Valumi 2
2
Nyigo ya Mulungu
1Ihyo manyi unguvahiga vanu vanji na heve un'dita ndongwa tsitso tso van'dita siufuluche wipamane, kwasawuli hila fyo unguvahiga vanu vanji kwa lulongwa loluve na heve mwene ungihiga. 2Hetwe tun'tsela kuta Mulungu avahigaga kota fyo yin'ganika vanu vala wo van'dita ndongwa kota itso. 3Mbe, heve munu yo unhiga ndongwa itso na heve un'dita ndongwa kota tsitso, unhotsa kuta ufuluche utyeje nyigo ya Mulungu? 4Awu unguwubedala wuwuya wake wukomi na lusungu lwake na kutsinda kwake, kuno sinambe utsele kuta uwo wuwuya wake wun'gana wukulongotse uleche ndongwa ntsibi na kumupituchila mwene? 5Lechelelo kwasawuli ya wukangafu wa numbula yako yoyilema kuleka ndongwa ntsibi na kumupituchila Mulungu, ungivichila achiba ya chitowo cha siku yila ya mbipo ya Mulungu yo chila munu akumuwona fyo anguvahiga vanu kwa wuwuya. 6Siku iyo Mulungu akumuhomba chila munu hihila kota fyotsili ng'olwa tsake. 7Vanu vala wo vangikatsa kwa kutsidita ndongwa nofu, vansaka wumelemo na hesima na wumi wosi wukwananjika, kaha Mulungu akuvapela wumi wo wugaya wudugo. 8Lechelelo kwa vanu vala wo vansaka ndongwa tsawo vene na vala wo vanguwulema wukweli kwa kufwata ndongwa tsawo ntsibi, iwo Mulungu akuvavipila na kuvahiga. 9Kukuva na ng'odeko na ng'ung'uto kwa chila munu yo an'dita ndongwa ntsibi, akulongola Muyawudi na kaha vanu vala wosi Vayawudi. 10Lechelelo Mulungu akumupela chila munu yo an'dita ndongwa nofu akuvadita vatsumitswe na vanu na kuhesimilwa na vakuva na wusichimafu, kwa Muyawudi tandi na kwa wosi Vayawudi. 11Kwasawuli Mulungu siamuhigaga munu yoyuve kwa wuvagu.
12Vanu veka wosi Vayawudi wo van'dita ndongwa ntsibi kuno si vagatsele malajitso ga Musa go apelitwe na Mulungu, vakwananjika navavaje sivagatsele malajitso ga Musa. Nawo Vayawudi vala wo van'dita ndongwa ntsibi kuno vangugatsela malajitso ga Musa go apelitwe na Mulungu, vakuhigwa kwa malajitso ga Musa. 13Siyo vanu vala wo vanhulika malajitso wo van'valilwa wuwuya kwa Mulungu. Lechelelo wo van'valilwa wuwuya wo vala wo vanhulika na wovan'dita kota hila majitso fyo gan'gana. 14Enaa! Muhotse tandi kwa vanu vala wosi Vayawudi wo sivapelitwe malajitso ga Musa, lechelelo hovangugadita malajitso igo kwa kulongotswa na numbula tsawo, vene vankuva malajitso nayivaje si vagatsele malajitso igo. 15Iwo vanlajila kuta gala go gan'ganika mu malajitso igo gandikwe mu numbula tsawo. Numbula tsawo tsinlajila na mahotso gawo gansumana na kuvahiga awu kuvapamanila. 16Ihyo kota hila fyo ntsavavikulye Ndongwa Nofu tsa Mulungu, ndongwa itsi tsikuhumila siku yila Mulungu ho akutsihiga fiho tsa vanu kwa kukolela kwa Yesu Chilisito.
