Matius 11
11
Yesuse nafetang Yohanes ta nfasisopca
(Luk. 7:18-35)
1Yesuse nfafcule fola ni murit yafasa re silu tasa, I nfateam gagaw cia. Taga nfane nfafcule fare nfabinga Jou Lahatalla ni Abar Mafia lali smat ta rteteam mali bendar fare batang Galileana.
2Oras cia, Yohanes ta nfasisopca i mali buica lolo. Ga oras Yohanese nlonga ga farumi ta Yesuse Kristuse npeina, i ncula ni muritna rfan rfautno Yesus. 3Si rfautan laitane, “Apa, Aw to Kolano ta Jou Lahatalla njaji bo mlafona? Pare amame nane ktotoman ta nesana?”
4Gabe Yesuse nua si, “Mewe flolai lali Yohanes i bo fabinga i ahai ta mew fem fare ta flongana: 5Smat ta rbiafna deme to, smat ta rfanfan pana rfane to, smat ta rpadona rmafia to, smat ta rlonga pana rlonga to, smat ta rmatna rpaling hawe, fare smat ta riri re rari pana rlonga Abar Mafia mali Jou Lahatalla i.” 6Fare Yesuse ncula si dua Yohanes hawe, “Smat ta rtaf Ya pa fare rdela turus, i to ta osta ncangnangca.”
7Oras ta Yohanese ni muritna rfane to, Yesuse mulaine nua smat ta manana ga Yohanes. I nu laitane, “Bahngana oras ta Yohanese nfafcule mali padang gurun, gagaw isa ta namliley fare nalaspa mali pnuna, mewe ffan lalina bo fpesa? Pare mewe bo fem smat ta wol pusa tae nu nesa mdoma nu nesaca, laisa mom ta ngangala ningalena latanca nufi? Osta enpa paga? 8Pare bo ahai mew fan lalina? Bo feme smat ta rpake kabaya mafiana? Osta enpa, smat ta rpake kabaya mafiana si gagao rina mali kolanoca ni istanaca. 9Gabe bo ahai mewe ffan lalina? Pare mew ffan lali bo fem Yohanes ningalena i nabi i, smat ta nfalafo Jou Lahatalla ni fatnaw? Fatutua to! Yohanese nabi i ga mew flolam, Yohanese nfoloi mali nabi ta nesana. 10Ga tantuba be mali Jou Lahatalla ni Kitabca Jou Lahatalla nu ga Yohanes laitane,
‘Flolam e! Ya bo isula nik susulaca nlafo ntuba mali Awi.
I cia ta bo nfamawa laling
bo smatna rciap rderera Aw.’ ”
11Yesuse nu hawe, “Flolam famafia e, mali farumi smat ta mapingna rdadikna si mali dunia tae, isa pa ta nfoloi mali Yohanes ta nfasisopca. Ga oras tae, ise be, biarega smatca ningale pa, gabe laisa Jou Lahatalla Nkawasa ndadi Kolano mali i ni tubca, smat cia ta nfoloi mali Yohanes i. 12Mulain mali Yohanes ta nfasisopca nlafo denabe oras tae, en smat ta wlorina mayai rfakotale re smat diranca ta rdadi Jou Lahatalla ni smat si tona bo si mati rdela Jou Lahatallana to, fare si le ma rmario bo rkawasa smat tina. 13Ga, oras ta Yohanese nlafo paube, mali farumi fatfato ta en mali Musa ni Kitab silim tasa fare mali kitab ta nabi nesana rlefo, rfabinga to ahai ta ndadi i oras tae, Jou Lahatalla Nkawasa to mali smat ta rdela i na. 14Ga mana en rfabinga, nabi Elia bo nlafo hawe. Ya iku mew, biarega mali mewina diranca rdela pa nabi Elia ta du bo nlafo cia, cia Yohanese to. 15Gabe, flonga tina famafia fare fising mali wlomewna!
16Ya bo ifatailo smat ta oras taena re ahai e? Si laisa wai nene ta rtotolang mali pasarna ga rfable fare rgigam lali riri delna laitane,
17‘Amame kuf suling bo mew,
ga mew failow pa bo fowana.
