मरकुस 6
6
नसरत रे ईसु के कुमायां एदेयाकु
(मती 13:53–58; लूका 4:16–30)
1ओन्डो एते उडुङ केते अपन चट्टी जे ठिनुः हराबुरु केनाय ओन्डो हेच्चेनाय, उनी रेन चेला उनी रआ तयोम हेच्चेनाकु। 2जिराः हिलोः उनी बिनती ओड़ाः रे उदुः हेलावेनाय अरो बेचोट एते होर अयुम केते चकरीत एनाकु अरो गागाम हेलावेनाकु; “नोय के नुवां गानाम कारे एते हेच्चेना? नुवां करा लेकन गेयान कानाः जे उनी के एम एकावादेयाय? नोय चिलका सोमोर्थ रआ कामि कनाय? 3नोय उनी बड़हाय गिरी बङा, जे मरियम रिई होपोन हेरेल अरो जाकूब, जोसेस, जहुदा अरो सिमोन रिई बोयहा हेकेय? उनी रेन मिसी नोन्डो आले तला रे काकु तहीःका?” इनाते उनकु ईसु रआ चलते ठोकोरा जोम्मेताकु।
4 #
जोह 4:44
ईसु उनकु के गामवाःकुवाय, “परमेसर सोझ एते नधनी वनीः के, आच रआ दिसुम अरो आचरेन कुटूम अरो आच रआ ओड़ाः बागी केते सुबिन, माइन एय कनाकु।”
5ईसु ओन्डो जहन सोमोर्थ रआ कामि काय दड़िवाताय, रेहों हुडिञ हासु-दुकु रे ती दोहो केते उनकु के बुगी वेःकुवाय। 6उनकु रआ अबिसवास एते ईसु चकरीत एनाय, उनी चइरो ओइर हातु-हातु रे होनोर-होनोर ते होर के उपदेस एमाकुकन केनाय।
बारहों कुलवानकु के कुलेःकुवाय
(मती 10:5–15; लूका 9:1–6)
7ईसु बारहों के आच ठिनुः होहोवेःकुवाय, उनकु के बाबार होर केते कुलेःकुवाय अरो उनकु के घिन रावा के उडुङ कथिर हक एमाःकुवाय। 8उनी उनकु के हुकूम एमाःकुवाय, “होरा कथिर ठेंगा सापकेते अरो जहन्नाः ओलोपे इदिया; ना पिठा, ना झोला, ना बगली रे टका, 9मुदा खरपा होरोः ओःपे अरो होरोः कथिर बरीया सोनोः ओलोपे सापिया।” 10अरो उनी उनकु के गामवाःकुवाय, “जे चट्टी रे अपे के जहय रआ ओड़ाः रे गरहन पेयाकु, दो बिदा तक एंडेगी तहीःपे। 11#कु.कामि 13:51#लूका 10:4–11 जे ठांव रेन होर अपे के काकु सोवागत पेया रेदो, अपे रआ काकु अयुमिया रेदो, ओन्डो एते सेसेन-सेसेन गी अपन बाका रआ धुड़ी झरावेपे उना रे गोवाही एएम कथिर होयुःआ।”
12तोब उनकु सेन केते परचार एताकु चि गुनाह एते मोन रुवाड़ेपे, 13#जाकू 5:14 अरो बेचोट मुवां रावा के उडुङ वेःकुवाकु, बेचोट एते हासु-दुकु के सुनूम ओजोः केते उनकु के बुगी वेःकुवाकु।
जोहन बतिसमा एमुःवनीः रआ माः गोगोच
(मती 14:1–12; लूका 9:7–9)
14 #
मती 16:14; मर 8:28; लूका 9:19 हेरोदेस राजा हों ईसु रआ चरचा अयुम्मेताय, चिलिमेनचि उनी रआ लुतूम फयलाव केना अरो उनी गी गाम्मेताय, “जोहन बतिसमा एमुःवनीः गोच केते जुवेत बिरीत एकानाय, इनाते उनी एते नुवां सोमोर्थ रआ कामि नेलुःकाना।” 15एटाः होर गाम्मेताकु, “नोय एलियाह हेकेय।” अरो एटाः होर गाम्मेताकु, “उनी पुरखा परमेसर सोझ एते नधनी वनीः लेका मिहोर परमेसर सोझ एते नधनी वनीः हेकेय।”
