मरकुस 7
7
जहुदी रआ मनाव रआ सवाल
(मती 15:1–9)
1मीः हिलोः फरीसी अरो हुडिञगन धरम पोथी सिखाविकु जे जरुसलेम एते हेचकेनाकु, ईसु ठिनुः जमा एनाकु। 2अरो उनकु उनी रेन चेला के जहुदी रआ नेग-जोग रआ असुध चाहे ती बिन अबुंग तीगी पिठा जोजोम ते नेलेःकुवाकु।
3(चिलिमेनचि फरीसी अरो सुबिन जहुदिकु, मुधकु रआ रिति-रिवाज रे सेसेन कनाकु अरो जोब तक बुगिन एते ती काकु अबुंग वोःकाना तोब तक काकु जोम काना; 4अरो बाजार एते हेचकेते जोब तक काकु उमुःका, तोब तक काकु जोमका; बेचोट तिगी एटाः-पेटाः गानाम हेनाःआं जे उना मनाः कथिर मेनाःआं अरो डुभनी, लोटा, ताम्बा रआ बसन गसार-मंजाव अरो परकोम ता सुधिकरन।)
5इनाते फरीसी अरो धरम पोथी सिखाविकु उनी एते कुलिएदेयाकु, “आमरेन चेला चिलिमेन मुधकु रआ रिति-रिवाज रे काकु सेसेनका, उनकु असुध ती ते पिठा जोमकानाकु?”
6 #
जसा 29:13
ईसु उनकु होरकु के गामवाःकुवाय, “जसायाह अपे कपटाहाकु रआ बबेत रे खुब बुगिन आगमजानी एकाःआय! जे लेका ओल्लेकाना;
“‘नोकु होर मोचा एते दो इञ रआ माइन कनाकु,
मुदा उनकु रआ मोन इञ एते संगिञ तहीः काना।
7नोकु बेकार इञ रआ बिनती-पराथनाय कनाकु,
चिलिमेनचि होर बाय अनाः नियम
परमेसर रआ हेके मेन ते सिखाव कुकानाकु!’
8“अपे परमेसर रआ हुकूम अतोम केते होर रआ रिति-रिवाज मनावेकानापे।”
9उनी उनकु एते गामवाःकुवाय, “अपे अपन रिति-रिवाज मनाव कथिर परमेसर रआ हुकूम चिलका बुगिन ते अतोम कनापे! 10#उठ 20:12; नियम 5:16; उठ 21:17; लेवी 20:9 चिलिमेनचि मूसा गाम्मेकाःआय, ‘अपन मायकु अरो अपन आपुकु के माइन कुपे, जेगी अपन माय बङ रेदो आपु के कठिक मेता कुकानाय, उनी के सारीगी गोच उतर इयाय।’ 11मुदा अपे गामकानापे चि, जदि जहय गी अपन आपु बङ रेदो एंगापे एते गाम्मापे चि, जहन्नाः गी अबेन के इञ एते फयदा तेबाः तहिकेना, उना ‘कुरबान’ मने ‘परमेसर के दान रकाप चुकावेना’ 12दो अपे उनी के उनी रेन आपु बङ रेदो एंगातेः रआ जहन्नाः कपे माइन इरी वकुकाना। 13नुवां लेका अपे अपन रिति-रिवाज एते जे अपे ठहरावकाःअपे, परमेसर रआ बचन अतोम कनापे; नुंका-नुंका बेचोट एते कामि कनापे।”
होर के घिनाव कुकानाय उना रआ गानाम
(मती 15:10–20)
14तोब ईसु ता होरकु के अपन ठिनुः होहो केते उनकु के गामवाःकुवाय, “अपे सुबिन इञ रआ ओनावेपे आर सोमझाःपे। 15नुंका जहन जिनिस बनुःआं जे होर रे बहरी एते बोलो केते उनी के असुध इयाय; मुदा जे जिनिस होर रआ भीतरी एते उडुङओः काना, इनागी उनकु के असुध कुकानाय। 16[जदि जहय के अयुम रआ लुतूर हेनाःआं रेदो अयुम केपे।”#7:16 हुडिञगन ती एते ओल अनाः रे इना पद का नमुःका।]
