Matius 20
20
Andeande smat ta rkarajan mali bet anggurca
1Yesuse nu hawe, “Jou Lahatalla bo Nkawasa ndadi Kolano mali smat ta rdela I na, laisa andeande tae: En smat isa ta na bet anggur. Lase bo sema, i ncapange ga niyawa smate bo rkarajan mali na bet anggurca. 2Oras ciana i nduk smat sifis lalina, i nfatatur re si mfalaisa rkarajan wol pusa mulona. Tina ta i bo npalco smat isa, wol pusa tiwi guraci pusa. Fola tina, i ncula si rkarajan mali i na bet anggurca. 3Rasa ttok faisiwe dororam sube, i ncapang hawe nfan lali pasar i. Pulina, i nem smat sifis rkarajan pa. 4Gabe i nua si, ‘Mewe fkarajan mali ya nak bet anggurca. Lomanta ya ipalco mew tderera ta mew fkaranjanna.’ 5Fare rasa orasna ttok yafasa re pilu wolca nfapaluan re malingin ttok faicol, i ncapang hawe nfan lali pasarca, laisa ta i npei nana i na. 6Fola tina, rasa ttok failim malingin, i ncapang hawe ga i nem en sube smate nesa hawe mali pasarca ta rkarajan pa. Gabe nfautno si, ‘Pesaga wol pusa tae mewe fosal be mantane taga fkarajan pa?’
7Si dua i, ‘Amame laitane to, ga ise npo am karajan pa’.
Gabe i nua si, ‘Gabe laina, mewe ffan lali ya nak bet anggurca, taga fkarajaan pulina to.’
8Orasna bo doram, smat ta na betca nua ni mandorca, ‘Mololaw farumi mali smat karajan tina taga mpalase rari sagige mulona. Aw mpalco si na mulain mali ta ncung mesamul molangna denabe ta ncunge ntubaca.’
9Mana, smat karajan ta rkarajan mesamulna jale rari sagige mulona ntuba, isa-isa nyal perak pusa. 10Gabe oras smat ta rkarajanna mali dororam isube rlafo jale rari sagige mulona, si dunama si isa-isa bo rdukna foloi mali smat ta rkarajan mesamul na. Ga si le ma jalna isa-isa perak pusa. 11Oras ta si jal tiwi tina, si rfauwa smat ta na bet cia. 12Si du, ‘Tuan bisa laitane pa! Smat ta rlafo mesamulna, rkarajan jam bahnga be. Taga rari sagige mulona sama re amam! Ga amam tane karajanna wol pusa molang, denabe sagigena ncapang’.
13Ga tuan ta na bet cia nua isa mali silina, ‘Tenok ta aw, mati mtolena e! Tane ya ikakal aw pa. Ga ta ntubana ya re aw tfatatore to paga, ya bo ipalco aw re perak pusa tina karajan wol pusa. 14Gabe ta mafiana mnyale to sagige mulo tina re wlomna sangnang fare muwe. Ya ilokolo ipo sagige mulo sama re aw, sama re ya ipo smat ta rcung mesamulna. 15Ya nik hak ipake ya nik tiwi ya nik mau tutuling, paga? Pare aw msangnang pa ningalena ya imasie smat tina?’ ”
16Yesuse nu hawe, “Gabe mali andeande tina ite tdadi tto, smat ta rdadi smat ta foloi mali dunia tae, osta rdadi smat ta riri ngale pa, ga smat ta riri ngale pa mali dunia taena, osta rdadi smat mamagal si.”