16हेरोदेस ता नुवां अयुम केते गाम्मेताय, “जोहन रआ बोहोः इञ गी खंडा इरी लेःकुविञ उनी गी जुवेत बिरीत एकानाय!” 17#लूका 3:19,20 हेरोदेस होर के कुल केते, जोहन के साप केते जेहेल ओड़ाः रे सन्जो इरीलेःकुवाय। इनाते चि हेरोदेस आच रिई बोयहा तेः फिलिपुस रिई एरा तेः हेरोदियास#6:17 हेरोदियास हेरोदेस रिई एरा एते बपला केनाय, 18अरो जोहन गी हेरोदेस एते गाम वदेयकेनाय, “अपन बोयहा रिई एरा के दोहो आम के उचित बनुःआं।”
19इनाते हेरोदियास जोहन एते खिंस दोहोय केनाय, नुवां चहाः केनाय चि जोहन के गोच इरिकुविञ; मगर नुवां का होय दड़िकेना। 20चिलिमेनचि हेरोदेस जोहन एते बोरोय केनाय इनाते चि हेरोदेस सरिइ केनाय चि उनी धरमी अरो पबितर हेरेल तहिकेनाय। इनाते उनी के बनचाव केते दोहोय केनाय। जोब केहयो जोहन रआ गानाम अयुम्मेकेनाय बेचोट बेयाकुल ओःकेनाय मुदा आनाद एते अयुम्मेकेनाय।
21बुगिन मोका हेच्चेना जोब हेरोदेस आच रआ जनम हिलोः रे आचरेन सलाह एएमकु के अरो पलटन रेन मरंग होर तेः अरो गलील पोरदेस रेन मरंग होर कथिर भोज एताय। 22दो हेरोदियास रिई होपोन एरा भीतरी हेच्चेनाय, एनेच केते हेरोदेस के अरो उनी रआ गाति रे दुरुप एकुके खुस वेःकुवाय। तोब राजा गी कुरी के गामवादेयाय, “आम जे चहाः कनाम इञ एते कोवेञमी, इञ आम के एमामिञ।” 23अरो उनी किरया जोम्मेताय, “इञ आधा राइज तक जेगी इञ एते आम कोवेञमी इञ आम के एमामिञ।”
24उनी कुरी ता बहरी सेन केते आच रिई एंगातेः एते कुलिएदेयाय, “इञ चिलिकाः कोवेयिञ?” उनी गामवादेयाय, “जोहन बतिसमा एमुः वनीः रआ बोहोः इञ के एमाञमी।”
25उनी एनेन गी राजा ठिनुः हरे-फरे भीतरी हेच्चेनाय, उनी एते कोय्येदेयाय, “इञ चहाः कनिञ चि आम निमीः जोहन बतिसमा एएम वनीः रआ बोहोः मियाः थाड़ा रे एमाञमी।”
26तोब राजा बेचोट गी उदास एनाय, मुदा अपन रआ किरया जोम रआ कारन अरो गाति रे दुरुप वनकु रआ कारन उना काय कटाव चहावेनाय। 27इनाते राजा ता एनेन गी मियाः सिपाही के हुकूम एम केते कुलेःदेयाय चि जोहन रआ बोहोः माः खन्डा केते अगुइमी। उनी गी जेहेल रे सेन केते उनी रआ बोहोः खंडा एताय, 28अरो मियाः थाड़ा रे दोहो केते अगुवेताय अरो कुरी तके एमाःदेयाय, कुरी ता आच रिई एंगातेः के एमाःदेयाय। 29नुवां ओनाव केते जोहन रेन चेलाकु हेच्चेनाकु अरो उनी रआ लास इदिएताकु अरो मरघाटी रे तोपा एदेयाकु।
ईसु पांच हजार होर के खियाव
(मती 14:15–21; लूका 9:11–17; जोहन 6:1–14)
30कुलवानकु ईसु ठिनुः जमाकेते, जे कुछ उनकु कराव अरो सिखाव लेःकुवाकु, सुबिन उनी के उदुःवादेयाकु।