Vayawudi na Malajitso
17Heve yo ungichema kuta uli Muyawudi na kihuvila malajitso ga Musa go apelitwe na Mulungu na kidutsa kuta heve uli munu va Mulungu, 18kaha ungutsitsela ndongwa nofu tso angutsigana Mulungu, na widahitse kwa malajitso ga Musa kuta ufuluche uhime na kuhagula kudita ndongwa tso angutsigana Mulungu, 19na un'tsela nachene kuta heve uli chilongotsi va fibofu na heve yo uli tala ya vanu wo vali mujitsa, 20na heve unhotsa kuta ufuluche uvalongotse vanu vapufi na kuvadahitsa vanu wo vankwantsa kidahitsa wukweli wa litumbilo, kwasawuli heve una nyala na un'tsela wukweli wa chila chinu chochili mu malajitso igo ga Musa. 21Lelo heve yo unguvadahitsa vanu vanji, mbona ulema kidahitsa? Heve yo unguvadahitsa kuta “Alahogola munu kuhitsa,” Mbona heve mwene unhitsa? 22Heve yo unlonga “Alahogola munu kuva mwaafu,” Mbona heve mwene un'dita waafu? Heve yo unvipila mihoka ja kuhongolwa, mbona heve mwene un'hitsa finu mu nyumba tsa mihoka ijo? 23Mbe! Heve yo ungidutsa kwasawuli ya malajitso, lechelelo ungumubedala Mulungu kwa kudita finji na malajitso gage? 24Kota hila fyo yandikwe mu mandiko ga Mulungu kuta, “Vanu va inyi tsinji vangumuliga Mulungu kwasawuli ya heve Muyawudi.”
25Kwinjila likumbi kwa munu yula yo sinambe ahulikitse malajitso kukuva na mana yachi manyi an'telana na malajitso igo, nalyo likumbi lyake lifuluche lifwaye chinu chachi? 26Ino lelo manyi vala wo sivinje likumbi van'dita kota hila fyo gan'gana malajitso, mbe sivafuluche vavalilwe kuta vinje likumbi? 27Ihyo kwa munu yula yosi inje likumbi va inyi yinji yo angugadita malajitso, akuleka ndawuli kukuhiga heve Muyawudi yo winje likumbi na wanuche mandiko na kugatsela malajitso ga Mulungu ndalahela kuno un'dita finji? 28Munu si afuluche ave Muyawudi nachene kwa hila fyo anwoneka hela, na likumbi lya wukweli si chinu cha mwivala hela awu cha muvili hela. 29Lechelelo munu ankuva Muyawudi hila fyo ali mugati na likumbi lya wukweli linkuva lya mu numbula siyo mumuvili ndaya. Munu kota uyo siafuluche atsumilwe na vanu, lechelelo munu uyo adichilwaga na Mulungu.
Currently Selected:
Valumi 2: SBV
Highlight
Share
Compare
Copy
Want to have your highlights saved across all your devices? Sign up or sign in
The New Testament in Sagala Language @The Word for The World International and Sagala Language translation. All rights reserved.
Valumi 2
2
Nyigo ya Mulungu
1Ihyo manyi unguvahiga vanu vanji na heve un'dita ndongwa tsitso tso van'dita siufuluche wipamane, kwasawuli hila fyo unguvahiga vanu vanji kwa lulongwa loluve na heve mwene ungihiga. 2Hetwe tun'tsela kuta Mulungu avahigaga kota fyo yin'ganika vanu vala wo van'dita ndongwa kota itso. 3Mbe, heve munu yo unhiga ndongwa itso na heve un'dita ndongwa kota tsitso, unhotsa kuta ufuluche utyeje nyigo ya Mulungu? 4Awu unguwubedala wuwuya wake wukomi na lusungu lwake na kutsinda kwake, kuno sinambe utsele kuta uwo wuwuya wake wun'gana wukulongotse uleche ndongwa ntsibi na kumupituchila mwene? 5Lechelelo kwasawuli ya wukangafu wa numbula yako yoyilema kuleka ndongwa ntsibi na kumupituchila Mulungu, ungivichila achiba ya chitowo cha siku yila ya mbipo ya Mulungu yo chila munu akumuwona fyo anguvahiga vanu kwa wuwuya. 6Siku iyo Mulungu akumuhomba chila munu hihila kota fyotsili ng'olwa tsake. 7Vanu vala wo vangikatsa kwa kutsidita ndongwa nofu, vansaka wumelemo na hesima na wumi wosi wukwananjika, kaha Mulungu akuvapela wumi wo wugaya wudugo. 8Lechelelo kwa vanu vala wo vansaka ndongwa tsawo vene na vala wo vanguwulema wukweli kwa kufwata ndongwa tsawo ntsibi, iwo Mulungu akuvavipila na kuvahiga. 9Kukuva na ng'odeko na ng'ung'uto kwa chila munu yo an'dita ndongwa ntsibi, akulongola Muyawudi na kaha vanu vala wosi Vayawudi. 10Lechelelo Mulungu akumupela chila munu yo an'dita ndongwa nofu akuvadita vatsumitswe na vanu na kuhesimilwa na vakuva na wusichimafu, kwa Muyawudi tandi na kwa wosi Vayawudi. 11Kwasawuli Mulungu siamuhigaga munu yoyuve kwa wuvagu.