17जोब उनी भीड़ ठिनुः एते ओड़ाः रे तोराया दो उनी रेन चेला नुवां हुडिञ कहनी रआ बबेत रे उनी एते कुलिदेयाकु 18उनी उनकु एते गामवाःकुवाय, “चिलि अपे हों इमिनुः न सोमोझअपे? चिलि अपे कपे सोमझाःका चि जे जिनिस बहरी एते होर रआ भीतरी रे सिनुःकना, उनागी उनकु के काय असुध उतर कुकानाय? 19चिलिमेनचि उना उनकु रआ मोन रे बङा मुदा लहिच रे सिनुः काना अरो तयोम सोझ एते उडुङ जोनकाना?” नुवां गामकेते उनी सुबिन जोजोम जिनिस ता घिन काय ठहराव लाःआय।
20अरो उनी गाम्मेताय, “जे होर एते उडुङओः काना, इनागी होर के असुध कुकानाय, 21चिलिमेनचि भीतरी एते बङ रेदो होर रआ मोन एते कठिक बिचार; साप-जोटेत, कुमरु, गोगोच, 22एटाः एरा रे मोहव वोः, लोभी, कुचड़, छलकपट, लम्पट, हिसंगा, निन्दा, मरंग बयुः, अरो मुरुक कामि उडुङओः काना। 23इना सुबिन कठिक गानाम भीतरी मोन तीगी उडुङओः काना अरो होर के असुध कुकानाय।”
सुरफिनिकी जाति रिई एरा रआ बिसवास
(मती 15:21–28)
24इना तयनोम उनी गलील एते बिरीत केते सूर चट्टी रआ हेनात-जपाः दिसुम रे हेच्चेनाय। उनी मियाः ओड़ाः रे तोराया अरो चहाः केनाय चि जहय गी ओलोकु सारीइञका, मुदा उनी उकुःकाय दड़िवाताय। 25मिहोर एरा जेकर हुडिञ कुरी रे घिन रावा तहिकेनाय, एनेन गी ईसु रआ चरचा अयुम केते हेच्चेनाय अरो ईसु रआ बाका ठिनुः उकरुम एनाय। 26नोय जहुदी काय तहिकेनाय अरो सीरिया दिसुम सुरफिनिकी पोरदेस रे उनी रआ जनम होयकेना। उनी ईसु के गोहराव एदेयाय चि, इञ रिई कुरी रे एते मुवां रावा के उडुङ कायमी। 27ईसु उनी एते गामवादेयाय, “पहिल होपोन के बी इरीवाकुम, चिलिमेनचि होपोन रआ पिठा लेयकेते सेता रआ लाहारे गिड़ी बुगिन बनुःआं।”
28उनी एरा ईसु के गामवादेयाय, “असलीगी हेके परभु,” “तोब रेहों सेता हों दो टिबुल रआ लातार रे होपोन रआ पिठा खेचाः गुंडा कुकुन जोम कनाकु।”
29इना जबाब रे ईसु उनी के गामवादेयाय, “आम बुगिन उदुः एताम, आम सेनजोनमी; मुवां रावा आम रिई कुरी एते उडुङ एनाय।” 30उनी आच रआ ओड़ाः हेचकेते नेल एदेयाय चि, कुरी परकोम रे तहिकेनाय, अरो मुवां रावा उडुङ एनाय।
बेहरा अरो कोंदा होर के बुगिन एदेयाय
31उना तयनोम ईसु सूर एते उडुङ केते सयदा दिसुम अरो दिकापुलिस पोरदेस तिगी होय केते गलील रआ समुदर ठिनुः तेबाःएनाय। 32तोब होर मिहोर बेहरा के जे कोंदा हों तहिकेनाय, उनी ठिनुः अगु केते उनी के गोहराव एदेयाकु चि आम रआ ती उनी रे दोहोयमी। 33तोब उनी, उनी के भीड़ एते एटाः रे इदिकेते, अरो आच रआ ती अंगुर उनी बेहरा रआ लुतूर रे संजो एताय, अरो बेच केते उनी रआ अलांङ जोटेत एताय, 34अरो सिरमा सोझ नेल केते ओहरे मेनताय, अरो उनी एते गाम्मेताय, “एफेता,” रआ मने “राड़ा जोन!”