31उनी उनकु एते गामवाःकुवाय, “अबु अलग रे जहन मियाः ठांव रे सेन केते मीःजंग जिराववोओबु” चिलिमेनचि बेचोट होर हिजुः-सिनुः कनाकु अरो उनकु के जोजोम रआ मोका हों का नामुः केना। 32इनाते डोंगा रे देच केते उनकु सनसुन एटाः ठांव रे तोराकुवा।
33बेचोट होर सिनुः नेल केते चिनहाव वेःकुवाकु, सुबिन हातु रेन जमाकेते ओन्डो एते पयदल निनिर-निनिर तोराकुवा अरो उनकु एते पहिल तेबाःएनाकु। 34#लेखा 27:17; 1 राजा 22:17; 2 इति 18:16; हेज 34:5; मती 9:36 ईसु अरगु केते मरंग भीड़ नेलेःकुवाय, उनकु रे सोगावेनाय चिलिमेनचि उनकु भेड़ी लेका तहिकेनाकु जेकर जहय गोरखीवन बनुःकुवा, ईसु उनकु के बेचोट गानाम सिखाव हेलावेनाय। 35जोब सिंगी ढरकावेना दो उनी रेन चेला उनी ठिनुः हेचकेते गागाम हेलावेनाकु, “नुवां सनसुन ठांव कानाः, सिंगी ढरकाव वेकाना। 36उनकु के बिदाकुम चि चइरो ओइर रआ हातु अरो टोला रे सेन केते अपन जोजोम कथिर जहन्नाः किरीञ जोनाकु।”
37ईसु ता उनकु के जबाब एमाःकुवाय, “अपे गी उनकु के जोजोम वनाः एमाकुपे।” उनकु गी ईसु एते गामवादेयाकु, “चिलि आले बार साव चांदी टका #6:37 बार साव चांदी टका मियाः चांदी टका मीः हिलोः रआ हाजरी इमिनुःएते पिठा किरीञ इयाले, उनकु के खियाव कुवाले?” 38ईसु चेला के गामवाःकुवाय, “सेन केते नेलकेपे अपे ठिनुः चिमिनोः पिठा हेनाःआं?” उनकु सारीकेते गामवादेयाकु, “पांच गो पिठा अरो बरीया हाकु।”
39तोब ईसु चेलाकु के हुकूम एमाःकुवाय चि सुबिन होर के हेरयार घांस रे धइर-धइर दुरुपकुपे। 40उनकु साव-साव अरो पचास-पचास केते धइर-धइर दुरुप्पेनाकु। 41ईसु उना पांच गो पिठा अरो बरीया हाकु ती एते साप केते, सिरमा नेल केते परमेसर के धेनयाबाद एदेयाय अरो पिठा खेचाः-खेचाः केते चेला के एएम हेलावेनाय चि उनकु हटिञ्ञीयाकु अरो उनकु बरीया हाकु केहों उनकु ठिनुः हटिञ वेःकुवाकु। 42सुबिन जोम केते बी एनाकु। 43अरो चेलाकु सारेच अनाः खेचाः तेः जामा एताकु दो बारो खन्ची होय्येना अरो हुडिञगन हाकु हों। 44जे होर पिठा जोम लाःआकु उनकु रे एते पांच हजार हेरेल तहिकेनाकु।
ईसु दाः चेतान एते सेसेन
(मती 14:22–33; जोहन 6:15–21)
45तोब ईसु आचरेन चेला के एनेन गी डोंगा रे देजुः कथिर उसराःपे मेताःकुवाय, चि उनकु उनी एते पहिल आना परोम बइतसयदा रे सेन जोनपे जोब तक चि ईसु होर के बिदाकुवाय। 46उनकु के बिदा केते ईसु पराथना कथिर टोंगरी रकापेनाय। 47जोब अयुप्पेना, दो डोंगा समुदर रआ ताला रे तहिकेना अरो ईसु एकला ओते रे तहिकेनाय। 48जोब ईसु नेलेःकुवाय चि उनकु डोंगा सोझव-सोझव ते मसकिल एनाकु, चिलिमेनचि उनकु रआ सिनुः लहा सोझ ते होयो हिजुः केना, भिनसारा पहार रआ हेनात समुदर रे ईसु उनकु ठिनुः सेन अगुएताय, उनकु एते लहा उडुङ जोन कथिर ओःकेनाय। 