Ng’olwa 17
17
Chitika ku muji gwa Tesaloniche
1Pawulo na Sila vakantsaje lujendo kukolela ku muji gwa Amufipoli na ku Apoloniya vakafikaje ku Tesaloniche, kuko kwavaga na hono ha kitang'anila Vayawudi. 2Pawulo kota fyo yavaga ntsovelo yake akinjilaje hono ha kitang'anila Vayawudi. Mu Siku tsidatu tsa Kwesela avaga anlongana nawo ndongwa tsa mu Mandiko ga Mulungu, 3na avalonjelaga bila kufiha kuta, Chilisito aganikaga akodwe na kutsilipulwa. Akawilaje kuvalonjela, “Yuno Chilisito yo ntsinguvalonjela ndongwa tsake, Yo Yesu.” 4Vayawudi vatunga vakavakokaje, na kihantsa na Pawulo na Sila. Vavaga Vajilichi wolofu wovavaga vangumufugamila Mulungu na vadala wolofu wo vahesimilwaga ndalahela. 5Lechelelo Vayawudi vatunga wo vavaga vang'ali kulidichila litumbilo vakawonaje mbafya, vakavakokaje vanu vabi kuhuma hono ha kugutsila finu, vakavakong'asaje vanu wolofu na kwantsisa chitika ha mujini. Vakabitaje luvilo ku nyumba ya munu yo achemwaga Yasoni na kuvasaka Pawulo na Sila ili vavahumye kivala kwa vala vanu wolofu. 6Lechelelo hovavaga sivavawene vakamukwegwenaje Yasoni na vanu vanji vamutumbye Chilisito mbaka halutalo ha filongotsi va muji kuno van'yova kuta, “Vanu vala wo vambutse chitika mu inyi tseka vatsitse mbaka ku muji gwetu, 7nayo Yasoni avalibulitse mu nyumba yake. Veka van'dita tebe na malajitso ga Kayisali, nawo vanlonga kuta koyoli muntsajila yunji, yo anchemwa Yesu.” 8Ndongwa itso tsavambutse filongotsi va muji na vanu wolofu wongetse kudita chitika. 9Nawo vala filongotsi vakavahombetsaje magobole Yasoni na vayage na kuvaleka vabitile.
Pawulo na Sila ku Beloya
10Hachilo chicho vanu wo vamutumbye Chilisito vakavalonjelaje Pawulo na Sila vabite ku Beloya. Hovavaga kufika uko, vakabitaje hono ha kitang'anila Vayawudi. 11Vanu va uko ku Beloya vavaga vadeche ndalahela kulutila vala va ku Tesaloniche. Vanuchilye ndongwa tsila kwa wuwiniwo ndalahela na kugahima Mandiko ga Mulungu chila siku. Nawo viputsaga kugana vatsele tsila ndongwa tso valongaga Pawulo na Sila kuta tsa kweli awu ndaya. 12Vayawudi wolofu vamutumbye Mutwa, na kanji na vadala va Chijilichi hamwe na valume wolofu Vajilichi. 13Lechelelo Vayawudi va ku Tesaloniche vavaga kuhulika kuta Pawulo ali ku Beloya anvikula Ndongwa tsa Mulungu hihilaga, vakabitaje kuko ili kuvakoka vanu vave tebe na va Pawulo. 14Luvala lulo vanu wo vamutumbye Chilisito vakumusindikitsaje Pawulo abite ku mwani gwa bahali, lechelelo Sila na Timoseyo vakasigalaje ku Beloya. 15Vala vanu wo vamusindikitsaga Pawulo vahelelise hamwe nayo mbaka ku muji gwa Asene, kuno vavaga valajitswe na Pawulo vavalonjele Sila na Timoseyo kuta vasupanitse kubita ku Asene vakihantse nayo. Nawo vakamulekaje Pawulo, vene vakawuyaje ku Beloya.
