Valumi 1
1
1Heni Pawulo mutantsi va Yesu Chilisito, na mutumi yo mbagulwe na kuchemwa kwasawuli ya kuvikula Ndongwa Nofu tsa Mulungu. 2Ndongwa Nofu tsila tso Mulungu avalonje vanu kuta akuvapela na avaga alongwe kutsivikula mu Mandiko gake kukolela kwa valoli vake. 3Itso tso Ndongwa Nofu tsa Mwana va Mulungu, Mutwa vetu Yesu Chilisito, kwa kuleleka kwake kuto mun u, avaga lulelo lwa Dawudi, 4na kaha kwa wuvetso wa Muhe va Mulungu mwanga akalajilwe kuta Mwana va Mulungu kwa kutsilipulwa, nayo yo Yesu Chilisito Mutwa vetu. 5Kukolela kwa uyo Yesu, Mulungu amelye wuwuya ntsive mutumi na kuvalongotsa vanu va inyi tseka, ili vamutumbe na kumuhulikitsa Mulungu. 6Henye nyeka muli vamwe va vanu wo vachemilwe na Mulungu ili muve vanu vake Yesu Chilisito.
7Heni mutumi Pawulo yo ntsandiche baluva yino, wo mun'ganwa na Mulungu ndalahela na wo muchemilwe muve vahagulwa vake. Ntsinguvasuchila kuta wuwuya na wusichimafu wo wunhuma kwa Mulungu Dada vetu na kwa Mutwa vetu Yesu Chilisito wuvaje hamwe na henye.
Suko na kumulumba Mulungu
8Kulutila fyeka, ntsin'gana ndongole kumulumba Mulungu vangu kukolela kwa Yesu Chilisito kwasawuli ya henye nyeka na kwasawuli ya litumbilo lyenu lyo linvikulwa mu inyi tseka. 9Mulungu yo ntsingumutumichila kwa numbula yangu yeka kwa kutsivikula Ndongwa Nofu tsa Mwanange, mwene yo an'tsela ntsinlonga wukweli kuta ntsinguviwuka lwa hihyo mu suko tsangu. 10Ntsingumusuka angavile mbetse kutsa kwa henye. 11Ntsingiwiniwa ndalahela kuvawona ili ntsivatanje mupata fifunje fya Muhe va Mulungu ili mukangatswe mu litumbilo lyenyu. 12Kulutila ihyo, henye na heni twikangatse mu litumbilo lya Yesu Chilisito. 13Vang'olotsangu ntsin'gana mutsele kuta, mala ntsongofu ntsaganaga kutsa kwa henye, lechelelo mbaka sambi ndemitswe. Ntsitse kwa henye ili ntsivakweje vanu vamutumbye Chilisito, kota hila fyo ngadisile kwa vanu vanji wosi Vayawudi. 14Heni ntsin'ganika kuvavikulila vanu veka, kwa Vajilichi na kwa wosi Vajilichi, na kaha ntsin'ganika kwa vanu vanya ntselo na wo valihela ntselo. 15Ihyo ntsili chang'ani kutsivikula Ndongwa Nofu tsa Chilisito kwa henye yo muli ku Lumi.
Wuvetso wa Ndongwa Nofu
16Heni sinambe ntsitsiwonele nyoni kuvikula Ndongwa Nofu tsa Chilisito, kwasawuli itso tso wuvetso wa Mulungu tso tsin'leta wukulusi kwa chila munu yo angutsitumba, kwa Muyawudi tandi na kaha kwa vanu wosi Vayawudi. 17Kwasawuli lulongwa Lunofu lwa Mulungu lulajilaga bila kifiha hila fyo tun'ganika tuve ili tudichilwe halutalo ha Mulungu, lulongwa ulu luditwaga kwa litumbilo kuhuma hamutalo mbaka hawudugo. Kota fyo yandikwe kuta, “Munu muwuya akikala kwa litumbilo.”
Ndongwa ntsibi tsa vanu
18Mbipo ya Mulungu kuhuma Kilanga yiwonekaga kwa vanu veka wo van'dita ndongwa ntsibi na wubi weka wo wuli tebe na mwene, nawo vankwambutsa vanu valeche kuwutsela wukweli wa Mulungu. 19Kwasawuli chila munu anguwutsela wukweli wa Mulungu hila fyo wuli, kwasawuli Mulungu mwanga avalaje lulongwa ulo. 20Luhuma hala Mulungu ho awumbite inyi, wula wuvetso wake wa siku tseka tsotsigaya wudugo na mwene fyo ali Mulungu, na yivaje sinambe wuwoneche kwa miho wuwonekaga bila kifiha, nawo vanu vafuluche vatsele ndongwa tseka kukolela kwa finu fyo awumbite. Ihyo vanu valihela lulongwa lwa kipamanila. 21Nayivaje vanu iwo van'tsela kuta kuna Mulungu, lechelelo sinambe vamufugamile kota fyo yin'ganika na kumulumba, mahotso gawo gaveye mabi na sinambe vatselewe ndongwa tsa Mulungu. 22Vangidutsa kuta vana nyala kumbe vapuva hela, 23vanleka kumufugamila Mulungu yo mumi siku tseka tso tsigaya wudugo kwa minu jojihongulwe na kuhwanitsa na munu yo afwaga, awu mideje, awu minyama, awu finu fyo finkwava.