49मुदा उनकु उनी के समुदर रे सेसेन नेल केते, “मुवां हेकेय” मेन केते कुर्री बिरिततेनाकु; 50चिलिमेनचि सुबिन उनी के नेल केते बेचोट बोरो एताकु ते उनकु ते एनेन गी नधनी एताय अरो गामवाःकुवाय चि, “ढिड़ दोहोयपे, इञ हेकेञ। ओलोपे बोरोया।” 51तोब उनी उनकु ठिनुः हेचकेते डोंगा रे देच्चेनाय, अरो होयो अटकावेना। अरो उनकु बेचोट चकरीत एनाकु। 52चिलिमेनचि उनकु रआ मोन केटेच तहिकेना इनाते उनकु पांच हजार होर के पिठा खियाव लेःकुवाय उना बोयहा काकु सोमझावकेना।
गनेसरत रे हासु एकुके बुगिन वेःकुवाय
(मती 14:34–36)
53उनकु परोम केते गनेसरत पोरदेस रे तेबाःएनाकु, अरो डोंगा घाट रे लगावेताकु। 54जोब उनकु डोंगा एते अरगु एनाकु दो होर एनेन गी उनी के चिनहाव केते, 55आसे-पासे रआ सुबिन पोरदेस रे निरबेराएताकु, हासु एकुके परकोम रे गोः केते जे-जे ठिनुः खभेर नाम्मेताकु चि ईसु हेकेय, ओन्डो-ओन्डो अगुकूकन केनाकु।
56उनी हातु, चट्टी, टोला रे जे ठिनुः सिनुः केनाय, हासु-दुकु वनकु के बाजार-बाजार टांड़ी रे दोहो केते उनी के गोहराव एय केनाकु चि आम रआ किचरीः रआ मुडू जोटेत इरीवालेम अरो चिमिनोः उनी के जोटेत एय केनाकु सुबिन बुगी एनाकु।
Currently Selected:
मरकुस 6: BIY
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
मरकुस 6
6
नसरत रे ईसु के कुमायां एदेयाकु
(मती 13:53–58; लूका 4:16–30)
1ओन्डो एते उडुङ केते अपन चट्टी जे ठिनुः हराबुरु केनाय ओन्डो हेच्चेनाय, उनी रेन चेला उनी रआ तयोम हेच्चेनाकु। 2जिराः हिलोः उनी बिनती ओड़ाः रे उदुः हेलावेनाय अरो बेचोट एते होर अयुम केते चकरीत एनाकु अरो गागाम हेलावेनाकु; “नोय के नुवां गानाम कारे एते हेच्चेना? नुवां करा लेकन गेयान कानाः जे उनी के एम एकावादेयाय? नोय चिलका सोमोर्थ रआ कामि कनाय? 3नोय उनी बड़हाय गिरी बङा, जे मरियम रिई होपोन हेरेल अरो जाकूब, जोसेस, जहुदा अरो सिमोन रिई बोयहा हेकेय? उनी रेन मिसी नोन्डो आले तला रे काकु तहीःका?” इनाते उनकु ईसु रआ चलते ठोकोरा जोम्मेताकु।
4 #
जोह 4:44
ईसु उनकु के गामवाःकुवाय, “परमेसर सोझ एते नधनी वनीः के, आच रआ दिसुम अरो आचरेन कुटूम अरो आच रआ ओड़ाः बागी केते सुबिन, माइन एय कनाकु।”
5ईसु ओन्डो जहन सोमोर्थ रआ कामि काय दड़िवाताय, रेहों हुडिञ हासु-दुकु रे ती दोहो केते उनकु के बुगी वेःकुवाय। 6उनकु रआ अबिसवास एते ईसु चकरीत एनाय, उनी चइरो ओइर हातु-हातु रे होनोर-होनोर ते होर के उपदेस एमाकुकन केनाय।
बारहों कुलवानकु के कुलेःकुवाय
(मती 10:5–15; लूका 9:1–6)
