Matius 16
16
Ta rfaboboko Yahudina rdor mujizat bo diyawa Yesuse na sal
(Mrk. 8:11-13; Luk. 12:54-56)
1En smat Yahudi ta rderera fatfato Farisi fare fatfato Saduki rlafo lali Yesus i. Si rlafo bo diyawa Yesuse na sal. Si rdore bo Yesuse nfaemo si mujizat faisa, bo si rto Yesus cia i mali Lahatalla i mali.
2Gabe Yesuse nua si, “Gabe laisa wolca bo ncope to, ga langitca temina nkakala, mew fu, ‘Mdoma, batangca bo wol.’ 3Gabe laisa dororam isube mew fem metna kapcut fare gogo, mew fu, ‘Wol tae bo ulan.’ Gabe mew fto fafayal ta mali langitca tina, fare mewe ma fto batangca bo ndadi i tina, ga mew fto pa fafayal ta Jou Lahatalla npei oras taena. 4Mew smat ta ftub oras taena, mew fmayai fare fderera Joue ni parenta pa! Mew fdor Ya ifaem mujizat faisa bo ndadi fafayali, Ya mali Jou Lahatalla i mali. Ga Ya osta ifaemo mew pa, ga ifawlo yaneto mew mujizat ta ndadi i mali nabi Yunus i tantubana.” Nmautinge fola laina, Yesus I re ni muritna rfateam si taga rfan mana.
Fpei famafia re fatfato mali smat Farisi fare Sadukina
(Mrk. 8:14-21)
5Yesus I re ni muritna bo si lali talaga Galilea puli pao. Oras ciana si rtalinga ga dut roti pa. 6Gabe Yesuse nua si, “Mew nane fpei famafia re smat ta rderera fatfato Farisina rari ragina fare ta rderera sogaro Sadukina rari ragina.”
7Rlonga tina, muritna rfauwo si, “Ee, Guruca nu laina, ningalena amame kut roti pa.”
8Ga Yesuse nto ahai ta si du tina, gabe I nua si, “Mew fu Ya imauting lainana ningalena mew fut roti pa? Wah, ga mew tane fdela Yana uatu pa! 9Mew nane ftoto! Ga mew wlo mew yaneto sube oras ta ifawogwogla roti pilim bo ifatub smat lalan lime re gle. Oras tina, en karanjang pifis ni gleo ta mew fayalona? 10Ga oras ta Ya ifatub smat lalan fate re glena ga tina roti pifit be, ni gleona karanjang pifis lalona oras ta mew fayalona? 11Gabe laina, pesaga oras tae mew ftaif pana? Ga ta Ya iku nana i tina, ga rotina pa. Ga Ya ikua mew hawe, mew nane fpei famafia re ragi smat ta rderera fatfato Farisi fare fatfato sadukina!”
12Mana taga I ni muritna rtaif. Ta Yesuse nu si nane fpei famafia re ragi, mali Yesuse wlonana ragi ta tpeo rotina pa, ga smat ta rderera Farisi fare Saduki riri fatfato mayai, matina denabe si rderera.
Petruse nfatuwo Yesus cia Mesias
(Mrk. 8:27-30; Luk. 9:18-21)
13Yesus I re ni muritna rlafo lali batang ta ndahle bendar Kaisarea Filipi. Mana, Yesuse nfautno ni muritna, “Ta mew flongana, smatna jaga du Smat ta mali sorogaica ise?”
14Gabe si rcanglo, “En ta du Yohanes ta nfasisopca, ta nesana du nabi Elia. Ga ta nesa hawena du nabi Yeremia penepa isa mali nabi ta nesana.”
15Gabe Yesuse nfulasi taga nfautno si, “Gabe laisa mew Ya tane ise?”
16Gabe Simon Petruse ncanglo, “Guru cia to Mesias, Kolano ta Jou Lahatalla njaji bo nfasalamate smatna. Guru cia Lahatalla ntu I!”
17Gabe Yesuse nua Simon, “Simon, Yunuse ntu ta aw! Awe msangnangna gaole, ga ta aw mu tina smatna pa ta rfabingana, ga Ya nik Apa ta mali sorogaica ta nfabinga. 18Gabe tina, Ya ifangahnyo aw Petrus, ta ni ngale, pat fandasi ta ncicoal. Puis pat fandasi cia, Ya bo ifaosal Ya nik Jamaat. Ga Ya nik Jamat cia osta en turus, fare osta isa nafena pa bo nfafola sina, biarega setanna riri kolanoca. 19Ya ipo aw kawasa bo mut Ya nik Jamatca. Tina laisa re Ya ipo aw kuci sorogaca, bo ahai ta aw mu matina mali dunia taena, tina bena ta Jou Lahatalla nu matina. Laina bena ahai ta aw mpo kawasa mali dunia tae, tina bena ta Jou Lahatalla npo kawasa.”
20Nmautinge fola, Yesuse nua ni muritna bo si mati dafetang lali re malina I cia Mesias, Kolano ta Jou Lahatalla njaji bo nfasalamate smatna.