Amame kmanyanyi nyanyian ta smatna rmat,
ga mew failow pa bo fftangisna.’ ”
18Gabe Yesuse nu hawe andeande cia ningalena laitane, “Smat ta rtub oras taena laisa wai nene tina. Si dailow pa ndumi. Oras Yohanese nlafo si dailowi pa. I jaga npuasa fare i ma ndom anggur pa, ga si du, ‘I, setane ncung i!’ 19Ga oras tae, Ya Smat ta mali sorogai ilafo to. Ya ipuasa pa fare Ya ma jaga idom anggur. Ga smatna du, ‘Co fem! Smat tae nmasefsefat fare nmadom. I ma jaga ifadel-delo re smat ta jaga rfautno pajakna fare smat ta rbaradosa nesana.’ Ga biarega mew failow Ya re Yohanes pa, Jou Lahatalla ni kawasana osta mew fem oras smat ta rderera Jou Lahatalla ni sogarona si osta rfaem riri tabeat ta mafiana.”
Yesuse ntolea smat ta diwane wlorina pana
(Luk. 10:13-15)
20Fola tina, Yesuse nmulaine ntolea smat ta si mali bendar sifis tasa, ningalena faifise to I npei mujizat mali bendar tina, ga si dailow pa bo diwane wlorina rderera Jou Lahatallana. 21Yesuse nu, “Ee mew smat Khorazim fare Betsaida! Fkapalange to mew ya! Jou Lahatalla bo nfasale mewna tebtebna gaole, ningalena Ya ipeo mew mujizat, ga mew failou pa bo fiwane wlomewna bo fderera Yana. Gabe laisa popise ina mujizat tina Ya ipeo smat mali bendar Tirus fare Sidon, biarega si wlorina mayai, ga si osta diwane wlorina fare si dising gigiap puis bobokorina fare rpake kabaya karung, fafayal i si rmanyasal mali riri dosana. 22Flolam famafia e, tomanta mali wol kiamatca, oras ta Jou bo nadili farumi smat, smat Tirus fare Sidon riri salna mayanana foloi mali mewi.
23Ga mew smat Kapernaumna, mew fu Jou Lahatalla bo nlange mew nais sorogai? Enpa. Ta molangna I bo ntopa mew lali narakaca, ningalena mew feme to Ya ipei mujizatna ga mew failow pa fiwane wlomewnana. Gabe laisa popiseina mujizat tina Ya ipei mali bendar Sodom, osta bendar cia i mana sube dane oras tae. 24Flolam famafia e, lomanta mali wol kiamatca, oras ta Jou bo nadili farumi smat, smat mayai ta mali batang Sodom tina riri salna mayanana foloi mali mewi smat Kapernaumna.”
Yesuse nololaw smatna rlafo lali I bo si wlorina tengtengan
(Luk. 10:21-22)
25Oras ciana Yesuse ncombayang, “Ya iku tarima kase lali Apa i, Jou ta mkawasa mali sorogai fare mali dunia tae. Ya iku tarima kase ningalena Apa mfabingana tinana tutiyai pa lali smat ta rpandena fare ta rto okosesina lal. Ga mali smat ta biasa bena, Apa Aw mpei denabe si rto 26Apa, tina to ta npei Apa wlomna sangnang.
27Farumi ta en mali Ya nik Apa ina, Apa npo Ya to. Smatna isa pa ta bo nfayala Ya, Ya Lahatalla Ntu Ya, ga Lahatalla be ta nfayala Ya. Ga smatna isa bere enpa ta rfayala Apana, ga Ya be Lahatalla ntuca, fare smat ta Ya fisangna bo rfayala Apa.
28Flafo to mali Ya i, farumi mew ta famgaina fare ta fbasamna tebteb, ga Ya bo isalawe farumi tina mali mewi bo wlomewna ndadi sangnang. 29Flonga fare fderera Ya nik sogaro, laisa sapi ta npake wala taga nderera ni tuanca. Fbalajar mali Ya i to ga Ya tane imafia fare ifasusa mew pa, fare mew wlomewna osta ndadi sangnang. 30Ningalena, mew ta fderera Yana osta fkangela pa, fare lowlowat ta Ya ipo mewna tebteb pa.”