7ईसु बारहों के आच ठिनुः होहोवेःकुवाय, उनकु के बाबार होर केते कुलेःकुवाय अरो उनकु के घिन रावा के उडुङ कथिर हक एमाःकुवाय। 8उनी उनकु के हुकूम एमाःकुवाय, “होरा कथिर ठेंगा सापकेते अरो जहन्नाः ओलोपे इदिया; ना पिठा, ना झोला, ना बगली रे टका, 9मुदा खरपा होरोः ओःपे अरो होरोः कथिर बरीया सोनोः ओलोपे सापिया।” 10अरो उनी उनकु के गामवाःकुवाय, “जे चट्टी रे अपे के जहय रआ ओड़ाः रे गरहन पेयाकु, दो बिदा तक एंडेगी तहीःपे। 11#कु.कामि 13:51#लूका 10:4–11 जे ठांव रेन होर अपे के काकु सोवागत पेया रेदो, अपे रआ काकु अयुमिया रेदो, ओन्डो एते सेसेन-सेसेन गी अपन बाका रआ धुड़ी झरावेपे उना रे गोवाही एएम कथिर होयुःआ।”
12तोब उनकु सेन केते परचार एताकु चि गुनाह एते मोन रुवाड़ेपे, 13#जाकू 5:14 अरो बेचोट मुवां रावा के उडुङ वेःकुवाकु, बेचोट एते हासु-दुकु के सुनूम ओजोः केते उनकु के बुगी वेःकुवाकु।
जोहन बतिसमा एमुःवनीः रआ माः गोगोच
(मती 14:1–12; लूका 9:7–9)
14 #
मती 16:14; मर 8:28; लूका 9:19 हेरोदेस राजा हों ईसु रआ चरचा अयुम्मेताय, चिलिमेनचि उनी रआ लुतूम फयलाव केना अरो उनी गी गाम्मेताय, “जोहन बतिसमा एमुःवनीः गोच केते जुवेत बिरीत एकानाय, इनाते उनी एते नुवां सोमोर्थ रआ कामि नेलुःकाना।” 15एटाः होर गाम्मेताकु, “नोय एलियाह हेकेय।” अरो एटाः होर गाम्मेताकु, “उनी पुरखा परमेसर सोझ एते नधनी वनीः लेका मिहोर परमेसर सोझ एते नधनी वनीः हेकेय।”
16हेरोदेस ता नुवां अयुम केते गाम्मेताय, “जोहन रआ बोहोः इञ गी खंडा इरी लेःकुविञ उनी गी जुवेत बिरीत एकानाय!” 17#लूका 3:19,20 हेरोदेस होर के कुल केते, जोहन के साप केते जेहेल ओड़ाः रे सन्जो इरीलेःकुवाय। इनाते चि हेरोदेस आच रिई बोयहा तेः फिलिपुस रिई एरा तेः हेरोदियास#6:17 हेरोदियास हेरोदेस रिई एरा एते बपला केनाय, 18अरो जोहन गी हेरोदेस एते गाम वदेयकेनाय, “अपन बोयहा रिई एरा के दोहो आम के उचित बनुःआं।”
19इनाते हेरोदियास जोहन एते खिंस दोहोय केनाय, नुवां चहाः केनाय चि जोहन के गोच इरिकुविञ; मगर नुवां का होय दड़िकेना। 20चिलिमेनचि हेरोदेस जोहन एते बोरोय केनाय इनाते चि हेरोदेस सरिइ केनाय चि उनी धरमी अरो पबितर हेरेल तहिकेनाय। इनाते उनी के बनचाव केते दोहोय केनाय। जोब केहयो जोहन रआ गानाम अयुम्मेकेनाय बेचोट बेयाकुल ओःकेनाय मुदा आनाद एते अयुम्मेकेनाय।
21बुगिन मोका हेच्चेना जोब हेरोदेस आच रआ जनम हिलोः रे आचरेन सलाह एएमकु के अरो पलटन रेन मरंग होर तेः अरो गलील पोरदेस रेन मरंग होर कथिर भोज एताय। 22दो हेरोदियास रिई होपोन एरा भीतरी हेच्चेनाय, एनेच केते हेरोदेस के अरो उनी रआ गाति रे दुरुप एकुके खुस वेःकुवाय। तोब राजा गी कुरी के गामवादेयाय, “आम जे चहाः कनाम इञ एते कोवेञमी, इञ आम के एमामिञ।” 23अरो उनी किरया जोम्मेताय, “इञ आधा राइज तक जेगी इञ एते आम कोवेञमी इञ आम के एमामिञ।”