35उनी रआ लुतूर रड़ाना, अरो उनी रआ अलांङ रआ तोल वनाः हों रड़ाना, अरो उनी साफा-साफा नधनी हेलावेनाय। 36तोब उनी उनकु के चेताव वेःकुवाय चि जहय एते ओलोम उदुःवाकुवा; मुदा जेतना उनी उनकु के चेताव वेःकुवाय, इमिनुः गी उनकु अरोगी परचार हेलावेनाकु। 37उनकु बेचोटगी चकरीत केते गागाम लगवनाकु, “उनी जहन एताय सुबिन बुगिन कनाय! उनी बेहरा के अयुम कथिर अरो कोंदा के नधनी कथिर बोल एमाःकुवाय।”
Currently Selected:
मरकुस 7: BIY
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
मरकुस 7
7
जहुदी रआ मनाव रआ सवाल
(मती 15:1–9)
1मीः हिलोः फरीसी अरो हुडिञगन धरम पोथी सिखाविकु जे जरुसलेम एते हेचकेनाकु, ईसु ठिनुः जमा एनाकु। 2अरो उनकु उनी रेन चेला के जहुदी रआ नेग-जोग रआ असुध चाहे ती बिन अबुंग तीगी पिठा जोजोम ते नेलेःकुवाकु।
3(चिलिमेनचि फरीसी अरो सुबिन जहुदिकु, मुधकु रआ रिति-रिवाज रे सेसेन कनाकु अरो जोब तक बुगिन एते ती काकु अबुंग वोःकाना तोब तक काकु जोम काना; 4अरो बाजार एते हेचकेते जोब तक काकु उमुःका, तोब तक काकु जोमका; बेचोट तिगी एटाः-पेटाः गानाम हेनाःआं जे उना मनाः कथिर मेनाःआं अरो डुभनी, लोटा, ताम्बा रआ बसन गसार-मंजाव अरो परकोम ता सुधिकरन।)
5इनाते फरीसी अरो धरम पोथी सिखाविकु उनी एते कुलिएदेयाकु, “आमरेन चेला चिलिमेन मुधकु रआ रिति-रिवाज रे काकु सेसेनका, उनकु असुध ती ते पिठा जोमकानाकु?”
6 #
जसा 29:13
ईसु उनकु होरकु के गामवाःकुवाय, “जसायाह अपे कपटाहाकु रआ बबेत रे खुब बुगिन आगमजानी एकाःआय! जे लेका ओल्लेकाना;
“‘नोकु होर मोचा एते दो इञ रआ माइन कनाकु,
मुदा उनकु रआ मोन इञ एते संगिञ तहीः काना।
7नोकु बेकार इञ रआ बिनती-पराथनाय कनाकु,
चिलिमेनचि होर बाय अनाः नियम
परमेसर रआ हेके मेन ते सिखाव कुकानाकु!’
8“अपे परमेसर रआ हुकूम अतोम केते होर रआ रिति-रिवाज मनावेकानापे।”
9उनी उनकु एते गामवाःकुवाय, “अपे अपन रिति-रिवाज मनाव कथिर परमेसर रआ हुकूम चिलका बुगिन ते अतोम कनापे! 10#उठ 20:12; नियम 5:16; उठ 21:17; लेवी 20:9 चिलिमेनचि मूसा गाम्मेकाःआय, ‘अपन मायकु अरो अपन आपुकु के माइन कुपे, जेगी अपन माय बङ रेदो आपु के कठिक मेता कुकानाय, उनी के सारीगी गोच उतर इयाय।’ 11मुदा अपे गामकानापे चि, जदि जहय गी अपन आपु बङ रेदो एंगापे एते गाम्मापे चि, जहन्नाः गी अबेन के इञ एते फयदा तेबाः तहिकेना, उना ‘कुरबान’ मने ‘परमेसर के दान रकाप चुकावेना’ 12दो अपे उनी के उनी रेन आपु बङ रेदो एंगातेः रआ जहन्नाः कपे माइन इरी वकुकाना। 13नुवां लेका अपे अपन रिति-रिवाज एते जे अपे ठहरावकाःअपे, परमेसर रआ बचन अतोम कनापे; नुंका-नुंका बेचोट एते कामि कनापे।”
होर के घिनाव कुकानाय उना रआ गानाम
(मती 15:10–20)
14तोब ईसु ता होरकु के अपन ठिनुः होहो केते उनकु के गामवाःकुवाय, “अपे सुबिन इञ रआ ओनावेपे आर सोमझाःपे। 15नुंका जहन जिनिस बनुःआं जे होर रे बहरी एते बोलो केते उनी के असुध इयाय; मुदा जे जिनिस होर रआ भीतरी एते उडुङओः काना, इनागी उनकु के असुध कुकानाय। 16[जदि जहय के अयुम रआ लुतूर हेनाःआं रेदो अयुम केपे।”#7:16 हुडिञगन ती एते ओल अनाः रे इना पद का नमुःका।]