12Vanu veka wosi Vayawudi wo van'dita ndongwa ntsibi kuno si vagatsele malajitso ga Musa go apelitwe na Mulungu, vakwananjika navavaje sivagatsele malajitso ga Musa. Nawo Vayawudi vala wo van'dita ndongwa ntsibi kuno vangugatsela malajitso ga Musa go apelitwe na Mulungu, vakuhigwa kwa malajitso ga Musa. 13Siyo vanu vala wo vanhulika malajitso wo van'valilwa wuwuya kwa Mulungu. Lechelelo wo van'valilwa wuwuya wo vala wo vanhulika na wovan'dita kota hila majitso fyo gan'gana. 14Enaa! Muhotse tandi kwa vanu vala wosi Vayawudi wo sivapelitwe malajitso ga Musa, lechelelo hovangugadita malajitso igo kwa kulongotswa na numbula tsawo, vene vankuva malajitso nayivaje si vagatsele malajitso igo. 15Iwo vanlajila kuta gala go gan'ganika mu malajitso igo gandikwe mu numbula tsawo. Numbula tsawo tsinlajila na mahotso gawo gansumana na kuvahiga awu kuvapamanila. 16Ihyo kota hila fyo ntsavavikulye Ndongwa Nofu tsa Mulungu, ndongwa itsi tsikuhumila siku yila Mulungu ho akutsihiga fiho tsa vanu kwa kukolela kwa Yesu Chilisito.
Vayawudi na Malajitso
17Heve yo ungichema kuta uli Muyawudi na kihuvila malajitso ga Musa go apelitwe na Mulungu na kidutsa kuta heve uli munu va Mulungu, 18kaha ungutsitsela ndongwa nofu tso angutsigana Mulungu, na widahitse kwa malajitso ga Musa kuta ufuluche uhime na kuhagula kudita ndongwa tso angutsigana Mulungu, 19na un'tsela nachene kuta heve uli chilongotsi va fibofu na heve yo uli tala ya vanu wo vali mujitsa, 20na heve unhotsa kuta ufuluche uvalongotse vanu vapufi na kuvadahitsa vanu wo vankwantsa kidahitsa wukweli wa litumbilo, kwasawuli heve una nyala na un'tsela wukweli wa chila chinu chochili mu malajitso igo ga Musa. 21Lelo heve yo unguvadahitsa vanu vanji, mbona ulema kidahitsa? Heve yo unguvadahitsa kuta “Alahogola munu kuhitsa,” Mbona heve mwene unhitsa? 22Heve yo unlonga “Alahogola munu kuva mwaafu,” Mbona heve mwene un'dita waafu? Heve yo unvipila mihoka ja kuhongolwa, mbona heve mwene un'hitsa finu mu nyumba tsa mihoka ijo? 23Mbe! Heve yo ungidutsa kwasawuli ya malajitso, lechelelo ungumubedala Mulungu kwa kudita finji na malajitso gage? 24Kota hila fyo yandikwe mu mandiko ga Mulungu kuta, “Vanu va inyi tsinji vangumuliga Mulungu kwasawuli ya heve Muyawudi.”
25Kwinjila likumbi kwa munu yula yo sinambe ahulikitse malajitso kukuva na mana yachi manyi an'telana na malajitso igo, nalyo likumbi lyake lifuluche lifwaye chinu chachi? 26Ino lelo manyi vala wo sivinje likumbi van'dita kota hila fyo gan'gana malajitso, mbe sivafuluche vavalilwe kuta vinje likumbi? 27Ihyo kwa munu yula yosi inje likumbi va inyi yinji yo angugadita malajitso, akuleka ndawuli kukuhiga heve Muyawudi yo winje likumbi na wanuche mandiko na kugatsela malajitso ga Mulungu ndalahela kuno un'dita finji? 28Munu si afuluche ave Muyawudi nachene kwa hila fyo anwoneka hela, na likumbi lya wukweli si chinu cha mwivala hela awu cha muvili hela. 29Lechelelo munu ankuva Muyawudi hila fyo ali mugati na likumbi lya wukweli linkuva lya mu numbula siyo mumuvili ndaya. Munu kota uyo siafuluche atsumilwe na vanu, lechelelo munu uyo adichilwaga na Mulungu.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
The New Testament in Sagala Language @The Word for The World International and Sagala Language translation. All rights reserved.