24उनी कुरी ता बहरी सेन केते आच रिई एंगातेः एते कुलिएदेयाय, “इञ चिलिकाः कोवेयिञ?” उनी गामवादेयाय, “जोहन बतिसमा एमुः वनीः रआ बोहोः इञ के एमाञमी।”
25उनी एनेन गी राजा ठिनुः हरे-फरे भीतरी हेच्चेनाय, उनी एते कोय्येदेयाय, “इञ चहाः कनिञ चि आम निमीः जोहन बतिसमा एएम वनीः रआ बोहोः मियाः थाड़ा रे एमाञमी।”
26तोब राजा बेचोट गी उदास एनाय, मुदा अपन रआ किरया जोम रआ कारन अरो गाति रे दुरुप वनकु रआ कारन उना काय कटाव चहावेनाय। 27इनाते राजा ता एनेन गी मियाः सिपाही के हुकूम एम केते कुलेःदेयाय चि जोहन रआ बोहोः माः खन्डा केते अगुइमी। उनी गी जेहेल रे सेन केते उनी रआ बोहोः खंडा एताय, 28अरो मियाः थाड़ा रे दोहो केते अगुवेताय अरो कुरी तके एमाःदेयाय, कुरी ता आच रिई एंगातेः के एमाःदेयाय। 29नुवां ओनाव केते जोहन रेन चेलाकु हेच्चेनाकु अरो उनी रआ लास इदिएताकु अरो मरघाटी रे तोपा एदेयाकु।
ईसु पांच हजार होर के खियाव
(मती 14:15–21; लूका 9:11–17; जोहन 6:1–14)
30कुलवानकु ईसु ठिनुः जमाकेते, जे कुछ उनकु कराव अरो सिखाव लेःकुवाकु, सुबिन उनी के उदुःवादेयाकु।
31उनी उनकु एते गामवाःकुवाय, “अबु अलग रे जहन मियाः ठांव रे सेन केते मीःजंग जिराववोओबु” चिलिमेनचि बेचोट होर हिजुः-सिनुः कनाकु अरो उनकु के जोजोम रआ मोका हों का नामुः केना। 32इनाते डोंगा रे देच केते उनकु सनसुन एटाः ठांव रे तोराकुवा।
33बेचोट होर सिनुः नेल केते चिनहाव वेःकुवाकु, सुबिन हातु रेन जमाकेते ओन्डो एते पयदल निनिर-निनिर तोराकुवा अरो उनकु एते पहिल तेबाःएनाकु। 34#लेखा 27:17; 1 राजा 22:17; 2 इति 18:16; हेज 34:5; मती 9:36 ईसु अरगु केते मरंग भीड़ नेलेःकुवाय, उनकु रे सोगावेनाय चिलिमेनचि उनकु भेड़ी लेका तहिकेनाकु जेकर जहय गोरखीवन बनुःकुवा, ईसु उनकु के बेचोट गानाम सिखाव हेलावेनाय। 35जोब सिंगी ढरकावेना दो उनी रेन चेला उनी ठिनुः हेचकेते गागाम हेलावेनाकु, “नुवां सनसुन ठांव कानाः, सिंगी ढरकाव वेकाना। 36उनकु के बिदाकुम चि चइरो ओइर रआ हातु अरो टोला रे सेन केते अपन जोजोम कथिर जहन्नाः किरीञ जोनाकु।”
37ईसु ता उनकु के जबाब एमाःकुवाय, “अपे गी उनकु के जोजोम वनाः एमाकुपे।” उनकु गी ईसु एते गामवादेयाकु, “चिलि आले बार साव चांदी टका #6:37 बार साव चांदी टका मियाः चांदी टका मीः हिलोः रआ हाजरी इमिनुःएते पिठा किरीञ इयाले, उनकु के खियाव कुवाले?” 38ईसु चेला के गामवाःकुवाय, “सेन केते नेलकेपे अपे ठिनुः चिमिनोः पिठा हेनाःआं?” उनकु सारीकेते गामवादेयाकु, “पांच गो पिठा अरो बरीया हाकु।”
