रोमि 5
5
परमेसर रआ दुलार
1इनाते अबुन बिसवास एते गी धरमी ठहरावेनाबुन, अपन परभु ईसु मसी रआ दोवासते, परमेसर लोः मेल हेनाःआं। 2मसी ता अबुन कथिर उना दया रआ दुवेर रड़ा एकाःआय, जे अबुन के बिसवास एते नाम्मेना। अबुन नियां गानाम ता रे घमंड इयाबुन चि अबुन के परमेसर रआ महिमा रआ भागी बयुः रआ आसरा हेनाःआं। 3इमिनुः गी बङा, अबुन दुख तकलिब रेहों घमंड करावियाबुन, चिलिमेनचि अबुन सारीइ कनाबुन चि दुख तकलिब धीरज उपनेग कनाय। 4अरो धीरज एते परखाव वनाः चइल-चलन उडुङओः काना। अरो परखाव वनाः चइल-चलन एते आसरा उपनेग वोःकाना। 5आसरा अबुन के काय निरास इरीबुन कनाय चिलिमेनचि पबितर रावा रआ दोवासते, जे अबुन के एम्मेकाना, परमेसर रआ दुलार अबुन रआ हिरदय रे संजो एकाःआय।
6जोब अबुन बेसाहारा तहिकेनाबुन, तोब उचित समेय रे मसी अबुन अधारमिकु कथिर गोच्चेनाय। 7जहय धरमी होर कथिर जहय गोजुःआय, नुवां दो मसकिल गिया, लेकिन रेहोंगी होय सकाःका चि बुगिन मनवांकु कथिर जहय गोजुः कथिर तेयार वोःओकु। 8मुदा परमेसर ता अबुन रे अपन दुलार देखाव वाःबुनाय, जोब चि अबुन पापी गी तहिकेनाबुन, मसी ता अबुन कथिर गोच्चेनाय। 9नेबरीक अबुन ईसु रआ मयम रआ चलते धरमी ठहरावेनाबुन दो नेबरीक उनी रआ दोवासते परमेसर रआ खिंस एते निचित गी बनचाव ओःओबुन। 10चिलिमेनचि जोब अबुन परमेसर रेन बइरी तहिकेनाबुन, उनी रिई होपोन हेरेल रआ गोनोच रआ दोवासते परमेसर एते अबुन के मेल-मिलाप होय्येना, नेबरीक दो जोब अबुन रआ मेल-मिलाप होय चुकावेना, दो ईसु रआ जीवन एते निचित गी अबुन के उद्धार होयुःआ 11इमिनुः गी बङा, नेबरीक दो अबुन रिई परभु ईसु मसी रआ दोवासते परमेसर लोः अबुन रआ मेल होय्येना, इनाते अबुन उनी रआ दोवासते परमेसर रे भोरोसा दोहो केते घमंड हों करावियाबुन।
आदम दोवासते गोनोच मसी दोवासते जीवन
12 #
एटे 3:6
आदम रआ चलते दुनिया रे पाप हेच्चेना अरो पाप एते गोनोच अरो इना लेका एते सुबिन मनवां रे गोनोच हेच्चेना, चिलिमेनचि सुबिन होर ता पाप लाःआकु। 13मूसा रआ नियम एते पहिल दुनिया रे पाप तहिकेना, मुदा मूसा रआ नियम का होयुः रआ चलते पाप रआ लेखा का दोहोः केना। 14रेहोंगी आदम एते लेयकेते मूसा तक गोनोच ता उनकु होर रे राइज एताय, जेकु ता उनी आदम लेका आगया तोड़ाव केते काकु पाप। आदम हिजुः वनीः मसी रआ चिन्हा हेकेय।
