Asomafoɛ Nyumaa 28
28
1Mmerɛ bɔ yɛdwuli asomdwie nu ne, yɛnwuni kyɛ bɛfrɛ ɛberɛ Malta 2Mmenia bɔ bɛwɔ berɛ ne bokale yɛ paa, nzue bɔ né ɔtɔ ne ayirɛ bɔ ne ɔwɔ nu nati, bɛsɔle see bɛmane yɛ, na bɛlɛle yɛ mukoraati kama. 3Nakoso mmerɛ bɔ Paul sesale eyein bie guale see nanu ne, see ne hyerɛ nati, ɛkyerebene bie fili nu fitele, na ɔbrɛbrale ye sa nwo. 4Ɛberɛfoɛ ne nwuni kyɛ ɛwoo ne abrɛbra ye sa nwo ne, bɛkeka bɛhyirele bɛ nwo kyɛ: “Amba, biaa he te wudiniɛ paa. Ɔwɔ nu, wafi ɛpo nanu wafite, nakoso atɛn tenenee ngɔma ɔngɔtena ase.” 5Nakoso ɔpetele ɛwoo ne fili ye nwo sa guale see nanu, na hwee anyɛ ye. 6Né bɛnea atee kyɛ, ebia ɔkɔ nwu-nwu anaa ɔkɔpɛ kofĩ kowu, nakoso bɛ nwondɛle mmerɛ-tende bɔ hwee anyɛ ye ne, bɛsesane b'adwene bɛhane kyɛ, ɔte nyameɛ.
7Né aseɛ biemɔ wɔ mandanu berɛ, na ne ɔte odikuro bɔ ɔwɔ berɛ ne deɛ, ne bɛfrɛ ye Pablio. Sɔ biaa he lɛle yɛ kama, na ɔfale ɛlɛsa sone yɛ wɔfoɛ. 8Sãa né Pablio baba afokyɛ la mba so, né fiiva ahye ye, na né ye kunu koso tu. Yeti Paul hɔle ye nwo berɛ, ɔbɔle mbaeɛ mane ye, na ɔfale ye sa guale yeso maa ye nwo tɔle ye. 9Ɛhe si ne, supɔ naso mmenia bɔ bafokyɛ namukoraati wale Paul berɛ, na ɔsale bɛ anwonyerɛ. 10Besa bɛhyɛle yɛ nningyein pee, na yɛkɔ ne, bɛfale bɔ yɛhia biala bɛguale hyep nanu maa yɛfa yɛhɔle.
11Bosome nza si ne, yɛfole hyep bie bɔ ofi Alɛzandria yɛhɔle. Ayirɛ nati, né sɔ hyep ne agyina supɔ naso. Né bahworɔ ye nyunu “Zeus Mmaa.” 12Yɛdwuli Sirakusa ne, yɛlili ɛlɛsa wɔ berɛ. 13Na yɛfili berɛ ne, yɛwale Regio. Na kyẽa bɔ oli berɛ ne, mvrama bie tuli paa fili ngwan, yeti ɛlɛnyɔ so kora yeɛ yɛkɔ Puteoli ɔ. 14Yɛnwuni aliemaa mɔ wɔ berɛ, na bɛsrɛle yɛ maa yɛtena berɛ ɛlɛsoo, na yesi ne, yɛsili nu yɛhɔle Roman. 15Mmerɛ bɔ aliemaa mɔ bɔ bɛwɔ berɛ ne tele yɛ nga ne, bɛpɛle atee bɛfili ɛdɔ alaa beeyiale yɛ wɔ Apia Dwaa naso, ɔne kuro bɔ bɛfrɛ berɛ Nzãa-Sua-Nza ne. Mmerɛ bɔ Paul nwuni bɛ ne, ɔlala Nyameɛ ase, na y'ahone tɔle ye kunu. 16Afei mmerɛ bɔ yɛdwuli Roman ne, bɛmane Paul atee maa ye ngome ɔtenane, na sogyaniɛ kõ neane ye so.