39तोब ईसु चेलाकु के हुकूम एमाःकुवाय चि सुबिन होर के हेरयार घांस रे धइर-धइर दुरुपकुपे। 40उनकु साव-साव अरो पचास-पचास केते धइर-धइर दुरुप्पेनाकु। 41ईसु उना पांच गो पिठा अरो बरीया हाकु ती एते साप केते, सिरमा नेल केते परमेसर के धेनयाबाद एदेयाय अरो पिठा खेचाः-खेचाः केते चेला के एएम हेलावेनाय चि उनकु हटिञ्ञीयाकु अरो उनकु बरीया हाकु केहों उनकु ठिनुः हटिञ वेःकुवाकु। 42सुबिन जोम केते बी एनाकु। 43अरो चेलाकु सारेच अनाः खेचाः तेः जामा एताकु दो बारो खन्ची होय्येना अरो हुडिञगन हाकु हों। 44जे होर पिठा जोम लाःआकु उनकु रे एते पांच हजार हेरेल तहिकेनाकु।
ईसु दाः चेतान एते सेसेन
(मती 14:22–33; जोहन 6:15–21)
45तोब ईसु आचरेन चेला के एनेन गी डोंगा रे देजुः कथिर उसराःपे मेताःकुवाय, चि उनकु उनी एते पहिल आना परोम बइतसयदा रे सेन जोनपे जोब तक चि ईसु होर के बिदाकुवाय। 46उनकु के बिदा केते ईसु पराथना कथिर टोंगरी रकापेनाय। 47जोब अयुप्पेना, दो डोंगा समुदर रआ ताला रे तहिकेना अरो ईसु एकला ओते रे तहिकेनाय। 48जोब ईसु नेलेःकुवाय चि उनकु डोंगा सोझव-सोझव ते मसकिल एनाकु, चिलिमेनचि उनकु रआ सिनुः लहा सोझ ते होयो हिजुः केना, भिनसारा पहार रआ हेनात समुदर रे ईसु उनकु ठिनुः सेन अगुएताय, उनकु एते लहा उडुङ जोन कथिर ओःकेनाय। 49मुदा उनकु उनी के समुदर रे सेसेन नेल केते, “मुवां हेकेय” मेन केते कुर्री बिरिततेनाकु; 50चिलिमेनचि सुबिन उनी के नेल केते बेचोट बोरो एताकु ते उनकु ते एनेन गी नधनी एताय अरो गामवाःकुवाय चि, “ढिड़ दोहोयपे, इञ हेकेञ। ओलोपे बोरोया।” 51तोब उनी उनकु ठिनुः हेचकेते डोंगा रे देच्चेनाय, अरो होयो अटकावेना। अरो उनकु बेचोट चकरीत एनाकु। 52चिलिमेनचि उनकु रआ मोन केटेच तहिकेना इनाते उनकु पांच हजार होर के पिठा खियाव लेःकुवाय उना बोयहा काकु सोमझावकेना।
गनेसरत रे हासु एकुके बुगिन वेःकुवाय
(मती 14:34–36)
53उनकु परोम केते गनेसरत पोरदेस रे तेबाःएनाकु, अरो डोंगा घाट रे लगावेताकु। 54जोब उनकु डोंगा एते अरगु एनाकु दो होर एनेन गी उनी के चिनहाव केते, 55आसे-पासे रआ सुबिन पोरदेस रे निरबेराएताकु, हासु एकुके परकोम रे गोः केते जे-जे ठिनुः खभेर नाम्मेताकु चि ईसु हेकेय, ओन्डो-ओन्डो अगुकूकन केनाकु।
56उनी हातु, चट्टी, टोला रे जे ठिनुः सिनुः केनाय, हासु-दुकु वनकु के बाजार-बाजार टांड़ी रे दोहो केते उनी के गोहराव एय केनाकु चि आम रआ किचरीः रआ मुडू जोटेत इरीवालेम अरो चिमिनोः उनी के जोटेत एय केनाकु सुबिन बुगी एनाकु।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0