Maliko Wulongolo
Wulongolo
Ndongwa tsotsili mu chitabu chino
Ndongwa Nofu kota fyo andiche Maliko cho chitabu chimwe mu fitabu fitayi fyofili mu Lilagano lya sambi, Chitabu chino chinkweletsela ndongwa tsa Yesu Chilisito. Chila chitabu chinchemwa, “Injili.” Chinya kutijila, “Ndongwa Nofu.” Fyandikwe hala hoavaga kufwa Yesu. Wo vandiche fitabu ifyo fimwinga wo iva, Matayo na Luka na Yohana. Ndongwa Nofu kota fyoandiche Maliko cho chitabu chidodo kulutila fila fiyage. Hihila vasomi va ndongwa tsa Bibiliya vanlonga kuta chino cho chitabu chilongola kwandikwa kwa fiyage ifyo fidatu. Chitabu chino chandikwe myaka ja sitini na jihanu mbaka sabini kuhuma Yesu aleleche. Kaha vanlonga kuta chitabu chino chandikwe ku inyi ya Loma na Maliko andiche ili kuvakangatsa numbula vanu yo vamutumbilaga Chilisito yo vikalaga ku inyi iyo ya Loma.
Hihila Maliko yuno vanu vamutselaga kwa litawa lya Yohana Maliko na hamutalo baho vajendasaga na Pawulo na Balinaba. Yavaga munyi gumwe akalemaje kujendasa na vayage mu lujendo lwa kuvikula Ndongwa Nofu tsa Mulungu. Ng'olwa 13:13. Hambele Maliko vakalekanaje na Pawulo na akabitasaje na Balinaba. Pawulo akamutegulaje Sila ili vajendase Ng'olwa 15:37-39 Maliko ali munu va habehi ndalahela na mutumi Petulo. Petulo 1:5-13. Nayivaje Maliko siatsiwene ndongwa tso adisile Yesu, vasomi vanlonga kuta Maliko avisile ntsiwuko ntsolofu tsa mutumi Petulo. Ugo go musinji gwa kwandika chitabu chino cha Ndongwa Nofu kota fyo andiche Maliko. Mu Ndongwa tsino Nofu tsoandiche Maliko tsingutudahitsa hila fyo tufuluche tuvadite vanu vave vadahitswa va Yesu na madahitso ga Yesu ga siku tsa wudugo.
Ndongwa tsotsili mugati mwa chitabu chino
Maliko angucheletsela chitabu. Maliko 1:1-13.
Maliko anlonga Ndongwa tsa Yesu hoavaga ku Galilaya Maliko 1:14-8:12
Maliko ankweletsela lujendo lwa Yesu lwa kubita ku Yelusalemu Maliko 8:22-10:52
Maliko ansinda kwa kwandika Ndongwa tsa kuwudugo tsoadisile Yesu ku Yelusalemu na hila Yesu fyo akodiche na kufwa. Kaha anlonga hila Yesu fyo atsilipuche Maliko 11:1-16:8
Currently Selected:
Maliko Wulongolo: SBV
Highlight
Share
Compare
Copy
Want to have your highlights saved across all your devices? Sign up or sign in
The New Testament in Sagala Language @The Word for The World International and Sagala Language translation. All rights reserved.