17Ɛlɛsa si ne, ɔfrɛle Yudafoɛ atitire ne. Bɛwale ne, ɔha hyirele bɛ kyɛ: “Nniema mɔ, ɔwɔ nu, nyɛlle nikye fee ndiale yɛ mmenia nemɔ, anaa yɛ nana mɔ amammerɛ, nakoso bɛfale me bɛwurale Romanfoɛ nemɔ sa kyɛ priziniɛ Yerusalem. 18Ná bɛneɛneane me dwirɛ nu bɛyiele ne, né bɛpena kyɛ bɛye me, ofikyɛ nyɛlle hwee bɔ odikyɛ bɛku me ɔ. 19Nakoso Yudafoɛ nemɔ ambene, yeti mvale me dwirɛ ne mmane Kaesare, ɛhe ngyire kyɛ, nne edwirɛ bɔ mefa mebɔ me maen ne kwaadu. 20Ɛhe ati yeɛ mepena kyɛ menwu ɛmɔ, na mene ɛmɔ dwudwo ne, ofikyɛ anidasoɛ bɔ Israel lɛ ye nati yeɛ bafa kyenyi he bagua me sa ne.” 21Bɛhane kyɛ: “Yɛnyanne wɔ nwo krataa biala yɛffili Yudea, ná aliemaa mɔ bɔ bɛfi dɔ bɛwale ne koso, bɛbɔlle yɛ amaneɛ anaa bɛhanne wɔ nwo dwirɛ tɛɛ biala koso bɛhyirele yɛ. 22Nakoso né yɛnwu ye kyɛ, ɔte pa kyɛ yɛkotie bɔ ɛle ye ka ɔ, ofikyɛ yɛse ye paa kyɛ, kue he de, nekaa biala ɛkɔhɔ ne, mmenia ka ye nwo dwirɛ tɛɛ.”
23Yeti bɛhyɛle kyẽa bɔ bɛne ye koyia ne, na mmeni pee wale nekaa bɔ ɔte ne. Ná ofi ngyerɛmɔ bɔ ɔkwaadwu nnɔsoa ne, ohyirehyirele edwirɛ nanu hyirele bɛ, na olili Nyameɛ Ahennie nanwo adanzeɛ fekɔ-fekɔ, na ɔnate Mose Mmeraa ne Adiifoɛ nemɔ so hane Yesu nwo dwirɛ maa ɔtɔle bɛ so anu. 24Ebiemɔ lɛle bɔ ɔka ne lili, na ebiemɔ koso anne anni. 25Na ɔnate kyɛ ne b'adwene nyia nati, bɛhyɛle yebo kyɛ bɛkɔ, yeɛ Paul hane sɔ dwirɛ he ɔ: “Mmerɛ bɔ honhom krongron ne nate diifoɛ Isaiah so hane sɔ dwirɛ he hyirele ɛmɔ baba mɔ ne, né ɔte nahorɛ kaenn; ɔhane kyɛ:
26‘Kɔ sɔ mmenia hemɔ berɛ, na ka kyire bɛ kyɛ:
“Ɛtelɛ de ɛmɔ kɔte, nakoso ɛmɔngɔte yebo;
Ɛneanɛ de ɛmɔ kɔnea, nakoso ɛmɔ ngonwu ye.
27Ofikyɛ mmenia hemɔ ahone atiri,
na bɛfa bɛ so betie ye mbaen,
na bakata bɛ nye,
kyɛbɔ ɔkɔyɛ a, bɛngɔfa bɛ nye bɛngonwu ye,
ná bafa bɛ so bate,
ná bafa b'ahone bate yebo,
ná basakra b'adwene maa masa bɛ anwonyerɛ.”’
