Ng’olwa 18
18
Pawulo angugujendela muji gwa Kolindo
1Hotsavaga kulutila ndongwa itso, Pawulo akawukaje ku Asene akabitaje ku muji gwa Kolindo. 2Uko ku Kolindo akamufikaje munu yumwe va ku Wuyawudi yo achemwaga Achila yo aleliche ku mukova gwa Pondo, yo avaga afisile siku tsa habehi kuhuma ku Italiya hamwe na mudala vake yo anchemwa Pilisila, kwasawuli muntsajila va inyi ya Loma yo achemwaga Chilawudi ali avalagitse Vayawudi veka vawuche ku muji gwa Italiya. Pawulo akabitaje kuvajendela, 3Pawulo akikalaje nawo na kukola katsi hamwe nawo, kwasawuli vanu iwo katsi yawo yavaga yimwe ya kuhona fidudu fya nyingo. 4Chila Siku ya Kwesela Pawulo alonganaga na Vayawudi na Vajilichi mu nyumba ya kitang'anila Vayawudi na kujela kuvakwega ili vamutumbe Yesu. 5Sila na Timoseyo hovavaga kufika kuhuma uko ku Machedoniya, Pawulo avaga itawe muda gwake gweka kwa kuvikula ndongwa tsa Mulungu kwa kuvalonjela Vayawudi kuta Yesu yo Muhagulwa va Mulungu. 6Vayawudi vasumanaje na Pawulo kwa kumulonjela ndongwa ntsibi, Pawulo akakung'unaje mingundi ja myenda jake halutalo hawo na kulajila kuta, “Chinu chibi chochive cho chikuvapata heni ntsili muduhu! Heni ntsilihela nongwa, ndisile chila chonganikije kudita. Kuhuma sambi ntsim'bita kwa vanu wosi Vayawudi.” 7Ihyo Pawulo akawukaje iho na kubita kukala kukaye ya munu yumwe yo angumufugamila Mulungu yo achemwaga Tito Yusiti yo nyumba yake yavaga habehi na Nyumba ya kitang'anila Vayawudi. 8Muvina va nyumba ya kitang'anila Vayawudi yo achemwaga Chilisipo, mwene nayo akamutumbaje Mutwa hamwe na vanu va mu nyumba yake yeka. Vakolindo wolofu hovavaga kuhulika ndongwa itso, vakamutumbaje Mutwa na kubatitswa.
9Siku yimwe hachilo Mutwa akamulonjelaje Pawulo mu nduntsuchilo, “Uleche kogopa, wendelele kuvavikulila vanu hela bila kukatuka, 10kwakuva heni ntsili hamwe na heve. Kuduhu munu yoyuve yo afuluche akuditile chinu chibi, kwasawuli ntsina vanu wolofu ha muji guno wo van'ganika vanumbe heni.” 11Pawulo ichite kuko kwa chipindi cha mwaka gumwe na myetsi sita, adahitsaga vanu ndongwa tsa Mulungu.
12Galiyo hoavaga kuva muvina va mukova gwa Akaya, Vayawudi vakabitaje hohamwe vakamutovangaje Pawulo na kumusindika mbaka ku libalatsa lya kuhijila. 13Vakamuhigaje kwa kulonga, “Munu yuno anguvakoka vanu vamufugamile Mulungu na vave tebe na malajitso ga Musa.”
14Pawulo hoavaga ang'ali kwantsa kulonga, Galiyo akavalonjelaje Vayawudi, Manyi henye mungumuhiga munu yuno kwasawuli ya wubi wachi awu wanantsi wowuve, ntsika kuvahuliktsa. 15Lechelelo manyi yive lulongwa lwene luli kwasawuli ya matawa na malajitso genyu kuhuma kwa Musa, mulamule henye muvene. Heni sifuluche ntsive mulamutsi va ndongwa tsino! 16Ihyo akavavingaje vaheje halutalo ha chigoda cha kuhijila. 17Veka vakamubataje Sositeni yo avaga muvina va nyumba ya kitang'anila Vayawudi na vakamutovaje bahalaga halutalo ha chigoda cha kuhijila, lechelelo Galiyo siawene kuta lulongwa ulo siyo chinu.
Pawulo ampiluka ku Andiyochiya ya ku Siliya
18Pawulo endelye kikala na vala vanu wo vamutumbye Chilisito va uko ku Kolindo kwa siku ntsolofu. Kahi akavalagaje na kuwuka hamwe na Pilisila na Achila. Hovavaga kufika ku Chenichileya Pawulo akamogaje fwili tsake kwasawuli avaga asintsile lulongwa lo avaga amulahye Mulungu. 19Vakafikaje ku Efweso na Pawulo akavalekaje va Pilisila na Achila na kubita mu nyumba ya kitang'anila Vayawudi na kulongana na Vayawudi. 20Vanu iwo vakamungoloje ikale nawo kwa siku ntsolofu, ila mwene akalemaje. 21Hoavaga an'wuka akavalonjelaje, “Manyi Mulungu agane nguwuya kanji kwenyu.” Hambele Pawulo akakwinje meli na kuwuka kuhuma ku Efweso.
