Matius 17
17
Yesuse naplanganna gaole puis lolasca
(Mrk. 9:2-13; Luk. 9:28-36)
1Wol piwonamna maralapis, Yesuse nut Petrus, Yakobus i re tenoca Yohanes, si rfarerer rdawil lolas isa tigo. Manana smate nesana enpa. 2Smat sitol tasa dem Yesuse ni rupana naiwani ga nesa i. I uhngoca naplangan laisa wolna, taga ni Jubaca naiwani ga nbubulang sasaletam. 3Rgarayanna si dem nabi Musa fare nabi Elia rbacarita re Yesus. 4Dem tina, Petruse nua Yesus, “Guru, amame ksangnangna gaole am mantanena! Gabe laisa Guru mailow, ya bo ipei ebai nenena fasitol mantane: Isa bo Guru isa bo nabi Musa fare isa haweca bo nabi Elia.”
5Oras Petruse nmauting sube, garayanna met ta planganna nduri ntabak si. Gabe si rlonga pumul metna lolo tina, en isa lio nu laitane, “Tae Ya ntukca ta Ya igogoru i. I npei Ya wlokna sangnang. Flonga I to!”
6Rlonga mauting tina, Yesuse ni murit sitol tasa damcaitna gaole denabe rpakpak nap rakrakca. 7Gabe, Yesus i lali ga nbek si, fare nu, “Fpalinge to. Mew mati famcaitna!” 8Oras ta si rlange bobokorina, si deme smate nesa panto manana, motle be Yesuse ntutuling.
9Gabe oras ta si rduri mali lolas cia, Yesuse nfatnawe si laitane, “Mati fafetngo faisana su ahai ta mew fem nana ina! Lomanta Smat ta mali sorogaica nmate to ga npaling hawe, taga mew fafetang.”
10Gabe Yesuse ni muritna rfautno I, “Pesaga guru agama ta rto Musa ni Kitab silim tasa du, nabi Elia nane nlafo ntuba mali Mesias i, Kolano ta Jou Lahatalla njaji bo nfasalamate smatnaca?”
11Yesuse nua si laitane, “Ga, nabi Elia nane nlafo ntuba bo nfasiap farumi. 12Ga flonga famafia ta Ya iku tane, smat ta laisa nabi Elia cia nlafo to, ga smatna rfayala i pa. Gabe si, rfakangela i rderera si riri mauna. Laina bena, si le ma osta rfakangela Smat ta mali sorogaica.”
13Rlonga tina, taga Yesuse ni muritna rtaif, smat ta laisa nabi Elia cia, Yohanes ta nfasisopca.
Yesuse nfaungo setan mali wai man isa
(Mrk. 9:14-29; Luk. 9:37-43)
14Oras ta Yesus i re ni murit sitol tasa rlolai mali gagaw ta ni smatna lal cia, en smat isa ndahle Yesus, taga nlu nap Yesuse nbona. 15Smat cia nua Yesus, “Apa, mgali ntukca su lae! I ntokobo gabe nkangelana gaole. Gabe laisa neta i, i jaga nmarapawil mali yapna penepa mali wayana. 16Ya ikuti lali Apa nim muritna to, ga si dafena pa bo rfamafia ina.”
17Rlonga laina, Yesuse nu, “Gampang pa mew smat ta oras taena. Fdela pa fare fdelo lalingna ncal! Opfis hawe Ya nane iteteam farerer re mewna? Fare opfis hawe Ya nane itotomane mewna? Futi mali to wai cia!”
18Oras ta si dut wai cia lali Yesus i, Yesuse nparenta liona nu to mamagal lali setanca bo ncapang mali wai cia. Ga oras setan cia ncapang, wai cia tina to nmafia.
19Fola tina, Yesuse ni muritna rfan lali I oras I ntutuling, taga si rdahle I, fare rfautan, “Guru, pesaga amame bisa kfaungo setanca pana?”
20Gabe Yesuse nua si, “Tina ningalena mew fdela Jou Lahatallana uatu pa. Flonga famafia Ya ikua mew, gabe laisa nimew ta fdela tina en, biarega nenena laisa gei ta nenena molang mali dunia tae, mew bisa fu lolas tae, ‘Mdirak aw lali!’ Osta lolas tae ndirak i lali. Gabe farumi mew bisa fpei, ga mew nane fdela be Jou. [21Fare mewe ma nane fto setan ta lainana, mew fafena faungo gabe laisa mewe sombayang fare fpuasa.]”