Yesuse nfabinga ntuba to, i osta nduk kangela fare bo nmat
(Mrk. 8:31–9:1; Luk. 9:22-27)
21Mulain mali tina, Yesuse nfabinga ni muritna, I nane nfan bendar Yerusalem, ga pulina I bo nduk kangelana lal mali simosimo Yahudina, imamna riri ta rfaboboko sina fare guru agama Yahudi ta rto Musa ni kitab silim tasa. Si tina bo rpun I denabe nmat, ga mali wol pitol Jou Lahatalla bo nfapaling I hawe.
22Rlonga Yesuse nu laina, Petruse ndas Yesus mali lapona taga ntolea i, “Guru mati mu lainana. Tdor-dorna Jou Lahatalla nfalaspa tina mali Guru i.”
23Ga Yesuse nfulasi taga ntolea Petrus, “Mati liomna aw ya! Anim mautingna laisa setanna riri kolanoca ni mauting. Aw mailow pa bo Ya ipei ta Jou Lahatalla ni mauna. Ga aw mfikir be ta smatna rfikirna. Ga ta Jou Lahatalla nfikirna aw mfikir pa.”
24Fare, Yesuse nua ni muritna, “Ise ta bo nderera Ya, i bisa nderera i ni mauna pa. I nane nciap nkangela denabe nmat ningalena nderera Ya, tina laisa i npapa i ni salipca, taga nderera Ya. 25Gabe ise ntubna bo i ni dirica tutuling, I cia osta nmatna, i re Jou Lahatalla pa denabe lali. Ga ise npo ni tubca ningalena nderera Ya, i osta ntubna i re Jou Lahatala denabe lali. 26Ga ni untung pusa pa, gabe laisa smat isa nduk farumi arata ta mali dunia taena, ga i ntubna i re Jou Lahatalla pa mantane denabe lali. Ta molangna osta npa ta i bo npo bo nduk tub re Jou Lahatalla denabe lalina. 27Ga Smat ta mali sorogaica bo nlafo hawe mali dunia tae, nfarerer re Apa ni malaekatna fare I ni kawasa ta mamagalna. Ga oras tina, Smat ta mali sorogaica bo nbalco lali smatna isa-isa nderera ahai ta si rpeie tona. 28Flonga famafia ta Ya ikua mewna. Ta mew mantanena, en ta bo rmat paubena gabe laisa si dem I paube, Smat ta mali sorogaica nlafo Nkawasa ndadi Kolano.”
Currently Selected:
Matius 16: BZQ
Highlight
Share
Compare
Copy
Want to have your highlights saved across all your devices? Sign up or sign in
2026 Indonesian Bible Society
Matius 16
16
Ta rfaboboko Yahudina rdor mujizat bo diyawa Yesuse na sal
(Mrk. 8:11-13; Luk. 12:54-56)
1En smat Yahudi ta rderera fatfato Farisi fare fatfato Saduki rlafo lali Yesus i. Si rlafo bo diyawa Yesuse na sal. Si rdore bo Yesuse nfaemo si mujizat faisa, bo si rto Yesus cia i mali Lahatalla i mali.
2Gabe Yesuse nua si, “Gabe laisa wolca bo ncope to, ga langitca temina nkakala, mew fu, ‘Mdoma, batangca bo wol.’ 3Gabe laisa dororam isube mew fem metna kapcut fare gogo, mew fu, ‘Wol tae bo ulan.’ Gabe mew fto fafayal ta mali langitca tina, fare mewe ma fto batangca bo ndadi i tina, ga mew fto pa fafayal ta Jou Lahatalla npei oras taena. 4Mew smat ta ftub oras taena, mew fmayai fare fderera Joue ni parenta pa! Mew fdor Ya ifaem mujizat faisa bo ndadi fafayali, Ya mali Jou Lahatalla i mali. Ga Ya osta ifaemo mew pa, ga ifawlo yaneto mew mujizat ta ndadi i mali nabi Yunus i tantubana.” Nmautinge fola laina, Yesus I re ni muritna rfateam si taga rfan mana.
Fpei famafia re fatfato mali smat Farisi fare Sadukina
(Mrk. 8:14-21)
5Yesus I re ni muritna bo si lali talaga Galilea puli pao. Oras ciana si rtalinga ga dut roti pa. 6Gabe Yesuse nua si, “Mew nane fpei famafia re smat ta rderera fatfato Farisina rari ragina fare ta rderera sogaro Sadukina rari ragina.”
7Rlonga tina, muritna rfauwo si, “Ee, Guruca nu laina, ningalena amame kut roti pa.”
8Ga Yesuse nto ahai ta si du tina, gabe I nua si, “Mew fu Ya imauting lainana ningalena mew fut roti pa? Wah, ga mew tane fdela Yana uatu pa! 9Mew nane ftoto! Ga mew wlo mew yaneto sube oras ta ifawogwogla roti pilim bo ifatub smat lalan lime re gle. Oras tina, en karanjang pifis ni gleo ta mew fayalona? 10Ga oras ta Ya ifatub smat lalan fate re glena ga tina roti pifit be, ni gleona karanjang pifis lalona oras ta mew fayalona? 11Gabe laina, pesaga oras tae mew ftaif pana? Ga ta Ya iku nana i tina, ga rotina pa. Ga Ya ikua mew hawe, mew nane fpei famafia re ragi smat ta rderera fatfato Farisi fare fatfato sadukina!”