28Yeti, ɛmɔma ɔla ɛmɔ ti anu kyɛ, bafa sɔ ngoa bɔ ofi Nyameɛ berɛ ne bahɔ maen-maen nanu, na bedɛ, bɛkotie.” 29#28:29 Sɛ ɛnea Bible biemɔ nu a, edwirɛ bie wura ɛwa kyɛ: “Ɔhane edwirɛ he nala pɛ, Yudafoɛ nemɔ fili berɛ hɔle, na ne bafɛ yaa paa.” Nakoso sɔ dwirɛ ne, ɛnea asaanoa ndworɔyɛ bɔ wahyɛ paa ɔne bɔ odi mu paa nemɔ nu a, ɔnne nu.—
30Paul bɔbɔ hayele sua wɔ berɛ tenane nu afoɛ nyɔ, na bɛ bɔ bɛwale berɛ kyɛ bɛbaasrale ye ne, olɛle bɛ kama. 31Na ɔhane Nyameɛ Ahennie nanwo dwirɛ hyirele bɛ, na ɔfale akukuduro hyirehyirele bɛ Awurade Yesu Kristo nwo dwirɛ bɔ nikye fee anzi yɛ atee ɔ.
Currently Selected:
Asomafoɛ Nyumaa 28: SNT
Highlight
Share
Compare
Copy
Want to have your highlights saved across all your devices? Sign up or sign in
© 2025 LexiHUB. All rights reserved.
This translation of the Bible in Sehwi is provided for personal, educational, and church use. No part of this publication may be reproduced, distributed, or transmitted in any form or by any means, including photocopying, recording, or other electronic or mechanical methods, without prior written permission of the copyright holder, except in the case of brief quotations embodied in critical reviews and certain other noncommercial uses permitted by copyright law.
Authorized digital distribution may be made through approved Bible platforms and partner organizations under license.
For permission requests, write to the publisher at the address below:
LexiHUB
Box 2, Sefwi Juaboso, Western North Region, Ghana
Email: info.lexihub@gmail.com
Scripture quotations are from the Sehwi New Testament © 2025. Used by permission. All rights reserved.
Asomafoɛ Nyumaa 28
28
1Mmerɛ bɔ yɛdwuli asomdwie nu ne, yɛnwuni kyɛ bɛfrɛ ɛberɛ Malta 2Mmenia bɔ bɛwɔ berɛ ne bokale yɛ paa, nzue bɔ né ɔtɔ ne ayirɛ bɔ ne ɔwɔ nu nati, bɛsɔle see bɛmane yɛ, na bɛlɛle yɛ mukoraati kama. 3Nakoso mmerɛ bɔ Paul sesale eyein bie guale see nanu ne, see ne hyerɛ nati, ɛkyerebene bie fili nu fitele, na ɔbrɛbrale ye sa nwo. 4Ɛberɛfoɛ ne nwuni kyɛ ɛwoo ne abrɛbra ye sa nwo ne, bɛkeka bɛhyirele bɛ nwo kyɛ: “Amba, biaa he te wudiniɛ paa. Ɔwɔ nu, wafi ɛpo nanu wafite, nakoso atɛn tenenee ngɔma ɔngɔtena ase.” 5Nakoso ɔpetele ɛwoo ne fili ye nwo sa guale see nanu, na hwee anyɛ ye. 6Né bɛnea atee kyɛ, ebia ɔkɔ nwu-nwu anaa ɔkɔpɛ kofĩ kowu, nakoso bɛ nwondɛle mmerɛ-tende bɔ hwee anyɛ ye ne, bɛsesane b'adwene bɛhane kyɛ, ɔte nyameɛ.