Yesuse failu to nfabingana I bo nmat
(Mrk. 9:30-32; Luk. 9:43-45)
22Oras ta Yesuse i re ni muritna rfayalo si mali batang Galilea, Yesuse nua si, “Lomanta Smat ta mali sorogaica bo rpo i lali smatna, 23ga bo rpun famati, lomanta mali wol pitolna npaling hawe.” Oras ta muritna rlonga Yesuse nu tina, si wlorina ncusana gaole.
Yesuse nfafcule mfalaisa tpalas pajak bo Ebai Sombayang Mamagalcana
24Oras ta Yesus nlonga ni muritna rlafo mali bendar Kapernaum, smat ta jaga rfautno pajak Ebai Sombayang Mamagalca ni pajakna nlafo mali Petrus i ga rfautno i, “Apa nim Guruca jaga npalas Ebai Sombayang Mamagalca ni pajak pare enpa?”
25Gabe i nua si, “Ime, I npalas turus.”
Oras ta Simon Petruse ncung mali ebai i, Yesuse nfautno ntuba i, “Simon, gabe bo aw, ise ta nane npalas pajak lali kolano ta rkawasa mali dunia tae? Si nturina tutuling pare smate nesa?”
26Gabe Petruse ncanglo, “Ga smate nesa.”
Fare Yesuse nua i, “Fatutua tina. Kolanona nturina rpalas pajak pa. 27Laina bena re it, it tane Jou Lahatalla Ntu it, gabe ite tpalas pa ma paisapa, ningalena ite ma Jou Lahatalla Ntu it. Ga bo si mati rmarasa sina, aw mfane to lali talagaca bo mnyawa iyan. Mnyal iyan ta mate ntuba ica, taga msalawe fmona. Mana awe bo mduk tiwina nlafo i bo mpalas ite smat it lu rir pajak bo Ebai Sombayang Mamagalca. Awe mnyale to tiwi tina taga mpalas smat it lu rir pajakna.”
Currently Selected:
Matius 17: BZQ
Highlight
Share
Compare
Copy
Want to have your highlights saved across all your devices? Sign up or sign in
2026 Indonesian Bible Society
Matius 17
17
Yesuse naplanganna gaole puis lolasca
(Mrk. 9:2-13; Luk. 9:28-36)
1Wol piwonamna maralapis, Yesuse nut Petrus, Yakobus i re tenoca Yohanes, si rfarerer rdawil lolas isa tigo. Manana smate nesana enpa. 2Smat sitol tasa dem Yesuse ni rupana naiwani ga nesa i. I uhngoca naplangan laisa wolna, taga ni Jubaca naiwani ga nbubulang sasaletam. 3Rgarayanna si dem nabi Musa fare nabi Elia rbacarita re Yesus. 4Dem tina, Petruse nua Yesus, “Guru, amame ksangnangna gaole am mantanena! Gabe laisa Guru mailow, ya bo ipei ebai nenena fasitol mantane: Isa bo Guru isa bo nabi Musa fare isa haweca bo nabi Elia.”
5Oras Petruse nmauting sube, garayanna met ta planganna nduri ntabak si. Gabe si rlonga pumul metna lolo tina, en isa lio nu laitane, “Tae Ya ntukca ta Ya igogoru i. I npei Ya wlokna sangnang. Flonga I to!”
6Rlonga mauting tina, Yesuse ni murit sitol tasa damcaitna gaole denabe rpakpak nap rakrakca. 7Gabe, Yesus i lali ga nbek si, fare nu, “Fpalinge to. Mew mati famcaitna!” 8Oras ta si rlange bobokorina, si deme smate nesa panto manana, motle be Yesuse ntutuling.
9Gabe oras ta si rduri mali lolas cia, Yesuse nfatnawe si laitane, “Mati fafetngo faisana su ahai ta mew fem nana ina! Lomanta Smat ta mali sorogaica nmate to ga npaling hawe, taga mew fafetang.”
10Gabe Yesuse ni muritna rfautno I, “Pesaga guru agama ta rto Musa ni Kitab silim tasa du, nabi Elia nane nlafo ntuba mali Mesias i, Kolano ta Jou Lahatalla njaji bo nfasalamate smatnaca?”