15रेहोंगी गुनाह अरो परमेसर रआ बरदान रे जहन बराबारी बनुःआं। नुवां सच हेके चि मिहोर मनवां रआ गुनाह रआ चलते बेचोट होर गोच्चेनाकु। मुदा नियां रआ परतिफोल एते चिमिनुः ढेर महान मेनाःआं परमेसर रआ दया अरो बरदान, जे मिहोर मनवां ईसु मसी रआ दया दोवासते दान ढेरी होर के ढेर एते ढेर मिलावेना। 16आदम रआ गुनाह अरो परमेसर रआ बरदान रे मीः लेका बनुःआं, जे मिहोर मनवां रआ गुनाह रआ चलते दन्ड रआ हुकूम एम्मेना, मुदा बेचोट एते गुनाह रआ तयोम जे बरदान एम्मेकाना, पाप एते छुटकारा मिलावेकाना। 17नुवां सचा मेनाःआं चि मिहोर मनवां रआ गुनाह रआ चलते उनी मिहोर मनवां दोवासते गोनोच राइज एताय, दो जे परमेसर रआ दया अरो उनी रआ धरमिकता बेचोट एते बेचोट नाम कनाकु उनकु, मिहोर मनवां मने ईसु मसी रआ दोवासते का मुडूः जीवन रे राइज करावियाकु।
18जे लेका एते मियाः गुनाह रआ चलते सुबिन मनवांकु कथिर दन्ड रआ हुकूम नम्मेना, इनका गी मिहोर रआ बलिदान एते सुबिन मनवांकु के धरमी ठहरावेःकुवाय अरो आनाद जीवन एमाःकुवाय। 19जेलेका मिहोर मनवां रआ हुकूम का मनाः रआ चलते सुबिन पापी ठहरावेनाकु, इनालेका गी मिहोर रआ हुकूम पालन कराव रआ चलते ढेर होर धरमी ठहरावेनाकु। 20मूसा रआ नियम हेच्चेना इनाते गुनाह बड़हावेना, जोब पाप बड़हावेना दो दया उना एते हों ढेर बड़हावेना। 21जेलेका पाप गोनोच रे राइज एताय, इनका गी परमेसर रआ दया धरमिकता रआ दोवासते राइज कनाय, उना रआ फोल हेके, अबुन रिई परभु ईसु मसी दोवासते का मुडूः जीवन सोझ इदिबुन कनाय।
Currently Selected:
रोमि 5: BIY
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0
रोमि 5
5
परमेसर रआ दुलार
1इनाते अबुन बिसवास एते गी धरमी ठहरावेनाबुन, अपन परभु ईसु मसी रआ दोवासते, परमेसर लोः मेल हेनाःआं। 2मसी ता अबुन कथिर उना दया रआ दुवेर रड़ा एकाःआय, जे अबुन के बिसवास एते नाम्मेना। अबुन नियां गानाम ता रे घमंड इयाबुन चि अबुन के परमेसर रआ महिमा रआ भागी बयुः रआ आसरा हेनाःआं। 3इमिनुः गी बङा, अबुन दुख तकलिब रेहों घमंड करावियाबुन, चिलिमेनचि अबुन सारीइ कनाबुन चि दुख तकलिब धीरज उपनेग कनाय। 4अरो धीरज एते परखाव वनाः चइल-चलन उडुङओः काना। अरो परखाव वनाः चइल-चलन एते आसरा उपनेग वोःकाना। 5आसरा अबुन के काय निरास इरीबुन कनाय चिलिमेनचि पबितर रावा रआ दोवासते, जे अबुन के एम्मेकाना, परमेसर रआ दुलार अबुन रआ हिरदय रे संजो एकाःआय।
6जोब अबुन बेसाहारा तहिकेनाबुन, तोब उचित समेय रे मसी अबुन अधारमिकु कथिर गोच्चेनाय। 7जहय धरमी होर कथिर जहय गोजुःआय, नुवां दो मसकिल गिया, लेकिन रेहोंगी होय सकाःका चि बुगिन मनवांकु कथिर जहय गोजुः कथिर तेयार वोःओकु। 8मुदा परमेसर ता अबुन रे अपन दुलार देखाव वाःबुनाय, जोब चि अबुन पापी गी तहिकेनाबुन, मसी ता अबुन कथिर गोच्चेनाय। 9नेबरीक अबुन ईसु रआ मयम रआ चलते धरमी ठहरावेनाबुन दो नेबरीक उनी रआ दोवासते परमेसर रआ खिंस एते निचित गी बनचाव ओःओबुन। 