कुलवानकु.कामि 6
6
सात गो सेवक के सला वेःकुवाकु
1उना हिलोः रे जोब चेलाकु रआ गिनती बेचोट बड़हाव इदी एनाकु, जोब आधा जूनानी भाखा नधनी वन जहुदिकु, इबरानी भाखा नधनी वनकु आधा जहुदिकु के कुड़कुड़ावोः हेलावेनाकु, चि रोज हिलोः रआ सेवकाइ रे अबु रेन रेड़याहिकु रआ सुधी काकु अगुइ काना। 2तोब उनकु बरहों ता चेलाकु रआ मंडली अकु ठिनुः होहो केते गामवाःकुवाकु, नुवां बुगिन बनुःआं चि आले परमेसर रआ बचन बागी केते खियाव पियाव रआ सुसार रे तहिनाले। 3इनाते ए बिसवासी बोयहा-मिसी, अपे रे एते सात नामी हेरेलकु के जे पबितर रावा अरो बुधि एते भोरपुर वनकु सला जोनपे, चि अबु उनकु के नुवां कामि रे दोहो कुवाबुन। 4“मुदा आले दो पराथना रे अरो बचन रआ सुसार रे तही नोःओले” 5नुवां गानाम सुबिन मंडली रेन बुगिन अटकार एताकु, अरो उनकु ता स्तेफनुस लुतूम मिहोर हेरेल के जे बिसवास अरो पबितर रावा एते भोरपुर तहिकेनाय, अरो फिलिपुस अरो पुरखुरुस, अरो निकानोर, अरो तिमोन, अरो परमिनास, अरो अन्ताकिया रिई तही वनीः निकुलाउस के जे जहुदी धरम मनाव वनीः तहिकेनाय, सला एदेयाकु। 6नोकु के कुलवानकु रआ लहा रे तिंगु वेःकुवाकु अरो उनकु कथिर पराथना एताकु अरो उनकु रे ती दोहो केते कुलेःकुवाकु। 7परमेसर रआ बचन फयलाव इदिना अरो जरुसलेम रे चेलाकु रआ गिनती बेचोट बड़हाव इदिना, अरो जाजककु रआ मियाः मरंग दोल बिसवास कराव हेलावेनाकु।
स्तेफनुस साप एनाय
8स्तेफनुस दया अरो सोमोर्थ एते भोरपुर केते होरकु के मरंग-मरंग चकरीत कामि अरो चिनहा देखाव एकेनाय। 9तोब उना बिनती ओड़ाः रे एते जे लिबिरतीनों गामुःकेना, अरो कुरेन चट्टी सिकन्दरिया चट्टी अरो किलिकिया दिसुम अरो एसिया दिसुम रेन होरकु रे एते चिमिनोः बिरीत केते स्तेफनुस एते झामेला एताकु। 10मुदा उनी गेयान अरो रावा एते नधनी केनाय, उनकु उना गानाम काकु कटाव दड़िवाता। 11नुवां रे उनकु ता चिमिनोः होरकु के घुस एम केते आधा होर के एकेन-मेकेन गोवाही एम इरीवेःकुवाकु चि “आले ता नोंय के मूसा अरो परमेसर रआ बिरोध रे निन्दा रआ गानाम गाम वते ओनाव एकाःदेयाले।” 12अरो उनकु ता होरकु अरो एगवाकु अरो धरम पोथी सिखाविकु के बहकाव केते स्तेफनुस ठिनुः हेच्चेनाकु अरो उनी के साप केते मरंग पंचेत रे अगुवेदेयाकु, 13अरो झुठा गोवाह के तिंगु वेःकुवाकु, जेकु ता गाम्मेताकु, “नोंय होर नुवां पबितर ठांव अरो मूसा रआ नियम रआ बिरोध रआ गानाम गापाम काय बागी लाःआय। 14चिलिमेनचि आले ता उनी के नुवां नधनी एते ओनाव एकाःदेयाले चि नोंय नासरत लुतूम चट्टी रिई ईसु नुवां मरंग बिनती ओड़ाः ता धसावियाय, अरो उना रिति ता बदलाव इयाय, जे मूसा ता अबुनके सोंपाव एकावाःबुनाय” 15तोब सुबिन होरकु ता जे मरंग पंचेत रे दुरुप केनाकु, उनी रे नजेर गड़ाव एताकु, दो उनी रआ मेत-मोचा सोवारागदूत लेका नेलेःदेयाकु।
Currently Selected:
कुलवानकु.कामि 6: BIY
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