17जोब उनी भीड़ ठिनुः एते ओड़ाः रे तोराया दो उनी रेन चेला नुवां हुडिञ कहनी रआ बबेत रे उनी एते कुलिदेयाकु 18उनी उनकु एते गामवाःकुवाय, “चिलि अपे हों इमिनुः न सोमोझअपे? चिलि अपे कपे सोमझाःका चि जे जिनिस बहरी एते होर रआ भीतरी रे सिनुःकना, उनागी उनकु के काय असुध उतर कुकानाय? 19चिलिमेनचि उना उनकु रआ मोन रे बङा मुदा लहिच रे सिनुः काना अरो तयोम सोझ एते उडुङ जोनकाना?” नुवां गामकेते उनी सुबिन जोजोम जिनिस ता घिन काय ठहराव लाःआय।
20अरो उनी गाम्मेताय, “जे होर एते उडुङओः काना, इनागी होर के असुध कुकानाय, 21चिलिमेनचि भीतरी एते बङ रेदो होर रआ मोन एते कठिक बिचार; साप-जोटेत, कुमरु, गोगोच, 22एटाः एरा रे मोहव वोः, लोभी, कुचड़, छलकपट, लम्पट, हिसंगा, निन्दा, मरंग बयुः, अरो मुरुक कामि उडुङओः काना। 23इना सुबिन कठिक गानाम भीतरी मोन तीगी उडुङओः काना अरो होर के असुध कुकानाय।”
सुरफिनिकी जाति रिई एरा रआ बिसवास
(मती 15:21–28)
24इना तयनोम उनी गलील एते बिरीत केते सूर चट्टी रआ हेनात-जपाः दिसुम रे हेच्चेनाय। उनी मियाः ओड़ाः रे तोराया अरो चहाः केनाय चि जहय गी ओलोकु सारीइञका, मुदा उनी उकुःकाय दड़िवाताय। 25मिहोर एरा जेकर हुडिञ कुरी रे घिन रावा तहिकेनाय, एनेन गी ईसु रआ चरचा अयुम केते हेच्चेनाय अरो ईसु रआ बाका ठिनुः उकरुम एनाय। 26नोय जहुदी काय तहिकेनाय अरो सीरिया दिसुम सुरफिनिकी पोरदेस रे उनी रआ जनम होयकेना। उनी ईसु के गोहराव एदेयाय चि, इञ रिई कुरी रे एते मुवां रावा के उडुङ कायमी। 27ईसु उनी एते गामवादेयाय, “पहिल होपोन के बी इरीवाकुम, चिलिमेनचि होपोन रआ पिठा लेयकेते सेता रआ लाहारे गिड़ी बुगिन बनुःआं।”
28उनी एरा ईसु के गामवादेयाय, “असलीगी हेके परभु,” “तोब रेहों सेता हों दो टिबुल रआ लातार रे होपोन रआ पिठा खेचाः गुंडा कुकुन जोम कनाकु।”
29इना जबाब रे ईसु उनी के गामवादेयाय, “आम बुगिन उदुः एताम, आम सेनजोनमी; मुवां रावा आम रिई कुरी एते उडुङ एनाय।” 30उनी आच रआ ओड़ाः हेचकेते नेल एदेयाय चि, कुरी परकोम रे तहिकेनाय, अरो मुवां रावा उडुङ एनाय।
बेहरा अरो कोंदा होर के बुगिन एदेयाय
31उना तयनोम ईसु सूर एते उडुङ केते सयदा दिसुम अरो दिकापुलिस पोरदेस तिगी होय केते गलील रआ समुदर ठिनुः तेबाःएनाय। 32तोब होर मिहोर बेहरा के जे कोंदा हों तहिकेनाय, उनी ठिनुः अगु केते उनी के गोहराव एदेयाकु चि आम रआ ती उनी रे दोहोयमी। 33तोब उनी, उनी के भीड़ एते एटाः रे इदिकेते, अरो आच रआ ती अंगुर उनी बेहरा रआ लुतूर रे संजो एताय, अरो बेच केते उनी रआ अलांङ जोटेत एताय, 34अरो सिरमा सोझ नेल केते ओहरे मेनताय, अरो उनी एते गाम्मेताय, “एफेता,” रआ मने “राड़ा जोन!”
35उनी रआ लुतूर रड़ाना, अरो उनी रआ अलांङ रआ तोल वनाः हों रड़ाना, अरो उनी साफा-साफा नधनी हेलावेनाय। 36तोब उनी उनकु के चेताव वेःकुवाय चि जहय एते ओलोम उदुःवाकुवा; मुदा जेतना उनी उनकु के चेताव वेःकुवाय, इमिनुः गी उनकु अरोगी परचार हेलावेनाकु। 37उनकु बेचोटगी चकरीत केते गागाम लगवनाकु, “उनी जहन एताय सुबिन बुगिन कनाय! उनी बेहरा के अयुम कथिर अरो कोंदा के नधनी कथिर बोल एमाःकुवाय।”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0