Pawulo anvikula ndongwa tsa Mulungu ku Asene
16Pawulo hoavaga anguvatsinda Sila na Timoseyo kuko ku muji gwa Asene na numbula yake yatsangalimaga ndalahela ho avaga kuwona hila muji ugo mukomi fyo gumemile misanamu ja mihoka. 17Ihyo Pawulo alonganaga na vanu wosi Vayawudi wo vamufugamilaga Mulungu hono ha kitang'anila Vayawudi. Kaha chila siku alonganaga na vanu hono ha vanu wolofu. 18Vanu vamwe wo vafwataga madahitso ga Vaepakuleyo na va Vasitoyiko wo vavaga vasomile ndalahela vakitang'anaje na Pawulo. Vamwe vakalongaje, “Mbe, uyuno munu mupuva an'jela kulonga chinu chachi?” Vamwe vakatyaje, “Yin'woneka anlonga ndongwa tsa mihoka mijentsi.” Valontsile ihyo kwasawuli Pawulo avaga anguvalonjela ndongwa tsa Yesu na wutsilipuko. 19Ihyo vakamutegulaje Pawulo na kumusindika mbaka kulibalatsa lyo lyachemwaga Aliyopago na kulonga, “Tun'gana kutsela lulongwa lulo lupya lo uvije unlonga lun'dahitsa chinu chachi? 20Tukuhuhuliche unlonga finu fijentsi. Tun'gana kutsela ndongwa tsino tsina mana yachi.” 21Vanu va ku Asene hamwe na vanu vanji vajentsi wo vikala uko sivaditaga chinu chinji, lechelelo kwa luvala lolofu valonganagana na kuhulikitsa ndongwa njentsi.
22Ihyo Pawulo akimaje halutalo ha libalatsa ilyo lya Aliyopago na kulonga kuta, henye vanyakaye va Asene ntsin'wona kuta henye muli vanu wo mungujifugamila mihoka jenyu ndalahela. 23Hala hombije ntsin'jenda uko na kula ku mujini ntsihawene hono henyu ha kufugamila, ntsihawene hono hamwe ha kutawulila nambiko ho handikwe hino, Kwa Mihoka jo Sinambe jitselaniche. Ino lelo heni ntsinguvavikulila ndongwa tsa Mulungu yula yo muvije mungumufugamila bila henye kumutsela. 24Mulungu yo awumbite inyi na fyeka fyofyofili, uyo yo Mutwa va Kilanga na inyi na siikalaga mu nyumba tso tsitsentsilwe na vanu. 25Mwene Mulungu simugayisida ya kutumichilwa na vanu awu kuta an'gana chinu chochive kuhuma kwawo, kwasawuli mwene yo avapelaga vanu veka wumi na muhe na chila chinu. 26Kukolela kwa munu yumwe, mwene Mulungu awumbite vanu ili vikale mu inyi tseka. Nayo akavavichilaje luvala lwa kikala na hono hachi hovan'ganika vikale. 27Mulungu aludisile lulongwa ulo ili vanu vamusache mwene, nayivaje kwa kwambalagata hwanda vamupate, na avaje si alikutali na chila munu, 28kota hila fyo alontsile mwimbi va ntsimbo,
Mugati mwake hetwe tungikala.
Tun'jenda na kuva wumi,
Hetwe tweka tuli vana vake.
29Hetwe tuli vana va Mulungu, siyo finofu ndaya kuhotsa kuta mwene anakota sanamu tsa tsahabu, awu madini ga fwetsa, awu kota sanamu ya liganga Lyo Lihongulwe kwa nyala tsa vanu. 30Mulungu adisile kota nambe alave hala vanu hovavaga sinambe vamutsele mwene, lechelelo sambi anguvalajitsa vanu veka va chila hono vihale ndongwa tsawo ntsibi na kumupituchila mwene, 31kaha Mulungu avisile siku yo akuvahiga vanu va inyi tseka kota fyo an'gana mwene kukolela kwa yula yo amuhagwe. Nayo avapelye vanu veka wukweli wa ndongwa tsino kwa kumutsilipula.
32Hovavaga kumuhulika Pawulo anlonga lulongwa lwa kutsilipuka, vamwe vakahekaje kwa mbedatsi na vanji vakalongaje, “Hetwe tun'gana kukuhulika kaha ulonje lulongwa ulo lwa wutsilipuko.” 33Ihyo Pawulo akawukaje na kuvaleka. 34Vanu vamwe vakihantsaje na Pawulo na kumutumba Mutwa, hagati hawo avaga hoyoli Diyonisiyo munu va libalatsa ilyo lya Aleyopago na mudala yumwe yo achemwaga litawa lya Damali na vanu vanji wolofu.
Currently Selected:
Ng’olwa 17: SBV
Highlight
Share
Compare
Copy
Want to have your highlights saved across all your devices? Sign up or sign in
The New Testament in Sagala Language @The Word for The World International and Sagala Language translation. All rights reserved.