7Né aseɛ biemɔ wɔ mandanu berɛ, na ne ɔte odikuro bɔ ɔwɔ berɛ ne deɛ, ne bɛfrɛ ye Pablio. Sɔ biaa he lɛle yɛ kama, na ɔfale ɛlɛsa sone yɛ wɔfoɛ. 8Sãa né Pablio baba afokyɛ la mba so, né fiiva ahye ye, na né ye kunu koso tu. Yeti Paul hɔle ye nwo berɛ, ɔbɔle mbaeɛ mane ye, na ɔfale ye sa guale yeso maa ye nwo tɔle ye. 9Ɛhe si ne, supɔ naso mmenia bɔ bafokyɛ namukoraati wale Paul berɛ, na ɔsale bɛ anwonyerɛ. 10Besa bɛhyɛle yɛ nningyein pee, na yɛkɔ ne, bɛfale bɔ yɛhia biala bɛguale hyep nanu maa yɛfa yɛhɔle.
11Bosome nza si ne, yɛfole hyep bie bɔ ofi Alɛzandria yɛhɔle. Ayirɛ nati, né sɔ hyep ne agyina supɔ naso. Né bahworɔ ye nyunu “Zeus Mmaa.” 12Yɛdwuli Sirakusa ne, yɛlili ɛlɛsa wɔ berɛ. 13Na yɛfili berɛ ne, yɛwale Regio. Na kyẽa bɔ oli berɛ ne, mvrama bie tuli paa fili ngwan, yeti ɛlɛnyɔ so kora yeɛ yɛkɔ Puteoli ɔ. 14Yɛnwuni aliemaa mɔ wɔ berɛ, na bɛsrɛle yɛ maa yɛtena berɛ ɛlɛsoo, na yesi ne, yɛsili nu yɛhɔle Roman. 15Mmerɛ bɔ aliemaa mɔ bɔ bɛwɔ berɛ ne tele yɛ nga ne, bɛpɛle atee bɛfili ɛdɔ alaa beeyiale yɛ wɔ Apia Dwaa naso, ɔne kuro bɔ bɛfrɛ berɛ Nzãa-Sua-Nza ne. Mmerɛ bɔ Paul nwuni bɛ ne, ɔlala Nyameɛ ase, na y'ahone tɔle ye kunu. 16Afei mmerɛ bɔ yɛdwuli Roman ne, bɛmane Paul atee maa ye ngome ɔtenane, na sogyaniɛ kõ neane ye so.
17Ɛlɛsa si ne, ɔfrɛle Yudafoɛ atitire ne. Bɛwale ne, ɔha hyirele bɛ kyɛ: “Nniema mɔ, ɔwɔ nu, nyɛlle nikye fee ndiale yɛ mmenia nemɔ, anaa yɛ nana mɔ amammerɛ, nakoso bɛfale me bɛwurale Romanfoɛ nemɔ sa kyɛ priziniɛ Yerusalem. 18Ná bɛneɛneane me dwirɛ nu bɛyiele ne, né bɛpena kyɛ bɛye me, ofikyɛ nyɛlle hwee bɔ odikyɛ bɛku me ɔ. 19Nakoso Yudafoɛ nemɔ ambene, yeti mvale me dwirɛ ne mmane Kaesare, ɛhe ngyire kyɛ, nne edwirɛ bɔ mefa mebɔ me maen ne kwaadu. 20Ɛhe ati yeɛ mepena kyɛ menwu ɛmɔ, na mene ɛmɔ dwudwo ne, ofikyɛ anidasoɛ bɔ Israel lɛ ye nati yeɛ bafa kyenyi he bagua me sa ne.” 21Bɛhane kyɛ: “Yɛnyanne wɔ nwo krataa biala yɛffili Yudea, ná aliemaa mɔ bɔ bɛfi dɔ bɛwale ne koso, bɛbɔlle yɛ amaneɛ anaa bɛhanne wɔ nwo dwirɛ tɛɛ biala koso bɛhyirele yɛ. 22Nakoso né yɛnwu ye kyɛ, ɔte pa kyɛ yɛkotie bɔ ɛle ye ka ɔ, ofikyɛ yɛse ye paa kyɛ, kue he de, nekaa biala ɛkɔhɔ ne, mmenia ka ye nwo dwirɛ tɛɛ.”