24Ihyo Mulungu akavalekaje valongotswe na mbwiniwo tsawo tsibi tsa numbula tsawo ili viditile waafu na kibedalana mu mivili jawo. 25Vakagalulaje wukweli wa Mulungu wuve wudesi na kufugamila finu fyo awumbite Mulungu na kuleka kumufugamila Mulungu yo an'ganika kufugamilwa siku tseka tso tsigaya wudugo. Eena!
26Ihyo Mulungu akavalekaje vafwate mbwimiwo tsawo tsibi. Nambe vadala vawo vakabadilasaje ntsovelo tsa mivili jawo tsa kuva na valume vawo, na kuditilana vene kwa vene. 27Nawo Valume vakaditaje hihyo, vakalekaje ntsovelo tsa kuva na mulume na mudala, vakiwiniwaje vene kwa vene. Valume vakaditaje ndongwa tsa kuhonga nyoni na valume vayawo, nawo vakatowaje kota fyo yin'ganika kwasawuli ya ndongwa tsawo ntsibi.
28Kota hila fyo valemile kumutsela Mulungu nayo Mulungu avalesile mu mbwiniwo tsawo ntsibi, nawo vakaditaje ndongwa tso sitsaganikaga kuditwa. 29Vavaga na wubi wa chila ayina, kaha vavaga na waafu, na mbwiniwo tsa ndongwa ntsibi, mahotso mabi na mbafya, na wukopolaji, wudesi, chitika na wuhehi, 30na wudeteletsi, wo vangumuvipila Mulungu, vanya chitika, na vanya kidutsa, na vanya kikangatsa kudita ndongwa ntsibi, na wosi nambe vavahulikitse valeli vawo, 31vapuva, wo valihela litumbilo na wo valihela lusungu. 32Nayivaje vangugatsela malajitso ga Mulungu kuta vanu wo van'dita ndongwa kota itso van'ganika kukopolwa. Kulutila ihyo, siyo kuta vankwendelela kudita ndongwa itso ng'ani ila vanguvatsumila na vala wo van'dita itso.
Currently Selected:
Valumi 1: SBV
Highlight
Share
Compare
Copy
Want to have your highlights saved across all your devices? Sign up or sign in
The New Testament in Sagala Language @The Word for The World International and Sagala Language translation. All rights reserved.
Valumi 1
1
1Heni Pawulo mutantsi va Yesu Chilisito, na mutumi yo mbagulwe na kuchemwa kwasawuli ya kuvikula Ndongwa Nofu tsa Mulungu. 2Ndongwa Nofu tsila tso Mulungu avalonje vanu kuta akuvapela na avaga alongwe kutsivikula mu Mandiko gake kukolela kwa valoli vake. 3Itso tso Ndongwa Nofu tsa Mwana va Mulungu, Mutwa vetu Yesu Chilisito, kwa kuleleka kwake kuto mun u, avaga lulelo lwa Dawudi, 4na kaha kwa wuvetso wa Muhe va Mulungu mwanga akalajilwe kuta Mwana va Mulungu kwa kutsilipulwa, nayo yo Yesu Chilisito Mutwa vetu. 5Kukolela kwa uyo Yesu, Mulungu amelye wuwuya ntsive mutumi na kuvalongotsa vanu va inyi tseka, ili vamutumbe na kumuhulikitsa Mulungu. 6Henye nyeka muli vamwe va vanu wo vachemilwe na Mulungu ili muve vanu vake Yesu Chilisito.
7Heni mutumi Pawulo yo ntsandiche baluva yino, wo mun'ganwa na Mulungu ndalahela na wo muchemilwe muve vahagulwa vake. Ntsinguvasuchila kuta wuwuya na wusichimafu wo wunhuma kwa Mulungu Dada vetu na kwa Mutwa vetu Yesu Chilisito wuvaje hamwe na henye.
Suko na kumulumba Mulungu
8Kulutila fyeka, ntsin'gana ndongole kumulumba Mulungu vangu kukolela kwa Yesu Chilisito kwasawuli ya henye nyeka na kwasawuli ya litumbilo lyenu lyo linvikulwa mu inyi tseka. 9Mulungu yo ntsingumutumichila kwa numbula yangu yeka kwa kutsivikula Ndongwa Nofu tsa Mwanange, mwene yo an'tsela ntsinlonga wukweli kuta ntsinguviwuka lwa hihyo mu suko tsangu. 10Ntsingumusuka angavile mbetse kutsa kwa henye. 11Ntsingiwiniwa ndalahela kuvawona ili ntsivatanje mupata fifunje fya Muhe va Mulungu ili mukangatswe mu litumbilo lyenyu. 12Kulutila ihyo, henye na heni twikangatse mu litumbilo lya Yesu Chilisito. 13Vang'olotsangu ntsin'gana mutsele kuta, mala ntsongofu ntsaganaga kutsa kwa henye, lechelelo mbaka sambi ndemitswe. Ntsitse kwa henye ili ntsivakweje vanu vamutumbye Chilisito, kota hila fyo ngadisile kwa vanu vanji wosi Vayawudi. 14Heni ntsin'ganika kuvavikulila vanu veka, kwa Vajilichi na kwa wosi Vajilichi, na kaha ntsin'ganika kwa vanu vanya ntselo na wo valihela ntselo. 15Ihyo ntsili chang'ani kutsivikula Ndongwa Nofu tsa Chilisito kwa henye yo muli ku Lumi.