Ng’olwa 17
17
Chitika ku muji gwa Tesaloniche
1Pawulo na Sila vakantsaje lujendo kukolela ku muji gwa Amufipoli na ku Apoloniya vakafikaje ku Tesaloniche, kuko kwavaga na hono ha kitang'anila Vayawudi. 2Pawulo kota fyo yavaga ntsovelo yake akinjilaje hono ha kitang'anila Vayawudi. Mu Siku tsidatu tsa Kwesela avaga anlongana nawo ndongwa tsa mu Mandiko ga Mulungu, 3na avalonjelaga bila kufiha kuta, Chilisito aganikaga akodwe na kutsilipulwa. Akawilaje kuvalonjela, “Yuno Chilisito yo ntsinguvalonjela ndongwa tsake, Yo Yesu.” 4Vayawudi vatunga vakavakokaje, na kihantsa na Pawulo na Sila. Vavaga Vajilichi wolofu wovavaga vangumufugamila Mulungu na vadala wolofu wo vahesimilwaga ndalahela. 5Lechelelo Vayawudi vatunga wo vavaga vang'ali kulidichila litumbilo vakawonaje mbafya, vakavakokaje vanu vabi kuhuma hono ha kugutsila finu, vakavakong'asaje vanu wolofu na kwantsisa chitika ha mujini. Vakabitaje luvilo ku nyumba ya munu yo achemwaga Yasoni na kuvasaka Pawulo na Sila ili vavahumye kivala kwa vala vanu wolofu. 6Lechelelo hovavaga sivavawene vakamukwegwenaje Yasoni na vanu vanji vamutumbye Chilisito mbaka halutalo ha filongotsi va muji kuno van'yova kuta, “Vanu vala wo vambutse chitika mu inyi tseka vatsitse mbaka ku muji gwetu, 7nayo Yasoni avalibulitse mu nyumba yake. Veka van'dita tebe na malajitso ga Kayisali, nawo vanlonga kuta koyoli muntsajila yunji, yo anchemwa Yesu.” 8Ndongwa itso tsavambutse filongotsi va muji na vanu wolofu wongetse kudita chitika. 9Nawo vala filongotsi vakavahombetsaje magobole Yasoni na vayage na kuvaleka vabitile.
Pawulo na Sila ku Beloya
10Hachilo chicho vanu wo vamutumbye Chilisito vakavalonjelaje Pawulo na Sila vabite ku Beloya. Hovavaga kufika uko, vakabitaje hono ha kitang'anila Vayawudi. 11Vanu va uko ku Beloya vavaga vadeche ndalahela kulutila vala va ku Tesaloniche. Vanuchilye ndongwa tsila kwa wuwiniwo ndalahela na kugahima Mandiko ga Mulungu chila siku. Nawo viputsaga kugana vatsele tsila ndongwa tso valongaga Pawulo na Sila kuta tsa kweli awu ndaya. 12Vayawudi wolofu vamutumbye Mutwa, na kanji na vadala va Chijilichi hamwe na valume wolofu Vajilichi. 13Lechelelo Vayawudi va ku Tesaloniche vavaga kuhulika kuta Pawulo ali ku Beloya anvikula Ndongwa tsa Mulungu hihilaga, vakabitaje kuko ili kuvakoka vanu vave tebe na va Pawulo. 14Luvala lulo vanu wo vamutumbye Chilisito vakumusindikitsaje Pawulo abite ku mwani gwa bahali, lechelelo Sila na Timoseyo vakasigalaje ku Beloya. 15Vala vanu wo vamusindikitsaga Pawulo vahelelise hamwe nayo mbaka ku muji gwa Asene, kuno vavaga valajitswe na Pawulo vavalonjele Sila na Timoseyo kuta vasupanitse kubita ku Asene vakihantse nayo. Nawo vakamulekaje Pawulo, vene vakawuyaje ku Beloya.