22Pawulo hoavaga kufika ku muji gwa Kayisaliya, akabitaje ku Yelusalemu kuchisamusa chila chikundi cha vanya litumbilo lya Chilisito, hambele akabitaje ku Andiyochiya. 23Ichite kuko luvala lutunga hela, na hambele akendelelaje na lujendo kukolela hagati na gati ha miji ja Galatiya na Fwilijiya na kuvakangatsa vadahitswa wo vavaga kuko.
Apolo anvikula ku Efweso na ku Kolindo
24Kwavaga na muyawudi yumwe litawa lyake Apolo yo alelichilye ku muji gwa Alechitsandiliya, akatsaje ku Efweso. Avaga munu munya nyala na kulonga kwa mupanjililo na avaga agatsele finofu Mandiko ga Mulungu. 25Munu yuno avaga adahitswe finofu madahitso ga Mutwa, kwasawuli iwiniwaga kudaha, nayo awutselaga hela wubatitso wa Yohana, vakamudahitsaje ndogwa tsa Yesu tsila tso avaga sinambe atsitsele. 26Apolo akantsaje kulonga na Vayawudi bila muloto hono hala ha kitang'anila. Lechelelo Pilisila na Achila hovavaga kumuhulika, vakamutegulaje mbaka kukaye yawo na kumudahitsa kwa wugatsi Ndongwa Nofu tsa Mulungu. 27Ihyo Apolo akalamulaje kubita ku Akaya, vala vanu wo vamutumbye Chilisito va ku Efweso vakamukangatsaje, ihyo vakavandichilaje baluva vadahitswa wo vavaga uko ku Akaya vamulibulitse. Hoavaga kufika kuko akavatangaje ndalahela vala wo vakuluswe kwa wuwuya wa Mulungu. 28Apolo avasumile nachene Vayawudi halutalo ha vanu veka, kwa kulajila mu Mandiko ga Mulungu kuta Yesu yo Chilisito.
Currently Selected:
Ng’olwa 18: SBV
Highlight
Share
Compare
Copy
Want to have your highlights saved across all your devices? Sign up or sign in
The New Testament in Sagala Language @The Word for The World International and Sagala Language translation. All rights reserved.
Ng’olwa 18
18
Pawulo angugujendela muji gwa Kolindo
1Hotsavaga kulutila ndongwa itso, Pawulo akawukaje ku Asene akabitaje ku muji gwa Kolindo. 2Uko ku Kolindo akamufikaje munu yumwe va ku Wuyawudi yo achemwaga Achila yo aleliche ku mukova gwa Pondo, yo avaga afisile siku tsa habehi kuhuma ku Italiya hamwe na mudala vake yo anchemwa Pilisila, kwasawuli muntsajila va inyi ya Loma yo achemwaga Chilawudi ali avalagitse Vayawudi veka vawuche ku muji gwa Italiya. Pawulo akabitaje kuvajendela, 3Pawulo akikalaje nawo na kukola katsi hamwe nawo, kwasawuli vanu iwo katsi yawo yavaga yimwe ya kuhona fidudu fya nyingo. 4Chila Siku ya Kwesela Pawulo alonganaga na Vayawudi na Vajilichi mu nyumba ya kitang'anila Vayawudi na kujela kuvakwega ili vamutumbe Yesu. 5Sila na Timoseyo hovavaga kufika kuhuma uko ku Machedoniya, Pawulo avaga itawe muda gwake gweka kwa kuvikula ndongwa tsa Mulungu kwa kuvalonjela Vayawudi kuta Yesu yo Muhagulwa va Mulungu. 6Vayawudi vasumanaje na Pawulo kwa kumulonjela ndongwa ntsibi, Pawulo akakung'unaje mingundi ja myenda jake halutalo hawo na kulajila kuta, “Chinu chibi chochive cho chikuvapata heni ntsili muduhu! Heni ntsilihela nongwa, ndisile chila chonganikije kudita. Kuhuma sambi ntsim'bita kwa vanu wosi Vayawudi.” 7Ihyo Pawulo akawukaje iho na kubita kukala kukaye ya munu yumwe yo angumufugamila Mulungu yo achemwaga Tito Yusiti yo nyumba yake yavaga habehi na Nyumba ya kitang'anila Vayawudi. 8Muvina va nyumba ya kitang'anila Vayawudi yo achemwaga Chilisipo, mwene nayo akamutumbaje Mutwa hamwe na vanu va mu nyumba yake yeka. Vakolindo wolofu hovavaga kuhulika ndongwa itso, vakamutumbaje Mutwa na kubatitswa.