Currently Selected:
Matius 11: BZQ
Highlight
Share
Compare
Copy
Want to have your highlights saved across all your devices? Sign up or sign in
2026 Indonesian Bible Society
Matius 11
11
Yesuse nafetang Yohanes ta nfasisopca
(Luk. 7:18-35)
1Yesuse nfafcule fola ni murit yafasa re silu tasa, I nfateam gagaw cia. Taga nfane nfafcule fare nfabinga Jou Lahatalla ni Abar Mafia lali smat ta rteteam mali bendar fare batang Galileana.
2Oras cia, Yohanes ta nfasisopca i mali buica lolo. Ga oras Yohanese nlonga ga farumi ta Yesuse Kristuse npeina, i ncula ni muritna rfan rfautno Yesus. 3Si rfautan laitane, “Apa, Aw to Kolano ta Jou Lahatalla njaji bo mlafona? Pare amame nane ktotoman ta nesana?”
4Gabe Yesuse nua si, “Mewe flolai lali Yohanes i bo fabinga i ahai ta mew fem fare ta flongana: 5Smat ta rbiafna deme to, smat ta rfanfan pana rfane to, smat ta rpadona rmafia to, smat ta rlonga pana rlonga to, smat ta rmatna rpaling hawe, fare smat ta riri re rari pana rlonga Abar Mafia mali Jou Lahatalla i.” 6Fare Yesuse ncula si dua Yohanes hawe, “Smat ta rtaf Ya pa fare rdela turus, i to ta osta ncangnangca.”
7Oras ta Yohanese ni muritna rfane to, Yesuse mulaine nua smat ta manana ga Yohanes. I nu laitane, “Bahngana oras ta Yohanese nfafcule mali padang gurun, gagaw isa ta namliley fare nalaspa mali pnuna, mewe ffan lalina bo fpesa? Pare mewe bo fem smat ta wol pusa tae nu nesa mdoma nu nesaca, laisa mom ta ngangala ningalena latanca nufi? Osta enpa paga? 8Pare bo ahai mew fan lalina? Bo feme smat ta rpake kabaya mafiana? Osta enpa, smat ta rpake kabaya mafiana si gagao rina mali kolanoca ni istanaca. 9Gabe bo ahai mewe ffan lalina? Pare mew ffan lali bo fem Yohanes ningalena i nabi i, smat ta nfalafo Jou Lahatalla ni fatnaw? Fatutua to! Yohanese nabi i ga mew flolam, Yohanese nfoloi mali nabi ta nesana. 10Ga tantuba be mali Jou Lahatalla ni Kitabca Jou Lahatalla nu ga Yohanes laitane,
‘Flolam e! Ya bo isula nik susulaca nlafo ntuba mali Awi.
I cia ta bo nfamawa laling
bo smatna rciap rderera Aw.’ ”
11Yesuse nu hawe, “Flolam famafia e, mali farumi smat ta mapingna rdadikna si mali dunia tae, isa pa ta nfoloi mali Yohanes ta nfasisopca. Ga oras tae, ise be, biarega smatca ningale pa, gabe laisa Jou Lahatalla Nkawasa ndadi Kolano mali i ni tubca, smat cia ta nfoloi mali Yohanes i. 12Mulain mali Yohanes ta nfasisopca nlafo denabe oras tae, en smat ta wlorina mayai rfakotale re smat diranca ta rdadi Jou Lahatalla ni smat si tona bo si mati rdela Jou Lahatallana to, fare si le ma rmario bo rkawasa smat tina. 13Ga, oras ta Yohanese nlafo paube, mali farumi fatfato ta en mali Musa ni Kitab silim tasa fare mali kitab ta nabi nesana rlefo, rfabinga to ahai ta ndadi i oras tae, Jou Lahatalla Nkawasa to mali smat ta rdela i na. 14Ga mana en rfabinga, nabi Elia bo nlafo hawe. Ya iku mew, biarega mali mewina diranca rdela pa nabi Elia ta du bo nlafo cia, cia Yohanese to. 15Gabe, flonga tina famafia fare fising mali wlomewna!
16Ya bo ifatailo smat ta oras taena re ahai e? Si laisa wai nene ta rtotolang mali pasarna ga rfable fare rgigam lali riri delna laitane,
17‘Amame kuf suling bo mew,
ga mew failow pa bo fowana.