12Mana taga I ni muritna rtaif. Ta Yesuse nu si nane fpei famafia re ragi, mali Yesuse wlonana ragi ta tpeo rotina pa, ga smat ta rderera Farisi fare Saduki riri fatfato mayai, matina denabe si rderera.
Petruse nfatuwo Yesus cia Mesias
(Mrk. 8:27-30; Luk. 9:18-21)
13Yesus I re ni muritna rlafo lali batang ta ndahle bendar Kaisarea Filipi. Mana, Yesuse nfautno ni muritna, “Ta mew flongana, smatna jaga du Smat ta mali sorogaica ise?”
14Gabe si rcanglo, “En ta du Yohanes ta nfasisopca, ta nesana du nabi Elia. Ga ta nesa hawena du nabi Yeremia penepa isa mali nabi ta nesana.”
15Gabe Yesuse nfulasi taga nfautno si, “Gabe laisa mew Ya tane ise?”
16Gabe Simon Petruse ncanglo, “Guru cia to Mesias, Kolano ta Jou Lahatalla njaji bo nfasalamate smatna. Guru cia Lahatalla ntu I!”
17Gabe Yesuse nua Simon, “Simon, Yunuse ntu ta aw! Awe msangnangna gaole, ga ta aw mu tina smatna pa ta rfabingana, ga Ya nik Apa ta mali sorogaica ta nfabinga. 18Gabe tina, Ya ifangahnyo aw Petrus, ta ni ngale, pat fandasi ta ncicoal. Puis pat fandasi cia, Ya bo ifaosal Ya nik Jamaat. Ga Ya nik Jamat cia osta en turus, fare osta isa nafena pa bo nfafola sina, biarega setanna riri kolanoca. 19Ya ipo aw kawasa bo mut Ya nik Jamatca. Tina laisa re Ya ipo aw kuci sorogaca, bo ahai ta aw mu matina mali dunia taena, tina bena ta Jou Lahatalla nu matina. Laina bena ahai ta aw mpo kawasa mali dunia tae, tina bena ta Jou Lahatalla npo kawasa.”
20Nmautinge fola, Yesuse nua ni muritna bo si mati dafetang lali re malina I cia Mesias, Kolano ta Jou Lahatalla njaji bo nfasalamate smatna.
Yesuse nfabinga ntuba to, i osta nduk kangela fare bo nmat
(Mrk. 8:31–9:1; Luk. 9:22-27)
21Mulain mali tina, Yesuse nfabinga ni muritna, I nane nfan bendar Yerusalem, ga pulina I bo nduk kangelana lal mali simosimo Yahudina, imamna riri ta rfaboboko sina fare guru agama Yahudi ta rto Musa ni kitab silim tasa. Si tina bo rpun I denabe nmat, ga mali wol pitol Jou Lahatalla bo nfapaling I hawe.
22Rlonga Yesuse nu laina, Petruse ndas Yesus mali lapona taga ntolea i, “Guru mati mu lainana. Tdor-dorna Jou Lahatalla nfalaspa tina mali Guru i.”
23Ga Yesuse nfulasi taga ntolea Petrus, “Mati liomna aw ya! Anim mautingna laisa setanna riri kolanoca ni mauting. Aw mailow pa bo Ya ipei ta Jou Lahatalla ni mauna. Ga aw mfikir be ta smatna rfikirna. Ga ta Jou Lahatalla nfikirna aw mfikir pa.”
24Fare, Yesuse nua ni muritna, “Ise ta bo nderera Ya, i bisa nderera i ni mauna pa. I nane nciap nkangela denabe nmat ningalena nderera Ya, tina laisa i npapa i ni salipca, taga nderera Ya. 25Gabe ise ntubna bo i ni dirica tutuling, I cia osta nmatna, i re Jou Lahatalla pa denabe lali. Ga ise npo ni tubca ningalena nderera Ya, i osta ntubna i re Jou Lahatala denabe lali. 26Ga ni untung pusa pa, gabe laisa smat isa nduk farumi arata ta mali dunia taena, ga i ntubna i re Jou Lahatalla pa mantane denabe lali. Ta molangna osta npa ta i bo npo bo nduk tub re Jou Lahatalla denabe lalina. 27Ga Smat ta mali sorogaica bo nlafo hawe mali dunia tae, nfarerer re Apa ni malaekatna fare I ni kawasa ta mamagalna. Ga oras tina, Smat ta mali sorogaica bo nbalco lali smatna isa-isa nderera ahai ta si rpeie tona. 28Flonga famafia ta Ya ikua mewna. Ta mew mantanena, en ta bo rmat paubena gabe laisa si dem I paube, Smat ta mali sorogaica nlafo Nkawasa ndadi Kolano.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
2026 Indonesian Bible Society