23Yeti bɛhyɛle kyẽa bɔ bɛne ye koyia ne, na mmeni pee wale nekaa bɔ ɔte ne. Ná ofi ngyerɛmɔ bɔ ɔkwaadwu nnɔsoa ne, ohyirehyirele edwirɛ nanu hyirele bɛ, na olili Nyameɛ Ahennie nanwo adanzeɛ fekɔ-fekɔ, na ɔnate Mose Mmeraa ne Adiifoɛ nemɔ so hane Yesu nwo dwirɛ maa ɔtɔle bɛ so anu. 24Ebiemɔ lɛle bɔ ɔka ne lili, na ebiemɔ koso anne anni. 25Na ɔnate kyɛ ne b'adwene nyia nati, bɛhyɛle yebo kyɛ bɛkɔ, yeɛ Paul hane sɔ dwirɛ he ɔ: “Mmerɛ bɔ honhom krongron ne nate diifoɛ Isaiah so hane sɔ dwirɛ he hyirele ɛmɔ baba mɔ ne, né ɔte nahorɛ kaenn; ɔhane kyɛ:
26‘Kɔ sɔ mmenia hemɔ berɛ, na ka kyire bɛ kyɛ:
“Ɛtelɛ de ɛmɔ kɔte, nakoso ɛmɔngɔte yebo;
Ɛneanɛ de ɛmɔ kɔnea, nakoso ɛmɔ ngonwu ye.
27Ofikyɛ mmenia hemɔ ahone atiri,
na bɛfa bɛ so betie ye mbaen,
na bakata bɛ nye,
kyɛbɔ ɔkɔyɛ a, bɛngɔfa bɛ nye bɛngonwu ye,
ná bafa bɛ so bate,
ná bafa b'ahone bate yebo,
ná basakra b'adwene maa masa bɛ anwonyerɛ.”’
28Yeti, ɛmɔma ɔla ɛmɔ ti anu kyɛ, bafa sɔ ngoa bɔ ofi Nyameɛ berɛ ne bahɔ maen-maen nanu, na bedɛ, bɛkotie.” 29#28:29 Sɛ ɛnea Bible biemɔ nu a, edwirɛ bie wura ɛwa kyɛ: “Ɔhane edwirɛ he nala pɛ, Yudafoɛ nemɔ fili berɛ hɔle, na ne bafɛ yaa paa.” Nakoso sɔ dwirɛ ne, ɛnea asaanoa ndworɔyɛ bɔ wahyɛ paa ɔne bɔ odi mu paa nemɔ nu a, ɔnne nu.—
30Paul bɔbɔ hayele sua wɔ berɛ tenane nu afoɛ nyɔ, na bɛ bɔ bɛwale berɛ kyɛ bɛbaasrale ye ne, olɛle bɛ kama. 31Na ɔhane Nyameɛ Ahennie nanwo dwirɛ hyirele bɛ, na ɔfale akukuduro hyirehyirele bɛ Awurade Yesu Kristo nwo dwirɛ bɔ nikye fee anzi yɛ atee ɔ.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© 2025 LexiHUB. All rights reserved.
This translation of the Bible in Sehwi is provided for personal, educational, and church use. No part of this publication may be reproduced, distributed, or transmitted in any form or by any means, including photocopying, recording, or other electronic or mechanical methods, without prior written permission of the copyright holder, except in the case of brief quotations embodied in critical reviews and certain other noncommercial uses permitted by copyright law.
Authorized digital distribution may be made through approved Bible platforms and partner organizations under license.
For permission requests, write to the publisher at the address below:
LexiHUB
Box 2, Sefwi Juaboso, Western North Region, Ghana
Email: info.lexihub@gmail.com
Scripture quotations are from the Sehwi New Testament © 2025. Used by permission. All rights reserved.