Yesuse nfabinga ta faicol I osta nmat
(Mrk. 10:32-34; Luk. 18:31-34)
17Bahnga laitane, Yesus i re ni muritna rfan lali bendar Yerusalem. Mali lalingca fapaluan, I nololaw ni muritna taga nfara si lali faokoce, taga nua si laitane, 18“Flonga e! Tane ite bo tfan lali bendar Yerusalem. Pulina, smatna bo rpo Smat ta mali sorogaica lali imam ta rfabobokona fare guru agama ta rto Musa ni kitab silim tasa. Ga si bo rfasal I denabe nmat. 19Si bo rpo I lali smat ta Yahudi si pana, taga smat tina rfamaimai I, rpuni rpake wala ta ni soga mali tubona, fare si rcalipi. Ga mali wol ta pitolca, I osta npaling hawe.”
Smat ta rcicoal mali Jou Lahatalla nbona tina smat ta rleleane smate nesa
(Mrk. 10:35-45)
20Fola tina, Zebedeuse ni ngolota fare ntuna Yakobus i re Yohanes rlafo lali Yesus i. Maping cia nlu nap Yesuse nbona, ndor paisa lali Yesus i.
21Yesuse nfautno i, “Maping ta aw mdor ahai?”
I nua Yesus, “Guru, gabe Guru mdadi Kolano ga Mkawasa to, Guru msula ya ntuk silu tasine rtotolang mali Guru lapomna. Isa mali nim welana, isa i mali nim balitna.”
22Nlonga tina, Yesuse nua si laitane, “Ahai ta mew fdorna, mew ftaif pa. Ya tane bo iduk kangelana osta lal. Ga mew bisa fpapapa kangela tina laisa re Ya?”
Ga si rcanglo, “Amame bisa!”
23Fare Yesuse nua si, “Fare mew osta fkangela laisa re Ya. Ga ise ta bo ntotolang mali Ya nik balit fare wela tina, Ya nik hak pa bo ifatona. Gagaw tina Ya nik Apa nfasiape to bo smat ta I nafculna.”
24Oras ta murit yafasa ta nesana rlonga ahai ta smat silu tasa rdor tina, si wlorina pirpir re silu ta rfatenow tasa. 25Gabe Yesuse nololaw farumi si, taga nu laitane, “Mew fto, smat ta rfaboboko mali bangsa ta rfayala Jou pana, si tina biasa rfaboboko rayatna cicoal. Laina bena re si riri smat mamagalna, si jaga rfakangela smat ta si rfabobokona. 26Ga mew bisa fderera ta si rpeina pa! Ise mali farumi mew ta wlo lolo ndadi smat ta cicoal mali Jou Lahatalla nbona, i nane ndadi laisa smat karajan ta nleleane mew. 27Fare ise mali mewi ta nlokolo ndadi smat ta rcicoal foloi mali Jou Lahatalla nbona, i nane npei ni dirica laisa re smat karajanna bo nleleane mewna foloi. 28Tina laisa re Smat ta mali sorogaica nlafo mali dunia tae bo nduk leleane pa, ga bo nleleane fare npo ni dirica bo nmat fare nfayangise smat lalo ni dosa.”
Yesuse nfamafia smat silu dem pa
(Mrk. 10:46-52; Luk. 18:35-43)
29Oras ta Yesus i re ni muritna rfane rcapang mali bendar Yerikho, en smatna lal rderera I. 30Ga en smat silu dem pa rtotolang mali lalingca lapo. Oras ta si rlonga Yesuse ndel mana, si rgigam, “Apa, kolano Daute ni duri, masie ame lae!”
31Rlonga si rgigam tina, smatna lal rtolea si bo si mati liorina. Ga smat silu tasa rgigamna rfacicoal si hawe, “Apa, kolano Daute ni duri, mmasie ame lae!”
32Gabe Yesuse nfola, fare nololaw smat silu tasa. I nfautno si, “Mew wlomew lolona Ya bo ipeo mew ahai?”
33Si rcanglo, “Apa, ame kdore bo bisa kem hawe.”
34Nlonga tina, Yesuse nbasamna nmasie si. I nice mtarina tina to si dem hawe. Fola tina, si rderera Yesus.
