Matius 2
2
Smat ta rpandena dem ototafca ningale si rlafo bo rcuba Yesus
1Yesuse ntub mali Betlehem batang Yudea, oras cia Herodese ndadi kolano pulina. Oras cia, smat sifis ta rpande dem ototafca ningale, si rlafo polao malei rfan lali bendar isa ngahnyo Yerusalem. 2Si rfautno smat ta puli nana, “Manca e, smat Yahudina riri kolano ta ntub poca? Ningalena, amame kem ototaf isa polao ta ndadi fafayal i ntube to. Gabe tane amame klafo bo ksuba I.”
3Rlonga si du en kolano ta po Ica, kolano Herodese wlona kangela, laina bena re smat ta en mali bendar Yerusalemna. 4Gabe, kolano Herodese ncula rfayalo smat Yahudina riri imam ta rfaboboko sina fare guru agama Yahudi ta rto Musa ni kitab silim tasa. Taga nfautno si, “Co fabinga ya, i manca Mesias, Kolano ta Jou Lahatalla njaji cia osta ntub?”
5Si rcanglo, “I bo ntub mali Betlehem, mali batang Yudea, ningalena tantuba mali be, Jou Lahatalla nua ni nabina, ga tina rlefo mali Jou ni Kitabca laitane,
6‘Mewe smat Betlehem mali batang Yudea.
Biarega nimew bendarca nena, ga osta ndadi bendar ta nfoloi mali farumi bendar ta en mali Yehudana.
Ningalena mali nimew bendar cia osta en smat isa ta bo nfaboboko Ya nik smatna, smat Israelna, laisa smat ta rjaga riri dombana.’ ”
7Nlonga tina, kolano Herodese n'gogan i, taga nololaw smat ta rpande tasa dem ototaf cia. Fare nfautno si, bo nto molang popise i si dem ototaf cia ncapangna. 8Fola tina, i ncula si rfan lali Betlehem. I nua si, “Mewe ffane to lali Betlehem, fare fningo I famafia Wai cia. Gabe laisa fduk i to, flolai mali fabinga bo ya ma ifan lali bena isuba I.”
9Rlonga kolano Herodese nu fola tina, si ma rfan. Oras si rfanna, si rgaranyanna ototaf ta si demi bahnga to polao malica nfane ntuba mali sili fare nfola mali gagaw ta Wai cia ntubna. 10Oras ta si dem ototaf cia, si rcangnangna gaole. 11Gabe oras ta si rcung namul ebaica, si dem wai cia i re hnye, Maria. Fare si rcuba Wai cia. Si rcalawe riri arata gagaona taga rcapnga okosesi ta mulona mamagal bo doce Wai cia. Okosesi ta si rpona: guraci, kemenyan fare egat mur ta pauna mafia.
12Fola tina, Jou Lahatalla nfaem mahngel lali smat ta rpandena bo dem ototaf cia. Jou Lahatalla nua si bo mati rlolai lali kolano Herodes i na to. Gabe si duwe lali si riri batangna rderera lalinge nesa.
Yusuf i re Maria rpiya Yesus lali Mesir
13Oras smat ta rpandena dem ototaf cia duwe, Jou Lahatalla ni malaekatca nfaeme ni dirica lali Yusuf i mali mahngel lolo. Malaekat cia nua i, “Yusuf, mpalinge to! Mut Wai cia fare nim ngolota fpiya lali batang Mesir. Mew fteteam mana to denabe Ya ifabinga opfis mewe flolai malina, ningalena kolano Herodese niyawa Wai cia bo npun famat I.”
14Nlonga tina, Yusufe npaling, fare doramca to, i nute ntuca fare ni ngolota, taga rpiya lali Mesir. 15Si rteteam pulina denabe kolano Herodese nmat. Farumi tina ndadi i laisa re ta Jou Lahatalla nua nabina ntuba to laitane, “Ya ikololaw Ya ntukca bo ncapang mali batang Mesir.”