11Yesuse nua si laitane, “Ga, nabi Elia nane nlafo ntuba bo nfasiap farumi. 12Ga flonga famafia ta Ya iku tane, smat ta laisa nabi Elia cia nlafo to, ga smatna rfayala i pa. Gabe si, rfakangela i rderera si riri mauna. Laina bena, si le ma osta rfakangela Smat ta mali sorogaica.”
13Rlonga tina, taga Yesuse ni muritna rtaif, smat ta laisa nabi Elia cia, Yohanes ta nfasisopca.
Yesuse nfaungo setan mali wai man isa
(Mrk. 9:14-29; Luk. 9:37-43)
14Oras ta Yesus i re ni murit sitol tasa rlolai mali gagaw ta ni smatna lal cia, en smat isa ndahle Yesus, taga nlu nap Yesuse nbona. 15Smat cia nua Yesus, “Apa, mgali ntukca su lae! I ntokobo gabe nkangelana gaole. Gabe laisa neta i, i jaga nmarapawil mali yapna penepa mali wayana. 16Ya ikuti lali Apa nim muritna to, ga si dafena pa bo rfamafia ina.”
17Rlonga laina, Yesuse nu, “Gampang pa mew smat ta oras taena. Fdela pa fare fdelo lalingna ncal! Opfis hawe Ya nane iteteam farerer re mewna? Fare opfis hawe Ya nane itotomane mewna? Futi mali to wai cia!”
18Oras ta si dut wai cia lali Yesus i, Yesuse nparenta liona nu to mamagal lali setanca bo ncapang mali wai cia. Ga oras setan cia ncapang, wai cia tina to nmafia.
19Fola tina, Yesuse ni muritna rfan lali I oras I ntutuling, taga si rdahle I, fare rfautan, “Guru, pesaga amame bisa kfaungo setanca pana?”
20Gabe Yesuse nua si, “Tina ningalena mew fdela Jou Lahatallana uatu pa. Flonga famafia Ya ikua mew, gabe laisa nimew ta fdela tina en, biarega nenena laisa gei ta nenena molang mali dunia tae, mew bisa fu lolas tae, ‘Mdirak aw lali!’ Osta lolas tae ndirak i lali. Gabe farumi mew bisa fpei, ga mew nane fdela be Jou. [21Fare mewe ma nane fto setan ta lainana, mew fafena faungo gabe laisa mewe sombayang fare fpuasa.]”
Yesuse failu to nfabingana I bo nmat
(Mrk. 9:30-32; Luk. 9:43-45)
22Oras ta Yesuse i re ni muritna rfayalo si mali batang Galilea, Yesuse nua si, “Lomanta Smat ta mali sorogaica bo rpo i lali smatna, 23ga bo rpun famati, lomanta mali wol pitolna npaling hawe.” Oras ta muritna rlonga Yesuse nu tina, si wlorina ncusana gaole.
Yesuse nfafcule mfalaisa tpalas pajak bo Ebai Sombayang Mamagalcana
24Oras ta Yesus nlonga ni muritna rlafo mali bendar Kapernaum, smat ta jaga rfautno pajak Ebai Sombayang Mamagalca ni pajakna nlafo mali Petrus i ga rfautno i, “Apa nim Guruca jaga npalas Ebai Sombayang Mamagalca ni pajak pare enpa?”
25Gabe i nua si, “Ime, I npalas turus.”
Oras ta Simon Petruse ncung mali ebai i, Yesuse nfautno ntuba i, “Simon, gabe bo aw, ise ta nane npalas pajak lali kolano ta rkawasa mali dunia tae? Si nturina tutuling pare smate nesa?”
26Gabe Petruse ncanglo, “Ga smate nesa.”
Fare Yesuse nua i, “Fatutua tina. Kolanona nturina rpalas pajak pa. 27Laina bena re it, it tane Jou Lahatalla Ntu it, gabe ite tpalas pa ma paisapa, ningalena ite ma Jou Lahatalla Ntu it. Ga bo si mati rmarasa sina, aw mfane to lali talagaca bo mnyawa iyan. Mnyal iyan ta mate ntuba ica, taga msalawe fmona. Mana awe bo mduk tiwina nlafo i bo mpalas ite smat it lu rir pajak bo Ebai Sombayang Mamagalca. Awe mnyale to tiwi tina taga mpalas smat it lu rir pajakna.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
2026 Indonesian Bible Society