1 ABAKORINTO 2
2
Pawulo Yiigiisha ibya Yesu Wabambwe ku Musaraba
1Bavandimwe, ubwo naaje iwaanyu kwamamaza amabanga y'Imaana, sinakoreesheje amagambo akomeye, cangwa ay'ubwenge buhanitse. 2Kuko nahisemo kutagira ikindi mbamenyeesha keretse Yesu Kristo wabambwe ku musaraba. 3#Iby 18:9.Kandi igihe naazaga iwaanyu, nari mfite intege nke, ndetse ntinya kandi mpinda umushitsi. 4Kandi ntaabwo niigiishije no kwamamaza Inkuru Nziiza nkoreesheje amagambo yo kwemeza y'ubwenge bw'abantu, ahuubwo nabeemeje ku bw'ububaasha bw'Umwuka w'Imaana. 5Kwizeera kwanyu reero kukaba kudashingiye ku bwenge bw'abantu, ahuubwo kukaba gushingiye ku mbaraga z'Imaana.
Ubwenge bw'Imaana
6Icakora abamaze gukomera mu by'Umwuka, tubabwiriza ubutumwa bw'ubwenge, ariko ntaabwo ari ubwenge bw'iyi si cangwa ubwenge bw'abategeka iyi si bagiiye kurimbuka. 7Ahuubwo ubwenge bwo naamamaza ni ubwenge bw'Imaana bwahishwe abantu kuva keera koose, Imaana ikabugenera kuduheesha icuubahiro. 8Ntaan'umwe mu batware b'iyi si wiigeze kumenya ubu bwenge, kuko iyo baba baarabumenye, ntibaba baarabambye Umwami w'ikuzo ku musaraba. 9Ahuubwo nk'uko ibyanditswe bivuga ngo,
“Ico ijiisho ritaaboonye cangwa ngo ugutwi kumve,
ico umuntu atiigeze ateekereza ko caabaho,
ni co Imaana yateguuriye abayikunda.”
10Ariko Imaana yakoreesheje Umwuka waayo kuduhishuurira amabanga yaayo, kandi Umwuka w'Imaana agenzuura byose ndetse n'amayobera y'Imaana. 11Mbese ni nde wamenya ikiri ku mutima w'umuntu keretse umwuka uri muri uwo muntu? Ni na ko ari ntaamuntu waamenya iby'Imaana, keretse Umwuka waayo. 12Noone reero ntaabwo ari umwuka w'iyi si twahaawe, ahuubwo twahaawe Umwuka uva ku Maana, kugira ngo tumenye impaano Imaana yaduteguuriye.
13Ibi ntaabwo tubivuga mu magambo twiigiishijwe n'abantu, ahuubwo ni mu magambo twiigiishijwe n'Umwuka w'Imaana, uduha gusobaanura iby'Umwuka kuri abo basanzwe bamufite. 14Umuntu utagira Umwuka w'Imaana ntaabwo ashobora kwakiira iby'Umwuka w'Imaana, ndetse kuri we abyita ubupfu. Ntaabwo ashobora kubimenya kuko bigenzuurwa n'ufite Umwuka w'Imaana wenyine. 15Umuntu ufite Umwuka w'Imaana agenzuura byose, kandi we ntaawamugenzuura. 16Nk'uko ibyanditswe bivuga ngo,
“Ni nde wamenye ibiteekerezo by'Uhoraho
kugira ngo ashobore kumugiira inaama?”
Nyamara twebwe dufite ibiteekerezo nk'ibya Kristo.
Currently Selected:
1 ABAKORINTO 2: Ruf
Highlight
Share
Compare
Copy
Want to have your highlights saved across all your devices? Sign up or sign in
Published by
The Bible Society of Uganda
P.O. Box 3621
KAMPALA, Uganda
© The Bible Society of Uganda, 2022
Illustrations by Horace Knowles
The British and Foreign Bible Society, London, England, 1954, 1967, 1972.
Additions and amendments by Louise Bass
The British and Foreign Bible Society, London, England, 1994.
ISBN 978-9970-510-34-4