Currently Selected:
Matius 20: BZQ
Highlight
Share
Compare
Copy
Want to have your highlights saved across all your devices? Sign up or sign in
2026 Indonesian Bible Society
Matius 20
20
Andeande smat ta rkarajan mali bet anggurca
1Yesuse nu hawe, “Jou Lahatalla bo Nkawasa ndadi Kolano mali smat ta rdela I na, laisa andeande tae: En smat isa ta na bet anggur. Lase bo sema, i ncapange ga niyawa smate bo rkarajan mali na bet anggurca. 2Oras ciana i nduk smat sifis lalina, i nfatatur re si mfalaisa rkarajan wol pusa mulona. Tina ta i bo npalco smat isa, wol pusa tiwi guraci pusa. Fola tina, i ncula si rkarajan mali i na bet anggurca. 3Rasa ttok faisiwe dororam sube, i ncapang hawe nfan lali pasar i. Pulina, i nem smat sifis rkarajan pa. 4Gabe i nua si, ‘Mewe fkarajan mali ya nak bet anggurca. Lomanta ya ipalco mew tderera ta mew fkaranjanna.’ 5Fare rasa orasna ttok yafasa re pilu wolca nfapaluan re malingin ttok faicol, i ncapang hawe nfan lali pasarca, laisa ta i npei nana i na. 6Fola tina, rasa ttok failim malingin, i ncapang hawe ga i nem en sube smate nesa hawe mali pasarca ta rkarajan pa. Gabe nfautno si, ‘Pesaga wol pusa tae mewe fosal be mantane taga fkarajan pa?’
7Si dua i, ‘Amame laitane to, ga ise npo am karajan pa’.
Gabe i nua si, ‘Gabe laina, mewe ffan lali ya nak bet anggurca, taga fkarajaan pulina to.’
8Orasna bo doram, smat ta na betca nua ni mandorca, ‘Mololaw farumi mali smat karajan tina taga mpalase rari sagige mulona. Aw mpalco si na mulain mali ta ncung mesamul molangna denabe ta ncunge ntubaca.’
9Mana, smat karajan ta rkarajan mesamulna jale rari sagige mulona ntuba, isa-isa nyal perak pusa. 10Gabe oras smat ta rkarajanna mali dororam isube rlafo jale rari sagige mulona, si dunama si isa-isa bo rdukna foloi mali smat ta rkarajan mesamul na. Ga si le ma jalna isa-isa perak pusa. 11Oras ta si jal tiwi tina, si rfauwa smat ta na bet cia. 12Si du, ‘Tuan bisa laitane pa! Smat ta rlafo mesamulna, rkarajan jam bahnga be. Taga rari sagige mulona sama re amam! Ga amam tane karajanna wol pusa molang, denabe sagigena ncapang’.
13Ga tuan ta na bet cia nua isa mali silina, ‘Tenok ta aw, mati mtolena e! Tane ya ikakal aw pa. Ga ta ntubana ya re aw tfatatore to paga, ya bo ipalco aw re perak pusa tina karajan wol pusa. 14Gabe ta mafiana mnyale to sagige mulo tina re wlomna sangnang fare muwe. Ya ilokolo ipo sagige mulo sama re aw, sama re ya ipo smat ta rcung mesamulna. 15Ya nik hak ipake ya nik tiwi ya nik mau tutuling, paga? Pare aw msangnang pa ningalena ya imasie smat tina?’ ”
16Yesuse nu hawe, “Gabe mali andeande tina ite tdadi tto, smat ta rdadi smat ta foloi mali dunia tae, osta rdadi smat ta riri ngale pa, ga smat ta riri ngale pa mali dunia taena, osta rdadi smat mamagal si.”