Pawulo anvikula ndongwa tsa Mulungu ku Asene
16Pawulo hoavaga anguvatsinda Sila na Timoseyo kuko ku muji gwa Asene na numbula yake yatsangalimaga ndalahela ho avaga kuwona hila muji ugo mukomi fyo gumemile misanamu ja mihoka. 17Ihyo Pawulo alonganaga na vanu wosi Vayawudi wo vamufugamilaga Mulungu hono ha kitang'anila Vayawudi. Kaha chila siku alonganaga na vanu hono ha vanu wolofu. 18Vanu vamwe wo vafwataga madahitso ga Vaepakuleyo na va Vasitoyiko wo vavaga vasomile ndalahela vakitang'anaje na Pawulo. Vamwe vakalongaje, “Mbe, uyuno munu mupuva an'jela kulonga chinu chachi?” Vamwe vakatyaje, “Yin'woneka anlonga ndongwa tsa mihoka mijentsi.” Valontsile ihyo kwasawuli Pawulo avaga anguvalonjela ndongwa tsa Yesu na wutsilipuko. 19Ihyo vakamutegulaje Pawulo na kumusindika mbaka kulibalatsa lyo lyachemwaga Aliyopago na kulonga, “Tun'gana kutsela lulongwa lulo lupya lo uvije unlonga lun'dahitsa chinu chachi? 20Tukuhuhuliche unlonga finu fijentsi. Tun'gana kutsela ndongwa tsino tsina mana yachi.” 21Vanu va ku Asene hamwe na vanu vanji vajentsi wo vikala uko sivaditaga chinu chinji, lechelelo kwa luvala lolofu valonganagana na kuhulikitsa ndongwa njentsi.
22Ihyo Pawulo akimaje halutalo ha libalatsa ilyo lya Aliyopago na kulonga kuta, henye vanyakaye va Asene ntsin'wona kuta henye muli vanu wo mungujifugamila mihoka jenyu ndalahela. 23Hala hombije ntsin'jenda uko na kula ku mujini ntsihawene hono henyu ha kufugamila, ntsihawene hono hamwe ha kutawulila nambiko ho handikwe hino, Kwa Mihoka jo Sinambe jitselaniche. Ino lelo heni ntsinguvavikulila ndongwa tsa Mulungu yula yo muvije mungumufugamila bila henye kumutsela. 24Mulungu yo awumbite inyi na fyeka fyofyofili, uyo yo Mutwa va Kilanga na inyi na siikalaga mu nyumba tso tsitsentsilwe na vanu. 25Mwene Mulungu simugayisida ya kutumichilwa na vanu awu kuta an'gana chinu chochive kuhuma kwawo, kwasawuli mwene yo avapelaga vanu veka wumi na muhe na chila chinu. 26Kukolela kwa munu yumwe, mwene Mulungu awumbite vanu ili vikale mu inyi tseka. Nayo akavavichilaje luvala lwa kikala na hono hachi hovan'ganika vikale. 27Mulungu aludisile lulongwa ulo ili vanu vamusache mwene, nayivaje kwa kwambalagata hwanda vamupate, na avaje si alikutali na chila munu, 28kota hila fyo alontsile mwimbi va ntsimbo,
Mugati mwake hetwe tungikala.
Tun'jenda na kuva wumi,
Hetwe tweka tuli vana vake.
29Hetwe tuli vana va Mulungu, siyo finofu ndaya kuhotsa kuta mwene anakota sanamu tsa tsahabu, awu madini ga fwetsa, awu kota sanamu ya liganga Lyo Lihongulwe kwa nyala tsa vanu. 30Mulungu adisile kota nambe alave hala vanu hovavaga sinambe vamutsele mwene, lechelelo sambi anguvalajitsa vanu veka va chila hono vihale ndongwa tsawo ntsibi na kumupituchila mwene, 31kaha Mulungu avisile siku yo akuvahiga vanu va inyi tseka kota fyo an'gana mwene kukolela kwa yula yo amuhagwe. Nayo avapelye vanu veka wukweli wa ndongwa tsino kwa kumutsilipula.
32Hovavaga kumuhulika Pawulo anlonga lulongwa lwa kutsilipuka, vamwe vakahekaje kwa mbedatsi na vanji vakalongaje, “Hetwe tun'gana kukuhulika kaha ulonje lulongwa ulo lwa wutsilipuko.” 33Ihyo Pawulo akawukaje na kuvaleka. 34Vanu vamwe vakihantsaje na Pawulo na kumutumba Mutwa, hagati hawo avaga hoyoli Diyonisiyo munu va libalatsa ilyo lya Aleyopago na mudala yumwe yo achemwaga litawa lya Damali na vanu vanji wolofu.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
The New Testament in Sagala Language @The Word for The World International and Sagala Language translation. All rights reserved.