Kolano Herodese nfasula rpun famat wai nenena ta mali Betlehemna
16Oras ta kolano Herodese nto, smat ta rpandena dem ototaf cia rderera ta i nuna pa, i ntolena gaole. Gabe i netang orasna mulain mali si ta deme ntuba ototaf cia, sal pana taun failu to nfan mali tane. Fare i ncula ni smatna rfan Betlehem fare pnu ta ndahle manana bo rpun famat wai man nene ta riri umurna taun failu nduri.
17Oras ta si rpun famat wawai tina, tantuba mali be ahai ta Jou Lahatalla nua nabi Yeremiana ndadi to, laitane,
18“Puli bendar Rama, en smatna rtangis, ningalena rmagogoru sina gaole.
Rahele ntangis ningalena i nlolame ntuna.
Isa pa ta bo npeo i mangina, ningalena i ntuna rmate ndumi to.”
Yusuf i re ntu re bbuna rlolai lali batang Israel
19Oras ta kolano Herodese nmatna, Yusuf i mali Mesir sube, ga i nmahngel Jou Lahatalla ni malaekat isa nlafo, fare nua i, 20“Yusuf, mpalinge to. Mute ntumca fare hnye bo flolai lali batang Israel, ningalena kolano Herodes fare smat ta bo rpun Wai ciana rmate to.”
21Nlonga tina, Yusufe npaling nut Wawai cia fare hnye duwe lali batang Israel. 22Ga oras Yusufe nlonga Arkhelaus ndadi kolano niwane hma Herodes mali batang Yudea, Yusufe ndadi namcait bo nuwe lalina. Ga Jou Lahatalla ni malaekatna rfabinga i mali mahngel lolo, bo i mati nfan lali batang Yudeana, ga nfan lali batang Galilea. 23Si rlafo mali batang Galilea, rteteam mali bendar isa ngahnyo Nasaret. Tina ndadi i laisa re ta tantuba mali be Jou Lahatalla nua nabina laitane, “I cia osta smatna du smat Nasaret i.”
Currently Selected:
Matius 2: BZQ
Highlight
Share
Compare
Copy
Want to have your highlights saved across all your devices? Sign up or sign in
2026 Indonesian Bible Society
Matius 2
2
Smat ta rpandena dem ototafca ningale si rlafo bo rcuba Yesus
1Yesuse ntub mali Betlehem batang Yudea, oras cia Herodese ndadi kolano pulina. Oras cia, smat sifis ta rpande dem ototafca ningale, si rlafo polao malei rfan lali bendar isa ngahnyo Yerusalem. 2Si rfautno smat ta puli nana, “Manca e, smat Yahudina riri kolano ta ntub poca? Ningalena, amame kem ototaf isa polao ta ndadi fafayal i ntube to. Gabe tane amame klafo bo ksuba I.”
3Rlonga si du en kolano ta po Ica, kolano Herodese wlona kangela, laina bena re smat ta en mali bendar Yerusalemna. 4Gabe, kolano Herodese ncula rfayalo smat Yahudina riri imam ta rfaboboko sina fare guru agama Yahudi ta rto Musa ni kitab silim tasa. Taga nfautno si, “Co fabinga ya, i manca Mesias, Kolano ta Jou Lahatalla njaji cia osta ntub?”
5Si rcanglo, “I bo ntub mali Betlehem, mali batang Yudea, ningalena tantuba mali be, Jou Lahatalla nua ni nabina, ga tina rlefo mali Jou ni Kitabca laitane,
6‘Mewe smat Betlehem mali batang Yudea.
Biarega nimew bendarca nena, ga osta ndadi bendar ta nfoloi mali farumi bendar ta en mali Yehudana.
Ningalena mali nimew bendar cia osta en smat isa ta bo nfaboboko Ya nik smatna, smat Israelna, laisa smat ta rjaga riri dombana.’ ”
7Nlonga tina, kolano Herodese n'gogan i, taga nololaw smat ta rpande tasa dem ototaf cia. Fare nfautno si, bo nto molang popise i si dem ototaf cia ncapangna. 8Fola tina, i ncula si rfan lali Betlehem. I nua si, “Mewe ffane to lali Betlehem, fare fningo I famafia Wai cia. Gabe laisa fduk i to, flolai mali fabinga bo ya ma ifan lali bena isuba I.”