Amame kmanyanyi nyanyian ta smatna rmat,
ga mew failow pa bo fftangisna.’ ”
18Gabe Yesuse nu hawe andeande cia ningalena laitane, “Smat ta rtub oras taena laisa wai nene tina. Si dailow pa ndumi. Oras Yohanese nlafo si dailowi pa. I jaga npuasa fare i ma ndom anggur pa, ga si du, ‘I, setane ncung i!’ 19Ga oras tae, Ya Smat ta mali sorogai ilafo to. Ya ipuasa pa fare Ya ma jaga idom anggur. Ga smatna du, ‘Co fem! Smat tae nmasefsefat fare nmadom. I ma jaga ifadel-delo re smat ta jaga rfautno pajakna fare smat ta rbaradosa nesana.’ Ga biarega mew failow Ya re Yohanes pa, Jou Lahatalla ni kawasana osta mew fem oras smat ta rderera Jou Lahatalla ni sogarona si osta rfaem riri tabeat ta mafiana.”
Yesuse ntolea smat ta diwane wlorina pana
(Luk. 10:13-15)
20Fola tina, Yesuse nmulaine ntolea smat ta si mali bendar sifis tasa, ningalena faifise to I npei mujizat mali bendar tina, ga si dailow pa bo diwane wlorina rderera Jou Lahatallana. 21Yesuse nu, “Ee mew smat Khorazim fare Betsaida! Fkapalange to mew ya! Jou Lahatalla bo nfasale mewna tebtebna gaole, ningalena Ya ipeo mew mujizat, ga mew failou pa bo fiwane wlomewna bo fderera Yana. Gabe laisa popise ina mujizat tina Ya ipeo smat mali bendar Tirus fare Sidon, biarega si wlorina mayai, ga si osta diwane wlorina fare si dising gigiap puis bobokorina fare rpake kabaya karung, fafayal i si rmanyasal mali riri dosana. 22Flolam famafia e, tomanta mali wol kiamatca, oras ta Jou bo nadili farumi smat, smat Tirus fare Sidon riri salna mayanana foloi mali mewi.
23Ga mew smat Kapernaumna, mew fu Jou Lahatalla bo nlange mew nais sorogai? Enpa. Ta molangna I bo ntopa mew lali narakaca, ningalena mew feme to Ya ipei mujizatna ga mew failow pa fiwane wlomewnana. Gabe laisa popiseina mujizat tina Ya ipei mali bendar Sodom, osta bendar cia i mana sube dane oras tae. 24Flolam famafia e, lomanta mali wol kiamatca, oras ta Jou bo nadili farumi smat, smat mayai ta mali batang Sodom tina riri salna mayanana foloi mali mewi smat Kapernaumna.”
Yesuse nololaw smatna rlafo lali I bo si wlorina tengtengan
(Luk. 10:21-22)
25Oras ciana Yesuse ncombayang, “Ya iku tarima kase lali Apa i, Jou ta mkawasa mali sorogai fare mali dunia tae. Ya iku tarima kase ningalena Apa mfabingana tinana tutiyai pa lali smat ta rpandena fare ta rto okosesina lal. Ga mali smat ta biasa bena, Apa Aw mpei denabe si rto 26Apa, tina to ta npei Apa wlomna sangnang.
27Farumi ta en mali Ya nik Apa ina, Apa npo Ya to. Smatna isa pa ta bo nfayala Ya, Ya Lahatalla Ntu Ya, ga Lahatalla be ta nfayala Ya. Ga smatna isa bere enpa ta rfayala Apana, ga Ya be Lahatalla ntuca, fare smat ta Ya fisangna bo rfayala Apa.
28Flafo to mali Ya i, farumi mew ta famgaina fare ta fbasamna tebteb, ga Ya bo isalawe farumi tina mali mewi bo wlomewna ndadi sangnang. 29Flonga fare fderera Ya nik sogaro, laisa sapi ta npake wala taga nderera ni tuanca. Fbalajar mali Ya i to ga Ya tane imafia fare ifasusa mew pa, fare mew wlomewna osta ndadi sangnang. 30Ningalena, mew ta fderera Yana osta fkangela pa, fare lowlowat ta Ya ipo mewna tebteb pa.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
2026 Indonesian Bible Society