Wuvetso wa Ndongwa Nofu
16Heni sinambe ntsitsiwonele nyoni kuvikula Ndongwa Nofu tsa Chilisito, kwasawuli itso tso wuvetso wa Mulungu tso tsin'leta wukulusi kwa chila munu yo angutsitumba, kwa Muyawudi tandi na kaha kwa vanu wosi Vayawudi. 17Kwasawuli lulongwa Lunofu lwa Mulungu lulajilaga bila kifiha hila fyo tun'ganika tuve ili tudichilwe halutalo ha Mulungu, lulongwa ulu luditwaga kwa litumbilo kuhuma hamutalo mbaka hawudugo. Kota fyo yandikwe kuta, “Munu muwuya akikala kwa litumbilo.”
Ndongwa ntsibi tsa vanu
18Mbipo ya Mulungu kuhuma Kilanga yiwonekaga kwa vanu veka wo van'dita ndongwa ntsibi na wubi weka wo wuli tebe na mwene, nawo vankwambutsa vanu valeche kuwutsela wukweli wa Mulungu. 19Kwasawuli chila munu anguwutsela wukweli wa Mulungu hila fyo wuli, kwasawuli Mulungu mwanga avalaje lulongwa ulo. 20Luhuma hala Mulungu ho awumbite inyi, wula wuvetso wake wa siku tseka tsotsigaya wudugo na mwene fyo ali Mulungu, na yivaje sinambe wuwoneche kwa miho wuwonekaga bila kifiha, nawo vanu vafuluche vatsele ndongwa tseka kukolela kwa finu fyo awumbite. Ihyo vanu valihela lulongwa lwa kipamanila. 21Nayivaje vanu iwo van'tsela kuta kuna Mulungu, lechelelo sinambe vamufugamile kota fyo yin'ganika na kumulumba, mahotso gawo gaveye mabi na sinambe vatselewe ndongwa tsa Mulungu. 22Vangidutsa kuta vana nyala kumbe vapuva hela, 23vanleka kumufugamila Mulungu yo mumi siku tseka tso tsigaya wudugo kwa minu jojihongulwe na kuhwanitsa na munu yo afwaga, awu mideje, awu minyama, awu finu fyo finkwava.
24Ihyo Mulungu akavalekaje valongotswe na mbwiniwo tsawo tsibi tsa numbula tsawo ili viditile waafu na kibedalana mu mivili jawo. 25Vakagalulaje wukweli wa Mulungu wuve wudesi na kufugamila finu fyo awumbite Mulungu na kuleka kumufugamila Mulungu yo an'ganika kufugamilwa siku tseka tso tsigaya wudugo. Eena!
26Ihyo Mulungu akavalekaje vafwate mbwimiwo tsawo tsibi. Nambe vadala vawo vakabadilasaje ntsovelo tsa mivili jawo tsa kuva na valume vawo, na kuditilana vene kwa vene. 27Nawo Valume vakaditaje hihyo, vakalekaje ntsovelo tsa kuva na mulume na mudala, vakiwiniwaje vene kwa vene. Valume vakaditaje ndongwa tsa kuhonga nyoni na valume vayawo, nawo vakatowaje kota fyo yin'ganika kwasawuli ya ndongwa tsawo ntsibi.
28Kota hila fyo valemile kumutsela Mulungu nayo Mulungu avalesile mu mbwiniwo tsawo ntsibi, nawo vakaditaje ndongwa tso sitsaganikaga kuditwa. 29Vavaga na wubi wa chila ayina, kaha vavaga na waafu, na mbwiniwo tsa ndongwa ntsibi, mahotso mabi na mbafya, na wukopolaji, wudesi, chitika na wuhehi, 30na wudeteletsi, wo vangumuvipila Mulungu, vanya chitika, na vanya kidutsa, na vanya kikangatsa kudita ndongwa ntsibi, na wosi nambe vavahulikitse valeli vawo, 31vapuva, wo valihela litumbilo na wo valihela lusungu. 32Nayivaje vangugatsela malajitso ga Mulungu kuta vanu wo van'dita ndongwa kota itso van'ganika kukopolwa. Kulutila ihyo, siyo kuta vankwendelela kudita ndongwa itso ng'ani ila vanguvatsumila na vala wo van'dita itso.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
The New Testament in Sagala Language @The Word for The World International and Sagala Language translation. All rights reserved.