9Rlonga kolano Herodese nu fola tina, si ma rfan. Oras si rfanna, si rgaranyanna ototaf ta si demi bahnga to polao malica nfane ntuba mali sili fare nfola mali gagaw ta Wai cia ntubna. 10Oras ta si dem ototaf cia, si rcangnangna gaole. 11Gabe oras ta si rcung namul ebaica, si dem wai cia i re hnye, Maria. Fare si rcuba Wai cia. Si rcalawe riri arata gagaona taga rcapnga okosesi ta mulona mamagal bo doce Wai cia. Okosesi ta si rpona: guraci, kemenyan fare egat mur ta pauna mafia.
12Fola tina, Jou Lahatalla nfaem mahngel lali smat ta rpandena bo dem ototaf cia. Jou Lahatalla nua si bo mati rlolai lali kolano Herodes i na to. Gabe si duwe lali si riri batangna rderera lalinge nesa.
Yusuf i re Maria rpiya Yesus lali Mesir
13Oras smat ta rpandena dem ototaf cia duwe, Jou Lahatalla ni malaekatca nfaeme ni dirica lali Yusuf i mali mahngel lolo. Malaekat cia nua i, “Yusuf, mpalinge to! Mut Wai cia fare nim ngolota fpiya lali batang Mesir. Mew fteteam mana to denabe Ya ifabinga opfis mewe flolai malina, ningalena kolano Herodese niyawa Wai cia bo npun famat I.”
14Nlonga tina, Yusufe npaling, fare doramca to, i nute ntuca fare ni ngolota, taga rpiya lali Mesir. 15Si rteteam pulina denabe kolano Herodese nmat. Farumi tina ndadi i laisa re ta Jou Lahatalla nua nabina ntuba to laitane, “Ya ikololaw Ya ntukca bo ncapang mali batang Mesir.”
Kolano Herodese nfasula rpun famat wai nenena ta mali Betlehemna
16Oras ta kolano Herodese nto, smat ta rpandena dem ototaf cia rderera ta i nuna pa, i ntolena gaole. Gabe i netang orasna mulain mali si ta deme ntuba ototaf cia, sal pana taun failu to nfan mali tane. Fare i ncula ni smatna rfan Betlehem fare pnu ta ndahle manana bo rpun famat wai man nene ta riri umurna taun failu nduri.
17Oras ta si rpun famat wawai tina, tantuba mali be ahai ta Jou Lahatalla nua nabi Yeremiana ndadi to, laitane,
18“Puli bendar Rama, en smatna rtangis, ningalena rmagogoru sina gaole.
Rahele ntangis ningalena i nlolame ntuna.
Isa pa ta bo npeo i mangina, ningalena i ntuna rmate ndumi to.”
Yusuf i re ntu re bbuna rlolai lali batang Israel
19Oras ta kolano Herodese nmatna, Yusuf i mali Mesir sube, ga i nmahngel Jou Lahatalla ni malaekat isa nlafo, fare nua i, 20“Yusuf, mpalinge to. Mute ntumca fare hnye bo flolai lali batang Israel, ningalena kolano Herodes fare smat ta bo rpun Wai ciana rmate to.”
21Nlonga tina, Yusufe npaling nut Wawai cia fare hnye duwe lali batang Israel. 22Ga oras Yusufe nlonga Arkhelaus ndadi kolano niwane hma Herodes mali batang Yudea, Yusufe ndadi namcait bo nuwe lalina. Ga Jou Lahatalla ni malaekatna rfabinga i mali mahngel lolo, bo i mati nfan lali batang Yudeana, ga nfan lali batang Galilea. 23Si rlafo mali batang Galilea, rteteam mali bendar isa ngahnyo Nasaret. Tina ndadi i laisa re ta tantuba mali be Jou Lahatalla nua nabina laitane, “I cia osta smatna du smat Nasaret i.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
2026 Indonesian Bible Society