Matius 19
19
Jou Lahatalla npei man re mapingna ndadi pusa, gabe smatna mati fatalakna
(Mrk. 10:1-12)
1Nu ndumi fola tina, Yesuse nfateam batang Galilea taga nfan lali batang Yudea mali waya Yordan puli pao. 2Mana, smatna lal rderera I, fare I nfamafia smat ta dowilna.
3Fare, smat sifis agama Yahudi ta rderera fatfato Farisi rlafo bo diyawa Yesuse na sal. Si rfautno I laitane, “Gabe laisa bo tderera animam agamaca ni fanfanna, bisa pare bisa pa man ta rfasawe tona, rtalake riri ngolona rpake sabab ahai be?”
4Gabe Yesuse nua si, “Japa mew fbaca to mali Jou ni Kitabca, tantuba mali be oras ta Jou Lahatalla npei smatnana, I npei man fare maping. 5Ga Jou Lahatalla nu laitane, ‘Gabe tina, manna osta rfateame hma re hnyerina taga si re riri ngolo si ndadi be isa.’ 6Gabe smatna silu panto hawe, ga ndadi be isa. Gabe tina, ahai Jou Lahatalla npei denabe ndadi isa, smatna mdel pa ta bo tfatalak.”
7Rlonga Yesuse nu laina, smat Farisi tina rfautno Yesus hawe, “Gabe laina, pesaga nabi Musa nfabiare smatna rtalake riri ngolona asal ta i npo surat talak?”
8Gabe Yesuse nu, “Poko be wlomew ta cicoalna, denabe nabi Musa nfabiare mew ftalake nimew ngolona. Ga mali tantuba be Jou Lahatalla npei man fare maping, I nailow pa bo mew fpei lainana. 9Flonga famafiae, manca bisa ntalake ni ngolota gabe laisa ni ngolota nyal sal. Gabe enpa, ga manca ntalake ni ngolota, taga man cia nfasawa mapinge nesa, mali Jou Lahatalla nbona man cia ncale to, ningalena i nlokolo maping ta i ni ngolo i pa.”
10Rlonga tina, Yesuse ni muritna dua I, “Ali, gabe laisa man re maping farererca macan be tina, ta mafiana tarusa tfasawe to.”
11Gabe Yesuse nua si, “Farumi smat dailow pa fatfato tina, ga smat ta Joue npo si cicoalna be. 12Ga, en man ta rfasaw pana ningalena mulain ta ntub be i mfalaina to. Ga en bena man ta rfasaw pana ningalena smate nesa npei denabe i nfasaw pa. En bena ta rfasaw pana tina si riri mau tutuling, bo si rpake riri orasna rleleyane Jou Lahatalla ta bo Nkawasa ndadi Kolano. Ise ta nafena nyal Ya nik sogaro tane, i nyale to.”
Yesuse nbarakati wawai nenena
(Mrk. 10:13-16; Luk. 18:15-17)
13Ga en smatna dut wai nenenana lali Yesus i bo I nlange kakamona mali sili fare ncombayang. Ga ni muritna rtolea smat tina. 14Gabe Yesuse nua ni murit tina, “Inanai to wai nena tane rlafo mali Ya i. Mati ftolea si na. Wai nenena tane rcombong pa fare jampa be rdela famafia. Si tina ta rpo riri dirica lali Jou Lahatalla i bo I nkawasa ndadi Kolano mali riri tubca.”
15Fola tina, Yesuse nlange kakamona taga nbarakati si wai nenena tina. Folana, I nfani mana.
Smat ta rkayangna ncusai bo rdadi Jou Lahatalla ni smatna
(Mrk. 10:17-31; Luk. 18:18-30)
16Bahnga laitane, en wai po isa nlafo lali Yesus i, i nfautan laitane, “Guru, ta mafiana ya nane ipei ahai bo ya bisa iduk tub re Jou Lahatalla dena be lali?”
17Yesuse nua i, “Pesaga aw mfautno Ya okosesi ta mafianana? Ta mafiana Jou Lahatalla be. Gabe aw mailow mduk tub re Jou Lahatalla, awe nane mderera Jou Lahatalla ni parentana.”
18Ga smat cia nfautan hawe, “Parenta ta manca?”
Yesuse nua i, “Mati mpune smate bo rmatna, mati mlokolo smate ni ngolona fare smate ni uatna, mati mloisna, mati mdadi saksi ta molang pana, 19aw nane mlonga famafia hma re hnyem tasa, fare aw nane mgogoru smate nesa laisa re aw mgogoru anim dirica tutuling.”
20Gabe wai po cia nua Yesus, “Farumi parenta tina ya ipeie to. Ahai sube ta nkurangna?”
21Yesuse nua i, “Gabe laisa mlokolo mderera Jou Lahatalla re fatutua, aw mfane to bo mwage farumi anim aratana, taga ni tiwina moce smat ta riri re rari pana. Gabe aw mpei laina, aw mduk arata mali sorogai. Fola tina, aw mali to bo mderera Ya.”