9Siku yimwe hachilo Mutwa akamulonjelaje Pawulo mu nduntsuchilo, “Uleche kogopa, wendelele kuvavikulila vanu hela bila kukatuka, 10kwakuva heni ntsili hamwe na heve. Kuduhu munu yoyuve yo afuluche akuditile chinu chibi, kwasawuli ntsina vanu wolofu ha muji guno wo van'ganika vanumbe heni.” 11Pawulo ichite kuko kwa chipindi cha mwaka gumwe na myetsi sita, adahitsaga vanu ndongwa tsa Mulungu.
12Galiyo hoavaga kuva muvina va mukova gwa Akaya, Vayawudi vakabitaje hohamwe vakamutovangaje Pawulo na kumusindika mbaka ku libalatsa lya kuhijila. 13Vakamuhigaje kwa kulonga, “Munu yuno anguvakoka vanu vamufugamile Mulungu na vave tebe na malajitso ga Musa.”
14Pawulo hoavaga ang'ali kwantsa kulonga, Galiyo akavalonjelaje Vayawudi, Manyi henye mungumuhiga munu yuno kwasawuli ya wubi wachi awu wanantsi wowuve, ntsika kuvahuliktsa. 15Lechelelo manyi yive lulongwa lwene luli kwasawuli ya matawa na malajitso genyu kuhuma kwa Musa, mulamule henye muvene. Heni sifuluche ntsive mulamutsi va ndongwa tsino! 16Ihyo akavavingaje vaheje halutalo ha chigoda cha kuhijila. 17Veka vakamubataje Sositeni yo avaga muvina va nyumba ya kitang'anila Vayawudi na vakamutovaje bahalaga halutalo ha chigoda cha kuhijila, lechelelo Galiyo siawene kuta lulongwa ulo siyo chinu.
Pawulo ampiluka ku Andiyochiya ya ku Siliya
18Pawulo endelye kikala na vala vanu wo vamutumbye Chilisito va uko ku Kolindo kwa siku ntsolofu. Kahi akavalagaje na kuwuka hamwe na Pilisila na Achila. Hovavaga kufika ku Chenichileya Pawulo akamogaje fwili tsake kwasawuli avaga asintsile lulongwa lo avaga amulahye Mulungu. 19Vakafikaje ku Efweso na Pawulo akavalekaje va Pilisila na Achila na kubita mu nyumba ya kitang'anila Vayawudi na kulongana na Vayawudi. 20Vanu iwo vakamungoloje ikale nawo kwa siku ntsolofu, ila mwene akalemaje. 21Hoavaga an'wuka akavalonjelaje, “Manyi Mulungu agane nguwuya kanji kwenyu.” Hambele Pawulo akakwinje meli na kuwuka kuhuma ku Efweso.
22Pawulo hoavaga kufika ku muji gwa Kayisaliya, akabitaje ku Yelusalemu kuchisamusa chila chikundi cha vanya litumbilo lya Chilisito, hambele akabitaje ku Andiyochiya. 23Ichite kuko luvala lutunga hela, na hambele akendelelaje na lujendo kukolela hagati na gati ha miji ja Galatiya na Fwilijiya na kuvakangatsa vadahitswa wo vavaga kuko.
Apolo anvikula ku Efweso na ku Kolindo
24Kwavaga na muyawudi yumwe litawa lyake Apolo yo alelichilye ku muji gwa Alechitsandiliya, akatsaje ku Efweso. Avaga munu munya nyala na kulonga kwa mupanjililo na avaga agatsele finofu Mandiko ga Mulungu. 25Munu yuno avaga adahitswe finofu madahitso ga Mutwa, kwasawuli iwiniwaga kudaha, nayo awutselaga hela wubatitso wa Yohana, vakamudahitsaje ndogwa tsa Yesu tsila tso avaga sinambe atsitsele. 26Apolo akantsaje kulonga na Vayawudi bila muloto hono hala ha kitang'anila. Lechelelo Pilisila na Achila hovavaga kumuhulika, vakamutegulaje mbaka kukaye yawo na kumudahitsa kwa wugatsi Ndongwa Nofu tsa Mulungu. 27Ihyo Apolo akalamulaje kubita ku Akaya, vala vanu wo vamutumbye Chilisito va ku Efweso vakamukangatsaje, ihyo vakavandichilaje baluva vadahitswa wo vavaga uko ku Akaya vamulibulitse. Hoavaga kufika kuko akavatangaje ndalahela vala wo vakuluswe kwa wuwuya wa Mulungu. 28Apolo avasumile nachene Vayawudi halutalo ha vanu veka, kwa kulajila mu Mandiko ga Mulungu kuta Yesu yo Chilisito.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
The New Testament in Sagala Language @The Word for The World International and Sagala Language translation. All rights reserved.