Yesuse nfabinga ta faicol I osta nmat
(Mrk. 10:32-34; Luk. 18:31-34)
17Bahnga laitane, Yesus i re ni muritna rfan lali bendar Yerusalem. Mali lalingca fapaluan, I nololaw ni muritna taga nfara si lali faokoce, taga nua si laitane, 18“Flonga e! Tane ite bo tfan lali bendar Yerusalem. Pulina, smatna bo rpo Smat ta mali sorogaica lali imam ta rfabobokona fare guru agama ta rto Musa ni kitab silim tasa. Ga si bo rfasal I denabe nmat. 19Si bo rpo I lali smat ta Yahudi si pana, taga smat tina rfamaimai I, rpuni rpake wala ta ni soga mali tubona, fare si rcalipi. Ga mali wol ta pitolca, I osta npaling hawe.”
Smat ta rcicoal mali Jou Lahatalla nbona tina smat ta rleleane smate nesa
(Mrk. 10:35-45)
20Fola tina, Zebedeuse ni ngolota fare ntuna Yakobus i re Yohanes rlafo lali Yesus i. Maping cia nlu nap Yesuse nbona, ndor paisa lali Yesus i.
21Yesuse nfautno i, “Maping ta aw mdor ahai?”
I nua Yesus, “Guru, gabe Guru mdadi Kolano ga Mkawasa to, Guru msula ya ntuk silu tasine rtotolang mali Guru lapomna. Isa mali nim welana, isa i mali nim balitna.”
22Nlonga tina, Yesuse nua si laitane, “Ahai ta mew fdorna, mew ftaif pa. Ya tane bo iduk kangelana osta lal. Ga mew bisa fpapapa kangela tina laisa re Ya?”
Ga si rcanglo, “Amame bisa!”
23Fare Yesuse nua si, “Fare mew osta fkangela laisa re Ya. Ga ise ta bo ntotolang mali Ya nik balit fare wela tina, Ya nik hak pa bo ifatona. Gagaw tina Ya nik Apa nfasiape to bo smat ta I nafculna.”
24Oras ta murit yafasa ta nesana rlonga ahai ta smat silu tasa rdor tina, si wlorina pirpir re silu ta rfatenow tasa. 25Gabe Yesuse nololaw farumi si, taga nu laitane, “Mew fto, smat ta rfaboboko mali bangsa ta rfayala Jou pana, si tina biasa rfaboboko rayatna cicoal. Laina bena re si riri smat mamagalna, si jaga rfakangela smat ta si rfabobokona. 26Ga mew bisa fderera ta si rpeina pa! Ise mali farumi mew ta wlo lolo ndadi smat ta cicoal mali Jou Lahatalla nbona, i nane ndadi laisa smat karajan ta nleleane mew. 27Fare ise mali mewi ta nlokolo ndadi smat ta rcicoal foloi mali Jou Lahatalla nbona, i nane npei ni dirica laisa re smat karajanna bo nleleane mewna foloi. 28Tina laisa re Smat ta mali sorogaica nlafo mali dunia tae bo nduk leleane pa, ga bo nleleane fare npo ni dirica bo nmat fare nfayangise smat lalo ni dosa.”
Yesuse nfamafia smat silu dem pa
(Mrk. 10:46-52; Luk. 18:35-43)
29Oras ta Yesus i re ni muritna rfane rcapang mali bendar Yerikho, en smatna lal rderera I. 30Ga en smat silu dem pa rtotolang mali lalingca lapo. Oras ta si rlonga Yesuse ndel mana, si rgigam, “Apa, kolano Daute ni duri, masie ame lae!”
31Rlonga si rgigam tina, smatna lal rtolea si bo si mati liorina. Ga smat silu tasa rgigamna rfacicoal si hawe, “Apa, kolano Daute ni duri, mmasie ame lae!”
32Gabe Yesuse nfola, fare nololaw smat silu tasa. I nfautno si, “Mew wlomew lolona Ya bo ipeo mew ahai?”
33Si rcanglo, “Apa, ame kdore bo bisa kem hawe.”
34Nlonga tina, Yesuse nbasamna nmasie si. I nice mtarina tina to si dem hawe. Fola tina, si rderera Yesus.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
2026 Indonesian Bible Society