10चिलिमेनचि जोब अबुन परमेसर रेन बइरी तहिकेनाबुन, उनी रिई होपोन हेरेल रआ गोनोच रआ दोवासते परमेसर एते अबुन के मेल-मिलाप होय्येना, नेबरीक दो जोब अबुन रआ मेल-मिलाप होय चुकावेना, दो ईसु रआ जीवन एते निचित गी अबुन के उद्धार होयुःआ 11इमिनुः गी बङा, नेबरीक दो अबुन रिई परभु ईसु मसी रआ दोवासते परमेसर लोः अबुन रआ मेल होय्येना, इनाते अबुन उनी रआ दोवासते परमेसर रे भोरोसा दोहो केते घमंड हों करावियाबुन।
आदम दोवासते गोनोच मसी दोवासते जीवन
12 #
एटे 3:6
आदम रआ चलते दुनिया रे पाप हेच्चेना अरो पाप एते गोनोच अरो इना लेका एते सुबिन मनवां रे गोनोच हेच्चेना, चिलिमेनचि सुबिन होर ता पाप लाःआकु। 13मूसा रआ नियम एते पहिल दुनिया रे पाप तहिकेना, मुदा मूसा रआ नियम का होयुः रआ चलते पाप रआ लेखा का दोहोः केना। 14रेहोंगी आदम एते लेयकेते मूसा तक गोनोच ता उनकु होर रे राइज एताय, जेकु ता उनी आदम लेका आगया तोड़ाव केते काकु पाप। आदम हिजुः वनीः मसी रआ चिन्हा हेकेय।
15रेहोंगी गुनाह अरो परमेसर रआ बरदान रे जहन बराबारी बनुःआं। नुवां सच हेके चि मिहोर मनवां रआ गुनाह रआ चलते बेचोट होर गोच्चेनाकु। मुदा नियां रआ परतिफोल एते चिमिनुः ढेर महान मेनाःआं परमेसर रआ दया अरो बरदान, जे मिहोर मनवां ईसु मसी रआ दया दोवासते दान ढेरी होर के ढेर एते ढेर मिलावेना। 16आदम रआ गुनाह अरो परमेसर रआ बरदान रे मीः लेका बनुःआं, जे मिहोर मनवां रआ गुनाह रआ चलते दन्ड रआ हुकूम एम्मेना, मुदा बेचोट एते गुनाह रआ तयोम जे बरदान एम्मेकाना, पाप एते छुटकारा मिलावेकाना। 17नुवां सचा मेनाःआं चि मिहोर मनवां रआ गुनाह रआ चलते उनी मिहोर मनवां दोवासते गोनोच राइज एताय, दो जे परमेसर रआ दया अरो उनी रआ धरमिकता बेचोट एते बेचोट नाम कनाकु उनकु, मिहोर मनवां मने ईसु मसी रआ दोवासते का मुडूः जीवन रे राइज करावियाकु।
18जे लेका एते मियाः गुनाह रआ चलते सुबिन मनवांकु कथिर दन्ड रआ हुकूम नम्मेना, इनका गी मिहोर रआ बलिदान एते सुबिन मनवांकु के धरमी ठहरावेःकुवाय अरो आनाद जीवन एमाःकुवाय। 19जेलेका मिहोर मनवां रआ हुकूम का मनाः रआ चलते सुबिन पापी ठहरावेनाकु, इनालेका गी मिहोर रआ हुकूम पालन कराव रआ चलते ढेर होर धरमी ठहरावेनाकु। 20मूसा रआ नियम हेच्चेना इनाते गुनाह बड़हावेना, जोब पाप बड़हावेना दो दया उना एते हों ढेर बड़हावेना। 21जेलेका पाप गोनोच रे राइज एताय, इनका गी परमेसर रआ दया धरमिकता रआ दोवासते राइज कनाय, उना रआ फोल हेके, अबुन रिई परभु ईसु मसी दोवासते का मुडूः जीवन सोझ इदिबुन कनाय।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023 NLCI CC BY-NC-ND 4.0