22Oras ta wai po cia nlonga Yesuse nu lainana, i nfan fare wlona nmagogoru i, ningalena i ni aratana lalna gaole.
23Fola tina, Yesuse nua ni muritna, “Flolam famafia ta Ya ikuwa mewna, ncusa ina gaole smat ta rkayangna riri dirica bo rpo Jou Lahatalla Nkawasa ndadi Kolano mali riri tubcana. 24Fare mew flolam hawe ta Ya iku tane, mafia sube unta isa ncung paplaki mtana ga ta ncusa i foloina smat ta ni re na ga bo npo ni dirica bo Jou Lahatalla Nkawasa mali i ni tubca.”
25Rlonga tina, Yesuse ni muritna rherang. Gabe si du, “Gabe laina, ise ta bo ncalamatca?”
26Yesuse natngalo si taga nu, “Smatna bisa pa bo rfasalamate si riri dirica tutulingna. Ga Jou Lahatalla be ta bisa nfasalamate smatna, ga bo Jou Lahatalla ahai be bisa ndadi i.”
27Gabe Petruse nua Yesus, “Amam tane kfateame ndumi to ta animamna ga kderera Guru. Gabe ahai ta amame bo kdukna?”
28Yesuse nua si, “Flonga famafia ta Ya ikuwa mew tane, lomanta Jou Lahatalla bo npei dunia tae ndadi po i hawe, manana Smat ta mali sorogaica bo ntotolang puis karapesa kolano ta nmafia molangca. Oras tina, mew farumi ta fderera Yana bo ftotolang bena mali karapesa yafasa re silu tasa, bo ffadili fiyawa ta molang mali suku Israel yafasa re silu tasa. 29Ga smat ta rderera Ya denabe nfateame ni ebaica, ramaca fare tenoca, i hma fare hnye, ntuna fare betna, smat cia osta nduk hawe tuwtuwafe slubisa farumi tina, fare i bena osta nduk tub re Jou Lahatalla denabe lali. 30Smatna lal ta smat mamagal si mali dunia tae, lomanta rdadi smat ta riri ngale pa, ga smat ta riri ngale pa mali dunia taena, osta rdadi smat mamagal si.”
Currently Selected:
Matius 19: BZQ
Highlight
Share
Compare
Copy
Want to have your highlights saved across all your devices? Sign up or sign in
2026 Indonesian Bible Society
Matius 19
19
Jou Lahatalla npei man re mapingna ndadi pusa, gabe smatna mati fatalakna
(Mrk. 10:1-12)
1Nu ndumi fola tina, Yesuse nfateam batang Galilea taga nfan lali batang Yudea mali waya Yordan puli pao. 2Mana, smatna lal rderera I, fare I nfamafia smat ta dowilna.
3Fare, smat sifis agama Yahudi ta rderera fatfato Farisi rlafo bo diyawa Yesuse na sal. Si rfautno I laitane, “Gabe laisa bo tderera animam agamaca ni fanfanna, bisa pare bisa pa man ta rfasawe tona, rtalake riri ngolona rpake sabab ahai be?”
4Gabe Yesuse nua si, “Japa mew fbaca to mali Jou ni Kitabca, tantuba mali be oras ta Jou Lahatalla npei smatnana, I npei man fare maping. 5Ga Jou Lahatalla nu laitane, ‘Gabe tina, manna osta rfateame hma re hnyerina taga si re riri ngolo si ndadi be isa.’ 6Gabe smatna silu panto hawe, ga ndadi be isa. Gabe tina, ahai Jou Lahatalla npei denabe ndadi isa, smatna mdel pa ta bo tfatalak.”
7Rlonga Yesuse nu laina, smat Farisi tina rfautno Yesus hawe, “Gabe laina, pesaga nabi Musa nfabiare smatna rtalake riri ngolona asal ta i npo surat talak?”
8Gabe Yesuse nu, “Poko be wlomew ta cicoalna, denabe nabi Musa nfabiare mew ftalake nimew ngolona. Ga mali tantuba be Jou Lahatalla npei man fare maping, I nailow pa bo mew fpei lainana. 9Flonga famafiae, manca bisa ntalake ni ngolota gabe laisa ni ngolota nyal sal. Gabe enpa, ga manca ntalake ni ngolota, taga man cia nfasawa mapinge nesa, mali Jou Lahatalla nbona man cia ncale to, ningalena i nlokolo maping ta i ni ngolo i pa.”
10Rlonga tina, Yesuse ni muritna dua I, “Ali, gabe laisa man re maping farererca macan be tina, ta mafiana tarusa tfasawe to.”
