जोहन 2

गलील पोरदेस रआ काना चट्टी रे पहिला चकरीत कामि

1पेय हिलोः रे, गलील पोरदेस रआ काना चट्टी रे बपलाः तहिकेना। ईसु रिई एंगातेः एंडेगी तहिकेनाय। 2ईसु अरो उनी रेन चेला हों बपलाः रआ नेवता रे होहो केनाकु। 3जोब दाखरस चबाएना रे ईसु रिई एंगातेः ता ईसु के मेताःदेयाय, “उनकु ठिनुः अंगुर रास चबाएना।” 4ईसु ता उनी के मेताःदेयाय, “ए कुरी होपोन इञ एते आम के चिलि कामि? निमीः इञ रआ समेय का हेच एकाना।” 5ईसु रिई एंगातेः ता सेवा-सुसारकु के मेताःकुवाय, “जहन्‍नाः उनी अपे के गामवापेयाय इनागी करनीइपे।” 6ओन्डो जहुदिकु रआ रीति रआ मोताबिक सुध वोः कथिर दिड़ी रआ मरंग-मरंग छो गो घेयला दोहो लाःआकु, उना रे लगेभगे बबर पेपेय भार दाः अंटाव वोःकेना। 7तोब ईसु ता उनकु सेवा-सुसारकु के मेताःकुवाय, घेयला रे दाः पेड़ेच एपे तोब उनकु ता उना सुबिन घेयला रे छिलकाः लोःपेड़ेच एताकु, 8तोब ईसु ता उनकु के मेताःकुवाय, निमीः दो उडुङ केते भोज रिई मुध ठिनुः इदिइपे, उनकु इदिवादेयाकु। 9जोब भोज रिई मुध ता उना चखाएताय, दो अंगुर रास बयएना, अरो काय सरिइकेनाय चि उना दाखरस कारे एते हेच एकाना, (मुदा सेवा-सुसार वन ता दाः पेड़ेच लाःआकु, उनकु सारीइ केनाकु), दो भोज रिई मुध ता बोरबाबु के होहो केते उनी के मेताःदेयाय। 10सुबिन होर पहिल बुगिन अंगुर रास एमुः कनाकु अरो जोब नु केते भगाव कोः कनाकु अरो चबा कोःकाना दो तयोम एते सोड़सोड़ो नाः एमुः कनाकु लिकिन आम निमीः तक बुगिन दाखरस बनचाव दोहो एकाःआम। 11ईसु ता गलील पोरदेस रआ काना चट्टी रे नुवां पहिल चिनहा-चकरीत कामि उदुः केते अपन महिमा दिसतार एताय अरो उनी रेन चेला उना रे बिसवास एताकु।

12 # मती 4:13 ईसु अपन माय अरो उनी रेन बोयहा अरो अपन चेलाकु नासरत बागी केते कफरनहूम साहर रे सेन केते ओन्डो थोड़हिलोः तहिनाकु।

मरंग बिनती ओड़ाः एते बेवपार इकु के उडुङ वेःकुवाय

(मती 21:12–13; मरकुस 11:15–17; लूका 19:45–46)

13 # उठ 12:1–27 जहुदिकु रआ पसका पोरोब हेनात तहिकेना। इनाते ईसु जरुसलेम पसका पोरोब मनाव कथिर तोराया। 14ओन्डो उनी मरंग बिनती ओड़ाः रे उरीच, भेड़ी अरो पेरवां#2:14 उरीच, भेड़ी अरो पेरवां नोकु जनावार के किरीञ केते बलिदान कुकनकेनाकु। अखरीञ वनकु के अरो टका लेन-देन#2:14 टका लेन-देन रोमिकु रआ टका जहुदिकु रआ टका रे बदलिइ केनाकु। कराव वनकु के नेलेःकुवाय। 15ईसु डोरी रआ कोड़रा बाय केते भेड़ी अरो उरीच सहित सुबिन के मरंग बिनती ओड़ाः एते टांड़ी उडुङवेःकुवाय। अरो टका लेन-देन वनकु रआ टका छितराव कताय, अरो उनकु रआ टिबुल उलटाव कताय, 16अरो पेरवां अखरीञ वनकु के मेताःकुवाय, “नुवां सुबिन्‍नाः नोन्डो एते ओचोःएपे। इञ रिई आपुञ रआ ओड़ाः ता बाजार रआ ओड़ाः ओलोपे बायइया,” 17#सिरिञ 69:9ईसु रेन चेला के परमेसर रआ बचन रे उना ओल अनाः ओयहर हेच्‍चेना, “आम रआ ओड़ाः रआ उत्साह इञ के जोमेञाय।”

18नियां रे जहुदिकु रेन नेता ता ईसु के मेताःदेयाकु, “आम आले के चिलकन चिनहा-चकरीत कामि उदुः दड़िवालेयाम, जेकर एते आले नुवां सरीयाले चि आम के नुंका कराव रआ हक हेनाःआं?” 19#मती 26:61; 27:40; मर 14:58; 15:29ईसु उनकु के जबाब एमाःकुवाय, “नुवां मरंग बिनती ओड़ाः ता धसाव एपे अरो इञ उना पेय हिलोः रिगी अरो तिंगुयिञ।” 20नियां रे जहुदिकु रेन नेता ता मेताःदेयाकु, “नुवां मरंग बिनती ओड़ाः बबाय रे छेयालिस बरीस लगाव एकाना, उना आम पेय हिलोः रिगी तिंगुयाम?” 21मुदा ईसु नुवां मरंग बिनती ओड़ाः तदो अपन होड़मो रआ बबेत रे गाम एकेनाय। 22जोब ईसु गोच वनकु रे एते जुवेत बिरीत एनाय, दो उनी रेन चेलाकु के ओयहर हेच्‍चेना चि उनी गाम लाःआय, इनाते उनकु ता परमेसर रआ बचन अरो ईसु रआ नियां गानाम रे बिसवास एताकु।

ईसु मनवांकु रआ मोन सारीइ कनाय

23जोब ईसु पसका पोरोब हिलोः जरुसलेम रे तहिकेनाय, दो बेचोट एते होर ता उनी रआ कराव वनाः चिनहा-चकरीत कामि नेल केते ईसु रआ लुतूम रे बिसवास एताकु। 24मुदा ईसु के उनकु रे जहन बिसवास का तहिकेना, चिलिमेनचि ईसु सुबिन के सारी कुकनकेनाय। 25नुवां रआ जरुरेत का तहिकेना चि जहय उनी के मनवां रआ बबेत रे गोवाही एमायाकु ईसु दो उनकु मनवां रआ सोवाभव सारीइ केनाय।

Currently Selected:

जोहन 2: BIY

Highlight

Copy

Compare