हन्डेत काःकिनाकु 19मुदा निदा गी परभु रिई मिहोर सोवारागदूत ता जेहेल ओड़ाः रआ दुवेर नीचकेते उनकिन के टांड़ी अगु केते गामवाःकिनाय। 20“सिनुःपे, मरंग बिनती ओड़ाः रे तिंगु केते नुवां, नवां जीवन रआ सुबिन गानाम होरकु के ओनाव वकुपे।” 21उनकु नुवां अयुम केते अंगा तागी मरंग बिनती ओड़ाः रे सेन केते सिखाव हेलावेनाकु। तोब मरंग जाजक अरो उनी रेन गातिकु ता हेचकेते मरंग पंचेत ता अरो इसराइलिकु रेन सुबिन एगवाकु के मीः ठिनुः वेःकुवाकु। अरो जेहेल ओड़ाः रे चपरासी एते गामकुल एताकु चि उनकिन के अगुकिनपे। 22-23मुदा उनकु ओन्डो तेबाः केते उनकिन के जेहेल ओड़ाः रे काकु नमेः किना, अरो रुवाड़ केते खभेर एमाःकुवाकु चि, “आले जेहेल ओड़ाः ता बेचोट बुगिन एते हन्डेत लाःआले अरो सिपाहिकु के टांड़ी दुवेर रे तिंगुः एते नमेःकुवाले, मुदा जोब नीच एताकु दो भीतरी रे जहय काकु नाम्मेना” 24जोब मरंग बिनती ओड़ाः नेल-अतेन वनकु रिई मुध अरो मरंग जाजककु ता नुवां काकु सोमझाव दड़िवाकन केना चि कुलवान चिलि एनाकु नुवां सोंचाव केते बेचोट चिंता रे पोड़ाव एनाकु! 25इमिन रिगी जहय ता हेचकेते उनकु के उदुःवाःकुवाय, “नेलपे, जेकु के अपे जेहेल ओड़ाः रे हन्डेत केते दोहो लेःकुवापे, उनकु होरकु मरंग बिनती ओड़ाः रे तिंगु केते होरकु के सिखाव कुकानाकु।” 26तोब मुध, सिपाहिकु लोः सेन केते, उनकु के अगुवेःकुवाकु, मुदा बोल लगाव केते बङा, चिलिमेनचि उनकु होरकु एते बोरोय केनाकु चि अबु के दिड़ी एते ओलोकु ठिनढेरका। 27उनकु ता उनकु के अगु केते मरंग पंचेत रआ लहा रे तिंगु वेःकुवाकु, तोब मरंग जाजक ता उनकु के कुली वेःकुवाकु। 28#मती 27:25“चिलि आले अपे के चेताव केते हुकूम काले एमाःपे केना चि अपे नुवां लुतूम एते ओलोपे उदुःइया? रेहों नेलपे अपे सुबिन जरुसलेम रे अपे रआ सिख एते पेड़ेच एकाःकुवापे, अरो उनी मनवां के गोच लेदेयाकु उना रआ भार आले रआ खंधी रे रकाप चहाः कनापे।” 29तोब पतरस अरो एटाः कुलवानकु ता जबाब एमाःकुवाकु, “होरकु रआ हुकूम एते बड़हाव केते परमेसर रआ हुकूम मनाव आले के जरुरेत हेनाःआं, 30आले रेन आपु-आजाकु रिई परमेसर ता ईसु के जुवेतेदेयाय, जे के अपे ता कुरुस रे ठोकाव केते गोच लेदेयापे। 31उनी किगी परमेसर ता राइज चलाव वनीः अरो उद्धार कराव वनीः ठहराव केते, अपन जोम ती रे दुरुप्पेदेयाय, चि उनी इसराइलिकु के मोन रुवाड़ रआ बोल अरो पाप रआ छमा एमाकुवाय। 32आले नुवां गानाम रआ गोवाह हेकेले अरो पबितर रावा हों। जे परमेसर रआ हुकूम मनाः अकु, उनकु के परमेसर ता पबितर रावा रआ बरदान एम एकावाःकुवाय।”
33नुवां अयुम केते मुध पंचेत रे होर बेचोट खिसाव एनाकु, अरो उनकिन के गोगोच कथिर वोः केनाकु। 34मुदा उना मरंग पंचेत रे गमलियेल लुतूम रिई मिहोर फरीसी तहिकेनाय, उनी मूसा रआ नियम सिखाव वनीः तहिकेनाय, अरो उनी सुबिन होर रे आदरनिये तहिकेनाय, उनी तिंगु केते मेताःकुवाय, “चि मीःजंग कथिर कुलवानकु के टांड़ी इदी कुपे।” 35उनकु के उडुङ तयनोम उनी ता गामवाःकुवाय, “इञ रेन बोयहा इसराइलिकु अपे जहन्नाः नोकु होर एते कराव कथिर वोः कनापे, सोंचाव सोमझाव केते करावेपे।” 36चिलिमेनचि नियां हिलोः एते पहिल थियुदास नुवां गाम बिरीत एनाय, चि “इञ हों मरंग होर हेकेञ” अरो जहय चाइर साव होर उनी लोः एनाकु, मुदा उनी के गोजेः देयाकु, अरो जेतना होर उनी के मनाः केनाकु सुबिन छितिर-बितिर एनाकु, अरो झमेला चबाएना। 37उना तयनोम लुतूम ओलुः हिलोः रे गलील पोरदेस रिई जहुदा बिरीत एनाय अरो हुडिञगन होर आच सोझ वेःकुवाय, अरो झमेला एताय। मुदा जोब उनी हों नठाव एनाय, अरो जेतना होर उनी के मनाः केनाकु, सुबिन छितिर-बितिर एनाकु 38इनाते निमीः इञ अपे एते गामवापे कनिञ, “नोकु होर एते संगिञ गी तहीःपे अरो उनकु के बागी ककुपे, चिलिमेनचि जदि उनकु रआ जोजना अरो कामि होर सोझ एते हिजुः कन रेदो अपन तिगी मेटाव ओःओ, 39-40मुदा परमेसर रआ सोझ एते हेनाःआं, रेदो केइध कपे मेटाव दड़िवाःआ, कहीं नुंका ओलो होयुःका चि अपे परमेसर एते हों लड़ाय वनकु ठहराव वोःओपे।”
तोब उनकु ता उनी रआ गानाम मनाव एनाकु, अरो कुलवानकु के होहो केते रु इरीवेःकुवाय, अरो नुवां हुकूम एम केते बागी काःकुवाकु चि ईसु रआ लुतूम एते अरो जहन गानाम ओलोपे नधनियां। 41उनकु नुवां गानाम एते आनाद केते मरंग पंचेत रआ लहा एते तोराकुवा, चि अबु उनी रआ लुतूम कथिर बेमाइन होयुः लाइख दो ठहराव एनाबु, 42उनकु रोज हिलोः मरंग बिनती ओड़ाः रे अरो ओड़ाः-ओड़ाः सेन केते सिखाव चित तही एनाकु अरो ईसु मसी रआ बुगिन खभेर उदुः चित तही एनाकु।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0