11Gabe Yesuse nua si, “Farumi smat dailow pa fatfato tina, ga smat ta Joue npo si cicoalna be. 12Ga, en man ta rfasaw pana ningalena mulain ta ntub be i mfalaina to. Ga en bena man ta rfasaw pana ningalena smate nesa npei denabe i nfasaw pa. En bena ta rfasaw pana tina si riri mau tutuling, bo si rpake riri orasna rleleyane Jou Lahatalla ta bo Nkawasa ndadi Kolano. Ise ta nafena nyal Ya nik sogaro tane, i nyale to.”
Yesuse nbarakati wawai nenena
(Mrk. 10:13-16; Luk. 18:15-17)
13Ga en smatna dut wai nenenana lali Yesus i bo I nlange kakamona mali sili fare ncombayang. Ga ni muritna rtolea smat tina. 14Gabe Yesuse nua ni murit tina, “Inanai to wai nena tane rlafo mali Ya i. Mati ftolea si na. Wai nenena tane rcombong pa fare jampa be rdela famafia. Si tina ta rpo riri dirica lali Jou Lahatalla i bo I nkawasa ndadi Kolano mali riri tubca.”
15Fola tina, Yesuse nlange kakamona taga nbarakati si wai nenena tina. Folana, I nfani mana.
Smat ta rkayangna ncusai bo rdadi Jou Lahatalla ni smatna
(Mrk. 10:17-31; Luk. 18:18-30)
16Bahnga laitane, en wai po isa nlafo lali Yesus i, i nfautan laitane, “Guru, ta mafiana ya nane ipei ahai bo ya bisa iduk tub re Jou Lahatalla dena be lali?”
17Yesuse nua i, “Pesaga aw mfautno Ya okosesi ta mafianana? Ta mafiana Jou Lahatalla be. Gabe aw mailow mduk tub re Jou Lahatalla, awe nane mderera Jou Lahatalla ni parentana.”
18Ga smat cia nfautan hawe, “Parenta ta manca?”
Yesuse nua i, “Mati mpune smate bo rmatna, mati mlokolo smate ni ngolona fare smate ni uatna, mati mloisna, mati mdadi saksi ta molang pana, 19aw nane mlonga famafia hma re hnyem tasa, fare aw nane mgogoru smate nesa laisa re aw mgogoru anim dirica tutuling.”
20Gabe wai po cia nua Yesus, “Farumi parenta tina ya ipeie to. Ahai sube ta nkurangna?”
21Yesuse nua i, “Gabe laisa mlokolo mderera Jou Lahatalla re fatutua, aw mfane to bo mwage farumi anim aratana, taga ni tiwina moce smat ta riri re rari pana. Gabe aw mpei laina, aw mduk arata mali sorogai. Fola tina, aw mali to bo mderera Ya.”
22Oras ta wai po cia nlonga Yesuse nu lainana, i nfan fare wlona nmagogoru i, ningalena i ni aratana lalna gaole.
23Fola tina, Yesuse nua ni muritna, “Flolam famafia ta Ya ikuwa mewna, ncusa ina gaole smat ta rkayangna riri dirica bo rpo Jou Lahatalla Nkawasa ndadi Kolano mali riri tubcana. 24Fare mew flolam hawe ta Ya iku tane, mafia sube unta isa ncung paplaki mtana ga ta ncusa i foloina smat ta ni re na ga bo npo ni dirica bo Jou Lahatalla Nkawasa mali i ni tubca.”
25Rlonga tina, Yesuse ni muritna rherang. Gabe si du, “Gabe laina, ise ta bo ncalamatca?”
26Yesuse natngalo si taga nu, “Smatna bisa pa bo rfasalamate si riri dirica tutulingna. Ga Jou Lahatalla be ta bisa nfasalamate smatna, ga bo Jou Lahatalla ahai be bisa ndadi i.”
27Gabe Petruse nua Yesus, “Amam tane kfateame ndumi to ta animamna ga kderera Guru. Gabe ahai ta amame bo kdukna?”
28Yesuse nua si, “Flonga famafia ta Ya ikuwa mew tane, lomanta Jou Lahatalla bo npei dunia tae ndadi po i hawe, manana Smat ta mali sorogaica bo ntotolang puis karapesa kolano ta nmafia molangca. Oras tina, mew farumi ta fderera Yana bo ftotolang bena mali karapesa yafasa re silu tasa, bo ffadili fiyawa ta molang mali suku Israel yafasa re silu tasa. 29Ga smat ta rderera Ya denabe nfateame ni ebaica, ramaca fare tenoca, i hma fare hnye, ntuna fare betna, smat cia osta nduk hawe tuwtuwafe slubisa farumi tina, fare i bena osta nduk tub re Jou Lahatalla denabe lali. 30Smatna lal ta smat mamagal si mali dunia tae, lomanta rdadi smat ta riri ngale pa, ga smat ta riri ngale pa mali dunia taena, osta rdadi smat mamagal si.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
2026 Indonesian Bible Society